2004 年 9 月 13 日 星期一 【酷熱】

好~繼續記低埋我既行程先~
唱K居然比人讚話唱得好聽-.-"............哈.........多謝..........||||
唱到點幾,萬聯兄來電叫我地趕去會場~o~bubu....百二蚊唱得一陣添~
不過冇所謂啦~你一開聲,我地必定會趕黎既- -+
一入到去......哇勒.........超多人........好在萬聯哥哥一早有留位比我地姐.........
等,原來真係一件好痛苦既事.....心理同生理都同樣有負擔......
期間睇左份報紙,有一篇講到工聯棄林保陳既新聞
本黎冇咩野...見到阿媽喊喎....阿sue就開始問我D野
搞到我越講越不自覺地流出眼淚......-_-" 死...我喊.....又搞到阿sue喊埋.......
冇耐萬聯哥哥又自己一個默默咁喊起上黎.....當時完全冇人發覺,得我一個留意到....
本黎想比紙巾佢,不過同佢距離有點遠,幫唔到佢,我怕一去幫佢就比人見到佢喊
我覺得男仔喊都多數唔想比人知吧......所以我都唔想再做D咩去安慰佢
佢一直將工作排得滿滿,根本唔理自己健康,搞到前日已經病...
一直撐到而家,後尾我知道佢喊係因為嫻姐咁樣........
我地成班人做野既應得成果,好似白白咁就比人囉左.......覺得好唔公平...
bubu>__<唔好喊啦....當我見到自己一直認同既男仔喊我會好心up架~
搞到我果個moment又陪佢喊埋-__-唉.............又喊添.............
等到朝早九點左右,終於有結果啦........其實我地內部一早已經知道最後點票結果....
點都好啦,今次我地無怨無悔,哩個我地背負住政黨既殼,但實質淨靠自己既成果
所以即使只是剛剛夠票當選,我地都已經好開心了.........
今次助選,比一直以黎既學到更多野.......但對政治既厭惡感卻有增無減........
討厭人不擇手段,討厭人表面真情,實質虛假不堪......好多野都好討厭
仲有........好討厭大班既助選團,真係好無家教,好無修養,好無水準....
當時既環境,真係好比我feel到"物以類聚"哩個真義,係咩人就支持D咩人
聽完結果之後,我地一眾去左酒樓食野.....我地果圍吹水吹得太happy....
搞到彪哥都忍唔住過黎坐~之後輝哥~老爹~衡師姐都過埋黎
.......雖然我自開始拉票果朝食左個三明治,晚上食左個包......咁多個鐘只係食左兩樣野
但係唔知點解........我生理上真係好肚餓呀,但始終都係吃不下嚥.........-_-唉.........救命....
飲完茶返家坐一坐沖個涼又要返學喇......我好似玩緊鬥耐力咁..........||||
尋日唔記得帶電話= = 一睇.........9個未接電話............|||| 乜我咁多人搵既咩......???
坐巴士返學,本黎都仲好精神,但搖下搖下搞到我訓鬼著左.....好在仲識落車......
返到去,幾開心架,見返D同學仔=﹏=唔知點解今日咁多電話......
新新之後到阿妹.........新新阿o.Q點解我地成日都接唔到對方電話架...唔通我地無緣?
同阿妹吹水期間,比君君以為我同男朋友談情..... 於是我比左佢聽~呵呵
男朋友仔.......我都想有阿~~唔知我今年既生日同聖誕會唔會孤獨地過呢
聖誕= =我諗起E神首歌添............bubu.........算把啦~我始終相信緣份既野係到就會到
放學返到家打埋尋日果篇日記之後就去搵周董lu~

