2007 年 8 月 29 日 星期三 【晴】

8 am 就醒左 ~ 因為還有 jet lag 嘛 @@ 起身，同媽咪傾左陣計。我有考慮過做空姐，但媽咪第一句就話「下? 空姐好似侍應生咁咋啵」。其實我又唔覺得要服侍人的職業有咩唔好。出黎做野都係受氣嫁喇，就算做 office 一樣係嫁。我唔太在意做 d 咩野職業，收入 ok 就可以了。這個世界，有錢就好多野都易話為。番工係唔係都多數唔太開心嫁喇，所以最終目的都係搵到錢，係放工後的時間 enjoy 下 ~ 近來，我腦入面不斷諗我日後到底應該做什麼職業。到底 office 工適唔適合我呢 ? 我要求日後的生活要點樣 ? 嫁個有錢男人唔係唔可行，而係，男人根本就唔可靠，所以講到尾，女人都一定要養得起自己。

真係唔太喜歡我父母，口果句就話唔介意我做 d 咩野職業，又話職業無分貴賤；但心底裡咪又係標籤左所有服務性行業都係學歷低 ge 人先會做 ?! 老實講，假如有個有錢人請我做保母，都係服務性行業啊 ! 不過收入應該唔錯 law ~ 我又真係唔介意 ar ! office 工一定收入高嗎 ? 唔見得 ! 也許，佢地會覺得晉升前途會好過服務性行業果 d，但我日後會想做 CEO, CFO, COO 嗎? 我又唔覺得自己係果種人，我覺得我人生的高峰搵到 6 萬左右一個月我已經滿足嫁喇 ! 咁我覺得唔一定要做 office 工先可以搵到這個數目。服務性行業一樣有 manager，area manager，director 這些位置，況且，好多時候都係入左去做，再轉另一份工。所以，依家真係好難講定日後想做 d 咩野。also 除左人工之外，福利 and working hours 都好值得考慮。

傾得唔係太愉快 ~ 咁arm babe 就打電話黎，咁就同babe 傾左陣，之後食 lunch。食完番上去同 babe 繼續玩 cam，之後同 babe 一齊訓。嘩 ! 犀利 la ~ 我一訓就由 3 pm 訓到 11 pm ><" 當然，中間有醒過 ge ~ 6 : 30 pm 我醒過 but 訓番，之後細佬都有叫過我幾次，叫我起身食飯。我明明聽到，仲有應佢添 ! 不過太眼訓，個身體唔聽話，起唔到身‥‥‥

11 pm 起左身後，食 dinner ~ 無 reheat d 野 la，求其 la ! 食完之後 babe 就打黎，玩左陣 cam 之後 babe 就番工。我就努力打番咁多日的日記 and upload 番 d相 ><"

整完已經係 6 am了 ~ 死了，我d jet lag 仲係好嚴重 ar ! 要快 d 較番正，otherwise 一開學就唔知點算 ><"

今日終於都執好晒大部份 ge 野 ~ 個梳妝台終於都似番一個正常的梳妝台。d 衫要洗的都拎晒起洗，可以掛的都掛起晒。 oh ! 今次係 hk 買左唔少衫，個衣櫃開始迫 la ><" d 零食佔左我張書臺 ge 1/4 ! 不過 arm 嫁喇 ! 其實好快食晒 ~ 但我要挨 8 個月嫁 ~ 唔可以一次過食晒 !

2007 年 8 月 28 日 星期二 【晴】

最後一日係 hk ~ 我要走了。

我尋晚唔記得 set 鬧鐘，but babe 唔使我叫佢起身，反而係佢叫番我起身。

9 點我地去左何文田廣場果間麥當當食早餐 ~ 好耐之前我同 babe 提過話想食麥當當早餐，不過 babe 日日都咁遲起身，所以從來都無機會食到。今日終於可以一齊食麥記早餐，兩個人叫左 3 塊薯餅，一份精選早餐，一個魚柳包，一杯凍奶茶少甜 and 熱奶茶。

babe 俾左條平時佢 cool 係隻手，啡色的紮頭髮的繩俾我。哈哈 ! 這是我們的定情信物 !

