2003 年 2 月 3 日 星期一 【晴】

今日一早就番左去排ｄｒａｍａ，教我地果個導師都幾搞笑，一開始自我介紹完就玩”貓捉老鼠”，範圍仲要由成個ｈａｌｌ縮到得番個羽毛球場，真係走到氣都無呀！之後又一齊睇份新劇本，應該話係第二版，成個故仔ｍａｋｅ　ｓｅｎｓｅ好多，劇情就由之前既＜戀愛行星＞變左而家既＜星願＞，阿稨劇又真係認係又多少抄既成分，講黎講去我都係要死既．．．．

唉，講完一大輪，就開始揀角，哈哈，結果阿ｄａｎ要做醫生，話佢戴番副眼鏡既斯文樣就ｆｉｔ做醫生喎！阿ｙａｎ就做女配角，係奸角黎架，全套劇佢總之殺我三次，仲要做到好陰險咁添呀！跟住又話要做ｍａｔｃｈｉｎｇ，叫我同蘇佳企埋一齊，再叫阿ｙａｎ企埋黎，望住佢地成幾分鐘又唔出聲，笑到我地死！有個Ｆ.４就晌度笑我同蘇佳個名，話一個地夾埋可以叫”芝麻街”喎！哈哈，話華點都未有劇名，就叫”芝麻街”喎．．．．．．玩死！

不過真係估唔到原來做套劇要咁多野架！幕前幕後都要做好多野，今日凈係排左兩場戲已經頭暈喇，每一個動作神態個導師到好ｃａｒｅ，就算無對白都要我地有戲，但係就真係學左好多野，做戲原來有乜ｄｉｓｃｏｖｅｒｙ　ｐｏｉｎｔ，又ｒｅｇｉｓｔｅｒ　ｐｏｉｎｔ，又成場戲要代入主角點諗，仲成日問我ｓｕｐｅｒ　ｏｂｊｅｃｔｉｖｅ係乜，實在我果場就係得”你點呀，你無事丫嘛，你留左好多血呀！”一句對白，叫我點答好佢喎？？下個再下個禮拜三就比賽ｌｕ，都幾難排得切喇！聽日又黎喇，但係聽日個導師又唔黎，無佢帶住睇怕都幾難入到戲ｌｕ～～～～

嘻嘻，最開心應該係～～～～
聽日就入ｃａｍｐ喇，希望我唔好醉，ｗａｎｄａ同阿權得一個ｑｕｏｔａ咋，是但一個醉好喇，唔係既話其他無醉果ｄ人實行有得震無得訓啦！平平睇怕都唔會掛，阿真真就難講喇，
阿賢怕唔會既．．．．．不過會都唔奇架，上次你飲原成面通紅嘛！松鼠呀，你話要睇住我架嘛，你咪飲得太勁喇！！！

～ＣＡＭＰ　ＣＯＵＮＴＤＯＷＮ：仲　有　１　日　咋！～
～～～ＴＯ　ＢＥ　ＣＯＮＴＩＮＵＥＤ～～～

>>February 4, 2003 at 2:10:20 PM GMT+8

2003 年 2 月 2 日 星期日 【陰】

呢幾日都係去拜下年，抖下利是咁啦，基本上年年都係一樣既，做既野，去既地方來來去去又係果幾個親戚度，抖來抖去都係差唔多咁多利是，年年都係咁，真係想去避年算喇！恭喜既說話我又唔多講既，事非得已先講兩句，凈係晌度食人地全盒入邊ｄ好野囉！佢地講埋ｄ話題我又唔方便加意見，大人講野細路邊得插嘴架！正所謂：講多錯多，唔講就唔錯啦！ｄ利是錢又係，年年都係幾拾蚊上落，何況呢排又無乜想買住，又無乜地方好去，所以都無乜興奮感覺ｌｕ！就係咁，羊年又俾我ｏ徒左幾日既時光喇，真係～～歲暮陰陽催短景～～

