2003 年 10 月 27 日 星期一 【晴】

今堂既PE堂好開心呀!雖然要做好多熱身..搞到好鬼熱..哈哈!
咁之後就自由活動啦...咁就打羽毛球啦..打打下突然有個彈彈球出左黎..
我就係度好似玩BIG球咁...係度玩..好搞野..紅紅都同我一齊好白痴咁玩呀!
咁玩玩下一彈...陣左上去四樓到...上去搵就唔見左啦..冇得玩..
之後MISS冇啦啦話玩遊戲~係度捉人..哈哈!仲之就好搞野啦..
到自修堂又唔想溫書..就上網啦..只係幫人申請留言板囉..
同埋去個個既祈願板到..好多人都開左呀!哈哈!
中文堂係度同呀cat係度玩野呀!!傻傻地架..無聊!呀sir又睇唔到喎!
咁放學果兩堂又係自修堂啦..佢又係度訓覺喎...又唔知對住邊個笑...
我就同紅紅and海馬係度講笑話啦...同玩埋D唔係魔術既魔術~
之後仲玩埋連按詞呀!講到放學都係度講...要玩都係呢頭個幾個月架啦..
放學...要去討論!今日用卡學eng!同埋睇書囉!miss都好好人次次都準時放我地..
咁之後走啦...就見到媚岩岩放喎..就一齊行啦//又係講果個人呀..
呢排都聽到幾個人係度講佢...我就唔係同佢熟啦..
只係講人地講果d野..咪又係佢地想講既野..同一話題!
之後詩就送到我去搭車到啦...佢今日可以唔駛咁趕..so就送埋我啦..哈哈!!

番home睇左隻左麟右李啦...幾搞笑下架...哈哈!有好多歌雖然唔識..
但係我都冇cut到...仲好想睇多一次..不過今晚夜啦..有空先啦..
左麟右李講果d野...有幾多都係佢平時有講開架...搞笑!
聽到佢地講就諗起佢平時講既野啦...佢都幾識套用人地既說法!叻呀!
有首歌都幾岩我架..連歌詞都係...就係"不知不覺愛上你"啦!

仲有呀...問呀星借左隻beyond精選..不過係CD黎既...冇得睇呀!
佢都仲有D碟架...不過ALL 都係 DVD呀!點睇呀!又冇機喎!


>>November 3, 2003 at 12:51:17 AM GMT+8

2003 年 10 月 26 日 星期日 【晴】

今日中四個人還番晒所有beyond野比我啦..咁臨住睇啦..
點知道呀龍想借...就借晒比佢啦...好采都囉番隻睇..
chi明明今日dic...但係好多人冇溫~就吹水話星期4先係..
其實星期四係交作文...不過呀sir話聽日默番囉..冇所謂啦..
eng又係..聽日lunch先補番...真係煩...我諗我都係要出貓先啦..
溫左又點呀....驚張過度唔識...哈哈!睇下點先啦!

今日佢終於用左塊膠布啦...又話唔用喎...佢仲話要比番d垃圾佢呀!
不過冇比...唔知佢係咪講真呢....-.-而另外果一塊就..

好唔開心呀!佢成日都係我面前提個兩個人..佢都唔明我既...
我好辛苦架....佢仲話要咩轉下喎..唔同我傾..搵其他人傾..
因為同一個人傾開會好悶...同埋會冇野講喎..我就覺得唔會啦..
希望佢唔係講真啦...宜家同佢都算開心啦...日日都有~
萬一有日真係冇左....我一定會極之唔開心..唉.....
佢呢排好興呀!成日冇啦啦都要爆句粗...佢先前都唔係既..
宜家就係啦...仲之就好唔同左啦...hellowin果度佢冇份呀!
勁係度講...佢仲有D唔開心呀!本來有機架嘛..點知冇喎!!
唉..佢呢排係咁..都唔知點樣啦!好想有個願望就係希望佢好似以前咁!

>>November 3, 2003 at 12:50:54 AM GMT+8

2003 年 10 月 22 日 星期三 【晴】

今日自修堂佢地有班人係度玩唔知咩野...有張野好鬼臭架..
唔知咩味啦..我就冇嗅到啦...囉張野係度整孤人...真係有問題架..
搞到有人差D 呀!玩到一定就夠啦...仲要夠到人地咁辛苦!

