2005 年 6 月 29 日 星期三 【暴雨】

To:家駒

今日係30號呀...12年前既今日你離開左....我係你離開既七年後先至鐘意beyond...
都鐘意左成五年喇...雖然我唔係係93年之前認識beyond既音樂,同鐘意beyond既...
但係呢五年我對beyond既感情係好深....對你亦都是!

我都後悔個時竟然冇留意一隊咁好既樂隊....咩都唔識...
宜家係度諗...究竟個時既我...做緊咩呢.....我都記唔起喇....
吾....我覺得真心支持你地,時間長短都唔係一個問題既....起碼比我宜家知道洋先係音樂...

呢個六月份...成個月都係雨天呀....好特別既六月雨天...
我都唔記得上年係咪咁喇...成個月都係雨...不過我只係知一定係有雨落架~~

吾....用咩歌黎代表今天的心情呀....我會用「誰伴我闖盪」呢首歌~

只有淡忘從前話說要如何
其實你與昨日的我活到今天變化甚多
只有頑強明日路縱會更徬徨
疲倦慣了再沒感覺別再可惜計較甚麼

從前我會用「遙望」呢首歌的...
但今日比我既感覺係呢首歌比到個種強烈既感覺我~~

以前聽你既歌個時....覺得感觸...我真係會喊出黎架~
但....宜家唔會咁犀利喇...但個心都會um住um住咁囉....次次都係咁...
就算有感動都只係有少少既眼淚....

但我今日聽細so既「好回家」...我真係...真係喊出黎....忍唔著.....
真係.....真係唔係度喇.....
聽到細so講佢係beyond concert聽<農民>既感想...都有同感...
好想同你講..我都識唱呢首歌架~~

最後我都想講四次多謝.....掛住你!

>>June 30, 2005 at 4:33:01 PM GMT+8

2005 年 6 月 29 日 星期三 【暴雨】

今朝番工一直忙到食飯時間....忙既原因係入分...
同星期一既活動係一樣囉...但今日對象係中三、四...
咁呀sir做到好專業咁..但係麻煩就係我地跟喇...搞到好慢好慢..
咁忙...就忙到肚餓時間喇..徐敬佢地都番左黎學校玩呀...

我仲錄左佢地添~kakakakka!遲下囉番出來聽聽~kakakak!
有樣野今天係好激氣架....咁當活動完左要收野喇....我同羅港就執得好辛苦...
但rose就上左三樓等....個時羅港有叫住佢幫手架..但係佢話要囉部video上去播...
之後一直都係企左係電腦室門口等....咁佢又沒鎖匙播...我都唔明點解佢為何不來幫手...

食飯仔時間喇~~我地有六個人呀!米仔、徐敬、嘉鵬、Ling、羅港、Y文~~
又係企係度諗左好耐去邊食...最後過左去富善食m記呀~kakaka!
因為呀yan係果邊嘛~~hahaa!我地一路食一路講笑話...
串羅港..kakaka..不過都係玩架姐...真係傾到笑死我喇...笑到拍晒台...真係..哈哈哈!!!
食到唔捨得走...個時都食到超晒時喇...ka!!

小蚊女今天歌唱日初賽日呀....我又真係想鬧醒佢喇...唉!!
明天下午要比賽....仲唔比隻碟miss....要我鬧佢先識做....又係咩都答唔知...唉!!!

放工時間喇...羅港今天沒飯食..之後就陪佢食喇~
國秋同伍啟都係度呀~kakakaka!20蚊好平平呀!!!

咁我地搭電梯上商場喇....搭到一半聽到05演唱會既聲音...
即上去看看~~果然真係呀~~~我即係門口睇喇~佢地就入左去睇碟~
咁食完野...又行番呢間cd店..之後係個到停留左半個鐘都有多呀~~
好正正正嘛~~我勁勁想買呀....最後都沒有呀...因為我要等星期日同呀邦睇呀~~~

走個時咁岩見到必必喇...傾左一陣番左家家喇~
番到家即聽細so....yeah!!沒有錯過呀~~~聽到細so講佢當時...
原來佢係今天生日架....生日快樂呀!!我當然錄到帶喇~kakakaka!

沖涼完就對住部電腦對到宜家喇....因為要dl番d電台聽呀~~
雲尼有家駒呀~~仲有其他903節目有提家駒既,都dl晒喇~~之後又up上ftp~~
用左好多時間呢~~~又send左比10幾廿個人比msn既 fans播~kakakaka!!