>>September 14, 2004 at 8:51:30 PM GMT+8

2004 年 9 月 12 日 星期日 【微冷】

尋晚成3點先訓著......今朝六點就起身喇......- -feel great~
7點正到達黃大仙廟開始唔知幾時完既最後拉票活動....non-stop.......
今日萬聯哥哥居然冇準時到,原來尚在夢中~_~
佢一直忙個沒完~搞到病左~bubu~冇辦法啦~就辛苦埋今日啦~
沒有萬保母既情況下,草草地完成早上活動....好多地方冇時間去....
之後就到達越秀廣場正門匯合一眾青年軍舉行開步禮
又上鏡= = 怪怪的......不過我頗喜歡成班齊哇哇癲起上黎超落力演出比新聞傳媒睇
我地都好似彪哥哥咁交足戲架- -v 七情上面,貌似狂熱份子.......
完成後分車再到達黃下進行拉票活動.......
酒樓分批拉票-.-有D跟主角們尾做佈景板,我哩D就響門口樹做拉票發聲公仔
專業的拉票手今日就係發揮既時候喇...........|||
我一向麻麻地中意用咁好態度對D唔熟悉既人- -我只會更討厭自己....唉~算把啦,這裡是現實
上車去別處既時候比傳媒朋友要求我地一眾青年軍拍個照.......再度feel到怪怪ing.........||||
我實請好討厭拍照上鏡等等........but癲起上黎就let it be咁only~
跟著周圍去.........耐唔中就落下車排排走宣傳.......之後又上車去第二度.....
基本上直到8點到既行程都係咁........周圍車~周圍宣傳~
me真係好佩服主角們......可以成日講野都冇變聲.........強而有力-.- 勁.......
自早上食左個三明治之後,到8點幾為止.....都只不過買左個包黎食....之後就咩都冇喇~
掂--.--我不嬲都話饑饉三十對我黎講根本係小兒科架啦......
last最精彩既節目就係洗樓~o~ 由26樓到地下都每層跑~~一連跑左幾座
呼~~好耐冇既運動量響今個選期真係補足有特啦~~呵呵
到10點半,拉票活動完畢........終是返總部聚下.......
最後決定唱k直到去世貿中心點票站為止.....
大概是日就差不多了.......

此篇為補寫日記-o-"
好眼訓-_-之後既事醒左再繼續詳述.........

>>September 13, 2004 at 5:58:41 PM GMT+8

2004 年 9 月 11 日 星期六 【微冷】

真係巧鬼死正架~~D咁既天氣~~~愛死秋天~~~
果然係一個屬於我既季節-﹏-
今日終於可以好好咁休息啦~~~yeah- -v
響張床攬住隻Sony貓訓下又呆下真係超舒服........
如果有個人比我埃下就仲好v.v 不過算啦~哩D野唔急得
騎牛搵馬,都唔可以饑不擇食~~我寧缺勿濫~~~哈哈
況且.......而家咁,都幾好呀~~~
其實今日有件事令我幾受打擊,哈哈~~！！
真係點都估唔到係咁~~~唔怪得~~~唔怪得~~~
大受打擊之後既我係笑到傻左,non-stop...........||||
同朋友們分享完個個都無奈地點點點點我~！！哈哈！！
個個都話"唔洗比啦,都冇得比"..........無錯無錯,我真係冇咩可以講~太利害了
哩個打擊令我全日進入激動+狂亂+超high既狀態........
繼而係超心涼~好耐沒有如此舒暢過=.=
因而令我今晚去酒店食自助餐都食得好興奮,胃口大開~
我既甜品阿=3=my love~~~~i am coming~~~~
每次食甜品果一刻,我都覺得自己好幸福>﹏<呵呵~
哩種幸福既感覺同被愛既感覺好類同,令我每次都享受哩個moment
而且加埋哩間酒店氣氛太正........原來《捨不得吃掉這一種感覺》就是這個樣子~
今日實在係過得太幸福了,幸福得呆掉= ~ =
我真係一個超易滿足,超易開心既人~其實咁.......都幾好丫~
起碼唔洗成日愁眉苦臉的過,辛苦了自己,又辛苦了別人
開心D~人都精神D~呵呵~~~~~~~
我討厭好多野煩住自己,而且簡單咁過~唔係幾好咩?

