2003 年 9 月 7 日 星期日 【晴】

今日喎,本來約好左cat一齊食早餐架,
點知d車囉,麻鬼煩,架架都冇位,之後當有車個時,
都差唔多夠鐘番學啦,咪冇去到啦,搞到好肚餓呀!!
今日有空堂呀,呀cat佢就有成4堂啦,仲係連堂添,
d時間過得好快呀!!咁就一堂啦,都冇野做!!
係lunch之後係libary咪好玩囉,因為家成係度做埋d傻仔既動作,
又係度講笑話喎!哈哈,仲以為今日聽唔到佢講笑話添,
今日既空堂係最多人既一日啦,成個室都係人呀!!多到呀!

放學同君去左搵黑加倫佢地呀!君佢又行得好慢呀!
行緊個時見到笳笳,咪叫埋佢囉,之後佢聽到話行好遠就唔去啦,
過到去明星到等啦,個時佢未黎呀!之後過左陣先至黎,
仲以為佢走左添...佢帶到我地去band房到,要80蚊呀!
咪每人20蚊囉,本來佢講過話唔出錢既,但係佢都比左,幾好人,
之後上到band房佢就教君打鼓啦,真係幾好玩呀!搞到我都想玩埋一份,
就係睇真係好易呀!!我都學識左小小野啦,哈哈!!
過左一陣,呀其就黎左啦,佢教我玩guitar呀!
教左我掃chour,我識既,係有d音唔識囉,佢教左我呀!
之後臨夠鐘,佢地2個就JAM歌啦,玩左首太空,呀其唱囉,
但係因為枝咪既問題,好細聲,仲玩埋首真的愛你添,
之後佢地又無聊喎,就即興啦,黑加倫玩左3年鼓啦,佢真係好勁呀!
佢話要發洩下,就JAM左出黎啦,勁呀!!!!

之後就走啦,君仲問倫話下次會唔會再教佢,
佢竟然扮聽唔到喎,呀其咪話下次先啦,佢講野都好過佢好多啦,
君仲話雖然倫打鼓勁,但係好衰喎!!唔知why呀!!


>>September 10, 2003 at 2:28:12 AM GMT+8

2003 年 9 月 6 日 星期六 【晴】

今日下就去左cat屋企,之後仲同笳笳,佢,and佢哥哥
一齊打機添,幾好呀!!玩左成2粒鐘!之後仲問埋cat借左隻game呀!
雖然係打字game呀,但係隻game既畫面好正下,
係佢home到on左陣line啦,有個人add左我,
原來佢係<活著便精采>個板主黎架,佢係bm到搵到我,
又咁岩我個beyond網整個時又連結左佢個網喎!
哈哈,真係岩啦,估唔到會搵到我,佢話好多謝我連左佢個網呀,
佢仲佢個beyond網會連我果個呀!!yup!
我好想整埋個網去架,唔係佢提我話有冇update,
都唔記得左呀!仲有好多野加落去架,但係宜家d資料都....
算啦,仲之等上到網之後就整番晒所有既野,
之後我見到cat 屋企地下有我上次比佢個隻馬騮仔喎,
咪執番起囉,正當囉起個時,佢隻貓,BB仔係度玩緊隻野,
我咪照囉,之後就.....被隻貓貓爪到隻手啦,d貓正係犀利,
可能我唔鍾意貓既其中一個原因,仲之就係覺得好難明d貓諗咩啦!

番到home安左佢被我隻game啦,但係就入唔到隻game到呀,
唉.....又係咁,我諗都係部機既問題啦,唔關隻game事,
個隻<海之濫歌>入唔到去既原因都可能係咁,
我仲以為隻碟事,點知del左,連save都....早知就試多幾隻啦,
咁我d save都可以唔駛del晒....又係算啦,冇架啦!

無啦啦,恆恆,除敬同cat打黎,話中秋一齊去龍鼓灘,
原來仲未搵齊人架,宜家都係得咁多人,我咪話去囉,
緊係去啦,仲好開心添呀!因為我真係想BBQ!
雖然話個日朝早會去慧慧漁排,但係我唔想係個度過夜,
4點走,咁就番home啦,咁就緊係唔想啦,
宜家就真係可能唔駛啦,因為有得另外BBQ喎,
係...蕃茄果個又取消左,但係算佢啦,宜家補番數!