>>June 30, 2005 at 2:57:25 PM GMT+8

2005 年 6 月 29 日 星期三 【暴雨】

Beyond巡演吸黃牛進駐長沙
黃家駒逝世12年今祭日

香港樂團Beyond年初開跑的全球「告別」巡唱會，席捲大陸各大城市，
七月十六日的長沙演唱會，甚至傳出有來自各地的「黃牛」入駐，
摩拳擦掌準備大撈一票，消息傳出後雖讓Beyond成員哭笑不得，
似乎也證明了Beyond的搖滾精神不死。

成軍於一九八三年的Beyond，團長黃家駒的創作靈感源源不絕，堪稱團內靈魂人物，
只可惜他英年早逝（今天是他忌日），他十二年前（一九九三年）
在日本錄影時不慎從高台摔落傷重不治，不但在娛樂圈造成極大震撼，更重創Beyond。


黃貫中另組樂團

去年，Beyond終以「各有音樂理想，合久必分」為由正式拆夥，為回饋歌迷們長年支持，
更積極在美加、大陸及新加坡舉辦「告別」巡唱。據悉，Beyond雖「畢業」，
但基於對音樂的熱愛，解散後的三人各自持續在音樂圈耕耘努力。

和朱茵感情穩定的黃貫中，明天將和新樂團「汗」，
與大陸的搖滾樂手崔健、「黑豹」及「唐朝」樂團，
一起參與北京一場名為「紅色搖滾」的演唱會，至於最新個人國語專輯也正在製作中，
預計九月發行。


黃家強來台宣傳
另外，鼓手葉世榮則鍾情於經紀人頭銜，開始積極培養新人。
黃家駒的弟弟黃家強日前與老東家香港環球唱片續約兩年，正在製作最新個人國語專輯，
預計將在明年二、三月推出，為和久違的台灣歌迷見面，
屆時環球唱片將積極安排黃家強來台。

>>June 30, 2005 at 6:42:16 AM GMT+8

2005 年 6 月 28 日 星期二 【雨】

今日羅港去左唱K..所以請假假..得我同Rose~
成日剩係整左兩盒錄影渣~五盒帶整左三盒渣...真係有排整~
之後過幾日仲有更多錄影工作..錄影帶個d真係有排轉喇...=.="

尋日睇左一半陳sir仔仔既Video...今天睇晒喇....真係錄左好多野呀...
佢話仲有成四盒帶呀..好yeah..好yeah!!!佢仔仔個d我好有興趣呀~
不過由於要整試外活動個d video....佢個d都要排下隊先喇...但好想睇呀...kakakaa!

除左整錄影帶...仲要入英文卷分喇...校友會網頁...304室既機要安野...
又係忙碌的一天呀!!試卷呀...好好好大疊....真係見到都暈喇~kakakaka!

放工喇...行落黎個時Kw見到我地播....佢呢..佢同rose傾計...
佢仲特登扮聲....真係當人地.....=.="唔方便講...我仲同miss講你想比人打呀...kakaa!係度玩野...

蚊女聽日就要參加歌唱比賽喇...唉..真係唔知佢點搞架..
咩都唔準備...歌又冇....冇都話唔知...又話唔記得左...
佢連準備既心都冇就話要唱歌喇...唉!!!咁死梗喇~咩都唔諗...
我緊係幫佢喇...搵左好耐...搵到佢首歌仔既音樂喇....冇人聲唱架...
呼...仲算幫到佢....希望佢識醒喇~入到決賽都好過冇呀~~

放工出左尖咀呀~好鐘意搭巴士..因為好舒服呀~又可以睇d車行播...
我覺得搭車出去個時唔訓覺係好既...可以睇風景,諗下野都好呀~!
但搭番車番來,訓教就係精明的選擇喇...黑蚊蚊...個時一定係累透喇...
仲唔訓有咩做呀..kakakkaka!!

落車行商場喇...之後落柏麗到睇「錢家樂」同「廖碧兒」播~佢地係度拍緊分秒必爭呀~
聽日TVB有得播架~~呀錢生都幾都好受歡迎下~~唔係話勁多人睇佢地~好多睇完路過下咁囉~

之後我地就行九龍公園個到....坐係度休息...我比左我係SCH整緊野佢SEE~
佢都有比意見我~吾~~我明明呢~THX~~
由於太多蚊關係要即走人....又是好痕呢~去左HMV到睇碟~
因B 記今天出vcd呀~但問左沒有播...失望望添~~~

去左太空館呀~買左鯊魚既飛睇~kaakaka!未夠鐘個時去左太空館入面睇野~~
都睇左好耐下~~好多野玩添~kakakak!

