2003 年 7 月 8 日 星期二 【晴】

今日都開始放暑假啦...不過我就唔係啦!
幫我地補中文個miss都好校生,佢唔算惡呀~
幾好呀,成日都笑既,today教番我地以前教過既課文
幫我地溫番,仲有講左點樣把握d時間係作文同卷一到,
而英文個miss就.....好大聲呀講野,
成日都講佢自己黎做例子~~佢成個lasson都講eng架啦,
但係又怕我地唔明,講番中文...但係佢又教得幾好呀!
補課都幾好架,但係就太早囉,同番學時間一樣,
晨咁早就要起身,好累呀!!!=_+
之後放學去搵碟啦,去左大中啦,搵左幾間呀,
都係冇開心鬼呀,唉!真係要出沙田買啦,
睇到好多beyond碟呀,不過大部份都係CD黎
而vcd就好少囉!睇中左一隻呀,係黑色碟黎架,
有4隻大碟,呢隻碟都要成$300架,暑假又買啦,
真係多野買啦,本來想買cd架,但係又唔想,
之後買左隻台灣beyond conect vcd碟,
買左番home睇,原來係KINNS出架,
正垃圾呀,唉!!!!好後悔呀,
畫面唔駛講真係差到出汁,我都唔想講架,
睇到既都係黑黑地喎,隻碟係1986年架,
唉......好煩呀....死人吸屎魚呀,
搞到我買埋咁既碟,呃人既,都唔知睇到d乜出黎呀,
買cd好過呢隻碟呀,仲便過佢添呀,徙左我d錢,
家駒呀,點呀.....我宜家諗都冇再諗買個隻亞啦怕碟啦,
想睇到唔會睇佢出既碟呀,黑人憎!!
隻碟我都係諗住睇一次就唔睇啦,得閒先搵出黎睇,
原來家駒講國語都好唔掂當架,都唔似講緊國語呀,
哈哈~~~~佢原來好瘦架,仲有呀,paul d頭髮長到呀...
成個女人咁呀,個個都係咁長,連家強都係呀,

暑假計畫左架啦,買淘氣,BEYOND大碟,家強,世榮隻EP,
唔知點好添,冇錢呀,都要用起碼1000蚊呀,
哈哈,又唔駛咁多,都差唔計架啦!!

>>July 10, 2003 at 8:51:56 AM GMT+8

2003 年 7 月 7 日 星期一 【晴】

今朝早同樂兒一齊番學呀!!
我諗都係今個學期既最後一次啦~
今日係對卷日呀!maths,工程,人類唔合格呀!
都于左架啦,但係人類估唔到係咁低分架,
真係呀....我又唔知點溫好,但係原來都唔係好難,
不過我唔會job人類既,maths啦~一定job,
但係....工程就真係要考慮下啦~
雖然都係唔合格,但係job 2科都好似唔係咁好,
都唔知點好啦~~~圖傳都OK啦~要做果個會考hw,
就唔知點啦~好似好難,要draw草圖,我選左做海產主題市場
呀sir話18號交左個圖比佢先,要佢知道我地既想法
想搵高人問下呀,但係又好似冇咩高人喎...
聽fd講我地school有d teacher要走,唔教,
下年教數果個李sir就會轉去other school到教啦,
鬼叫話要大量才人咩,宜家有好多行都唔係好掂架啦,
但係今日聽洪權講,佢份新工就真係幾嘆啦~
佢份工大部份時間都係休息~~唔駛做咁多野,
不過我諗遲下啦,實係好苦架啦~~~哈哈~
我真係好想睇亞啦伯隻碟呀...唉唉...
想睇想睇呀,聽日一定要睇下啦~但係好似出左dvd,
咁我即係buy左都可能冇用啦,唉...


>>July 10, 2003 at 8:49:52 AM GMT+8

2003 年 7 月 6 日 星期日 【晴】

個網終於整完啦~~~全新既BEYOND網,
網名係""二樓後座""!!!都好快搞掂~~哈哈
http://hk.geocities.com/aa_guitar2000/beyondindex.htm
上面就係我個BEYOND網啦~~~正呀!!不過仲要改善!!

