2007 年 10 月 30 日 星期二 【晴】

番早堂 ~ 8 am !! 所以 7 點就起左身， 7 點半打去叫 babe 起身 ~ 佢好乖咁起左身 wor!!

番到去囉卷， MRK317 mid-term 有92% ~  ok la ! 應該滿足嫁 la ><"

放學番左屋企訓陣 ( 不過訓唔到‥‥唔知點解好似抖唔到氣咁 ) 有好多野要跟手尾，訓係度但個腦不斷係度諗有 d 咩野未做。打完一個電話又打另一個電話，唔交待清楚 d 野就唔放心。

2 點幾媽咪車我番學 ~ before that, 去左 Costco 果度晒相。oh ~ Costco 的 membership 過埋 10 月就 expire lu ! 不過唔會 renew la ~ 又要俾多 $ 50 up, not worth it!

放左學之後，剛剛好一個鐘。番去 Costco 囉相 ^^ ~ keke 晒左尋日係 Kenn 屋企打邊爐 ge 野，相一 set 俾自己，一 set 俾 Kenn 仲有一 set 俾佢屋企人 ^^

本身 babe 話上完堂就黎接我，點知佢細佬 drive 左架車出去，搞到 delay 左好耐 >.<" 媽咪見我咁夜都未食飯就叫我食 d 野 先 ~ 之後 Kenn 接左我去 Pizza hut 食野，我好飽‥‥但都格硬食左 3 件 Pizza!!! 其實 2 個人去食 Pizza hut 真係試唔到好多新野 ><" 唉 ! 日日都食好多野 ~ 肥死 lu ~

2007 年 10 月 29 日 星期一 【晴】

尋日打完 Wii 今日隻右手好痛 ><"

今朝原本諗住早 d 起身溫書，不過咁多晚都唔夠訓，加上 alarm 又 set 左 7 am ( 我諗住叫 babe 起身番 sassoon 果個 course ) 點知 miss 左 ~

11 點 40 分上 nutrition ~ 唉，下堂就 mid-term la，真係唔知發生緊咩野事 ><"

有 1 個鐘頭 break，of cox 用黎溫 MRK360 mid-term。其實我已經溫左好多次，不過再睇番，refresh 番 d memories !

test 左 2 個鐘 ~ 我用左大概 1 hr 40 mins ! 寫到手都軟，無心戀戰 ><" 雖然有 Annie 的 tips 但我都無信心可以囉多過 90 分。

番屋企繼續溫書‥‥‥我要爭取時間 ar! 不過唔知點解，心情好差，所以不停食野‥‥食到想嘔果種。可能成個星期都無食零食 ( 平時日日都食 ) 所以今日一次過食番晒 !

原本 babe 話黎，但最後我地都決定今日唔見面住。夜晚佢出左去同人飲 coffee；佢12 點番到屋企，打俾我傾左陣。講左 15 mins 到佢就眼訓 ~ 我忍唔住話左佢兩句，不過我都知道我唔應該「我自己做到 ge 野就 expect 人地都做到」cox 我都唔係樣樣野都做得到嘛 ~ 不過我自己就算幾眼訓都好，我都可以死撐，而且係全心全意聽 babe 講野，唔會敷衍佢 ~ but 佢就做唔到。babe 都知道我好著重「傾計」呢樣野，佢亦都有努力咁嘗試去聽，but everytime he just fells asleep‥‥‥或者我講野真係悶呱。。‧‧

如果你明知道你只可以擁有一樣野一段時間，你會更加珍惜還是選擇唔再投放咁多心血落去 ?

