2003 年 7 月 20 日 星期日 【雨】

今日仲係一號台風呀!!仲間唔中落下雨添~
今week開始做圖傳呀!仲以為今朝會遲到,
點知呀sir仲遲過我地好多呀,真係呀....
之後就叫我地開始做啦,開頭做個時真係幾難架,
但係有何sir同冼sir既幫助下就易好多啦,
之後12點正就放lunch!!去左m記食野呀!!
時間真係過得好快呀!!哈哈~~~
winnie果個整得好靚呀,仲有我地4b既人都整得幾好,
但4a既就冇乜邊個會做既,唔知點解呀~~

必必同勤勤話可能去呀!!哈哈~~咁今次有人陪啦,
要同埋jackey個班人一齊玩呀!!!
可能又識到一班朋友仔

>>July 21, 2003 at 7:25:34 AM GMT+8

2003 年 7 月 19 日 星期六 【雨】

唉!唔知咩事,今日hund左成6,7次機啦!!!
今日有1號台風呀!!夜晚仲可能掛3號呀!!好大風下~

之後下就同jackey傾電話~~係beyond-paradise既人黎架,先前都有傾 !
佢尋日都有去簽同會呀,仲簽左2隻呀,好正呀!
都有影相既,不過張卡唔知why唔見左呀,
不過仲算有得簽,相機同vcd冇事就得啦~~哈哈~
仲有呀,咁我係beyond-paradise既板主黎架嘛,
我終於有野做啦~~哈哈~好開心呀,我係負責 d 新聞呀,
都幾易做呀,因為佢地個個都唔係咁得閒,就交左比我做啦,
話晒我日日都會上陣網,唔怕啦~幫到手好開心,
哈哈~~~8月13號通利音樂會可能會同jackey佢地班人去呀,
係唔識佢地架啦,但係聽講都好玩得架~~唔知係咪呢~~~

我宜家仲有留意正人個info架,但係有時就睇唔明啦,
都唔明佢寫乜,但係點都好啦,証明佢有online啦,
哈哈~~雖然我冇同佢傾好耐啦,但係知佢有on就happy~~
上星期2見到呀毛同呀樂呀,主人帶佢地出黎,
不過就冇同主人傾計啦,佢地行緊番HOME呀~
不過see到佢地就正正~~~哈哈~~~金毛犬~~

>>July 20, 2003 at 8:58:18 AM GMT+8

2003 年 7 月 18 日 星期五 【晴】

星期六....番學校還電腦呀!!係續借先岩~
未夠鐘個時on左一陣到啦~聽個beyondline fd
講話可以有方法唔駛飛都可以簽到名,
原來佢係果度做野既,唔怪得之啦~~哈哈~
但係都冇人陪....唉!最衰呢樣野啦,
佢地唔係話夜就話太多人唔想去,一係就唔得閒~
簽完咪走囉,又唔係迫好耐喎...唉!係咁架啦,
jackey同必必又冇錢喎..冇得去..我咪去唔到囉...
之後番左學校就續借啦,本來係約左君,但係佢又走左,
預左架啦,等多陣唔係好耐姐,真係冇耐性呀!!
之後就一個人去左大中個邊buy家強隻<敵對>,今次有啦~哈哈~
之後再出左大埔區,今日又睇中左2隻碟啦,唔只2隻,有幾隻啦,
但係冇錢呀..哈哈~~buy左2隻渣~~但係見平呀嘛~~尋日buy完今日再去過,
今次呢,買左<絕世好B>呀,同一隻韓國奪命警報,呢隻係講消防員架,
好似好正咁,又係救人既...睇下啦~~
之後就番左home啦,好死熱呀,下次唔會帶部機啦,又重喎
就咁帶個電腦袋扮有帶算啦,囉黎囉去,又唔睇...都唔知帶黎做咩架,
之後就睇<絕世好B>啦,好得意呀d BB,套野又搞笑喎,
好長呀,睇左好耐~哈哈~~BB既眼仔係最得意架,好Q呀!!!
之後睇埋<敵對>,悶到呀....不過睇到家強都好開心架啦,
主角喎,都冇咩2句野講,又小見到喎,套野係講佢係飛仔果d啦,
之後自爆死左,睇到呢道,仲有成大段呀,都冇睇啦,真係好悶呀!

