2004 年 11 月 4 日 星期四 【晴】

=__= 唔夠訓.........今朝成7點8個幾字先欄起身返學
好辛苦阿.......嗚.......又發燒喎.......搭車幾乎訓到唔識得落車.......我就黎癲.....就黎崩潰了...........
買個包一路咬一路行條奪命樓梯.....
返去第一堂仲要做assignment....好在得各同學發揮互助的精神,總算完成......
上廢sir堂我第一次走去食早餐-.= 唉....
點解個阿姐係都唔徵詢我既意見,硬是迫我食我唔想食既野喎.......
不過其實冇咩事既......痴左線......怨下only.....下午lunch食唔落就去左圖書館睇下書咁啦......
上Racky堂又傻下咁啦......原來我D account都未放得低晒......yeah- -v
下次都係唔飲納米水.....太易吸收....搞到我好似比花姐傳染左腎虧哩個症狀咁........哈.............|||
放學同阿碧一齊行-,= 又比眾人行前一點點,傾下計咁......
又不明地發覺,同我合得來,癲得來,傾得來既人都有同一個特點....
就是不經意地步伐一致,協調無偏差.......
哩樣野已經唔係今日既事,一直都係咁囉............呵呵..................||||||
嘿嘿=口= 似乎Marco從D新界人感染到病毒,開始會撞到D奇奇怪怪既人同事
花姐今朝已經同我講佢又撞到D怪人啦......
冇計啦~我地班新界人太多,受感染都係無可奈何既事~~哈
好在未到我姐..........不過睇黎受感染之日都不遠矣..............||||
返家之時同佢都feel到肚餓,就去左買野返去食......
個肉桂蛋糕食落原來都非常ok喎=.= 但我唔排除因為我中意食甜點....所以先........哈..........|||
食左成個餐仲囉盒雪糕對........無錯啦......我就係要為谷肥自己而努力緊.....
講笑就好........其實不知幾怕多左豬腩肉.......不知幾驚又肥左唔知響邊.......
幸而我現在狂食都算係keep得返.......呵...........
食完又訓.......因為真係唔多掂.......只係訓到8點幾又比阿媽鏟起身食飯之嘛....
太醒目啦~我既眾家人-.- 知我下午食通粉,見埋我起身個死樣就知我病....好野~果然對左十幾年~
.........我開始加入睇秋官既行列啦.......賣葛/0\ 睇見香姬同韓信就令我諗起某D野
小堂弟生日有隻熊仔送左比我,唔知點解每當望著隻熊都會有好warm既感覺
響間房,對著個電腦,拿起隻熊.....時間就好似停留左咁.....好奇妙.....未試過.....
尋晚輝哥講左句野好應下-.- 搞到我當堂無言.......唉........
......一諗野就開始頭痛,我睇一時間都解決唔到既有問題-__-好鬼憎自己~~~好似拖時間咁
而今日最開心既事都莫過於新新同我講有飛睇杰倫哥哥既演唱會~仲要係400>o<呵~
但係唔知係邊日呢=﹏= 希望會係尾場啦~~anyway~~就算唔係我都咁開心~
事關又可以親身見到我艾人~~~~~耶~~~~~~~
做得我艾人,威力都好大下,無論我幾唔開心幾累都好,一見到佢地就咩野都唔記得lu~
發覺而家某部份男仔真係唔多掂.....以為用銀彈政策媾女就好......
講真丫-,=就算媾到都唔方長啦.......要用錢黎維繫既真係晒氣
媾件豬又無謂,靚既話唔貪你錢真係貪你靚仔咩-.-自量下啦.......
............呀.......又莫名其妙講哩D野添.......不過就係睇唔順眼囉出黎講下~哈

