2005 年 7 月 23 日 星期六 【清涼】

今日可以早早出門口ar,十一點半就出左去喇~不過家家沒野食...
上車前就買左兩個麵包食食喇~食到差不多落車車~
係九龍灣地鐵落車ar..約左呀邦一齊過去維園睇FARM Show呀!

轉左幾次地鐵終於來到下一站是天后喇~去左買野飲飲先~
之後就行過去喇...見到好多賓賓ar!呀邦仲好抵死咁話「乜今日王后象廣場」爆滿咩..
乜咁多人過左黎呀!佢都係搞下get呢...真搞笑ar...

過到FARM個SHOW個到...都見唔係好多人..我只係知有一班Fans係巨基仔既...真係勁多fans!!
聽左好多隊band既演出...好精彩好好聽ar!!都係第一次聽呢d band既演出~
真係勁曬既天氣ar...好在Farm單位有派扇比我地呢...^^~真是好好呢~~

睇到兩點幾到...基仔就同FARM既工作人員舉行簡單既議式~
見到班賓賓好瘋狂呀...沖晒過黎...又係咁叫...見到呀基仔都好熱架喇..
座左更耐...但佢既電人眼神係冇變架...哈哈哈~~

佢出左一首歌之後走人...呢個時候聽歌既人已經冇左一半喇...=口=走晒去搵呀基仔!
今日出場既有好多人呀..依演唱排序...有應昌佑、Soler、Pixel Toy、at 17、
一峰、Yan、Bliss、Krusty、I Love U boy'z!!!

Solor其中一個成員仲跑左落黎我地個邊...我分唔到佢係呀哥家細佬...孖生好難分到~kakaka!
唱左四首歌呀...佢地真係唱得勁ar!!
at 17同 Pixel Toy 既crossover都好得呀...鬼鬼馬馬咁...唱歌和音又掂播~

之後到一峰喇...真係估唔到一峰一句說話渣~
就叫晒工作人員比我地座到咁前...可以咁近咁成班人座晒係草地聽音樂呀!
都係要多謝一峰同守秩序既朋友呢~唔係都唔可以座晒係到聽歌喇~
雖然係勁勁勁勁曬呀~但係座晒草地聽歌感覺係特別唔同架!!
唱左《給最開心的人》,《活下來》,《一支煙的時間》,《青草地溪水旁》

之後聽完一峰演唱...好多人都企晒係身喇...我地都走左去買水...
仲係買水隔離到座休息一番喇...因為個位又唔曬...又舒服~~
聽埋最後I Love Boy'z唱歌就走走喇~

去左中央圖書館到借93年既報紙呀!!睇番六月家駒既新聞...
真係睇到喊呀...><其實睇左三份我都唔想睇架喇....因為已經唔想諗番起唔開心既野...

睇完之後就搭地鐵過番去鑽石山喇...好好肚餓呀!!係美食廣場到食食~
真是多人人喇...找左巧耐先有位渣...食完都要讓位比人地座呀~hahaha!!
之後就走走...去bus shop喇..呀邦做緊呢份補習做到八月尾渣~九月就準備個心入學堂喇~
咁宜家見多d...補番晒冇得見既日子嘛....hahahhaa!!要珍惜珍惜呢!!hahaha!!

番到家家九點半呀~好累累~~要打埋日記仔先訓得呀!!

>>July 24, 2005 at 3:50:55 PM GMT+8

2005 年 7 月 22 日 星期五 【陰】

今日番工冇乜野要點做...只係要擺番d Notebook過去新翼呢...
不過我十點半先搬電腦過去呢...同埋大強、羅港一齊過去...

之後番上去三樓電腦室...呀王上左黎..佢話要幫中一新生整臨時學生証ar...
佢話要今日整兩班播....臨時臨急又唔一早講...又未準備...點整到比佢呀...
之後一齊究竟點整相喇..佢又唔信我唔同繪圖軟件係有分別架...講極都唔明...