IT堂講番呢排做HW既分大約係囉咩啦...得佢一個囉U呀!
真係唔知佢點做架...平時都有抄我個份架啦...佢睇到後都好似有唔開心...
唔得..我一定要幫到佢合格架...唔可以全班得佢一個咁低架嘛..
我好想學果個變走硬幣既魔術..終於識啦...哈哈..原來又係好易渣...
唔知點解家成佢做得慢..比cat知道左個秒法..我都係睇好多次先識呀!
真係百痴呀我...哈哈!!宜家冇咩想學啦....想玩多d..表演比人睇!

eng真係唔合格呀!要重默呀!都唔係好多人要再默過呀!
連冇溫到既媚媚都合格呀!詩詩都係出貓..得我同君要..
其他人就唔知佢地啦...chi差唔多全班都要啦..
但係呀sir話唔駛再默番一樣既..因為佢都知好難..
so默過other段..好采都係小姐...呢次就得啦...

詩今日同我講番佢尋日同家成ICQ講既野...佢話家成叫佢嬲胞佢喎..
佢就宜家仲更加嬲佢啦...唉...都唔係佢唔成唔岩...
講到尾係詩發脾氣佢先至咁岩之嘛...都係企係佢個邊!!

>>November 3, 2003 at 12:50:29 AM GMT+8

2003 年 10 月 22 日 星期三 【晴】

今日家成好似唔開心!係因為詩嬲佢果件事囉....唉....
唔知詩係咪真係嬲左佢呀!平時都會上去搵佢架啦...今日竟然冇呀!
仲提佢個名個時...佢仲話好嬲佢呀!!有咩好嬲喎...都過左啦..
我幫佢問家成囉膠布..但係囉左又唔肯用呀!唔通真係因為係佢既so唔要..

圖傳堂宜家逢day 7先去電腦室啦...因為都冇野做呀我地...
呀sir仲好興呀!話上年果班到呢個月做既野都差唔多完..
但係我地就好慢啦...我都做晒啦...真係覺得好徒時間呀!唔係上網就聽歌..
係呀!講起聽歌..佢今日maths堂比呀sir見到..之後收左..到呢堂又係比呀sir
見到...呀sir仲好嬲話...係咪應該交埋訓導理...因為收左二次呀嘛..
之後就唔知有冇比番佢啦...枉我仲特登地買電心比佢添...

自修堂臨住溫書啦..但係被人影響..佢地個個都係度玩呀嘛..
仲有可能見到佢唔想溫掛~好采朝早做左作文姐...唔係都唔知幾時做啦..
佢地係度玩手指呀!同埋魔術!!傻架個個都...哈哈...我都唔識整..佢地就..
eng放學補課..學頭就緊係同miss係度講笑啦...比個魔術佢睇..佢都唔知點咁.
之後就講書啦...真係悶到訓覺呀!唔係佢講野大聲..我可能扒低左啦..

佢宜家真係唔同以前啦...因為冇以前咁開心..
宜家既佢就.....好多煩惱!唉.....係咪因為一個人而令佢變到咁呢..

係呀...今年既音樂比賽係5月先搞呀!都唔知有冇搞錯架...
真係唔比中五參加....佢地有好多人玩架嘛..宜家咩希望都冇晒啦..
仲有隊BAND呀!!都冇得睇啦....有咩理由唔比中五參加呀!年年都有架啦...

>>November 3, 2003 at 12:50:05 AM GMT+8

2003 年 10 月 21 日 星期二 【晴】

今日媚媚生日呀!生日快樂~一早番學就見到佢地開緊落假啦..
咁我同cat朝早去買野食啦...有個假既草猛喎...
一囉比媚睇即係彈開左呀!!驚到呀!!哈哈~之後就玩其他人啦...
未比呀隱睇個時佢宜家係度尖叫啦...佢都唔知咩黎都可以叫得一餐..
傻傻地架...哈哈!eng 要dic...又係果句...唔識..連出貓都睇唔到呀!
睇到果幾個....又要重默啦...真係..失敗呀!
chi囉..又唔知做咩事講講下作文比我地睇戲啦...關首尾呼聲架喎..
都唔覺得..不過真係幾好睇架...但係冇比我地睇晒..睇左一堂渣..
好想睇埋果結局..套野係講有一班男仔因為唔知咩事去左一個島呀!
之後就生環住..但係其卡好多事情..搞到好亂..之後就唔知果結局...==
到今日都係唔知紅紅咩事...但係佢同我講sorry呀!佢問我有咩事..
我都冇理過佢...係因為唔知咩事..搞到好似嬲左我咁..我仲應佢仲咩呀!
唔理啦...等佢話我知佢咩事先啦..
lunch我請媚食飯呀!哈哈~jacky同呀隱佢地買左cake呀!
我地幾個人係大排檔到食呀!哈哈~個時都唔知佢地會買架.
佢地仲影左幾張相添呀!媚媚都好開心呀!!^^