>>November 4, 2004 at 10:44:39 PM GMT+8

2004 年 11 月 3 日 星期三 【晴】

冷靜.......我確實需要空間去諗所有事.....捨棄理性數天,係時候停落黎.....
雖然有點自私,但我覺得係應該咁做
哩個係最好既方式去解決一直累積既結
.......停左幾日既頭痛又回魂啦,今朝完全係痛到寧願整暈自己.....
所以都miss左歐陽sir既堂>__<嗚.....
不過下午都返左去,諗住整理下要交report既資料
我發覺響屋企係完全冇想掂資料既感覺囉........|||
上完條奪命樓梯行左無耐,花姐同阿碧居然氣來氣喘咁叫我
原來佢地響樓梯尾見到我之後追上黎........哈..........辛苦晒............
響咁遠都認得我,原來就因為我個腰袋=口=.....果然橙色還是太出眾吧......|||
我睇黎要換返個不引人注目既袋先得........
嘻.........聽返佢地講,今朝歐陽sir見我冇返....就話..........
"個斯斯文文既女仔冇返既,平日佢一向都好準時冇遲到又返足架喎,佢一定有事先返唔到黎喇~"
-,=wow......原來我已經有個好學生印象打落佢既心底啦.........哈哈...........|||
非常好,平日決定寧願早D死返黎訓係正確架.......
............聽左幾件事,又正正感受到咩叫多言多敗啦......嘿......
回復平日既生活節奏.....好舒服..........果然簡簡單單輕鬆既感覺最岩自己
發覺自己真係好怕所謂既壓迫感.....受不來,一直想逃.......
唔知點解.....突然好似特別無壓力既感覺.....free左好多......
就算同一樣人傾計,今日.....同尋日既感覺都好大分別....
雖然決定左要去思考問題.......但都好似無咩特別停落黎諗下...
好啦......就當係比自己休息下吧.........
個頭成日痛--.-- 係咪真係有事呢.......??
唉........過多兩日再痛就睇下醫生啦..........
成日見人病就催人睇,自己就死都唔睇~o~"呵.....
話唔定其實係活得不耐煩...去找死=.=.......講笑啦......
一日未完成我計劃生命中必須做既野,我都唔會比自己咁易玩完.\_/.
......好.......現在首要既還是先完成份可惡既報告-__-
聽日繼續~

>>November 3, 2004 at 11:00:25 PM GMT+8

2004 年 11 月 2 日 星期二 【晴】

我絕對需要心理輔導..........心靈受創ing........=__= 呆..............|||
哩幾日好有問題.......我要回復正常...........
對既有生活方式暫時唔想有任何改變...........
癲左3日,係時候歸位........
我完全唔知響樹做緊乜.......好似發左場夢咁......
今日總算係正正常常咁返學,有點特別的是今日搭地鐵坐小巴~
坐小巴有靚哥仔坐我隔離呢~wow~~~一朝早就大飽眼福啦~~
IPS個test都ok既,我諗岩8成幾9成卦......
唔知點解人地講句"我返黎喇".....我回句"你返黎喇"......幾好feel=.=
我發覺日本人哩樣習慣真係幾好.......
不過某程度上可以話係我中意D所謂既溫馨感,即係warm啦....
lunch食個生炒排骨.......鹹既...........超奇怪.........而Yuki食個飯既黑椒汁就甜.........|||
大概個師傅將糖同鹽搞錯了吧.........賣葛..............
班主任追收report啦--.-- 哈.........唔答就係最好既答案........
哩期放學都因為眼訓一條友沖返家......唔知點解好似冷冷清清咁
今日D直覺又無啦啦叮一聲咁feel到有人刻意改變左......
總有不協調既感覺.... 可能係我太敏感啦.........-.=
近期我都好似改變左.........係傾多左電話囉.............哈哈............|||
以前明明唔多架.......D朋友亦都好少打比我架.......真係唔知點解哩排會唔係咁囉.........呵............|||
慣左而家咁既生活方式,得閒同朋友去飲下野傾下計,得閒去食餐飯....睇下戲咁
開始唔想有拍拖既生活.......怕痴纏怕煩......又要去擔心人.......
好怕連同比較傾得來既朋友都要斷絕來往咁,因為要去擔心有人呷醋....
..............算啦........自古哩D野都係兩難全架喇......要得到某D野就係要付出代價
不過而家唔洗煩~~so good~~~好~不二哥哥親一個先>3<啵~杰倫哥哥又親一個~~
恭喜阿妹搵到份Part-Time>口<呵~以後就唔洗愁錢啦~鄧你開心~
哩期太多野一言難盡..........算啦.........一切都盡在不言中吧=﹏=+
呵呵.....今個星期二停左睇戲添~~下個星期再續~~
太極社果面多左兩個日本人黎學=.=" 居然想我去做翻譯..........|||
我想問........丹田既日文係咩呀........?? 下次用英文問下D日本人先- -"