番到屋企，babe 陪我執野 ~ 因為我一個 suitcase 就 56 lbs，另一個就 52 lbs ( limit 係 50 lbs ) 本身我打算就咁算嫁喇，我搏佢會隻眼開隻眼閉咁俾我過。不過 dad 話搏唔過，因為到時如果條友真係好 strict，話一係收 extra charge ( 每件過重的 luggage 收 50CAD ) ，一係就好瘀咁係機場打開個 luggage 摷 d 野出黎。所以 babe 就陪我執 ~ haha 俾佢發現我帶左好多「搞笑」野 ~ 例如我會帶牙膏， m 巾，單行紙等等明明係外國都有得買 ge 野過去。我帶 ge 理由係響 hk 買會平 d ><" babe 逐樣逐樣同我執晒出黎，haha 我地好似打架咁，我死都話要帶 @@ 最後幾經辛苦終於成功 meet 到個 weight limit。好彩有 babe 幫我執咋 ~ 如果唔係我 d 手指甲實斷得更加嚴重 >.<"

執好晒 d 野之後，12 點 45 分就離開左屋企 ~ 我 grandma 好新潮唷 ! 佢主動 hug me to say goodbye ~ 仲俾左封利是俾我壓袋。

on the way 去機場的時候，我開始忍唔住，喊左出黎。但我唔想影響佢 drive，所以我望向 left hand side，唔俾佢見到我喊 ge 樣。不過 babe of cox 知道我喊緊 la ~ he grabbed my hand tight.....落車的時候，佢好似好輕鬆咁摸下我個頭，就係呢種佢當我係 babe 的感覺好好‥‥‥但我亦都知道，接下來又會有一段日子唔會再有人咁樣摸下我個頭。。‧‧

諗番 4 個月前，babe 車我，係同一段路，只不過方向係相反的。果陣時好開心，好輕鬆；但現在，心情截然不同。點解 4 個月可以過得咁快 ?

1 : 40 到左機場 check in，我排緊隊的時候，babe 行開左搵個地方寫 tag ( stick 係行李，有 address and phone number 果 d ) 輪到我 check in 的時候，babe 都未番黎，佢部電話又係我度，搞到我好徬徨。好彩係 last minute 佢番黎咋 ~

2 : 40 boarding ~ 我 2 : 25 就過境。臨離開前，of cox 喊到好似豬頭咁。其實我已經好努力 gum 住自己，otherwise 我會喊得更加利害 ><" 諗起這四個月以來，我地日對夜對；又諗起以前係加拿大有男朋友好似無男朋友的日子‥‥‥真係好驚，唔想走。番到加拿大有好多困難都要自己一個人面對，但係香港就可以靠男朋友，就算男朋友唔係直接幫得上忙，都可以係我做果件事之前鼓勵下我，又可以係我做完件事之後安慰下我。

我唔想喊住咁過境，但無論我點抹眼淚，幾努力收起眼淚忍住唔喊都好，都係不斷咁喊。我都懶理自己個樣好醜怪，亦都唔理身邊既人既目光，喊住咁囉 passport and boarding pass 入去 departure 果個門口果度。

我擰轉頭望的時候，對眼已經朦晒，咩野都睇唔到‥‥‥過左境之後，babe 打電話黎叫我不如行番出黎望多眼，但果陣時我已經過左 e 道，唔可以再出番去。聽到佢咁樣講，個心又好酸，又不斷咁喊‥‥‥

過埋 check handcarry 果個關口後，去 dutyfree 幫 Peter 買野。之後去到 Gate 43 坐定定之後就打俾 babe ~ 我又不停咁喊‥‥‥

由於排隊上機唔方便拎住個電話，所以收左線。上左機之後，打俾 babe ~ 又係度喊‥‥‥其實早在很多日之前，我已經開始唔開心，但 babe 成日都同我講佢唔開心，我為左 tum 佢，我更加唔可以俾個唔開心樣佢睇。抑壓左咁多日 ge 唔開心，今日終於都唔可以再扮無野‥‥

喊到對眼 and 個鼻 d skin 好痛‥‥特別係機上面，好 dry ~ 好辛苦。上左機無耐，收左線之後又等緊飛機起飛的時候，我訓著左，係訓得好 lum 果隻。因為我實在太累了，加上喊到無力‥‥‥起飛之後有 lunch，我要左個 beef ~ 之後睇 NEXT，一套幾好睇 ge 戲。睇完就嘗試下訓，但訓唔到‥‥‥

