| 日記 | 日記主簡介 |
||||||||||||||||||||||||||||||||||||||||||||
2007 年 5 月 1 日 星期二 【晴】 11 點去到新世紀，約左 pui pui 做 model，俾Kenn 剪頭髮。
1 點幾整完，babe 陪我拎個電話去先達 2 樓果度整。佢報價話 $ 450 可以整番 ~ 希望真係整到 la ! 搭 MTR 過 cwb ~ 唔知點解，心情好差。可能我仲係度自責緊 la... 去到 CWB 就食野先 ~ 去左食車仔麵。其實做車仔麵真係好好賺，成本又平，3 送一麵加熱野飲都 $ 28.... 上去佢屋企擺低 d 野就去游水，點知道摩利臣山 close 左 law >"< 由 5 月1 close 到 6 月30 日 !!! 最後打的去左維園游 ~ 好耐無游水 la，游之前有做足熱身，拉左筋先落水。太耐無做過運動，好快就喘氣。游到去 5 m 深果度，無喇喇有隻死左 ge bee 係 d 水面上浮下浮下。babe 見到就幫我潑開，我先知道佢係度。oh ! 嚇死我了 ! 一路游，我已經用最 harn 力的方法去游，而且好慢嫁喇 ( 不過都係快過 babe ~ haha ^^ ) 一直都 ok ，直至上水果下......賴野喇，一踏上果 d steel stairs，因為隻左腳腳掌要用力，即刻抽筋！痛到媽媽都唔認得！但其實已經係５點，個section 完嫁喇，d 救生員催人上水 ><" 我痛到郁唔到，趴左係 babe 膊頭......babe 幫我拉番直，但更加痛，痛到我叫左出黎 ><" 無咁痛之後，babe先上水，再拉我。因為我怕一用力又會再抽過。 babe 好小心咁扶住我入更衣室 ( of cox 係去到門口 only ~lol ) 沖完涼之後，出到去門口唔見 babe wor....咁我 check 一check 電話，點知有 v mail。我 dad left 左 v msg 俾我。唉 ~ 星期日 and 一又有飯局。真係無聊 >..<" 加上我又晒黑左，好唔開心，所以又黑面 la....但 Kenn 個表哥係度，所以我都盡量笑番。 由於我唔記得帶落妝 ge 野去游水，所以我化住妝黎游，尤得 d 妝 lug ><" ( 死喇 ~ 飲左水 ge 人會唔會因為咁而俾我毒死嫁? ) 游完上水 lug 淨 1 成都無 ~ 淨係得番條朦朦地 ge 眼線 and eye shadow
佢地係度打機，我就係房無無聊聊咁玩電腦。 hea 陣，臨出門口前 babe 幫我好快咁整兩野，個頭忽然之間好睇好多 ~"~ haha 我好鬼死 lazy，唔鐘意用風筒吹頭，不嬲洗完頭都係尤佢就咁乾。但問題係，就算個尾都 keep 番到個 curve，個頂一定會扁 ~ 所以 babe 幫我「uit root」後，就會鬆番起 la ^^
8 點幾出旺角拎電話。去到見到我部 E65 終於識得發光 la!!! 但係....bad news 係，個開機 / 熜機制依然係壞的 >.<" 唉.....點算呢 ? 唯有聽日再去過.... 去左食潮洲打冷。我咁大個女第 1 次去食呢種野 ~ 好多野我都唔喜歡食.....食左少少大眼雞( 一種 fish 黎嫁 )，九肚魚，蠔洛，同埋糖醋麵 ( 但我係唔加醋落去 )。babe 有問我需唔需要叫碗麵 or 粉，but 我話唔使 la....第 1 次見佢的親戚，有少少唔自在。因為今日好累，所以我坐到寒起個背。babe 叫我坐番好 d，因為對條腰唔好；我條腰已經傷過無數次，所以更加要小心 take care。keke~ babe好細心 le ^^ 坐到 11 點幾，Kenn 送我番屋企~"~ 搵工果度，我想搵果份因為我唔夠學歷所以失敗左。但個位會 reserve 俾我下年番黎做 ~ 同 dad 傾左好耐，關於搵 summer job 的事。唉，放假的心情即刻無晒。其實我都知我需要面對現實，每次同 dad 傾計，佢都會迫問我一 d 好長遠既野.....好辛苦.....但我真的有咁既需要去諗。因為我唔係有錢女，我日後要靠自己，唔可以靠屋企人 / 男朋友。 我希望可以搵到 d 同 marketing / advertising 有關的工作。