2005 年 12 月 25 日 星期日 【晴】

今天是精彩的一天

繼今天下午在天后的「維景酒樓」食了一頓非常好的午飯，由第一碟點心，到最後的一碟，我們都不停的讚賞；當上甜品時，我們比點心兩為滿意，一頓飯的甜點是對這頓飯的整體評分是非常重要，但這所酒樓由頭至尾都做得非常好！

然後今天我創下了一個紀錄，這個絕錄我信我此生都不能打破：我在同一天內，在兩所不同地區的電影院內和兩位麻毛佬看了兩次「如果．愛」，一次是在1750，和同房在「三十年歷史」的戲院看，那所戲院並沒有電腦出票；第二次是在2350，在屯門凱都和老賈看的。

「如果．愛」實在太好看了

----------------------------------------------------------------------------------------------------------------------------------
P.S. 非常多謝「小天使」們的「聖誕快樂」，很開心

>>December 26, 2005 at 2:50:33 AM GMT+8

2005 年 12 月 25 日 星期日 【晴】

出隊後跟使團的朋友們開懷大吃，這一年的最後一次出隊後的一餐可真食得大了。

飯後跟相約同房看「如果．愛」，在一所比屯門的「巴倫紐」更舊的戲院看，聞說看這部電影的人很少，起初我也不以為然，怎知甫進場時帶位的人兄竟然跟我們說：「隨便坐」，我和同房都呆了一呆。

這所舊式影院真的很舊，坐位舊，設計舊，連喇叭都全放在前面，所有聲音都是從前面傳來的。

「如果．愛」這部電影，實在太精彩了！！！！！這部電影令我在看完後發瘋了，幾乎想咆吼一句：「好正呀！！！！！」

要選這年最好的電影，我一定選這套。

早在看這種戲的海報時我已感受到池珍熙的角式，我實在喜歡這個角式。「每個人都會有忘記的畫面，我的工作就是為這些人帶回這些畫面」，我們又何嘗不是經嘗忘記我們要記住的事情，我們的人生又何嘗不是有很多人不時在提醒我們？

這套電影以戲中戲的形式表達整個故事，有時現實場景完了，便接著一個歌舞場景把氣氛提高；有時更會用歌舞場境做過場，令故事的轉接來得更加順暢，歌舞場境比現實場景更能帶出氣氛，也能讓劇情更加的緊湊，令人更加想追看故事的發展。在周迅和金城武在「十字街頭」的那一幕過場，氣氛帶動，過場和改變表達得非常順暢，周迅演得非常好，臉容表達鮮明、有層次；劇中的最後一幕，在張學友和池珍熙互相對唱「命運曲」，把張學友的想法和周迅的內心交戰都表達了出來，劇情與音樂一同的變化，節奏與故事一同加速，大家都等待著結果的來臨……張學友著地的那一刻，全世界都靜了，我的心情也完全被牽動了，那一刻命運的交疊，還真有點像希臘悲劇。

一劇的結局如飯後的甜品一樣，足可以影響一頓飯的好壞。這套戲的結局寫得十分好，她並沒有和其他電影一樣「玩扇情」，反而慢慢的轉進美麗的結局中。一步一步的把劇情推進高潮，然後緩緩的收尾，沒有一點突如其來，沒有一點的扇情，是叫人最舒服的。

-----------------------------------------------------------------------------------------------------------------------------------
是日金曲：如果．愛 - 張學友

作曲：金培達
填詞：姚謙
編曲：金培達
製作：金培達

每個人　都想明白
誰是自己生命　不該錯過的真愛
特別在午夜醒來　更是　會感慨
心動埋怨還有不能釋懷
都是因為你觸碰了愛

＊如果這就是愛
　在轉身就該勇敢留下來
　就算受傷　就算流淚
　都是生命裡溫柔灌溉

　愛　在回憶裡總是那麼明白
　困惑的心　流過的淚
　還有數不盡黑夜等待
　如果這就是愛＊

如果你　當時明白
後來的生命裡　是快樂還是悲哀
特別在夜深人靜時　想起未來
是否能平靜不會像現在
只是因為你擁有了愛
REPEAT＊

如果這就是愛

-----------------------------------------------------------------------------------------------------------------------------------
是日金曲：命運曲 - 張學友/池珍熙

作曲：金培達
填詞：岑偉宗
編曲：金培達
製作：金培達

張：一步一步　一步一步　當一旦選擇
　　一句一句　一句一句　當一旦回答
　　命運交疊　情節糾纏
　　迂迴曲折　不還原

　　圓了月　圓了願　美麗的結局
　　月不圓　願難圓　命運的錯誤
　　我盪過去　跟你不相遇

　　忘了吧　忘了吧　當初的選擇
　　放了吧　放了吧　悠長的掙扎

張：忘了　忘不了　　　　(池：糾纏交疊　迂迴曲折)
張：走了　走不了　　　　(池：命運要你　死心塌地)
張：留下這個愛情故事　　(池：執著太易　後悔太遲)
張：回頭太難　前進不易　(池：忘了吧　忘了吧)

