2005 年 4 月 25 日 星期一 【陰】

今日有上堂錄影丫...係中二級既基本科技...都好耐好耐冇上喇~
佢地有實驗做丫...佢地都幾聰明下~

錄影完就上番電腦室幫呀Lo sir打通告既野喇...佢仲要係趕住要...
一堂時間幾驚打唔到丫,好在都趕到貨...hahahaha~

今日既Lunch好靜...都唔知湯圓又做咩事....又係咁喇....
真係好想同番靜茵佢地食飯丫....成兩個星期冇一齊食...冇一齊傾計嚕~
唔知佢呢排同佢地點呢.....

放工既時間幫fk佢地整南沙個d片段...六點鐘就開始燒野食喇...
同班中三一齊燒~好多人丫~~
rose咁岩要加班到七點幾....所以就過黎喇......不過佢唔燒野食丫~

我地燒到九點到喇........因為多人既關係........唔夠野食
所以燒到差不多就走人喇~

>>April 27, 2005 at 6:38:27 AM GMT+8

2005 年 4 月 24 日 星期日 【陰】

又係新既一星期開始喇~今日個天好似唔係咁好播...
落微微既雨丫...都好在唔係凍凍姐~~
岩岩先星期一就諗定呢個星期放工做d咩喇...哈哈!!

番工既時候係廣福間小學出面經過喇...
咁我不嬲都會留言下d電登柱個d單張...睇下係咪又有寵物走失左...
今次都係寵物走失...不過係隻雀仔播....都真係第一次見到有人貼尋愛鳥呀!!!

心諗....係咪真係會尋到架呢....吾....可能性都好微渣播....
um...唔知呢...不過都希望隻雀會番番主人身邊既~ha

突然好似<交換日記>一峰佢地咁寫日記添~
佢地寫既日記唔至會寫個日既野....仲會寫好多自己既感受呀!
好多好多...哈哈...仲長篇過我丫!!!!!

Lunch既時候同埋嘉鵬,子健一齊係嘉華食...
子健今日著校服....感覺唔同晒呀...kakakkaka~~

青見打左電話黎....要我星期四去面試播...都好...放工時間..
還掂個日仲未安排....哈哈~而家呢個星期full晒喇~~yeah!~

放工去左圖書館還碟....同埋借書..本來想借小說睇架...
不過呢電腦咁岩唔比用..查唔到書...
就睇其他喇~借左兩本bｂ仔書...好得意架~~
仲有本米奇...有關迪士迪收藏~~~好正呢~~

>>April 26, 2005 at 8:22:35 AM GMT+8

2005 年 4 月 24 日 星期日 【晴】



你今日拯救o左地球未呀？

表演/主辦團體: W創作社、林一峰

簡介:
Louisa在生日當日得知自己身患絕症，卻在此時遇上自稱超人1號的林一峰。
Louisa在超人1號引領下徘徊生與死的純真世界，終於發現二人之間的神秘聯繫.......

突然真係好想去睇添....不過宜家就失望嚕~
唯有又係買碟睇喇~~

>>April 25, 2005 at 6:48:33 AM GMT+8

2005 年 4 月 23 日 星期六 【晴】

今日係星期日呢....又係去找邦仔...hahaha~
佢本來係快過我架...但係..我都係快佢一步係巴士站...
呢d咪叫龜兔賽跑囉..哈哈~

等埋佢之後就去左圖書館搵非比...借一峰兩本書比佢...
而佢就比一峰既《你今日拯救o左地球未呀?》幾張海報我...
真開心喇....仲有本音樂.旅.情添丫!!!佢幫我買買架...
我終於等到本書喇~好yeah!!!!!!!!真係唔該晒丫!!!!!!

今日都係咁過...聽beynd 演唱會碟...同埋傾計!!!!!
五月開始佢應該唔駛番學同番工架喇...hahaha!
要準備考試溫書嘛....

下星期日要改時間呢..今次係我唔得丫..ka
晚上要去食飯飯..咁我地改左星期五喇...
出尖咀丫...yeah...yeah!!!!!!

佢比我係佢生日個日唔番工丫...咁個日就可以玩一日喇..
真係好喇..哈哈...小a開始任性起來了呢...