2007 年 10 月 28 日 星期日 【晴】

起身，等 babe get ready 就車我番屋企先。

係屋企溫左陣書，做maths online lab 7。做左 2 次都囉唔到滿分 ><"

沖個涼，大概 6 pm babe 黎接我去佢屋企打邊爐。

好豐富 ar ! 有 crab, mussle, shirm, 2 kind of vegi ( 不過我 2 種都唔食，因為苦的 ) , 3 種丸, 牛 and 羊肉 ( 不過唔夠肥，無咁好食 ), corn, 白蘿蔔, 石班 ( 打邊爐我唔鐘意食魚，因為好腥 ) 食左好多 crab and mussle。babe 好細心咁俾張 paper towel 俾我抹手 ^^

最 impressive 係 babe 好細心，唔使我提，佢都特登提佢媽咪叫佢為我準備一 bo 清湯 ( 因為我少少辣 / 沙茶醬 / 咖哩 都唔食 ge ~ )

佢地開左支 ice wine 飲 ~ 好好味 ar ! 不過 babe 無飲到，因為佢唔鐘意甜野 ~

食飽飽之後打 wii ~ 玩 Tennis 不過我輸晒 ><" 之後打 bowling 就好 d，第 2 局打到有 182 ^^ 有 turkey ! win 左 babe !

babe 比平時早左車我番屋企，因為我聽日有 mid-term ~ babe 聽日要早起身上 course ! on the way home 的時候，我地都 agree，呢個 trip 最開心的日子已經過左，因為之後會少 d 見面 ( babe 要連續上 5 日sassoon course ，而我又要應付 mid-term ) 同埋大家的心情都知道 babe 將會走‥‥‥同埋，babe 都知道，我唔係時時都開心，佢知我好多時都係扮個開心樣俾佢睇‥‥‥

2007 年 10 月 27 日 星期六 【晴】

一朝早去左 Party club 買 costume。去到勁多人‥‥‥我睇黎睇去都睇唔中，本身諗住買件日本和服，不過好短身露晒大脾的，不過覺得唔化算，一件咁普通 ge 野就賣成 39.99 仲未計 tax bor! 還掂都係著一兩次，其求買左件 cheap cheap 地的謢士衫就算 ( 計埋 tax CAD $ 34.19 )。babe 好慘，睇唔 arm ，因為男裝好多都係 one size，大件到勁 terrible ~ 由於 babe 趕住做客 ( 2:30 pm )，我地又未食野，所以去左 Timmys 食 d 野。

本身個 plan 係話送左我番屋企先，等我可以溫書，佢就去做 2 個客。但太趕的關係，又唔想個客等，所以迫於無奈我同佢講話唔使車我番屋企 la 。佢本身話 2 個客 take about 1 hr 45 mins 點知一做就做左 3 個 hrs 多 d ( 又唔可以怪晒佢 ge，因為第 1 個客準時，but 第 2 個客遲左黎。加上呢 2 個客已經識左 6 年，所以好多野傾‥‥‥

我坐係度玩 NDS，玩完 NDS 又睇 magazine，研究下人地點化妝。但係個心依然係好擔心溫唔切書‥‥‥跟本就無心機，之後坐到好躁底，直情想打俾媽咪叫佢車我走 ( 果陣時5 點半)。行左出去抖下氣，雖然好凍，但好過係 salon 入面。最後 babe 6 點先走得 ~ 我覺得好辛苦，因為係 salon 入面又唔可以黑面，成日都要笑住咁。 d 人同我講野我又要應酬人地，要俾面 babe 嘛 ~ 我今次終於忍唔住要發佢脾氣 ( 雖然我知道係我叫佢唔使車我番屋企費事佢遲到 ) ，但我又知道自己唔應該發佢脾氣 ( 因為佢都控制唔到 ) 所以我黑晒面咁係度喊‥‥‥佢好努力咁 tum 我但我真係好嬲，我唔想再要迫自己扮笑 ! 直至佢車我番屋企，佢自己一個人再去睇 costume。