>>November 2, 2004 at 10:46:21 PM GMT+8

2004 年 10 月 31 日 星期日 【晴】

哩兩日好似發左場夢咁.....一切黎得好唔真實.....
而會發生既事我亦很早已經憑藉預感知道
但老早預料到又如何?直到那時還是想不到如何處理........
一切都藉感覺去應付.....開始分唔清什麼是對,什麼是錯
究竟我係咪應該選擇行哩條路........
但我沒有一絲後悔.....起碼這一刻我沒有連自己也欺騙.....每一句說話都是真的....
很久沒試過真真正正嘗試將埋藏於內心深處的說話逐一道出
一切太不真實,思緒很亂............我很努力將零零碎碎的組合成可以令人明白既句子....
很詫異自己會花咁既心力去講咁多既野........
不過講左,個心又好似輕左N倍......一直自我封閉既事都一次清倉=.= 好Free阿~
太Free了............搞到D眼淚呢,又把把聲咁話出就出......
可能太耐冇咁喊過--.-- 喊完係爽晒果隻囉.....痴左線...........哈哈........||||
好耐未試過同人可以傾咁耐計........好似好多野要講,講極都唔完咁
雖然識左咁耐,但感覺真係從未如此咁新鮮.....識左咁耐以黎係未試過咁....
難得地連佢都清清楚楚咁講佢想講既說話.....
我地好似重新認識咁囉-.= 感覺好唔一樣.....但哩種感覺是好的....
下左咁既決定.........講真........到哩個moment我都唔知正確與否
我既直覺一向太準,決定既時候我feel到一D唔好既事.....
以致我考慮應唔應該去做,如果我哩個時候決絕,說不定會更好....
因為我唔想帶給人希望.....亦唔想擔誤人既時間......
我覺得最痛苦既事莫過於,當帶有希望與期待既時候,被寄望者親手推落懸崖
心被掏空的感覺很不好受........
無論如何,我這兩天學會放棄理性,用心,用直覺去感受身邊的人與物......
未來同結果我已經唔想知,享受過程係我而家想要做既事.....
一切就由他去.......已經唔想執意決定任何既事......
我唔知以後會發生咩事,到事情一如所料地發生時再去解決吧~
不過唯一要明白的是,什麼也不可執著.....
《得之，我幸；失之，我命；如此而已。》
好感受到命運........好感受到自己的無能為力.......但起碼現在我是無怨無悔......
好啦.......Let it be~已經想想太多.....無謂再加添更多不必要的煩惱

發生太多事=.= 寫唔晒.......算啦.....無咩所謂吧....

>>November 1, 2004 at 1:40:49 AM GMT+8

2004 年 10 月 29 日 星期五 【晴】

又放假啦........巧鬼悶阿.........
有份report要做架.......不過總係有心無力......
懶懶行慣,突然要發奮圖強果然要一點時間適應
不過就黎連懶既時間都冇啦.....好多活動要幫手搞....
仲有半個月到比我發揮終極庸懶......我要好好把握哩段日子.......哈哈...........|||
(↑.......冇野做又申悶........有野做又想懶.........|||)
珊堂姊生左個女丫~~我覺得就算同人換左都認得返=.=
超似........一睇就知道係佢倆公婆既女........點都好啦~~恭喜晒~~~
而家親戚們開始給予壓力舍弟......事關佢係男孫.....嘿...........
放心啦,佢三十歲前實結婚生仔........我敢寫包單-.-"
近期又心血來潮好想玩下GGXX.....--.--||| 哩輪唔知做乜鬼突然會想做某D野...........
想買返隻返家.......其實唔係因為想玩........係想睇人設............||||
不過又驚自己係三分鐘熱度.....都係過多一排先算........
但係遲下又好似出Final FantasyXII 喇喎........
對於一個忠實FF+RPG迷黎講我絕對會廢寢忘餐咁玩囉........but我果陣應該忙緊吧.........
算啦.........到時先諗喇.........船到橋頭自然直...........哈.............|||
我feel到為左玩我會選擇訓少D囉........then日日就好似喪屍咁返學......
萬聖節唔洗化妝就已經夠嚇人吧~哈哈~~其實而家都得架啦~~
今晚居然由老豆煮飯.........還好今餐冇午餐肉.........呵........|||
下餐都係唔好比佢煮....我怕出事..........

