2005 年 8 月 11 日 星期四 【寒冷】

今日同呀珊傾MSN得知佢有左四個月BB呀...哇哇!!真開心呀!!!
24號就可以照到係男仔定女仔喇...不過佢鐘意女女多D~Hahaha!不過冇咩所謂既~
預產期係一月中呀...仲有一段好長長既時間呀!!

見到kw..佢上星期去左泰國玩玩呀...幾好呀..同班朋友仔去玩...不過一定同以前既感覺係唔同...
我知道以前佢去旅行一定會同朱sir去...宜家雖然冇左朱sir呀...
但係知道佢玩得開心...我都唔多擔心...佢話下星期又會去多次..同一個地方...
仲話買左手信比我地添...kakaa!多謝晒先呀!!!

今天多數時間都係停留係二樓果個金工室到整電腦.....又要搬野同埋整播....
真係多野搞呀....Lunch我地去左<好味道>食飯飯呀....

同呀王囉左假假喇...星期一、二放假呀....去camp呀....本來話再下星期去既...
不過又改番黎緊果個星期喇...hahaha!到時唔知會不會打風影響到呢~

放工工喇..終於有支票喇...幾日糧都拖左更耐耐....去左入票...
then就一個人去左麥記到坐坐..睇書喇...平時都沒更多人既...
今天好多老人家呀...多的是呢~~五點到呀邦打黎..因收不到既關係...
我呢個時候都走走喇...不過我係佢個時麥記上到黎..佢原來已經上左巴士喇播....
遇不到添...kakka!今天去練跑的佢呢....加油油呀!!

今晚仲係一號颱風...不過雨都係落左一陣大的...之後都沒再下過了...
明天先轉壞呀....要囉雨傘喇~唔知會不會影響到簽名會呢~~kakaka!

>>August 13, 2005 at 1:20:57 AM GMT+8

2005 年 8 月 10 日 星期三 【陰】

今日都係入英文既野喇..同埋燒碟呀...做番blackup呀!

我做野個部機終於有番燒碟果個野喇...先前比人拆左又唔出聲...
我砌番落去個時...仲整左隻手流血添...痛痛呀!!燒左一直放係電腦上beyond既野喇..
仲有會考網頁報告書個d燒定碟好..kakaka!

陳sir佢為左仔仔既video買左兩個250GB既HD呀...哇!勁呀...都用勁多錢錢呀...

食飯仔時間~米仔來左~去左嘉華食食...都成日係嘉華食食架喇~kakaka!
之後番到sch門口坐...都未夠鐘番入去呀..緊係夠鐘先入去喇~

差不多放工工喇~呀邦打電話來話迷路左....原來佢行左去富善播...kakaka!
又會更傻瓜既...then我就去接番佢番來喇...haha!下次唔好亂行喇...

then就行番去大埔區喇~佢買我買六合采呀....都係幫屋企人買的~
個時我地都已經遲晒大到喇~~之後就趕去百佳到喇~~
決定左買野入去燒呀~yeah!買野食都買到五點幾到喇~
今次每人都係比三十蚊渣~比預計中比少呢~hahaha!

搭巴士個時見到呀君係工業村出黎..佢岩岩放工係巴士站到..
不過佢要等埋呀誠..kaka!都知佢要等埋先入來架喇~

我地入到去透左勁耐爐....燒豬透架...都透左好耐耐...
食野之餘我地都有玩IQ題呀...呀誠個D好係要推理出黎架...幾難難呀~
我不嬲係呢方面係最差...題題都唔識答...哈哈!!!

燒到一半到...竟然遇到徐敬、嘉鵬、呀藍佢地個班...不過熟都係得佢地三個渣~
佢地個班全部都係中五既....唔識唔識...Kakakaka!
徐敬過左黎玩呀...佢係個邊唔識人嘛...哈哈!!得知子健既會考分數...
同上年一樣....不過都好...唔係all u...起碼係f仔呀...但都係零...唉!!

我地都燒到10點播..真係唔知時間...執完野就上左直昇機場個到...睇星星~
見到有好多班小朋友係度玩玩呀...哈哈!!好搞笑呀佢地~~
我地都坐左一陣就走走喇~搭巴士係大埔區落車~
呀邦送埋我上車先走~不過個時等左10分鐘...都沒小巴...遲了遲了....
就搭的士喇...番到家家沖埋涼...都成十二點喇..好累累呀~~

今天都幾開心呀...係靜左d囉~~hahaha!!生日快樂呀君!!!!