番到屋企食左件 pizza and chocolate，但明知道今晚要去 party，跟本專心唔到去溫書。

babe 係南園買左外賣黎我屋企食，我係度溫書佢就係我隔離打 NDS。佢已經好細心咁用 headset 唔嘈住我，但係 d "dok dok" 聲 ( 支筆 dok 落個 touch screen 度 ge 聲 ) 令到我好炆 ( 我要 absoutly 靜，好怕有其他聲 )。忍左好耐，最後放棄唔溫，洗個面準備化妝。

我好唔鐘意 2 個人係埋同一個空間入面但完全無交流 ( thats y I hate NDS so much! ) 其實好唔鐘意佢咁大個人，都玩埋晒 d 咁無聊 ge 野 ( 我覺得 NDS 真係好無聊好悶，或者我真係麻麻地打機呱 ~ but i shouldnt "projection" ge )

我發脾氣佢先肯放低部機，坐係我後面陪我化妝。好鐘意 babe 睇住我化妝，俾 d 意見我 ~ 好鐘意化一化又擰去後面叫佢睇下對唔對稱 ^^ 其實自己都睇到對唔對稱，只不過鐘意大家有交流 d !

對眼化夠都唔對稱 ! 激死人 !

化好晒妝，babe 就開始佢的 make over ~ 佢買左個金色爆炸頭 + oversize 眼鏡 and bo tie ! haha ~ so so so funny and 浮誇 ! 出門口前影左 d 相 ~

係新旺角果度參加一個 private party ~ 係車等埋 Peter 先入去。等緊的時候，babe 話睇慣左我唔化妝的相，所以就算我化左妝佢都好似可以「透視」咁睇到我唔化妝的 bb 樣 ~ 唔知點解，聽完佢咁講果刻覺得好 sweet ^^

個 party 好細but 都 ok 多人 ( 其實人唔算太多，只係細 ~ haha )。但係 d 人好唔玩得，我直情覺得好悶‥‥‥都係 HK 好玩好多，d 人識得搞氣氛 ! 不過都好 ge，d 人一 d 都唔寸咀，haha 搞到我好似好粗魯咁 ~ 其實出黎玩就係咁講野 ga la ><" 最唔妥 ge 就係 entrence fee $ 35 ( 女 ) $ 40 ( 男 ) but 3 am 未夠就開燈趕客‥‥‥係 HK 從來都唔會咁嫁 law，大家鐘意幾點走就幾點嫁嘛 @@ 走的時候真係一 d 醉意都無，妖 ! 都唔好玩 ge !

2007 年 10 月 26 日 星期五 【晴】

大名： beams boy
電郵： [email protected]
說： haha 我好耐冇留過言喇!!你同細個一樣樣咁濟!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

哈哈，好多人都係咁講！我都覺得自己變化唔算太大～

_______________________________________________________________________________________________________________

約左 3 pm babe 黎我屋企接媽咪，細佬同我。babe 遲左少少黎 ~ babe 好叻咁樣可以將 Peter 架 stick ge Mazda 3 drive 得好穩 ~ 平時坐 Peter 車，成日都一扯就扯左出去，but babe drive 得好好 ^^ 因為babe知道我媽咪唔鐘意快嘛 ^^

去左 First Marhkam Place ~ 我同細佬係 foodcourt 等，媽咪剪先 ~ 同 Annie and Thomas say 個 hi，咁 arm babe 又行左出黎 foodcourt，咁就見到面。之後買左個 Poutine 俾細佬，我同佢坐低係度食。我就係度溫 MRK360 ~ 星期一 mid-term la!!