張：沒有選擇權利的角色
　　就站在這個位置　懸崖上吸一口氣
　　我不是你的自由　白雲青天向我招手
　　我願為你接受這命運

　　我終於找到了愛情故事
　　一生中也無法徹底忘記
　　我終於擁有了美麗回憶
　　飄過來　盪過去　永不忘記

>>December 26, 2005 at 2:42:00 AM GMT+8

2005 年 12 月 25 日 星期日 【晴】

廿五號的清早，當然是出隊的日子
今天的主題是「更心的禮物」

聖誕，是分享愛和經歷愛的日子
今天那幾個可愛的嘩鬼來電，跟我說聲聖誕快樂，似乎這個聖誕我經歷愛多於分享愛
還有很大的改進空間

律法並不能使人改變，唯有恩典才能
-----------------------------------------------------------------------------------------------------------------------------------
是日金曲：誰是主角

在這燈飾璀燦都市中，耀眼燈飾彷似千串夢，
凝視每串夢裡的景緻，晚空裡飄送，
誰是這節日裡的主角？你懂不懂？
他身穿紅衣，還是身穿粗衣麻布？
他靜靜降生人世，還是以雪車到步？

萬闕歌聲喧染都市中，沒有一首可以稱與頌，
旋律佈滿玩笑的音韻，晚空裡飄送，
誰是這節日裡的主角？誰又會懂？
他輕聲溜走，還是應許一生懷抱？
他賜予百千玩意，還是賜與眾恩典到老？

>>December 25, 2005 at 10:21:26 PM GMT+8

2005 年 12 月 24 日 星期六 【晴】

騎呢烏龍 最爆笑

【明報專訊】足球場是英雄地，勝利很多時也是用血和淚換來的，可是激昂背後，總有令人忍俊不禁的事件。今年球壇的10大爆笑新聞中，有烏龍的、有荒謬的、有暴力的，更有色情的，每一件都足以寫入奇聞史冊中。

「施丹式轉身」擺烏龍

不少人努力練習「施丹式轉身」，希望可以用此過關斬將，可是同樣來自法國的利物浦後衛查奧爾，卻在2005年英格蘭足總盃第3圈示範了一記「施丹式轉身」的「烏龍球」，而這亦順利登上2005年球圈爆笑事件首位。

由於對手只是實力較弱的般尼，令「紅軍」統帥賓尼迪斯收起了大部分主力。比賽至51分鐘時，般尼一次本來不太具威脅的地面傳中球，負責中路防守的查奧爾本想瀟灑地在門前轉身將皮球控下來，可是皮球最終卻被他滑稽地「轉」進了網窩，最後利物浦就是因這球「靚波」被般尼這支英冠球隊淘汰出局。

-----------------------------------------------------------------------------------------------------------------------------------
球證趕自己出場

【明報專訊】球證被稱為「黑衣判官」，有權將犯規球員驅逐離場，但在英格蘭一場由彼德伯勒北隊與皇家郵政隊對碰的地方聯賽中，球證韋恩與球員爭執後，竟然秉公處理將自己驅逐，令比賽至63分鐘便宣告腰斬，事後韋恩被罰終身停止執法。

-----------------------------------------------------------------------------------------------------------------------------------
熱拿亞教頭 播3級片振士氣

【明報專訊】上季意乙在歇冬後，熱拿亞球員狀態低沉。教練哥斯美有見及此，竟想出在球隊巴士上播放色情錄影帶的方法，希望先刺激球員的大腦，再激發他們的潛能，結果此招一出，球隊在緊接的一場聯賽即洗掉對上6仗只得4分的頹風，以2﹕1勇挫巴里。

-----------------------------------------------------------------------------------------------------------------------------------
馬些連奴染錯色擦錯鞋

【明報專訊】哈化柏林的巴西中場馬些連奴，因表現出色獲球會一紙終身合約。為報答會方，他決定將頭髮染成德國國旗的黑紅黃三色，可惜髮型師卻擺了大烏龍，將顏色次序染成黑黃紅，即比利時國旗。難道馬些連奴有求於比利時政府﹖

>>December 26, 2005 at 2:36:38 AM GMT+8

2005 年 12 月 24 日 星期六 【晴】

「兩千童工日日要開工」，留家玩剪紙也樂透


【明報專訊】「平安夜，聖善夜，執紙皮，無假放，兩千童工日日要開工……」12名依靠綜援維生的兒童，昨日在社會福利署門外，高唱譜上新歌詞的聖誕歌，抗議社署綜援增幅過低。5歲的駿仔坦言渴望聖誕出外看燈飾、買玩具，但家貧的他，只能用舊報紙玩剪紙，度過聖誕。

