2005 年 5 月 20 日 星期五 【晴】

好耐都冇搵我既Cynthia...係我番工既時間打比我丫~
佢話約我出來飲野傾計...有45分鐘既空閒時間出黎比我~
不過....我約左winnie丫....

又要改時間喇....真係忙忙極了~不過佢對我都好好~
幾忙都好都抽時間比我同佢既...hahahahhaha~

放工同winnie、佢細佬、rose出左西九龍~
出親去就緊係食壽司喇~hahahaha~
Lunch時間真係特別多人架呢~~

係我地等緊個時突然聽到一下好大既聲....周圍望下喇~
原來係我地後面個間鞋店個玻璃爆左丫~~

係有個人推住架車仔...唔知點樣喇....整到個玻璃爆左...
之後仲想走人...唔應數....我諗個人都係唔小心...
但係覺得唔應該要倍咪走人囉~~
之後緊係搞到好大件事喇....個人想走...但又比間店既人拉住...
個人就緊係好惡喇...係咪爆晒粗咁.....

意外既野好多人都唔想發生...但當要自己負責既時候...
就會即刻會想走人...唔關自己事....
但係世事既野邊有話你想點就點架....係咪都要負責架喇....

之後我地就入左去食壽司喇....好味...又係食得勁飽喇~
食完出番黎....已經見到有警察同埋有師符整緊塊玻璃嚕....

食飽左就出發去黃金買電腦行動....我地行左好多間...
最後2700買晒所有既野....哈哈哈~~係winnie既預期價錢~that ok 喇~
買完就番大埔...去佢屋企一齊砌機喇....搞到八點到喇....

聽日再努力過~yeah~

>>May 24, 2005 at 3:16:54 AM GMT+8

2005 年 5 月 19 日 星期四 【晴】

Beyond 閒談區有個topic播~
係問"你地覺唔覺得家駒、家強同世榮把聲有時好似？"
諗番起以前岩岩開始聽beyond個時係架...
我真係分唔到三個把聲~ 但之後聽得多識分喇~~

不過家強唱某d歌有陣時真係勁似家駒把聲~
我會仲播番家強唱既版本同家駒唱既版本比較下~

都真係幾似~

>>May 21, 2005 at 3:59:36 AM GMT+8

2005 年 5 月 18 日 星期三 【溫暖】

而...岩岩入個日記版多左個新野播...「內容特種搜尋」
我第一時間緊係內容搜尋下林一峰喇~
哈哈哈~都睇左幾篇人地寫一峰既日記仔內容~
有好多都係講去左個遊樂會...仲有好多一峰既歌詞~~~

第一次去呀paul 個web..先前都登記左架喇~
但係沒時間去~咁台chick依貓收到paul個網既ac喎~
就入左去喇~仲以為未整好添~原來都有幾多野~

「Talk to Paul Wong 想對黃貫中說」、「 Anything about Paul Wong 關於黃貫中 」
我仲整左個頭像添~型爆既呀paul丫~


>>May 20, 2005 at 7:11:11 AM GMT+8

2005 年 5 月 17 日 星期二 【雨】

今日番工個時沖左劑涼...成身濕晒...比個天玩左次添....
出門口個時係冇雨....點知行到一半落大雨喎...緊係成身濕晒喇..
過雲雨.....落下時唔落...一去到水道又沒雨..出到去行左陣又黎過....真係....=.="

放工去左m記~m記既魚柳包買一送一丫..
呀琛,呀康,我同rose就去買喇....買左八個...哈哈~
傻架...勁多丫...不過我都係食左一個渣~
有兩個囉左去中心比呀貓貓食呢~

係中心傾到七點到就走喇...係架車到我已經覺得好攰喇...
有30%進入訓訓狀態...回到家睇書喇....
睇到一半已經係50%喇....食完飯飯..打機...
個時就開始正式進入70%....但係呀邦未補完...未回家...
但個時真係捱唔到喇....唯有上床訓喇....80%...81...82...
幾驚聽唔到電話丫....所以醒下又訓下...佢未回到家都會擔心架嘛~

終於等到佢打來喇....勁開心丫...不過傾左陣...
就要轉地鐵喇....佢今日補果個學生係西灣河....完左喇...
原來佢同呢個學生補左都已經三年了....好耐丫~
難怪佢唔捨得既....不過又唔駛更失望~

咁補左都補左更耐喇....咩都教晒個學生...
佢一定升到中六...到時會搵番佢補架嘛~hahaha~~~

講番訓訓狀態先....邦上左地鐵我地就用信息傾喇...
個時又回番去60%丫...hahahaa~
之後等佢半個鐘...打黎幾秒....電話因沒電....收左線喇...