之後輪到細佬剪 ~ 剪完 5 點 40 分左右。今次我幫媽咪 and 細佬俾錢。人大左，有時都想照顧下屋企人。babe 借 Peter 架車，送左媽咪 and 細佬番屋企 ~ 我地就又番番去 First Markham Place 還番架車俾 Peter。

係 First Markham Place 悶左好耐，都無野好行 ge ~ 因為 babe 唔覺意整污糟我個袋我又發脾氣 ( 我不嬲都好錫我 ge 所有物品 )‥‥‥悶左成日，對眼又累嘛。。‧‧不過好彩 babe 無嬲我。

無車真係勁麻煩 ! 等到 8 點幾，Kenn 個 fd Daniel 黎車我地去 Kenn 屋企，等佢囉車再一齊去 TEN23 食 buffet ! 加拿大真係度度都 buffet，想食死人咩 ><" 不過雖然係 buffet 但 d 野食都 ok ~ 唔係粗製濫造果 d ^^ 食飽飽之後就去 babe 屋企坐左陣，之後 babe 再送我番我屋企。

2007 年 10 月 25 日 星期四 【晴】

一朝早 8 am 起身，沖涼洗頭化左對眼；準備 9 :30 am 學車

今日學埋最後要學 ge head-in & back-in parking! 表面上好似係 head-in 易 d，但原來試過之後，發覺 back-in 係易 d 嫁 !

不過今日犯的最大錯誤就係我轉左的時候，一轉就轉左去最出面果條 lane‥‥如果係 test 的時候我咁做，已經唔使問就即刻 fail ><"

我親自 drive 自己去 babe 屋企 ~ 好有成功感 ar ^^ 雖然天氣好凍，but babe 都係門口等我 ^^

去左新城市茶餐廳食野，邊食邊等 Peter。行左新旺角，救命 ! 成個死城咁樣 ><" babe 話仲差過深圳‥‥‥

Peter drop 低我番 babe 屋企溫書，babe 就自己一個人出左去整 d 野。溫 MRK360 ( 星期一有 Mid-term ) 寫左一個chp 的 notes 已經好頭痛‥‥喊喊喊，喊左一大輪之後已經無咩時間剩。babe 番黎，陪我去 timmys 飲 coffee，食 doughnut ( 我除左今朝有食野之外，我的 lunch 就係 5pm 的 doughnut ><" )‥‥溫多 2 個 chp。我溫書的時候 babe 就同佢細佬打 NDS ><"

之後去左 Warden & Hwy 7 一間新開的 salon 剪頭髮 ~ 果度靚過 First Markham Place 入面任何一間 salon ^^

 我終於見番對眼 la ^^

 styling 下先 ^^

 done !! ( 只有化眼妝的我 >< )

跟住 babe 俾左個 surprise我，佢提議去 mid-town 一間叫左 Grazie 的意大利野果度食 dinner ! park 低左架車之後要行幾步路去，由於天氣好凍，所以babe好壯咁除左佢件外套俾我 lou 住 ~ so sweet !

 我鐘意食麵包的時候 dip 少少 oliver oil ^^

 好新鮮 ! 香港係食唔到嫁 ! 

 用呢種杯裝 red wine 好奇怪 wor?!

 my main dish ~ blue cheese ! 勁「漏」同埋有 d salty，但都好好味

 babe 的 main-dish，d tomato 味真係無得頂 ! 好正 ! 不過有少少辣。

食完野之後拍住拖係 shopperdrug mart 果度行左陣，之後行去囉車。食得勁飽，所以行多幾個圈當散步。

發生左件令大家都唔開心 ge 事 ( 唔係我或者佢做錯野‥‥) but 令到本身好 hyper 的 mood 一掃而空。。‧‧係番屋企的途中，全程大家都無咩野講 ><"

番到 babe 屋企 tum 左佢好耐‥‥最終我幫佢解決左件事。唉，算數 la，當買個教訓。如果我可以損失少少但幫到佢解決問題，令佢唔再煩惱，我真係唔介意幫佢。因為幫佢的同時亦都等於幫左自己‥‥佢唔開心我亦都唔好過 !