雲乘著風飄泊....月總像為追逐著日的身影而生.....而光則給予影存在.......
一切都有它生存的理由,一切都有它的歸依之所.....
那我又為誰而生??我的歸依之所又在哪?
........累..........不想再往前衝........
誰會在意那麼沒出息的我?
葉子的離開,是風的來臨,還是樹不挽留.....?



>>October 30, 2004 at 12:10:36 AM GMT+8

2004 年 10 月 28 日 星期四 【寒冷】

又要返8點半......一到學校門口又有一大群人拉票.......
一朝早就見到Kitty姐....--.--|| 唉......又比哥仔tum我囉張傳單.........
Networking堂真係巧鬼悶......
今日Marco巧努力喎.......所以是日佢都成為左講果個人~o~呵呵....
而我地成組就去陪坐.....wow.......結果出黎阿sir好欣賞丫.....
pre完我就開個icq玩.......咁岩Jolly姐有上喎~當然搵佢傾計啦~
自從脫離天堂行列我就已經巧少見佢lu.....嗚.........
唉......希望飛影哥哥考埋個車牌搵到份好工啦~~快D儲到錢~
我期待緊Jolly姐大婚之日架>口<我儲緊份禮架喇~~
傾左無耐都落堂........有D野講左一D就冇講添..........哈.......搵日補返~
上完Networking堂去左投票......我覺得自己投票係完全因為要令3號輸而去投囉......
點都好啦......邊個做學生會對我黎講都好似冇咩大影響.....
只係對某D人睇唔順眼之嘛.........完全想盡一點力去打擊佢地.......哈..........||||
開始覺得上廢sir堂巧辛苦......二三句英文到...佢用中文講返比我地聽......
足足聽到佢講左"嗄"字十幾次......成堂就成千次吧..........精神大受打擊ing............
本黎以為今日實唔洗上下午既Racky堂,點知都係要上.....
因為知道自己已經頂唔順就快訓低.......放左學即瞬閃返家眠..........
努力阿~各位盟友=.= 為左我地既遠大既目標....
一定要發揮所長取得勝利....不成功,便成仁....
事關我冇咩專長,只能夠在後默默支援......哈........|||
夜晚大概9點幾到啦,我仲眠緊......阿妹打黎,原來佢搵到份Part-time返星期六日
好消息耶~~鄧佢開心~~~無奈我果個moment訓緊.....陪唔到佢分享/__\
無論如何都係果句啦~~~加油阿~~~記住啦~唔好因為醉心工作同"玩樂"而忽略健康啦~
.......當阿妹知我仲未食飯still眠緊,就叫我好去食飯,唔係一陣又胃痛=口=真了解我........|||
呵...........突然feel到好sweet阿>3<有你做我妹真係幸福~哈哈
到10點幾都仲未捨得起身......張床總係有股引力令我離開唔到
但又有電話黎......開始討厭D人楓姐楓姐咁叫我=.=
我feel到老左N年...唔知係咪人大左就唔中意比人叫到咁..........
而且在我以言,我有耐都未唔夠班啦.......有待學習......努力呀me- -|||
起左身之後整個肉醬意粉食.....唔知點解今日果個好似特別好味........錯覺吧........
比阿妹偷左我情夫張圖去貼.......呵呵.......無打緊啦~就等多D人感受下佢既魅力啦~
新一話網球王子出左啦>口<好在橘叔叔都會鍚住我既不二哥哥......無整傷佢姐~
仲讚佢有兩下子~~梗係啦~~洗乜講~~~下次實創多幾招新花式等叔叔你呆然= =+
睇死亡筆記次次見親L都係食緊甜食...........||||
唔通咁樣食法係導致佢有非一般聰明既原因?! ........我又學下先.......哈.........|||
往往經常響自己身邊默然不語既人,可能就係最能夠看透自己內心既人
一般情況下可能唔覺......但某些時候,這個人就會令自己呆然,因為佢竟然出乎意料地了解自己
所以說.....能跟你風花雪月的不一定是最了解你的人......
靜靜待在自己身旁,看似一直冷淡地冷眼旁觀的,亦不是最不關心你的人
分分鐘,其實這個是最在乎你的人~因為佢會適時幫你一把~
唔知大家身邊有冇個咁既人呢?有既話,其實你已經好幸福

