2005 年 6 月 16 日 星期四 【雨】

上堂錄影..應該係最後既一日喇...教rose錄影...
教左好多野...不過佢好似仲唔係咁明咁...=.="教佢真係要比耐性架...
好似教細佬仔咁..講極都唔明...但係...有問題又唔問播.....

又係Lunch喇...今天應該都係最後一天同嘉鵬食飯喇~
佢都補完oral喇...就來會考喇...比心機ar~食飯個時佢比小蚊女係咁騷擾...仲係咁話佢基...
原來先前都有人話過嘉鵬係「基」架...ka..不過佢就緊係唔係「基」喇...只不過個樣似囉~
哈哈哈~食完野我地番左學校小食部後面個到坐...傾計~傾到學生集隊上課室先走~

放學了...學校突然好似垃圾場咁...因為好多人清Lock架ar~
學期尾嘛..要執晒d書番屋企呀!

放工個時同小蚊女and羅港搭巴士...因為蚊女佢囉住成箱書ar...
咁時間又早播...咪遊車河囉...傾開Kw 同朱sir既野...
諗起好多野丫...以前既學生會...呀sir既笑容...真係好掛住佢ar~

自從朱sir離開左...我係學校番工後..就好想成日都守係kw身邊...
好想好多野都幫佢....同嘉鵬既感覺一樣喇...
好自然...miss會成為我地心入面好重要既人....種感覺似家人...朋友咁囉...
唔會有隔膜...好親切....佢搬屋個時一定要幫佢ar~~

我地番到太和就去左m記食雪糕..繼續傾計仔喇~~
好大雨ar...等冇雨就去搭車喇...等車個時望住個天..見到d雲移動緊..
就係度諗...究竟....每一日做緊既野係為左咩架呢....um...
如果d雲成塊跌左落d....會點呢....哈哈哈...緊係冇可能發生既事喇...
係我發緊夢..傻左....hahahaa~~

究竟.....一個人離開左....佢係咪仲會係屋企人身邊守護住佢呢...
係咪睇住佢....陪緊佢....仲知道呢個世界每一日發生既事...
點解....點解會有意外....點解會有病...點解....點解要離開...
係咪整定架呢...點解要咁早.....

>>June 17, 2005 at 1:38:03 PM GMT+8

2005 年 6 月 16 日 星期四 【晴】

承繼上年狂潮力量, 今年十一狂潮Cyber Live音樂會將於七月二日及三日隆重登場!

時間: 晚上6點半

全場企位 免費入場

數碼港提供免費穿梭小巴由金鐘直達數碼港，每5分鐘一班，早d入去霸定靚位啦~

7月2號 新人力量 各展所長
表演單位:
高潮樂隊 / 鄧麗欣 / 薛凱琪 / 關智斌 / 梁洛施 / 官恩娜 / 吳日言 / Bliss / 鄭
融 / 李逸朗 / 蔣雅文 / 梁靖琪 / 葉宇澄 / Janice / 王菀之 / 張繼聰 / 應昌佑 /
劉日曦 / 王浩信 / 方大同 / 側田 / 謝安琪 / 馮穎琪 / 郭芯其 / Krusty / Soler
/ Dear Jane / 梁雨恩 / 王凱駿 / 林苑

7月3號 遇強愈強 壓軸登場
表演單位:
何韻詩 / 盧巧音 / 恭碩良 / 陳奐仁 / 關心妍 / 林一峰 / 鄭希怡 / 周國賢 / 吳浩
康

http://teenpower.rthk.org.hk

>>June 17, 2005 at 1:22:04 PM GMT+8

2005 年 6 月 15 日 星期三 【晴】

暑假林一峰有好多活動都出席丫....有好多機會見到佢..到埋聽到佢既Live..
真是開心喇~~~

3-7-05 18:30 數碼港四期 {十一狂潮Cyber Live音樂會}

6-7-05 18:30-22:30 --拔萃男書院 {學生搞既variety show}

3-8-05 20:30 ---會展Hall 3 {拉闊音樂 楊千嬅X林一峰}

>>June 17, 2005 at 1:08:40 PM GMT+8

2005 年 6 月 15 日 星期三 【暴雨】

今日既時間過得好快呀....整體育科個網頁...
先前係fino整開既...不過佢整果個由於怪怪的問題...
要整整...同埋有好多link都死左...整左成日都係整左三版渣..kakaka~