好~~聽日就912啦~~~~~~~又要早出唔知幾時歸lu=3=
都係早D搵周董慰藉下先~嘿~~明早我要以最佳狀態示人- -+
好多好多既話,都留待返學後既日記再講~

>>September 12, 2004 at 1:01:26 AM GMT+8

2004 年 9 月 10 日 星期五 【微冷】

等我仲以為今日會好清閒可以留守家中添.......bubu
點知響我返到屋企開始打哩篇日記果陣,已經係零晨4點十五分=.=

是日下午被召喚到街頭派單張.....
專業既笑容+溫柔既聲線+耐性+恆心=我每次做街頭既必備技能
面對不同環境,不同既對待都採取冷靜態度+完美的解決方式
我待人接物既假已經開始老練了.......
對著唔熟悉既人已經好自然地使出此項技能........點算阿..........
但對著朋友我又會將自己真正既性情表現-﹏- 嘿~辛苦了囉~
今日派單張都幾順利丫~對手又唔敢做D咩~係阿仙奴哥仔成日黎搞事姐~慣架喇~
做完哩單野又去返總部幫手~o~ 搞一輪,唔覺唔覺又3點幾4點.......
部影印機唔知係咪年紀大機器壞,硬係耐唔中就喜歡食下紙
好在食左幾次我已經搵到方法搞到佢順順利利完成工作
機器既野果然係唔可以使暴力既~嘿嘿~要當佢係男朋友仔咁溫柔D+細心D對佢
找到問題的根本解決了就好=﹏=一切順利~大家happy,我早D返家,佢又早D收工
yeah>o<聽日唔洗我幫手,休息一天~夜晚去酒店食自助餐~我既甜品阿~~~呵呵

尋晚雨後陣陣涼風,我終於feel到秋天已經到囉~~
我既季節來臨了~~>3<太好喇~~~
不過轉季大家都要小心身體阿,冷壞了就唔好啦
前幾日睇電視播既女排表演賽....香港男排果個果然係阿馬-口-
我真係冇睇錯冇聽錯啦...哈.....果陣我仲以前我幻聽= =