唔知隔左幾耐就有杯麵 and sandwitch食 ~ 我對個 sandwitch 無咩興趣，所以淨係食杯麵就算，個空姐好 nice 咁叫我照囉份 sandwitch 黎試下，不過我唔想浪費左 d 食物，所以無囉到。

食完杯麵之後，唔知幾耐先訓到。我開左個餐臺，向前趴係度訓。今次好似訓左3 個鐘，起身之後仲有一半路程‥‥‥天啊 ! d 時間好似過得好慢‥‥‥

跟住唔知幾耐，有個類似早餐 ge 野，有 egg / congee。我揀左 egg ~ 都 ok 好食，不過我真係無胃口食，一來好掛住 babe，二來個胃有 d 唔舒服。

係同一日，加拿大時間 6 : 25pm land 左 ~ 望住窗外的景色，心入面就係度諗 ：噢！又回到加拿大了 ~ 我將會 spend 未來的 8 個月時間係度，希望一切還好吧！

打俾 Peter，原來佢已經到左。真係辛苦佢了，咁早就係度等我。我係囉行李果度，俾 d 行李玩死我。我等左好耐先見到我件行李，但因為條輸送帶太快，所以我囉唔到。我掂一掂到，就已經夾親隻手指尾，所以放棄左。之後無耐見到第二件，今次好少少，我拉郁左 d，不過最後都係俾佢走左。好彩有個好心的叔叔幫我拎左落黎。之後又見番第一件行李，今次因為近邊果件俾人拎左，將我果件跌番落近邊，我易少少囉到。成功跌跌下咁拎左落黎。唉，又要顧住件 handcarry ( 怕俾人偷左) 又要囉咁重的行李，仲要同條運輸帶「搏鬥」，真係唔容易‥‥‥

出到去就見到 Peter，佢幫手推車仔 ~ 我差 d 想走上左邊司機位，因為我慣左係 hk ><" ( hk 係右軑，加拿大就左軑 ) 借左佢部電話打 IDD 番 HK ，同 babe 報平安。之後打俾媽咪 ~ 陪佢去我屋企附近的 plaza 食 burger king，之後就番屋企了。真係唔該晒 Peter ^^

番到屋企打番 HK 報平安 ~ 之後食左少少 salad。

番到屋企 unpack 部電腦，即刻 plug in 想上網同 babe 玩 cam。點知唔知點解 hook up 唔到個 wireless ~ 整左好耐先整到。同 babe 傾左陣之後，佢番工我就繼續執野。

細佬入左我房打 NDS ><" 打到 3 am 我請佢走佢先肯走。。‧‧同 babe 傾左陣電話就訓 lu。

2007 年 8 月 27 日 星期一 【晴】

1 days left

一朝早繼續努力執野 ! 唔係唔夠位，而且就算我好叻，可以塞得晒 d 野入去但會過重 !!

3 點尾出左門口 babe 先打黎同我講臨時有個客無 book 到但自己中左上去，所以唔可以好似原定咁落黎搵我。

4 點幾出到 cwb ~ 咁 arm Pui pui 又係time square，陪佢睇左陣化妝品之後就上左 Kenn 屋企將 d 相入落電腦 and 放低左封信係信箱。

5 點半Kenn 打黎話走得 ~ 我係屋企門口等佢，去左食車仔麵。

食完之後 Kenn 送我搭 113 番屋企 ~ 我繼續努力執野‥‥‥

11 點幾，Kenn 渣左車黎接我出太子食野，我陪佢食完 dinner 後，我地去石磨坊食糖水。哈哈 ! 一年前同前男朋友都係石磨坊食糖水，不過係同埋一班佢係班會識的朋友一齊。一年後，無其他人，淨係我同 babe 兩個人，感覺好唔同。

babe 送左本 schedule 俾我 ~ ^^

食完野就去入油 and 番屋企 ~ babe 送到我上屋企門口。。‧‧

我地傾電話傾到 3 點幾 4 點就收線。

2007 年 8 月 26 日 星期日 【晴】

2 days left

最後一日番工，上司開公數請食飯。去左和記大廈一間食上海野 ge 餐館 ~ 上司仲送左禮物俾我添 ^^

番到公司本來打算 5 點鐘去還電腦，本來約左上司 4 點半 last overview 的，點知佢 5 點先黎。搞到時間上有點失左預算。同 d 同事影完相之後，5 點半先落去還電腦，搞得黎都 5 點 9 ~

