2003 年 4 月 1 日 星期二 【雨】

頂…今日部機hund左成日呀~整左好耐先得..
都係呢排成日開住..冇比佢休息啦…
搞到咁…都唔知整番好之後..仲會唔會又壞..
好怕囉番學校整呀..又煩..又唔知幾時先囉得…..

朝早…用home部機on..見到ar傻佢…
佢係waiway到輸左好多錢…明明琴日都有好多..
比佢就咁玩完…之後就send左d錢比佢..
而我自己得番好小…..haha~~算啦…
我同佢結結左啦~~好開心ar~~不過唔想咁快就離離ar…
waiway..真係多左好多野玩~~~~yup…

琴晚聽到Ming話張國榮死左…當時仲之為佢講笑..
唔信佢..仲勁問佢係咪真…因為琴日係愚人節嘛~~唉….
真係好突然ar~唔係聽到電台and icq既息
都唔信…真係sorry ar~ Ming..唔信你….
唉!!佢既死令我覺得好驚訝…真係估唔到ar…
估唔到佢會用呢種方法解決問題..
生命真係…..唉….
雖然有好多人都想知道點解佢要咁…
但係佢都唔係呢個世界囉…
都希望佢係另一個世界會開心…冇煩惱…
琴晚and今日開電台聽到好多哥哥既歌呀..
原來有d都幾正架喎….雖然我唔係佢fans..
但係有種唔知點覺既感覺呀…..><

不過都係個句啦..珍惜現在既一切…
我成日都係呢句..但係諗真..自已係咪有做到呢..
由今日開始我會珍惜….所有野….
4月1日呢個日子真係會好好記住…..

>>April 2, 2003 at 8:57:35 AM GMT+8

2003 年 3 月 31 日 星期一 【雨】

琴晚同ar傻talk phone..介紹左佢去waiway,到..
佢咩都玩齊,..仲多錢過我...咪因為佢勁玩馬仔囉..
不知win左幾多..仲勁咁玩....真搞野...
果網有個叫結結呢樣野玩,,之後咪叫佢玩囉..
哈哈..初頭佢都唔架..但係叫左幾次先肯..
不過佢未整姓別...唉..今日再試過......

而今日好悶ar~~~冇野做.....
成日都online~~~都係waiway到玩野....
香港傳出疫埠...好似即係一個好多傳染病既地區....
個個出親街都有機會染病既情況..
聽到依個錯誤信息之後,
搞到好多人都落街搶購......
場面真係.........好勁ar.....
不過我覺得唔會囉....係得一個地方係咁之ma...
都唔係全部都係呀.......
但係咁既做法係正常既.....
好在今日屋企買左好多野...haha!!

2003-04-01 20:20 香港電台
藝人張國榮四月一日傍晚六時四十一分
由中環文華酒店高處墮下送往瑪麗醫院後 ,
證實死亡....現場留下遺書....張國榮現年四十六歲.....

唉.......有好多估唔到既野......會突然間發生...
冇人會知......真係慘....
我聽完之後唔知點解好想喊....
唉......又冇左一個........


>>April 2, 2003 at 9:00:03 AM GMT+8

2003 年 3 月 30 日 星期日 【晴】

Today好熱呀!!~summer day 黎左啦!!
炎熱的日子~~~好熱呀!

今日冇去邊~只係at home打機..guitar,踩板..
講起踩板,都好左d啦~不過都係驚驚地..
上到板就......唉~~好驚啦~~
其實都想玩好d架..最衰細擔啦...

beyond演唱會真係有可能改期啦...
因為由於紅館係全港容納觀眾人數最多既室內表演場地 ,
so政府正考慮對紅館作出管制,取消未來一個月的演唱會
唔知又要到幾時先有得啦..不過好在係改期..唔係冇得去...

仲有ar~好耐冇去既waiway...
竟然多左好多野玩...正ar~!!



>>March 31, 2003 at 9:56:03 AM GMT+8

2003 年 3 月 29 日 星期六 【晴】

今早起身個頭又係好痛呀,仲衰過琴日..唉!
今日去拜山呀,去到成1:00幾..好累!
記得上次去既時候都係去左好耐..
但係今次就快左好多啦....上次有呀望一齊去..
今次佢就冇..但係今日都有同其他既親戚去....
果日去既時候,佢好唔願意...因為..哈哈...佢懶訓....
下次一定要叫埋佢去......仲想佢落黎hk去玩...

