2003 年 9 月 19 日 星期五 【晴】

今日難得冇人用機就緊係上網啦!!
online個時,jackey佢問我有冇96 live beyond隻碟喎,
仲叫我send比佢,因為佢自己個隻唔見左,佢個fd星期一就要飛啦,
所以叫我send晒比佢囉,我最大反應就係話我56K架喎,
佢話唔緊要喎,因為趕住要,咁我咪話應承佢send囉,
不過就緊係唔係自己部機啦,咁慢都唔知send到聽朝得未呀,
咪即刻打比呀cat,叫佢幫我囉,我囉左隻碟比佢,
叫佢send,咁就send到比佢啦~~我呢個精明既方法呀!
又可以幫到佢!又send得快!哈哈!
cat呢排投稿喎,自己作左d文,不過係關於愛情既,哈哈!
之後見到家成,佢話尋晚去左獅子星號到玩呀,睇show!
仲話d show好傻笑,因為講左d 搞笑野呀,真係想聽添!
全日都見到呀輝on呀,都覺得其架啦,乜佢唔駛教君打鼓咩,
一問之下,原來君佢冇去到呀,仲要冇講低呀!
唔知咩事呢,佢好似打過電話比我架,但係個時唔係度!
下個星期我就應該會去啦,目的唔係打鼓,係電結他呀!yup!

今日勁聽個首"死性不改"既歌,雖然唔多like boy"z呀!
但係歌詞好正呀!都係聽歌詞多過聽果人唱,哈哈!
【人天生不可愛死身邊的一個】

>>September 22, 2003 at 8:33:28 AM GMT+8

2003 年 9 月 18 日 星期四 【晴】

今日係冇自修堂既one day,幾好呀!!
eng堂又默書呀,我應該唔係好高fun渣,都聽唔清楚!
之後就listen啦,係96年既pastpaper,都算話難啦!
好快就咁過左啦,仲有呀!就係....眼訓!=="
人類堂冇test呀,只係2堂都做書既功課,同埋抄筆記囉,
都冇乜講過書呀!算係咁啦!咪一路做既同事,蝦蛟佢地就講恆佢啦,
我地幾個人都講佢d儀容問題,係太過之整啦!
我真係未見過有個男仔仲掂過佢,話佢書包入面一定會有平時整開頭既野呀!
哈哈~佢好有問題架,就係驚死個頭會臨既咁,冇事冇刻都整!
宗教堂做心理測驗個d野,咁就成堂啦,都幾準下架!

Lunch今日係sch食呀,因為訂左飯呀!都唔好味既,又淡喎!
真係唔係咁好,下次都係有壽司先至訂呀!^^
之後就搬lock假啦,呀sir開始chick冇人用既lock假啦,
我就用左人地果個,未搬番去自己果個到囉,
有得轉個時,一定同呀sir講呀!宜家果個又要同人逼位啦,唉!

放學個時同媚媚,詩詩and cat一齊去行保湖,
其實唔係無聊咁行既,係去買HKCEE英文既書之,
有得買呀!之後我地就一齊睇魚仔啦,都睇左好耐下呀!
詩話要買紙袋就過左昌運個邊啦,之後就番HOME啦!

媚講左好多家成同詩既野比我知呀!其實都係我問既!
仲之就係詩呢排對成有D唔同左啦,成就唔知做咩避佢喎,
就係唔知2個人做咩事啦,我仲以為成話放棄就真係可以放棄到,
估到架啦,佢點會咁易呀!講就易,但係又係咁關心佢!
唔知佢地2個一齊既機會會唔會大呢,只要佢開心就得架!
其他野都唔會介意!!!



>>September 22, 2003 at 8:33:01 AM GMT+8

2003 年 9 月 17 日 星期三 【晴】

今朝早架車開得好快呀!番到school都係岩岩開門渣,
之後就去左買野飲,行到大家樂見到樂兒喎,
佢真係早啦,佢同佢表姐一齊食早餐呀!我同cat未入左去搵佢囉!
之後就一齊番學啦!君佢地未番呀!佢呀妹就番左黎,我就同佢傾計啦,
叫左佢參加lo sir個電腦遊戲班!!佢仲話好添!