世榮月底面世的新碟中以《remember you》命名和撰寫同名歌曲
更積極籌備十月推出一張全收錄悼念太太歌曲的EP,以紀念亡妻辭世一周年!
一定會買呀!!世榮好堅強呀!!!佢宜家開心番好多啦!!

今日放學去睇碟呀!!搵唔到隻開心鬼4呀...唉!!!
真係失望!!!又冇....搵左咁多日都係冇...
係呀...睇到隻亞拉白演唱會隻碟呀!!
不過冇買...因為係個衰人出既就唔buy...
但係都好想睇呀!!beyond喎...但係最衰就係....唉!!
唔怕啦..遲d一定會有得睇既...



>>July 7, 2003 at 9:50:13 AM GMT+8

2003 年 7 月 5 日 星期六 【雨】

今日重新整過我既BEYOND網....加左d野,
同埋整靚左....不~過就未upload上網啦,
因為想整多d野先,呢幾日啦....都整完架啦~~
其實我先前覺得個個網都係咁架啦,整埋同一樣野,
但係宜家諗番,又見到其他人既網係唔同,
就搞到我都想整好去啦~beyond喎,
唔可以馬馬虎虎既...仲有呀,寫左一篇比家駒既信,
係講呢十年既..好感人架.....遲d先有得睇~~
我一定要整好d~~比人地既感覺係唔同既~~
係呀...尋晚發夢又見到beyond呀~~見到貫中呀~~
哈哈~~~尋晚......真係.......唉.....

>>July 6, 2003 at 6:37:14 AM GMT+8

2003 年 7 月 4 日 星期五 【晴】

beyond隻live vcd睇晒啦~~
嘩~正係勁真呀,好唔捨得,好似係現場咁,
我見到shine既又南呀,佢都一樣咁hugh!
正呀!!!睇左一次都唔夠呀~勁睇呀~
係碟到睇世榮,見到佢講佢女朋友既時候,
佢係眼紅紅咁,已經要流眼淚出黎啦~
家強就話呀榮係最堅強既一個....
睇到第3隻碟真係.....好難忘,
呢隻先係part I,睇埋II咪仲唔捨得,
好想出埋呀~~唔知會唔會呢,
係暑假一定會買好多既beyond,
更加會買埋淘氣啦~~~到時真係唔駛悶啦,
成個暑假都有beyond陪住,雖然係成個月都要補課呀,
但係都要睇晒佢架啦~~~唔係就好悶架啦~~
諗番暑假都唔知點,唔通真係冇乜特別地方好去,
唉唉......唔知點呀!想呀望佢落黎hk呀,
一齊去玩呀...去佢到就應該唔得啦,
最好就落黎hk玩番夠本先啦....哈哈~

>>July 5, 2003 at 7:53:30 AM GMT+8

2003 年 7 月 3 日 星期四 【晴】

今日考圖傳9點先出門口,
係出門口個時必必打黎問我走未
佢話尋晚發左個 呀,好搞野呀,
係關於beyond既,佢見到家強佢地係m記到
仲同佢一齊影相添呀....不過呢個係
如果係可以既話真係勁好開心啦,
其實我都 beyond佢地架,哈哈,但係,
醒番就.....不過都好呀!!!正
之後就出左門口啦,到落車個時必打黎,
我咪去左小學個邊同佢番學啦~~~
圖傳都唔算難既,但係唔夠時間做呀!!!
唉唉...連休息都冇呀!!!唔知夠唔夠分添!
之後放學約左黑加倫出黎,
佢尋日話有好多beyond既野,之後發現原來佢有放暑假呀
嘩~~勁正!之後咪叫佢燒比我囉,即刻就燒完啦,好快,
之後就約左佢今日比我啦~哈哈~~thx!
佢落黎個時帶住頂cup 帽,睇唔到佢個樣,
哈哈~是但啦~~~beyond 既fans真係好好人啦~~
佢就係其中一個啦~~
之後同winnie去左大中到買碟,
買左隻beyond live vcd呀,$78渣~
仲買埋音樂之旅添~好yeah!!2樣都係160渣~
不過點解學友隻碟仲貴過beyond既,怪怪地~
諗住buy 莫欺個時又搵唔到喎,好在必today借左比我,
不過就搵到隻掏氣雙子星,$120呀~~
我要買,不過宜家就冇錢啦~~都係遲d先啦
仲有,買埋beyond 四人時期既相呀,最後4張都被我買左呀
yeah!!今日真係好好多beyond呀!!!
1日係睇唔晒既~~哈哈~~~好開心呀!!!
星期一就約洪權出黎啦~比隻碟佢,
佢隻碟好似係cd黎架,唔知有冇買錯添,
仲有呀,佢隻碟送埋海報架~~