>>October 29, 2004 at 7:11:10 PM GMT+8

2004 年 10 月 27 日 星期三 【晴】

不知幾耐未接過咁早既電話........晨早六點幾耶.....
吵醒睡夢中的我既代價會很大喔......
等我思考下有咩最毒既方法報復先=.=
......點都好啦........就因為咁,我是日又準時返學...
歐陽sir原來真係已經當Yuki不存在.......||||
落左堂本黎我想去唱K架,不過好似冇人去.....
就同Marco一樣選擇返家眠下喇.......
大概哩個係我地兩個既專利吧,事關住得算係近.....
2點幾又要起身返學........超唔想起身.........but有test都迫住返-___-
搭車......我繼續keep Zzzing.......Marco就繼續keep going溫書....
果然努力既人成績就會好吧=口=" 車~~我下次實高分既~~睇住黎~~吼~~~
......嗯..........似乎周遭怨恨感有增加之勢.......
有時可能講者無心,聽者有意啦.....唯有怪,就怪個時間性既問題吧.....
一切黎得太巧合=.= 算啦........唔關我事就得架喇........哈.......
係啦,當代表你既塔羅牌係4號《皇帝》既人就要小心身體狀況阿~~
哩張牌既人總係忙於工作,往往忽略自己健康......
所以要識得抽時間比自己休養生息~而且天氣涼了,冷病就糟了喔~
阿妹~~聽到未阿= =+ 仲有其他人都係啦......就算唔係屬於哩張牌都要小心病呀~
呀~~係啦~~~我既情夫不二哥哥既圖將長期展示響右手欄.....呵呵v.v
等大家欣賞下~~~嘿嘿嘿~~~~~~~~~~>口<呵呵
我艾人杰倫哥哥既演唱會就到啦.......開始擔心無飛睇...........||||
撲下飛先得...........希望有啦..........

唔講咁多,眼訓.........明日會寫多點點吧.......今日不在狀態中......./0\

>>October 28, 2004 at 12:39:33 AM GMT+8

2004 年 10 月 26 日 星期二 【寒冷】

超唔想起身-__- but都死撐返學.........
不過次次越訓得少就好似越精神的樣子.........哈哈............|||
其實唔係咁架......係發呆至忘我境界.......
Lunch買個飯.....食得D又食唔落......好晒......
如果有人同我share碟飯就好喇....
我覺得我下世一定響埃塞俄比亞出世..........
新新打比我......原來佢已經默認左今日同我去睇戲.........
哈........下次send個msg比你,你唔回我當你去梗架喇=﹏=+
.................近期成日比人話我依然寂寞係因為我唔出手......
無奈and絕望既感覺出晒黎.......無啦.....自問冇條件去追求什麼.....
開始驚有人對自己好,怕會不知不覺愛上佢.....
戀愛太恐怖.........好怕用心之後又被遺棄既感覺......
想順其自然尋得艾人....又不甘寂寞怕孤單......唉..........覺得自己巧低能.........
.........夜晚睇《火海豪情》.....我一早講左會喊.........果然.......
其中一段已經巧叻忍住唔流出黎......到尾就缺提咁non-stop.......
加埋首歌好鬼有feel........成個結局由頭喊到落場........
我真係巧鬼易喊......咁當然唔係巧勁果隻.......流下眼淚咁姐......
我唔想架......but真係控制不來...............唉...............
灰灰地又想訓........唔打咁多住........眠下先......明日再續