>>August 12, 2005 at 7:49:12 AM GMT+8

2005 年 8 月 9 日 星期二 【雨】

番工勁勁大雨...我把雨傘又係學校播...咪沒帶囉...
囉左部機番sch呀....attis今天番工嘛...佢可以幫我整整呢....
宜家狀態都係急救中....情況嚴重...雖留校治療呀....慘慘...

羅港同細強、大強都沒番呀...我就整天都係入eng既野...入左成日喇...
好似自閉咁...對住電腦冇出聲...不過都有玩msn既..哈哈!!!
呀王成日都冇乜上過黎呀...真係好好喇....呵!!我咪偷懶下咁囉~~

同陳sir傾計呀...傾左好多工作上既野~佢都好認同出去搵下工~~
um...希望我都可以快d搵到份好工喇~

放傍呀..嘉鵬14分原校升呀...伍啟b卷考到e呀!!掂掂呀!!
陳展希就差d喇...佢都好高分架...成16分更多..不過好似當年既伍啟咁...衰左eng..
佢會報伍啟間學校試試囉....仲有教會果個好多都好高分呀~~真是強呀!!

又係到放工工的時候喇~呀邦黎左學校接我放工工呀~~
因今天出荃灣配眼鏡呀~~邦仔又要配多個黑色既呢~~
覺得今天既佢好像有點不同...kakakaa!感覺熱情~

係千色店果個站下車~就入左去行街街喇...
佢扮米奇老鼠個時...仲比個d sales見到添..真搞笑呀~哈哈!!
之後出到去落勁勁大雨播~就去左買眼鏡果個商場喇...
去左食野先呀~因佢肚餓仔呀~~要醫下個肚仔先~~

then就買買眼鏡...揀左耐耐呢~hahaa!有斯文仔同新潮仔揀..最後揀左斯文仔呀~
下星期三拿得呀~真是好好喇~~呵呵!!

今天早早番到家家呀~~八點幾就回到喇~hahaha!
今天真是好開心呀~~唔捨得添~~

>>August 11, 2005 at 7:06:14 AM GMT+8

2005 年 8 月 8 日 星期一 【陰】

依個日記又係第二日係學校到打番添...=口=

聽日就係會考放傍喇...今天學校有講座呀..嘉鵬同呀恩都番左來呀.
咁我同羅港繼續搞xp既機喇....大致上都沒問題...不過都有問題...
差不多食飯個時佢地入左黎電工室搵我地....玩到食飯時間先上去鎖門..kakakakaa!

食飯去左大元呀...我又食得晒所有飯飯呀!!yeah!!係大元都坐到夠鐘為止呀..
走左都唔想番入學校..就係門口既登都休息唔想入去....
因為番到去都係冇野做既...悶悶嘛!!都遲左巧多番去呀...
番到去仲比細強見到我地番黎...都遲晒大到喇,哈哈!!

我地咪即走人囉...番左上去三樓入英文科既野...咁我部機冇燒碟個野嘛..
咪諗住囉番整番去我部機囉....點知比人鬧....=口=冇野講...

放工工就諗住問徐敬拿番隻xp碟喇..不過佢係大元村...我咪問羅港借住先喇..
好過冇得用喇...then就走人喇...番家家喇~~

呀邦練跑呀...臭臭的汗呀...kakaka!!快些沖涼仔喇~~

>>August 10, 2005 at 3:11:14 AM GMT+8

2005 年 8 月 7 日 星期日 【晴】

今日attis同呀王都放假呀...佢地都係星期三先番呀!
我做野個部機上唔到網網呀...真係唔駛做野喇...唯有等attis番黎喇...

同Rose去二樓set password既野...兩個人整都整得幾快快架~
then我就落去一樓繼續升級既野喇...都搞掂一半架喇...
Lunch番黎個時都係繼續整....點知.....睡魔呼喚我.....我就咁訓左半個鐘都有多喇...
呀羅港係咁叫我唔好訓...佢好悶呀嘛...哈哈!!咁我都比佢叫醒左..
就上左二樓砌機喇...聽日有人上堂呀...so要執番好晒d野喇....呢排都多左好多學生番黎上堂呀!!