夜晚同君傾開電話,約好聽日放學點,黑加倫話未BOOK BAND房,
話睇下聽日點先喎,應該會有band房既,
君話呀教佢打鼓果個呀輝叫埋我去睇佢打鼓呀!好開心呀!
因為係佢主動叫我去呀!個時仲驚要另外收錢添,
宜家唔駛啦,下個星期六一定要去呀,到時可以問埋結他既野啦,
哈哈!!!今日真係好開心呀!又有得去BBQ,又可以學打鼓喎!


>>September 8, 2003 at 10:42:27 AM GMT+8

2003 年 9 月 5 日 星期五 【乍寒還暖】

今日...番左學校續借部電腦!
唉....部機因為中病毒上唔到網頁啦,
咁之後個人話幫我重裝window,不過入面既野就冇晒,
唉.....乜歌都冇晒啦,先前好辛苦dl番黎既BEYOND MV都冇埋啦!
其實好想叫人燒比我架...但係好多人冇燒碟機呀!!
仲有就係隻<海之濫歌>呀,我就快打爆架啦,點知....
我將d save都cope左落部機到,但就唔知開唔開到個d save啦!
chick一下....係短短數分鐘....乜都冇晒....
部腦好似安唔到,之後佢轉過部新機比我呀!
不過咪又係冇野既.....失望!好采既一樣野就係我打個d word係晒到,
因為佢被左隻碟我cope番落去...特別係呢幾日既日記呀!
番學個時冇雨架,之後走個時就落晒大雨...又冇帶傘喎!
之後去左買個3本eng既會考書啦,學榮間野係最平架,
去左一間,照價100幾,唉!!最衰學榮間野冇齊3本啦,
宜家都差一本未買呀!!應該星期一會去買埋去既!!

唉...下就試下上網啦,都唔得既..
算啦,又要問個人啦,唔知係咩問題呢....
個BBQ尋日宣佈~~終於...冇左啦...唔搞啦,又唔齊人,
又.....唉!!真係掃興!真係好想去大尾督呀!

夜晚冇野做,又冇野好睇,之後就睇左今日買個2本書,
嘩....原來都幾有用架喎...有好多野都好易明,
仲做左d添,唔知會唔會被miss鬧咁快做呢,哈哈!
之後溫下,溫下,就....好耐啦!!仲訓埋!><


>>September 10, 2003 at 2:30:51 AM GMT+8

2003 年 9 月 4 日 星期四 【晴】

今日番學差d遲到呀,上唔到去開lock假,
去唔到頌讚呀!禮堂早會個時咪要罰企囉,都好多人出左黎企呀!!
都好采唔係企左好耐,過得好快!!^^
eng堂個時做左passpaper呀!係96年架,都幾難下,
特別係Comprehension,都係亂做渣,d難好深呀,
我見到好多人都係呢部份用左好多時間,成2堂都做唔晒呀!
miss就叫我地唔好花咁多時間係呢部份啦,不過真係估唔到囉,
原來唔夠時間都係一件大件事黎呀!!只係一部份渣,就....
係呀,今日係libary真係嚇死我啦,咁我用緊電腦架嘛,
本來想做埋IT份hw,但係就冇自己個sever,冇得做,
咁又無聊,就睇呢排既beyond new啦,部機好慢呀!-_-"
之後開icq啦,咁我同呀kit talk野啦,佢番左去libary幫手呀,
又冇人online就同佢傾啦,之後喎,無啦啦,校長係我後面呀,
我個時唔知架,係kit陣左句野黎,校長呀,我即係望後,
嘩,嚇死,佢見到我玩呀,冇出聲,之後就行左去睇new啦,
之後問番佢地班人,佢地都話唔知校長入左黎呀,
無聲架......真係....我下次都唔敢係libary開啦,嘿!
chi堂,成今日講埋低能笑話,雖然全日都係聽得個2句渣,
但係都....幾搞笑呀!!哈哈!!!傻左!!

番到屋企,第一件事就緊係睇灰灰d BB仔啦,5隻係齊到,
仲訓緊搞搞添,真係得意啦!!本來有7隻架,
但之後,有一隻係出世個時死左,仲有一隻...唔見左呀,
我諗都係死左架啦,但係搵唔到係邊呀!!!!
得番5隻仔仔...有一隻係黑仔黎架,其餘都係灰色既!
宜家大約都有2個星期啦,仲未開眼呀,不過都就快架啦!