十二點放工工..同羅港過去保湖搵邦仔呢..因佢放食飯時間呀~
hahaha!可以一齊食野野既呢!其間見到徐紀呀..佢帶緊活動~~我地之後就去昌運m記找伍啟喇..
諗住去豆漿大王食野...去到原來播...唔知係關左定裝修呢..仲之冇得食..
就去左隔離間到食食....等左好耐先有得食食呀!!

呀邦同我都係食素餐...新嘗試嘛...都真係第一次食假牛肉ar~
真係幾似架....但味道就緊唔同喇...哈哈哈!!一路一路睇新聞ar~
其間大家都一齊講笑...傾計仔..幾好ar!!!hahhaha!!

食完就行昌運喇...行左一陣就送邦仔過去保湖番工工喇...
hahahha!!一齊食飯仔好開心呢~~要比心機教書ar~~
我就要專心番教會喇...hahaha!!

送完呀邦就番大中...子健都一齊ar..之後過左去大埔區m記到座等時間~~
我地就食雪糕...之後就番教會喇...今次得我地四個人番渣~佢地去晒玩玩ar~我地早番左去呢~~~
食完野感覺好眼訓ar....唱詩個時我同伍啟都係半訓狀態...有點不尊重添~真係唔好意思喇..

唱完歌仔之後都精神番呢...因為德明有兩件好嚴肅既事要宣佈..
教會有個教友叫卓卓既,佢媽媽因為末期癌患症呀...佢緊係唔開心架喇...
之後我地為佢祈禱呀!!之後就投票...投下年既職員~我投左我識得個幾個人呢~hahahah!

今天主題都係「宣教」我地分組討論ar.....我地四個係未信既..姐係未決志...
係分享會到我都講過喇...我中學個時都曾經有決志架...不過之後又冇人叫我番教會個d野...
係分享個時又比子健串...個個都好似驚左佢咁...因為眼神惡...驚驚...

下個星期唔駛番教會ar..自己組搞活動ar..我應該不去喇...
因佢地話唱K播...暫時都仲未決定ar..之後七點到就走走喇~~

晚上同Joe傾計...send左好多beyond 野比佢ar...因佢部機冇晒d野ar
同佢傾電話仔...佢開果間店執左喇...因生意不好ar~當囉個經驗呢~

>>July 23, 2005 at 3:13:10 PM GMT+8

2005 年 7 月 21 日 星期四 【微冷】

尋日早早就訓左喇..今早起身個時又清涼涼播...可能就係因為咁...
訓得太舒服所以搞到聽不到鐘聲響ar...我要番八點鐘架!但七點九先起身播~
真係遲晒到喇...打比羅港叫佢幫住手先...我會遲番...因今日又是中一新生上堂嘛!

番到去都八點二十分喇...即上左五樓到喇...原來都唔駛我地幫手既...
因有三個老師嘛..都好呢!!hahahaha!唔駛幫手丫嘛!
咁呢個時候我就研究個ftp..問左add生好多問題...我問題少女黎架嘛!!唔明就緊係要問喇~

之後呀王打電話黎...要我地落番三樓工作呢...呢個時候就同佢講學校網頁既事...
順便問埋FTP既野...套到佢講左D野呢~原來尋日有人大量up 或 dl 野...流量好大..
唔知咩事喇....仲之都幾大件事架~可能係我bm個d fans做架喇..

個時羅港好緊張會人查到我地....但係我覺得查到又沒問題播..
因為個ftp曾經係放過係學校網頁架嘛...只不過係冇人用...

我都有擔心過會查得到有多人流量入過ftp...但沒羅港咁緊張...
佢驚過我好多好多...反而我就...擔心真係冇惡意既bm fans佢地沒可以再睇番beyond既野...
唔知點解我個心個一刻係唔擔心自己...反而擔心別人....我諗好多人都唔會好似我咁諗...

擔心別人下載唔到...因好多片段都唔係咁易得到...好多野都搵唔番架喇....
唔係每個人囉d出黎share我都冇今日咁多野喇....都係全靠佢地...
呢音樂all都係別人share出來...我唔可能咁自私唔比人dl架嘛.....我個心係咁諗囉!!!