如果係知名的firm，人工唔需要太高，因為真係可以學到野 and 整靚靚張CV 對我日後都有幫助。但如果係細firm 的話，咁就希望人工會高 d ( 但細 firm 又邊可能會高人工得去邊呢? ) 2nd piority 就會係 bank teller，但又怕佢唔會請我..... 聽完晒 dad 講咁多野之後，個人好down，好想搵人傾下。但一開口同 Kenn 講，我地又持相反意見。 Kenn 係幾錫我的 ~ 只不過，我同佢係溝通上面有少少問題。我們總係好易就 touch 到嘈交的位；而我，每次我同佢有野傾唔掂，我就即刻閉口不說，因為我唔想同佢嘈。我真係唔知道應該用什麼語氣和方式去同佢溝通。佢講野好多時都好輕挑，呢樣亦都係我唔鐘意既一樣野。我迫自己去接受，因為我需要體諒佢平時工作的時候，也許係不經意之間，adopt 左呢種說話方式。如果佢唔係咁講野的話，可能同同事之間會傾唔埋。但我真係唔識得點樣欣賞呢種說話方式...... 人際關係，真係一門藝術。就算我窮盡一生都唔可能學得懂。 >>May 3, 2007 at 2:01:29 PM GMT+8 2007 年 4 月 30 日 星期一 【晴】 2007 年 4 月 29 日 星期日 【晴】 尋日ｄｕｐ完骨之後，訓得好左。今朝１１點先醒 ~ 姐係大概訓左 7 個鐘 ! great ! babe 4 : 40 打黎話我知，唔黎我屋企食飯喇。本身講好左今日黎食飯嫁嘛.....我由上個星期諗定整咩野送，跟住今日打算都幫下手整，但佢唔黎......算喇，工作要緊嘛。失望就梗嫁喇，但又可以點 ? 唔開心，一個人出左街行下。去左旺電買 mouse (Genius $ 68 連SD card reader )~ also 想買 Dell 810 的 ink ( compatable ) 但係搵唔到....或者 hk 無呢個 model。睇左wireless router，$ 220 ~ $ 360 都有.....如果買左隻 router 番黎就好好多la，可以用番自己部 lap top 但我依家真係得番幾百蚊 cash 係身，就算 $ 2xx 對我黎講都好多 ><" 我一唔開心起上黎，連自己都控制唔到‥‥‥果種感覺係 overwhelming 的.....完全 take over 左我成個人。我不斷咁好努力地嘗試去 recall 番呢個 week 以黎開心的片段，but totally no use..... 番到屋企，係我喊緊的時候，Kenn就打黎。佢聽到我把聲好似有 d 野咁，但我話無事。佢提我要食藥 ~ 之後討論星期 2 and 3 的節目，差 d 為左幾時去 swim 而嘈交......最後決定左，星期 2 黎我屋企食飯，星期 3 先 swim。 >>April 30, 2007 at 12:57:15 PM GMT+8 2007 年 4 月 28 日 星期六 【晴】 8 am 起左身 ~ 係張床碌到 9 點幾。起身食早餐 ~ 有我鐘意食的 cheese balls! 10 點幾打俾 Babe 叫佢起身番工 ~ 佢累到想死咁 ><" lol 佢 arm arm 訓醒的時候係好可愛的 ~ babe 好 concern 我訓得唔好 and 頭痛 ~ 唉 ....無辦法喇，都唔係今時今日係咁，只不過番左hk 之後 get worse 姐..... 打左電話去加拿大同媽咪報告分數，又同細佬傾下。細佬跌親 2 次 ><" 擦損晒 !! 本身打算開 webcam 但係因為唔見左隻 driver ~ 所以好無奈，唯有第日先 la。 lunch 係屋企食 ~ 食完就整cover letter and resume ~希望搵到工 !!! HK 真係好討厭，我係屋企都俾蚊咬，好痕 ar! 7 pm 扶 grandma 落去，伯父黎左車我地。去左尖沙咀 gateway，扶住 grandma 去星光行四樓翠苑果度食飯。無咩心機 ~ 因為 7 點半去到，等到 8 點半先開始食 ><" 好彩有支好靚的紅酒，令到我等的時候都可以慢慢飲少少。