還有其他更「精彩」的，不過唔知道其他人 mind 唔 mind 我 post 出來，所以都係唔 post la ^^

急急腳走人去地鐵站等 Queenie and Nana。Queenie 到左先，等埋 Nana 就去 cafe Habitu 。

坐左半個鐘多 d，Pui Pui and 匡婷先後黎到。佢地叫我話晒事，咁我就叫左一個 salmon angel hair, tomato monzellar cheese pizza，lamb and pork pasta, ceaser salad and blueberry cheese cake，4 個人 $ 370 ~ ( ps 張相係我之前去食的時候影，唔係我今次叫的野食 )

佢地個個都入大學，話題圍繞住 o camp and 大學邊個 faculty 入面有靚仔。。‧‧Pui pui 去國內讀書，匡婷就未決定。見到個個都努力入大學，不禁問自己到底有冇揀錯路。不過我覺得我係 college 真係讀得還算開心，所以還是保持現狀。

唔知道幾時，我地可以傾 d 「女人」話題呢? 有時我會覺得我的經歷同佢地的經歷好唔同，大家的 values 真係差天共地，每當我講野的時候，都唔敢去得太盡，因為我想顧及佢地的感受‥‥‥

我之前同 Kenn 講話 8 點就走得，但因為等齊人先叫野食，同埋我又想同佢地傾耐 d，所以搞到 8 點 40 pm 先離開中環去 cwb。今次係我今年最後一次見 d 朋友，想傾耐 d 都好正常姐 ~ 但 Kenn 嬲我唔守時，搞到我躁躁地。。‧‧

同 Pui pui 趕去 land crawford，因為佢想睇 d 化妝品，點知9 點鐘去到，睇住佢閂門。

之後我搵 Kenn，一上到屋企就落妝先，因為今日好早起身就化左妝，所以好辛苦。拎走晒放左係佢屋企 ge 野。babe 問我可唔可以唔走 ~ 唉 ! 其實個答案大家都知道，只不過去到這個 moment 真係唔捨得大家‥‥‥第一次見到 babe 眼濕濕 ge 樣。。‧‧

由於拎住一大袋野既關係，babe 送我搭 taxi 走 ~ 番到屋企我地傾左陣電話，我叫 babe 叫 d 訓，我就整理番咁多日以來影過 ge 相，入落 USB 度，聽日帶過去 input 落佢電腦。

2007 年 8 月 25 日 星期六 【晴】

3 days left

訓到 6 am ~無喇喇 babe 扯我起身。我唔知發生咩野事，佢淨係撥一撥個 pillow ，之後叫我快 d 走出廳。我出到廳，佢 dan 晒 d 被出黎，之後我已經估到係有小強。隻小強終於蒲頭，babe 囉支殺蟲水一野 KO 左佢。雖然危機解除左，不過就搞到間房成陣味 >.<” 我地要熜左 air con，開晒窗，等左好耐先入得房。值得讚揚 ge 係 babe 好叻叻咁令到我無受驚，事後講番原來隻小強爬過babe 的頭髮 ~ babe 覺得好痕，一撥，點知望到係隻小強，而且仲爬向我 d 頭髮，所以 babe 一手扯起我，一手撥隻小強埋牆。
 
我本來都訓得好 lum 的，不過搞完一輪之後就訓唔番 lu ~ babe 好努力咁哄我訓，輕輕拍住我咁訓，不過我都係訓唔到，但 babe 已經訓著左。我乖乖地唔郁，等到天光。11 點半起身梳洗化妝，今日著 d 勁 cheap的衫，費事上到去整到 dirty 晒。Babe 提我叫我唔好著 high heels，因為今日會行好多路，所以我著左 babe 對金色 converse ~

 一早起身勁殘的樣，今日用左隻比平時白兩度的粉，平時好 d 定今日呢一隻好 d?
 