唉!今日有簽名會,去唔到真係可惜呀!!係有機會架,
但係宜家連今日個機會都冇左啦,唔可以怪邊個既,
唉唉!!!通利果個音樂會好想去呀,8月13日有BEYOND份架,
佢地會唱4,5首歌到啦,仲有好多band,有太極,LMF等等..
我要去,好平渣,都係$200,150,100,緊係去啦,
但係都要問fd啦,想又點呀,去得成先得架..
可能又係再次失望啦~~~唉唉!!!同唔識既人去可能去到唔知點,
問下先啦,仲有時間既,7月尾先開始有飛公開發售~~


>>July 20, 2003 at 1:54:36 AM GMT+8

2003 年 7 月 17 日 星期四 【晴】

今日係補課既last day呀,又唔係既,8月尾仲有,
哈哈~~都算架啦~~好多人都冇番呀,
有d都係幫呀sir搞果個入學野,
仲有好多人都冇乜心機啦~~我都係一樣...
咪係度draw圖傳果個魚市場囉,君draw左好多個出黎,
都係一般啦,winnie果d真係呀,幾靚呀,又好多個喎,
之後放左中文後就搵呀冼sir,佢又比左d書我地睇啦,
都唔收我地draw既野,不過都講左應該注意d咩囉...
見到lo sir,佢比左朱古力我同winnie呀,哈哈~~
成成都有番黎呀,佢份野draw得好靚呀,不過好似雜貨店咁,
個個都唔信係佢draw架,但係事實係佢,幾有水準呀,
都唔明佢,自己果個draw得咁靚,又叫人幫佢,唉~好唔明呀,
之後放學同winnie,慧慧,jackey一齊食lunch,
食完我地就去左寄野,之後jackey要番補課,
咁我同winnie就走左先啦,之後我一個人去搵隻家強隻碟啦,
點知冇喎,咪睇左一陣碟,嘩~d vcd好平呀,$11隻正板碟,
我咪buy左"一碌蔗"and一隻叫""雪汒危機"",見"一碌蔗"有又南呀嘛,
而隻"雪汒危機"又好似好正喎,就buy左啦,
之後番home就睇左尋日買既"淘氣雙子星碟1",見有時間睇埋"一碌蔗"
再睇埋"雪汒危機",嘩~好正呀~~岩晒我呀~~~

>>July 19, 2003 at 12:33:17 AM GMT+8

2003 年 7 月 16 日 星期三 【晴】

話咁快就星期四啦~真係好快下,
今日囉左d old書番黎,學校唔收呀,唉...
中文補都係咁啦,測驗呀,miss好好人呀,
被我地睇左d問題後,仲比我地溫10分鐘,
不過我就冇點溫啦,掛住傾計,都識識地既,
放完中,就去搵冼sir,佢比左d書我地番home睇,
不過係個d室內設計黎架...
見到lo sir,佢問我地上唔上到中5,
我地咪講佢知都幾好囉,佢仲話請我地食朱古力呀,
哈哈~~之後ENG 好悶呀,想訓覺,MISS放左一陣小息我地,
咪落左去買野食囉..都精神番既...
放學同JACKEY一齊,搭taxi去左保湖,
食野,賣左我幾本書,都算係幾好價錢既...$40囉...
之後就BUY書,我今年只係BUY 3本書,都好平下,
去左BUY碟呀,BUY左BEYOND5隻一碟,
都要成300架...哈哈~~BEYOND我捨得BUY既...
之後仲BUY埋淘氣添,正正~~~正正~~~不過冇時間睇呀,
都唔得閒,之後上左陣網啦,睇到beyond新消息到,
話星期6係19/7係尖沙咀既HMV..有Beyond既簽名會...
不過要飛入場...(飛會夾係係HMV買既Beyond碟入面)
嘩~我都買左碟啦,宜家先黎講....真係呀,
我超想去呀,之後即刻問人仲有冇碟buy 沙田,
咪唔理囉...諗到呀哥佢仲係沙田到番工,
咪打比佢囉,好在佢仲係沙田,我咪叫佢去HMV到問啦,
佢都唔知係邊,問佢個同事,之後被佢同事串佢3係咪香港人,
哈哈~搞到佢被人串呀...好唔掂呀,都係我既錯啦~~唉~~~
佢話會幫我搵架....之後我就打比必必問佢去唔去,
又問左好多人啦,但係冇人去得呀....因為果時會好多人,
又係夜晚喎...唉~好失望呀,之後咪冇得諗囉,
打比呀哥,佢冇買呀,又係咁,佢話係門口到睇,
睇完後就走左啦,冇問到呀~入面係有beyond vcd/dvd架,
但係佢就冇buy,唉~算啦~唔去啦~