成日都研究新ftp...不過都係測試中呢~唔知幾時開得番呢~^^
大強星期開始放大假喇....有排放放ar!!好似見佢今天沒野做咁...
好無聊咁整左羅港張相...整好大隻字「通緝」!哈哈哈!!

Lunch個時同嘉鵬、伍啟、零一齊食食~~去左大元食呀~~
yeah!!!!一齊食飯仔真是開心既呢~~~仲見到add生一個人食添~~kaakakaa!食完約左子健~
係大元門口等佢....黎到之後成班人一齊番左sch~~
佢地問呀sir出糧呀..追番一日既錢錢~~但係佢地座左好耐先問呀sir囉錢..
就係差幾分鐘......咁就追唔到喇...佢地一早問都囉到錢既..

放工工時間...過去接邦仔放工工~kakakaka!係一齊行街街呢~
羅港陪到我去保湖佢都走人喇...真係thx既呢~
咁我同邦行大中喇...佢話今日小朋友講野好可愛架~話大個仔想拍廣告...hahaha!
一個人教三、四個學生都好ar..hahaha!

同佢行大中囉...佢話唔想比補習既學生見到我地一齊播...
仲有驚見到佢舅母ar....就算見到都避唔到..我唔知可以驚咩...
um...不過既然佢唔想比人見到我.....我都唔知點做好喇....=.="
都唔知點可以點~但係感覺上好似都係有點不自然咁..
不過我地都有照拖手仔既~hahaha!!係沒得成日攬攬囉~~^^!

係大中到行行..之後去十蚊麵食野...因唔食得太飽..番到家家要食飯嘛~
hhaha~咁我食麵麵...佢食飯飯喇...搞笑既事發生喇...
佢竟然....整斷左枝「磁斤」播...真係笑死我呀....傻瓜仔咁大力....
我食到一半個時都比左枝「磁斤」佢用用..佢呢個時候都就住黎食野...哈哈哈~

食完野等必必黎ar...之後一齊行大中...行行下見到呀占同埋陳澤...
我同占傾聽日番教會既野..佢本來想番架...但見巧多人不番佢都不番了~
聽日好少人番渣...個個都去晒玩玩玩ar!!

行行大中之後去左昌運個邊..巴士總站個邊既平台..都係第一次上去渣~
必必就有機會食下煙~hahaha!七點幾就走走人喇~~
邦送我去搭車車~yeah~開心仔的呢~~

我地可以多時間見見見喇~~
星期二、五、六、日都見到面面ar..yeah!!

>>July 22, 2005 at 2:41:59 PM GMT+8

2005 年 7 月 20 日 星期三 【溫暖】

今日番八點呀...真是早早早呢~
行番學校個時完成冇熱既感覺~沿途都好清涼ar.....

番到sch就即趕上五樓喇...因為八點開始班中一新生就要上堂喇~
我同羅港都幫miss 馮呢~上電腦班呀~~
成日總共有六班上堂架~一個鐘一班到喇~

真是整天都在MMLC工作....重覆做同樣既野~我唔覺得悶悶ar~
幾好呀...幫手教學生同家長用電腦..hahaha!!
不過感覺上係教緊小學生咁....咁佢地始終都未正式讀中一....
咁都要比多d時間佢地適應既~~^^~

我地有野飲飲ar~好似係呀王請架呢~hahaha!
Lunch個時同地同miss 馮去左大元食飯~仲有add 同埋miss個d helper~~
呢餐我地唔駛比錢呀~miss幫我地出住先~佢問王sir囉番錢錢~~

食完番黎感到好眼訓....=口=不過好快又精神番~有野做係唔同架嘛~~
唔比自己訓就要做下野先得呢~hahahah!!

電腦有兩個cam喇~咁冇拉拉比我發現左見到有得影相播~真得意呀~
我同羅港咪係咁影影影相囉....都影左勁多張喇....廿幾張都有呀~~
傻左呀...古靈精怪...咩都傻影一餐呀~~~
不過最衰暫時放唔到上網網喇~因為網絡出左問題呀!!!

