2003 年 8 月 13 日 星期三 【晴】

今朝起身仲好累呀......不過隻耳仔就冇事....係尋日就....
一早起身都係睇呀paul隻vcd..同埋聽呀榮隻碟....正呀!!!
之後上網睇新聞啦...嘩!第一眼睇..見到好大隻字話世榮喎....
神秘男子揚言隨時爆料 ~~葉世榮被貼大字報追債＄278,000 呢幾個大字..
咁諗住睇長文啦...點知...hund左3次幾呀....唉........
幾經辛苦先至唔至hund機呀....份new話有個男人去呀榮home貼字,
都唔知係咪...真係唔信啦.......有咩料爆呀....我就覺得條友有問題啦,支持呀榮呀!!!!

今日去paridise睇...又咁快整左new啦...真係快...
不過佢仲有明報未整...我就send左比jackey叫佢加落去啦...哈哈!!!
on左成日網部機都冇事呀...咁即係唔會咁易中招啦~~~~
首<<完全地愛把>> dl晒啦...好得意呀佢地...搞笑.




>>August 14, 2003 at 10:07:14 AM GMT+8

2003 年 8 月 12 日 星期二 【陰】

呢排有好多人都中左隻電腦病毒呀...
呢種病毒會有個倒數器出左黎..之後係1分鐘後就resat左部機架啦,
如果要解左去既話,就要同電腦豆快..要即係上個網到dl個野冇事,
到宜家....我部機好在未發生咁不幸既事...但係好多人就中左,
好似話特別係window XP呀,我ME喎...都好似會中...
都係小上網為秒啦...唔係中左..真係搞唔掂啦...
下就上左陣網...見到好小人ONLINE,我諗真係好多人中左啦,
連必必都中左,我聽有D人講,真係要夠快...佢地就快到,宜家就冇事啦,

其實今日要番圖傳架,但係我冇番到呀,一來又冇人番,
WINNIE又番左大陸,夜晚又要去BAND SOUND喎,咪唔去囉,
而呀必必就番左啦,佢今日有得早放呀...

4點幾就出左門口啦,之後去左新達到買呀榮同paul隻碟,
我要幫必必買埋呀,我買左3隻之嘛,都要200蚊呀,真係貴,
早之就出大中買啦,呀榮隻碟係大中都係55渣,新達就..要成$65..激死!
之後就搭車啦,出到tsam沙咀都好早渣,5:30到啦,但係我約左jacky6點,
咪等佢地囉,之後差唔多時間佢就打黎啦,話叫我地落去搵佢,
落到去,見到佢地啦,第一眼望過去,嘩,乜個個都咁大個架,
之後,又好無助咁,唔知做乜野,佢地冇人理我地呀嘛,
過左陣先過去住,同JACKY傾左陣計咁囉...都好似冇乜野咁,
之後就搭車出去啦,等埋人,就去左灣仔M記食野,
初頭都係好唔慣架,咪坐埋一邊食囉!之後佢地隔離有位,
叫我地過去一齊坐啦~哈哈...佢地幾好呀,開始都冇乜野啦,
之後就行過去伊利沙伯體育館啦,有個人叫呀邦呀,呆呆地幾好傾呀,
哈哈~~都同佢地班人傾過野咁啦,一同好似有11個人...計埋我地,
我地就入場啦,開頭D位方面好亂架,原來係人地坐錯左,我地係一排過,