入去睇鯊魚喇...睇左成四十五分鐘~~十二蚊睇更耐播~~~
緊係抵喇~~睇海星爬係最搞笑的一幕~~真係係咁笑囉~~好得意架~~

睇完就諗住去科學館喇~點知落一雨播...又大播~~
之後就去左紅磡食野喇~美食廣埸到食飯呀~~

睇到一間都幾平下架~我地揀左好耐都揀左喇~咁我就去搵位喇~
咁坐低冇幾耐...邦走埋黎話「收爐」..意思係人地已經收爐了...不整野食了~
咁佢講完呢句之後....我後面張台有對情侶播~個男仔好自然咁應...
收爐喇....講完呢句後...大家互望...之後停左幾秒....真係搞笑喇~
我仲以為佢地識得架添~~~kakakkaa!!

就係因為呢個情境我之後係咁係咁笑....笑到買到野食都仲笑緊...
真係勁搞笑囉~~食飯個時又係咁講笑播...真係笑到呀....
最搞笑都是今天的笑話呀~哈哈哈!!!!!!!!!傻左咁係咁笑~kakakakkaka!!

今又當然是開心的一天喇~

>>June 30, 2005 at 7:24:22 AM GMT+8

2005 年 6 月 27 日 星期一 【乍寒還暖】

番到學校忙左成朝呀...學生考晒試喇...今日開始有試後活動...
中一、二要番黎,個活動叫「康體同樂日」呀!有好幾個活動呢...
咁我地三個Helper都要分別幫手做錄影既工作....好熱呀....成身汗...
羅港仲慘..佢要去草地球場錄影呀...又遠又勁曬...真辛苦!!!!
錄影工作做到食飯時間....

食飯仔同Kw食呀...徐敬、嘉鵬、Ling都係度呀...係大元到食食呀!!!
我地傾左好多野...真係勁搞笑呀.....成個午餐時間都係笑住咁食~哈哈哈!!!
又係爆大獲時間...有Kw係度,實有野八既...kakakaka!!

係係呀,佢地做老師真慘呀...八月放傍前一個星期要去粉嶺、上水到派傳單呀!
係全校老師出動...真係有d驚訝....可能我地到時都要呀...唉!!!
咪搞我喇...熱熱熱...派傳單好辛苦架....
我諗咁多個老師都估唔到為左招學生而出動晒全校既老師...

我幫到陳sir個盒錄影帶喇...佢盒帶既格式唔同...宜家好少有NTSC既機喇...
我地三樓又沒有播....佢家家果個又壞左...宜家都好少人買番NTSC嚕~~
咁佢話如果整不到就睇不到就算播...點可以算架~佢仔仔D Video黎架播~~好珍貴架!
哈哈~~我終於幫到佢喇....大Wan有機呀..岩晒喇~~真開心~~

我仲睇個video睇到放工添~係影左佢仔仔架....波子仔勁勁可愛呀...
上年畢業典禮見過一次~真係好得意架~睇番佢地家庭video真係可以睇好耐~~
我一路睇一路笑...因為可愛同搞笑囉~kakakakka!!!

>>June 28, 2005 at 11:47:30 AM GMT+8

2005 年 6 月 26 日 星期日 【微雨】

今日番工又遲左喇...呢排都係咁...遲左五分鐘...唔得喇..聽日要早d喇....

體適能終於做完喇...做左成幾日...hahaha!
仲有d poster都係不知不覺間咁貼晒喇...kw仲以為我唔得閒貼添~
咁當然要盡責喇...佢都幾驚訝我貼晒喎..kaka..聽日一齊食飯飯呀,好yeah!!

由於尋日行左好多路喇...搞到對腳勁痛....行落就痛...
行上就冇咩事...老喇..老喇!!!羅港仲話有咩想做既事就好做埋去喇....=.="
邊有更大件事呀...傻架咩!!過兩日應該冇事掛...ka

咁今日仲特登行左好多次樓梯,走上走落....做「物理治療」嘛!!!!kakaka!
係咪好搞笑呢,要行多d路呢...咁會快好番d...

Lunch去左好味道食飯飯...好耐都沒去喇....好熱熱又勁曬播...
天氣反常...成日都落下雨又唔落下...