放工工喇...去左餐廳搵子健同伍啟呀...佢地兩點幾座到四點幾呀...=口=
因嘉鵬、呀恩、徐敬、國秋佢地係教會聽放榜既野...
咁我地之後都番左教會找佢地喇....番到去d人都差不多散晒嚕...
得我地個班...我地就好似成隊band咁...又打鼓...彈琴...唱歌...結他....哈哈!!
傾計到六點就走喇...佢地有人去大中...有d去左傾計...我就去接呀貓放工喇...

同呀貓一齊番屋企呀...之後就一齊放白白同黑黑散步喇....
真係跑死我呀.......比呀白白拉住我....佢跑得勁快....
黑黑個肚肥左巧多呀....應該係有左bb呢....佢好乖乖架...起碼乖過白白好多喇...哈哈!!

放到七點就番家喇...屋企部腦死左呀...beyond 89年Live真的見証演唱會仲未燒碟架...
唔制呀.....不過尋日我換左下部分既歌...姐係1-15首冇左....15-36首就係我mp3到....
好采我都聽過1-15首姐...kakakakaka!!

冇電腦用唯有睇電視仔喇....hahaa!
呀邦佢放工工一個人去左練游水呀....來回都游到20次..真係勁呀...
不過入到學堂起碼都要游到40次...哇....真係多....比我遊10幾米都冇氣喇..哈哈哈
老公仔要加油加油呀!!

>>August 9, 2005 at 1:47:15 AM GMT+8

2005 年 8 月 6 日 星期六 【酷熱】

今日十二點出左門口喇...係平時落車果站下車...因果個站都有車車去海洋公園播~
我下車就見到呀邦喇~時間岩岩好既呢~等左耐耐先有車架呢~

我講左尋日係教會聽番黎果個故事~講到一半...原來呀邦都聽過喇...
故事係一個七歲小朋友同佢爸爸既...\個七歲小朋友用儲番黎既錢~
想佢爸爸陪佢一日呀...我都係第一次聽...好感動呀~~

去到海洋公園感覺比以前黎講都唔緊張~可能去得多喇~但又唔覺悶囉~
上次去都係一月同呀哥、湯圓去喇~勁耐沒去呀!!!
咁之後都唔多時間去去...咪趁暑假去玩埋先囉~kakakaa~

夏水禮呀..感覺好唔同呀....有個沙灘呀...好多小朋友仔玩水水同玩沙...感覺都幾似海灘...
不過都欠缺左個大海....哈哈哈!!!有個泡泡活火山呀..好多泡泡爆出來架...
真係好正架...我地仲玩泡添...哈哈!!好玩好玩...

then就玩水戰喇...本來見d人都唔係好濕...但玩左之後....哇...一定係濕晒身架...
好好玩呀.....最衰沒帶毛巾同衫衫喇...月尾可能黎多次呀..到時就玩多幾次水戰喇~
玩完水戰就去左熊貓館涼冷氣...不過勁凍凍呀.....濕晒身原因喇....kakkaa~
好快就出番來喇...一來有隻熊貓唔見左,另一隻就訓訓中...

好想玩動感影阮呀...但呀邦唔肯...都沒玩玩嚕...就去左搭車過對面山喇~
上車前有相相影播....特別特別..

過左對面就玩左滑浪飛船喇...排左半個鐘呀...都多人玩架...
期間有d內地朋友仲打尖添...佢地比我印象一直都唔好....今日又遇到咁既...

成日玩既機動遊戲剩係得呢樣...多時間都係參觀囉....睇海洋館同埋鯊魚呀...
仲有海獅添~~真係得意喇~睇完都五點喇...買左個包包食就走走喇...
去睇六點鐘既「波利尼亞嘉年華」..有好多精彩表演睇呀...
真係睇到呆晒呀...佢地既舞好勁呀...仲有玩火同雜耍,掂呀!!!

睇完就坐車車出去鑽石山食飯飯...又係多人人等位既呢~~
食完時間都同平時一樣~九點半番到家家喇~

今天真高興呀~~YEAH!!!八月要去多次玩夏水禮呀!!!

>>August 7, 2005 at 3:11:27 PM GMT+8

2005 年 8 月 5 日 星期五 【晴】

今日早左番到學校丫...但沒人番呀..所以又係在操場既長登聽住歌仔等喇~
MP3呢兩日都係聽BEYOND <89年真的見証演唱會>呀~~沒聽過嘛!!