>>July 5, 2003 at 7:51:05 AM GMT+8

2003 年 7 月 2 日 星期三 【晴】

今日..........上bm到睇...
真係有人send 左呀paul張相比other報呀!
哈哈~~好yeah!!討回公道啦...
有多左bm既人add左我啦~~
勁多呀真係...多過以前好多...可能我成日去bm啦
今日出左live vcd啦..係part i 尾場....
我唔知今日有呀...so not buy ar!!
係 d bm既人講番比我知既...真係多謝晒佢地啦
有料真係報....聽日一定buy呀...
仲好便宜呀..只係80到...可以 buy 埋學友個音樂之旅呀
今日開始唔駛點溫書啦...因為聽日考埋圖傳0搞掂..
呀..仲有會話...哈哈...都好架啦...
唔駛溫...不過唔知點解今次個考試真係冇心機溫呀...
唔知出黎既成績會係點呢...希望唔係太差啦...

>>July 3, 2003 at 7:44:24 AM GMT+8

2003 年 7 月 1 日 星期二 【晴】

尋日幫個網搵old new,搵番以前 beyond既new,
都搵左幾多下架,但係都係得個呢2年既,
以前既就真係冇晒啦....唉~真難搵!
呢排msn到都有同佢語音傾計架,
不過"陣陣地"咁,佢講野都好快下,
2次都係好專心咁講佢講既野,
今次就教我點搵d old新聞啦,講完佢就要出街啦~
哈哈~~好開心呀!!可以幫到佢手搵beyond既野,
我都係討論板既板主黎架嘛,點可以唔幫手架,
呀!!!唔知佢日本果度有冇beyond既碟呢,
冇既話我可以寄比佢呀!!!不過就未問佢,

仲有呀,dl左個beyond放暑假,都係得開頭,
想dl埋去,但係..唔知why 個file冇左呀
今日.....唉~~~好鬼麻煩呀!!
冇心情呀!!!本來碧成係度玩都冇理佢,
但係都係被佢d傻動作整到開心番啦,
佢都得架啦,咩時候都玩得.....傻傻地~
考IT幾易呀!!特別係MC呀,
今次都合格架啦,另一份都差唔計啦~
今日既天氣係好悶熱呀,雖然個太陽唔係好曬,
但係都好辛苦呀!!!放學去左大埔區間野到問
有冇conect隻碟,仲話冇喎...真係呀!
之後有個人係果度做既,佢都係beyond fans黎架
哈哈~咁都得喎!我仲問佢有冇隻開心鬼,
佢話冇喎....之後都同佢傾左陣計咁啦~
下次要同佢傾多d beyond野呀!!!哈哈哈~
夜晚上網去bm到睇新聞,嘩!頂!真係扯火呀...
東方話呀paul冇去到遊行,話佢縮沙,
只係得把口,去左訓覺,
嘩....有冇搞錯呀!我一定信佢架...
仲有人影埋相添呀...有相為証呀!!
都唔知咩人黎架...見唔到就話人地冇去,
真係我是憤怒呀!!!!

>>July 3, 2003 at 7:28:21 AM GMT+8

2003 年 6 月 30 日 星期一 【晴】

今日開始又係7月啦.....
記得上年都開始放暑假!!
但係今年就唔同啦....又要番學....
冇得放大假...唉唉...係咁架啦...
中四學生,大忙人....
今日係71遊行呀...好多人都去...
我都唔知咩黎既...去都冇謂啦~~~~
仲要好hot添!!我諗d人好辛苦架啦~~~
今日icq到竟然有2個人係尋日拜家駒既fans黎架...
咁就見左2個fans啦...哈哈~~~
係bm到可以識到好多friend架....
聽日就考試啦....要考it呀....
應該掂既~~~~哈哈...