頭先ｄ舊同學話約埋成班５Ｄ人５號去打邊爐喎，唉．．．．可惜果日正正就係我地入ｃａｍｐ既大日子，如果食完先入梅窩又會好夜下，又會俾人剷，最後唯有唔去啦！無計啦，可能你地又要一排先見到我呢個好日都唔番黎行下既懶骨頭喇！大家有心約出黎真係算好好，證明我地５Ｄ既團結力量無因為唔見得耐而無左嘛！朋友就係咁架喇，有ｄ唔見一排就會有種無形既隔膜，有ｄ生疏，無乜好傾，但有ｄ就只會在心中，雖然平日唔係好見，不過見番就會同以前一樣，總係有ｄ講唔完既話題，就知道原來大家忍幾掛住大家喇！溢晒於言表啦！

間屋好靜好靜，應該話呢排都好靜，好掛住ｗａｎｄａ把聲添！不過有時一個人都可以好精彩，靜靜地睇下書，聽下歌，諗下野都唔錯既，起碼個人唔駛咁燥嘛！愛上不說話既日子，但又害怕沉悶既氣氛．．．．．．．

～ＣＡＭＰ　ＣＯＵＮＴＤＯＷＮ：仲　有　２　日　咋！～
～～～ＴＯ　ＢＥ　ＣＯＮＴＩＮＵＥＤ～～～

>>February 3, 2003 at 12:04:25 PM GMT+8

2003 年 2 月 2 日 星期日 【晴】



>>February 3, 2003 at 11:13:33 AM GMT+8

2003 年 1 月 31 日 星期五 【陰】

又有好幾日無同大家見面喇！俾同同講中左添～～～日記變周記囉！係啦，除左買下旗仔之外，果日都可算係我第一次做義工，做得都幾開心，當我地仲擔心緊點分組既時候，哈哈．．．．已經可以鬆口氣ｌｕ，因為充松鼠同老公仔阿賢一組囉！果個阿ｓｉｒ又勁木獨，其實乜都要自己搞掂，最搞笑應該係松鼠同老公仔一齊洗屎渠咯！松鼠洗完下面，阿賢就洗上面，仲邊洗邊唱歌仔添，阿ｓｉｒ就話我地做得好開心咁，我心諗係苦中作樂姐，但講就當然話係自得其樂啦！我就將ｄ玻璃窗洗到立立令，咁大個女第一次洗窗架咋!不過希望自己老左唔駛做獨居老人咁慘啦！！

知道左好多唔同既分數，好多唔同既低分數，一向視分數為數字遊戲既我，今次都有些按奈不住，好”抆”自己，原本都無野既，點知一見到呀真真咁ｄｏｗｎ我個心就忐忑不安，唉．．．．要大家擔心我真係唔好意思．．．．．其實我好睇得開架，但係見到阿真咁樣，我就唉．．．．．囉！我真係唔想下次又要自怨自哎呀，要努力ｄ喇！

同同黎搵我食飯好開心呀！不過知道你四月就飛又好唔開心添～～～仲諗住可以同你慶祝埋生日先架嘛，＜好擔心你送唔切份ｂｉｒｔｈｄａｙ　ｐｒｅｓｅｎｔ俾我添＞應承你呀，四月之前一定去你學校搵你食番次飯喇，見下你ｄ老婆仔嘛！

有晚去左黃雁平個年宵檔到玩下，仲幫佢ｓｅｌｌ左幾對天使翼添呀！同凱凱勁ｔｕｍ小妹妹，玩得都幾開心呀，玩到１１點幾，之後果朝仲要晨咁早爬起身去左蒲苔島，唉，阿凱竟然唔知醒囉，得番我同真真兩個女仔咋！但係凱凱同松鼠唔去似乎都係明智之舉，前一晚又唔夠訓，個人都無乜力，暈暈下船浪咁，仲要行山，累得不得了！好彩途中有隻狗仔加入我地既戰團，勁搞叫笑架佢，我地俾好多野佢食，佢又幫我地打破悶氣，不過佢最終都離我地而去呀～～～～去到有個海邊位，果度真係好靚好靚好舒服，我又好鐘意海，所以都唔想走！聽住ｄ海浪聲，乜唔開心都唔記得晒ｌｕ！唉．．．．．我又因為我心入邊同身邊果幾隻魔鬼，最終無去補習，好衰添！諗住買之前睇中既風褸，點知得番一千寧一件，ｓｉｚｅ又唔多得～～～唉，又買唔到我要買既野喇，點解會咁架？？？應承自己以後睇中野要即刻買，三心兩意加心大心細既結果係一無所有囉！！！好好好黑仔呀．．．．．