中文堂個時呀sir講番作文個d野,仲讀左幾本出黎聽呀!
佢今堂都有講beyond呀!佢話beyond既歌冇乜修辭手法,
不過對音樂個種精神好執著~冇錯呀!講得好岩呀!
仲有呀,話佢地出生寒微,話以前成日做""茄尼啡"",
話成日係電視到睇個時,都要禁一禁停去先見到佢地,
特別係家駒and家強呀!哈哈!呢樣野我就唔知啦,
乜咁搞野架,好想知係邊套戲呀!呢樣野好似叫做臨時演員呀!

chi本來要測驗架,但係呀sir話印出黎個方面有d問題喎,
所以要遲d先,好yup!又多日時間溫啦,佢仲叫我地背課書呀!
話可以畫d係本野度做提示呀!咁都得!=="
人類堂都係要測架,本來就唔駛今日既,但係miss就用左2堂黎同我地溫番,
所以就係臨落堂個時先派比我地測啦,好采好小姐,
10題MC!仲有長題目聽日先測埋~~
自修堂個時係度溫中文呀!好快就背得熟啦,
之後睇家成個d搞野動作,佢係d書架後面扮曬swim咁喎,
真係好搞笑架,特別係佢既動作同埋表情呀!哈哈!
真係唔駛悶呀!仲好開心添,因為可以日日都睇到佢整估做怪個樣,好傻仔!
IT堂又係咁喎,係度唱歌,雖然唔係咁好聽呀!
但係勝左搞野囉,連呀SIR佢叫佢唱歌就唱好小小,
哈哈,佢係搞野d既,但係就真係有時煩d咁囉,
成日都問人同一問題,""乜我真係好搞笑咩?""
咁答左佢話係佢又笑,之後過一陣又問過喎!哈哈!

放學要補英文呀!好耐都冇上CM堂啦,見到佢教都幾開心架,
因為我好覺得佢教ENG好好,唔同其他MISS教法,最衰佢唔係教好班啦,
佢教我就好啦,哈哈!!補課係冇乜壓力架,因為有得講笑,
唔如上堂咁,仲有呀,起碼就係有得講野!!教個時好似傾計咁架!
放埋補課見到樂兒佢,就一齊番屋企啦!!

灰灰d BB狗隻真係大左好多啦,有牙仔,同埋行得啦,仲識吠人添,
不過都係好細聲,行個時,都仆下仆下咁好鬼得意!

好想打比佢呀,但係用唔到電話呀!佢都有叫我得閒打比佢架,哈哈!yup!
我用得既話就一定call佢既,不過可能佢又係問埋她的事....=="


>>September 22, 2003 at 8:32:32 AM GMT+8

2003 年 9 月 16 日 星期二 【陰】

今日唔知點解朝早好多車喎,仲要次過黎四架呀!
平時又唔見佢咁多,今日就...真係一時一樣呀!

上english堂個時真係好眼訓呀!唔知點解會咁架,
之後就dictation,尋晚溫左架啦,今朝都有溫,但係就....
係默個時又有d唔記得左呀!我係識架,但係記得個字頭唔記得字尾..
真係....可能過份驚張掛,唔知會唔會唔合格呢.....

小息個時我地轉左lock假呀,咁見個lock 假又2個星期冇人剪鑰,
咪用囉....哈哈..唔係本身果個太低同多人迫住晒,都唔轉啦,
真係迫不得意架!!唔知用呢個lock假會唔會被人剪呢,

自修堂冇野做呀!只係睇完本dog書就..悶啦,
紅and欣佢地又用電腦我咪用囉.....不過我都係用左一堂黎用電腦,
上網好鬼慢呀,咪睇左家成個日記囉,同埋留言,
都好耐都去睇睇啦,哈哈,佢都唔係成日寫既,仲有時打錯字呀!
佢寫日記好似遇左比人睇咁,真係傻傻地啦...哈哈.

之後圖傳堂,呀冼sir早退呀,又交低左d野比我地做,
不過我都已經整晒啦.....頭個堂係方sir呀,佢播左beyond首歌呀!
之後個堂就去左家成部腦到整歌,佢ALL都係DL EASON既歌...
到LAST個堂圖傳,鄧SIR黎到,佢好惡呀,唔比我地上網,
話呀SIR交低左既野一定要做呀!!真係呀!