出場既唔係BAND先,係一班人,佢地帶住我地玩拍子,
好好玩呀,我地手上個個都囉住派個D棒,吹得張個D,
玩完就到太極出場啦,有好多歌都唔識~^^,
到LMF都識d歌既,好正呀佢地,跟住就係吳國敬同ICE RAIN,
在場既人都冇咁熱烈~可能佢地歌太OLD掛,我都唔識,
佢係最尾個首英文歌識D囉因為聽過呀,唔知個歌名咁,
係佢唱緊個時,下面唔知點解好多記者向住同一方向勁影相,
全場人都望晒過去,搞到呀敬就好慘咁,D人都望晒過去,冇人理佢,
到JUNKART,有X碩良份,嘩,佢D鼓好勁呀,勁,仲有個女仔把聲好掂,
佢地都玩左成粒鐘到,勁呀,因為佢地有樂器既個人表演,所以就耐D,
吾,都有小小悶架,係打鼓個PART咪唔會囉,打成粒鐘都唔停手,
之後仲打到流血添呀,佢臨走前,囉隻血手指向住個鏡頭比我地睇,哈哈,

臨到最渴望既最後一隊啦,就係BeYoND啦,YUP!!
全場人即係...唔同晒呀,企晒起身,比先前個D BAND仲激,
在場好多都係BEYOND FANS,因為見到D人舉版,
我地呢邊就緊係舉高晒個D棒啦,仲時不時叫佢地3個既名呀,
佢地唱左3,4歌,時間過得好快,咁就唱完啦,
之後就成班BAND既人出黎大合唱....只係見到呀PAUL,
佢出黎個時對住鏡頭笑,哈哈,好得意呀,D人都係叫晒咁,
之後成個LIFE ROCKS就完左啦,出左去到等人,
唔知等邊個架,原來係等佢地BAND出黎,我見到世榮呀,
仲見到BM有D,同埋上次拜家駒個2個女仔,佢地買唔到飛呀,
係門口到等左好耐都係想見BEYOND佢地,佢地真係掂呀,
買唔到飛都專登黎見佢地一面....佢地去呀榮生日會呀,
佢地就好啦,冇錢既我真係好想去呀.............
我帶出黎個D BEYOND比左D人地打...有個人都係住TAI PO架,
我留左電話比佢呀,遲D佢打完D野比番我呀,JACKY都囉左本PET 書,
佢地話23個星期六去拜家駒呀,我諗我得既,都要問下必必去唔去,
之後就出左旺角DRINK野啦,得番7個人到啦,有D都走晒啦,
我地drink野個度幫我地落單果個人極似陳冠希呀~係多面似呀,
drink完後,佢地就送我地去搭車啦,佢地幾好人架,哈哈,
我覺得今日幾好玩呀,雖然同佢地班人唔係咁熟,但係都覺得佢地好好呀,
約多幾次出o黎,仲好玩多d添呀...哈哈...

>>August 14, 2003 at 7:06:57 AM GMT+8

2003 年 8 月 11 日 星期一 【陰】

呢幾日都唔係咁得閒呀....好忙....
今日係呀榮出碟呀...yup...不過冇買呀..哈哈...
唔係唔支持佢..係聽日先姐....聽日可能買埋呀paul隻碟...有mtv既..
吾...都係睇下錢既問題啦....haha...冇錢唔駛指意買添呀....
仲有呀...都唔知聽日去唔去到添....係會去既..但係...
面對佢地成班唔識得既人...都唔知會點添呀....可能..沉默....無聲....

今日買左本pc game書呀;;;發現有好多正game呀..哈哈..
又要入貨啦....有隻日文game好似好好玩咁......仲有隻online既...唔駛錢..
不過dl得太慢啦....都係買碟仲好過啦......又平喎....

隻beyond conect vcd係呀鄔sir到呀....佢又唔記得帶...
好似唔係咁好意思成日問佢囉咁.....其實都係借比家成...
不過我都要囉番架.....但係.....我問左呀sir2,3次架啦...但係佢唔記得...
我真係冇計...唔通日日提佢咩...好似唔係咁好架嘛....
唔知點好....都係....問多一次算啦.....一係自己買多隻...仲好....
果隻就...送比佢啦...haha...到時就唔駛點唔好意思啦......

>>August 12, 2003 at 9:27:40 AM GMT+8

2003 年 8 月 9 日 星期六 【晴】

今日好好熱呀....出完街番到黎都成身汗呀....熱到呀...
都係出左去買野姐...去m記到買lunch個時見到呀龍..
不過佢see唔到我呀..我見佢好急咁囉緊個包落去....都好勤力下呀...