之後放學我地約左熊貓..jacky..馬仔..湯圓..同我地幾個人一齊去海濱玩啦..
我地過去富善到買蛋糕呀!仲buy左一大一細添...驚唔夠食同埋囉黎玩..
咁我地去到啦...首先就緊係玩野唔比媚食野先啦..
我地就叫秋一係親呀媚一淡.一係就扔蛋糕..佢就緊係選擇左明智架啦..
我地食完蛋糕,熊貓同我地幾個人玩...話邊個輸左就囉蛋糕拋人..
佢輸左呀..之後佢就囉左個野去媚媚到..不過唔係整佢...係整蕃茄..
咁佢地係度搶...搶搶下比秋囉住左..仲拋左去我個度..我咪即係拋番佢囉..
咁樣就得我同蕃茄中左招啦....真係呀!!佢地仲係度笑添..
玩到成身都係就緊係入tolet架啦...咁cat同媚..我一齊入..我就洗緊係衫..
而媚就入左tolet..之後cat一下水就整到媚成日都係...媚個時叫得幾勁呀!
佢地兩個就跑左出去...咁岩出門口我地見到秋..佢竟然都聽到媚係度叫..
仲問咩事..之後就一齊追左出去啦...哈哈~~~今日好開心呀!!
不過就搞到個地下好污衊啦...成地都係..但係我地都有執番好d野架..
詩因為家成唔同我地一齊去就唔開心啦...仲鬧佢添呀!
我就覺得詩唔岩啦...因咩理由鬧佢呀!佢真係唔想去呀嘛//
有佢既理由~仲有逼佢去都冇用架啦~佢都唔願意..到時去左可能仲唔點添呀!

唔知以後都會唔會咁搞生日搞得咁開心呢..到時可能個個都忙..
唔記得左啦...但係我唔會既...哈哈...朋友仔既生日點可以忘記呢!

呀呆佢寄左生命手查 fit人隻碟比我啦...中一個時miss好似播過架..
宜家睇番都有d印象呀!但係宜家睇番覺得好正呀!呀paul正~哈哈..
不過睇唔到A碟呀!SO 叫佢燒多次比我呀!!

>>November 3, 2003 at 12:49:36 AM GMT+8

2003 年 10 月 20 日 星期一 【晴】

我今日終於學識蝦蛟果個魔術啦...哈哈哈!
真係越來越鐘意玩呀!遲d玩埋馮德倫果d高級魔術呀!
中文堂呀sir見我地有幾個扒晒係度...就玩遊戲呀!
傻架佢....都唔知點講好啦...
小息開始紅紅就唔知點解唔開心啦...又唔出聲喎...
又好似唔多理我喎...又唔知咩事啦....真係..唉!
唔理佢啦..等佢同我講清楚件事先算啦,唔知咩事又嬲一餐!

放學去左library....當行緊個時係度玩野...
cat係icq識果個人佢今日生日啦,咁岩佢係我地後面行喎..
之後winnie佢地又玩野...不過都係傾下計之嘛..同埋佢地勁笑..
都唔知cat咁驚張個男仔做咩架....都話佢對人有野架啦....
猛咁鬧我地幾個人...話唔識都係度同人傾計...我地同人傾又唔係咩野喎..
好似識左佢個fd會死咁...又話我地識左人幾耐呀!唉......
係圖書館到搵到隻BEYOND GOOD TIME CONECT既碟呀!都未聽過...
就借左番home睇啦....最衰唔係VCD黎架啦....

PS...我今日都算WIN左啦...哈哈~雖然講定話lunch..
但係點知今日唔同所以就唔係果個時間...但係都搵左呀!
都算中左呀!哈哈~~~點會有日唔對佢講野呀!