放學同詩,媚一齊去左BANK到呀!
之後就去左買魚呀!買左2條呀~哈哈~~~
好都唔係好貴,2條都係好便,10蚊渣!
之後就番home啦,條馬路有交通意外呀,搞到塞車呀,.
又咁岩阻到笳笳and呀其喎,就一齊番home啦~

>>September 18, 2003 at 5:40:40 AM GMT+8

2003 年 9 月 15 日 星期一 【乍寒還暖】

今日出門口個時都諗下帶唔帶姐架啦....
之後都帶左,落左車之後就落好大雨啦...
不過番到學校就停左雨...真係黑仔!!
今日早會係講課外活動既野呀!今年唔同左呀,
就係放學先至選課外活動,以往都係早會既,今年就唔係啦!
上PE堂都冇特別野做,miss只係叫我地做熱身,
之後就被我地自由活動啦,而有d冇帶衫既人就產香口膠呀!
都係今年新加既,可能唔想咁多人冇帶啦~~
係PE堂既期間,我地問左一個人既野,佢就好直接仲好口快答佢係拍拖,
咁就發現多一對小情人啦~哈哈!真係收得密呀!
祝佢地幸福快樂啦,不過聽講兩個都唔夠主動呀!!
仲未拖手仔,怕羞仔係咁架啦,遲d就一定會既!
不過都係聽講....唔知係咪~仲之就唔理啦~~
想佢地開心就唔好理咁多野至岩呀!可能呢個消息會傳得好快,
因為有個人係專八開咁既野,仲要係知咩就亂講乜個隻,
仲要傳得好快添...希望呢件事唔會啦!!!

中文堂呀sir讀左我本專題寫作呀!話我作得好呀!
好開心呀!其實都冇作過野,係抄書搵番黎之d野,
個題目係講喜愛既歌詞,我就作左祝你愉快,國語板!
D歌詞真係好正架,我覺得家強寫得超好,我都好理解佢當時寫既心情!
仲之就.....好有感情啦!之後呀sir就講埋BEYOND既野一份,
佢講家駒既野呀~哈哈!!呀龍就講埋一份!之後就冇啦!
eng冇默書呀!miss仲抄左d詞語比我地溫,
咁係咪一早就應該比呢,佢真係呀!

LAST個2堂係自修呀!我地有幾個人都借d漫畫黎睇,
校長又無啦啦入左黎,仲話唔係好多時間比我地自修架,
叫我地唔好睇喎,之後行左陣就出左去啦!!
都唔理啦~因為係未睇個時都宜家抄完筆記啦!!
呀家成佢好傻呀!因為C班個repeart坐係佢隔離,
佢又要整估人地喎,聊人地傾計,個ALAN都唔理佢啦,
家成好似蝦佢咁,搞到ALAN連疊書都唔放係台呀!
真傻仔呀!!哈哈!!

放學個時係2樓啦,咁岩見到何sir喎,
我仲問佢圖傳點樣整,佢就比左人地個d比我地睇啦!
仲話上年D會考生平均囉C AND D呀!咁我咪都可以囉,哈哈!
之後就上左圖書館啦,因為今日要去搵miss hii 講oral個d野,
好快就夠鍾走左啦!!

呀輝佢原來LIVE林村架,仲以為佢係band房到live添,
咁我咪即係問佢有冇見過呀Paul囉,佢話我咁都知喎!!
仲有呀,根據我既分析原來好多男仔都好鬼死專一架,
一係就鍾意,之後就直落,唔會容易花心個隻,
連暗戀都係架,就算對方有仔都係會等,除非真係冇晒希望啦!
唔知佢會等幾耐呢!不過我都會係另一方支持佢既!
只要佢開心就得架啦!日日對住佢傻笑,哈哈!!


>>September 17, 2003 at 3:22:23 AM GMT+8

2003 年 9 月 14 日 星期日 【溫暖】

尋日星期日係屋企,好鬼悶呀!又落雨喎,
睇左成日VCD呀!好快就過左成日啦,所以冇寫到diary呀!
今日又係落雨呀!!仲係好大添....
係人類堂講左成2堂魚既野,仲有大LAMD變態行為呀!
聽蝦蛟講完就覺得大LAM原來係咁既人,真係人不以貌相呀!
仲有呀,雪強佢有成50幾條魚仔呀....我仲問左佢囉2條呀!
唔知佢點呀!佢地仲話d魚1個月可以生成10幾條架,真勁呀!
搞到我都想養番呀,我先前都有養過架,但係死晒啦,
都唔知點解架,1個星期就玩完....真係....