放工約左靜茵呀,佢陪我買鞋鞋呀...yeah!!買左嚕,灰色boot黎架~
又係boot呀...kakaka!雖然夏天係熱少少,不過著短褲就幾型架喇~哈哈哈!
仲買左衫衫添~真係shopping喇~又買左狗糧糧播~
雖然好似買左更多野呀....但係都係200蚊渣~~平平平呢!!
精明消費者,hahaha!都係有靜茵係度呢!!!thx!!!

係呀,佢宜家都有做下d生意仔,賣帽呀...先前我都想買架喇~
但睇唔岩...我實buy靜茵設計個d,我都見過下,好靚架!!!佢設計播~~~
hahahhaa!!!

>>June 27, 2005 at 1:03:43 PM GMT+8

2005 年 6 月 25 日 星期六 【綿綿細雨】

今日既天氣都幾唔穩定架...又唔係話成日落雨既...係時落又不落囉....真係煩呀~~
不過我個心都決意左係去拜家駒架喇~~出到去應該會好天氣既!!

咁係Apm個巴士站等呀邦喇...我時間岩岩好出門口...都早左15分鐘到播~
係大埔出到黎都幾快下架~hahaha!咁個時又勁曬喎,就係入面等佢喇~
順便買左個火機呀~~佢黎到個時又開始落番雨喇....我地都幾擔心油塘個邊都有雨~

但搭車車個到去竟然係好天氣播....仲好曬添...藍天白雲好耐都未見過喇~yeah!
過左百佳買野就搭的上去喇...今次都唔係等左好耐...記得上一次黎個時等左勁耐架...

架的士好慢好慢呀...呀邦話呢d先叫安全架駛播...不過真係好慢下...哈哈!
終於上到家駒個到喇....見到d香點著左...應該係岩岩有人走左喇~hahahah!!
我係個心入面同家駒講左好多野呀....um..唔多想直接講出聲...

同家駒講左咩呀...同佢講家強佢地有完成到你個心願,去巡迴演唱會呀!
到宜家為止都走左20幾個站喇....
雖然做完巡迴真係會解散呀...係好唔捨得,但我會專重佢地~繼續支持佢地~
仲有仲有呀...就黎出05演唱會既vcd and dvd喇..好開心呀!!!

唔知呀邦又同家駒傾左咩呢....hahahaha!

仲以為會冇人來添~都有兩個男仔黎左,覺得佢地有d怕羞呀!ha..
佢地都座左半個鐘到就走左喇~我同邦都坐左好好耐呀....好似坐到六點半到喇~~
之後行落去..咁個天又未黑...又涼播..不過行到好好累又好熱呀...kakakkaka
出晒汗喇....熱熱呢!!行到落商場即涼番~yeah!!!

去左鑽可山到食飯飯~hahahaha!又係問左第二次同一條既得意問題...
油塘黃色,咁藍田係咪藍色架,鑽石山係咪有鑽石架...哈哈...好似d小朋友咁問問題..kakakkaka!

估唔到呀邦發現左我日記仔每一次見到佢個日係日記公仔係面紅怕羞果個~
kakakaakka...真係有點兒細心播~~真係抵鍚喇!!

今天八點半上車車~因為要趕住番大埔陪呀君呀~佢男友仔今天來廣福草地踢波~
咁又得佢一個女仔~咪陪佢囉~kakakakkaa!!去到都仲未踢完...好采姐!!
踢完就去大中..君佢未食飯飯呀,陪埋佢食飯,之後去rainbox食糖水呀~
呀城請呀,真係多謝晒喇!!!

番到家家都11點幾喇~今次搵左Terry傾呀..佢好唔專心呀..
因為佢同緊呀alice傾IICQ...唔得閒理我...
我搵左徐紀同必必架...兩個都沒聽電話..想找國秋又怕夜得仔...
真係唔好意思喇!!!