Lunch黃國忠同埋我地一齊食呀...又是同埋嘉鵬佢地一齊去家樂大食食~
番sch個時..落雨雨呀....不過有kc摭我呀...哈哈...但都淋濕了半個人呢~

星期一開始番工既時間唔同左喇....番八點九放四點九呀...早左放工呢!!
真好真好~~~

放工同小蚊女and rose找呀靜茵...佢帶隻狗狗出來散步呀...
去到太和找她..見到佢隻拳獅狗...勁man呀!!!好大隻架~
我地周圍行行....搵左個地方坐坐...同隻狗狗玩...
好多....口水呀.....勁多....佢個口好大架....仲有座低個時...佢係高過我架...

哈哈哈~~~大隻既狗狗...咁諗住同佢一齊影相相喇...
係唔得架...好驚佢一下咁錫落黎....好多口水ar條「利」...哈哈~

當小a遇上大狗時..真係有點怕...怕佢咬我...
隻狗狗其實係順架..只不過個樣惡囉...不過由於佢個口好大...
所以比我感覺佢係惡...同埋驚驚會咬落黎...哈哈~~始終唔熟嘛....

好多.....口...水呀!!!!!



>>June 16, 2005 at 12:10:00 PM GMT+8

2005 年 6 月 14 日 星期二 【溫暖】

今日番到學校就要chick 40部電腦喇...明天中四考試要用電腦..
所以要chick下...chick到差不多Lunch時間呀...好彩有羅港幫手呢~都快好多~

Lunch同嘉鵬,子健佢地食食~hahaha~番到學校都夠鐘喇~
不過我地就緊唔擔心遲到喇...職員播~小蚊女番到去就岩岩好~幾驚搞到佢遲到呀...

番到黎就傳授剪片既野比羅港識喇...始終佢地都要學下架嘛~~
雖然佢個腦仲有好多問號出現...哈哈~但係佢都努力學架喇...慢慢來喇~
有好多野要試下先識點做既~hahahaa~~

羅港同嘉鵬佢地去圖書館,所以就叫佢幫我還書喇~
都好耐沒去圖書館喇...hahaha~真係唔該晒呢~

放工個時沒雨雨~so忘記左囉雨傘呀~幫ya佢地買外賣...
去左中心一陣....勁勁勁大雨呀...so都沒去到bank入錢錢喇....
又沒雨傘播....就係ya到借左把傘喇...hahahhaa~~
真係勁大呀....仲沉水添...>.<"

係車上望出去好大雨...耳機重覆地播著陶吉吉的「就是愛你」...
好鐘意呢首歌仔呀...都是牛牛同嘉鵬推介的~
回到家...聽細so既<好回家>...hahahaa~~

我細佬download左BT..真係激氣....咁當然比我鬧喇...
我唔會用..從來都唔識用...完全冇想過用...因為...唔會囉...kaka~~

>>June 15, 2005 at 1:08:39 PM GMT+8

2005 年 6 月 14 日 星期二 【晴】

《海嘯》
by Soler
Lyric by Paul

別要我洗去我的雙腳泥濘
沉淪在這夢裡我不想清醒
跳上這快車終點方向未明
沿途尚渴望可找到新風景

沒法去帶走頃刻趨燦繁榮
寧願倦了一生追趕超新星
意志竟損耗我的心卻未停
誰人又會了解究竟應不應

Chorus
如海嘯　如山崩　仍不使我卻步
仍繼續尋找這片星宿 Woo
即使凍　即使重　前方充滿問號
仍甘心　仍堅守　猛風都　吹不倒 (怎都吹不倒)