慧文今日問我地d相點呀,佢話紅紅冇電腦所以就會曬出黎,
好yup呀!!我要晒d相呀!之後個個都話曬喎,
我最想要既都係合照個張,因為個張係好辛苦先影到架,
個時恆恆又唔肯影,之後咁岩有人幫我地渣機咪影囉,
佢個時仲唔影架,我地幾個話佢先肯,真係呀!!

eng堂好悶呀!又訓左啦,真係次次都想訓,
唔知點解架,仲之就累啦!!!

>>September 16, 2003 at 2:29:54 AM GMT+8

2003 年 9 月 12 日 星期五 【颱風】

今朝10點幾先起身渣,好累呀!!仲有d頭痛!
想做中文,但係唔係好識做呀!!
下就出左街,去搵君同佢一齊學鼓呀!
過到壽司店見唔到佢,仲以為佢上左band房先,
我又行過去啦,禁極鐘都冇人應呀!!之後就見到君上左黎,
佢仲遲過我呀!哈哈!佢話紅紅打左好多次call比我呀!
話問番我尋日記唔記得個車牌number喎,
個電話又比人囉黎上網呀!唉...煩!
個number我已經唔記得啦,我都好想幫番除敬搵番,
話晒都係fd呀,仲要我地都係同一車喎,算啦,
我諗都搵唔番架啦,真係.....
之後我同君去左打比呀輝啦,佢話宜家係大中番緊黎呀!
我同君咪去左麥記食野先囉,之後先至番去band房到,
我都係第一次見呀輝渣,哈哈,佢教君鼓個時,
我就坐埋一邊,係度偷緊詩,不過都覺得有點兒難咁呀!
我有玩到個到d 電結他呀,好重呀!-_-不過都囉得起!
之後佢教完君野就傾計啦,唔知點解佢好好奇我會like beyond架,
怪怪地咁,我吁講比佢知囉,係人地成日講d音樂野我知,我咪開始鐘意囉.
之後就玩左好耐呀,超時添呀,佢真係幾好人呀,比君玩咁耐,
如果係其他既就一定限住個time啦,君有鼓棒啦,佢都好開心呀!

>>September 16, 2003 at 2:29:35 AM GMT+8

2003 年 9 月 11 日 星期四 【晴】

今日2點幾個時,打埋恆係咪一齊去啦,
佢話想自己去左個度先喎,除敬佢又唔知係唔係,
之後佢地真係自己去左先,有雪強,and佢地2個人!
咁我地咪差唔多夠鐘就出門口啦,去到火車站個個都黎齊晒,
係要等埋呀KIT!後尾去到太和啦,係未去個時,cat到買定winnie遲到,
之後過到去個時,只係見到紅紅and蕃茄佢地2條友,
原來winnie真係遲到呀!話要等肥so囉野呀,又要等!
kit係winnie叫黎架,佢就一d都唔理人,搞到佢好悶咁!
我地過左 門到,又要等車,等左好耐呀,因為個時都有好多人,

終於到左龍鼓灘啦~好多人呀,個沙灘好大好正呀!
過到去除敬佢地放緊風箏呀!我地班人咪行左過去搵佢地囉,
之後就一齊搵地方BBQ啦,我地雖然係book左場,但係個時都7點啦,
個人要我地6點到,咁就真係冇野講,仲有就係多人囉個度,
我地就行左2轉,搵到個地方有得BBQ啦,任食,唔包野飲,幾好呀!
之後係佢地囉野食個時,我地就囉晒d螢光棒出黎玩啦,
我地囉多左人地一張台呀,本來話10個人一張架,
但係我地就3張呀,哈哈!恆恆原來訂左耳環呀,真係唔帶都唔知!
不過都唔親佢既,除敬帶就型好多,佢..哈哈!!好怪!
燒到咁上下個時,就去街山啦,成大班人一齊去喎,
上到一到好危險架,又滑喎d路,不過上到最頂就真係好正啦,
我地成班人係度傾計,仲大叫添,之後有班人又上左黎,
我地就走啦,我地好采冇人有事呀,因為機於又黑條路又咩喎!
之後就同君去左行沙灘啦,發覺呢道真係好正架,又有海腸睇,
不過我地就冇睇呀,夜晚冇得睇呀!!仲有好多正野架,
又有單車玩,地方又大,玩到好夜都得添,之後見到恆恆佢啦,
咁岩我地又見到人地玩緊煙花喎,咪叫恆恆買囉,等左佢好耐都未番黎呀!
不過後尾好慢咁行過黎,仲有除敬呀,我地4條友係海灘到玩煙花,
感覺幾好呀!好正呀d煙花,都係第一次玩渣,我地臨到d煙花冇火個時就掉落海到
哈哈,真係好靚呀!玩到差唔到冇晒個時,紅突然打黎話佢地班人要走喎,
咪入番去睇下佢地點囉,佢地話驚搭唔到車就走先,

