2004 年 10 月 3 日 星期日 【微冷】

今日算係好返D咁啦~冇發燒~非常好~
不過依然乏力......所以都係留守家中靜養........
唔知係咪中秋食得多,又狂食月餅~o~ 好似肥返少少喇喎.....哈哈........||||
肥唔係問題......至緊要唔好有肥腿=口= 仲有肥腰..........||||
唔得喇~係時候去跑下步keep住練氣先得...當然仲有收下D肥肉啦........||||
講起上黎,我之前都好似已經講過下要去跑步.........哈哈.....||||
我發覺自己體能差左.....唔想遲D連行步路都喘晒氣咁囉~_~"
so...........唔可以再懶懶行喇>o<唔可以~！聽朝同我去跑番1個鐘先好返學~！
今日懶懶行....我好似都冇做過D乜咁囉.......好冇貢獻既一日........
阿妹教左我用啤牌測自己究竟響人地心目中佔有一個咩席位....
尋日不在狀態,唔知準唔準呢=.= 畢竟啤牌占卜唔係我強項......
點都好啦........現在對我黎講測黎都好似冇咩用......
係啦~是日好豪地去買左一盒Haagen-Dazs...仲要係比利時朱古力味。口。|||||||
呵呵...........一個人囉住成盒慢慢嘆.....好幸福阿~~~~食甜的我總有幸福感覺.......
不過我卻有《捨不得吃掉這一種感覺》.......好想搵個艾人分享這種感覺阿~哈哈
.................唔知點解........塔羅總係好似看透我心靈深處咁囉......
抽到張牌.......話我內心深處根本孤獨寂寞.....但人前一直掩飾著....
終日都呼朋引伴將自己弄得忙不開交.....但心靈上卻不如表面般一樣............-.-
佢仲話.....為平息內在心靈空虛既症狀,我需要改變既有思想方式喎.....
唔好咁應好冇呀..................................||||
夜晚睇四葉草=o= 乜..........天秤座係咁架..............||||
..........仲驚嚇就係........而家所謂既帥哥.........就係咁架喇............??!!
仲有就係........乜原來塔羅牌可以測到哩D野架........?!!
睇完一套令我充滿疑惑既四葉草就睇獎門人....
笑死我...........笑到胃抽筋..........停唔到..........non-stop..........||||
何韻詩好鬼勁@ @D聲可以似得咁緊要~~果然實力派~~
笑足一個鐘又回歸寂靜既家...........
阿媽同老豆又掉低我北上尋歡...........嗚..........好靜喔.......間房好凍喔.........
唔講咁多啦.....早D訓,明早跑步~~看我的 .\_/.
大家沽且睇下我今次會唔會去啦........哈哈...............|||

傻笑已經成為左我哩幾日既指定動作.........哈哈................|||||

>>October 3, 2004 at 11:39:37 PM GMT+8

2004 年 10 月 2 日 星期六 【微冷】

尋日響日記先叫完人小心D唔好病
偏偏自己就病..............噢賣葛~~~~/0\
發燒.....周身無力.....感冒吧=.=
癲左一排完全唔理身體狀況.....而家先病.....算係咁啦......哈.........||||
近期日日個頭都陰D陰D痛已經知出事......哈哈........
今日間房又凍......褸著張披完全無力周圍滾.....真係變左名副其實既死屍添.....
響哩個時候真係好想有個人攬住我阿~o~一定好暖姐......
唔知點解一凍起上黎就會想有個人響身邊.......||||
今日本黎打算同新新去睇戲架.....
點知今晚要同"親戚"食飯.....所以最後都冇去~
send短訊比佢果陣,我用左"親友"兩個字......我用果陣其實已經遲疑緊.....
你知啦.........學日文既人都知哩兩個代表咩意思架嘛.........
冇計,又病到傻傻地,最後都send左........
哈哈~搞到佢打黎提及哩兩隻字............哈哈........sorry~sorry~令你受驚了
放心.........我冇咁好福份~冇人接收我~
病到唔知想講咩添.....聽日好返D再打多D野啦~
嗯 = ~ = 星期二應該會去睇2046.........哈哈.........
大家加多張披訓阿~o~唔好病阿~~