番工都冇咩多出句聲...唔多想講野...沉默...

係教會我地咁多人都會有分組既...而我就係<天地會>架喇~
佢地約左一點幾食飯呀~~我沒去呀..一來同呀邦食嘛...

放工了...過保湖找呀邦~咁陪羅港去KFC到買野食呀..
之後我同邦就行行搵地方食野嚕~~都是因為尋日既事影響...又沒多出聲呀...
搞到佢悶悶添...真係SO SORRY...佢話「最唔鐘意就係有事唔講出黎...要人估估下..
問左又話冇事...唔知我咩事...唔通下下都要人氹你先講咩」....
我....我就係咁架喇...真係要人問先肯去講...要人氹...又係細佬女既諗法.....

唔開心一係就講出黎...唔講就唔好黑口黑面咁...咁樣會影響到身邊既人...
當聽完之後...覺得對唔住身邊既人...對唔住佢...搞到佢唔開心...
我....我只不過係唔出聲...原來咁都會影響到人...
真係Sorry...呢排發覺自己原來有咁多野都會影響到人...比人感覺唔好架...
要去改喇.....但好多野我唔知點做好...更加了解自己多左...更加令自己覺得原來係咁冇用...

同呀邦食完飯仔就送佢番去...then我就自己一個人去行行喇...羅港話佢地成班食1點幾...
咁如果我同邦食完先過去找佢地...佢地個時又食緊播....咁樣會唔好播..所以都沒找佢地....
咁佢都咁講喇....我都唔打算找佢地喇~~

我沒番銘恩堂呀...而佢地又找不到我...因我不想佢地找到我...只想靜靜的一人行行街...
咁最左呀唐and園呀...出左粉嶺...呀園仲帶多個朋友黎..佢都係馮記架...
叫呀TOM...我係佢架...哈哈~~佢到左我地其實個時已經遲晒大到...
所以係咁跑去教會呀....遲到始終係唔好架嘛......真係出晒汗呀...
第一次番一間咁大既教會渣....好大個禮堂...好正呀~~今日有BAND既話戲睇呀...
正到爆呀...同埋呢...呢間教會比我感覺係好唔同....

玩到六點幾就番大埔....同湯圓、呀貓去九龍塘找牛牛呀...
佢放假呀...約左我食壽司呀..我當然沒有咁衰女喇..緊係叫多D人去喇..kakkakaa~
出到去囉票...咁等個時就拉左牛牛去影卡卡喇...呵呵...成功影到...
我地仲玩左好耐添呀.....yeah!!!影得幾靚架~

差不多十點先食壽司呀....好肚餓...係咁食食食....
搭車車個時我同牛牛都拉埋一邊傾計..傾下自己野.....下次又唔知幾時出來玩玩呢~hahaha~
食壽司玩玩都幾開心呀~~

>>August 9, 2005 at 1:25:16 AM GMT+8

2005 年 8 月 4 日 星期四 【酷熱】

起身好累..唔想起丫..訓左成十個鐘丫...不過都補唔番去camp玩既45小時~哈哈~
番到學校要整201室既電腦丫...要升級喇...咁當等緊個時..訓下訓下咁..
番工訓覺...我都唔想架...不過好累丫!!我咪走去一樓睇個d電腦安野囉...行下唔會訓著嘛...
工作時間多都係睇漫畫...傾計...拆下電腦咁就一日喇~~

成日既時間過得好快丫...同羅港傾左好多關於CAMP發生既野...佢講左關於我既野比我知道~
其實我自己都知自己係咁....我諗真係唔多出聲先改到我呢種習慣...

我自己係講人地既野多囉....唔會多講自己既野比人知...原因係...一直覺得冇人想聽囉...
因為做朋友身份個時....多數我係拎聽者....多數係人地打黎講自己既野比我知...
我會講意見...做心理專家...但係我呢個心理專家係好寂寞架~~
冇咩人會問我既野....所以我會唔講...心態上覺得人地唔問姐係唔想知~~

其實知得我最多野...我諗係鳳君~仲有既係呀邦囉....起碼佢地會問我..
比我感覺係肯聽...肯比意見我~~同其他人唔同架~~同呀貓咁好朋友...
其實佢都唔係了解得最清楚果個...原因真係好少機會出黎玩.出黎傾計...同以前比少左好多...