今天同邦仔一齊好開心呢~~~

>>June 27, 2005 at 1:49:37 PM GMT+8

2005 年 6 月 25 日 星期六 【晴】

這首歌穿插著你們的成長片段，加上一下一下的腳步聲、開門聲......唉......

by Paul

Revise:

你的聲音原是那麼近
就似安慰劑撫慰著舊情人
昔日舞曲　無聲告別
留下了無盡空虛不再猶豫

永遠o既等待　原諒我今天
要再見理想談何容易
灰色的心　誰是勇敢
天真的創傷　留下赤紅熱血

無論是光輝歲月　或是命運派對（或是無盡空虛）
即使不可修補這缺口　也算曾是擁有　（也願繼續麻醉）
海不闊　天不空
你要我冷卻夜雨中 （但我有過永遠）

＃無聲歲月中（在無聲告別中）留低是那衝開一切的腳印
　門外看我會看得更清楚
　期望你我堅守到謝幕

＠逝去日子中　留低是我真的愛你的烙印
　長城厚厚不過我的心
　期望你會給 我去庇佑（期望你會給 我再震撼）
　寫好這故事 （我們既故事）

踏著那灰色的軌跡回家
自信活著便精彩　我在霧裡想你

REPEAT ＃＠

>>June 26, 2005 at 5:53:43 AM GMT+8

2005 年 6 月 24 日 星期五 【微雨】

今朝番工仲有大雨ar...都幾大大下架...
選擇左搭車...又係濕晒對鞋..真慘慘ar!!

番到去就upload「四人時期節目篇」喇...剪左十四套片呀!!
好受歡迎ar..咁緊係喇...全部既節目都有家駒份架播..hahaha!!

放工約左湯圓去大中食野...佢好準時係sch等ar~
我就遲左少少喇...不好意思呢!!
之後係吉之島睇狗糧既野喇..見到我先前買既狗狗沖涼液呀...
吉島平好多呀.....真係唔抵呀...激氣激氣...

之後好肚餓,去左澳門街食午餐喇~都坐左好耐下...
湯圓又食得慢慢,我又食完...覺得勁眼訓...竟然係度訓覺...哈..
呢排個日唔知點解累左好多呀...好累...

食完去左平台到傾計喇...佢又煲煙喇...呢排仲覺得好辛苦...
咁就真係要介左去喇...雖然唔係話一朝一日要做到既事..
但有心去介....一定可以介到架.....加油呀!!

咁講講下佢話想出尖咀...但又沒錢..又沒想過今日出...
咁個時又兩點幾播...就緊係出喇...佢都想出播..哈哈~拉左佢出去~~
係車車到...訓覺...訓左好耐呀...又頭痛喇...=.="不過都好訓呀~ka

出到海滂,熊玉蘭都來左呀...因佢放工嘛,不過七點又要番工,番兩間呀..真辛苦..
咁係樓梯到傾計喇..傾左好耐呀...今天巧多人人呀....
傾左好耐計仔呀...kakakka..

之後係海滂到行行..吹風,吹水,煲煙~咁就六點幾喇...要走走喇~
係車上,湯圓比左包煙比我~佢話真係辛苦要介煙...
咁決定左都好呀...有決心呀!!!咁我就緊係唔係囉黎食喇~~
聽日就比家駒喇...hahahha!!

聽日應該沒雨架喇...可以拜家駒~等左好耐喇....好耐喇....

放工真係番家準備聽九點鐘既「beyond 六月天」,一年一次...

昏暗的六月天色...

節目開始了...

最適合係六月播家駒既歌,佢地3個分別揀左以下既歌

世榮--早班火車
Paul--遙望
家強--情人

估中晒.....當呀榮揀左早班火車,都知之後個兩首係咩架喇....
真係中左....

唔開心因為掛住家駒...
唔開心因為端午節原來係家駒發生意外個日...
唔開心係佢地把聲...沙晒喇...真係有點沙...

呀Paul作左首歌送比家駒...送比我地...
首歌係用左beyond既歌名黎作架...好正呀首歌...
呀Paul好好好勁.....

組band時間已經係第十年做「BEYOND 六月天.」紀念家駒...
要畫上句號.....因為係最後一次.....下年之後係再沒有架喇....

咁唔係話下年唔會紀念家駒既...係以唔同方式紀念....

>>June 25, 2005 at 3:01:08 PM GMT+8

2005 年 6 月 24 日 星期五 【雨】

6月24日 (星期五)黃貫中先生出席了「森美小儀歌劇團」音樂劇記者會~

大會將正式宣佈黃貫中為今年叱o宅903「森美小儀歌劇團」音樂劇擔任音樂總監

負責「森美小儀歌舞劇」主題曲!!!!!!!!!!




Simone尋日影架...佢等左呀paul兩個鐘..
囉左簽名同合照呀~佢影左好多相相呀!!!!真係thx of share!!!

>>June 25, 2005 at 2:44:37 PM GMT+8