我發覺呢王肇枝係冇一個人冇日記架,
我睇佢地InFO,個個都有既,我冇add到呀,
因為本身條list都有2個係架啦!
聽佢地講,5科唔係咁易升到中六架....真係希望>>失望啦!
唉....點算好呀!!5科呀!!!一定要多c呀!自己都唔知有冇可能,
但係真係想有出路架,唔想到時係屋企到等運到!

>>September 8, 2003 at 10:40:06 AM GMT+8

2003 年 9 月 3 日 星期三 【晴】

今日.....只可以用二個字形容.."失望"
吾....仲之就...覺得真係冇機會啦,冇可能啦,
雖然佢可能唔知,可能感覺得到,但係覺得真係...
宜家咪幾好,仲之就好似平時咁樣就得架啦,
唔想因為件事而搞到淡晒渣,算啦!
有機會既,就會黎,佢想點我都會支持佢!

上堂有閱讀堂呀,好悶呀,又冇野睇喎!
都唔明點解要多左呢堂出黎,仲係覺得有好多野都未整好,
但係呀sir又成日咁得閒咁樣,唔似有人未整,
有2堂maths,真係爆到悶呀,本來想用電腦架,
但係又多左班中六係度,唔啦,唔知有冇一次係得我地班既呢,
咁就可以用啦,哈哈!!!第一日上英文堂呀,
覺得好快過,ce話要買個3本書呀!!要成300幾蚊呀!
都預左佢要買架啦,不過我諗真係教唔晒囉,
聽講cm個班一開始就要小測啦,連c班個幾個人都要呀!!

鄔sir比番隻beyond live碟我啦，哈哈
佢話好正呀，現在仲正呀，咁就緊係啦，
我諗佢去左之後實好難忘定架啦，
我都想借耐ｄ比佢既，不過.....就
宜家佢都還左比我啦，我真係好想送隻比佢架，
但係冇錢呀！如果出左６月果個beyond live就好啦，
果個算係最後一場，好想出，好想睇呀！！！

>>September 8, 2003 at 10:39:39 AM GMT+8

2003 年 9 月 2 日 星期二 【乍寒還暖】

今朝起身以為唔駛番學啦,點知係要番架,
個風係3點幾就冇左啦,仲以為有一日假添,
番學個時,見到好多地方既樹都臨得好勁,
好多都臨晒啦,都幾嚴重下架!!!
番到學校都差唔多夠鐘啦,冇去開lock假呀!!
仲有好多人都遲大到~~~呀sir又用左3堂時間黎訓話,
又係講個d野,佢話有個repearter黎報呢間sch,
張成績表有個缺點,而個缺點係因為全年遲到3次呀,
真係估唔到咁多會記一個缺點,好嚴呀!我地學校個d學生就真係....
雖然呀sir講左咁多野,不過成成佢都有講到笑話,唔係講咁多囉~~

小息之後個堂上左禮堂聽野呀!
呀sir講話有d野要一級級咁努力上去~
我地都可以做到,咁又係既,唔努力邊有成果呀,
仲有就係儀態既問題~~講左好耐,都成堂時間!!
之後就maths堂啦,我都冇讀呢科,就上左libary 啦,
都唔算悶既,睇書咁囉,開學係冇乜野要做,
我諗遲d啦,實有功課要做,到時係個度做仲好呀!

放學個時,食完飯就去左搵ITLC個人,
佢話我地d電腦中晒病毒先至上唔到網渣,
星期六囉部機番去比佢整野就冇事喎~
咁掂晒啦,唔駛理呢樣野啦~~哈哈~

同君傾開電話,佢想知多d學鼓既野,
叫我介紹d人比佢識呀!!睇黎佢都玩上忍啦,
幾好架喎~~不過就係遲左學囉,
如果係暑假學就可以多d時間係會考個方面啦,

>>September 10, 2003 at 2:32:42 AM GMT+8

2003 年 9 月 1 日 星期一 【驟雨】

今日照常番8點啦,真係要早起身,
又打風啦,今次又係一個好強既風,
不過朝早就未強住,仲未咁近HK!!
係sch有3堂都係收通告既野,哈哈,呢3堂好開心呀,
因為又聽到成成個d冇理頭既笑話啦,傻傻地咁,
仲係不會變,幾好呀,走左佢可能真係仲悶添呀,
咁就咁快過左3堂啦,真係好快呀,仲有呀,個曾sir又係咁拍台呀,
煩到呀,又噪!!好想佢改左d問題既習慣~~~