10 點 15 分，Kenn 黎左 tst 接我。我地一齊搭船過對面海，再由灣仔行去佢屋企。好彩夜晚都唔算太熱 ~ 換件衫，睇左陣 take the lead，就去左 CWB 一間上樓的場按摩。咁大個女第 1 次俾人按摩 ar!!! 好痛 ~ 但好似鬆番少少。因為我長期坐係度溫書，而且我條腰又拉傷過無數次，所以按的時候係痛到飛起。我有叫佢就住我條腰，所以就無「啪」。但我見 babe 俾人成個上半身 ching 起，再扭來扭去，嚇都嚇死我 ><" 我唔鐘意俾人 mun 手指，我怕俾佢整傷我 d 骨膜又或者會愈來愈粗 ~ 佢幫我拉隻腳 d 筋的時候，又係痛到癡線......gum pat pat and 大脾係最痛的 ! 我地 gum 左一個鐘 ~ 每人 $ 120 ( 俾夠 $ 130 for tips ) hea 下 hea 下又 hea 到 2 點幾 ~ call 8 折 taxi 由 cwb 番我屋企，$ 60。個 driver 2: 30 到左，但我 2 : 45 先落去 ~ 搞到佢有 d 躁底......無喇喇又會落起雨....番到去，the clock just strike 3 am ! 打俾 babe 之後先沖個涼，沖完涼又打俾佢。傾左陣，佢話刷牙仔先，咁我訓係床等佢電話。佢打黎的時候已經係 4: 18 am ~ 佢聽到我把聲好累，所以講左一陣就收左線。我完全係唔記得自己講過 d 咩野 ><" >>April 30, 2007 at 8:18:05 AM GMT+8 2007 年 4 月 27 日 星期五 【晴】 又係訓左好少時間 ~ 唉 ~ 係 hk 訓得唔好。因為太嘈喇 ! 就算我 close 晒 windows，都好似未閂實咁 ! d noise一樣傳晒入黎 ~ Make up 完之後，11 am 搭 taxi 去 APM。由於我 grandma 行動唔方便，所以我全程扶實佢。feel 到電話響但無手聽電話，成日都miss左 Kenn ge 電話，希望佢唔好嬲我 la ~ 唉 ~ 見到 grandma 每行一步都痛到入心，我都鄧佢辛苦。 好快去到利苑食野 ~ d 野食都唔錯，幾 delicate ~ 但好貴 ! ( d 蟹仔唔係利苑嫁，係響吉芝島買 )
食完野我就扶 grandma 搭 taxi 番屋企。個 taxi 都幾好人 ~ 有耐性等 grandma 慢慢上車 and 落車。$ 50 由 apm 番到黎 ~ 抖陣間就出去幫 grandma 買 d 野 ~ 我打俾Kenn問佢係邊，佢係教堂度，大概個幾鐘就會過始創飲喜酒。我話我等佢，因為想見下，但佢唔想我一個人係度街果度咁辛苦，所以叫我番屋企先。keke ~ 佢好錫我 le ^^ 本身打算 5 點幾去見佢，但佢怕自己行唔開，所以打算今晚飲完先。但飲完已經好夜，佢累到乜咁 ~ 所以都無見到面。 babe 尋晚成晚無訓，今日累到死左。但佢番到屋企之後，都同我傾電話。我知佢好想訓嫁，但佢都死撐。真係好感動 ！ 今晚傾左好多野，我今次番黎，除左係彌補番 8 個月以黎的相思之苦外，仲有要解決我同佢之間的問題。佢終於親口承認佢之前果幾個月係對我有點冷淡，但佢話現在已經錫番我。佢亦都話，雖然我可能唔記得左幾個月前唔開心既野，但都想聽我講番我記得果 d。also ，佢原來有睇我 dairy ~ 當然唔係日日睇，亦都無可以隻隻字都睇，但係佢 occationally 有睇 ...佢知道我平時係我同佢的 secret diary 果度講野會就住就住；相反，係自己的日記就會講真話（因為我唔知佢會睇）。佢話，以後有d咩，其實可以直接同佢講.......講到呢度，我已經喊緊...... 另一個短期問題，就係到底我聽日去唔去搵我個 fd。well ~ 我依家拍緊拖，其實都應該避忌一下，唔好男女單獨去街。除非真係熟到好清楚唔會有任何事發生，但我暫時都無咩幾個呢類的男性朋友。佢都有諗過唔好出聲，尤得我去，但係佢個心唔舒服 ~ 佢一方面怕會管得我太多，我會覺得煩；但佢又做唔到扮大方扮唔介意。 glad to hear that 佢肯坦白講出黎。 這個 incident 引伸去另一個問題，到底佢有幾愛我，幾著緊我呢？大家對大家有幾認真？其實真係一個賭博，女人最珍貴的時候，大概就係 18 ~ 26yrs old 呢段時間。