下就去左娟個邊到....講起中秋節原來係9月頭黎架..仲係星期五添...
諗住BBQ呀...一係茄茄屋企..一係大尾督呀....好想去大尾督...
不過個日一定大把人既...所以要好早去定先得....但係佢地有冇人肯先...
唔知呀......多數都....唉...上年都話係大尾既...咪又係冇人肯...先至上左山燒之嘛...

呢排都係dl緊人地d share file...haha!!搞到部腦冇乜位...
我諗住燒晒係隻碟到架..我又有碟喎....不過就...冇燒碟機...
要去人地個到先燒先至得呀.....

jacky叫我一齊去世榮個生日會呀...吾....初頭我唔知幾錢既..
諗住去架啦...但之後~~~原來....138呀...嘩..好貴....
死啦....點好呢...錢既問題~~要解決~~~~~唉.....
今晚就要答佢架啦...佢個fd聽日要買飛...........吾......點算好...

>>August 10, 2003 at 12:01:41 PM GMT+8

2003 年 8 月 8 日 星期五 【晴】

今日好累呀...好眼訓...呵.....
下就約左君出黎..我地一齊去左大中間機甫到打機...
本來君想玩打鼓同結他架...但係又唔識同埋人地玩緊..
嘩...睇到人地打得好勁呀....我都要呀..下次我一定show比君睇架..
因為我識...哈哈...識d啦...睇下人打咪識囉...都好易下...
係人地打得好快...先至勁...之後都玩左一陣就走左啦....佢話太多人喎...
不過都係既...佢係第一次入去呀...吾...我都係姐...但係我覺得冇問題喎..
之後就去左shopping...嘩...我買左好多野呀..不知不覺都...吾..
買左成200幾..其實都唔係買左好多渣..但係唔知點解咁貴....哈哈..
是但啦..都買左囉,至要我like咪得囉.....哈哈.....
之後就去買書啦..唔知點解d old 書都貴左好多呀..都係之前便d....

其實今日jacky搵我一齊去tsim sha tsui 睇世榮架....
但係...我又要買書喎.....個時雖然未約君既...但係.....我都冇應承...
下次啦,,,下次啦....我一定會去既.....都係去左星期3果個先算啦..
我諗去完星期3個band show後...佢都會約埋我一齊去既..哈哈..
是但啦.,大家都係一齊睇beyond姐......今個月世榮好忙呀.....
差唔多成個月都係有佢d show睇.....幾正啦...可惜我就.......冇去,...

>>August 9, 2003 at 10:10:55 AM GMT+8

2003 年 8 月 7 日 星期四 【晴】

今日皇瑪會係大球場舉行比賽呀.....勁多人去...
夜晚電視都會現場直播既......yup!!!!有得睇呀~~哈哈~
唉!!!今日又發生大件事啦.....d書冇晒啦.....又要重新買過晒去...
又要多幾千蚊買番晒啦....都唔知有冇搞錯...好在唔係我d書...
我個d都係好少...得個4,5本到...唔見左都冇咁大獲....
宜家唔見左既.....成20本都有呀....真係死唔死得呀....
睇下點先啦.,...都係要買番架啦....報警都係冇用.....搵得番個人d書都賣晒..

今日喎..得閒冇事做...睇番以前form2既日記...唔知係中2定係中3架啦...
仲之係人口普查個年...吾....唔知呀....都係中2架啦/.
睇番個時真係呀....哈哈~~真係好鬼白痴同搞笑架....
原來以前....同雪人傾得咁密架....仲搞到佢唔知點咁呢...
仲有呀....佢以前最好聽既一句...""係呢..係呢""呀,
冇人代替到佢呢句咁搞笑既說話架啦..好想聽番添...哈哈~~~

係呀..呀鳳佢.....佢終於搵到學校啦.....係馬鞍山曾璧山中學~
都唔知係邊間..吾..未聽過...未聽過...佢讀中六呀...好yeah!
哈哈..原來佢中,英都合格喎...我唔知...宜家幾好呀.....上左一級..
再勤力d就......大學架啦.....哈哈~~~~~希望佢得....