2007 年 10 月 24 日 星期三 【晴】

朝早 babe 10 : 45 打黎叫醒我 ( 其實我已經醒左)。

我打俾 prof. confirm d 野，之後通知 Annie and 麻煩佢幫我通知埋其他 groupmates。唉 ~ 我都想可以放假，但係我真係好多野要做‥‥‥

沖完涼之後好興趣咁襯衫‥‥11 : 45 babe 打黎話就快到。點知‥‥‥等到 1 pm 都未見人。期間我完全無野做，想開電腦做功課又驚 babe 無啦啦黎到要即刻熜機。結果浪費左成個鐘。Anyways，佢黎到都有同我講 sorry。唉 ! 嬲就係嬲嫁喇 ~ 因為本身話 lunch 同佢屋企人飲茶，所以我咩野都無食到 ( 淨係飲左 2 杯水 )

去左 First markham place ，本身諗住出電話卡，點知一問之下，未見官先打五十大板 ( 又要開台費又要 xxxx ) 所以我借左我張卡俾佢用就算。之後同佢之前個老細企左係出面傾下計，點知無喇喇有隻 bee 飛左埋黎我條 scarf 果度。我第一下唔敢叫出聲，嘗試 dun 走佢，點知都係唔走，驚到我大叫。babe 見到就幫我拍走佢 ~ 我嚇到 bok 左係佢膊頭果度喊 ><" 失禮死人了 ! 佢前老細係度笑我 >..<" 我都唔想令到 babe 咁無面的，不過‥‥我真係太驚 ! 我已經 try to control my fear and 冷靜 d。。‧‧

babe 知道我未食野，所以就去左 starbucks 買左個 vanllia coffee + mashmallow crispy ^^

一路食一路去佢屋企，接埋 uncle 就去整 health card。我有 d 唔知講咩野好，加上好頭痛，所以成程我都無咩點出聲。

整完 health card，就番 babe 屋企。佢係屋企幫屋企人剪頭髮，我就坐埋一邊玩 NDS and Wii。玩到無野好玩，個人好累 ( 其實我真係麻麻地打機，打唔夠1 個鐘就覺得悶，無論幾好玩 ge game 都係‥‥ )

6 點幾，babe 幫我輕輕用 torns set 左頭就係就出街 ~ 去左十八番食野。上年剛剛黎加拿大的時候，覺得十八番好難食。不過今次又 ok 啵 ~ 多謝 uncle 請我地食野 ^^

食完野去左 Markville 果度行左陣，去 petshop 睇狗狗，再係 Walmart 行左陣。由於 babe 好累，所以番屋企訓左陣。我訓左 15 mins 之後就訓唔到，咁訓係佢身邊，同佢講野 ( may be 佢聽到 d ge ) 有好多野都好想同佢講，但就算佢訓左都好，我都就住黎講。。‧‧唉，有苦自己知。訓醒就車番我番屋企 ~ 番到屋企都 2 am 了‥‥‥

明天還要學車 ><" 希望唔會因為無精神所以撞 la ......

2007 年 10 月 23 日 星期二 【晴】

Babe 番黎加拿大二個星期 ! 尋晚緊張到 4am先訓到。

原來 7 pm  Peter 經過我屋企接左我再去機場，but 因為班機 delay ( babe 4 點幾係 NY 等轉機的時候打漫遊話俾我聽 ) 最後 8 點幾先去 ~ 真係麻煩晒佢 ! 1000000000 thx to Peter !

9 : 08 pm 到左機場，由於 babe 無加拿大的電話卡，所以我 call 唔到佢。我落左車係機場四圍搵佢又搵唔到佢，打俾佢又飛左去留言信箱‥‥‥我勁蠢，我係 departure 果度行左一整層先知道自己行錯地方。跑落下面 arrivel 果度搵，我又唔識得睇果個 board 上面寫 ge 野‥‥‥結果心急到出晒冷汗，好無助。我個 Nokia E65又無喇喇自動熜機 ( 永遠係你最需要果樣野的時候，佢就會出錯 ) 最終都搵到 babe ~ 見到 babe 個累累樣真係心痛死。