家中沒有華麗聖誕樹和燈飾，駿仔知道不能要求過高。小小年紀的他，看似明白事理﹕「我想要一部遊戲機，但知道家中沒有錢，所以買不到。」記者昨日到訪駿仔家，與他用舊報紙剪出多個聖誕樹圖案，駿仔已快樂透了。

廉價玩具店選10元禮物

駿仔母親馬太患有關節炎，糖尿患者馬生亦因骨痛而不能工作，一家三口依靠9000元綜援過活，昂貴醫藥費及租金已花掉三分一，每月足襟見肘，馬太低聲說﹕「我知道他(駿仔)渴望擁有聖誕禮物，但我只有能力到廉價玩具店，選擇一份價值10元的禮物送給他。」

「上樓」按金交不出

一家三口出外看燈飾是奢侈活動，她說﹕「車費、飲食太昂貴了，還是留在家中最慳錢。」政府已安排馬太一家三口入住公屋，但要他們在下月3日要交出4000元按金，馬太無奈表示，一點儲蓄也沒有，只能向香港社區組織協會求助，對她來說，唯一聖誕願望是順利「上樓」。

協助貧困兒童的社區組織協會幹事施麗珊表示，希望社署提升綜援水平及恢復各項特別津貼，包括電話費、補牙及眼鏡費等，她透露，會替駿仔一家籌錢，讓他們盡快入住公屋。

>>December 24, 2005 at 11:52:26 PM GMT+8

2005 年 12 月 23 日 星期五 【晴】

今天嘗試整理這三年來日記上的金句，發現有222 句是值得留念的
回望昨日的足跡
讀每一句
就像看著自己大學時的故事
看畢二百二十二句
就像再一次經歷三年的大學生涯
很懷念

1. 我懷疑愛滋病係假架！我講真係架喎，你有冇見過人係愛滋病死架？我成日都覺呢，呢d係人口政策黎架！

2. 呢個根本係美國佬o既問題，你真係信唔信我搵廿個有非典型肺炎o既女，走去美國要佢地不停咁同美國佬打車輪，我問你d 美國佬死未。

3. 我自橫刀向天笑 i put the sword horizontally and laugh at the sky

4. A：如果用錢便可解決的問題，那便不是一個問題了
B：你說得對，但可惜我就是解決不了公的問題

5. 睇黎所有工具都可以o係你隻腳附近搵到

6. 阻滯就必然有，不要幻想可以零抵抗破城

7. 好朋友，是那些在你不快樂的時候，和你一同在公園裡坐鞦韆，一言不發，然後靜靜和你一同離去的人。

8. 佢已經受到病毒感染，需要isolate

9. 呢度講，呢度散，散開個散。

10. 網上銀行咪網上申請囉

11. 嘩，你府上擺左七十二件野o係度呀，啊~~~~何奇壯觀呀

12. 天才都係早死架喇，藝術天才就餓死，聰明o既天才就病死，「唔覺意」o既天才就係被人打死

13. 你快跟你父親說：「爸爸，好開心呀，我們錯看了車程表，誤了一班車，我們不能回來了。」

14. 又好打、又靚仔、又聰明、又深得各大宗師愛戴，仲要係行俠仗義，d 女仲要鍾意晒佢，你玩晒喇

15. 一次失敗不算什麼，如果這次失敗同下次失敗有inductive o既關係，咁先係真正o既失敗。

16. 光得黎好暗

17. 今日呢度好大殺氣。

18. 走堂格言

1) 廢堂,你今日走0左未?
2) 不走該走的堂,是大不敬.
3) 走該走的堂,不走不該走的堂.
4) 走得精彩,活得精彩.
5) 立志做一個精於走堂的人.
6) 走堂比上堂更需要智慧和自律性.
7)走堂,係一種手段,係一種學問.
8)不為走堂而走堂;不為上堂而上堂

19. 呢個世界就係咁架喇，唔係你錯，但係你要負責，係擺明老屈架喇

20. 熱褲唔係因為好熱而著o既褲，而係著左會令人覺得好熱o既褲。

21. 二零零三年九月，沙田中文大學
數學系開學
我同成班兄弟雄心壯志，諗住努力讀書
點知
唔夠一個月，平均每日走0.9 堂
off 左四日
師父話我呢條命係：一到mid-term 食東菇
但係我唔同意

22. 為左慶祝神五升空，我要泡一個中國妞先得。

23. 既然大家都想飲boil 檸樂，話就話無檸檬o者，點解我地唔買罐lemon coke light呢?