臨出門口之前,聽到電台訪問緊beyond...
哈哈~好開心..咁好采都聽到...
世榮.家強,貫中話係演唱會中,好想加入埋家駒一齊唱歌,
宜家連歌都搵左架啦,係個mtv到唔知搞唔搞到,'
佢地好想得,而我都好想可以睇到...
想快d到呀..仲有呀,佢地首新歌""抗戰二十年""
出左啦~~幾好聽....

下就...玩塊滑板學平衡,但係成日都仆呀...唉!!
今日冇成果,但係塊板我就將速度改慢左..
都算好架啦~~~~


>>March 30, 2003 at 9:16:16 AM GMT+8

2003 年 3 月 28 日 星期五 【晴】

早上一個人出左行,琴晚諗住搵shing..
但係都係唔啦...唉......

今日心情本來幾好,但係睇到日記個留言就...
唉!!~都唔知邊個...算啦~~
今個星期諗住番大陸架...
但係因為個肺炎咁大件事...就冇得去...

今日係蕃茄生日呀....佢生日我只可以同佢講一句對唔住..
因為令到佢都要煩女朋友同我地既事..
我真係唔想咁~但係...冇辦法啦...
搞到咁..但係唔只我一個講..唉!!
都唔知點...宜家令到我唔想生存呀...
咩人都係咁...連佢都係.....
一句對唔住唔代表到d咩...只係想.......

我期望左咁耐既滑板...今日有啦...
但係又要慢慢學...又可能學左都冇..
有時有d野..學左都會被人地話..學左都冇人欣賞....
唉..做人真係苦....乜都咁...

仲有呀..呢幾日發燒...頭痛...
冇去到睇doctor......
唔知我係咪...係咪仲好囉...
係到都冇用....只會被人批評......



>>March 29, 2003 at 10:18:49 AM GMT+8

2003 年 3 月 27 日 星期四 【晴】

今日早上食早餐呀...仲遲到添...哈哈..
不過都預左係咁架....特燈既~唉!!~唔想咁早番..
番到sch,有好多人都冇番...有d就屋企人唔比,
有d就唔想番....本來我都打算唔番,但係今日要買野..
有班差唔多成大部份人冇番呀~勁呀!!~
不過就慘啦,又比勁多homework...話怕會放埋個2星期
真係好多呀,做死人啦....
IT堂個呀sir冇番呀...2堂online..連最last個2堂圖傳都係...
不過呀sir有番..佢話咁多人冇番..都唔知教咩..咪比我地on囉..
不過2樓d機好咩呀...乜都去唔到...只係聽歌...悶到呀...

今日呀詩差d又想喊啦..因為講左d琴日既野..
佢知..佢都起火,都唔知有冇搞錯既...
唉!!~呢樣野..變左就變左...唔會再係以前既佢...
冇計啦~遲d有事...都唔關事....

聽日開發始停課啦...成個星期都唔駛番sch..
出街呢樣野..冇咩需要都唔比出架啦~~~
個肺炎真係好勁呀!好怕一樣野..
就係冇得去beyond演唱會啦!!
唔會呀嘛!唔想呀...唉!!!!

>>March 28, 2003 at 11:00:58 AM GMT+8

2003 年 3 月 26 日 星期三 【晴】

今日呀.......上人類堂個時miss又講左肺炎既野..
佢話有個醫生既朋友..話呢個病冇得醫..
唔通真係咁呀.....咁就慘啦...
miss話宜家最好就係增強抵抗力...
冇其他野可以做到...唉!!
呢個病又多左好多有事啦...

蝦餃今日係maths講左牛牛既野..
原來佢有第2個nick name...就係..哈哈..
好搞野..同細個果時有關架..
真係想睇下佢細個既相啦...

仲有呀詩詩今日喊呀...佢為左媚件事...
宜家都唔知點解佢要做到咁絕..
詩已經當冇事發生架啦..
同佢一齊..佢唔想冇左呢個fd..
但係件事就...唉!!!!
本來琴日真係有諗過件事算架啦..
但係今日佢又咁..日日新鮮..
日日都搞左唔知咩事出黎..
唔係咁講既..仲之就...唔知點講..

6:30既新聞講全港停課呀..'
聽到之後都唔知咩感受..
咪又係補番...真係被我講中左..
一定會放.....唉!!