正式上堂啦,有IT堂,學PowerPoint喎,
其實中1,2都有整過啦,宜家都熟晒啦,
好采冇整定一個題目,只係知我地識咩就得,
仲係自由題,不過就當功課咁交啦,我就緊係整BEYOND啦,
哈哈~~~中文堂冇講書,只係講左其他野,如埋睇片,
呀sir講d野都幾搞笑架,不過最好就唔好成日講咁多啦,
最重要都係講番d書姐!2點鐘掛左8號啦,
個時都未算大雨既,之後到夜晚就好大風啦~
仲掛埋9號添呀,個時諗一定唔駛番架啦,
好多人就話要番,因為聽講個風好快走呀嘛!!

我dl左無間道II首歌呀,係beyond既作品黎架,
尋日先至係電台播渣,有人話有得聽咪dl囉,
本來dl極都唔得架,因為冇乜人有呢首歌呀嘛,
之後就緊係被我成功dl到啦,哈哈!!
首歌叫<長空>家強唱架,係beyond作!!正,
真係好有無間道FEEL!!yup!!!


>>September 10, 2003 at 2:32:05 AM GMT+8

2003 年 8 月 31 日 星期日 【晴】

今日終於都正式番學啦,暑假咁就放完啦,
都唔覺有放到既,真係......
今朝番10點幾呀,唔駛咁早起身,可以訓耐d,
之後番到學校,見到好多新生,應該係5E既人,
係禮堂到又係講個d野,悶到訓覺啦,真係悶,
同上年一樣禮堂又係坐果個位呀,冇野變過,
講完野後就上課室啦,呀miss 做我地富班主任,
都係幫助派野咁耐,有好多通告呀,仲要交錢,
我地個from交既錢係最小,其他級就要成5,6佰蚊,
真係貴啦,之後仲未放得學住,要去禮堂聽野,
聽到1點先放,之後就食lunch啦!!!

唉,冇得學鼓呀,都唔肯比錢我學,
係因為話我學左都冇用,又話我學唔成,
都未學又點知呀,勁想學呀!!君話係杜香個邊有$100,8堂呀,
不過係11月先至開始,我一定比錢學呀,
最好就唔好成5,6個人一齊學啦,唔係就一定學唔到野,
咁多人學,真係....我到時一定要學識,玩埋結他仲好添,
錢唔係問提,係時間既問題,睇下到時點先啦,還掂都咁平!

>>September 8, 2003 at 10:38:11 AM GMT+8

2003 年 8 月 29 日 星期五 【晴】

今日番英文呀,都唔算教野既,係派番d野比我地,
同埋對番d功課,時間都好快過....
退左44蚊比番我地呀!~哈哈,慧慧果d錢就係我果度啦,
之後放學同左勤勤去食野,之後就番左home啦,
番到home就即係玩岩岩買既game啦,
夜晚君黎話佢報左名啦,加埋手續費就320,
本來貴d架,但係收使左囉,幾好呀,得佢一個學渣,
佢個fd唔係個間學呀,佢想叫多d人去,不過我...
我都好想玩下架,但係....自己又冇錢,都係要問下屋企人比唔比啦,
真係幾想玩架,雖然先之係冇乜興趣,但係偶然接觸下d新野係幾好既,
我完全唔覺得徒錢架,因為自己鍾意呀嘛,^^!!

>>September 8, 2003 at 10:37:33 AM GMT+8

2003 年 8 月 27 日 星期三 【晴】

好耐冇黎啦,呢排日日都有寫日記,係冇post上黎姐,
今日就post晒啦~哈哈!!!冇咩唔特別都唔會唔寫架,
英文補課聽日唔晒番呀,miss又唔得閒呀,
不過我地星期六要補番囉,有得退錢呀,仲退番好多添,
哈哈~~~不過星期六先至有喎.............
放學又係去左網吧呀,today,同君,慧慧一齊,今日冇諗過黎架.
係君想去咪去左囉,間漫人網冇位呀,真係.......
之後搵左間唔係咁好既網吧,真係慘!!!

>>August 28, 2003 at 6:44:04 AM GMT+8