>>October 3, 2004 at 12:57:57 AM GMT+8

2004 年 10 月 1 日 星期五 【晴】

尋晚發傻發到三點幾先爬去訓.......冇計啦,太激動.....
但點都估唔到我會咁早起身,其實係頭痛到訓唔到.......
有人搵我去睇煙花.....不過我斷然拒絕......
自從尋晚玩左小煙花之後.....就開始怕見到煙花.....
現在望著煙火總令我有難受既感覺.....
但係唔出街......成日又沒事幹.......巧無聊喔......
成間屋又淨得我一個.....我真係好怕自己一個響空無一人既空間
.......我說不定有幽閉恐懼症,講笑姐.....邊有咁嚴重丫~
只係響哩個空間伴隨著就是寂寞感.....好怕哩種感覺
繼續玩塔羅......看星座......發呆.......淋下花......掃下地......
執下房.....睇下書.......有咩可以做既都差不多做過......
慶幸時間都過得幾快......好快又夜晚.........
突然有人拍門,有位漂亮姊姊出現@o@原來是i-cable既工作人員
來解釋近日出現既網路問題,仲話佢地會改機件增強傳送速度添
姊姊黎坐左一陣幫電腦檢查一下.....得我同佢,就開始傾計
問我假期仲咩唔出去玩-__-嗚......人家冇人約丫嘛~咪留守家中囉
姊姊都感慨自己假期冇得休息..........好快又人去樓空淨低我一個
開著電視.......咁岩又播煙花..................
不過我依然坐底睇......只係一路睇,一路感覺都好難受之嘛.......
越靚我就越辛苦,個心戚著痛,我諗我以後都唔會再睇煙花架喇.....
睇埋某古裝劇又去研究別的古怪東東......阿妹send左個花宮占卜既結果我.....
蘭花宮 8/10-6/11
性格苟且，所以就算有意中人，你都唔會向人明確表示，但又好自然成日詐顛納福。
互補長短情況下，你鍾意一些有能力並且明白表示出自己意見的情人。
睇落又好似係喎.....阿妹果個結果都好準丫........哈.........哈...........|||
成晚同佢icq都發傻,勁傻笑........
無聊地問人有咩可以消磨時間,佢居然比左幾個選擇我
睇戲,睇動畫,打機,睇小說,媾仔......=.=
又是媾仔...聽到快爛的詞彙...我開始討厭聽到或見到哩兩個字..
好啦....睇下朋友們有冇人得閒陪我睇下戲啦.......我都想睇2046.....
開始怕過一D漫無目的,要等時間既生活.......
夜晚突然落大雨,仲好大風.....有點凍既感覺添........要轉季了喔@_@|||
大家要小心唔好病阿~~希望我既未來艾人都唔會病啦~~(←都未知邊個.....傻傻地......||||)
係啦.....近期買左本杰倫哥哥做封面既Jessica返家之後......
就一直打開放響抬面,一有空檔就望.....不過真係影得太正......
我發覺我係中意keep住望自己中意既野--.--||||
好似杰倫哥哥咁.....視線總是離不開佢........諗深一層,得佢係可以令我咁....哈..........||||
我係果種認定左就唔會對其他人有興趣既人=.= 死心眼?? 但當然我中意睇靚野既嗜好係無抹煞

P.s. 死新開始中意叫我臭楓- -|||||| 死喇今次..............

>>October 2, 2004 at 11:46:55 AM GMT+8

2004 年 9 月 30 日 星期四 【晴】

嗚......一大清早就要起身返學啦......
上個好悶既network堂.......好在搵到可以上網既電腦,唔係悶die me
又要分組啦...好煩.......開始討厭分組......以後用一個組合咪算囉.......
點都好,點都分左,仲開始搵料準備下堂pre....
阿sir唔知係咪見我地有做下野呢-.-居然走埋黎幫我地搵喎~哈哈
有野做時間都快過D.....好快又到Econ堂......又學合併,又係分工....
仲以為今日Marco會唔返@ @點知佢會出現,仲同阿馬好襯....Boyz哩.....
而阿碧就不嬲同君君係Twins架啦~哩個唔洗講~哈
芳芳個電話好正.....這正正就是我一直想要的阿>o<我找到了~
按掣會自動開合~簡直係我夢寐以求~手感不錯說~又輕身~仲要係杰倫哥哥賣廣告添
好啦......希望盡快擁有到佢啦~~~~我真係超中意開蓋果一剎那既感覺
一試難忘.......自見到個電話就一直發癲添...........||||
癲完又神奇地我會正經聽佢up書.......大概明天是末日吧.....
下午lunch約左新新食飯=﹏= 好在佢唔介意我身邊有一班同學姐~呵呵
但我地多左用眼神交談....我幾時識D咁高深既野架...??
...............估唔到連你都咁諗.......令我開始有D在意添......
臨走從佢口中講出左一句令我想跳樓既說話.......我聽完係即時發癲果隻......噢賣葛/0\
一到課室.......空無一人......找到個位就趴趴睡,休息一下.....
越訓越熱,以為冷氣細....點知原來冇開空調.....好鬼白痴呀我........||||
一個好長既心理測驗....講到心目中想要既朋友.......
原來我真係想要D冷靜,可以分享事,並且了解我,可以不言而喻既朋友.....哩個準的說
到理想情人,我原來係想要D思想唔單純,較神秘且需要我花時間去了解佢既人
外表不一定要勁靚仔,正如中意杰倫哥哥既感覺一樣....
仲要彼此理念相若.....又幾岩喎=.= 證明我真係有用心去測哩個test架...
N樣野,記低兩樣算啦~今日Ricky堂都ok既.....冇話會悶既.......好,校園生活今日記咁多算....
而今晚就去左丁角村對面既燒烤場燒野食啦....最估唔到有個好似D場既舞台.....|||
原來哩個世界真係好細.....咁都比我見到D班光頭仔....
有靚仔哥哥幫我地透爐哩....呵呵.....我在旁欣賞抱下眼福亦是樂事=﹏=嘿嘿
在此重新聲明,本人愛看帥哥而不是愛媾仔.......找男友卻是另一回事~
我唔要日日新鮮,至憎....一個到尾咪幾好- -" 所以而家都打算搵個真真正正中意先會開始
有人同我哩個理念一樣架~~所以我唔係異類 -口-~嘿
對著個火燒野食,真係食幾多就燒番咁多脂出黎......
又對下啤咁.....不過而家一打半打已經冇咩反應lu -,-" 不過好清涼.....呵呵...
食完成班玩野,去個貌似D場既地方跳舞....我地超觸目啦.....
個管理人仲特登公告全場有專業人士教授.....超搞笑.......
跳左d正經d既.....最後就到我地班後生既好似落D咁跳=.="
死......比人以為我蒲慣........落過下D添.........>__<我冇架~我好乖架~
講真-.- 我真係冇去過架.......唉........怪我跳得太似嗎.........(反省ing.....)
阿Roy哥仲叫我下次落D叫埋佢- -....無言ing.........
呵呵....仲有煙花玩丫~係類似日本既仙女棒既煙花啦~
望著煙火....有點戚戚然既感覺.......唔知點解...
好怕一瞬即逝既感覺.........真係好怕........
明明以前好中意哩一剎既美麗.....我果然是變了吧....
我既頭痛又黎啦,所以都早早歸家,好在有人車姐.....呵呵.....
奇蹟地上線會見到Marco,原來佢都岩岩先返家-.-好正常地同佢傾左幾句佢都訓lu
佢真夠運,避過左我發傻時間........
繼續回復發傻狀......朋友們完全feel到我同平時唔同.....
不過放心~聽日我會回復正常...係而家失常左少少....

>>October 2, 2004 at 11:12:48 AM GMT+8

2004 年 9 月 29 日 星期三 【晴】

昨晚既頭痛持續ing.....但也習慣了....已經不當是怎麼一回事
果然痛這回事是會麻木的......是身體上,還是心靈上亦如是...
下午只有我跟媽兩人,所以還是去了飲茶傾計.....
有時我好佩服我媽....完全不用擔心沒工作可做....
可以選老闆而做.....她只會為值得幫的人做事,只會選有能力的人作為她的上司
一些做起來是沒意義,浪費時間的工作她是不會列入考慮中
一份安定平凡的工作,我想是吸引不了她的...
她喜歡看不同的事,喜歡努力過後的成功感,這點跟我有點像...血緣影響可不少喔...
所以我喜歡去書店打書釘,為的就是要去增加我的見識
九型人格的測驗說我一直不停去追求知識,目的是令自己可看清一切,給予自己安全感
自從今次同過勤姐做事,就了解到自己是如何不足...前瞻性還是不夠...
不過我仲細~仲有時間比我學~呵呵~
聞說我被列入了名單內...作為推行活動既助手.....
呵.......原來我在這已經有了一點存在價值,有人認同了我既能力...
很喜歡被人認同既感覺....我好需要哩種所謂既存在感
雖然我討厭所有涉及政治的事,但正正就是這種感覺,令我離不開這圈子
.........或許,當有個比到存在感我既人出現在我感情生活裡,會抽離到吧...
不過並不是要求他認同我既能力,而是比我知道究竟我響佢心目中佔有一個咩地位
所以我中意比自己中意既人攬住果種感覺.....因為真係好feel到咩係存在感-.="
我既感情世界裡係好需要哩種感覺.....缺少了就會失衡....
塔羅配合出生日期測出代表我既性格既牌......好鬼準- -"
............做事.....思考方式......都好準.......|||
仲話我有做占卜師的天份......呵呵............希望真係啦......
今日閒出來的時間就用了塔羅卜一下.....
矣......你地信唔信緣哩回事架?信唔信塔羅占卜.......??
很久以前我為我同前男友占了一次,果然事情一如所占發生...
就連他現在的新女友星座也卜過.....某次閒談中我才知曉我占的是沒錯...
分開之後就為自己再占一下....代表某星座的牌出現了...起初我不以為然....
之後到阿妹幫我占,代表同一星座的牌又出現了.....
我開始諗......係咪真係天意......到我今日再占.....又如是.........果然是緣吧......
一個雙魚座的人嗎.......我唔知道我占的準不準......但我還是相信命運.......
畢竟七十多張牌之中抽到這些已經難,而且仲要3次都中.....哈......
星座話我呢....我會係哩個星座既愛情奴隸........
只要佢比到我想要既感覺我,我就聽晒佢話= = bubu....
今日都29號lu,究竟一個真正愛我既人出現左未呢-.-" 唉...天曉得.......

>>October 2, 2004 at 11:12:19 AM GMT+8

2004 年 9 月 28 日 星期二 【晴】

今日就係中秋節啦>o<大家中秋節快樂阿~~~
是日仲要返學喔.......果然係唔洗較鬧鐘囉.......又自動起身.....-.-"
本黎唔想返架...不過為左要pre野,都返左去~
張中文譯本哩....真係睇死我.......文句不通.......咩中文黎架........||||
搞到我自己講左都唔知自己講咩....是但啦~哈哈~都完左lu
唔知點解我對中文同日文還是有點執著的說,唔中意D書既文法有問題= ="
上完堂,成班去飲茶=﹏= 做節耶~~哩個係我講既.....哈哈
班人真係好拆得囉........張點心卡好壯觀下.......
D人既關係無啦啦又搞到好復雜--.-- 咩爸爸呀....奶奶......
好在我應該冇牽涉在內吧,不過有其父必有其女又幾岩喎......呵呵.....
阿世叔伯硬係中意講D有色彩既說話,本黎冇野,又講到咁-o- 包係圓咪算啦,硬係要圓渾.......
唔可以怪我成日笑架=.= 好多野一聽就諗到之嘛.......而我亦都唔否認我思想比較上係.....
所以我一向都好羨慕那些可以一直保持思想不受污染既人....
佢地諗到咩就講咩,真摰又直接....而我都好中意同佢地交個朋友
因為同佢地傾計真係冇壓力,又舒服.........
好怕同一些同我傾計有忌諱既人......大家辛苦,你又要諗點講,我又要怕拆穿你...
有時我會諗......既然咩都要隱瞞又掩飾既.....又何必要搵我傾計呢...
當我係練習謊言技巧既對象?? 如果咁我諗搵錯人了.....我只會令人自誤為成功罷了...
我發覺越睇得多書,越見得多人,越去做社區事....就越怕朋友圈子是復雜的....
一直不怕交朋友,因為同唔同既人相處,我可以學到唔同既野....
但大多是君子之交,真真正正交心的十個也不到.....但我覺得...要交的朋友,都交到了.....
可以交心既朋友,在我世界中就好似愛情咁,寧缺勿濫=3= 呵呵
有人同我講,話我識咁多朋友,唔怕冇男友啦....話情人好多時係由朋友轉變而成
我唔否認,但係有D介定左只可以係朋友既我又好難會去諗愛情...
而就算我真係想同佢一齊,咁......佢又係咪想呢?? 好怕連朋友都冇得做,好多野好矛盾
有時在旁觀者眼中對方對自己係比較特別,而我覺得佢應該係出於朋友既關心,而唔係寄存著愛情
好多時.....唔係唔主動,而係諗唔清......所以我一直羨慕果D可以衝動,可以將理性放響一邊既人
我自問做唔到.....亦知道自己一直就是想太多,令自己辛苦,令自己煩惱-.- 白D講句....自尋煩惱
對........我就是這樣的人.........這就是我的缺憾.......典型天秤座既缺憾.........
識話人唔識話自己,成日唔應該去煩既野都攬上身煩.....-__-"
所以我對愛情都係維持等待狀態,隨時隨地等待有個了解我既人將我拉出來...
好多人話等待係一件好傻既事.....但我還是會等.....因為我是傻的=.=

中秋家庭樂-﹏- 在祖家還是最正.....
空氣正......而果種清涼感係市區唔會感覺到的.......
一個人在只有月光的小路上呆著.....而寧靜又令人會想起很多.....
天空好像會把人目光攝去.....完全感覺不到時間的存在....
我是一個可以望著天發呆數小時的人--.--|||
沒精神發呆,食食下野發呆,坐響度發呆,搭車發呆.....所以我就說發呆是我嗜好- -"
發呆期間腦是空白的,根本沒在動,看東西也可以是沒焦點.....
所以別人問我在看什麼,在想什麼,我也不知怎回答......
唔知大家響9時零9分有無望下個月亮呢...
如果有既話,雖然我地相隔可能好遠...
但我地還是在同一天空下,看著同一個景色....所以距離其實就只有那麼一點點

>>October 2, 2004 at 11:10:41 AM GMT+8

2004 年 9 月 27 日 星期一 【晴】

又響鬧鐘響前五分鐘醒左= =.....
近期日日如是....我諗緊我以後究竟仲洗唔洗較鬧鐘呢.....
anyway......好耐都未見過阿媽哩個時間響屋企啦......
同阿媽講聲早晨.....出門就講"我出門了~"......
好新鮮既感覺.........太耐冇做哩D野啦......好溫馨阿=口="
我覺得我今日完全係為英文堂而返咁囉
比Miss點左相啦......嗚........我只係想做個小人物平凡地過日子姐....
--.-- Miss問我知唔知朱雄叫咩名.....我都係今日聽左2次....好在都識讀
仲扮到好似知道好耐咁.....交足戲啦..........||||
下午食完飯回家訓........訓得好足阿~~呵呵~~~
起身食埋阿媽煮既飯就返日文lu=3=
耶..........今日班長哥哥冇返阿.............人家好想你呀~哈哈~
連阿妹都冇返-.- 不過8點打比我問我返唔返好,咁梗係唔返啦...
於是佢就話等我放......去吹下水~
呼~我好似好耐都冇咁乖乖地上日文啦~今日聽返都ok啦~嘿嘿
對學日文我仲有熱誠既........不過我學埋哩個課程都抖一抖先lu
比自己一D時間停下,自習下........考埋個檢定......
哈~阿sir話會幫我地密集式補喎~
放左學就去搵阿妹啦~~去左坐低傾計.....
佢講佢既過去.......我冇講過一句說話去安慰,又或者去開解佢
我完全係冇籌碼去講哩D說話.....所以我都只係靜靜咁聽佢講,我覺得咁係已經係最好
好多野講左出黎真係舒服好多,屈響心好難受....屈得耐,就連身體都會有反應
我唔開心就會想訓.......訓極都想訓....其實係病態吧-.-|||
點都好啦.....希望佢可以日日都開心啦......我唔想見到身邊既人咁樣.....
只要身邊既人唔開心......我都會被感染到架.......>__<嗚.....
返到家開icq又傾計......我發覺我冇朋友既話真係會死.....
一路睇住本雜誌一路發癲.....一路發癲一路打字.....一路發癲但又同人地講正經野-.-|||
我估唔到我會同人講一堆我既過去-.=" 不過我地既觀點幾似....很好....有認同感....
Jay阿>3<哩本Jessica 15蚊真係抵到爛~~~~~影到阿Jay好鬼正~~帥呆了。口。||||
白色襯衫黑色西裝set~~~~~~~呀~~~~~~~~~~好中意人著哩一個系列~~~型死
咁當然要睇下咩人著啦~~~呵呵呵~~衣不稱身,唔岩自己style就會有反效果架~
.......我既視線已經離唔開佢= ~ = 我既杰倫哥哥.....冇計,太吸引.......
佢係唯一一個可以令我如斯著迷既人.......v.v"

>>September 28, 2004 at 1:59:57 AM GMT+8

2004 年 9 月 26 日 星期日 【微冷】

傻架..........今朝七點到訓.......下午一點到樓下居然.........
居然搞咩慶中秋.....！！哩個都唔係main point
最大問題就係有阿嬋唱歌-___-
搞到我冇得訓.........嗚.................天意.................||||
好想訓.......但係又訓唔到.......
無聊下去左down南拳媽媽D歌黎聽下....真係幾正~o~
有杰倫哥哥作既歌阿~嘻~~詞也不錯說
夜晚睇獎門人= =" 笑到肚抽筋..........||||
今晚終於食到阿媽煮既飯啦........╥﹏╥" 好感動阿....
呵呵,kenny send左尋日D相比我啦~嘿
大家如果想見識下咩係自動麻雀抬~~
就上以下網址睇就得架喇=.=" 第三張就係啦....
http://hk.pg.photos.yahoo.com/ph/dark_hisoka/my_photos
仲有其餘2張就係尋晚合照啦...哈..........
多人果張就係我今年多左既兄弟姊妹啦.....|||
不過阿JACK同Roy哥都唔響樹....
冇計啦~希望第二個活動日可以影到張齊齊整整既大合照啦~
唔知未見過我既人認唔認得出我係邊個呢.....不過答中冇獎=口="
而無野好做既我今日終於有時間睇左魔王既動畫啦.......
--.-- 好鬼正........哥哥們依然好正.........
今日比人提醒左我星期五國慶有煙花睇.......
好鬼想現場睇......不過唔想一個人睇=.= 有冇朋友捨身陪我睇阿....??
不過都係算啦..........睇煙花哩D野都係同男朋友一齊睇先好........唉.........~_~"


　　§　有多少線索　在找結果　多希望你不能沒有我　§

　└別再裝成熟　說你需要我　時間很脆弱　愛情不能拖┐
　　 →別再考驗我　什麼時候　你肯為我留下來不走←


果然又係出自文山兄既詞..........

>>September 26, 2004 at 11:54:56 PM GMT+8

2004 年 9 月 25 日 星期六 【晴】

呵呵........終於有餐好覺訓=o=
但係只不過訓左8個鐘姐.....起身已經眼鍾鍾.....嗚.....
終於有日係起完身,可以一齊同阿媽去飲茶啦
對於好似我哩D成日比阿媽遺棄既孤兒黎講真係少有既一聚= =
飲完茶返家整理衣裝去某處美其名就係"砍"啦........實質.......嘿..........
嘿嘿嘿.....是日---眾人既服裝都係我特別要求而著架
3人加起會就黑白灰......仲要係長就裇衫- - 型死..........
一出街-.- 完全feel到阿媽係大家姐,我同舍弟係跟班啦....
我發覺我哩兩日都著得好"衡"下........short左- -|||| 同平時完全係兩個style.....
算啦,尋日同親戚食飯...今日就.........差不多啦..............||||||
點都好~去匯合晒班乳鴿就一齊踏場= =" 其實今日係工聯既什麼慶祝什麼既晚宴黎既....
只不過我地早已發晒信息,只要有不請自來既人黎左,我地就成班轉身離場~
其實都預左會黎--.--" 所以係咪都走架啦......仲一早book左旁邊既麻雀會食飯
不過逗留期間幾happy~o~ 我地尊貴既鄺大狀同嫻姐高歌一曲,而且佢仲有姿態添= =+
眾乳鴿都拍照留念,我當然唔例外啦~~~卡卡~~一定要send返比我阿=3=
我既好媽媽銀包張相要換啦~~睇黎我都要放下相先得=﹏=而家又冇男朋友仔~冇相擺~岩晒~
到時間差不多就拉隊去雀會食飯=口=食飯都唔係重點~
我地今次黎既目的係見識下果張會自動洗牌兼搭埋既麻雀抬
超強勁~~打完,按一個掣,推晒d牌入去佢就會自動洗,仲即時有副搭好既升上黎
太癲啦~哩個發明~~~我鄉下妹第一次見識到D咁既野囉。o。""
打牌既當然唔會係我地一眾後生仔女啦~~呵呵~~我地睇完就去左唱k lu~
估唔到.......彪哥同萬聯哥哥都唱得幾好聽喎-口-"
呵呵~今次阿Roy哥有fd響樹做,令我地有不少著數．o．
由夜晚十點又唱到朝早k房打烊......-_-" 又差不多七個鐘.....|||| 出到黎都天光.........
人地話我聽先知-.- 個個都話我唱得好勁喎..........|||||
多謝......哈..........唔知講咩.........但我成日都覺得自己實請唱得麻麻=__="
我只不過係一向唔知死,囉起咪就狂唱....唔理人耳朵受罪~呵呵
返到家打開個窗好鬼正......D風哩..........真係一流..........
所以就算我廿個鐘到冇訓都依然好精神地打埋哩篇日記先訓- -;
我怕我訓完又唔記得要打d咩.........|||| 其實而家都已經打少左好多野.....是但啦.....哈.....