係樓下買左豆漿，之後babe 特登上公司 gel 頭先，我就係樓下借香水黎噴 ~ haha ~ meet up 之後就去 Time square 後面果間禮頓麵包果度買早餐 ~ 嘩 !!個蛋牛治真係好味到暈 ^^ $ 9 真係超值 !
 
我地行到去橋底的時候見到有 116，即刻跳左上車。係車上面食早餐 ~ 好幸福 le ^^
 
去到紅碪搭火車，babe 幫我地搵到位坐，一個站之後，有個 bb 女上左車，企左係隔離。未幾，佢同媽咪講話累，要坐。Babe 就叫我讓個位俾佢，我其實唔係太想，因為我真係好 hate bb，仲叫佢坐我隔離? 不過 babe 開到聲我就唯有坐迫 d，讓佢坐上黎。佢 d 頭髮係咁 hi 住我，搞到我好鬼死痕。佢又坐唔定，四圍郁不特止，仲要不斷講野。我勁想掐死佢 !
 
我好想訓又無得挨係 babe 果度，因為地方太窄，挨得唔舒服。忍到去羅湖落車過關。第 1 次用新 ge 回鄉證唷 !
 
D空氣好差 ~ 又好熱，一落車已經好唔舒服。過到去已經一點幾，babe 約左表哥係羅湖商業城的大快活果度等。不過等左好耐都唔見人，我地又無電話，唯有借電話。佢 on the way，所以我地又行左一陣‥‥‥
 
等左半個鐘左右，同佢地一齊去行，今日有表哥 and 表嫂，佢表姐 and 表姐 ge 另一半都係度。我好唔鐘意同一大班人行街，一來我見到 d咩野想停低睇真 d又唔好意思；二來又要同佢地傾計，要好小心自己每一句，唔可以講錯野，特別係人地對於我揀既野有意見的時候，我就更加唔知點算。
 
Babe 想飲茶，所以Lunch 去左丹桂軒食 ~ 去左前 babe 都問左我意見，佢問我可唔可以一次咁多 (佢知道我唔鐘意飲茶) 我見咁多人係度，咁就下大家 la ~ babe 都好照顧我，問我想食 d 咩野，俾我自己 tick 張點心紙 ~ 6 個人食左$264 !
 
食完野再行多一陣。全日黎講，經過佢表哥好犀害的殺價技巧後，我買左 3 頂 cap 帽，每頂 $ 30 ~ 仲買左一件翻版 Miss sixty tee ~ 俾佢表哥笑我，去到大陸都仲要買 Miss sixty。其實我想買長袖衫的，不過我隻手太長，所有衫都唔 arm ~ 本身諗住平平地買件 Juicy counter，但勁吊袖。另外，果度都有 Miss sixty 牛仔褲，details 位 ( 例同係拉鏈，鈕扣，繡線 ) 佢都抄足，問題就係個 cutting 唔 arm law ~ 而且長度都比正版 Miss sixty 短。唉 ! 牛仔褲的 cutting 好重要，我真係寧願俾千幾蚊買條真的 ( or 等佢減價 )，都唔會花幾百蚊買條假的。況且大陸果度話就話有得試，不過無 fitting room 嫁啵，佢會搵個人隨手拎起塊布係個 corner 位遮住就算 >.<” 加上冷氣又唔夠，我成身都濕 lup lup，完全無意慾去試穿。

 
睇中左條牛仔裙，黑色牛仔料，佢話實價 $ 100。表哥問我係唔係真係鐘意條裙 ar? $ 100 o 唔 ok ? 加埋其他人又圍住我，搞到我好大壓力，差 d想喊出黎。雖然我想仔細咁睇下果條裙但最後都走急急腳走左，我知道再唔走我就會當場喊出黎。
 
Babe 買左架模型飛機，由原價 $ 120 講價講到 $ 80 ! 迷彩嫁 ! babe 想買好耐 ~ 不過 hk 賣成 $ 2xx ~ 太貴了 !