今個禮拜終於做左個決定喇，一個諗左好耐，遲遲都決定唔到既野，而家就好似如釋重負咁，皆因最痛苦最難既永遠都係要做決定既時候！呢排個人成日精神緊張，成一無端端少少野就勁”抆”，又乜都可以諗一餐，可以諗到好複雜好壞，跟住又會諗ｄ野安慰番自己，好似諗左，但哈哈笑既背後其實個問題依然存在，根本無解決，就係咁ｄ野越黎越多唉．．．．”坅”得住固然好～～～咁好彩ｓｏ　ｆａｒ都未有野要人幫，仲頂得住嗟！呢ｄ野都係留番俾自己煩好過喇！！ＥＱ創新低呀．．．．．．．唔要呀！！

係喇，希望羊年樣樣都有番新氣象，大家少ｄ野煩多ｄ野笑啦！
哈哈，距離個ｃａｍｐ仲有最後４日咋！會係點呢？可惜唔可以同你地一齊入ｃａｍｐ啦！
ｗａｎｄａ快ｄ番黎啦，好掛住你呀，無你同我吹水同唱歌好悶呀！

～～ｔｏ　ｂｅ　ｃｏｎｔｉｎｕｅｄ～～

>>February 1, 2003 at 5:50:39 PM GMT+8

2003 年 1 月 23 日 星期四 【晴】

琴日約左某ｄ人１２：３０係旺角，但ｄ人１２：２０先係”大埔”出門口，所為何事？？之唔係睇電視囉！我已經同某ｄ人講過我點驚佢遲到法架啦，但係某ｄ人就一於意見接受，態度照舊，講到係威係勢咁話一定唔遲，到頭來咪又一鬼樣遲大到！唉．．．．．．夾埋晒你恐怕遲左３個鐘９個字喇，大帝！放心好喇你，我遲早會要你還番晒ｄ鐘數俾我，一次過要你還你就死俾我睇！！嘩，等到咁既我都算勁有耐性，仲要係等男仔，真係前無古人，後無來者囉．．．．．

跟住就同阿賢，阿真同阿某ｄ權去踩冰，好好玩呀！阿真一開波就示範下乜野叫做跌，仲要係利用左人體既力學原理，以其最能承受撞擊力既大躉落冰面，真係做得好”逼真”囉！真既一樣呀！仲要驚死蝕本咁，坐落冰面三次之多，見你就勁搞笑喇，又知你痛到死但痛晌ｄ勁尷尬位置又無計，哈哈．．．．都好呀，你今日唔駛為左咁而番唔到學嘛，不過我都知有下係阿權晌無自知之明既情況下拉你行先會無啦啦ｄｕｎ親架姐！下次真係要離開佢三丈遠先得喇，
佢ｄ咁既凈踩唔溜既踩冰技術確實幾嚇人！！都係阿臣又貝至威啦．．．．．晌冰場到飛黎飛去喎！哈哈，見到果ｄ　ＭＫ人噠低就笑不攏嘴，仲即刻要扣佢兩分囉！放心啦阿賢，雖然你剷冰跌左好幾次，搞到得番負分，不過俾你拉住溜緊時個ｆｅｅｌ真係好正架，真係好似飛一樣囉，又唔駛自己用力溜喎，而且你咁勁勁呀，咁我就好放心，因為我知你實唔會俾我跌既．．．．．ｍｍｍ．．．．．你拖我果個圈都值３分架！喂，咁你依家咪有成９分囉！哈哈．．．．