24. 我同房變左，我竟然早訓過我同房，早過同房返宿

25. 如果將我繞課的日數累積，我已經人間蒸發了三個星期

26. how do i know? = 我點知

how was i to know? = 我點q 知

27. A：呢d 叫一啖沙糖一淡屎
B：咁你應該儲多d 屎先喇

28. 猜「梅」你都唔識？國綷黎架喎

29. 如果嫦娥係咁o既樣，我情願呢個世界無中秋節

30. CSC 15 小時

31. 問世間圖為物

32. 啤啤熊，吹到啤一聲呀

33. 八國聯軍侵華復仇記念版公仔一套

34. 呢排好忙，忙到要寫日記

35. 蘇金保打熱刺架嘛，佢有咩大場面未見過呀

36. 你偶像係孔融呀？都話崇拜偶像係有害架喇

37. 歲晚太走堂

38. 究竟係上帝太勁定係我地太蠢呢？上帝可以將七日o既野六日做完，我地就六日o既野用埋禮拜日都未做得完。但係如果上帝唔休息，一個星期得六日你仲死呀。

39. 唔係喎，如果上帝係全能o既話，假設佢用t 咁多時間做一件事，佢都應該可以用t/2 o既時間做好，咁計返，佢應該唔駛時間做野架喎 (按：所以上帝的存在是沒有時間性的，正如經上所說，他是自有永有的神)

40. 咁你都要計劃下點拆道牆架，唔通真係用波動拳打爆佢咩

41. 咁我地就買個風車鋸返黎轉一轉運喇

42. 你向一個走堂o既人問另外一個人有冇走堂？

43. 你走堂個走勢都好凌厲喎

44. 追一個靚女，就好似o係機舖打機咁，你打贏左電腦，就不斷會有人黎挑你機，直到你輸為止。

45. 如果掃地雷係有大師級o既話，咁你咪「杜雷師」？

46. 妖，個game叫得做battlefield ，唔通會玩廿一點咩。

47. 哦，原來女仔會多條蛇仔o既

48. 無得飲咖啡溫書就好似綁住雙手同老虎打交

49. 你講野仲慢過溫家寶呀(by 德高望重的吳恭孚教授)

50. 點解要開冷氣？因為我要推高中電個股價囉

51. 我都係第一次聽人用呢個理由開冷氣，我阿爸做中電我都無咁緊張。

52. 你要我還錢咪落黎恆生囉，仲賺左mgh 添

53. 生命誠可貴，腳架價更高。

54. DEE 你

55. 有冇reebok 個標誌？我要將佢改做「reboot」，再將佢放上icq 張相

56. 生命根本就係一個「乃野」o既過程

57. 好腰好腎好男人，好D 好in 好function......

58. 早睡早起，早上睡，早上起

59. 你有冇睇廣告，四粒克加侖子可以撞一個橙落去架

60. 架車都靚架喇，仲有得變機械人o個下棧鬼呀嘛

61. 嘩，心如刀割，爽呀

62. make gap everyday，你每日o既工作就係令人搞gap同自己搞gap

63. 同房A：呀，三十八場無波入呀
同房B：你係咪踢後衛架？
同房C：own goal 都有呱？

64. 朋友：聽日要返工，好難捱呀
我：你唔得咁架，咁返工會好辛苦架，要當佢係天堂
朋友：咁咪要打怪囉？仲辛苦喎

65. 有很多人可以和你一同分享快樂，只是太少人能共你一起分擔傷悲

66. 我的恩典夠你用的，因為我的能力是在人的軟弱上顯得完全(哥林多後書12：9)

67. 耶和華對摩西說：「你們不肯守我的誡命和律法要到幾時呢？」(出埃及記16:28)

68. 我：你咪咁淆底喇！
朋友：你估淆底唔洗勇氣架？
我：呢句會唔會有少少問題呢?
朋友：留低都需要勇氣啦，何況淆底

69. 你試過一日訓十六個鐘？勁喎，人地一日訓八個鐘，你就一日活動八個鐘。

70. 求學? 不! 是求分數!

71. you will be taken away your skin(你將會收皮)

72. 佢地向住二比二邁進

73. 有野想寫但係唔知點寫，係一種便秘o既感覺

74. 佢就水滾，我地就火滾

75. set 錯 baros

76. 禾拉好似林子祥喎

77. 愛裡沒有懼怕，愛既完全，就把懼怕除去。(約一4:18)

78. 人不是活在過去和將來，而是不可捉緊的現在。

79. 經驗話俾我知——經驗係無用架

80. 應當一無掛慮，只要凡事藉著禱告、祈求和感謝，將你們所要的告訴神，神所賜出人意外的平安，必在基督耶穌裡，保守你們的心懷意念。(腓 4:6-7)

81. 在世上你們有苦難，但你們可以放心，我已經勝了世界。

82. (有一個人闖入歐洲國家杯決賽的球場內)你囉住咩旗呀？巴塞隆拿？關咩事呀……(那人跳進場內其中一龍門內))嘩……你睇佢，心口都寫住jump jump jump ，睇黎佢真係有預謀飛入個網度架喎……(跟住慢鏡重翻)咁都要慢鏡？？

83. 估唔到，pentium 3 係要黎show 日曆，而pentium 4 係用黎計加減數.....