咁就得番我,cat,君,紅,慧文,雪強,恆,除敬啦,我地幾條友又係度傾計同玩野,
後尾慧文都走左啦,我地又玩過,仲係度飲酒,紅紅飲晒又好快買多枝,
之後個個都好肚餓,又囉左2次野食,又燒過,玩完真係好肚餓呀,
食左咁耐都冇牛排呀!仲有就係雞亦呀!真係呀!!好想食!
本來話今晚係度過夜架,但係話冇車喎,咪話番左大埔先算囉,
嘩....搭車都搭到破產呀!轉左成3,4架車呀!除敬唔見到個銀包呀!
佢應該係架車到唔見架,之後落車個時都有係車到睇左,都冇咪落車囉,
上到另一班車個時,真係搵唔番呀!個司機話可能被人排左去,
總之就唔見左啦,一係被人偷左,一係跌左係架車到,
個銀包得番$20,呢個唔緊要,係身份証最重要呀!其次先係張八仔,
除敬驚有人chick身份証唔知點,之後好都chick到,不過唔見左就真係大獲啦!
之後本來話去踢波架,但係佢地講講下野除散就唔去啦,
同紅紅一齊走左,我地係架車到見到佢地咁親密就講佢啦,哈哈,

雪強佢好開心呀,因為呀cat都訓左佢溥頭到,仲話好enjoy!有得諗喎!
咁就得番我地4個啦,我地過到廣福,球場關左呀,冇得踢啦!
咪諗住番home囉,之後恆話去海濱行,冇行去盡頭呀!搵到個石地方坐,
就係度玩石仔啦,掉晒d石仔落海,哈哈,恆仲話靚喎,
之後我地就走左啦,雪強本來想送我地番home,想跟埋架taxi上黎,
之後我地唔駛佢,我同cat就番左HOME啦,好累呀!!!!!訓左!!!!

今日好開心呀!唔知係咪算最後一次咁多人一齊呢,因為今年畢業,
唔知仲有冇機會呀!哈哈,係呀,影左好多相呀!佢地話send晒比我地睇!

>>September 15, 2003 at 8:55:00 AM GMT+8

2003 年 9 月 10 日 星期三 【晴】

今日係中秋節,依然要番學!
朝早又係冇車啦,之後見到個校 喎,
佢話一齊搭的士番學啦,個時我得3個人唔低喎,
之後係度講啦,話有多個人就好啦,跟住有個男人話係咪王肇枝到落,
呀校 咪話係囉,就一齊搭車啦,跟住仲跳埋標添,
我地一人比左$4.2個男人,之後跳左都唔係好貴,都係14個幾,
落到車,個男人想找番錢比我地,我地咪話唔駛囉,
咁就得番我同cat同埋個校 一齊行番學校啦,係途中,
佢勁講話唔係見個男人趕時間都叫佢找錢呀!!
仲話比多左d錢個男人喎,又係個呀 話唔駛找,又要係度勁講喎,
又話比多左錢呀個d野,講到番學為芷,我真係頂唔順佢啦,
可以講咁耐,仲係又頭都尾都係講緊錢添,好明顯係市儈架啦,
應該係節儉!!個5毫都唔肯放過呀!!!勁呀!!!
下次真係唔好一齊搭taxi番學啦,唔係又排講添呀!!