成班出黎玩...唔會多講心事....我都唔知點解...我一直都唔知道我講人地野多比人感覺係咁...
都冇人會同我講...=口=直到今日有人同我講...我先知道架渣~~
仲有話我似男仔頭囉....哈~~呢樣野都係因為由細到大比環境影響喇~
斯文唔到架我...最多可以收細音量....kakaka~

第一次聽人地講關於我既性格..人地對我既感覺比我知.....令我更認識自己...

放工羅港陪我去大中買耳同丫...去同走都係經過保湖,睇下遇不遇到呀邦嘛..
比唔到希望自己添~都估到係遇不到...佢去到75x個巴士站先打比我...個時我係吉島...
佢約了朋友去睇戲丫...我尋日朦朦朧咁...記得有人同我講過...諗左成日果個係咪呀邦講...
但又好似唔係...但原來係播...因尋日ICQ個時個人係未醒咁....傻傻下...咩都唔記得晒...

傾左四個字丫...唔知佢覺唔覺得我係有唔開心呢...我諗佢會感覺到我係好累...
講真成日真係好累...同佢傾電話個時冇咁累囉....同佢傾傾播..開心到精神番喇~~
佢講左同學生補習個時....有三個小朋友係度講BEYOND播~~仲識唱歌仔添~~
真係叻叻丫...hahahaha!!我諗個情景都幾可愛~~

番家行番去呀...慢慢的聽歌仔行行.....感覺幾好丫!!!

>>August 5, 2005 at 12:12:10 PM GMT+8

2005 年 8 月 3 日 星期三 【清涼】

今日係CAMP既第三日喇~感覺好累丫!!好想訓覺呀!!!
差不多八點鐘呀恩叫醒我...今早都有好多人都準時左起身ar~

冇eat到早餐呀...好唔舒服呀....好想嘔...真係說話都唔想講多句...仲之係辛苦~~
剩係飲左杯野囉~但唔覺肚餓~坐左好耐先覺得冇咩事...

靈修同嘉鵬、子健、李故一齊ar~今早時間比較多多ar~
修完就成班一齊探討...唱歌喇..深討五個問題...係關於今次入camp到既~~
有點想進入訓訓狀態ar....真係未試過訓一粒鐘更少丫...

派左d細既卡仔...寫d卡比你想寫比佢既教友...一諗就諗到寫比子健...
經尋日件事件嘛...我、徐敬就一齊諗喇....寫左兩張ar~~
見到子健收到個時覺得會幾驚喜我地比卡佢...kakakkaa~~

我仲寫仲比字M喇..因佢決定下年會係原校Re中七嘛~~
尋日聽佢講...真係要比心機喇...仲有寫左比皓宜囉~~~

唱埋首螢歌<我兩一起天地燒靈羊肉>>就去房執行利喇....哈哈~~
執埋野就係門口草地影相...進行儀式...估唔到子健決志播....都好既~hahaha~
之後既時間就係影團體相喇...yeah~~~

then就食下午飯飯~~我又是同佢地班男仔一台丫~~今日個個都好肚餓丫~~
我地為興祝子健..每個人都係咁夾送比佢食....夾到成個碗都係丫~kakakaaa~
都食得幾開心丫~之後就去飯堂門口等車車喇....個個都襯呢段時間又係影相一番喇~
影左多多呢~kakakaa~~又熱熱熱播~~

係車車到訓左丫...番到黎大埔我地班散嚕...去左中心找貓貓~
之後出去同呀貓傾左四個字電話丫~~hahaaha~~好耐沒傾緊係要捉住黎傾喇~~
佢有發燒丫..不過好在退了呢~~~休息~~

>>August 4, 2005 at 12:45:16 PM GMT+8

2005 年 8 月 3 日 星期三 【晴】



一峰個網又轉左新版面喇,多左好多野ar~比左好多心機整丫~
用左好多軟件~真係「勁」、「靚」、「正」ar~

有雜誌訪問喇~新相相喇~留言板形式唔同左喇~~我先前開果個討論板個Link仲係度ar~
不過仲係一直都去不到~真係好多謝一峰留番我個LINK ar~

http://www.chetlam.com/

>>August 4, 2005 at 10:51:47 AM GMT+8