84. 你們不可丟棄勇敢的心，存這樣的心必得大賞賜。你們必須忍耐，使你們行完了 神的旨意，就可以得著所應許的。(希伯來書 10:35-36)

85. 無論作甚麼、都要為榮耀神而行。(林前10:31)

86. 神的旨意就是要你們成為聖潔，遠避淫行；要你們各人曉得怎樣用聖潔、尊貴守著自己的身體，不放縱私慾的邪情，像那不認識神的外邦人。(帖前 4:3-5)

87. 一時衝動係「致命edable」 架

88. 別要想得太多。如果連想都沒想，也不是什麼大不了的事。人類就是因為什麼都想過，才會什麼都小題大作(托爾斯泰)

89. 我的神經有點問題，但表達能力無問題

90. 哎呀，個後備傷左，又無晒後備添，唯有出baros 喇(捷克對德國)

91. (碧咸射十二碼前)碧咸飛機……碧咸飛機……碧咸飛機……碧咸飛機……碧咸飛機……yeah!

92. A：A.Cole 同C.Ronaldo，兩個人由聯賽鬥到國家隊，C.Ronaldo 都係過唔到A.Cole
B：叫C.Ronaldo 去加尼仔o個邊囉，叫做同一隊搏下同情


93. 大佬呀，家陣我當你係朋友定當你個harddisk 係朋友呀？

94. 導火線o既大小唔係重要，最重要係引爆到你個炸燀之嘛

95. 好野，八號波，可以繼續訓覺

96. 我已經對「意外」麻木左喇

97. 朋友：你呢排有乜搞
我：gap 囉

98. 「 從前風聞有你，現在親眼看你。」(伯 42:5)

99. 如果用一句話來描述約瑟，他就是在失控的環境下仍能處之泰然，專心一意工作

100. 神也必引你出離患難，進入寬闊不狹窄之地；擺在你席上的，必滿有肥甘。(伯36:16)

101. 你鼓動他樂於讚頌你，因為你造我們是為了你，我們的心若不安息在你懷中，就不得安寧。(奧古斯丁．懺悔錄)

102. 汽釘鎗o既最大好處，就係縮短左我地o既落釘時間黎俾我地睇戲

103. 街頭小女：先生，阻你一陣，你有冇聽過咩咩咩公司，我係……
大組長：小姐，我而家玩緊一個遊戲，就係要將呢四十個五毫紙唱成一張二十蚊紙，唔知妳有冇呢？

104. 睇十面埋伏，我完全感受到天為被地為床的那一種浩瀚同偉大

105. 新浦崗o既蘇蘇先生滯銷呀

106. 馬會請馬夫喎，蘇蘇，去喇！

107. 講你又唔聽，聽你又唔明，明你又唔做，做你又做錯，錯你又唔改，改你又唔服，唔服你又唔講，咁你想我點喇？

108. 欣宜佢而家足足減左成個人出黎，佢話俾你聽咩叫一減一等於一，呀，你話呢個係咩group 黎呢

109. 個波o係空中彈下彈下

110. 凌空過山車<--------呢句可以比得上「個波o係空中彈下彈下」

111. soso, the gap maker

112. 正所謂監工監工，就梗係我監你工架啦

113. 今日黎監監工監工

114. 七分半鐘out 景？有d 難度喎……時間咁多，我地剩返兩分半鐘唔知做乜好架喎。

115. 簡：今年我想贏，但唔想做廿一號o既優勝演出
正：我同你差唔多，不過我想in 景，但係唔想out 景

116. 大佬，我想知點解custom and make up team 會多人過setting team，工具仲好過setting team 架。

117. 疲乏的，他賜能力；軟弱的，他加力量( 以 40：29 )

118. 你要專心仰賴耶和華，不可倚靠自己的聰明， 在你一切所行的事上都要認定他，他必指引你的路。﹙箴言三5-6﹚

119. 請小心用字！別看你的坐位距離門口只有半米，當心永遠也到不了.......

120. 嘩，整起左台之後，真係好公屋feel

121. 你間教會真係好靚，連個廁所都勁靚o個下叫人羨慕呀嘛

122. i allergic to gap

123. 我：又一城有咩戲睇呀？
朋友：i-robot
我：仲有呢？
朋友：同行殺機
我：仲有呢？
朋友：追擊八月十五
我：…………你係咪想我狙擊你個八月十五？

124. 我總不撇下你，也不丟棄你。(來 13：5)

125. 我都係架喎，細個o個陣我識得o係人地唔知o既情況下套人地d 料架喎，不過愈大就愈唔識，咁即係話我愈大愈天真囉~~~(^^")

126. 你部機生cancer 呀，壞完一樣到一樣o既？

127. 你地好似開網吧咁o既

128. 天謮呀

129. my name is gap, professor gap

130. 「起先它似乎是明白的；但你愈多思考它，由這公理得出的推論就好像變得愈奇怪；最後你完全不明白它的意思到底是甚麼了。」(羅素，註：「它」是選擇公理)

131. 無休止的reboot

132. 如果我可以講普通話，我會講好多廢話的。(csc3640 prof.)