 
臨走前 babe 問我仲有 d 咩野想買，我話都想買條牛仔裙 ge ~ 之後佢表哥行埋黎問我頭先做咩唔買 ~ babe 解釋俾佢聽，其實我真係唔想 babe 講個原因出黎 law ><” 因為我覺得佢表哥聽完之後會覺得我好細路仔，而且好難理解一件咁普通既事，點解我會覺得有壓力 and 唔好意思呢~
 
佢地問我仲想唔想行東門，雖然我好 appreciate 佢地問我意見，但係就搞到好似今日佢地 5 個人純粹係為左陪我一個人行街咁樣，我真係覺得好大壓力，好似俾人擺左上台咁。最後話唔去，直接係羅湖搭 MTR 去福田。上 MTR 發生件幾驚險的事，佢表哥帶路，咁我當然睇佢頭 la ~ 佢行邊我地就行邊。但佢到 last minute 先上車，個車門好快就 close ~ 表哥 and 表姊一人一邊咁強行阻止個車門關閉，我同 Kenn 就攝入去。果陣時個 gap 只容許一個人通過。我行過的時候係混亂中整損左隻手。Babe 見到我損左就錫番 ~ 之後攬住我，因為我唔想挨落車 ge 玻璃度，好污糟 ar ! 而且四圍 d人都好臭!!! 抖唔到氣 !!
 
又遇到有 bb ~今次呢個仲難搞，佢係狂喊，喊到收唔到聲，變成大嗌咁樣。成車人都怕左佢，我直情係頭痛到發顛，真係好想將佢個頭撼落地然後掐住佢條頸直到佢斷氣。Babe 見到我黑晒面都知道我好唔鐘意個 bb ~ 佢同我講話我地結左婚之後都唔會要 bb，哄番我笑 ~
 
落左車之後要行好耐先去到表哥屋企。好熱，而且個地下又濕，條牛仔褲褲腳濕晒 >.<” 要經過 d 樹底，我好唔鐘意行過樹底，因為我成日覺得會有 d 「吊絲蟲」 ( 我唔知道真正的學名係咩野，總就係好似 spyder 咁有條線咁吊落黎 ) 係樹上吊落黎。Babe 幫我遮個個 forehead，咁有 d咩野蟲都好，都會掂到隻手 instead of 我塊面 ( hopefully….)
 
終於都番到屋企，babe 幫我用 scissors 剪走濕左的褲腳 ( 因為磨爛左，所以已經 lug lug 地 )。坐左陣之後，我地就落去平台果度玩飛機 ~ 架飛機好難控制，真係需要多 d 時間練習先可以。一定唔可以一開始就係屋企玩，雖然佢體積唔大但都會撞爛 d 野。Babe 借我玩，我差 d 飛左佢落街 >.<” 好彩我臨時放手，等佢自動跌落黎。

玩完之後就去左食客家菜。沿途經過 d 樹，babe 就拖住我，幫我遮住塊面咁急步行過去。要佢地咁多個喜歡食辣野既人就我一個真係唔好意思。叫左一個銀魚仔蒸聖瓜，東坡肉，椒鹽九肚魚，排骨糯米飯，咸蝦炒通菜，梅菜扣肉。臨尾叫多個茶餅，不過我咬左一啖就無食。

食完野就跳左上 taxi ~ 個 taxi 司機玩野 law，明明話左係火車站果層落嫁嘛，無喇喇又兜左我地去最低果層。

係火車上面，babe 好快就hup著左 ~ 我地去到旺角落車，之後搭 taxi 番屋企。babe 送我送到去屋企門口，同 dad 講聲 babe 就走左 la。

番到屋企掉左條牛仔褲，唔拎去洗 la ~ 大陸實在太 dirty，我著過的衫都唔想要 ! 打開個袋的時候，發現 d foundation 漏左出黎整污糟個袋，激死我 la ! 我用水抹又整唔 lug，用落妝水抹都唔得，我試埋同洗甲水都唔 lug ><" 唉 ! 救唔番 @@

2007 年 8 月 24 日 星期五 【晴】

4 days left

2007 年 8 月 23 日 星期四 【晴】

5 days left

babe 手痕借左我個頭黎玩 ~ 幫我整左個 bob 頭 >.<"

我cut 左 3 個台，轉左用儲值卡。所以舊的電話搵我唔到嫁啦，你地快 d 問番我囉新手提，or 打俾 Queenie / Nana 問 la ! 因為我留左言俾佢地兩個，通知佢地我新的 mobile no.