假如我同佢一齊4,5年，佢先話唔要我，到底點算 ? 不過現在諗呢 d 都係太長遠了，假如真的談婚論嫁，我唔可能只係單單睇下對方係唔係真心愛我，我仲要考慮埋大家的工作收入，日後發展的意向 ect..... 佢又指出，我有一部份的性格佢係喜歡的，但亦都有唔鐘意 ge side。佢覺得得未定性，仲係心野。但佢亦都知道這是正常的，因為 recall 番佢 18 歲的時候，他也是這樣子吧 ! 其實我都有唔喜歡佢某部份的性格，只是我可以忍到的，我也不想說出來。因為我記得佢講過，「你識我的時候都係咁嫁喇，如果係唔喜歡的，當初就唔好一齊，但唔好諗住一齊左之後可以改變我。」其實佢講都得 arm 的，所以希望佢亦都會用番呢個 standard 對我 la ~ 因為double standard 真係令人覺得好討厭的 ! 最後想講 ge 係，我真係好喜歡 babe 用呢種又溫柔又冷靜的語氣去分析事情。比起佢平時同我講野的態度，真係好得多......不過，好難得先遇到有機會佢肯咁樣同我講野。
出左成績了 GPA 只有 3.8，令到我 Overall 拉底了，變成 3.9 ( 上個 semester 係 4.0 ) 唉......自己英文唔好，唔怪得人。盡了力，當初擔心英文會 C / C+ ，好彩最後都有個 B 不過都有 3 科 A+，希望keep住 marketing 可以 A+ 到尾 la~ >>April 29, 2007 at 9:10:04 AM GMT+8 2007 年 4 月 26 日 星期四 【晴】 我 set 左 alarm 10 : 50 am ~ 雖然我尋晚 7 am 先訓，但我要起身去叫 Kenn 起身。佢好 surprise 點解我咁早醒，仲叫我訓耐 d。 連續出左咁多日街，有點累‥‥‥所以成個下畫都係屋企。寫下 xanga，又同人傾下 msn，之後出左去見個 fd。但 Kenn 剛剛放工，又想過黎見我，但我話都係聽日先 la ~ 其實我有 d 怕日日見，開始會覺得悶，覺得無聊。有「質素」的 dating 好過 密集式「hea」的 dating lunch 同工人出左 parkin shop 買 drinks and 係廣東燒臘買個外賣番屋企食。經過一間小食店，我以前成日係果度買豆腐花食。以前 $ 7 一碗，依家 $ 8 la !! 好多野都加左價 ><" 番屋企食 dinner ~ 佢就車佢的朋友四圍去。佢朋友結婚 la ! Kenn 好累 le~我 2 點幾 am 打俾佢，佢先 arm arm 食緊野，之後我等佢的電話等到訓左。3am 左右佢打黎，but 我miss 晒佢 3 個 calls ><" >>April 29, 2007 at 8:26:39 AM GMT+8 2007 年 4 月 25 日 星期三 【晴】 終於訓得耐少少～訓左５個鐘。 babe 打黎問我個頭洗完之後，個形 keep 得好唔好 ~ lol ~ sexy wave嘛 !haha! 一早起身去左萬寧果度買 d 日用品。唔化妝出街係幾輕鬆的 ~ 心情好好，行路的時候彈下，彈下 ~ haha ! 買完野番屋企就化妝 ~ 今日著黑色長袖，因為今晚去蒲，我怕冷氣大，會凍。 1 點出門口，打算去余振強俾個 surprise Nana。Nana 係 msn 話俾我聽佢考 9 ~ 1 我以為係考到 1 點 ~ 但原來佢的意思係， 9 點考一個 section，1點再考另一個 section。所以我最後都係撲左個空 ><" 行去油麻地 MTR 搭車去 cwb。今日 Kenn 番 2 點，我 1 : 40 分就企係佢公司門口附近諗住去僕佢喇 ~ 點知佢今日有個客無喇喇打俾佢，令到佢番早左 ><" 我戇居居咁等到 2 : 15 就走左 ~ 係 time square 4 圍行下，見到 Zara 就入去睇睇。有條窄腳褲好似幾好 ~ but $ 319 我無 $ 住 ><" 而且又好似好厚咁，唔 arm summer 著所以都係算 la....再去 Sasa 買化妝棉，眉鉗同埋鏡 ( 本身想買一塊可以摺起的坐臺鏡，買左番屋企先知道唔係我想要果種 ....)