133. 跟據經歷，香港的學生都不太喜歡太theorical 的東西，所以今年我會加入一些bio-informatic 的東西，我相信大家會find it interesting。(............csc3640 prof.........唔好玩喇.)

134. 你份手信gap 得黎有用，有用得黎又無聊，一次過滿足晒你三個願望，係咪好得先

135. 死喇，遲下我腰間有個鎚仔，背脊有個「士巴拿」，褲袋中有個螺絲批，我諗我應該轉系喇……

136. 我地要搵齊六位壯士去睇六壯士，唔夠六個就唔去！

137. When they said to you at graduation, "Follow your dream", did anybody say you have to wake up first? (Bill Cosby)

138. 我就唔信我地三個麻甩佬搞唔掂一隻甲由！

139. 知恥近乎勇呀嘛，你睇我幾勇！

140. DFA = deadline fighting agent

141. 同房：同房，你今日開唔開心呀？
我：開心呀
同房：想唔想要d 調劑呀
我：例如呢？
同房：俾人打獲呀

142. 你們要先求他的國和他的義，這些東西都要加給你們了(馬太福音 六章三十三節)

143. 賞賜的是耶和華，收取的也是耶和華，耶和華的名是應當稱頌的」(約伯記 1:21)

144. 本書正價就十四蚊英磅，印就十四蚊港紙……i see the power of currency

走堂三法(The Three Laws of Escaping Lessons)

第一理論，走堂必需有充份理據支持！
第二理論，唔駛take attendence o既堂可以走，除非違反第一理論！
第三理論，有野做o既話可以走堂，除非違反第一及第二理論！

145. 今日course e?你幫我e 死佢

146. 我：我好眼訓，我聽日先再幫你搞
朋友：唔得！
我：y?
朋友：因為我唔係第一日識你
我：我都覺得你呢個理由好充分，但係……我好眼訓呀

147. 你只可以用一個字黎形容：「赲」

148. 你生係一個gap 人，死左都係一隻gap 鬼

149. 六點後發生o既野我完全唔知，我只係記得我o係度搞gap，有咩問我大佬

150. 我對你工作o既前景審慎樂觀，在可見的將來，我睇唔到有咩原因你會被人開除

151. 天下本來不亂，是低能的人把它搞亂的(中國人史綱 柏楊)

152. 得救本乎歸回安息，得力在乎平靜安穩(以賽亞書 30：15)

153. 我上phy o個陣，個prof 話有d 科學家傻傻地架，佢地走左去d D.N.A. 黎拉下，睇下o 唔obey hooke's law……

154. 「聽朝想點剷醒你？」
「是但啦，總之唔好用d傷害到性能力o既啦」
「咁你想用傷害消化能力丫、呼吸能力丫、血液循環能力丫，定係膚淺d，傷害打機能力丫、行路能力丫、定係進食能力？」

155. 同房：笑咩呀笑，打你呀拿
我：咁我只係臉部肌肉收縮o者，我無笑呀
同房：你係咪想我二頭肌同三頭肌不斷咁收縮同伸展呀！
我：對唔住大佬

156. 太陽永遠能照到冥王星，雖然在九個孩子裡它是最遙遠的一個

157. ab = c, ability x beauty = constant

158. A：你係我o既偶像呀！
B：噁吐的對像？

159. 收埋你個枕頭

160. 同房：今晚三條死屍打直訓
我：為咩呀？
同房們(異口同聲)：型囉！

161. 原來踏單車o既快樂係建築係屎忽o既痛楚和雙腳的疲倦之上

162. 我終於知道點解單數叫odd number，odd number = 1 mod 2 , 那個1 永遠都是odd 的

163. 我：今日好累
朋友：搞咩黎？
我：踏單車
朋友：ok, I know la.....做佈景版again
(估唔到佈景板呢個角色已經深入民心……)
我：錯喇，係mat 組聚
朋友：har 你都會ga mei
我：吹呀
朋友：無所謂呀~~又唔係我去~~去係人權黎gei

164. 要買o既，一支火箭邊夠呀，我地一定要買火箭發射基地！

165. 然而靠著愛我們的主， 在這一切的事上，已經得勝有餘了。(羅馬書8:35-37)

166. 我第一次睇戲之前係唔駛睇錶，套戲開o既時間仲密過校巴呀。

167. 你o係呢個set 搵長毛做representative，o個個set 搵田北俊做representative，不過無論你揀邊個都好，都係董建華話事(註：恭孚係教緊riemann integral)

168. 今日開學o既有：中文小學喇，英文小學喇，中文中學喇，英文中學喇，同埋中文大學o既

169. A：喂，我係XXX 電訊公司打黎架，而家有個咩咩咩服務介紹返俾你……
B：你唔駛SELL 喇
A：唔係LEI，個服務好抵架喎
B：真係唔駛LEI
A：你聽完可能你有與趣呢
B：妳唔駛SELL 我喇，我係妳同事黎架，今晚返七點，妳幾點放工？不如妳留個電話俾我，我今晚返工黎搵你呀。