係呀，不得不提既係要俾個最佳男主角阿權囉！琴日無啦啦搞到要見家長咁款，要你同我阿媽同阿姨食飯添！你確實係第一個男仔以咁樣同檯食飯既陣容見我阿媽仲要傾左咁耐計架咯．．．．．不過你又係勁喎犀利喎，成個鐘都可以忍住唔講衰野喎，簡直嚇一跳啦，幾驚你講錯野呀，你知啦，咁我就有排煩ｌｕ！但係你既演技就直頭拍得住影帝級人馬呀啦！！！

唉．．．．．點解我地今次個ｃａｍｐ總係一波三折既？？？呢頭阿凱凱又唔去得，阿旦同阿蘇又話唔去，難得夾掂條尾數，果頭凈係話叫邊個去都有小小拗撬！轉頭諗住ｌｕｎｃｈ齊人可以大家坐埋傾下呢ｄ問題，一班人，有乜唔可以開心見誠講喎，點知今日唔知做乜，個個勁好火，平心靜氣講唔得咩？？？係都要頂撞黎頂撞去既，又唔係好”老皮”過人，三句唔埋兩句就講埋晒ｄ悔氣說話，再唔係就唔講添！唉．．．．．去ｃａｍｐ係應該開心架嘛！都無謂再追究之前ｄ野啦，諗下點先玩得盡慶而回好過啦！唉．．．．講乜呀，今日無端端阿ｙａｎ黎同我講話佢又想做女主角，話想ｃａｓｔｉｎｇ，但我睇過ｄ綵排時間，同我地個ｃａｍｐ撞晒期囉，唉．．．但係宜家又唔一定係我做女主角，點同阿ｓｉｒ講話我唔得閒姐，亦無可能人成村就我一個架！當初都係阿賴ｓｉｒ搵我咪玩下囉，況且我又無經驗，都無乜信心做得好既，佢宜家先話做．．．．真係玩死，一早出聲咪無是是非非囉！家下讓角又好似唔係太好，一黎阿ｓｉｒ方面，我真係唔想敷衍塞責，二黎ｄ同學又．．．．．．松鼠呀，我又點會唔想去個ｃａｍｐ呢！但係．．．．．唉，在心中啦！星期一ｃａｓｔｉｎｇ完睇下點先算啦，我都唔想搞成咁架．．．＞ˍ＜

Ｔｈａｎｋｙｏｕ呀同同．．．哈哈，我遲ｄ打俾你約你啦！無計啦，要趁呢幾個月見多ｄ你喇，如果唔係你到時俾ｄ鬼妹圍住既時候就唔記得我ｌｕ！！你知你實施展你Ｈａｒｒｙ　Ｐｏｔｔｅｒ既本色架嘛！可？

聽日要去做義工添．．．．唔知會係點呢？？
ＴｏＢｅＣｏｎｔｉｕｅｄ．．．．．．

>>January 24, 2003 at 3:53:17 PM GMT+8

2003 年 1 月 19 日 星期日 【晴】

今日係我既最好最好既好姊妹生日呀!!! HAPPY BIRTHDAY呀!
哈哈，你一定估唔到我會打俾你啦，我之所以唔搭正１２：００ａｍ打俾你都係廢事同阿”邊個”撞時間咋！你知啦，家下你有異性無人性架嘛．．．．．唉．．．．你自己都要Ｔａｋｅ　Ｃａｒｅ架，希望快ｄ可以再見你啦．．．．