3 點幾，babe 終於得閒 la ^^ 我地去食野 ~ 我叫左個西多士，佢好細心咁幫我切埋，倒埋 syrup ^^ 俾人照顧的感覺真係好 ! 食完野就上佢公司果度。今次幫我洗頭果個姐姐好好手勢，我舒服到差 d 訓著 ! 之後 Kenn 幫我 set 頭 ~ haha 佢話我未試過 set 起晒所以幫我整起晒 ><" 有 dd 怪，好似好女人味咁~but我估我睇唔慣姐.....
set 完頭就即刻過隔離整甲 ~ 因為我油得實在太 terrible 了。幫我整甲的姐姐叫 Ice，佢好好人，快手得黎又唔會整痛我。$ 170 油晒手and 腳 ( but 我有 discount ^^ )佢油得好靚 ! 我唔小心係未乾的時候整花左左手手指公，佢不但無發脾氣，仲好好心機咁幫我洗左佢再油過 ^^死喇 ~ 上左癮喇 ! 因為佢實在係整得太靚~ 我自己永遠都無可能整到好似佢咁! 不過呢 d 咁高消費 ge 野 ~ 我真係afford 唔起 ><"
扮完靚靚之後上左佢屋企等佢，因為今日佢有尾工。Babe 仲好細心咁提我一定要係屋企果度搵 d 野食，食完記住食藥 ^^ 9 點左右佢上黎，之後佢表哥黎埋，就一齊去搭的士過 LKF。去左一檔食 Thai food 的地方 join 埋其他 fd ~ 我坐係度有蚊蚊咬，佢就開左電話入面一個「驅蚊」的 programme ( 係發出一d極高frequency 的野) 同佢 d 朋友一齊上左 Fever 果度 ~ 一入到去 d 閃光燈就狂閃 ><" 勁唔慣 ~ oh ! 弊喇 ! 今次飲香檳.....因為得香檳 / chivas 揀，而 babe 又唔鐘意 chivas.....今晚係 CK into 2 香水的 launching party ~ 有好多3 線的明星仔，我真係唔認得佢地law><" but我見到 isbella ~ 你地又係張相果度搵唔搵到佢呢 ? 好多人話佢唔靚，但原來我同 Kenn 都覺得佢靚 ^^
好明顯我醉醉地，講野開始好寸，仲寸親佢 d fd 同埋表哥。所以 Kenn 即刻「拎」我走 ~ 係佢屋企樓下食夜宵，佢好細心咁吹涼左 d 野先餵我食。我食夠佢先加辣椒油係碗野果度。訓死左，佢又餵我飲水，等我無咁醉。 一路訓，訓得好 lum ~ 如果唔係佢叫醒我，我都唔醒 ~ 4 am先番屋企 ><" 因為聽日佢要番早，所以我唔使佢送，況且我都醒得七七八八，我就自己搭 taxi 番屋企。佢唔放心，所以一路同我傾住手提。我本來應承左佢，要係屋企樓下落車，但我想harn錢，所以我未到就落左車，寧願自己用腳行；因為過幾條馬路就係，但如果 by car 就要兜路。佢鬧我為左少少錢而應承左佢 ge 野做唔到.....擔心我唔安全。 dad 無咩點鬧~ 好彩姐 ^^ 同佢傾完，佢訓左我先去沖涼。 沖完涼又唔訓唔到，係張床果度玩電話玩到 7 am><" >>April 29, 2007 at 8:25:52 AM GMT+8 2007 年 4 月 24 日 星期二 【晴】 訓左 2 個鐘，係張床等到 8 點就起身。玩下部電話，買左佢番黎都唔得閒睇說明書 ><" d functions 又鬼死咁 high-tec...... 唔洗得頭，因為尋日電左頭 ~ 唯有 only 沖涼，only 化眼就出左街。 1 pm 去左銀行，gum 唔到錢因為我唔記得左pw><" 唯有要等一個星期等佢寄過個新的 pw 俾我...... 之前次次都係搭 MTR 去搵 Kenn，今次我作出左一個好大的突破 -- 我搭113去。其實好驚嫁 ! 因為未試過呢條 route，我怕落錯車；就算落 arm左個站，我都未必識得行。好彩 ^^ 最後我問左2 個人之後，成功去到佢屋企 ! 佢仲訓緊，nvm la~ 佢今日放假，難得可以任訓，所以訓耐 d la ><" 望住佢訓覺個樣，諗左好多野。「點解對住自己男朋友都唔可以講真話?」「過去果 8 個月真係好辛苦，係我需要佢的時候，點解佢唔肯聽我講野 ? 番到黎，見到我就對我超好 ?」愈諗就愈喊得勁，卒之嘈醒左佢。我即刻擰轉身，但都俾佢見到我喊。