之後無聊得很啦...搞下個winmx...入左個聊天室...
但係唔知點解睇唔到d未呀...全部亂晒馬...之後咪用英文問下人囉...
竟然有人幫我喎...哈哈~~但係我都唔明呀..之後叫左佢add我..
個人教左我點整....send左個中文檔比我....好yup!!
不過之後就開唔到個winmx啦...是但啦....仲算幫到我...哈哈....

>>August 8, 2003 at 9:30:23 AM GMT+8

2003 年 8 月 5 日 星期二 【晴】

今日係一個好重要既日子,對於我黎講就唔係既..
中五個d咪係囉...因為today係會考放榜呀....唔知呀鳳佢入唔入到中6呢,
佢咁叻,我諗好高分既...連黑加倫都有12分啦....佢唔會連10分都冇既..
下年竟到我架啦...死啦~唔知點呀~不過仲有時間既....比心機應該得掛

今日漫畫節有世榮呀...不過冇去到....佢就快出碟啦,
聽講係呢個星期到啦~~~好yeah!要買呀..不~過要星期3先買得...
仲有...就係19號係呀榮既生日...唔知點呢,我已經去左新城個網到點左歌比佢聽啦,
哈哈~~希望有讀出黎啦,應該又好多人點左架啦...多人點好d~~
同bm既野...都算告一段落...我唔再理啦..是但啦...我都係以番一般既fans去2個網啦~~~

ps....補寫~~當我寫完日記啦~~之後呀鳳佢online喎..
佢話會考13分呀...唉...衰左....之後佢仲話讀我地個間呀...
我真係幾驚訝架...估唔到囉...佢仲要話係重讀添呀....
咁咪可以見到佢囉....真係唔知開心定係唔開心好呀....
開心既...係可以見到佢呀....唔開心既...係..佢讀唔到中六囉....
哈哈~~~宜家唔知呀...佢報左啦...好大機會入到囉....yup..
好過佢搵唔到學校囉....還掂佢都唔會同我一班既..
因為會開多班專比出面個d重讀生呀嘛...又點會同我一班呢...
總之就....哈哈~~~~好yup!!!!開心呀!!!呀哥黎呢間讀..細路又係...




>>August 6, 2003 at 10:55:17 AM GMT+8

2003 年 8 月 4 日 星期一 【雨】

今日係屋企呀,朝早上左陣網...都係睇下有冇news,
仲有係睇下bm個板主點覆,嘩!睇到佢咁覆真係唔知佢點諗,
佢竟然話先前唔知道有paridise個網...佢冇咁明顯講到明係日本仔個網既,
佢只係話係未成立bm前後都未聽過有果個網喎,咁好顯係啦,
佢講d野仲要好串,都唔知佢想點,佢仲要話當時人最清楚~
佢係講2個網既,一個係我地果邊果個,一係我就唔知啦,
如果佢話當時人最清楚呢句講到明係日本仔既,
我一定話晒比bm既人聽佢點成立個網番黎既,佢咪又係用d唔正當既手法,
之後我同日本仔講,bm果度咁樣講野法,send左個網比佢睇,
佢睇左都好興啦~佢同我講其實佢係整個forum之前係唔知同bm果個差唔多,
係之後有人同佢講先知,我信佢架,仲有呢d froum一樣又咩出奇呀,
點解一定要講係cope番黎,bm個板主真係好自大囉...
佢唔想有其他網同佢一樣,但係好多人識整網頁既,
都想整番個自己鐘意架啦,好似日本仔咁,整beyond,
冇咩問題呀,我都有添啦,咁樣唔好咩,但係佢既想法就唔係咁,
唉!算啦~聽jacky同日本仔講,佢地都係持住人多姐,佢想點就點啦,
不過如果佢係堅決話cope番黎既,都冇野好講,佢真係最清楚啦~