2007 年 8 月 22 日 星期三 【晴】

6 days left

Lunch Juliana 請食飯 ~ haha ~ cafe Habitu 就黎變成我地 ge飯堂。
 
今日番工都好 hea ~無咩特別發生。3 點半，我切緊水果，同事突然間打黎話 chairman 想見我 !!! 我呆左，即刻放低個梨，洗完手就衝去 meet 埋個同事去見佢。去到個 secretary 同我地講，原來係 Chairman 想 send 一封 email 去俾一班人，叫我根據佢的要求去 select 果班人出黎 and send 封野出去。由頭到尾都無見過 chairman….
 
番上去自己位做野，但發現原來上次換左 hard disk 之後，以前我有的 function disable 左。所以要等 IT 既人黎搞掂部機先 ~ 等左一個鐘，佢叫我囉部機俾佢整 ( 哈哈 ! 換著係平時我部機有事 ? 坐底起碼要半日先會有人理下我 ) 5 點鬆 d整番好部機，我知道今日都整唔晒，所以就淨係整左個 list 先。聽日先 send out d email
 
好累 ~ 上到去佢屋企，食左兩舊芝麻糕。之後想搵個印仔出黎幫佢 cup 佢電話落再卡片度，不過搵左半個鐘都搵唔到。激死人 ! 所以最後都係訓覺 ~ 8 點半佢打黎問我同唔同佢表姊食飯。我好眼訓，亦都唔係太想見佢表姊住，so 推左。
 
同 Kenn 去左南記食野 ~果度雖然係坐得麻麻地，不過 d食物都 ok ge and 價錢唔貴 ~ 我叫左個魚皮餃。杯豆漿就麻麻地 la ~都係佢屋企樓下果間 ge 豆好飲 d ^^ 係果度撞到佢的同事 Leo，搞到我成餐飯都食得唔自在。我好唔鐘意有識 ge 人係度。
 
番到屋企，我同 kenn 講左我對於番大陸的 anxiety ~ 我真係好擔心，擔心到訓唔著。我知道自己本身性格係好大小姐，好「嫌尖」，怕污糟，怕臭，怕迫人，怕熱，怕 d人講野大聲，怕 d 野食唔 clean ‥‥‥本來我已經 worry 到時遇到呢 d cases 點算呢 ? 我應該俾咩野反應呢 ? 如果我又嫌三嫌四，babe 又會玩得唔開心；如果我格硬扮無野，明明唔鐘意都硬著頭皮去做果件事，到時我自己又唔開心，躲埋一邊發自己脾氣，嬲自己點解唔識得 voice my opinion，淨係識得係個心入面諗又唔敢講出黎‥‥‥
 
依家 Kenn 仲話佢表姊 and 表哥都會係度。我初頭以為係大部份時間都係我同 Kenn 兩個，夜晚先 meet up 佢表哥 and 未來表嫂。我完全無心理準備，好有可能大部份時間都同表哥，未來表嫂 and 表姊一齊。佢地係度，我更加唔可以顯得大小姐，唔想 Kenn 因為我而無面 or 好難做，亦都怕佢地會同 Kenn 講，話覺得我性格咁大小姐唔適合佢。成日係佢地面前都要扮笑，好唔自然；雖然好多時我對住其他人都係咁，但我唔怕得罪其他人，因為佢地最多都係我平輩，但係 Kenn 的 relatives 個個都大過我咁多‥‥‥雖然我不嬲都唔鐘意中國人果種咁 care 輩份既 tradition，but 我唔鐘意還唔鐘意，我知道我改變唔到這個社會的 constrings，所以我依然受這些垃圾的傳統所限制。
 
當我講左一半的時候，babe 就囉起個電話話打俾表哥通知佢我地唔去 la。我gum住佢，叫佢聽埋我講先。我講出黎並唔係想暗示想 Kenn cancel 今次的 trip，我只係想佢知道我 ge worries and concerns，睇下有冇辦法可以解決到問題。就算解決唔到，at least 俾佢知道，萬一發生左 d咩野事令到大家唔開心，其實我事前已經有為到我同佢的感受考慮過。同埋好似尋日咁，佢明明心情唔好，但因為事前應承左我陪我買衫，所以就算心情唔好都要「頂硬上」。咁同樣地，就算我幾唔想都好，我應承左佢就會去做。
 