呢幾日都係晌我的家度”藕”囉，勁頹廢呀，點解會咁架？？？唉．．．．無計啦，我一出街就一定刺激經濟既！每次去街我都總會見到ｄ我好鍾意既野，然後就會想擁有佢，於是就出錢出力咁拎番我的家喇．．．．．見到ｄ勁鍾意但又知無可能擁有既時候，就好似果個Ｖ．ＷＥＳＴＷＯＯＤ袋一樣，唉．．．．個ｐａｔｔｅｒｎ又靚，隻隻色都勁靚架，每次見人拎，我既視線都不其然跟住個袋走．．．．不過ｗｅｓｔｗｏｏｄ的野又邊係我呢ｄ普通學生妹ａｆｆｏｒｄ到架，唉．．．唯有買住個Ｐｕｍａ袋頂住條癮先啦！！！要留番ｄ錢去ｃａｍｐ果時”書”落麻雀抬到嘛！不過我呢ｄ咁鍾意ｓｈｏｐｐｉｎｇ既人又點會靜落黎呀！遲ｄ要去發揮我下天生購物狂既本色，如果我有既係錢錢錢同錢既話．．．．．

唉．．．．．．今日去剪頭髮，一心諗住修下架姐，點知個髮型師剪得勁興奮囉！平時我對佢都幾有信心架嘛，不嬲都剪得好地地架．．．．唉．．．呢次實有排俾人笑啦！尢其阿邊個邊個啦，一定笑呵呵啦！！點算呀，真係無乜事都唔想落街獻世囉！死得啦今次．．．＞ˍ＜
好強勁超級爆頂癮呀！！！麻煩大家笑既時候笑得細聲ｄ呀，麻煩晒！

下次再寫喇！
Ｔｏ　ｂＥ　ＣｏＮｔＩｎＵｅＤ．．．．．．．．

>>January 20, 2003 at 6:06:49 PM GMT+8

2003 年 1 月 17 日 星期五 【晴】

係咪等睇我既日記等左好耐呢???
宜家咪寫番囉，皆因之前要考試嘛，咁咪按奈住唔玩電腦囉!　宜家甩難喇，但就科科都死晒，唉..........一日都係衰在自己懶啦，雖然考試期間日日去自修室，不過都無盡力溫過書，科科得過且過! 可能cert之後太耐無考過試， 個人一ｄ考試ｍｏｏｄ都無，唉......點解會咁架? 但呢半個月發生既野都既得意，講下俾大家聽啦!

先有去北葵既幾個鐘，果到ｄ人都幾八下，一有人入黎就超超下，望人多過望書! 有次星期六就同阿權去保安道果個啦， 但就因為某ｄ人遲大大大到所以無位囉，見到幾個唔太熟既ｆｒｉｅｎｄ， 又無同我打招呼，轉頭就打俾ｄ　ｆｒｉｅｎｄ話見到我同個男仔一齊， ｄ　ｆｒｉｅｎｄ一收風就打俾我問我個男仔係邊個!唔係下化，哪，同同， 你果日見過佢喇，唉～～～見到佢就知佢唔係啦，你都會覺得我無咁ｂａｄ　ｔａｓｔｅ啦!　之後就上左松鼠度溫，又叫埋Ｄａ Ｄａ上黎，溫唔到兩分鐘Ｄａ Ｄａ同賤權就大打出手，激戰連場，打到訓晒地，松鼠就不停叫佢地唔好玩囉，但佢地一於少理繼續打，笑死我喇! 打完見肚餓松鼠又煮麵俾我地食，個媽子一樣!　但隨之要擔心既係去ｃａｍｐ果陣場面將會嚴重失控．．．．

喂，同同你上黎又唔黎留下言，我點知你有心呢，我都知你想同我去吹吹水架喇，可惜我未考完試啦，宜家得ｌｕ，係呀，你又話黎搵我食飯既？我到29號都仲要番學架，但就24號先要番，你得既就打俾我啦，但我驚你唔識黎我學校咋! 唉．．．你七月就要走喇？？好唔捨得你走，查實去Ｔｏｒｏｎｔｏ好凍架，都係Ｖａｎｃｏｕｖｅｒ好住ｄ既，可能我會中獎呢，咪可以過去讀書囉!　不過呢ｄ野你自己真係要諗清楚，講真Ｖａｎｃｏｕｖｅｒ既大學黎黎去去得兩間架姐，唔係ＵＢＣ（哈哈，隔離有個天體沙灘架!）就係Ｓｉｍｏｎ　Ｆｒａｓｅｒ架喇，費事入錯學校打大脾就喊都無畏啦!!