其實仲有好多野想講,不過都係找一下周董........不然又做國寶.........|||
而家唔想搞衰自己啦~我要向好的去改變~~呵呵~~

>>September 11, 2004 at 5:11:07 AM GMT+8

2004 年 9 月 9 日 星期四 【綿綿細雨】

網吧遊到早上六時半左右結束,因為要去匯合老媽子去果個論壇
我地一眾青年軍入場企位,去聽今日哩個超沒水準既所謂論壇=.=
超沒水準之一：觀眾---有D擺明就係唔知頭唔知路就亂支持既人,仲有D係職業飯絲
係咪都為所支持的候選人喝采,為非我族類者喝倒采,係咪都亂叫亂拍掌
尤其某女子的尖叫聲音足以令人耳鳴,問D問題膚淺冇水準,重複又重複,針黨不針事
品德冇水準,一名青年男子居然公然向婆婆高舉中指挑釁,以致場內引起騷動
超沒水準之二：候選人---大班簡直不知所謂,講野冇point冇內容亂咁黎,一味得個大聲
李華明哩D.......唉.........自己就一味迴避問題,淨識針幾類野講,聽左2粒鐘,聽到我識背
陳鑑林都唔見得好好,公式答案,佢明比3個團圍,又真係幾慘既.......
某3個所謂民主團體根本針黨,一個區議員係應當對社區有貢獻,事實上,佢地咁多年做過D乜??
搞遊行,各外國傳播香港自由被封殺等等消息,根本唔係為香港著想,社區事又不加理會
此等人仲談論咩誠信政績.....??得張口是沒用的....往自己的臉貼金,過多還是會跌下來的
超沒水準之三：耍手段---某D候選人耍下三流手段=.=叫人用D沒水準既說話鬧其他候選人
連辛辛苦苦維持場合安全既哥哥們都比人鬧,簡直沒修養沒水準
.............原來這就是部份香港人- -反省下吧,仲話要咩普選,先檢討下自己先再說吧
有去71遊行並唔代表你有愛港愛自由之心.....如果真係08普選,將不堪設想.....
好討厭政治,我依然咁討厭政治裡的各種事！假~討厭人做野做到咁假~！
去完哩個咁冇水準既論壇之後,返左總部休息,傾左陣計,開下玩笑,幾開心既一個moment
之後去左食lunch,阿Roy哥食量真係好驚人= = ...........巧得人驚...................||||
食完飯就同左ceci,阿sue去尖沙咀行下,消磨下時間~去左個展覽室做體測
嘿嘿~~~我既身高+體重~~脂肪含量標準呀~~~講起上黎我真係N耐冇上過磅囉~
有人話我fit-.-.....其實唔係啦...我肥響D大家唔會見到既位姐........||||
太好喇.......我而家仲keep住某個磅數- -v 即時鬆一口氣~~呵呵
量完一切之後就去無印喇~嘿~~好中意去哩樹睇野.............
講落我發覺我真係好中意D玻璃呀~瓷器呀~家具呀之類簡單設計既野
不過其實我不嬲都唔中意D太繁複既野,生活阿~友情~連愛情都想簡簡單單咁去尋找同享受
太繁複既野往往為自己多添煩惱而唔開心,唔中意咁~~我只希望開開心心咁過每一日
雖然好難做到,但我亦希望盡可能做到..........
萬聯哥哥今日比我既感覺幾覆雜,有時佢就好得意好tum得人笑,有時又好成熟冷靜去處理事情
阿~~原來成熟既哥哥係咁既~~有溫柔既一面~~~又有冷靜的一面~~我明白lu~~
返家之時早左2個站落車........我特登架........因為我好想冷靜下.......
個天又咁岩落雨,於是就去淋下雨,一路行,心情又覆雜起黎........
雨和淚在我面上已分不開來........我第一次覺得...原來淋雨.....係咁好感覺架.........
我完全唔知道自己的淚從何而來,為何而出.......總知過後感覺很舒服就是了.............
究竟,我發生咩事.........?? 我在這夜會好好想一下...........

>>September 9, 2004 at 9:14:53 PM GMT+8

2004 年 9 月 8 日 星期三 【綿綿細雨】

唔知點解今日突然好唔"元氣"............成個人好累咁樣......
尋日明明仲好好地架.......奇怪~_~"所以是日都不外出
於是成日都處於半睡狀態,又發埋D類似連續劇既夢
醒一醒訓過又會接返個故事=.= 奇怪.........
故事D角色仲係我身邊所熟悉既朋友.......超奇怪.........
唔知今日咩事--.--好多野都怪怪地咁.....
第二日空閒睇電視,大唐雙龍傳某部份劇情令我幾有感覺
突然又好想寫下文章-.-" 我發覺我中意寫文........一時技癢添~嘻
不過有時間先算啦~o~哩排都keep住有野做,有野要幫手
呼~睇完晒D電視節目,差不多11點幾就出街喇..........|||
去同阿龍佢地網吧遊-﹏-"
所以哩篇日記其實係補寫的,所以我都不大幅篇章將我今日既感受記底
9月9日再續~