攬住左一陣先帶 babe 上番去搵 Peter 架車。第一站去左佢屋企先，等佢放低 d 野沖埋涼就去食飯。聯記裝修過，變晒樣，babe 話唔鐘意所以去左第 2 度。最後決定去 go for tea。哈哈 ! babe 好唔慣這裡的人做事慢，又十問九唔應，落錯單都仲要完全無講 sorry 的意欲仲要收 10% service charge ><"

食完野就遊車河 ~ babe 剛剛落機，都 drive 得好好，仲要係 stick 添 ! 唉 ~ 我有佢半成功力都好 la ~係佢屋企坐陣，之後再遊車河，去左 24/7 的 Domanions 行左陣就車我番屋企。

沖完涼，整得黎都 4 am 了‥‥‥累

<<不能說的秘密>> Jay 的 secret ( Trial )

鄧麗欣 - 電燈膽 trial

2007 年 10 月 22 日 星期一 【晴】

sigh ! 我被學校害慘了 !

先前係 admin office 果度話俾我聽，我讀 NAT150 同埋 NAT160 有衝突，兩科只會計一科 ( 詳情請參閱上個星期一的 entry ) 咁好 la，我雖然勁唔順氣，但都要死死地氣咁 drop 左 NAT160。我寫左 complaint letter 去學校，叫佢下個 sem 唔好諗住屈多我 $ 200。點知，今朝早收到 Email，佢話我其實唔需要 drop NAT160，仲話跟本無這條 rules ~ 我 x ! 我係 admin 果度聽番黎，之後親自去搵 student advisior confirm，條友仲要拎本字典咁厚 ge 野係其中一頁搵左蚊滋咁細隻字寫住話唔可以讀同一個 category。依家打去同 General education officer 竟然同我講，最後答案係無問題 ge ~ 結果我就 miss 左上個 week 3 堂 NAT160 同埋依家都未知道 mid-term 會考 d 咩同埋 assignment 要做 d 咩 ! 真係無人會明我依家有幾火滾 ! 我 x 交叉 y 佢老 x !

2007 年 10 月 21 日 星期日 【晴】

babe 介紹左一隻幾好玩的 NDS game 俾我 ~ photohunt!! 個 code 係 #0305 ~ 好似係右腦之達人果種 game ~ 尋日玩左 1 個鐘 ( 哈哈，我好少打機會打咁耐，因為通常我打一陣就覺得悶 )

4pm 終於 print 左份 Brochure 出黎，haha 我勁 cheap ~ 我將 2 個 page back-to-back 咁 stick together ，再摺兩摺就算 ><"

依家每日完成一個 task，夜晚就開新一個 task，做一半又留番第二朝先做。希望咁樣可以 productive d，等 babe 過黎的時候，我唔會有咁多野要做搞到陪唔到佢 la !

研究緊到底 Chanel 的 mascara 好用 d 定係 HR 好 d

相入面的左邊係 HR，右邊係 Chanel

 HR

 Chanel

5 : 40 pm Annie 放左工好累都仲要來我家接我去佢屋企。去到同 d 貓貓玩左陣 ~ 芋頭 ( 金色果隻 ) 真係會出爪呢 ! 好危險 ~ 所以我今日好醒咁著左長褲，同埋抱佢的時候會離開塊面，費事俾佢搞到我毀容 >.<"

食左 Annie 男朋友 - Thomas 整的 ribs ~ 勁好食 ar ! 我食左唔知 4 or 5 舊 ~ 飽死左 ! 之後打 Wii，首先打嘉年華遊戲，再打「射擊」, 「釣魚」等等；玩測試腦力果個最累，之後開始個人鈍鈍地 >.<" 臨走前同佢地傾左陣計 ~ then  go home !  打搞晒佢地真係唔好意思 le ‥‥‥

some crazy photos: