2004 年 10 月 13 日 星期三 【晴】

又返8點半啦.........哈哈.................||||
上歐陽sir堂添..........乜個名有個雯字就一定係斯斯文文架...........?!
......哈哈........原來呃得下人喎..........不過天秤人一向比人既感覺都係咁樣吧~
是日上堂冇咩特別,冇咩驚喜....食完飯又要等時間上堂......又打康樂棋.....
不過打果個唔會係我~呵呵~而我要做既野梗係坐埋一面發呆啦.......
個頭N痛.....個胃又痛.....不過習慣了...
講起上黎我發呆哩個習慣係近年黎先開始吧.....N年前我唔係咁架囉..........||||
病因不明..........算啦~又唔係咩壞事.........唔諗lu~
而今日發呆期間突然feel到有不祥感........即時move左去第二個位......
點知隔左一陣,個排球就正正打向果個位......好在走得快姐-,- 唔係食到應.....
無幾耐我又坐番去差不多既位置喎,今次個排球係離我耳邊2寸咁掠過..........
果然我既幸運唔係一般的強................-.-|||| 直覺也不是亂來的說.........
真係唔知點解.......我係睇起黎比平常人總係顯得特別幸運......
打online game就狂打寶....網上幾廿萬人抽封測acc又中喎.....以前想讀ITAT又入到喎.....
幸運之神原來每個moment都響我身邊.............
等上堂期間除左證明左比人睇我既幸運值有幾強勁之外...都有其他既事既-﹏-
大家康樂中我就去搵過下新新,終於都見到果個傳聞中超似古巨基既男仔啦
本黎睇落都唔似,點知一望個正面.................激似！！嚇死我......
仲有就係豬比姊姊打黎搵我丫~~佢原來每個星期三下午都off~~羨慕ing~~
問我得唔得閒一齊行下街.....我都想阿,不過要上堂~_~又唔可以走堂喎,事關我走過啦....|||
傾傾下佢say怕阻我,梗係唔阻啦....me要等時間不知幾慘阿~嘿嘿~拉住佢繼續傾-﹏-
佢原來有新開始啦~不錯不錯~但估唔到又係............哈哈~算啦~緣也~
得閒卜下先得~me對人地既野都有莫名其妙既興趣....難聽D講句就係八=口=
我對一D未知既事都好有興趣,所以我研究塔羅星座等等既野.......
講講下又到我果筆--.-- 我阿.....都係聽天由命啦......
只係有個人響身邊好似好D之嘛.......-o-"戀上有個人比自己依靠既感覺..........||||
我唔介意繼續我既空窗生涯,但我都唔會介意去開始.....合之則來,如此而已
唔好佩服我對感情既處理態度.....唔好叫我師傅.....
大家性格同睇法都唔同,我做到既,你未必做到.....我會做既,你都未必會做.....
何況做得師傅既話,我又洗乜響樹諗我既過生日會點過呢...╥﹏╥"
不過我而家慶幸緊......聖誕係極有可能唔洗再織野架~~哈哈~~~~~~
仲記得年年間房凍到死,織到手都彊.......不過見到送比果個人開心,自己都開心既.....
點都好啦......相信響身邊既幸運之神會眷顧我搵到一個鍚我既男朋友哥哥
P.s.成日有人睇左我日記問我點解要講"男朋友哥哥"............|||
唔係話我想要廿幾三十歲既哥哥....而係一定要大過我囉.....大我一日都係哥哥= =+
接受唔到細過我......細我一日都係弟弟.......哈哈........|||| 就係咁~我既執著....

>>October 15, 2004 at 2:05:56 PM GMT+8

2004 年 10 月 12 日 星期二 【晴】

巧眼訓阿.....but都打埋個日記啦.....真係怕聽日已經唔記得今日發生過D咩事...........
我發覺我D記憶細胞成日中意無啦啦delete咁D野.....
但有D我唔排除係因為我唔想記起而啟動左Auto-delete程式.....
今朝一早比個電話嘈醒左........救命.........but係婆婆打黎.....冇得怨~o~
達返落床再尋夢去.....近期又成日發D奇奇怪怪既夢......要啟示我D咩嘛.......??
唔知點解......由細到大發親D夢有部份會完全地重複一次咁實現.....
.........我總係同D非科學可以解釋既野有聯繫......--.--|||
點都好啦.......又搭早左班車......但今日有點特別既係有個靚哥哥@o@"
靚既野在我角度中永遠係可望而不可及......睇下就夠=﹏=嘿嘿
上魯sir堂本黎冇咩野,是日有點特別的是程嫂大駕光臨耶......
原來開始左架喇......??哈哈.........不過就算唔係,都只不過係時間既問題姐~
但難免有點痴纏既感覺~o~ 嗚......唔好曬幸福啦..........好羨慕阿.........
班主任堂又excel..........sos...........到Director堂又無無聊聊咁過.....
影相.......no idea.........咩都冇.........個心對我發出抗議令我創作力=0.....
我往往忽視佢既呼喊.....無辦法啦........我衰........我接受........
搞掂晒join返阿妹就去睇機場客運站.....呵呵........真係巧巧睇阿>﹏<難怪大家都叫我要去睇.......
命中注定嗎..........某程度上我幾討厭哩4個字.......
一直以黎並不相信這回事,直到有人令我開始接受......
令我開始去相信"命中注定"既想法.........之後再推我落谷底......
另一個角度睇,就是注定我要經歷咁既痛嗎.........??
這一切都係命中注定嗎...........??? 對別人來說可能是一句很美麗的話.......
但對我來說大概是最痛的話........開始怕跌.......因為一次總比一次痛......
即使現在已經麻木了.......還是怕.........開始唔想再行.....因為唔知幾時又再跌倒.....
我終於認真咁講左哩D放左響心好耐既說話出黎啦......-.-||| 哈哈........|||
而家心底裡是多了對感情既不信任吧.....同人係冇關係....我真係一D都冇憎任何人...
大概就因為咁所以停止了接收一切關於愛情的訊號~唔怪之得變遲鈍了=.="
終有一日會有個人拉我一把吧........我是這麼想的......所以處於順其自然mode中.......
但身邊既人唔知點解硬係要迫我做我唔想做既野......要我煩唔應該煩既事......
好憎......好厭..........好唔想咁.......好辛苦.......迫到我開始怕......唔好再迫我好冇呀..........
..........我覺得我終有一日會頂唔住,會反抬.........

>>October 13, 2004 at 2:17:06 AM GMT+8

2004 年 10 月 11 日 星期一 【晴】

尋晚掛住睇死亡筆記,搞到差不多三點先訓......
今朝起身爆頭痛.......曾一度想唔返........
不過媽媽響樹-.-又懶得編個理由而唔返.....乜佢今日唔洗返工咩...........||||
點都好啦.......我始終返左...........上我至憎既英文堂........
唔好再問我啦........我真係唔想諗野呀.........點解要勁問我喎......
不如咁丫.....用日文上堂丫...........-__-||||
英文........真係佢識我我唔識佢........我既英文水平完全維持響小學水準吧.......哈..........|||
好辛苦咁捱完就去食飯.....lunch完又上廢sir堂.........又睇黃占果個talk........
好想訓......but訓唔到..........你知道哩種感覺係幾咁難受嘛.........
之後仲要上歐陽sir堂。o。||||| 我快要崩潰了.........
不過上佢堂還好....好過魯先生或其他人........完全覺得自己今日係捱時間...........~_~
返工返學最辛苦唔係多野做.......而係要捱時間.......賣葛/0\
睇Game書.......已經覺得厭-.- online game千篇一律.....我打得仲勁過D所謂編輯.....丁......
而家寫Game書既真係要檢討下.....冇料,一味抄網上資料--.--|||........文筆唔掂,文句不通.........
男既掛住媾女,女既就姣四等仔媾,不過幾佩服佢地......
因為即使係豬扒都大把仔上門=.=" 我唔恨得咁多架喇.......哈哈..........||||
大概網上就係咁吧......不過最差就係一直keep住同所有人有曖昧感覺...
到擇到個ok既拖友喇.......就理都唔理佢地..........-,= D咩人黎架.......
哈哈........幸運地同左佢地一齊果D,我諗要有遲早比人飛既心理準備囉......
.......................我講得太投入添........哈哈..........始終哩D係人地既事嘛~邊到我理~~
Ps2.....好多game想玩........多羅羅啦.......戰國無雙猛將傳啦......狐忍啦........
but冇改機.....冇得買翻版......而家先改又好白痴.........但又冇錢買正版......
有冇人借部改左既機我玩返一兩個星期呀~o~如果有,我就愛死佢.......哈哈........||||
今日依然心煩中..........係身邊既人令我覺得好煩......完全唔係件事既問題囉~
越講就令我越炆薑,我覺得好多野唔應該做到咁下哇.........
唔知！唔想知呀~就算事情真係咁,我都唔想知~唔想煩~~~好憎D咁既情況

　　　　　　《暗號》--- 周杰倫

　　　　我想要的　想做的　你比誰都了
　　　　你想說的　想給的　我全都知道　←哩種關係非常好--.--||||
　　未接來電　沒留言　一定是你孤單的想念
　　　任何人都　猜不到　這是我們的暗號

　　　　§　他們猜　隨便猜　不重要　§
　　　　　連上彼此的訊號　才有個依靠
　　　有太多人太多事　夾在我們之間咆哮
　　┌雜訊太多訊號弱　就連風吹都要干擾┘　←太多人太多事真係好煩=.=

　　　　可是你不想一直走在黑暗地下道
　　　　想吹風　想自由　想要一起手牽手
　　　　　　　去看海　繞世界流浪
　　　　　我害怕你心碎沒人幫你擦眼淚
　　　　　別管那是非　只要我們感覺對　←好岩既一句>o<哈哈~
　　　　　我害怕你心碎沒人幫你擦眼淚
　　　別離開身邊　擁有你我的世界才能完美

P.s.打哩首歌既歌詞出黎唔係因為有個咁既人存在響我世界之中...
而係覺得某幾句真係太正-.-.......當然亦都好想有個咁既情人......哈哈.........||||

>>October 11, 2004 at 8:32:13 PM GMT+8

2004 年 10 月 10 日 星期日 【晴】

今日係雙十節耶......不過冇特別既感覺=.=
好似同我冇咩關係咁囉......||| 是日哩篇日記係補寫的啦........
所以我基本上都唔記得點過.......細節上都差不多忘得一乾二淨
係飲過下茶......傾過下計.........上網睇鬼眼狂刀咁囉-口-""
《討厭接受別人的施捨,但更討厭自己的東西被搶走》....這句令我有點深思...
螢螢用笨笨樣子的雞仔飯碗好Q阿~o~" 一個理所當然待下的地方嗎......
《明明不喜歡.....但不希望沒有它......》.....
很多人或事,看慣了就會覺得其實還可以吧.....嘿
果然當某事變得理所當然.....這不知不覺既感情係最可怕的-口-|||
一種我最怕,但又經常發生響自己身上的感覺.....賣葛/0\
夜晚等食飯等得好辛苦阿.....唔係等野黎.....係等人離開麻雀抬囉........
我一度係想出去食就算.........因為出面人地打邊爐真係好鬼香............
而且都成9點半啦..........我non-stop咁同我老豆講"爸爸.....好肚餓阿.....去反映下啦".....
就因為我咁做先有得食咋.........嗚............
食完返家又沉迷左去睇漫畫.......今次係death note..........哈...........|||
死啦,仲有好多漫畫要睇呀...........我D時間開始唔夠用啦......................
我發覺我開始有個癖好.........
就係當我有好多野煩又或者唔開心既時候,就會染髮.....
根本唔在乎上唔上色.......只係想染.........
而且我都唔想人地知我染過=.=..............
哈.......我相信第二日都唔會有人發現我髮色有D咩改變
點都好啦.......染髮都唔算係一件咩事........
近期太多人太多事........令我覺得很煩很厭.........
一件本黎唔應該煩既事,就因為種種因素搞到我要去煩.......
好煩呀~~~~~~~~~~~~~~~~~~~~~~~~~

>>October 11, 2004 at 7:45:07 PM GMT+8

2004 年 10 月 9 日 星期六 【晴】

又一朝早就起身--.-- 去做我而家每日迫自己做既事.......哈哈........||||
好中意清晨既空氣........真係好正~超舒服~唔知我哩個決心會維持到幾時呢=﹏=
如果有埋靚哥仔望下就更好啦~不過冇丫~但係都無所謂~
哈哈........而家我係咪應該修心養性咁等將會照顧我既男朋友哥哥呢~o~
不過我諗我係絕對改唔到中意望靚既野哩個習慣吧-.-
我唔係只會睇靚仔架...靚既野我都中意望.....真係唔知點解.....
點都好啦~如果有一日我同大家講我改到.....咁第二日一定係世界末日
但睇靚仔哩回事其實冇咩野丫......如果拍拖....絕對唔會因為咁而散吧.......
如果因為咁而散都唔洗傷心啦=.= 哩D咁既人根本唔值得留戀~見異思遷~比雷靂阿~
所以我係超唔了解點解D人會介意哩回事--.--
男又好,女又好啦...成日聽到佢地會因為咁同友人鬧交.......真係百思不得其解.........哈..........||||
下午去左又一城join新新食lunch......個食階N多人.........
而家果樹居然有味千.........有甜品店.......好驚嚇下................||||
結果最後係買返去食架.........返到去,新新既生牛河已經變成熟牛河喇.........哈........
食完我就開始我今日既工作~o~ ........format過......再裝過......but我係好討厭家用版既XP架.....
裝過都係搞唔到上網.......響我開始想放棄果陣用左D偏門手法.....點知得左喎..........||||
哈哈.........巧神奇..........果然沒有期待反而會成功-.- 好野.....唔洗再搞過......呵呵.......
得左果個moment同新新係開心到癲左咁傻笑.........
睇埋26期既鬼眼狂刀........呵呵......螢螢太正.......幸村哥哥都好正v.v
近期PageOne冇咩好書睇既......只有一堆雞年運程既書......無奈ing...........
傳聞某人日日夜歸....返黎叫腰痛又話累......某日件衫返黎仲係扣錯褸.......
此等超令人誤會既舉動真係......嘿嘿.........又難怪會令人想入非非既~
不過我覺得佢唔係既..........哈哈....................|||| 希望我估得冇錯啦~唔係既我會爆笑......
夜晚去酒樓食飯.......個芝士蝦伊麵真係好正-口-"
不過D野食點好食.......都冇咩特別深刻既感覺......
唔知點解只有甜品先可以令我有果種深刻既幸福感覺.......又一個謎..........
今日好多野都好謎...............

阿媽終於選擇左做邊份工啦......果然係擇左份長遠D既黎做.....金牛座耶.......
耳..........本黎仲以為佢做哩份工我以後就日日有飯食添.....
點知都可能冇........點可以咁架........快D要求早放,話仔女投訴冇飯食啦.......
.........嗚...........................好想日日有住家飯食呀............>__<嗚..........
╥__╥ 聽見人地日日有湯有飯........不知幾羨慕........幾恨自己都可以咁.......嗚...........

>>October 10, 2004 at 1:14:32 AM GMT+8

2004 年 10 月 8 日 星期五 【微冷】

唔知點解......今日一朝早屋企總係好多電話........
至衰就係成屋得我一個.....我又訓緊........勁想唔聽.........
不過佢地響唔斷氣,係都要迫我聽.......嗚........-__-
搞到我勁眼訓都訓唔返.....賣葛/0\
下午就一直玩個測智商既遊戲虛渡左.....
http://www.fasco-csc.com/ ←有興趣就去玩下...入到去玩右邊果2個喎~
第一個就要搵13件野......有人say全世界唔超過4千人過到喎.......
我就係果4千人裡面既其中之一??.........乜我有咁勁既咩..........||||
而玩第二個玩左我N耐......不過都順利過關........
玩完之後都依然唔覺我係聰明=.= 我覺得我只係神樣級RPG玩家罷了
阿妹send左幾個玄學野比我睇......咩姓名學....N樣野......
不過個個都令我好驚嚇......可以準得咁利害既...............哈哈...........|||||
一路玩.....一路持續傻笑ing..................|||| 準到我完全無言.......
新新format過部機.......唔知點解上唔到網-.-耐何我係唔識教人點做,要親自先ok.....
於是我地係傾左個幾鐘電話架.......唔緊要~我大把分鐘~~
聽日要去佢家幫佢整整-﹏- 希望一切順利啦~~~哈哈........唔得既話我以死謝罪啦........||||
非常好~原來我地得星期四係夾到時間可以一齊食飯-.="哈.........
聽完佢講佢既同學令我完全feel到佢平日有幾無奈...............||||

你的靈魂本質：
你是一個很陽光的，很有智慧的人。你很有創造力，喜歡自己動手作一些東西。很知道如何獲得你想要的東西，也很理性。善於教導別人。代表這個瓶子的塔羅牌是”皇帝”，代表你是一個有領導力......(下略).............仲話我胃痛係因為佢提醒我做事別太理智=.=

你的困難與挑戰：
你的心想唱歌，可是你不給他唱；你的心想跳舞，可是你不給他跳；你的心想遊戲，可是你不給他玩；你的心想表達，可是你掐住他的脖子。所以你的心在抗議了，他讓你覺得悶悶不樂，他讓你覺得生命是個負擔，他讓你覺得生命缺乏樂趣，他讓你覺得自己是個無趣的人，他讓你缺乏創造力與想像力，他讓你無法表達你自己。

你的當下：
是一個有創意的人，與遙遠的過去有強烈的連結。用精確和流動的方式來傳達這份智慧（例如經由寫作、演說、藝術性的表達方式等等）。與潛意識有緊密連結，而且能夠把來自那個領域的一切事情處理得很好例如，夢。

........我既困難佢又講得幾鬼準=.=" 哈哈........我就是忽略內心呼喚........
前幾日玩塔羅又係咁告誡我.................哈哈.............|||||

>>October 9, 2004 at 12:41:57 AM GMT+8

2004 年 10 月 7 日 星期四 【晴】

又8點半-__-||| 不過好在尋日進入左冬眠MODE.....
訓到今朝6點幾就醒.....欄去沖涼....時間剛剛好.......
開始習慣搭早一班車......因為我確實須要時間去發呆.....
搭車就望風景發呆....落車一路行都繼續呆....返課室呆一下.....叮~！醒....日日如是,如此而已
Networking做堂課=口=哈哈........ok啦~~有埋死老野幫手更快~哈哈~合作無間呀~
出去per.....還可以吧.........哈哈................|||
上business係我feel到最無奈既堂.....望住一埋英文好迷茫.....理論我識既.....
but係完全聽唔明個阿sir up乜囉........assignment D問題又好迷......不過都應該ok既....
嘿嘿~~我要比大家知道~~信任我會是一件多麼愚昧既事~~
今朝食個包有粟米......lunch又食粟米添.....-.- ||| 買左先醒悟我又傻左..........||||
食完眾人又呆.....無聊下我又去左圖書館呆一下,睇下書....不過都冇咩書好睇..........|||
唔知點解Racky上我地堂好似好開心咁.....成日狂笑-.- 是我地令佢咁嗎??
成堂我又發呆......睇黎我人生中有N耐係發呆時間.........
放左學又要趕去換證....又要影證件相.......影完我睇一下,完全懷疑果個係咪自己=.=
........D缺憾唔見晒.....好似執過咁..........靚左咁多既..........|||||
我真係唔可以唔佩服即影即有相既威力.....再用下張相拼落我身分證度睇- -" 乜後生左咁多既.......
再拼埋去我3~4年前既相度...............完全係兩個人................||||||
所以........相.........真係唔可以盡信.............-.-" 真係.....年中真係唔知有幾多無知青年就咁比人呃...
不過自己睇落幾happy架-.- 真係後生左.....同ok左.........同一年前既我相比都已經好唔同
藉著阿媽既關係,係唔洗排隊就搞掂- - 期間有個阿叔同個哥哥仔嘈.....
薑呢.....真係越老越........句句言之有物......個哥哥仔就淨識講"仆雞仔".........|||
我同舍弟一聽到係即噴笑-.=" 一聽到兩個講"有種就黎打我"哩句...就知一定冇事會發生.....
仲有就係有兩個北姑+一個麻甩佬響樹又吵.......
而家D人真係燥底.....可能因為秋風起,食得太多野味卦........
囉完證,我又未夠鐘去送死喎........去左行街........終於比我買左個腰袋啦~哈哈
行完街去左某間食野-口-好鬼正......D野真係巧ok........
食完又趕去送死..........哈哈................測完都知應該pass既.......
last一日,唔記得問班長哥哥........不過算啦~只是有點可惜罷了...
唉~終於都完啦......可以休息下~今日LAST一日呢~又去左飲酒......哈哈..........|||
阿妹話多謝我訓練佢酒力.......哈.............|||| 佢老豆醉佢都未醉............||||
飲完就乖乖返家沖涼訓........真係好眼訓............精神透支= =

>>October 8, 2004 at 2:14:44 PM GMT+8

2004 年 10 月 6 日 星期三 【晴】

又早起身呀.......嗚............尋晚打打下日記就訓著左...........||||
今朝返學過程中完全係處於發呆狀........
我發覺自己早返既原因完全係因為返去就訓
又唔洗遲到又可以繼續訓.......一舉兩得.........
早課冇咩特別事發生........好快又放得....唔知點解上歐陽sir堂好似好快過咁.......
食野期間突然想起Marco應該唔知要返點半=.=終於叫左佢既老死通知佢.......哈.....
食完野,行返上學校.....眾人硬係行行下會落後N遠.....得返我同阿碧.......同佢傾左好多野........
哩幾日黎......好多人好多事令我覺得自己真係超幸福的說
我有一個好好既屋企....自細又冇受過D咩特別差既待遇.....
只係自細就學懂了照顧自己,因為我有這樣年青的父母...
我一直既際遇亦好得連自己也覺驚訝....
多年來有很多機會比我去學唔同既野,去接觸唔同既人.....
各人也給予我空間發揮,真佩服他們的膽量....居然咁放心由我....
直到現在參與涉及政治遊戲既內部工作.....真真正正懂事了,也世故了......
拖也拍過了,心也傷過了,亦更清楚了解自己想要既愛情是什麼,亦深明與情人相處之道
愛情文藝片來說..........2046給我感覺很深.........
有人話,20歲前點都要拍下拖先叫完滿.....都唔係冇道理既...因為戀愛會教人成長
但當然要用心去愛先會有所得著吧......為拍拖而拍拖根本係冇意義....
又有人問我究竟有咩目標.......我一如以往只會回應"冇"
我從來冇諗過什麼偉大理想,要幹一番什麼大業.....
一直既願望就只係可以開開心心咁過每一日,可以同自己中意既人一齊,如此而已
太煩瑣的不適合我,是愛就告訴我,不愛就不要幹這麼多令人誤會的事,曖昧關係我很怕
近年來開始怕事情繁複....生活~什麼也好......簡單化就好....
...............我對愛情太仁慈嗎.....? 近來一直有人咁話我.......
分開再做朋友真係咁難?? 我覺得可唔可以是要看自己怎想吧.....
情要強留的也沒意思....點解唔灑脫D呢? 如果問題不在自己,他終會明白,會回想你的好
如果問題正正出在自己身上,這亦是沒辦法吧~就給自己下台階會比較好過點
愛情喔.......細水長流不錯哦......平淡中又不失變化.....太熾烈的總會像煙花一樣一瞬即逝......
結婚的話總像被困鳥兒,想飛飛不了.....兩個人是愛就不會分開吧...何必要這樣的保證....
愛情是雙方,並不是單方面的保證就可一生一世的.....
如果有個人同我一樣諗法,理念差不多.....
而我又一直不討厭佢........我覺得我會不知不覺愛上佢-,=" 哈哈.........||||
星座話我既宿命姻緣會係性格相近架=口=" 又發傻添....................哈..............||||

>>October 6, 2004 at 8:50:23 PM GMT+8

2004 年 10 月 5 日 星期二 【微冷】

一朝早返到去居然一個人都冇......幾驚係我搞錯......
不過好在......無耐之後就見到阿凝同阿葉~咁我都定D~哈哈
今日正正式式證實我眼部正常架.\_/. 冇色弱等問題......哈~!
原來我drop既notes算係整齊企理........哈哈..........||||
一路上堂一路肚餓ing........胃又開始痛........但上完歐陽堂仲要上魯sir堂......我快餓死了.......
唔知點解呢.....我好似放多左心機聽書......不過反正唔係咩壞事....-﹏-是但啦~
餓左N耐,突然又好似冇左果種饑餓感....但落左堂我係無力地爬去飯堂架...
之後又眼見一如以往冇選擇架......但今日我既唯一選擇又變成咁.....嗚........好在有人陪我姐....
食完去搵時間,睇下有冇機會換時間表.....唉...............
就算有咁又點丫......阿sir最後都以自己為優先決定.........努力過後都係徒勞無功....
上班主任堂居然玩excel......賣葛/0\ 仲要幫別班對卷...........賣葛agina.......||||
係啦~我近期兼職做神婆呀~有興趣就搵我占下野啦~講下星座都無問題架~
其實因為我無聊...........我開始覺得自己係蛀米蟲.......冇貢獻.........嗚........
人地寧願辛苦自己都唔要令屋企負擔自己既費用.....我就只係得閒先兼下....../__\"
........今日cancel class可以早走.........唯有返家啦......bubu......
但響家坐左冇耐又出過去=.= 去城大搵せんせい.....
一入到城大,就見到N群人響門口同城大講byebye.........||||
入到去,又出現N群學生會候選內閣........無奈ing......
響飯堂坐左一陣我又要走......去搵新新睇《2046》.....
本黎想偷渡幾個葡撻入去食-.- but新新又冇和議我喎......搞到我打消念頭
入到戲院佢先同我講佢都諗應該買入黎=口=...........
放心啦~下次我諗到咩,我都知你都係同我一樣咁諗,繼而實行架喇.....
帶位姊姊問我地洗唔洗帶位,本黎我諗住唔洗~不過佢講到就帶啦.......哈...........|||
一入到去空無一人.....嗯=﹏= 當自己屋企得架喇........隨便坐..........又傻左.........||||
《2046》是一個不會改變的空間....而哩個空間往往令人眷戀.....
從來冇人知道離開2046要花幾多時間,會去到哪裡...........
但要是我,即使旅途枯燥痛苦,會受傷,到達時間遙遙無期也好....
我還是會跟木村一樣選擇離開....去尋找那個自己愛的人.......
《每種記憶都是潮濕的》......你知道嗎..............??
你知道從前的人怎樣收埋秘密嗎.....就是去山上的樹下掘個洞.....
對著洞說出自己的秘密,然後再埋好....而哩個秘密就會永遠冇人知道.....
《其實愛情是有時間性》............你明白嘛??
時機不對就算有緣...始終會是無份,早點認識又或是遲點認識,結局自然會不一樣
有時相愛卻錯失了時機.....根本半點不尤人.....究竟要怨天,還是自己...?
人往往過去了才知曉珍惜自己所放棄的,但又有何用.....?
時間我可以借你,但《有些東西我是不會借給人的》.....
有時候究竟是遲鈍,還是不想面對.....是痛過後麻木......還是保護自己......
.........而不知不覺的感情是最恐怖的.....-.-" 因為這就是慢性中毒............
中毒初期並無病徵....到間歇性發生若有所失既感覺,毒其實已侵入五臟六腑,沒救也...