佢問我咩野事，初頭我唔肯講，但佢問多幾次之後，我就話俾佢聽，因為佢好耐之前曾經好炆咁發過我脾氣，話唔鐘意我成日「哦」佢。佢覺得每次我同佢一口氣講晒我心入面屈住 ge 野就係「哦」佢。佢又舉個例，好似尋日咁，係 3 果度開台同埋出機的時候個 sales 係咁講野，都令到佢好炆。我知道佢係一個無咩耐性的人，但點解唔可以對女朋友有耐性 ? 咁我咪同佢講：「得嫁喇，我唔會講出黎煩住你」佢又話唔係唔講得，只係要「 arm timing」同埋「分開幾次講」但試問，唔開心的時候，可以隔天才說嗎 ? 可以分開幾次講嗎 ? 如果係咁的話，不如唔好講.......算了吧 ! 不想跟他吵，還是繼續扮開心......不想破壞等了 8 個月才可以見面的機會。 喊完之後，babe 囉左支雪條俾我食 ~ tum 番我開心。我地一齊睇「 舞‧出色 take the lead」好好睇 ar ! 對眼好痛，佢幫我滴眼藥水 ~ 睇左半套都無，佢就肚餓。我地去左東京果度食，我叫左 roll 佢就叫左個飯。佢食之前餵我食 ^^ 食完野行左幾間書局，想幫伊琳搵一本書－－「美容大王」但搵唔到。 搭叮叮過左 pp 果度囉 HR gift~ 之後去西武行，佢睇 arm 左件 G star恤衫，但折左都 $ 700 都係諗諗先 la ! 之後佢陪我睇指甲油，睇睇下，佢話想行開一陣去 toilet，叫我自己行一陣。我無咩心機自己一個人行，唔知點解突然間好想喊，所以就急急腳離開左西武。打電話俾佢，佢話落緊黎，因為果層無 men's toilet.......我呆呆咁行，連佢一邊係我後面行緊過黎，一邊打電話俾我，我都唔知道電話響。佢問我咩野事，我話無事....佢又再問，真係無事? 我話無。但其實果刻 d 眼淚已經想湧出黎......我都唔知咩野事，好似有好多野屈住好想喊.....喊極都喊唔完咁。番到黎，終於有得見番，唔係應該開心嫁咩 ? 番去西武，我想買藍色 / 紫色，最後佢幫我 decide ~ 要左支藍色的 shiseido $ 85。
本來打算搭番叮叮番 CWB但太多人了，最後去左搭巴士。等叮叮的時候，babe 叫我唔好扮開心；開心應該係為左自己，唔係為左討好佢。但我真係唔開心，但現實又唔容許我同佢一口氣講晒心入面唔開心既野出黎，咁我可以點？ 番到cwb，佢陪我走遍整個 cwb 搵我想買果支 Ralph by ralph lauren ( 藍色 ) 。Sasa 會平 d ~ 但全部 Sasa 都無晒 100 ml ~ 有一間有 1 支 50ml ( $ 275 ) 但我覺得貴，所以放棄左。一支 7 ml 的 sample 都要 $ 45 ><" 傻嫁 ! 好後悔無係機場 duty free果度買 ( 100 ml $ 418 ) 咁 arm 經過佢朋友，Josi 做野的地方，叫佢落黎打個招呼。今日好殘，其實唔係太想見人......去左welcome買 d 野飲and雪條 ( 佢專登買左我鐘意食的黑芝麻雪條 ^^ )，再meet up 佢表哥，上佢屋企。佢同佢表哥就打機，我就用電腦寫網頁。佢提我食藥，食完藥先放我入房用電腦。 等到 10 點我已經太累了，訓左。10 點半佢地先落街食野，我食左個魚皮餃麵。等 d 野食黎的時候，我對眼又好痛，可能係因為我戴住cons 黎訓，所以佢又幫我滴眼藥水 ~"~ sweet ! 食完野，同佢表哥傾計，但夜喇 ~ 我要 12 點前番屋企，所以 babe 送我搭 113 。仲千叮萬囑叫我一番到屋企，俾 dad 鬧完就即刻打俾佢，涼都唔準沖住 ~haha。
除左我唔開心唔可以同佢講之外，基本上每一天都好開心。我感受到佢真係好細心，好耐都未試過可以同一個男仔咁close。以前係加拿大，唔敢同 d 男仔玩得太埋，始終自己有男朋友，要檢點一些。依家可以完完全全rely on 佢，喜歡撒嬌就撒嬌，攬就攬。其實之前係 hk 識的時候，果 3 個星期，都無真正咁拍過拖。好希望可以彌補番....... 我知道近日佢係工作上面都唔太順利，我唯有盡我的能力 tum 佢開心。希望快 d 有好運跟住佢 la!