>>September 9, 2004 at 8:02:15 PM GMT+8

2004 年 9 月 7 日 星期二 【酷熱】

尋日喪完之後-.-今日都係留守家中回下氣先....明日再戰~
我既體質完全係快速差電電池.....差滿電,癲N耐,冇電喇,差一陣又癲過......
冇電果陣就會進入sleeping mode....出面係點都影響唔到我既睡眠= =進入假死狀.....||||
差數小時既電量就足以支援幾日連續不斷既活動......
而冇活動既時期就進入待機狀態....休養生息= ~ =" 我真係覺得咁樣幾岩我....
今日終於有機會睇下電視喇......感動.........
一開,原來做緊金牌運動員乜乜騷.....~o~
我老豆好似對乒乓球金牌得主既姐姐幾有興趣--.--""
郭晶晶真係幾靚女,又有氣質.....同田亮幾襯呀~哈哈
阿劉翔唱歌都ok既.....唔怪之殺死咁多妹妹仔
不過佢完全唔係我杯茶果一系-,-我角度中佢完全唔靚仔,所以me對佢完全冇興趣....
成個節目,我既雷達完全冇響過........殘念.........
之後又播咩大唐雙龍傳,N耐冇睇電視....原來就大結局
我開始發覺自己唔中意睇電視= = 我寧願上網睇下D新聞睇下D新野吹下水
我完全唔敢想像電腦冇得上網既境況......我可能會患上自閉症吧.....
今晚難得阿項會icq搵我,傾左一陣-﹏-coffee shop阿~搞到我好想去嘆下咖啡
講起上黎,我真係好耐冇好好咁坐底飲下真真正正沖既咖啡.....
但傾計黎講,我都係中意夜晚囉支野飲去海旁,唔一定係酒既- -成日比人以為我中意飲酒....
飲酒傾計可以開懷D又真既......真係好舒服.....好在自問酒力不差,知道自己幾時到定
-口-哈哈~~我發覺我人生中絕對唔可以冇朋友~慶幸我已經擁有一群非常好既朋友~
今日又多個人體驗到星座講既性格到底有幾準喇- ~ -"嘿嘿........
...........唔知點解咁多人都問我同一條問題........我都話要慢慢來囉-o-|||| bubu
襯得閒用塔羅問下野先- -" 當係修行下........

yeah....仲有唔夠一個星期就返學啦~
912~大家記得去投票阿~

>>September 8, 2004 at 1:28:31 AM GMT+8

2004 年 9 月 6 日 星期一 【酷熱】

今朝神咁早樓上又鑽野啦~o~鑽足3個鐘都唔停
都唔知佢地點解可以有咁多野鑽....
不過又因為咁,我先會接我媽既電話......近期D人既Timing好到我唔信=.=
之後就去左總部幫手,我終於識晒所有人啦~yeah~
數數先,Joe...kenny...艾菲...艾雲...Leo哥...大概未識既都差不多喇
本黎我真係諗住幫到返日文就閃人,but......最後我係決定幫佢地手既
幫左幾次手,今日倒是我第一次穿起橙色T裇,到街頭派單張
唔知係咪習慣笑臉迎人--.--做哩D野已經完全冇咩特別感覺
不過.........不過.........我隻生日熊仔唔見左呀.......嗚.........嗚.....>___<我唔制呀~~~
我隻bear呀.........上次就有人執返比我.......今次就...............嗚..........
好啦.......都係果句.....《得之，我幸；失之，我命，如此而已》....我慣架喇........
於是我帶著若有所失既心情繼續我既旅程..........
彪哥去到最後一站特別high-,-台詞加碼,而且更激昂......因為完左我地就去食飯嘛-﹏-嘿嘿
今晚個大會係專為陳婉嫻而設,近期佢一直遭受抹黑,好多人為佢不甘而設的撐姐大會
我地班青年軍超勁~o~勁似果D職業飯絲~嘻.......
叫口號,舉牌~超勁~超夾~個個都high大左咁,唔洗講=.=萬聯哥哥最high啦........
仲有part跳舞.....個個都未跳過,跟著輝哥跳,超搞笑,超好玩....我地又上電視啦-o-|||||
活動期間,個天突然滴下雨來....響哩個時間我請求管理者,寄望天公做美,可以稍稍過後先落
果然天滴不出雨來,我知道佢隨時聆聽我既禱告,很感謝,這是一個恩賜
一到主角出黎講野,我地成團青年軍個個都喊晒= ="" 真係唔知點解....D眼淚又不其然出左黎
一輪熱鬧之後,果然特別寧靜,幸而尚有大家響度.....同佢地一齊真係好開心= ~ =
笨妹打比我,笨=___=上上下堂玩咩氣丫,搞到唔舒服喇,成班同學都擔心你架~笨>o<笨笨笨
我一唔響度又出事,笨~~~~~~~~~~~~~~~~~~~~~~笨妹打黎唔岩時間-_-所以都冇講好耐.........
但估唔到笨妹打黎之後就到佢,我都cut左幾次線,等完左先覆返佢
我以朋友身份同佢講野,覺得奇怪既居然係佢-.-" 咁又係既........放心啦~過一排會慣架喇~
點解我會咁快睇得開哩個問題都歸功於我既占卜..........一早有了心理預備.....
所以我唔會要生要死,繼續痴纏哩一段關係,不過我唔係唔中意你阿~_~我傷...只是你不會知道
同佢一樣既習慣依然未改到......習慣戴上介指,唔戴好唔知點咁......
雖然這介指已沒代表什麼,不過還是證明了我地既經歷吧.....希望佢女友唔會介意啦-__-"
問我點解估得中佢女友年齡同星座....冇得解........only直覺.......而且我是新一代神婆嘛~嘻
咪鬼催我搵男朋友啦=3=好鬼衰架~人家不嬲係日久生情,要慢慢來的~要順其自然
不過其實我不知幾想有個同我夾既男朋友一齊過日子.........想姐.........哈哈~等下啦
同佢收左線之後又成班去食野-口-"去打冷~死萬聯做咩同我媽對啤丫,搞到佢發傻喇......|||
臨走比佢地班死野叫我哩幾日都要去幫手-,=好啦......睇下得唔得閒啦~呵呵
阿邊個.......你個手機鈴聲太得喇,令我每次聽到都爆笑N耐......|||
燒雞翼~~我中意食~~...............得.....我明.........=﹏="