>>October 6, 2004 at 7:15:22 PM GMT+8

2004 年 10 月 4 日 星期一 【微冷】

哈~哈~~~~~~~~~~我講得出做得到架= =+真係起左身去跑步~~
我都覺得自己好勁架,明明尋晚訓得唔好都起到身喎~
都唔弱--.-- 都keep到下好似以前咁跑..........哈哈..............||||
可惜既係冇靚仔哥哥見下~_~冇計啦......哩個時間.........唔洗返工返學咩.....
我知夜晚有架.......因為我次次日文放學,響差不多既時間都見到
仲記得有次down得滯早左兩個站落車,果日仲落著雨既.....
漫漫長路,淋住雨,個哥仔練緊跑,其實之前已經見過幾次=.=
唔知點解佢會走黎問我"冇事丫嘛你........" 我果個moment係呆左-.-
居然有人關心我.......仲係一個連名都唔知既人......某程度上我幾怕比人搭訕.....怕生保=.=
回過神之後應番佢話冇事我就走lu......哈...............回想起我又好似冷淡左少少.........||||
雖然跑完冇咩野,但始終都係未訓夠,上到車中中下.....爆眼訓............||||
英文Miss易左手........今期變左俞琤..............||||
真係巧俞琤feel......唉........但我既命運依然冇變.......都係狂比佢叫名答......
我肚又餓.....胃又痛........而家冇情就自然更加唔可以飲水飽......
缺乏能量既情況下我又係呆左架..........哈哈.............||||
好辛苦先捱到lunch咋~o~ 少事不提......Yuki概括黎講真係純得可愛......哈..........
相信會吸引到唔少男仔既歡心~唉............me無望架喇.........嗚........╥﹏╥"
樣又冇,咩都冇.....實在冇咩可以吸引人......講下講下開始down添
算把啦-﹏-||| me都係單身到入土為安架喇.......哈哈........||||
君君幾好丫~我都話一野同佢講清楚就最好架啦~哈哈~而家咁咪幾好~
唉...........見到人地咁好,又睇下自己............持續down.......ing............
緣份........幾時會到我丫~不過亦明白強求只會令自己辛苦~
好~~~現家要做既就係改革思想~~~~改改改~~~唔想再困住喇~~~~吼=口=
突然間好想玩海盜船嗌餐飽............大嗌"好煩呀~~統統閃邊去~~"
好想玩笨豬跳........好想響幾千呎高空跳降傘........
好想咬人~好想打人~好想搵到個自己中意既人不顧一切咁同佢講我好中意佢~
亦都好想佢會同我講佢都好中意我~~~~好想就咁開始簡簡單單既戀愛~~
好想咩都唔洗煩~~~好想去日本流浪~~~好想知道塔羅係咪準得咁可怕~
好想~~~~~~~好想好想~~~~~~~~~好多野好想~~~~~~~~~~
..........好辛苦阿............好多野得我一個人承擔真係好辛苦阿........
但我辛苦極,我唯一唔想既就係死..........
有人借個膊頭我喊一晚嘛..........
今晚有點失常........嚇親大家添...........sorry.........
亂up一堆舒服D lu~~聽日又會冇事架喇~放心啦~~

>>October 4, 2004 at 11:14:23 PM GMT+8