>>July 22, 2005 at 12:51:46 PM GMT+8

2005 年 7 月 19 日 星期二 【酷熱】

徐敬第一日番工ar~佢早左成個鐘番到去~
所以我番工個段時間就同佢傾電話喇~kakakka!

番到sch喇~今日有學生番黎上堂喇~番到學校都要幫手搬番好晒d電腦~
仲有禮堂個d Lun線呀~好多野都要執呀~
有半日時間都係要整新生既ac呀~好多野都係趕快今日做掂呀~
因聽日佢地就要番黎上堂喇~

津津都上左黎MMLC室~佢都有幫我~
上黎傾下佢既問題囉~我已經覺得好煩架喇~
成日都係個堆問題....但係又埋怨...又埋怨....佢地兩個都唔好好咁傾..緊係冇用喇~
我都幫唔到佢架喇~最緊要係自己呀嘛~~

Lunch個時得同羅港食~去左嘉華既呢~
都係呢幾個星期以黎~第一日唔係同徐敬、伍啟佢地食食呢~hahahhaaa~~
就係呢段時間....Peoples就cut左喇~~~轉左用三台呀~真是快快呢~~

徐紀唔開心咁打電話來ar..筠又唔理佢喇....都唔知係第幾次喇~
次次講左一句就算...之後明知紀係唔開心....就話氹下佢播~話咁易咩~氹下就得...唉!=口=

好忙咁Chick所有既ac喇~真是好喇~都做得晒呢~

放工工約左呀邦去書展ar...佢黎左學校接我放工播~~
哈哈~真是有驚喜呢~估不到佢會來來呀~~~^^
不過都有少少感覺話我知佢會來~佢三點幾比信息我話出門口播~
仲要話一個人去行街街~~緊係不信喇~~kakakakak!!!

之後出到學校門口見到佢播~~yeah!!佢著左番工Look呢~斯文仔呢~kakaka!
原來佢去左超級城e區個邊間「腦環同」到見工ar~~
聽日番工工呢~真好呢~day1~6都要番工工ar~沒時間去玩玩嚕~~

一齊座271出尖咀喇...係bus shop見到彭善呀..同佢傾左兩句之後就走走~
第一次同邦邦搭271出去呀...hahaha!真是開心仔呢!!出到去搭船仔喇~過去書展買書書~

買完飛飛好快入左場...進行看書行動喇...都睇唔晒更多書書既~
之後就慢慢更行行喇...好多書睇ar~hahahha!
咁我地行個時就搵搵佢d工作人員...都唔係見到好多渣播~~不過就見到佢朋友個依依~~

之後我地係書展睇書、行行到九點幾喇~過番尖咀去找野食~~
找左巧耐...之後去左美心食食...我又食唔晒ar...
之後十點幾到就搭車車番家家喇...搭緊bus個時勁大大雨ar~
番到大埔都仲係好大ar....之後我停車車...停左勁耐..雨又沒停播...
真黑仔ar...濕濕冷親呢!!!

>>July 23, 2005 at 3:16:08 PM GMT+8

2005 年 7 月 18 日 星期一 【清涼】

訓遲左訓遲左...起身個時成身軟軟....好熱好熱....
行路都想暈暈地...就搭小巴...之後轉K喇....都係第一次轉K巴番學校...
平時搭小巴都係在王肇枝個到落...之後再行過去....但係今日太曬....太熱喇....

今日要搬機呀....好辛苦...不過.....又係白做.....搬晒十部機落二樓....
之後又話唔用播......=口=真係想講句粗口.....
唯有.....搬番晒上三樓回覆原狀喇.....我同羅港、add生就幫手set機....

徐敬佢見份工得左呀...明天可以番工工呢~真是好好喇~
咁Lunch就一齊食食喇...仲有伍啟呀...rose都有一齊....
去左好味道eat 呢~有個新火記幫我地落單...重覆講左好多次都問左好多次...

食完番黎之後工作....wo佢地食到兩點先番學校~
add生話同老細食飯都唔係食得咁好架...食野仲要傾公事....

miss 馮上左黎用電腦...我地一齊整新生既戶口既野~
當整完喇...之後佢唔知點樣整整下....唔小心del左d野...
佢可以講到唔在乎咁....一d都唔覺得佢驚張..反而仲話唔見左就算喇~
del左個樣野係好重要架........del左都可以咁輕鬆面對~~估不到~

放工就去左太和~伍啟、子健、羅港、嘉鵬佢地踢波~
我都踢左一兩下...驚踢爆對鞋...哈哈哈!
之後去左麥記座~佢地會去swimming嘛~我都不識so不去去喇~

之後座左陣我都走了~去左新達個間3到問電話既野~
問左唔可以遲d先開台呀....peoples個到就有d麻煩野出左~
只係差一日.....比佢地講講下我都好亂呀.....
都係合約麻煩.....如果今次真係要要比合約錢...要比500蚊....
可能係我問題喇....唔知......我好驚係我搞錯左....

同呀邦傾....佢覺得peoples個到唔岩....搞到佢好激氣..
我都唔想....佢話我對其他野就仁慈.....呢d人係要對佢地講道理....我有架....
佢仲話我對屋企就唔同.....唉!好耐都冇喇......佢聽到我對家人既態度都係好耐既事黎架喇~
宜家....都冇乜點傾多兩句野.....少好多喇....我唔係成日都係咁....=口=

佢聽日幫我問問呀~唔該晒呢~

>>July 19, 2005 at 2:17:32 PM GMT+8

2005 年 7 月 18 日 星期一 【晴】

歌迷請注意,以下是皇冠出版社出版之林一峰最新著作
<<隨身聽．隨心唱>>簽名會詳細資料:

簽名會日期時間:
Date: 24/7/2005 (sun)
Time: 下午2時至3時
Venue: 會展新翼走廊大堂 (Hall 1對出)

請注意:

皇冠出版社只在7月24日簽名會當日早上10時開始派籌,
凡於當日於皇冠出版社攤位(Hall II青年館 2H01-17; 2G02-18)購買林一峰最新著作
<<隨身聽．隨心唱>>, 便可獲贈簽名籌一個, 憑簽名籌於下午2時到走廊大堂 (Hall 1對出)排隊,
便可與林一峰見面, 及獲得林一峰親筆簽名.請注意,
歌迷如想參加簽名會只能在當日購書才可有取籌機會.

簽名籌數量: 200個(派完即止)

另外,由於簽名會時間短促,本簽名會只簽林一峰最新著作<<隨身聽．隨心唱>>

原來要更早....我想我都要打消呢個念頭喇...
仲以為可以好近同一峰傾計添~~

>>July 18, 2005 at 4:39:58 PM GMT+8

2005 年 7 月 17 日 星期日 【清涼】

今日簡直係酷熱ar.....雖然有風...但係是熱氣來的...熱的很ar!!!
都有成30幾度喇...都係留番係室內好...kakakak!

十一點幾幫al錄影....又錄左兩次喇~都唔知聽日駛唔駛幫佢再錄~
計埋星期六錄...其實都左好多次架喇...次次都唔滿意....哎呀!!!不過都沒所謂喇....
我都係禁下制咁...做到佢滿意為止喇!!!至不過係唔想行到五樓咁高....因為好熱...好高...會暈架!!

Lunch時間去食飯仔....想去平平地方食架...但係巧熱喇...想去有冷氣地方呀....
就去左大元到食嚕~徐敬一個人過黎有同我地食飯呀~佢要番sch搵miss wan見工嘛~
食完之後佢上左黎電腦室等miss番來~個時未有人番...我地就睇陳sir仔仔既video喇~
yeah..好得意呀...哈哈哈!可愛仔!!

佢明天出去見工ar...好遠的地方呢~希望佢見工成功喇!!
有工番係好事嘛~不過都要岩自己既~~加油ar!!