之後番到學校時間尚早喎,cm佢當值,行左過黎問我eng堂上成點啦,
我咪話miss lee用左成4堂test,佢都好驚訝咁,緊係啦....
一份卷最多咪45分鐘,我地用左4堂呀,真係......
佢仲問我地有冇教書,都未開始過,其實係因為我地買唔到本會考題目渣,
唔係都一早開始教左啦,係miss佢唔頂之嘛!!!

上中文堂真係好唔掂呀!我都唔知呀sir點教架,
一開始都唔係教書,就已經唔知講到邊呀,飛左去其他野到,
都唔係同課文有關既,雖然係有d道理,但係真係唔掂呀,
之後又唱歌喎,話關柳宗元事,但我就felt一d都唔關,
同課文既野就真係講得遠啦,又成日睇埋d笑話呀,IQ題既野
話幫到我地,咁佢就都算係有d道理既,但係....都講晒書先呀!
佢就唔係架,嘩!都唔知教左d乜野呀!!都係上年個miss mo好d,
雖然上年miss成日要默書,又多功課,但係今時唔好往日呀!
宜家呀sir就好似玩玩下咁,但係人地班就好正常講書!

eng堂對番上次pastpaper既答案,真係悶到我訓啦!
佢又用英文講喎,都唔知算唔算係解釋,開頭都有聽到既,
但係之後....緊係聽到悶..就訓左啦,好累呀!!
上完頭個堂,就話上libary上miss hill個堂eng,
之後都算精神晒架啦,都有講有笑既!!哈哈!

放學個時,見到笳笳喎之後就一齊回家啦,
鄔sir還番部電腦比我啦,我就係架車到睇下部機有冇事啦,
之後佢地話播歌,我就話all都係beyond既歌,咁咪播左囉!
跟住當播緊抗戰二十年個時,突然好大聲啦,正當想較番細聲個時,
個畫面就黑左,我地較都較唔到,搞到成車人都聽到呀!
哈哈,個時勁搞野!!傻笳仲要禁住個啦八位,都係要大聲,
之後先關左機渣!!

今日商討晒所有野啦,連班男仔個邊都約好晒架啦,
聽日一齊去呀,本來恆佢話各自去架,但之後就講好左啦,
宜家好多人去呀,竟然係女仔多男仔少呀!哈哈!
仲要怪我叫得太多女仔去喎,都唔知有冇搞錯架,
是但啦,聽呀ming講話佢上年去過,話龍鼓灘個度有好多地方架,
真係唔問都唔知呀!!都係聽日先算啦!

呢排覺得家成佢講既笑話冇乜特別,仲有d問題添,
係講笑話個樣好笑渣,仲之就.......唔好笑啦!

有個beyond網友,話幫我update個beyond網呀!
好開心呀,佢好like整網頁架,真好人呀!
我上唔到網,又冇時間...冇得整.....



>>September 15, 2003 at 8:54:22 AM GMT+8

2003 年 9 月 8 日 星期一 【微冷】

今日係冇空堂既一day,係day six呀!!
eng又係做番上次份野喎,我都做晒啦,
咪2堂都訓覺囉,悶到呀,差唔到個個人都做晒,
係度訓晒覺,miss問邊個做晒個時又冇人舉手,
但係一叫做,就有人訓啦,我咪係其中之一囉!
原來c班有個出面黎既repeat又走左啦,
計計埋埋出面入黎既重讀生都真係走左好多人,
君話係未開學個時,有個人已經退左學架啦,
佢個班宜家走左2個,得番2個,唔知會唔會走埋,
聽cat講呀,佢話人地sch超多hw架,但係我地呢間就..
一日都唔會有呀,係one week都唔會有2樣咁多呀!
d人既心態都可能覺得係呢間讀多年都冇用,
下年真係唔駛開多班啦,費既,報左咪又係要退,
唔係d人放棄呀,就係唔想讀唔到先至要退呀!!明既!

chi堂真係講野悶到呀,開頭都有聽開,之後就...
眼訓啦,我都唔想架,最衰係文言文囉,唔係我都唔會唔聽架,
我最憎就係文言文架啦,又唔明喎,呀sir都話自己講到好悶啦,

放學個時臨走,MISS CHAN就叫住我地啦,
幫佢手整d eng paper,好快整完就走左啦,詩詩都有幫呀,
我地之後就一齊走左啦,詩本來搵呀龍架,但係去到Ｍ記佢都未出黎!

>>September 10, 2003 at 2:29:06 AM GMT+8