170. 囉個足球散中人就散得多，用個羽毛球散人散得咁應都係第一次

171. 記錄是用來打破的

172. 不要愛世界，和世界上的事。人若愛世界，愛父的心就不在他裡面了。

173. 你不可像那無知的騾馬，必用嚼環轡頭勒住牠，不然，就不能馴服(討篇 32：9)

174. 我們通常會慣習一件事，多於接受一件事；慣習一種感覺，多於接受這一種感覺

175. 是日金句：(有學生遲到)
我：遲到遲得你好似shopping 咁o既
學生a：我跑返樓梯上黎架
我：個個都係咁講架喇，不過跑返黎氣都唔駛「串」，咁勁o既你
我：下次遲到呢，記住行樓梯，留返d 氣跑入黎
說時遲那時快，又一個遲到學生行入黎
我：遲到遲得好似妳咁施施然o既
學生b：我跑返黎架
人群中的學生c：真係個個都係咁講架喎

176. 只顧戀愛的人大多是沒出息的，有空我都想沒出息一下

177. 神說，我使你的肩得脫重擔，你的手放下筐子。(詩 81：6)

178. 我頂，呢個世界唔係真係咁細呀

179. A人多大話

180. 囉A愈多，大話愈多

181. (問同房借廢紙計數後)
同房：呢張廢紙要唔要呀？
我：我呢d 完美主義者……
同房：要d 完美o既廢紙！

182. 我：化妝係一種可以將腐朽化做神奇o既技術
朋友：其實如果你做男人做得耐，你就會知道邊個女仔化左妝o既背後係靚定唔靚架喇

183. 讀完differential geometry 後，我開始唔知咩叫直線；
讀完topology之後，我開始分唔到咩係ball；
讀完algebra 之後，我唔敢答你一加一係乜。

184. 汗在心裡流

185. 地窖小鬥士

186. 我寧可做快樂的豬，也不要做煩惱的愛因斯坦

187. 朋友：我地要去畢業旅行
我：平平地，台灣囉
朋友：你唔得咁頹架，台灣呢d 吃喝玩樂幾時都有得去喇
我：咁你有咩idea？
朋友：梗係襯後生去一d 地方去闖一闖喇
我：例如呢？
朋友：耶路撒冷
我：你睇得余秋雨太多喇

188. day off externsion，尋日day off 係natural extension，今日係artificial extension

189. gap左，只因一個口疏既人撞著另一個更口疏既人o者

190. setting 十二木方

191. 「我看到方向，卻不曉得找出口。」
「很好，情況相近，我搞懂了方向，但那個方向並沒有出口，只是我搞懂了何時會完」

192. 我：愈讀maths 就愈覺得荒謬，有乜理由我用隻手指住martin，keep 住呢個方向唔變，圍住地球行一圈返黎，隻手指會變左指住大俠架？
martin：其實係圓形先make sense 架……
我：如果地球係方o既，就唔會有咁多問題喇
大俠：嘩，咁會有一個位d 唔到架喎
martin：但係呢個位con-ed-able 喎
船長：無錯，唔d 得，但係con 得
martin：在世界中心con 爆你
船長：好似咩咩咩function 咁呀，要continuous 但係nowhere differentiable，即係點點都起角，個個位都con 得

193. 我了解你是一個對我來說不易了解的人

194. 十個女人有九個係妓女，十個男人有九個半係嫖客<---from 講東講西....超勁...

195. 呢個世界唔係只係得differential geometry o既 (by Dr.Pong)

196. When i look into your eyes, i see the back of your head

197. 你們看那天上的飛鳥、也不種、也不收、也不積蓄在倉裡、你們的天父尚且養活他．你們不比飛鳥貴重得多麼。(太 6：26)

198. 而家d 中學生好勁架，識得用guass-bonnet 架喇，三角形內角和可以係120度

199. 我d 仲勁喎，佢地識得爆char p o既ploynomial，(a+b)^p = a^p + b^p

200. 搵妳黎帶路係我今日做得最錯o既決定……算喇，我已經無選擇o既餘地……妳繼續帶路喇……

201. 最離譜的家屬是護士，最麻煩的病人是醫生，最聰明的罪犯是警察，最頑皮的學生是老師。

202. 約你出黎食晚飯係我今日做得最錯o既決定(在荃灣hea 了一個鐘後的感受)

203. 喂，唔掂呀！單野「王」左呀！好多人捉呀！

204. 我地呢d 熱氣仔女黎架嘛

205. 我們要禁食和「猛咁食」，我們要不住的禱告和「畢」(「畢」湯o個個「畢」)住的禱告

206. I have enjoyed life a lot more by saying yes than by saying no

207. 不會回應也是一種回應，亦是一種最好的回應

208. 屈機獸

209. 一句之間由10 變到-5，真係光陰似箭

210. 對住無煙城放煙花

211. 我：真正的消化不良唔係食左係咁疴，而係食極都唔疴
朋友：你o個d 叫消化不能

212. 左讀右讀前讀後讀男讀女讀齊齊讀，跟住做作業寫答案交換改。(以前小學的上課模式)