感謝你又賜予我開心的一天-﹏-
現在我學會每刻也去感受身邊的人和物所帶比我的幸福

>>September 7, 2004 at 12:37:45 AM GMT+8

2004 年 9 月 5 日 星期日 【晴】

嘿嘿~又係美好既一天=3=感謝管理者給予我沒憂愁既一日
咁多日都有街街去,終於又有一日可以安在家中好好休息
當然地~響家就繼續我既月光LuLu旅程啦,畢竟我會好好咁珍惜每一個得來的幸運
唔知我係咪玩得太多online game呢.....
升lv真係覺得冇咩難度,而且我天生既打寶運又再度發揮得淋漓盡致
打到唔少罕有裝備- -v有D唔岩洗都懶得擺檔,sell比npc算~
今日又識到幾個哥哥-﹏-又係超好人的說,打到合我的裝備會留給我阿~~同佢地傾計超開心
不過有個就黎係叔叔lu,就29歲囉~~~哈哈
有個哥哥問佢結左婚未,佢就話沒對象,再講多兩句,佢就同個哥哥講"那你要嫁給我嗎?"
笑死我..........玩online game我係幾享受交朋友同傾計,而唔係升lv又或者打寶,因為咁係無意義的
認識唔同既人,就比到我唔同既認知,擴闊自己既眼界.....自我封鎖的空間不是我所希望的
今日阿媽出奇地咁早返家,而又更出奇地婆婆會搵我地食晚飯,D timing超岩=.=夾定架??
阿媽難得一日早返就搵我地食飯-,=老豆又咁岩返早已經放左工響家......
世事既野就係咁架喇.....(哩句開始變左我既常用語-.-)
我開始相信命運,更認知到人係何等渺小......
我研究星座,占星,塔羅等等玄學既野,但係我明白,就算比我知道未來,自己唔把握都係冇用
世界依然在轉,如果沿地踏步,周邊的人或事已面目全非,所見的未來亦不如所見
所以就算了解未來如何,路---還是要繼續走........一直走到未成形的未來.....
晚上上線見到佢,當我正想講我近日抽中月光LuLu封測帳號果陣,佢已經知道
原來佢一直都有睇我既日記,當佢問我有冇得閒諗起佢,我起初還是要程強地回應我點解要諗佢
不過,我最後都係好坦白咁對佢講左我有時會忽然想起佢,而佢亦都講佢會間中想起我
原來剛剛佢正想打比我,咁岩佢朋友既電話打斷左,而我又咁岩send msg比佢.....
時間又係剛剛好......我地之間既感應並冇因分開而消失.......-.-"一切都太神奇了......
不過我地之間已經唔存在一丁點男女朋友既感情,我地既關係已經轉到另一個階段.....
我地將會係知心朋友,可以無所不談,佢會擔心我,而我亦會擔心佢既事
其實哩2年多並沒有白過,起碼是真心愛過,而家我地又因一個巧合分開
但得多於失,我地彼此令大家成熟,雖然我依然覺得佢思想仲係細-,-
我慶幸同你過左一段日子,寄望你以後既生活更幸福,在此我送上祝福
我既塔羅占卜應驗了.......完全沒有一絲偏差.......
每晚我祈禱既時候,除左求管理者給予我勇氣解決煩惱
我仲祈求佢令我身邊每一個人可以開開心心咁過每一日
仲有給予他力量去認清目標,學會釋懷,沒擔憂的享受每一日
現在我已解決內在煩惱,我知道佢每晚都細心聆聽我既禱告....很感謝......
很感謝佢賜予我一個好好既環境,很多好好既朋友,每一個都發自內心的對待我,照顧我
我真係覺得自己好幸福............╥__╥