>>July 19, 2003 at 12:32:44 AM GMT+8

2003 年 7 月 15 日 星期二 【晴】

今日係結業禮呀~不過我地10先番,
之後都on左一陣啦~~只係睇左d beyond new~
聽講beyond開始巡迴啦~8月23日就去北京啦~~
好唔捨得呀~哈哈~~~~跟住去仲好添~~
番到學校見到好多同學呀~~
呀whyman佢囉左好多既獎呀~全部都係學科首名,
真係勁人啦~~嘩~~d獎差唔多都係佢同許碧型囉,
.......我地其他人就冇行啦~~因為佢地都係讀過晒,
之後上到課室派左好多野呀,
無啦啦cm入黎過本來補星期3既同學,
安排係8月用一個星期時間同我地補,
本來佢話補一日架,但係宜家佢搵到時間~
是但啦~~都唔係咁早補之,又早放喎,
最唔好係冇左一星期玩之,算吧啦`~
派左成績表呀,d成績又係咁,又係冇全班名次,
唉..今年中4,咁多人都咁勁,係既,
呀sir話全班都可以上中5呀,不過有8個人會去a班呀,
轉另外8個人入黎,唉唉....之後放學就問呀sir我地既名次啦,
我係40,50,幾呀..唔記得啦~恆就係90..
要轉去a班既人,咪又係個d,都知啦...
放學,君本來話同我一齊出信和架,
但係竟然一句熱就唔去呀,嘩~~都唔知有冇搞錯呀,
唉...希望越大失望越大...好煩呀,
之後咪冇去囉,同左秋秋同媚媚佢地一齊,
去左大中食野,之後借漫畫,之後佢地影卡相,
咁就走啦,我借左5本呀,今次..都唔知睇唔睇得晒,
有2本唔駛錢既,因為介紹人入會係唔駛錢借架,正啦

夜晚喎,成成打電話過黎啦,咁我就同佢傾,
佢講左一大推野,話會轉去a班到讀,因為讀唔到b班,
咁我就一定話唔好架啦,叫佢諗清楚~~
佢就話你幫我做圖傳就有得諗既,咁我咪信囉,
之後都冇乜野架,佢叫我囉成績表出黎,
我聽返個電話個時,就收左線啦,我咪睇來電打番過去囉,
但係我打過去既時候,唔係佢聽,係紅紅,我個時都未講晒成個名,
佢就收左我線啦,嘩~~~都唔知有冇搞錯呀,
之後成仲打黎,我咪唔出聲,仲話唔會幫佢做囉,
佢仲要好驚訝咁問點解,我咪問佢幾號電話,
佢就講左紅電話出黎,我就講點解有人係個電話到又唔講,
而紅又唔出聲,嘩~~有冇搞錯呀,幾鬼興呀,
係...雖然我地講既野唔係咩秘密,但係都唔駛咁呀,
真係好衰,今日君個件事已經好興啦...宜家又...
唉~~之後我就好唔信佢啦....都唔知個電話仲有冇人係度,
唉.....真係架.....冇人信得過,個個都係呃人,
次次都係咁.....唔會架啦....真係唔再信人啦,
唔係因為成呢次既事,係因為先前個d,到今時今日,都係咁,
真係.....之後咪對成唉左好耐囉....興呀嘛,
之後都冇乜野啦,但係我對佢都唔會咁信得過架啦,
唔係完全唔信既...睇情形啦...佢下次係咁我真係嬲左佢呀,
佢又唔駛我做圖傳啦,我知既,係因為我煩佢呀嘛,
唔係又點會唔駛我做呀,佢都嬲緊我,我知既...點會冇呀...