213. 日理慢機

214. 朋友：我覺得佢好有氣質同好得睇
我：佢得睇，但唔睇得……but 都好o既，「得睇」呢種特質係長過「睇得」o既

215. 帥呆了

216. 如果你走的路是對的，那麼同路人就會自然出來了

217. 你不如去參加o個d 閱讀計劃喇，你睇書睇得咁鬼快，又咁鬼得閒，參加呢d 計劃囉返張書卷，仲可以幫補下d 實習洗費添。

218. 呢個方位正，一面係監獄，一面係火星

219. 香港學園傳道會，簡稱HKCCC，Hong Kong Crazy Christian Club

220. 我要奉主的名將這些書趕走(書入豬群？)

221. 又有一個尋找可吞吃的人喇

222. 朋友：點睇都唔相信你係一個學生
我：我唔需要你相信，呢個係事實
朋友：咁我選擇唔接受呢個事實喇

>>December 24, 2005 at 12:18:57 AM GMT+8

2005 年 12 月 22 日 星期四 【晴】

本人謹此呼籲：大家請勿觀看harry potter 四

一．點．也．不．好．看

值得讚的是那個夢的表徵做得不錯，故事發展如夢中所言，一貫的C.G. 還做得很好，
但劇情不精彩，不停的搞笑，加進了數條似有還無的「感情線」，更令劇情分支太多，主線更不明顯
劇末草草結尾，翻譯做得不好……

雖然朋友已說沒有帶有期望入場，但如果客觀不過不失的電影為零分，這套一定會是負數。

>>December 23, 2005 at 2:35:47 AM GMT+8

2005 年 12 月 21 日 星期三 【晴】

昨天為要完成assessment 的論文，工作至晚上三時
今早六時便要起床出隊了，今次服待的是培正中學

同樣是半睡半醒的滾上車，半睡半醒的滾下車。
或許是沒有足夠睡眠的關係，感覺輕飄飄的。

又是一次驚心動魄的出隊

下午回浸會對論文作最後一次修改，又完成一份了，很好！

晚上回使團敬拜，今夜總監大人有點失常。
呵呵呵

-----------------------------------------------------------------------------------------------------------------------------------
是日金句：
1. 我要奉主的名將這些書趕走(書入豬群？)
2. 又有一個尋找可吞吃的人喇
3. 朋友：點睇都唔相信你係一個學生
我：我唔需要你相信，呢個係事實
朋友：咁我選擇唔接受呢個事實喇
-----------------------------------------------------------------------------------------------------------------------------------
是日金曲： 是因為愛

童年時望聖誕日快來臨，憑禮物表心意燈飾掛起，
然而沒有領略神自上天臨下到人間，犧牲捨命救贖是因為愛。

*因我們他降臨沒有悔恨，因我們他嘗盡了艱辛痛楚，
他因世人失喪而付上一生，我得到人生的路向。

隨著日子飛逝我盼望可以，能一生獻給你不再回頭，
懷念著你那日愁霧漫天中十架受死，甘心洗淨我罪是因為愛。

Repeat*

獨自望著你默默的眼神，提醒我全將幹才光陰都獻上
從此盼能去將我全個盡投入 ，望能一切奉上，都給你，為你

Repeat*

>>December 22, 2005 at 2:55:04 AM GMT+8

2005 年 12 月 20 日 星期二 【晴】

有時真佩服那一群小天使的創作力，想不到當我做功課時，我意然回想昨天的一件小事，並加進論文之中：

數學老是給人一種絕對的感覺，對解答每一道難題，數學都有一個絕對的答案。但現實生活中的難題，解決方法跟本有就很多：五杯汽水分予九個人，是否一定要每個人九分之五杯？不可以有五個人不喝汽水的嗎？「四個蘋果加上三個橙」，一定是不能相加的嗎？或者一定等於「三個橙加四個蘋果」？不可以是「七個水果」麼？

>>December 21, 2005 at 1:37:01 AM GMT+8

2005 年 12 月 19 日 星期一 【晴】

今天起床：十二時正
然後有八個嘩鬼跑了上來
感覺有點意想不到
很開心，很快樂

下午去了黃金買書，還有跟餅哥食tea，談了很多「唔出得街」的事
「呢度講，呢度散，散開個散」

-----------------------------------------------------------------------------------------------------------------------------------
尋人啟事：
現尋找一名中國籍女子，年齡不詳，曾於十二月十九日下午七時致電予本大爺
如有發現以上女子，或者以上女子看到這段啟示，請致電於本大爺

-----------------------------------------------------------------------------------------------------------------------------------
是日金句：小天使

>>December 19, 2005 at 10:18:31 PM GMT+8