繼續等....等.....等到佢回到家比信息我..
一見到佢send個「到」我即刻訓番落床...
之後就慢慢進入正式既訓訓狀態.....98..99...100%...
Zzzzzzzzzzz......

>>May 19, 2005 at 3:51:06 AM GMT+8

2005 年 5 月 16 日 星期一 【乍寒還暖】

今日又有試卷要入喇...中二級....好多丫..成五班更多...
有排入喇....今日一班都未入晒丫...都係慢慢做喇...

Lunch個時津津佢地叫外賣番黎食....唔預我同靜茵...真係衰仔黎架....
仲要話唔知我地食咩....我地都唔知佢地叫左外賣...又冇人問播...

幫Ki處理體育科既財政既野.....有好多單要跟丫...
又係開始一個忙碌既week喇....英文科...體育科...外評...忙忙碌呢~~

放工我記得要買卡卡比卡奇仔架...同rose去左睇卡...
仲買左本書仔...好細本...應該佢可以收到掛...
好想佢快d收到丫....hahahhaa~不過我都未有時間去郵局處理添....點算好??

今晚邦仔好夜好夜先去補習丫...差不多成十點先補...
佢考完試試同同學仔打波...聽佢打黎個時佢特別開心既..
hahahhaa~~真好好喇~不過就太夜喇...

番到家都成十二點幾嚕....

>>May 18, 2005 at 3:11:50 AM GMT+8

2005 年 5 月 15 日 星期日 【陰】

今日係紅日假期,但係都要如常番工,
想訓耐D都唔得...好累丫....

今日既工作唔同...有好多野要整...同埋執...
成間學校既校工都出動晒....全部去晒新翼到幫手...
好多舊台...好多其他既野都由高空拋晒落地下....
見到新翼個邊既地下真係好似一個垃圾場咁...成地都係...

放工喇....終於放工喇...去左搵徐紀同方少佢地...
不過佢地因為等得耐....上左車子喇...我都唔想架...不過...
中間發生左D事....所以遲左更多....

唯有自己搭車出去搵佢地喇.....自己係巴士到覺得好舒服....
又靜...一個人望住巴士出面既野...同埋睇一峰本<交換日記 3>..haha~
幾好丫....呢排都係慢慢咁睇緊呢本書...至於國秋借比我個本...
唔知點解冇咩感覺令我想睇埋落去...哈哈~sorry丫~

過到去join佢地喇...唔知點解呀貓仲快過我喎....
哈.....個爐佢地搞左好耐終於燒得野食喇....好肚餓丫....
今次都燒左好多野食,so得食好飽飽丫...野食個方面就充足晒喇~

食完野我自己行開左...因為津津打來...同佢傾計仔~
佢地又吵架喇...為左少少無謂既事....哈哈!!

同佢傾完就同徐紀行左落石灘到...有蟹仔丫...好得意,細細隻~
我地諗住冇人發現到架喇...點知比誠俊見到我地...
小鬼佢地就玩野喇...哈哈哈~搞笑~呀筠都落左黎一陣丫...

我地燒晒野食...就玩遊戲喇....有Q喇同DOCTOR....都幾好玩丫~
玩左好幾次就上山喇~上去提壩到~好黑好正丫~
沿途有D牛蛙係度叫...我地仲照佢地添...好大隻架原來....

上到提壩我同呀筠跑步....佢好快丫....不過佢讓我好多...哈哈~
我地兩個一齊都跑左成千米都有喇....勁丫...哈哈~
好熱丫....呀貓佢地個班慢慢咁行...我地唯有睇住星星咁等佢地
個天好多好多星丫~之後我地成班人一齊睇~
傾計丫...聽小鬼講鬼故丫..哈哈~~

差不多時間我地搭車出去...去火車站...本來係飲野架...
不過呢...關晒門了...我地就去左運來個公園到玩喇~

哈哈~我地玩「何仔公」丫...又係「捉依因」既野...
唔講你都唔知丫..我六年級個年成班人都係係呢個地方玩最後一次既「捉依因」丫..
仲以為個次會係人生既最後一次咁玩~

今日玩得好開心丫...有成九個人一齊咁玩...哈哈哈~
走黎走去...跳黎跳去...搞到成身好熱...成身濕晒...