食埋大大碗麵麵之後呢...就洗碗喇...哈哈!!!!
八點鐘走嚕...今次我地都唔記得左一樣野...
哈哈哈....真係大件事喇....不過最後都快人一步....
如果唔係都唔知點解釋喇.....

呢個時候係車上就睇本書喇.....好快就落車...
番到家就睇電視...同埋睇埋國秋借比我個本書喇....
尋找最後一個.....睇到十二點幾丫...好累累呢...

我想睇完一本先睇其他書...哈哈...咁宜家睇完呢本...
咁就可以睇一峰本音樂旅情喇....yeah!!!!!!!

十一點幾個時...非比搵我...佢帶左d碟同埋我個本<交換日記>比一峰簽名丫..
好開心呢...真係唔該晒唔該晒佢丫.....真係好人既呢....
佢今晚自己去左睇一峰個舞台劇丫....真好喇~
又可以咁近距離接觸一峰播......yeah!!!yeah....為佢而開心丫...kakakka!!!!!

>>April 25, 2005 at 3:28:36 AM GMT+8

2005 年 4 月 22 日 星期五 【晴】

上星期就遊山喇....今日就緊係玩水喇~
哈哈~咁至配合遊山玩水一詞架嘛....hahahaha~

今次同埋rose姐一齊去丫...佢就比較靜d....
有陣時好似唔知做緊咩咁既..
我覺得囉~hahaha~不過大家玩最緊要既係開心嘛~

食埋lunch就出發喇....搭左唔係好耐既車...
係bus見到beyond 演唱會既片段丫...不過呢...
初頭冇聲...真係冇引喇....係差唔多做完個時先有聲...真係...哈哈...

去到荃灣...搵百佳...買燒野既既食物...真係第一次咁少人燒野食囉~
我地每人都出左四十蚊買野.....都ok既~~

hahahah~之後就搵小巴去黃金海岸喇....呢次就搭得耐耐喇~
去到我地係沙灘個邊落車....好熱丫....
行行....一直行去燒野食個到.....真係熱到丫...

我地行左好耐終於到了....不過D爐比人用晒呀...
我地唯有等待喇...不過...等左好耐....D人似乎都唔會咁快走...
我地唯有租爐喇....唉...貴到死.....80蚊丫...

不過我地講價..計埋包炭我地...真係好耐喇~~
我地燒既野食都係岩岩好....幾好丫...
唔係燒剩好多野....不過係唔夠炭囉.....真係...=.="""

唯有就唔燒喇....還掂都飽飽囉~~哈哈~
就去左沙灘到進發...YEAH~終於等到耐...
黃金水丫....哈哈....我地係度玩水...又係度影相...
幾開心...幾好玩丫...又拍左段幾秒既短片....好似係十秒呀...
留番好既回憶嘛~SO good呢!!!

咁岩呢段時間邦打黎...佢今日去左警察面試丫...
都幾好丫..下個星期就要考體能....要加油...加油....
前面仲有好多關要過架...

夜晚佢冇去踢波...係屋企睇波....真係懶仔呢...
hahaha...今日先唔係講話要開始操fit既咩~~haha~

我地玩到七點幾到就走人...成身.....濕晒.....
我仲比湯圓話我減濕....個身又喊又濕...哈哈哈..真搞笑~

番到家都九點幾...今日真係玩得耐架姐~
仲用左好多既錢錢添~真係呀...不過最緊要都係玩得開心既~

>>April 25, 2005 at 7:39:18 AM GMT+8

2005 年 4 月 21 日 星期四 【酷熱】

今日終於都做晒手頭上既重要工作喇~~~
連網頁都搞掂埋....so good既呢~

係播..今日係中五既最後既上課日丫~~~
準備會考喇~要比心機既呢~hahahaha~

放工...仲以為佢今日會黎添..哈哈哈...
咁就同湯圓..rose..小蚊女去左大中行街街喇~
又shopping了~~之後六點幾就走喇~~

湯圓要出去同家人食飯飯丫...唔知佢有冇比佢呀爸話佢個頭呢..
kakakkaka~~~~

>>April 23, 2005 at 1:37:31 AM GMT+8

2005 年 4 月 20 日 星期三 【晴】

今朝同國秋食早餐丫....佢唔開心丫....尋晚仲喊左成晚....
唉....因為......佢電腦d野冇晒....自己仲有成15 GB既野添...
我都唔知講咩好喇...我只係唔想佢繼續咁....