>>July 17, 2003 at 9:17:28 AM GMT+8

2003 年 7 月 13 日 星期日 【晴】

今朝早7點就出門口啦~因為約左佢地搭3係m記得,
上到m記我早左到呀,早左5分鐘~~等左一陣啦,
媚媚黎先~~之後見權仲未黎,以為佢唔知醒,
打左比佢,原來佢係火車站到,過左一陣就上左黎啦,
呀..一上黎搞我個頭,我都未整佢呀,
一上到黎就話好肚餓啦~買野食,佢請呀,
請埋媚,哈哈~~佢坐係我對面呀,
食野好唔慣呀~~#_#!我仲話佢搔擾我添呀,
哈哈~~講下笑~佢同以前冇咩變呀,係大隻左囉,
佢都有同媚talk左2句,唔係好悶架嘛~
叫佢開左學友隻碟,碟有conect去過既地方地圖,
同一本野,幾正呀,有d歌我都識,成4隻碟呀~~
佢搭10就走左啦~~要番工,臨走又搞多一次我個頭~
唔知幾時又再見面呢,哈哈~~下次我唔要坐佢對面,
唔係話唔想見到佢,係食野唔慣呀~~唔知點解,
哈哈~~~聽媚講秋知佢今朝陪我黎,仲要問係咪有其他人,
真係呀,秋秋,不過都知佢會問架啦`~佢係咁架啦,

之後我地就番左sch啦~~聽婷講佢都有係個間漫畫店到借書,
咪比左我要還既書佢囉,哈哈~~今日唔駛過去啦~~
之後就上堂啦.....一樣係悶,miss一堂可以講晒一課架,
今日又講完一課啦~~哈哈~~eng miss遲左10分鐘呀,
仲以為佢冇番添,原來唔係~~上堂咪睇漫畫囉,
不過我都有聽書架~~哈哈~

放學同媚,彭善,君一齊去勤勤home~
去到個時,佢呀媽就問勤係咪我地上次有黎bbq,
鬼叫佢同台權班人bbq個時,被人囉左個電話咩,
仲係要上面天台燒野食個時被佢d fd囉架,
雖然唔知邊個,但係就一定被人囉左架啦,
因為個電話有電架嘛,但係就打番佢個時,關左機,
唉...班fd又熟喎,係咁架啦....
佢呀媽咪叫勤小心d囉,雖然用eng講,但係我都明,
係架啦,緊張都唔奇既,唔見左個電話喎,
宜家我地就去佢屋企,哈哈~~
我地其實去佢home玩樂器~~我同君就玩佢個電子鼓,結他,小提琴,
不過小提琴啦到好難聽啦我地,而guitar呢,佢果個就走晒音,
咪玩鼓囉,一路播光輝歲月,一路打,不過唔知咩聲打咩聲,
哈哈,亂晒,本來打過電話比黑加倫請教下架啦,
但係佢睇緊劇,咪冇問囉,我同君就亂黎啦~~
哈哈~~~唔得~~我要學識呀,不過電子鼓都唔好玩既,
遲下先叫佢慢慢教我地,因為佢要教媚同詩彈琴~
佢地聽日都黎呀,我就唔啦~~唔想啦...

>>July 14, 2003 at 2:06:58 PM GMT+8

2003 年 7 月 12 日 星期六 【晴】

今日好熱呀...成身熱辣辣咁!好多汗呀!
今日去左cat屋企~~嘩~見到佢個會考網頁呀,
幾鬼靚~~佢真係多時間啦~~佢係整小型企業,既pet用品~
我都唔知點呀~~佢話唔想番學校先咁早整定,
又係既....要番4日都係成日呀,幾辛苦架,
咁我...係咪都應該整呢,我諗住整guitar架啦,
但係唔知呀...好煩呀...圖傳都未掂,
宜家又IT,得閒先算啦!=_=""
仲有呀...佢隻貓又生左CAT仔啦,仲係4隻呀,
幾得閒架~哈哈~不過我唔LIKE 貓啦~~

上網個時聽呀湯圓話paul趺親~
之後我即係上去新聞到睇下~~真係呀~
嚇我一跳~原來佢冇咩事...只係整到成身損左,
都係因為前幾日囉,佢同朋友去行山,因為剛落雨好滑,
唔小人差錯腳,跌左落山崖,仲為左部相機,整親左隻手,
宜家包住左隻手啦,冇得彈結他,真係慘慘啦~
不過多d休息係好既~~希望佢快d番啦~~唔係就好悶架啦,
哈哈~~~我真係好緊張每一個BEYOND成員,唔想佢地有事,
有事既話,我實會喊架~~~唔想再有咁既事啦~~

之後見到洪權online喎,咪醒起約佢聽日朝早囉,
佢都話得呀,好開心呀~~哈哈~~~見到佢呀,
都有成.....2年啦~冇SEE佢~~Y+E+A+H!
咪叫埋媚媚囉,佢都肯陪我呀,哈哈~
之後打左2次call比呀哥,提佢聽日係邊等,
但係又冇人聽電話喎~咪冇再打囉,
就send左句message比佢,提佢啦,