跟住果幾日就去左 荃灣果個自修室囉，環境唔錯架，勝在有隔隔嘛，唔駛我地班人晌度玩!
縱然如此， 我大地咪又係無溫，唉........考試都可以去食幾個鐘頭飯，番到位就飯氣攻心又訓陣， 起身讀無耐又話去買野食， 然後又吹一輪水先番埋位，真正對住本書而用心睇既時間都唔知有無兩個鐘! 最離譜竟然走去唱三個鐘ｋ，睇怕都無人夠我地癲架喇! 之後又去過青衣果個，果度真係既好ｆｅｅｌ架， 好舒服下，但燈光就暗 ｄ，而且唔知點解我晌入邊個鼻鼻就勁敏感，勁流鼻水，於是咪要出去出邊溫囉，d空氣又既清新d，最後搵到個仲好既地方～～～～就係運動場看台喇! 但叫埋ＤａＤａ上黎之後， 就變成演唱會場地，到最後咪又係溫唔到.......嗟!　溫完送阿真搭　咁咪同阿賢同ｗａｎｄａ行條勁得人驚既山路去長發搭架快到無倫既４４，三個字就飛到番黎喇!唉．．．．事實證明ｗａｎｄａ同阿權都魔鬼黎既，一個就凳都未坐熱就撩人去行街街，另外果個就一日到黑掛住睇同撩女仔囉，又不停係度話"香港靚女多!"喎......勁勁勁失禮呀......俾人撞下就撩交打咁款，唔通我講句唔信你打佢你就真係去打佢咩???
阿賢呀，我係得同你溫書先溫到架咋，你唔魔鬼丫嘛!　起碼你唔會撩我去邊度邊度，凈係勁叫我”快ｄ溫啦!”但我話想去行下你又會陪我喎，仲有個膊頭可以我埃下添呢! 喂，去溜冰我實奉陪啦，難得你個學界冠軍叫到嘛! 唉.....之但係我已經N年無溜過lu，睇怕我又係以我緊有既踩Roller技術黎踩架啦，力保不仆囉唯有!!! 哈哈哈........

有日又同松鼠一齊溫Ｅｃｏｎ，唉．．．大家鬥唔識，不過好開心可以同你撐抬腳，好少機會可以同你咁樣傾計架!　總之你就小心ｄ啦，唔講得咁多，你再咁落去既話，有野發生果時後悔都無用架!　不過呢ｄ野我吹下水既架姐，你自己諗下啦! 你ORAL都唔駛驚既，淡定D就得架喇，我仲衰啦，俾個女副校長做Examiner，見佢個勢都嚇親啦，佢仲話我mispronuce d字添呀! 唉，睇怕又要死埋呢份卷lu! 終於都考完試，當然要去玩下啦，原本諗住去唱ｋ，點知又無房，得阿賢，阿權，ｗａｎｄａ同我四個喎，唔通開抬咩，咪走去碌lane囉! 點知就令阿ｗａｎｄａ唔開心，我地都係玩下姐，幾分都唔係問題架，哈，我地三個"tum"人王都"tum"你唔掂呀!口米口門心心口拉!!! 你真係無對我地唔住，係我地唔應該唔問清楚你就去，好似迫你去唔開心咁!!!

唉．．．去ｃａｍｐ　ｄ野似乎都七七八八，屋都ｂｏｏｋ埋喇喎，應該成團喇掛!　可以想像到今次一定玩到超癲啦，仲飲埋酒，又話要加埋ｖｏｄｋａ添，真係不得了囉!　今次揀間有大廳既屋都係主要為左ＤａＤａ同阿權大戰爆發得淋漓盡致一ｄ姐，哈哈～～～宜家唔駛再驚你個光纖賤權打我ｌｕ，嘻嘻，電話在手，你無法抬頭，哼! 睇怕你都係要做我既奴隸獸架喇! 希望去camp果三日可以好好地，個個人都可以全身而回，唔好有（太多）流血事件發生啦!]