其實我都唔係好清楚晒佢個15GB有D咩...我只係知有好多既相同資料...
而....呢一D野佢係唔會開...只不過存放左係到...
其實有好多野都係帶唔走架...擁有既...一定會失去...

晚上同邦仔傾電話...佢用屋企電話搵我丫...
係屋企既佢真係傾得開心喇~kakakkaka~~~
而我咁岩cut左數播...都可以放心咁傾呢~幾好幾好~

同佢傾左半個鐘有多..傾得幾開心丫...hahaha..
傾左....如果我有事呢個topic...傾左好耐丫...

>>April 23, 2005 at 1:42:22 AM GMT+8

2005 年 4 月 19 日 星期二 【酷熱】

今日有d野唔係好搞得掂...就係video stouio個到...
落左去請教FK喇....hahaha...不過學校今開會丫...
佢唔係咁得閒....so聽日先過黎幫我~ha~

佢話下星期二商業學會會係sch 燒野食丫...咁佢地又要整video既野...
所以佢就搵左我喇~hahaha~好yup呢!!!!!又工作...又可以bbq丫~
二十六...好似有d野喎.......係咪呢...我都唔知添...

lunch個時...睇湯圓張畫...好多顏色架....睇張畫可以知道佢心入面諗既野...
佢呀sir就睇得出好多喇.....um...我就冇佢地咁勁...哈哈!!!!
只係覺得多野諗囉...hahahaha~

放工個時...同國秋佢地一齊傾計...係學校門口到...
嘉鵬...子健...仲有國秋....哈...用議論文既方式傾...
拍拖要用錢呢個問題....大家都提出好多既論點...都傾左好耐下丫..

之後差不多時候就陪國秋去圖書館借書嚕~~~~~

>>April 21, 2005 at 4:48:19 AM GMT+8

2005 年 4 月 18 日 星期一 【晴】

今日我個位又多左兩部電腦喇~hahahahahha~
姐係我宜家有四部腦用丫~其實咁多部都係岩岩好丫~
兩部要整錄影帶既野....呀sir幾好整四部機我用~
不過~個位就逼d喇~~~~~太多既電線喇~

Lunch又係我地三個人食丫~湯圓真係丫....惡惡丫...
哈哈....叫人黎個時喝人地既~kakakakkaka~
個呀叔仲講笑咁話叫我地囉把刀開拖丫..哈哈~

放工個時去左大中丫~咁岩terry係大中...就一齊喇~
行左陣就走喇~haaha~六月有個歌唱比賽丫...佢地呢排都開始練習喇~
真努力丫~~

>>April 20, 2005 at 6:58:48 AM GMT+8

2005 年 4 月 17 日 星期日 【炎熱】

M記今日既早餐係十二蚊丫....hahaha...又平又想食..
就買埋番工食喇....yeah!!!

FTP又發生不明人入侵事件.....d野又逐一比人清晒...
真係要講一句....「可悲!!!!!」

不過有d fans好好人丫...佢地有既野就up番晒上去...hahahha!!
不過佢地會有排先up到更多野上去...d野都有成7 GB....
學校機up番上去就會快既....不過由於我部xp問題...搞到好麻煩.
咁就搞左成日喇..部機又要整vidoe既野播.....令到行得好慢好慢...

lunch十二點半食丫...應承左wo話下就睇住班中五自修...
我都唔想既...不過子健又冇番...rose又唔得播...=.="
得番我一個人選...算喇...哈哈..都係睇兩日姐...
佢地星期五就走嚕!!!!!!!!!

佢地自己有傾計..調位個d都唔理喇...佢地都算靜..
唔會係度搞亂...幾好幾好...kakaka...而我就緊係上網喇....
三堂丫......真係有排先放學丫...=.=""

>>April 18, 2005 at 6:43:23 AM GMT+8