夜晚訓覺個時悶悶地咪聽電台囉,
無啦啦電話振,原來係呀權佢呀,
咁佢打黎仲以為唔得啦聽日,
原來唔係,係想講番聽日既野,佢話訓左覺呀,
SO冇人聽電話~~又收到我個message距打黎囉,
佢真係傻傻地~~~講左2個字到啦,因為佢電話沙沙地呀,
佢訓唔著想傾耐d,但係電話又,我又唔想出客廳打喎,
又訓晒,唔啦~~同佢又係講學友隻碟,
哈哈~我買左幾千蚊架,好貴架...
之後傾完收左線啦~~過左冇幾耐,電話又振過,
個傻佬send左句傻妹比我呀...哈哈~~
諗住覆架啦,都唔啦~~唔係就要不停send黎send去~~


>>July 14, 2003 at 1:59:50 PM GMT+8

2003 年 7 月 10 日 星期四 【晴】

今日番補課遲左小小..好在佢果時都冇點名,
好熱呀真係....唉唉!!=_=
上eng 個時好悶呀...訓著左添啦...
jackey個電話今日冇響呀~~哈哈~~
放學去左....食大大碗個間到食...食左仲好肚餓呀!!
之後去左libary到借書,諗住搵設計既書,
但係都冇乜既...搵左一本差唔計既書,都應該有用既...
而jacky就想借history既書,中文搵唔到呀,
搵到本eng既...好大本好厚既書,嘩~~都好重下架...
我地搵書個時,睇到一本BB既書,好得意呀d BB仔...
哈哈~~~好鬼Q呀!!特別係隻眼仔...
之後就行左一陣啦..見到有個人派緊傳單喎,
咪囉左張囉...張野都係好野黎架...係一間新開既漫畫店,
咪去左睇下囉...仲做埋免費會員,都幾便架d書,
$1.5本,不過又係3日2夜...長d就好啦....
唔想行過去呀嘛....是但啦...
想搵本仙太郎架...都冇..咪借左3本書囉,
有一本<<迷糊天使>>都幾好睇架...又得意喎...
係新書黎既...2日1夜呀...要聽日還...唉!!
仲要係唔聽日還,新書就要$4呀...我聽日實還唔到架啦,
都係星期一先啦.....最多咪比錢~~~不過我借個本<<迷糊天使>>係4~
想睇埋1~3呀...哈哈~~~我記得上年都係暑假借漫晝架,
之後未借過啦..都唔記左張証...而家張新証就唔同啦..
要借多d呀...哈哈~~~睇晒佢......


>>July 12, 2003 at 9:38:57 AM GMT+8

2003 年 7 月 9 日 星期三 【晴】

今日番到學校先知中文個miss請病假冇番呀,
之後就同君and winnie去左大中到行啦,
跟住行左一陣到啦,winnie話去海濱,咁就去啦.
不過君就冇去,番左home,去到富善就叫左慧慧落黎,
咁就一齊去左昆蟲屋到睇野,睇完出面落勁大雨呀,
之後都番左sch,哈哈~~都係過雲雨,
上eng補課都一般啦~~冇乜點聽呀,
因為勤勤好多電話 call佢呀,搞到我都聽埋一份,
補完就同勤去昌運食野,都幾好味呀!!
係等緊位個時,見到詩詩,媚,婷佢地,佢地話搵野做呀,
不過就未搵到,醒唔起我都話要搵添,
不過邊得閒呀,又要補課,遲d仲可能學結他,
之後食完就約左馬仔,佢過左黎搵我地,
咁我地就一齊去左行街啦,去左保湖到買耳針,
因為馬仔佢隻好重呀,勤咪送左隻耳針比佢囉,
不過太紅鍾啦,最後都同左普通既耳針算啦,
咁行多陣就番左home啦~~~~
約好左聽日去剪頭髮,星期1去勤屋企,
星期3就去旺角信和到買碟,winnie就買三,
唉....到今日為止都係搵唔到開心鬼呀,
星期3就去搵下先啦,又想去HMV搵,但係....都係睇下點先啦....
原來過幾日黑加倫生日呀...哈哈...
送野比佢呀...要諗下先...不過唔可以個日送到,
呢排破產緊呀...哈哈,..

>>July 10, 2003 at 9:00:49 AM GMT+8