>>September 6, 2004 at 3:26:36 AM GMT+8

2004 年 9 月 4 日 星期六 【晴】

今日既日記將會連埋尋日一齊寫~o~"呵呵
尋日下午同左阿媽飲茶......不知幾耐未同佢一齊食過下午飯.....
信箱收到寄比我既郵件,原來係"月光lulu"既封測包~~~
yeah~~~咁多人都抽中我喎~~~唔知幾多萬人中既一小群- -v
超開心~~我仲以為冇希望添-﹏-"又再證明世事就係咁架喇~
以為會轉壞既野就會變好,以為一定有既野就會冇左.....
《得之，我幸；失之，我命；如此而已》
所以阿~~好多野太執著係唔得架~~
食完去左觀塘,又見到萬聯佢地@~@"
本黎諗住響樹等到出旺角架喇,不過我又醒起要燒碟比新新喎
所以我就返左家喇,原本我燒完就出去匯合舍弟
不過新新上黎我家坐坐~~所以遲左D先出去
最後食得野黎都阿龍都已經差不多放工
食野又吹下水,新新講左下佢響日本既經歷= ~ =
原來日本真係咁多帥哥阿v.v真想去看看
有不二哥哥既髮型,仲係岩岩好既啡色阿~~只係聽我已經想像到有幾正喇~
講講下又講到鬼眼狂刀喎,螢螢原來有"狂雷達",哈哈~~
同我地既雷達差不多嘛~~我同新新既雷達就用黎探測靚仔同自己中意既野~~嘻
雖然香港粉不會響的說,不過間中都會測到自己中意果一系- -+不過靚仔都係用黎飽下眼福既姐~
等埋火火又去左cyber打下機,差不多十二點到啦~join埋阿龍就去唱k喇
今次完全係係懷舊之夜啦,哈哈~超好玩的說
唔知係咪太耐冇聽阿龍唱歌呢,真係覺得佢唱得好好聽阿。o。"
一連N首,唱到佢叫救命,呵呵.....放心啦,我會插播架喇~
佢就聰明啦=.=著件長就衫出黎........間房個冷氣真係超強...............||||
好耐未試過咁唱K啦,唱k唱天光~不過唱完我地係已經就死果隻,超眼訓~o~"
一返到家就即去....找周董-﹏-呵呵~~一覺訓到大下午~~
岩岩起身,豬比就send msg比我@ @"傾左陣....終於都將個結果話左比佢知~
點都好啦,身為朋友既我只會比建議,而唔會否定佢既決定
我覺得每個人既理念都會唔同,唔應該迫人地接受自己果套~
傾完計,就裝左隻月光LuLu黎玩~感覺粉不錯耶~遊戲設計幾體貼玩家
不過職業平衡有待改進,敏捷加成官方應該要條整下吧~_~獵人居然要加力體唔係敏閃....|||
太開心-.-我最後哩個星期有野玩啦~而且響game又識到哥哥仔-口-哈哈.......
我入左Ro點好似冇玩過........又side錢了.........bubu.........

>>September 5, 2004 at 2:12:22 AM GMT+8