>>November 3, 2003 at 12:49:00 AM GMT+8

2003 年 10 月 19 日 星期日 【晴】

我尋晚又等啦...今次真係等左好耐!等到訓左....
今日佢有番呀!仲冇遲到添呀!一早就要幫佢做hw啦,
時間好趕呀!頭兩堂就係eng!好采都趕得切!!
eng訓大覺呀!listen聽完第一次就已經好累!!搞到好低分!==
圖傳呀sir又冇番啦....三堂都上網..真係上到悶晒..
日記個度宣佈左我有一排唔去寫住架啦....哈哈!!
中文默書大部份既人都唔識呀!我突然間唔記得左...真失敗!
winnie同紅紅就係一d都唔識,放學就留左係sch度啦...
咁今日約左倫係廣福M記等啦..但係放學詩因為要入錢...
SO出左大埔區啦..之後索性係大埔區間M記囉..買左個CAKE..
佢黎到...傻傻下咁...都唔知自己講咩呀!之後食完就散啦...
係度食緊野個時,cat猛講媚呀!都係講下笑個d..但係把口由頭講到尾..
又係係唔識既人到講人野...發左天咁...搞到媚都有小小嬲..
而佢地都唔係幫倫搞得好好既,個個有自己野講..都唔專重佢..
真係唔知搞咩....諗住買多個cake叫倫囉番home比佢呀哥..
點知佢唔想呀!算啦..都影響唔到我既...哈哈!!

PS.佢今日又係同樣時間同樣地點搵佢啦...個時有成個字時間..
心諗好想個鐘即係響...同埋想知佢搵佢做咩事呀!
佢呢排對我既態度好過平時好多啦..哈哈!
維持落去仲好呀!!個太楊能飛機原來太和都有架...
又係同樣價錢..好想快d買呀!

>>November 3, 2003 at 12:48:08 AM GMT+8

2003 年 10 月 18 日 星期六 【晴】

不嬲既星期日都唔寫日記既..今日就寫下啦...哈哈!
成日都等電話..唔知點解覺得佢唔搵我就好想打比佢架啦..
哈哈!!呢排日日都聽到佢把聲呀!好開心呀!希望持續落去啦......
今日成日都冇電話黎...都覺得奇架啦..之後睇番來電..
原來佢有打黎架...但冇人聽電話!!=.=諗住佢唔會再打黎啦..
點知佢有呀!佢今日去睇joey conect呀!臨開場就打黎啦..
佢仲話聽日唔番學...緊係想佢番架啦..佢話盡力呀!
咁累得仔唔番既話都好岩既~哈哈!因為上次睇完beyond CONECT後都想唔番,
點知第2日打風真係唔駛番呀!!!佢咁諗都係冇錯,但係我想佢見到佢喎!
哈哈~唔知佢係咪真係唔番呢!!

>>November 3, 2003 at 12:47:44 AM GMT+8

2003 年 10 月 17 日 星期五 【晴】

今日下就紅紅同茵上左黎啦,我就去接佢地,佢地落早左呀!
自己行左上黎,我係度等個時仲驚佢地搭錯車呀!
茵係囉貓仔架,而紅紅就係陪佢囉~哈哈!我都囉左兩隻狗仔比呀笳佢地,
係cat home坐左好耐,之後就行山啦,仲係水塘到玩水
添呀!!
我係cat 部電腦onLINE啦,見到佢喎,咁我上左線冇耐,佢就話要off,
仲係兩次都係咁...都唔知係咪特登既!希望唔係啦,
咁我問佢尋晚做咩冇打黎啦,佢話有呀!但係我真係等到11點幾架,
仲過埋30分添!我問左佢好幾次,佢都話有呀!咁我緊係會信佢啦,
但係如果佢真係有打黎,而我又唔知既,真係對唔住呀!
其實尋日我都好想同佢講聲 SORRY架啦!不過都冇講到,今日又係冇!唉..
聽佢把聲今日都真係正常番好多啦,真係宜家既佢,又惡,又搞笑既佢...
佢問左一題好特別既問題呀!好似知道左d野咁..不過佢咁醒就好啦,
但係又唔多似喎!我文感掛...唔知啦!!見到佢開心就得啦!!
我覺得有個人真係幫左我好多野,雖然唔知點解...但係我都會幫番佢,
開解佢架~今日同佢打比牛牛啦,點知佢趕住收線咁...可能件事係真,
但係以佢份人,唔會呀嘛!希望件事唔係真同埋佢唔好再為牛既野宜喊啦....