之後就繼續工作呢...幫羅港整HDD...但係佢話唔駛幫手播...
想慢慢做呀.....=口=幫佢手都唔要...可惡!!!
我就整Notebook既野喇....個個課室都走下...好鬼熱呀...出晒出晒汗喇...
一來又要一個人搬番d Notebook番課室...走黎走去...同埋課室好熱呀.....

放工工時間喇...羅港陪我過左去大中交電話既野...
之後趕去體育館....真係激氣呀....佢行到咁鬼快.....又搞到好熱...成身汗...
真係追唔到佢d速度...有波打播佢緊係行得快過人......

之後頂唔順喇....熱到呀...就去左7仔買野飲..再去體育館搵嘉鵬...徐敬佢地班喇~
原來今日係同教會既人打波比賽架....我都係去到先知...有好多人ar...
我都有落場打架..不過由於我咩都唔識....所以都係冇乜點打咁~哈!!
我同伍啟、羅港一隊呀~好玩呀...第一次打波呀~仲要係比賽播~

打左兩場....最後都輸左呀.....令佢地輸左有點對不起呢~~
佢地個個都濕晒呀....好多汗呀佢地....臭臭呢..kakaka!
七點幾就走人喇~累累ar!!又熱熱!!

呢排多左同徐敬、伍啟佢地傾計仔呀...kakaka!!
明仔仲睇左我2個星期既日記仔...真是估不到呢...更多字字都睇喎~
kakakka!!好彩都有人欣賞我咁長篇既日記仔呢~
仲以為會因為長長令到人冇心機睇架呢~kakaka!!

>>July 18, 2005 at 3:27:06 PM GMT+8

2005 年 7 月 16 日 星期六 【晴】

林一峰演唱時間表~

周六Music Park 年輕創作人音樂會
日期 / 地點: APM 7月23日
時間: 晚上9時30分至11時
演出:林一峰

地點: 維多利亞公園草地
日期: 2005年7月24日(星期日)

時間:12:00pm - 7:00pm

演出單位 :
YMCA Young Band、Dovey、Wholala A-day、古巨基
林一峰、At17、Soler、張繼聰、Tommy Chung
Side Project、REDNOON、Day one、ZIPCODE

>>July 17, 2005 at 2:50:37 PM GMT+8

2005 年 7 月 16 日 星期六 【酷熱】

星期日喇~終於到左星期日喇~真係so good!!!
呀邦九點幾就醒左比左信息我喇~佢想我今日早d過去ar~
但係我要煮埋Lunch先走得ar...所以十二點先出左門口喇!!!咁出到車站佢話想要beyond vcd播~
咁唯有番屋企拿喇~但就走了一班車喇~幾左巧耐先有車車~

過到富山就去左華潤喇~因今天煲湯比佢飲ar...所以就去買料喇~
我就覺得貴貴喇~係街市買就平好多呢~hahaa!!
又是好好熱的一天ar....成身汗呢...咁就緊係沖涼仔先喇~
之後就煲靚湯喇~yeah!!搞完煲湯就睇beyond花絮喇...我想睇番同dvd既花絮一唔一樣~
原來係唔同架...dvd個花絮正正好多ar!!有成十分鐘呀~邦未睇過ar~遲下send比佢睇先得~

睇完就演唱會碟喇...之後累累就左去訓覺仔.....啜到訓著左....
訓左成個鐘都有ar...好累又好舒服ar!!訓完就飲湯喇.....都煲左好耐喇...好好味呢~
一路食食野同飲湯~一路睇「香港直播」!!佢今日話有電視比我睇~
我都知係有林一峰架喇~~kakakakka!!好采我未睇姐~~

睇完都成七點鐘喇~落左去何里活到~電話仔要轉台嘛!
我地間間都睇左個價~最後揀左3~即係orange!!!
20號個日就用得喇~唔知呢個台我家家呢邊收得好唔好呢~~
都係試用呢~宜家轉左用我個名喇~又有住址証明..正正喇!!kakaka!!

搞掂左電話轉台既野就走走喇~去搭車車呢~
今天巧開心呀~~yeah!!yeah!!

>>July 17, 2005 at 2:25:36 PM GMT+8