2005 年 7 月 7 日 星期四 【晴】

岩岩去完一峰個留言板板~仲留左言言比佢添~kakakaka~~
上網有得重溫番十一狂潮個晚既演唱ar~當然我我即刻睇番一峰既唱歌喇~
個次因為位置問題~聽唔清楚ar~~~

重溫補數~yeah~~~一峰作既歌仔真係真係越黎越正ar~~唱得好好ar~~~
我好鐘意<給最開心的人>同<活下來>呢兩新歌ar~

好多謝一峰ar~~





>>July 8, 2005 at 3:15:56 PM GMT+8

2005 年 7 月 7 日 星期四 【陰】

呢排真係IS Raining 喇~間唔中都會落下雨咁~~

番到學校經過禮堂咁岩見到牛牛個女朋友仔唱緊歌~佢參加高年級歌唱比賽嘛~
唱左「途避你」呀~唱得幾好聽呀~~把聲都唱得好放~仲囉第二名添~Kakakaka~

個一疊獎項我同Rose一齊整左合作搞掂晒喇~~當然羅港都有幫手喇~
仲以為趕唔到星期一派架添~整好左真係好好喇~ka~

呀王佢入到黎電腦室~做完佢個兩下原地踏既指定動作之後~
就好急咁搵我喇~就係video既野喇~星期一趕住要ar~
我其實一早就整左架喇~但就未整暑期既活動囉~~

咁我同呀王講部機問題,我就同佢對火喇..唉~~火左一陣佢就走喇~~
我唔理係對邊個喇...仲知唔岩就要講...唔可以咩都係我責任~
可能我呢個想法係有錯喇.....吾吾....

Rose比番上次我地同湯圓去黃金海岸BBQ個次既相我~~係沙灘影個D相相呢~
^^~影得都幾好呀~~我自己有三張...咁少~kaka~

Lunch個時Rose同我地食食番喇~~一齊去左保湖到食食飯仔~
本來徐敬、伍啟都黎既...但係佢地去左粉嶺見工工呀~
算喇~星期一先一齊食食番喇~kakaa~~

咁食完喇~就有學生番黎Sch考試喇~呢個時候就要靜靜地工作~
就係度忙緊其他野喇~~當差不多考完個時~~牛牛打比羅港問我去左邊...
我就係度工作緊既...咁我囉番個電話出黎睇....見到有成十個未接電話呀....
呢十個未接都係牛牛打黎....我打番比佢...就緊係比佢X我喇....
把口真係呀....每一句說話都係嘈口......唉!又多左個狂嘈人喇~~

放工時間喇~同湯圓去左家樂大食野野~同佢傾計仔同比番佢既相相佢~
唔見佢幾日....佢都有幾多問題發生左~~同屋企人既關係~
今次係同哥哥吵起來~~真惡劣~~仲傷害自己添~唉~~~
見到咁多痕我都驚驚AR~~~

傾到六點就走人人喇~~呢排番到家家就整送仔~
之後就八點開始電視喇~~又睇TV又食飯~~哈哈~~
至到10點就沖下涼上網仔喇~~時間都幾忙忙下架~~

>>July 8, 2005 at 2:19:46 PM GMT+8

2005 年 7 月 7 日 星期四 【晴】

2005/6/19
錄主題曲
　　《森美小儀歌劇團 － 亞卡比槍擊事件》主題曲《愛情萬歲》由Fiona和森美主唱，
經過精心泡製，在阿Paul的錄音室新鮮出爐！錄音時間由晚上十二時至翌日早上五時，
在這個夜欄人靜的時候，阿Paul、Fiona和森美都盡力把歌曲做到最好！
錄音中途，森美更因太過緊張而胃痛。各位要細心欣賞他們的精湛演繹。





>>July 8, 2005 at 2:17:53 PM GMT+8

2005 年 7 月 6 日 星期三 【溫暖】

又是落雨番工的一早呢~好大雨呀~又行雷呀~~
咁唯有就搭車車番學喇...番到去都好早早~~
呀邦佢今天開始番早呀~六點半就要起身喇~仲早過我呢~

番到sch就去禮堂睇下駛唔駛幫手喇~因低年級歌唱比賽要錄影呀~
不過我都唔駛點幫手~呀羅港都搞得掂呢~
咁之後我就要開始工作....忙忙獎狀既野喇~~~

但係整到十點幾到要落去準備十一點鐘既sch Tour既野~~
其實請到歌手黎學校都係因為戲劇學會~
由香港電台 梁奕倫主持既 「萬 王 之 王 」~揀左十間學校去唱歌~同埋評分~
我地學校係第七場呀~~~

咁準備個時見到好多學生好熱情~不過比起其他學校既都唔算既~
彩排既時候我地就係禮堂開始錄影喇~~影左少少Krusty跳舞個Part~
之後等左好耐先開始喇~張sir佢地仲好唔耐煩添~~因為佢地彩排既時間唔知排到幾時~
又唔比學生入黎~咁d學生又集晒隊係門口度等....入到黎喇...仲亂....=.="

開始喇~~我都開始錄影喇~氣氛幾好呀~~我亦都好滿意我既錄影~
嘉鵬~國秋~徐敬佢地番晒來學校睇呀~~YEAH~~
呀Kenny-關智斌出場個時吹sad 風~不過吹左個短短時間都沒吹~~
佢都係襯衫架姐~雖然佢係今次咁多個歌手中最受歡迎果個~~氣氛仲強烈~~
但我對佢都係冇咩好感覺~~佢仲拖左個學生上堂~~全場既人就緊係哇哇哇喇~~

歌手唱晒歌之後,呀梁奕倫就主持戲劇嚕~咁係戲劇準備個時佢就落台訪問d學校喇~
仲有訪問呀嘉鵬添~kakakaka~~之後我地學校既畫戲就開始喇~~
至到12點半就完左喇~~~

咁完左我地就去食飯仔喇~~我地有成10個人更多呀~~去左大元到食飯~~
又係玩玩~~~食完個時仲囉D海報係到玩聲銅....駁左好長~之後講野同聽野~~
傻傻地架~哈哈哈~

番到學校落勁大雨呀~咁佢地成班就番左黎避雨喇~~佢地上過黎三樓既~~
仲比大強話添~~好快佢地就走晒喇.....真快真快~~~

我就繼續工作~~今日都完成左中一級,同中七級既獎狀~~
我地仲請教左鄔SIR添~~佢教得好好~~我明白晒呢~KAKAKKA~~
真係唔該晒佢呀~~我情願問其他老師都唔會問王SIR呀~~
就係半日時間都係整獎狀~~估且錄影帶推積又多左喇~~~計埋陳SIR既...
有成十一盒未整呀~~真係長時間處理喇~~~

放工仔喇~我同羅港過左富善找徐敬、嘉鵬、伍啟、Y文、米仔佢地~~
係個到傾計~坐到六點半就走走人喇~~
嘉鵬就回家家~~得番我地六個人呢~~咁呀米仔話要買六合彩~~
咁就陪佢過去買喇~~咁我提出一人買一張喇~~我地都一人五蚊雞咁一人一張喇~~
之後仲比多一蚊一人揀一號碼喇~kakakaka!!

咁我地買完就走喇~~開始發下夢喇~如果中左獎D錢會點用呢~~
咁行行下係地下執到張今日既六合彩喇~~幾好呀~~
我地發下夢發下夢又係到諗左好多傻野出黎~哈哈~~真搞笑呀!!!
講到去大埔區呀~~~~佢地送完我搭車就走走喇~真係THX!!!

番到家家留意下電視喇~~各中兩個Number呀~~執既,一齊買既,自己既.....都係各二呀!
以我知既我地六個人中...我係中得最多既..有兩個數字呀~kakakaka!


晚上聽番電台~~我地學校既畫戲係80分呀~第3位呀!!
仲有三間要比賽呀~聽日佢地去個間體藝上年仲係第一既添~~
我地既第三真係凍過水~~已期望不高了~~~



>>July 7, 2005 at 3:01:58 PM GMT+8

2005 年 7 月 5 日 星期二 【酷熱】

番到學校見到rose佢地係操場準備「環保煮食爐」呢個實驗既野...
但見到d video仲係電腦室喎....咁我唯有一個食囉住三部機同埋d電呀...錄影帶落操場喇...
如果跌破左一部就真係大獲嚕....囉完錄影機比佢地~~
就要即刻上去印野....印完要即上去整俠仔方既野...要趕比佢呀...

個時細強仲叫我唔好做其他野...但呀方sir都趕住架嘛~
唉...次次都係咁....自己個d就係最急....唔理其他野......佢都唔知我個d都要趕...
好快做完就去左幫手錄影喇....今次錄影好悶呀...又冇咩氣氛喎..係暑假關係喇...
冇咩人特別番來學校睇架~班中三都放左好多時間整呢個實驗...kakakaka~~

之後食飯仔時間嚕~Rose主動唔要我地喎...kakakaka!咁我同羅港就去左飲茶....
今次都點心送既...唔制呀....=.="之後就去左買雪糕食食...
食住咁番左學校禮堂到睇戲劇學會既彩排...不過佢地個時係度玩緊同亂唱歌.....真搞笑~

坐到一點就上番電腦室繼續工作喇~今日整左兩盒帶帶呀~
Cw比多左幾隻dvd碟我呀....幫佢燒仔仔既野....但我都未有時間添~~
慢慢來喇~接近放工既時間....Ki比左一大一大疊既獎狀我...係體適能既「金、銀、銅」~
大強仲叫我唔好幫miss做添...話實做唔晒喎...同埋有排搞....邊得架...
都未盡力就叫唔好做.....睇下星期一前做唔做得晒喇.....唯有盡力以為!!!!

咁為左呢樣野....遲左少少放工呀....呢個時候先知邦仔係學校門口等我喎....
我估唔到佢來左學校接我喎...kakakkaka!!仲以為係沙田等架添~~
佢來左我緊係開心喇....驚喜呀.....haha!!個次都係講下....點知真係來左...ka!

咁一齊搭K巴去沙田喇.....係沙田行街街.....行到七點幾我地個肚都打鼓喇...
勁肚餓仔呢...搵左好耐地方食野野...最後係呀澤間「大大大....快活」食野喇~
食飽飽晒就行行街喇....咁行行個傾計個時...佢話貓呀....
個時我係咁笑...kakkakaka!行行下個時仲見到好多貓係地下同草到訓添....
我地行左去婚姻註冊柱個邊坐坐~
係呀聽佢講原來以前既人為左揀定一個日子結婚呢.....要排通消架.....

之後九點幾就走喇....佢送到我上火車佢都走嚕~~搭地鐵番家家喇~~
明天開始~連續四日要好早起身番工呀佢.....要比心機呀~~
早d訓教仔~~~休息多d~~

今天好開心呀~~

>>July 6, 2005 at 3:13:02 PM GMT+8

2005 年 7 月 4 日 星期一 【酷熱】

今朝遲左出門口呀...又勁熱喎...唔想行到成身汗....
就搭車落去喇~番到學校都沒像平時咁熱熱~~hahahaha!!

上到電腦室見靜晒喎...一問之下原來大強佢地同黃sir開會~~
細強仲投訴我地比黃sir知....話我地個位好亂...d野又唔放好...
係既...亂就真係幾亂...因為好多試卷呀~~唉~~之後就緊係比呀黃話兩句喇~kakaka!!

Rose因為胃痛...早走呢...要休息休息呢~~佢今日都要負責錄影...
佢性格係呢個時候又黎喇.....人地九點要錄影..佢九點先去...咩都未準備...傻傻下咁走左去..
我唔係話中傷佢....只不過點解唔醒少少預下d時間呢...又唔係唔得閒...唉!!真係啞晒呀..
唯有又係我幫執埋d野比佢~~~好想佢知道自己係做緊d咩呀....=.="

Lunch既時候...伍啟過左黎一齊食食~y文唔見左人所以得番我地3個食食食喇~
係好熱既天時下食飯....真係會食到出晒汗架~~~好熱熱呢~
食完飯仔...啟就走左喇...佢要番家家訓教之後出黎搵工作呀~~希望佢找到工工喇~~

番到學校....哇....勁眼訓....訓左十五鐘到喇....我呢d唔係特登偷懶架...
但真係勁眼訓呀...頂唔順喇.....好累呀....真係要容許我一次咁做喇~hahahaa!!
之後洗臉繼續工作...覺得時間過得好似慢左咁....慢慢呢~~

今天要趕起中四既兩班的試卷呀....d機又唔爭氣...係咁死機....唉~~
另一邊又要整VIDEO播....又係要趕既...

放工時間喇....好累...係中心坐左陣...同徐紀傾陣計就番家家喇~
都早左番家家呢...勁累呀....又唔想番到去就即訓喎...唔係今晚實訓唔著...

所以就睇第二次既05演唱會碟碟喇~~同埋打日記仔呀~~~
Hhahahahaha!!!

Tako佢地好似冇得升喇...電腦果個文憑呢...因為佢地唔夠人開唔到班呀~
真係慘喇....要睇下學年點樣喇~~~

Night開左tako個網上電台聽歌,佢播左d英文歌仔...幾正呀~~~
遲下可以點埋唱呀...真好玩喇~~希望佢成功呢~~~

>>July 5, 2005 at 2:18:18 PM GMT+8

2005 年 7 月 3 日 星期日 【酷熱】

今日早左出門口呀~番到sch都仲有十分鐘先夠鐘呀~~
番到去見到Terry佢地~佢地係操場到整野~~咁完左之後我同羅港要執野喇~~
不過...我執執下就走左去~因為體育室入面Alice佢地整緊氣球~~
我就緊係入埋去玩喇~哈哈!!玩到差不多執完先出番去幫手~~

Lunch同伍啟、Y文、家健一齊食呀~伍啟真是慘喇~~
宜家既佢做左孤兒仔喇~~得佢哥哥養佢ar~所以冇啖好食~~
咁岩呢排放學時間同我地Lunch時間係岩播~就一同食食喇~~
去左家樂大食呀~~兩個學生買左五個學生餐~kakakaka!!

係吸煙區入面食,我都唔想...我仲係咁搵位添~~但都找不到有兩張台....
好大陣煙味呀.....好臭呀!!但沒法子喇~~~都要食食架~~

食完野就去左大元門口到夾HELLO KETTY喇~呀y文要夾比Yan呀~
不過都呃人既....夾到一半又跌左....

之後伍啟都同我地番學校~佢著個套校服同馮記一樣...所以沒有懷疑~~
係個校章唔同~Kakakakaka!!!好安全咁陪到我地放工時間喇~~
期間我都想訓教呀....累累嘛~~都未算訓夠呀~kakaa!

終於放工時間喇~Lunch搶番黎果個足球放工仲一直係度玩...
kakakkaa~我地仲叫6號波添~因懶鬼嘉鵬唔過黎廣福~
我地就過去找佢喇~仲一路踢住呀6號波過去佢樓下等佢添~~
不過去到都仲要等佢好耐~我地就玩住先喇~~~

坐搖搖板等住佢....我地等佢個時仲講番以前公園玩既野添~~
佢落到黎喇~~我地就傾傾計喇~~又踢6號波喇~~
之後就有幾個細佬仔黎玩玩喇~~搶住個膠既足球黎玩...走黎走去~~
玩得幾開心呀~~~傻晒呀成班細佬仔...哈哈~~~

y文就玩滑板喇~~我叫嘉鵬比我呀~~因靜茵想玩玩嘛~~
我好記得佢講過好想買架~咁我又知嘉鵬上年謝師宴個時抽中播~
咁佢又唔玩~~咪比左我囉~真係多謝晒晒喇~~~

咁除左同細佬玩之外我仲好意到一個小朋友呀...
佢好可愛架~~我地仲話佢係endson添~~好搞笑架佢d動作~~
哈哈~~成日叫人come既...好搞笑~~咁緊係有同佢影相相喇~~~
我、嘉鵬、y文仲係咁影佢相~~影得最多都係我拉掛~kakakakka!!!

玩得好開心~~好熱~~~真是好好喇~~kakakaka!!
玩到六點幾就走喇~~因要去太和比滑板靜茵嘛~~
過到去比左去~~坐左陣就走嚕~都夜夜喇~~

番到家家好累呀~



可愛男孩~

>>July 4, 2005 at 2:54:53 PM GMT+8

2005 年 7 月 2 日 星期六 【晴】

今日同平日既星期日唔同呀~kakakakkaa!!

十一點幾出左去喇~過左富善球場搵國秋佢地個班~
不過佢地個時仲要等...今天有八隊呀...勁曬...熱熱熱呀!!
係伍啟、嘉鵬佢地到學左啜啜...卜呀!!哈哈...真係笑到我呀~都係國秋d野黎既..
我地係咁囉黎講笑...啜啜完之後仲要有卜一聲喎...哈哈哈!!!

一點幾到左呀邦個到喇~~早早早呢!!!上到家家熱到呀....出晒汗喇~~~
沖涼之後就一齊睇beyond 演唱會 vcd喇~~同佢第一次睇呢d隻碟~
我買左都未開來播呀~~要同佢一齊睇睇嘛~~~睇到「遙望」個時喊左出黎呀...

睇到四點幾呀~仲以為會睇唔晒添~~~食埋野五點就出門口嚕~yeah~~
邦仔仲話我同平時既星期日唔同....著鞋都快過人...哈哈~~
緊係喇~~~今次唔係番家家播~~出門口都特別唔同架~哈~~~~
因去睇十一狂潮Cyber Live音樂會嘛~~~

我地本來話搭地鐵去佐敦的...但係竟然見到mini婉喎~~
佢都係睇一峰呀~~估不到估不到~~咁就一齊過去金鐘鐘下車~~
再搭免費小巴喇~我地去個時條龍都唔長...唔多人...可能岩岩走左架車喇~kakakaa!

去到數碼港個邊....就見到好多既人排隊入場喇....我地就沒排住...
入左去商場找廁所先...kakakkaa!!都幾大大下~~心諗唔知會唔會阻到一峰呢~kakaa~~
去完都係沒見見呀~~我地入到場喇~~~

搵左好耐既位...因太多人喇...要搵靚位企都幾難下~都找到個幾好既位呀~~~
雖然睇個台係好細呀...但係最正既係有個大螢光幕係隔離嘛~~haha~~
至不過係聽唔清d歌手唱咩囉~~

一峰出場喇...佢除左著大會件衫外~仲加多件長衫~唔知佢係咪冷親呢~
第一首唱左CL411呀~好耐冇聽過喇~~~佢剪左個頭呀...新LOOK呢~~
仲好鬼馬添~~哈~~搞笑呀佢~~仲介紹左自己係林一峰~~~
之後仲唱左兩首新歌...其實我唔係幾聽得清唱咩架...不過聽得好開心囉~~

一峰之後睇得最投入既係恭碩良...佢打鼓好勁...我好欣賞佢架...
就算睇唔清楚打鼓果個係咪佢...但一睇佢打鼓既動作就知架喇~~係唔同架~~
佢彈結他唱歌仔個時仲玩左好耐添~~~正呀~~~

睇到10點幾就搭巴士出mk喇~係巴士到訓著左呀...
有邦仔係身邊播~~特別訓得舒服d架~kakkaka~~
之後就去搵野食食~~~食鐵板燒呀~好味呢~kakaka~

食到11點幾...番到家家都12點幾....之後好快沖涼...就走左上床訓喇....
真係勁之累的一天~~~但很開心呀~~~~~~~~~~

>>July 5, 2005 at 1:31:05 PM GMT+8

2005 年 7 月 1 日 星期五 【酷熱】

今日成日都晴天呀....一踏入七月份係唔同d架喇....勁熱熱呀!!

咁我番工個時又係行到運頭塘個邊喇~見到有人賣其播...咁個人貼到埋黎...
個時又找緊散銀...一睇銀包...只係見到好多毫子同一個10元正...
咁冇理由比一毫子架嘛....=.="我就比左10元大正喇.....真是第一次比更多呀!!!

番到sch繼續整緊錄影帶既野喇~~細強今天番番工呀~~
黃sir竟然問早出糧好冇喎...咁緊係好喇...次次都要等更耐...
可能佢聽到話拖糧會比人告掛...kakakaa!因為我前幾日聽新聞講~~

放工工喇~~趕住去銀行入錢錢錢呀~~今個月入左三千銀呀~~
要儲儲錢錢呀~~一定要儲到呀~hahahahaa!!
咁羅港就同佢呀媽開戶口喇~~我入完錢錢~~佢仲有排要搞...
咁我地又約左嘉鵬播...我同國忠就去左圖書館樓下等佢喇...

等左巧耐..上左食野個到搵位等佢..過左陣就來左喇...但佢不食野呀...
又過左一陣...徐紀又來左播...kakakaka!!又過左一陣羅港都來埋喇~~
食完Lunch~~徐紀夠鐘番工~我地就走人喇~~~

去左中心到坐左一陣~~我同嘉鵬and羅港就出發去運頭塘間仁愛堂喇~~
因嘉鵬見工呀~~佢想做青年大使呀~~
咁我同羅港就上四樓喇~~呀筠係圖書館睇呀~~佢都幾得閒下~~
好快嘉鵬就上左黎喇~我地三個人就係圖書館睇雜誌喇~~
傾計同玩紙喇~無聊嘛~~街又熱喎~咁緊係唔想出去住架喇~KAKAKKAA!!

我地都坐左好耐下~~之後就去左大中到喇~~羅港仲話行過去喎...
咁我同鵬都唔想~~就猜喇...點知羅港wim左...順佢意行行過去~
真是非常咁的熱屎我喇~~

陪我去大中買Beyond VCD..平時買開碟果間呢...執左喎...真係驚訝....
又少左一間喇....就去左端興買碟...好彩個價錢係一樣姐~~
隻碟碟78蚊~加多兩張海報都是89蚊呢~平平呀~~
點解加兩張海報呢~~原因係最後的嘛~~
都係五蚊張姐~~同埋如果有人沒有...又想要的話我都可以有多張送比人~

買完碟碟去左公園傾計...今日既話題係談戀愛~~
單身的朋友想找愛人~~嘉鵬就緊係想芷欣番番黎身邊喇~~
佢一直都後悔緊,仲好長情呢~~

佢仲問左一個問題...咁有人一直鐘意你...你會不會因自己單身...
而對佢又沒感覺而同佢一齊呢~~
我答佢...唔會...不過都可以考慮既....但因為自己獨身而沒感覺的一齊...
咁緊係唔好喇....對對方都唔好的嘛~~

傾到差不多到...佢地送我番大埔區搭車車喇~~~
今天幾好呀~~時間都過得幾快呀~~^^

>>July 2, 2005 at 12:45:59 PM GMT+8

2005 年 6 月 30 日 星期四 【乍寒還暖】

今日訓到十二點呀...咁當差不多醒個時呢~
囉起個電話唔小心阻到一下播...突然響起電話~
果個仲要係呀邦喎...我一聽個時冇聲喇...係收唔到既關係...
我真係以為佢打錯電話架....原來係搵我架播~kakakaka!真高興呀!!!

佢今天同朋友仔睇戲呀~仲有買beyond 演唱會 vcd~不過佢果到90幾蚊...
貴貴呢~咁都係我買番喇~~我仲諗住等埋佢一齊睇架~
但佢諗住佢買左就即睇先!=.="我仲以為佢會等埋我先睇架~~~
但宜家我買~咁佢都要等到星期日先有得睇呢~~

放假既呢一日...諗住係家家架喇...但徐敬、嘉鵬佢地個班上黎睇白白播~
呀貓又叫埋我出去~我就出出喇~~我地放黑黑同白白呀~~
成班一齊行上去山到放狗~~~好熱呀好熱呀~~~

我地有成十個人咁多呀...哈哈~~咁帶佢地兩隻野上山行個時呢~
有幾隻流浪狗跟住播...我諗係一個人既話...實好驚...
我地有成十個人....駛乜驚呀...哈哈哈..仲有兩隻狗狗係度播~~

行到水壩到諗住同狗狗沖涼...點知下面有人燒緊野食...
就係個細水池同白白沖涼...呀徐敬扔呀白白落沖涼...kakak..
佢仲喂白白飲水...因為太熱...白白都飲左好好多次~~~

咁行番出黎喇...突然落大雨播....我地就係亭到避雨喇~~
好大風雨呀....濕晒喇~~~不過都係一陣姐~~
好天個時就行番落去喇~~個時個地下濕晒喇~嘉鵬同徐敬拖住黑黑白白個時因地滑~
P左好多次..真係搞笑呀~~~反而比狗狗拖番~~~活躍得仔呀嘛~~

之後就行落去喇~~行落去沙埔仔個到見到架大貨櫃車塞車播...
我地個仲等緊個貨櫃會跌落黎...因為車頭同個貨櫃轉左成90度呀~
真係幾危險~~當然最後都係沒沒有喇~~

我地買完野飲就繼續行喇~~行到去天橋低傾計....
幾多多蚊呀...好痕呀~~傾左陣傾~~國秋佢地又左三個人~~
我地就繼續玩喇~~~跑黎跑去係度影相~~~哈~~影左好多正相呀~~

之後因太痕喇..要走走...噴左消毒藥水仲更痕...成腳都係呀...
呀Ling就成手都係....嘩....勁痕.....仲多過頭先~

上番去呀貓家家~~同佢兩個污租狗沖涼涼~~~
咁我地就係度傾計仔喇~~咁見到人地家家有枝水槍播~~
我地四個人就猜喇....猜輸左果個要問個細佬借水槍~~~
而伍啟呢個時候因為累累關係訓左覺...
咁呀Ling輸左~~佢成功借到喇~yeah!!!

我地四個就玩「老師話」既遊戲,輸左果個要比人射...
kakkaka...玩左好多次...次次都亂咁射...哈哈...好好玩...濕晒嚕~~
之後個細佬黎同我事爭播....嘉鵬同徐敬係最大受害者..
係咁同個細佬玩玩...kakakakka!!真搞笑呀~~

之後五點幾佢地就走走喇~~而我就番家家喇~~
番到家家整公仔麵食~~整番今日既相相整上網~yeah!!!

呢個係黑黑
呢個係白白

>>July 1, 2005 at 11:45:51 AM GMT+8