>>October 27, 2004 at 12:54:10 AM GMT+8

2004 年 10 月 25 日 星期一 【寒冷】

身為《月曜症候群》既我今日自當然係唔願起身返學架啦......
But念在有測驗,me花盡所有精神力去令自己能夠如期返校
返到去,得阿堅-口-"" 見到Tammy入班房.....
一問之下先知今日轉左課室......連班長都唔知.........好野~冇得頂~~
同學們都唔中意聽我電話吧.....打親都冇一個第一時間接我電話......嗚.....
我知大家就是討厭我............>__<嗚......算啦.....下次唔鬼打喇.......(←受打擊過度發傻ing...勿理)
ok啦.....個Memo測驗.......算係識卦,唔知點解入左ive我D英文都keep到一定成績
我以前中學明明冇一次合格架...........又一個謎...........
Lunch見到D野就冇咩想食既念頭......而且今朝食左野,so是日lunch練仙=.=
大家食完飯又去康樂ing......Marco又蝦人啦~o~" 開局冇耐就可以預備執棋喇......哈哈.......
之後仲好有技術地表演讓賽.........wow............
期間某學生會參選內閣玩live............好在冇唱杰倫哥哥既歌姐.....
如果唔係一定會發生校園暴力事件= =+
我開始做左阿妹既牙籤>口<(講笑~)比佢捉住我傾左好耐計....
冇免提,講得耐隻手好痛......我要快D換電話先得,有埋藍芽用免提一流......
上廢sir堂悶到發慌..........好在touch今期有兩大版杰倫哥哥睇下.......
近期覺得而家好多人對自己勁有自信,自信心爆棚.....
理論上黎講我係佩服佢地既~事實上就另當別論吧........
上完堂有空檔又去食堂.....呵呵.....我口癢買件芝士餅食......新鮮架.....呵呵.....
以9蚊既價錢黎講真係算係咁啦~食開我又想食某間既芝士蛋糕.......好耐冇食啦....-__-
好掛住你地阿......蛋糕們.........好懷念你地比我既幸福感覺........
哩排上親歐陽堂總令我有點無奈.........
是日無奈1: "見你咁冷靜,我睇好你架......" (其實我唔識答...發緊呆.......||||)
是日無奈2: "耳,乜你唔去見helper呀...見你都乖"
(↑↑果個moment以為講緊我後面,點知原來話我.....比人話我又咋傻.......|||)
綜合以上兩點,歸納出........我........原來呃得下人-.-
原來我發呆已達專業形象既境界.........傻唔係咋出黎.........是天生的.........|||
超無奈地過左一日......放學果陣feel到中招......唔舒服+頭痛agina.....所以搭車繼續呆.....
返家即訓.....成十二點先開始搞個Director.........搞完都5點幾......
打埋哩篇日記6點..........好啦........訓返3個鐘先......等等再續

P.s.轉季天氣涼,風又大~~大家著多件衫~~訓覺加多張被阿~~
不幸病緊既,在此寄望可盡快康復~
放心啦........我知道我將會全數接收大家既病菌架喇........

>>October 26, 2004 at 6:04:36 AM GMT+8

2004 年 10 月 24 日 星期日 【晴】

終於黎到星期日.......我既庸懶生活始終未完...........|||
成十二點幾先捨得落床.......哩幾日好唔掂.....無力感持續ing.....
已經頭痛左N耐....個腦一煩就痛......
而家一直keep住空白中.....思緒歸於無既狀態.....|||
但用腦少D會遲鈍巧多架喎.....-__- 唔可以咁架........
我唔可以再笨落去架~~~唔得~~~唔可以~~~！而家已經夠笨了.....
點都好啦.......今日既節目就係同媽媽+舍弟3條友去買餸煮飯......
本黎諗住整芝士蝦架~~~~~點知去到D蝦買唔落手......嗚.......
唉......全家黎講,除左老豆......第二最少入廚大概就係我吧.....
冇計啦.......有個阿媽........仲加個巨蟹座既細佬.......基本上都唔洗我理.......-口-
呵呵..........我以後識食就算啦.........--.-- 而家又冇男朋友要我煮喇~so good~~
買完餸返家打機......巧辛苦.......手既較位痛.....再咁落去我會有職業病.......
我係時候減少對電腦既時間........but冇街去好難唔對電腦架喎........唉........
近期好feel到時間性哩樣野既重要.........
哎呀.....講起上黎都好耐冇見過阿龍同火火喇喎,尋日打機就費時出啦~
搵個星期六又約成班出黎玩先得>o<呵呵~
.............我既Director功課依然係冇掂過...........
聽日我大概會接近死亡吧.......請期待..........
突然懷念某段日子.........
突然諗起好多野..........
突然浮起若有所失既感覺..........
.......不明地突然好多野響個腦到浮現.......
當自己一個人響寂靜既空間,果然比較容易胡思亂想吧
原來一直不經意收埋某些感覺.....
開始唔了解自己....究竟我想要什麼......好迷茫......
時間令自己遺忘為了什麼去逃避.....
.........亂...........負荷不來.........過兩日稍微靜下整理下思緒.........唯有如此.....

>>October 25, 2004 at 1:14:32 AM GMT+8