>>August 6, 2003 at 10:16:03 AM GMT+8

2003 年 8 月 3 日 星期日 【雨】

今日係番IT既最後一日啦~~~整晒所有既野...
之後都上左成日網.....當我睇到bm到有個討論係講抄襲既問題,
就火興啦~~~真係呀.....超黑人憎....持住人多就講到自己係岩晒...
嘩~呢d又係咩道理呀....有冇搞錯呀....話晒佢以前都係囉日本仔既野先架啦,
宜家竟然話番我地個網....係咪想搞大件事呀......成幾個人黎講....
佢地又清唔清楚成件事係點呀....bm個板主仲要係企出黎講野先既...
係咪好大問題呀....佢應該最清楚係點架啦.....其他網又係beyond...
佢就唔低得咁...話人地抄...哈...真係激死啦..仲好興呀...
之後我同孫小美講我一定會同佢地嘈..佢叫我唔好...仲同板主傾下先...
但係點得呀,,,之後都講左幾句...唔講唔得...呢d野係佢地唔岩先架...
但係真係唔想搞得咁大件事囉....話晒係beyond....
唔想因為fans一d問題...而搞到大一大....最後被beyond佢地知道~~
唔啦~~我只係想搞清楚~之後night同jacky傾...
佢都話不如放多d時間整好個網都唔好搞大去啦...叫我唔好理...
同佢宜家都算岩傾啦~~哈哈~~幾好呀!!好想快d13呀~~
係呀...我要整本貓狗個本雜誌呀...係上年架啦..有呀paul...
宜家囉番出黎整...難得咁多相~~~唔整出黎比人睇點得呀...


>>August 5, 2003 at 4:03:47 AM GMT+8

2003 年 8 月 2 日 星期六 【晴】

今日好累,仲好熱呀...仲有呀,上唔到網呀,係password既問題
都唔知點解,呢個星期都唔係on左好耐姐,都唔駛3個都用唔到呀,
搞到冇野做,我仲諗住同日本仔講我想整新聞,不如叫佢直情比我整上去,
唔駛send比佢整,佢都唔得閒,我上次send左咁多,佢都未有時間整呀,
就知佢有幾忙啦~~咁jacky佢又要番工喎,板主黎講我都算得閒架啦,
唔整邊個整呀,個網就緊係要比人地睇到最好既一面架啦,
雖然個網我冇幫到手,但係連整新聞咁簡單都唔整就冇野做...
不過唔知佢肯唔肯呢,我有同jacky講過下架啦,佢話我想就比我整,
但係都要問問日本仔先,咁叫佢好似唔係幾好,但係我又唔知叫佢咩名好,
哈哈~是但啦~~遲d問下佢先得....
好眼訓呀,下就訓左陣呀,又悶又冇野做,宜家IT大至上都得架啦,
Ming話會幫我睇下架,仲話會改下添,有佢係度都唔駛擔心既,
我尋日dl左基仔首新歌呀,幾好聽下架,都好耐冇聽佢既歌啦,
佢呢2年都去左外地,緊係唔得閒啦,佢好似都有去探個2個仔女,
係宣明會個d呢,收養番黎架,供錢比佢地讀書呀,生活咁囉,
其實我一直都好想,唔係因為話邊個收養佢地,我又跟住,
我覺得佢地都好慘架,供佢地又唔駛好多錢,一年都唔駛$500呀,
因為佢地唔駛用咁多錢,最主要都係讀書同埋醫療方面多錢,
唔知我有冇機會呢,呢樣野係幾時都可以,但係宜家暫時冇錢呀,
哈哈!!都係遲d先啦,我一定要收番一個架啦....

>>August 4, 2003 at 12:02:47 AM GMT+8