>>November 3, 2003 at 12:47:18 AM GMT+8

2003 年 10 月 16 日 星期四 【晴】

今朝見到詩詩佢都好番左好多啦,起碼識笑番~哈哈,
兩個都係一樣,咪好囉~唔駛咁唔開心...
PE堂考試呀!兩堂考晒啦,本來仲話下堂都考既,但係我地用既時間快,
咪一次過未晒囉~時間都岩岩好啦!!
LUCHER同詩and媚一齊食野渣,winnie佢地去大家樂,
而我因為今朝同cat食左早餐好飽唔想去,仲有媚冇錢呀,
而君想去大家樂,就分開左一齊啦~番到sch本來帶詩去無間道個天台到架,
但係又夠鐘喎,哈哈~佢都唔知我同媚講既地方,佢仲唔信添呀!
之後佢去搵家成,因為佢寫左封信比佢呀!本來係放係個lock假到架,
但係又唔知邊個係佢,我地就諗住走,即刻就見到佢啦,
詩就比左封野佢啦~唔知係講咩架啦~~haha!!
之後上堂又好冇心機啦.....唉...都唔知自己係咪因為個件事..
上堂好想喊...都有喊出黎架,之後紅講左佢既野比我知,
咁岩今日佢又冇番到學喎,佢又唔開心,同埋因為有件事搞到...
佢喊得仲耐呀!唉....佢話除左因為佢自己件事而唔開心外,
都有係關我事架,我唔開心,搞到佢都.....原來真係可以感染到人架,
我都唔想架,但係又........佢好似都知我有d野唔開心,問我做咩事,
我冇理佢呀!!因為個時冇心情...對唔住呀!好想同佢地兩個講sorry!

之後放學WINNIE同我地一齊去睇波啦,我地四點去到,個時唔見甘and成佢地,
就番左sch啦,見到佢地原來未走呀....=.="之後就搵紅紅啦,佢同秋一齊,
而我地過左去啦,見到除敬個d係度玩野,佢地傻架,乜都玩得一餐..
個時先開心番渣,因為個時佢地都幾搞到下!!!哈哈!
我地諗住等埋媚一齊寺睇波啦,點知佢地唔去呀!唔知咩事呀!
我地咪去先囉,嘩!家成踢波原來好勁呀!都唔知添~佢都有見到我地呀!
而winnie and cat就係度留意呀甘甘係邊,好想睇耐d架,但係入面好多人,
唔想入去呀!之後睇左一陣就走左啦...我個時唔知做咩想走咁~但係又想睇

我地就走左冇睇到啦..我又係7-11睇頭文字D個套車啦...好想換...
之後當係門口講緊雪人份禮物個時,就見到倫係度買野飲,
我本身叫佢請架,但係記得佢就生日喎,就我比錢啦...哈哈
CAT仲約到佢添呀,佢星期二生日,我地同佢搞啦...前日仲有提過件事,
點知真係約左喎...哈哈~我地約左佢星期一呀!到時實玩得好開心,
雪人份禮物諗住買個cake算啦,唔想諗咁多啦,費事啦,宜家對佢又冇野啦,
唔想為佢既野而煩啦,哈哈~我當佢係friend黎架嘛,佢當我係就開心啦!

場友誼賽輸左啦.....唔知點解呀!仲以為佢地win硬架嘛,點知....
佢又呃我啦,不過係小事黎姐,但係都分唔到真定假,
搞到我要問佢好多次先肯講,我驚佢覺得我煩呀.....

ps.我一開始又係衰在係....信人啦...講左咩人都唔信架嘛,
宜家.....都唔知點,我宜家只係信一個人...而佢都好明白我既心情,
希望連佢都唔會咁啦....仲有佢!唉!!衰心軟啦~~~

PS..原來佢地個個都有我日記架,唔想比人睇呀!我決定果個唔寫住..
唔知詩係咪因為....而即係想同成係番埋一齊呢...唉!

抱著期望的等待 換來的只可能是一場夢
這一刻我千百樣心事 你又可知是為了你

>>November 3, 2003 at 12:46:51 AM GMT+8