別要我洗去我的雙腳泥濘
沉淪在這夢裡我不想清醒
跳上這快車終點方向未明
沿途尚渴望可找到新風景
即使多冷清

>>June 15, 2005 at 1:08:26 PM GMT+8

2005 年 6 月 14 日 星期二 【晴】

我 一直都想對你說
你給我想不到的快樂 像綠洲給了沙漠

說 你會永遠陪著我
做我的根 我翅膀 讓我飛 也有回去的窩
我願意 我也可以 付出一切 也不會可惜
就在一起 看時間流逝 要記得我們相愛的方式

就是愛你愛著你 有悲有喜 有你 平淡也有了意義
就是愛你愛著你 甜蜜又安心 那種感覺就是你

我 一直都想對你說
你給我想不到的快樂 像綠洲給了沙漠

說 你會永遠陪著我
做我的根 我翅膀 讓我飛 也有回去的窩
我願意 真的願意 付出所有 也要保護你

在一起 時間繼續流逝 請記得我有多麼的愛你
就是愛你愛著你 不棄不離 不在意 一路有多少風雨
就是愛你愛著你 放在你手心 燦爛的幸福全給你

就是愛你愛著你 我都願意
就是愛你愛著你 要我們在一起

>>June 15, 2005 at 12:49:35 PM GMT+8

2005 年 6 月 13 日 星期一 【晴】

自尋晚遊完車河....夜晚先醒起有d野未做....
就係...還書喇...本來係十號還架...尋日係還書同埋要入錢錢..
點知因為幫miss...都忘記晒了...今天要睇戲...so...都係明天先還喇...
要罰錢呀......kakakkaa~第一次遲還書罰錢錢...

Lunch同Cw and Kw一齊去大元食飯飯...徐敬都有來也..
佢話請呀sir食飯飯的...不過最後呢餐係多謝cw...hahahaha~
嘉鵬...子健...同埋個兩個女同學都有來...不過佢地來到個時都差不多時間要番校喇...
食飯飯個時講番好多中一發生過既野...諗番起...以前都幾曳曳~

不過同宜家既中一比較.....我地個d曳...都唔算得係咩...
佢地仲難教呀...所以冇咩老師想教中一...原因-難教...

放學又是開電腦室時間~又是得三個學生...咁有個學生陪到我放工拉~
佢同我係咁講鬼故...搞到我勁驚呀...叫佢唔好講....仲要繼續講....低b架...
搞到我驚左巧耐...唉...

之後出到去apm....個時仲驚緊....所以都冇咩同呀邦講野...
=.="係食野個時咪講番野囉....kakakaa~~
食得都幾飽飽呢~食完之後就去睇戲喇~睇「下妻物語」!

暑假有套狗仔既新片丫..好似「導盲犬小Q」咁架...不過暑假果套唔至一隻狗係主角~
有好多隻架...hahahaha~~暑假一定要睇睇呢~hahahaa~~~
仲有「頭文字D」呀~要睇要睇~

套「下妻物語」我覺得開頭幾悶悶下...差D訓著咁仔....
係中間開始搞笑呢~同埋個場都冇咩人笑既...=.="
睇完出黎都就十點喇....係APM個商場到聽人彈琴...聽左幾首就去搭車喇~

佢陪我搭74x丫~yeah~真是開心喇~因為今日冇錫錫過呀嘛...
hahahahhaa~~所以係車車到錫錫番~yeah~
咁搭到志連靜阮佢就下車車喇~hahaha~8個幾搭幾個站好似唔抵玩..
不過...hahahahhaa~~~佢話我陪我搭我真係巧開心呢~~thx~~~

行番屋企個條路...始終黑黑..真係驚驚...咁打比必必佢又沒聽播...
咁就打比國秋喇....佢溫緊書呀...阻住左佢添...同埋又搞到佢比人鬧播....
真係對唔住呀.....唔好意思呀國秋...咁夜打擾你~~

>>June 15, 2005 at 6:58:37 AM GMT+8

2005 年 6 月 12 日 星期日 【晴】

今日冇早早餐食食丫...唯有自己去左新達間M記食食喇~
用左十五分鐘時間食呢個早餐~我本來係叫凍奶茶架...
不過可能我細聲又或者佢聽唔到既關係喇~比左杯熱既我~
咁算喇..都係一樣係飲得姐~kakaka~食到飽飽就番工喇...時間岩岩好呢~

番到學校wo搵我要入sams...不過佢唔識搞...最後都沒有理到...
唉...佢就係咁...一唔識就放埋一邊叫我自己搞掂...咁岩呀Lo入左黎~
哈哈~緊係捉住佢黎問問喇~~仲有問左佢block網頁個問題~

應該識搞既~今晚番去再教教呀Simone喇~尋晚同佢傾左都好耐...
都係唔得...佢又係now.com member...唔知點解add 左入list都係聽不到音樂既野~~
希望今晚成功喇....就算唔得都唔可以放棄架~~ha~~

同呀Simone都識左兩年喇...我地識個時係03年3月30日!
呢一日係拜家駒識既...記得個時仲問佢廁所係邊既~
咁呢...咁岩ICQ唔知幾時一早有佢名名係到喇播~真係好岩呀~kakakkaa~~
咁就兩年喇...真係快呀...個一年係我第一次拜家駒既~
仲係第一次見到咁近距離見到beyond~不過個時有d激氣囉....