　　　　　　→我猜你心中只是 just a friend 不是情人←


不過係又點~唔係又點? Just the same~一切都唔會變

>>September 26, 2004 at 7:26:33 AM GMT+8

2004 年 9 月 24 日 星期五 【晴】

-__- 又持續發夢ing........又早左起身..........今日仲早左搭車添.................|||||
我居然有時間買早餐,慢慢咁行返學.....
嗯= ~ = 不過幾中意上歐陽sir既堂.....
分組做project....最意想不到就係柏程同學會主動問我地可唔可以一組
我地不嬲都冇咩所謂架啦-﹏- 所以今次組成左一team巧新鮮既組合...
不過問題又黎喇........另外兩team咪又男女分黨....哩個問題搞左好耐....
阿sir話我地班算係冇咩圈子喎...呵呵.....咁唔好咩.........
lunch又講分組問題.....哈..........不過都好似未有定案...........
點都好啦....都好似已經有D進展...........
出面波地,無啦啦有個男仔靠近玻璃,面向我整理頭髮- -" 怪怪地.....
好在尚有幾分姿色........唔係我又發癲反抬........|||
lunch完就上班主任堂,測倉頡=.= 各同學再度發揮互助精神,非常好.....
早D做完早D走.....呵呵..........分組問題下週一再續........以不變應萬變就最好啦= =唉...
一落堂就好乖地打比阿媽=.= 成日D人硬係覺得我完全唔似同阿媽講野咁囉......|||
因為我成日第一句同佢講既就係"喂~~響邊呀~~~" -.- 好似同朋友講野咁......哈....
不過都應該係咁架喇......鬼叫阿媽廿歲出頭就生我.....佢唔係老一輩果群嘛~o~呵呵~幾好丫
點都好啦,今日身為路痴既我又要搵巴士搭去尋找成日遺棄我既好媽媽,去幫佢執總部既手尾~o~
.......幸運地我今日憑我既第六感搭中巴士......無驚無險......又到目的地.........||||
今日將乳鴿們要留黎紀念既野執好= =+ 有齊親筆簽名架~嘿
要keep既都搞掂,要囉去碎屍既都執好..........又賺左餐下午茶食=Q=嘿嘿
我地尊貴既立法局議員鄺志堅大狀又short左=.=向Ringo哥揮拳相向.....由出面攻擊至房.....||||
果然........鄺至癲哩個名真係實至名歸.............仲話聽日要見董生冇心情-,="
而勤姐都唔弱...........聽晚真的deep V嗎...........||||||||||
又聽聞彪哥哩期都不甘寂寞哩= =+嘿嘿..........
講下笑吹下水又7點=.= 即時催人走啦......今晚要做節......我怕唔叫D人永遠唔捨得走
點解舍弟打比我,同我講野永遠唔會多過一分鐘........今日仲以11秒正既時間收線-.-
我多分鐘姐.....講多兩句洗死咩.........講句BYE都好丫...........||||
之後到細姨打比我,催我快d上去,話成村人到左喇喎.....
唔知點解....我地無啦啦講講下轉左國語頻道= ="
好事好事......pastice make perfect.......我好似串錯字-.-|||| 是但啦~
英文。口。??? 咩黎架???食得架???? 呵呵.........
下次搵人講日文先......新新= =+我既測試對象可能會係你喔~嘿嘿
講起上黎.....佢個日記比人刪左喎-__-成日懶寫.....搞到冇左喇.....係咪衰呢.......
提早左既做節.......食完都歸家先......冇咩心機打牌....更加唔好講玩啤牌-.-
我發覺中意擇人打牌=.=黑我憎既我會唔打......牌品差既又唔打......要自閉打既都唔打......
比親戚話我瘦左！！！邊有可能架......食甜的,我食得很盡架喎
成日去食雪糕........屋企又有.........返完日文又食..........
仲話我感覺唔同左-.- 我諗都係因為我改左髮型同今日著得唔同左姐..........||||
又一驚嚇評語..............嚇死偶...............

聽晚可以見到一眾乳鴿們同燒鵝啦=﹏=+嘿嘿
好~即使我極討厭影相,我聽日都逐個同佢地影架喇.\_/.
數數先.....乳鴿們有Sue~Joe~Ceci~艾菲~艾雲~Roy哥~Neo~嘉連~Kenny
燒鵝大哥萬聯兄-.- 我都唔知佢幾時改哩個大名..........|||
仲有好多阿。o。|||||| 十幾廿個人...........||||| 我會努力架喇............||||
今日睇返之前D相.........又幾好喎..........呵呵...........

>>September 24, 2004 at 11:43:11 PM GMT+8