咁 babe 就聽埋我講。講完之後，Babe 話萬大事都有佢係度，佢話會幫我打圓場，叫我唔使擔心。
 
無喇喇，佢話張被有隻黑蟻係度，嚇得我即刻踢開張被。之後佢狂係度笑，我又驚又嬲，喊左出黎。之後佢先同我講 sorry，but邊講邊笑 !!! 哼 ! 根本都唔係真心同我講 sorry ge!

2007 年 8 月 21 日 星期二 【晴】

7 days left

番到公司， d 同事捉住我睇我個頭。Keke ~ babe 吹 ge 頭真係好 cum，尋日吹完，我訓醒一覺之後都無咩點扁到，而且 d wave仲幾好睇添 !
 
放左工之後，自己做左個決定。以前這些事永遠都是交由父母安排，今次自己 make decision，結果會係點樣呢 ? 就當係測試下自己的眼光。
 
中間發生左 d 事，babe 聽完個電話之後就心情好差，一肚氣。不過佢只係黑面，都無發我脾氣。
 
搭船過尖沙咀，今次係我番黎 hk 之後第一次搭船 ar !不過因為太多人的關係，所以我地要坐下層。下層係機房，所以好臭~ 不過忍耐下 la >.<”
 
去到第一時間去 Miss sixty shopping ~ 試左 6 個 items 左右，但因為上次已經大出血了，今次唔想再 spend too much。我隔左無耐又去 Miss sixty 睇係因為之次投訴完之後，佢俾左張 $300 coupon 作為補償。
 
今次買左件黑色有少少閃令令既貼身長袖衫，膊頭有 details 位 ~ 個 Miss Sixty logo 就係一塊好細的金屬牌仔係衫腳位置。扣左 $ 300 之後再有 9 折，即最後要俾 $ 441。如果係原價我就肯定唔買嫁 la ~ 不過依家 $ 441 就 ok la。其實有條類似披肩 ge 野，灰色，好似係兔仔毛造 ge，手感好滑 ( 不過成日 lug 毛 ) ，我好鐘意 ! 不過要成 $ 1050 ~ ( 就算我有 9 折都要 $ 945 ) ，而且咁細件，真係用黎做裝飾，配搭下但沒有實際保暖的用途 ( 係加拿大黎講 )，所以都係留番筆錢用來買件實際 d ge 保暖外套。

 
係 Miss Sixty 隔離新開左間賣 d 得意野 ge shop ~ 同 babe 入去行下，睇下野咁。
 
係 Bape Jeans London ( 我係加拿大買左一件這個牌子的中國刺繡外套)，babe 試左兩件 Jeans，不過試上身之後發覺一般。Summer 貨品有 60 % off，我都睇中左件 tee，折左 $ 160 都唔使，其實好抵嫁 ! 不過我覺得我已經買左好多件 tee，加上依家轉季 d tee 都差不多要收埋 la ~ 咁我資金又唔係太充足，所以都係放棄左。
 
搭 taxi 番屋企 ~係 taxi station 遇到有人打尖，我故意好大聲咁扮晒同 babe 傾計咁話果條友仆街。之後有 taxi 黎的時候，我理得果條友，我用身位阻住佢上車。但個 taxi driver 就以為係我地打尖唔俾我地上車。之後解釋番都無野 ~
 
今日有 eggplant + 魚滑，豆角煎蛋，菜心，煎馬友魚，白切雞，合掌瓜湯。
 
食完之後，babe 掛住打 NDS，我就坐係佢隔離食 Belgium chocolate ice-cream and 餵佢食。
 
10 點半就送佢走，係屋企樓下撞到 dad。Babe 話我著得太性感 ( 因為我著左條好短 ge 運動褲 ) 落街，加上我又無帶遮，佢怕無喇喇落雨，所以叫我唔好行咁遠，我送到佢出街口就番屋企。

2007 年 8 月 20 日 星期一 【晴】

8 days left