>>March 27, 2003 at 10:57:03 AM GMT+8

2003 年 3 月 25 日 星期二 【晴】

學校today講..中2有個人既家長有果個病呀...果個人已經冇番學..
聽到後有好多人都好怕~~^^!!~咁又係既...
IT卷啦~~真係好差~~唉!!上堂個時有個打字比賽..
係會有証書囉架...yeah!!~不過都唔係好快...只係每分鐘28個字..
而...最尾個兩堂囉左黎比ICAC既人講野..
幾好玩呀..不過聽到佢講野個時就唔想聽..訓左..
今日又係要eng 補課...又係講番上堂個d野..下堂要測番今堂既野..

放學之後..竟然又係街到見到呀倫...哈哈..好開心呀..
佢仲係傻傻地咁..唔知做緊咩...佢就快要會考啦~~
希望佢得啦....可以上到form6啦.....
唉!!~雖然係間中見到佢係happy..但係都未試過見到佢呀哥
如果係間中可以see到就very正啦!~~


>>March 26, 2003 at 10:08:50 AM GMT+8

2003 年 3 月 24 日 星期一 【晴】

呢排果個病又多左好多既人有事啦..死亡人數仲增加添
今日已經見到好多既人帶口罩..學校既人都唔例外..
之後成日都有好多人講件事...連禮堂既位都鬆左好多..
d miss..sir..都不停咁講.係既..呢d野唔好睇小佢呀...
話唔定有機會中左都唔出奇..因為有好多人都唔重視衛生..

今日成日都比人嘈...仲係上咩堂都係咁..英文...es..宗教堂都講我地既成績..
話我地班人連小小努力都冇出..遲d一定追唔上..
仲好難搵工做..因為有好多大學生都冇工做...
可否我地呢d呀...唉!!~不過我好在有溫...
但係咁又點呀..eng都係唔合格..都係第一次...得40fun..
宜家雖然未計埋總fun..但係都唔係好滿意...

仲有就係講個病...eng and 人類個miss都有提到..
班上面有d男同學一d都仲囉黎當笑話咁講...
其實停課都唔係好好..咪又係要番咁多日..
仲要有可能暑假or 復活節補番..都唔知點解咁多人都仲要咁happy..

係呀..仲有呀..呀cat件事宜家搞得好大呀..
最衰都係個個miss...分明就係針對啦...
仲要唔認..今次告到校長..連個訓導都覺得miss今次係唔岩啦..
邊有teacher連lunch都唔比人食呀..
講咁多都係冇用...有心針對都冇野好講..
件事都係等校長搞掂...

仲有呀..琴日buy左本電腦書..本書好正架..
講好多野..都好有用..又便喎..
仲有得教點整mp3落個網頁到..之後咪跟住本書做囉..
但係又唔明...咪問左lo sir囉...問完佢..
佢之後仲要比篇野我打喎...
佢真係叻架...咁又唔駛自己做啦~~

>>March 25, 2003 at 10:08:54 AM GMT+8

2003 年 3 月 23 日 星期日 【陰】

早上去左食早餐呀~同埋樂兒一齊去~~
好耐都冇同佢一齊啦~~

今日好早番到屋企呀!!~today有chinese and maths..and人類卷..
唉!~好屎呀..特別係maths..不過都知係咁架啦..下年都唔讀maths..
而..chinese就差個3fun..合格...原來個個teacher比既fun都唔同架..
真係唔公平~哎哎呀!~而人類都合格左..

maths堂個時同3個fd傾佢既野..發現佢地2個真係有好多問題出現.
都唔知點講好~大家都係咁say them...一d都唔重視朋友..
有咩就只係幫住情人..不過宜家都唔關我事啦~~
唔想知道佢地既野...

琴晚已經將本<魔幻廚房>成本睇完啦~~
本來都冇咩心情睇.但係睇到最尾..想睇埋去~
真係好正呀~~^^!!宜家開始睇第2本書啦~~

仲有呀..就係唔知點解發覺又好多人都係煩緊朋友既事...
仲有係好多既事..唉!!~
連洪拳佢都係咁..心事重重..希望佢快d諗通..
唔好再因為煩一d事...搞到自己脾氣好差啦~
我係佢呀妹都唔想睇到佢咁~~都係要打個電話開解下佢啦~

>>March 24, 2003 at 11:05:49 AM GMT+8