二十歲喎...仲玩..哈哈~唔好笑喎...呢樣活動唔係低B..
有得玩既就緊係玩架喇~真係想玩好耐架喇....

玩完呢樣就玩其他...唔記得左個名...不過又係走黎走去既..
哈哈哈~勁開心..勁好玩丫~~~

見到玩既每一個人個種童真既心~哈哈~
仿佛番左去五年前咁....玩到傻晒....yeah~
希望仲有好似今日咁既機會咁比我地玩喇~

玩到十二點半到就回家喇~

>>May 18, 2005 at 3:12:48 AM GMT+8

2005 年 5 月 15 日 星期日 【晴】

PAUL WEB~


http://www.paulwong.net/contact.htm





>>May 17, 2005 at 3:42:30 AM GMT+8

2005 年 5 月 14 日 星期六 【清涼】

今日係星期日丫...係呢個月唯一一次去佢屋企既星期日~~
因為佢下兩個星期都要考試丫~

我兩點就出左門口...係圖書館預約左一峰本「交換日記 3」有得囉喇~
真是好好喇~~係車到都幾左幾篇~

今日大家都唔駛等大家咁耐..因為時間岩岩好呢~hahaa~~
好熱丫...勁熱丫..今日有兩樣野破左紀錄架..哈哈~
第一就係洗頭喇..都好似係第一次一日內洗三次頭更多喇~

第二樣就係..中左兩次蛋白質喇...哈....真係...已經知道係咩原理喇~
但係知道左原理後就要受「苦」喇~都唔係幾好受架渣~
哈哈哈哈~~~

先前叫邦仔幫我錄大長金大結局….因為個時冇得睇~
咁今日睇番喇..不過...由於比佢唔小心洗左既關係..
只係睇到最尾最尾...好短既五分鐘渣...唔制丫..
睇下遲下有冇機會睇番喇...不過我真係想睇~~

係呀..尋日先記得...係時候要寄生日卡比卡奇喇~
宜家月中..都差不多喇~我想搵有車車既卡卡~

>>May 16, 2005 at 5:18:16 AM GMT+8

2005 年 5 月 13 日 星期五 【酷熱】

今日同國忠一齊踩上N51到錄影...真係高丫..仲高過舊亦既五樓丫…累到丫…
要錄影化妝班丫..好多人...都唔係全程錄晒….

放工約左WINNIE丫~ROSE都有一齊~
去左KFC到食野...ROSE請丫~HAHAA~THX~
之後佢地兩個就陪我CUT 頭髮喇~都幾快搞掂~
就去佢屋企喇~幫WINNIE整電腦…佢部腦有問題~
我地係度研究喇…整機…我換左個新既CD-ROM比佢...
都係冇反應...同埋佢部機得20GB...已是舊機了~
同埋勁勁慢...真係要換機喇~~~

我地整完機就傾計~之後我同佢細佬玩PS2~
哈哈~真係搞笑~佢細佬對我幾好好丫~
教我玩GAME~開埋比我玩~真乖~~~

玩到差唔到時間…好悶…就落街去家樂大食下午茶~
食完野就買雪條喇~哈哈~~一人一支好平平呢~

之後我地就行去太和上村個邊~都係第一去架渣~
都幾大...好多蚊丫..人都唔係幾多..多數既都係跑步~去到盡有對門...入面有公園架~
但係有時間限制架..聽佢地講入面有個公園係幾陰深...

雖然覺得驚...但係好想入去睇下個森林丫~
想冒險玩下~睇下個公園係點~
哈哈哈~~~

>>May 16, 2005 at 5:17:14 AM GMT+8

2005 年 5 月 12 日 星期四 【晴】

今日仲算得閒好多喇~hahahhaa~

好耐冇去一峰個網網喇~順便留左言比一峰~
呢排佢搞緊後期製作~要加油啊！

仲有...聽講遲下一峰會去星加坡發展丫....唉...
睇到個留言...有點唔開心添...唔想一峰走丫...



lunch同徐紀...呀筠食...紀放假嘛....我地去左飲茶....
勁熱熱丫...又少人...又冇點心食食播....
我碗飯都冇食晒丫....冇mood食...哈哈~~

之後買野飲就番學校了...wo話星期一個公眾假期都要番工播..
我丫...考慮中喇.....呀筠話佢地Ya個日會燒野食....
叫埋我去去...不過就未揀地方~

>>May 13, 2005 at 6:10:03 AM GMT+8