d人係咁迫..係咁迫...迫住要影相呀...真煩...我地係beyond未拜完家駒個時..
已經走左人喇...kakakaka~咁行落去地鐵站個時~
好記得呀....唔知家強定係世榮呢....對住我地笑左笑呀~hahhahaa~~

講完beyond...又講番今日既野喇...ha~大部份時間都係整ftp既野~
因為係beyond 六月天既關係~多左巧多人黎ftp...所以執一執~
整理左好耐丫...好耐~~~

Lunch個時同嘉鵬佢地一齊食~勁多人呀~個時落勁大雨也~
番到sch...嘉鵬上左黎印會考既野...我同佢傾左好耐計..傾左好多野~
傾到唔想走呀...哈哈~傾到放學呀~都未試過同佢傾計仔~
佢一直都後悔.......希望下一段既時候...佢知道點做喇~

放工小蚊女黎左電腦室陪我~我地係度玩板板~
hahaa~都好好呢~有人陪我~~之後放工個時kw找我~
佢仲有份功課要交呀~我緊係要幫佢喇~~我係佢助手黎架播~

呢份係第二份黎架...所以要搞掂埋去就完成架喇~kakakaa~
原來佢星期六個日....做到下午四點鐘呀~早知打電話比人喇...
我實幫佢做埋去....但佢唔想假期都要麻煩我地~~唉....傻喇~~

今次佢一路諗一路講...我就做佢隻手幫佢打功課喇~
邦仔打黎我都同佢傾左一陣~本來呢...諗住一路傾一路打架...
但我做唔到兩心....kakkakaka~唯有出去同佢傾傾喇~

之後傾完番黎就工作...五點做到七點幾~終於完成!!!!!!!!!!!!!!!
kw心情極興奮呀~搞掂喇...可以訓覺喇~hahahaha~
我地做完之後就一齊坐車車去教育學院交功課喇~
係教育學院行左一個圈...介紹下d學院...之後佢就落車交功課~~

交完後就即刻打比miss 徐喇~因佢地有幾個老師去左探鄧sir~
不過佢地都探完喇...呀sir呢個病冇喇喇發起~~真辛苦~~

kw唔係幾熟大埔既路...我地就遊車河....本來話送我番家家...
但係唔識行...kakakaka~行錯路..我地傾左好耐計仔...傾左好好多野...
um..當然都有傾下朱sir既野喇..反而佢係想人地提得多仲好既人~~

傾左車牌...旅行...呀sir份人..生活既野~好多好多~
我覺得佢好堅強架~~

>>June 13, 2005 at 2:10:52 PM GMT+8

2005 年 6 月 11 日 星期六 【晴】

訓左十三個鐘頭既我起左身喇...都訓左好耐下...kakaka~
係放假先有得訓咁耐渣...真好好喇!

星期日...平時呢一日我都會出街既...今天既我係屋企打機...
玩阿級咁過...時間都算過得快呢~

我係now.com member..原來可以聽番電台節目架播...
都係今日先知...可以聽番903想聽既野喇....勁開心呢~~
因為錯過左903既節目...要聽番係要比錢錢架...宜家我唔駛呀...真好呢~~

所以聽番尋日播既<八王子>~咁岩尋日個集有林一峰呀~林戚!!
聽完呢集..覺得一峰好慘...好感動ar~~

<八王子> 回憶總是美麗的
星期六　少爺占　一個人　說故事 一個 60 分鐘的電影故事


音樂介紹

今日想介绍下一隊非常出息既樂隊,他們叫soler~
Soler其實是兩個双生兄弟组成,Dino&Julio,(Dino是細路).他們是意大利與緬甸mix,
但他們廣東話及國語都非常好.soler玩的音樂可以說是pop rock,也有一些Acoustic的作品~
對於Dino的名字,大家可能有幾分熟悉,其實他是"汗"的結他手.本人亦都非常欣賞他,
如大家有看過"汗",Paul Wong既演唱會等,都可見Dino的結他功力不淺.
還有他們兩人的唱功也不錯的.
最後一句<在香港可彈可唱的不多了.請珍惜!>

歌仔包括:失魂,海嘯,緊箍咒,Natural High等....不果佢地未出碟架~

>>June 12, 2005 at 11:55:07 AM GMT+8