Gave up my dream of being a model.... I gained weight, but I dun care as much as I used to be, cox it's not that important for me anymore. I hate ppl talking abt fashion, models and beauty.....I am not pretty, and I am kinda tired of transforming myself, an ugly duckling, into a swan. It's totally impossible..... but still, deep in my heart, this is what I want to accomplish be4 I die. >>April 29, 2007 at 8:25:19 AM GMT+8 2007 年 4 月 23 日 星期一 【晴】 因為 Jet lag 的關係，我只係訓左 1 個鐘 ~ 由 3am 訓到 4 am><"不過醒左之後一齊 force 自己 stay 係床上，希望可以再訓番 but 無用的 ! 外婆無喇喇黎左，但我唔得閒招呼佢，因為我要出街~ 佢話我肥左wor><"鬼唔知咩...... 係屋企食完 lunch ，沖埋涼都 1 pm 了。係旺角mtr station入錢 into 八達通。依家無得用學生價 la ><" 好貴 !! 每次過一過海來回都 $2x !!! mi mi mo mo 去到 cwb 的時候已經係 2pm 了~上左去佢公司。lol 我地第 1 次見面的地方。佢個仔，ar Jan 幫我洗頭，之後Kenn幫我剪~嘩 ! 剪左勁多 ! 依家輕晒 ! great ! haha ~ 佢一路剪，我就一路「偷望」佢 ~ 之後沖水，then Candice 幫我 set perm。我其實好怕電髮的，cox d 電髮水好難聞 ~ 好彩今次果 d 都ok 姐 ~ 而且仲有專人幫我用風筒吹住 ( 因為 armarm 開機的時候好熱的 ) ~ 又有野飲又有碟睇 ~ great ^^
wow ! 我個頭終於正常番 la ~ 整完頭落左去樓下的 Lane crawford 果度的 Model co. 修眉~ cox 我收左張 invitation card，修眉 free ^^之前係 canada係完全無修過，我自己唔識修，又無咩心機整個樣，唔想 waste $$，所以一直都求其。成日俾 Kenn 笑我有 2 條毛毛蟲 ( 有時佢會話係紫菜 ) 係對眼上面law><" 修完眉就上左去佢果度坐陣，之後佢 dum低我自己一個係屋企 。haha 其實佢係要番公司做埋個客先，咁我就係度上下網，無無聊聊咁。佢放左工之後買左個牛肚麵俾我 ! wow ! 好耐都未食過呢樣野la ! 正 ! 仲叫左個腐乳通菜 ~ 飽飽 開冷凍的時候，無喇喇跳制 black out ~ 嚇死我 ! babe 即刻攬住 ~ keke^^ Kenn 陪我飛的 ~ 因為想準時 2 點番到屋企~ 唔想第 1 日出街就遲番，到時 dad 唔開心就唔好la ! 番到屋企飲花旗蔘湯 !! 好難飲 ar ! 沖個涼，傾陣電話就訓 la~
kenn baby 其實好錫我，只不過係因為大家太耐無見，而且各有各忙，所以先會令到我同佢之間會變成咁。（佢話要我寫出黎幫佢平反 wor ~"~ ) 關心一個人，有時唔會講到出口；又或者有D野，就算關心都好，自己都幫唔到忙。所以唔出聲，但唔係唔關心。 雖然我期待的係幾句支持的說話，有時聽唔到會唔開心，但諗深一層，我成日都有唔開心既野，唔通佢日日都講同一番說話黎 tum 我咩?
>>April 29, 2007 at 8:24:46 AM GMT+8 2007 年 4 月 22 日 星期日 【晴】 落機第一件事係去 toilet，因為機上面的 toilet 實在太 dirty 了 ~ 而且真係好窄 >.<" 我係機上面淨係去左 4 次toilet..... 之後去 duty free 果度 gup 下隻香水，咦?! 平過 Canada 的 duty free 啵 ~ 想買但係唔夠 HKD 係身 ! 激死 ! 又無 credit card......最後都係放棄左。 我好叻丫！自己係行李帶果度 ching 果 2 個大 case 落黎 !!!但勁搞笑囉，姐手姐腳，追住個條輸送帶 ><" 推住架車仔，傻下傻下 4 圍望。無喇喇係20 米外見到一個晒黑左的型男 ~ 果一刻，我真係呆左，完全唔識反應。 babe 主動攬住我，跟住錫左幾啖，我先識得攬番住佢 >.<"之後我不斷咁笑，完全停唔到。就算停左都無喇喇又係度笑.....因為實在太開心了，而且都有 d 緊張，令到我控制唔到自己。我怕俾佢見到我無化妝 + 戴眼鏡的樣，好彩，佢俾我的反應令到我覺得佢都唔係真係太介意姐...... 冷靜少少之後，借左佢個電話打番屋企 and dad，話俾佢地聽我平安到步了。 hk 真係好熱，又 humid.....好辛苦。上左佢車 ( 佢今日借左朋友架車 ) 唔使 40 mins 番到屋企。沿途要幫佢睇路牌，因為佢好少 drive 有d唔熟路 ~ but 我都係一個路癡 law><"好彩最後成功咁安全到達。 番到屋企，同 grandma 傾左一陣計，之後急急腳去沖涼! 我實在忍受唔到 16個鐘唔沖涼 ! 沖完涼 ~ 就同佢出深水步還車，d 路好麻煩，兜來兜去都兜唔到 ><" 之後佢陪我去旺角出電話。首先去左先達果度睇Nokia E65，行/水貨都 above $ 3300 所以無即刻買....去左 3，出左部啡色的 ~ 因為佢係「大戶」所以佢幫我出有優惠！我有個好錫我的男朋友～不過出電話果度搞左好耐，所以令到佢有少少唔耐煩~ sorry le ~ 第 1 日見面就搞到佢躁躁地。
佢仲陪我去番先達果度癡 mon 貼。又去左買新的 con case ! 去左許留山食野，但我剛落機，無咩胃口。叫左個多芒小丸子，芒果糯米茲，同埋芒椰芒果爽。babe 仲好體貼咁問我凍唔凍 ~ 由於我係加拿大係接近唔需要行路，所以無喇喇行左幾步路都已經覺得隻腳就黎抽筋，所以我地決定早 d 番屋企。原定 8 點番屋企，但我地 7 點過少少就番左。 我執下 d 行李，所 show 下我屋企俾 babe 睇 ( 佢第 1 次上來 ) 8 點鐘開飯 lu ! 我無咩心機食...babe 都食得唔多，因為天氣太熱了 ( 我唔知點解又唔記得開廳果個冷氣 ><") babe 今天很累了，我也很累。本身打算等埋 dad 番屋企，babe 打個招呼先走，,但等到 9 點 45 分都未番，所以我就送佢落去搭車。臨走前，佢又唔捨得走 bor...其實聽日都有得見 la ! 唔使唔捨得 bor ^^ 番到屋企，一口氣拆晒 8 個月以黎的信 ! 拆完都無心機睇 lu><" 同 Kenn 傾完電話就訓 lu~實累死佢 la ，尋晚5 am 先訓，今朝 8 am 起身，lol ! 大家都好緊張le >>April 29, 2007 at 8:23:09 AM GMT+8
|
|
||||||||||||||||||||||||||||||||||||||||||||
哨牙大粒墨癦袁佩婷人氣: 421357
Design & Scripting by ShowHappy.Net