>>July 1, 2003 at 8:44:00 AM GMT+8

2003 年 6 月 29 日 星期日 【晴】

6月30日!一個雙重意義既日子!
今年係家駒離開我地已經有10年時間~
駒:好掛住你呀!祝你愉快~
今日放學同必必,勤勤一齊去拜家駒,
我地搭左好耐車之後去左油塘到搭taxi!
都好快上到去,連個taxi都知我地係拜家駒,
可能有好多人都搭上去啦,之後就係中途買左coke!
上到去都見到好多人架啦,搞到唔知點好,
之後就放左樽星星比家駒啦,
點埋香就坐左好耐,過一陣見到d人慢慢咁黎
仲好多人添呀,有人買左枝結他燒比駒,
又有人摺左d紙鳶掛左係駒個結他到,
好多人都好有心思呀!
之後必必話要去tole,就落左去下面搵啦,
係我地落緊去個時,見到張潔連都上緊去喎,
係至叻小人類果主持,仲以為譚玉英添,
哈哈~~~之後去完tole就上番去,見到d人多過頭先好多,
有人同我地一樣都著校服,不過佢地冇行去拜家駒,
因為真係太多人啦,又勁多記者喎!
係到等個時有個著綠色tee既女人係度講左好多家駒,
同家強既野,仲話佢都識paul個助手,
話講家駒冇女朋友就假既,佢點會冇呀,
之後講王飛以前都好鐘意家駒,
好似係家駒帶佢入行,家駒走左佢就鐘意呀paul!!
家強好鐘意個d好Q既女仔做女朋友仔,
仲話家強好鐘意台灣其中一個女魏人,
我地個個都一定識佢,但係個女魏人一定唔會理家強仔
當講到呢道既時候,paul就黎左啦,
個時係5:00到啦,呀paul第一個黎,
當時都有人叫嘩~~黎啦黎啦,之後都好快自律番,冇出聲,
有人仲話唔知可唔可以簽名呢,之後又有人話你傻架,
係都唔係呢個時候簽啦,今日咩日子呀,係囉係囉,
咩日子呀,唔通黎就唔係拜家駒係黎見beyond呀,
之後就到家強黎,最尾就係世榮,
paul著住件togeter件tee去,
之後呀到paul,家強,世榮分別都燒左野比家駒,
pual仲話收錢啦家駒,家強燒野個時好似燒到隻手呀,
仲有人叫佢小心d添,
paul同我既距離好近呀,一個手位,再前d就touch到佢,
不過咁多記者,哈哈,再前就唔得架啦,
咪有人帶左枝紙結他比駒既,仲未燒,之後paul就問係邊個既,
幫佢燒埋佢,呀paul囉住枝guitar拜完就燒啦,
燒個時枝guitar頭長呀嘛,就放唔晒入個桐到,
世榮好低死咁講話會唔會收唔晒成枝架,哈哈~佢呀!
之後有人係後面傳左間屋比呀paul佢地燒,
之後傳到果個人就佢燒番,paul冇幫佢燒到,
不過呀paul就話:嘩屋喎,有個女人喎,又大,
仲有永持添,搞到好多人都笑,哈哈~
呀paul佢好正呀,成日周圍望下d人,仲係度微笑,
哈哈~~~唔知佢見唔見到我呢,
佢成身汗呀,有人比左包紙巾paul,
paul好似見過個人咁,話而係你喎,
哈哈~家強好似好瘦咁既,paul就好多蘇蘇,
世榮就唔係咁清楚見到佢,
之後係佢地未走前我同必必都走左啦,
因為好熱同埋好夜啦,成6:00都有,
之後就行落山啦,行落山個時見到家強架黑色bandes
仲有呀paul架白色車,佢仲食緊煙添,
而世榮就唔覺眼啦,嘩~~行到好累呀......
番到home都7:00啦~~~~~之後上網,去左bm
討論番今日拜家駒既情況~~有好多人都有上去,
有個係我icq到既人,佢今日仲係我前面添,哈哈!
之後9:30聽903既雲妮鍾情訪問家強對家駒既野,
我都錄左啦,用左一盒帶,家強講個時好想喊呀,
唉.........搞到我都..想...
佢話每次聽到佢既歌都會有唔捨得既感覺~

>>July 1, 2003 at 5:27:53 AM GMT+8