恐怕真係要同考試期間打機同打麻雀既日子講ＢＹＥ　ＢＹＥ喇！！我發誓．．．．．

好喇 , 係你地留言時候喇!!
SO , TAKE YOUR TIME
TO BE CONTINUED.......................

>>January 18, 2003 at 1:50:45 PM GMT+8

2002 年 12 月 31 日 星期二 【晴】

咁又一年喇! 新年快快樂樂!!!
琴日去左尖沙嘴倒數, 好迫人, 我地一行廿個人要分幾批行, 下下都要用電話搵人既! 嘩, 琴日真係夠晒運動量, 由太子徒步行去尖沙嘴, 途中失散左次, 當我地浩浩蕩蕩行到去既時候, 煙花都放完, 真掃興, 查實我未晌香港現場睇過煙花架, 又錯失一次機會添! 根住都成11.30 p.m.先去到鐘樓, 呢半個鐘就癲都爆炸, 無啦啦整個呀叉<印巴人士> 企高晌度叫囂, 煽動人群, 我地就係被煽動既其中一郡喇!! 個個勁叫, 叫叫下個叉叉又無啦啦除衫, d人咪勁叫佢”除褲”囉, 笑死! 特然間又有架警車駛近, 全場咪勁噓囉, 玩到癲晒之際, 又有人晌8米以外既地方噴雪, 我地咪即刻擰轉面囉, 避避下個叉叉又特然間倒水喎, 於是成群人咪起哄, 倒後行又蹲下, 真係既險象環生, 皆因琴日係蘭桂坊踩死人事件10周年嘛! 根住咪急急腳走囉, 但都係要中溜彈, 被個水樽擊中, 勁痛哪!!! 好彩阿陶幫我頂左個噴雪罐咋! 然後又做運動囉, 又徒步行去尖東搭車! 唉, 一心諗住返我屋企樓下間糖水舖食架嘛, 點知又勁多人喎, 咁我地唯有去麥記食咯!
好開心有咁多人打電話同我講新年快樂呀, 多謝晒你地, 好幸福呀我!

都仲係一功課都未做過囉……….唉………
呢次考試真係一鑊熟喇…………
嘩, 又話Summer去Camp喎, 唉, 竟然而家話要Lunar New Year去喎!到時你地一定玩到癲, 又飲都癲架啦, 咁咪即係要我照顧你地? 搵笨咩? 希望今次齊人啦, 尢其係Carmen啦!哈哈……..仲一定要玩七級豬!

好喇, 好肚or lu, 去整野食先哪, 得番我一個系屋企咋……..嗚嗚…….
TO BE CONTINUED>>>>...........

>>January 1, 2003 at 12:30:44 PM GMT+8

2002 年 12 月 30 日 星期一 【晴】

琴日去左阿權度打邊爐, 玩得好開心呀, Wanda又差醉酒, 晌度搶酒飲, 仲拎左我對鞋……….. 阿真飲完支之後成塊面都紅晒, 又話想飲我果樽添, 俾你飲仲得了既, “七級豬”? 哈哈…..食完菜係咪好正呢, “七級豬”?? 願賭服輸先有體育精神架嘛, 係咪先“七級豬”???嘩原來雁平哥哥超好人架, 見我無搶野食就幫手用個”殼””畢”俾我呢, 仲係唯一一個零級豬, 勁有定力, 好勢利呢! Carmen又唔黎, 好似少左D野咁, 好掛住你呀!

係呀~~~~ 千奇唔好夜晚搭72號巴士, 又唔好上上邊, 好得人驚架! 山路又岐嶇, 又唔知望下後面會唔會特然間有人…………落下面無咁驚?? 落下面可能發現原來架巴士無人駕駛既……..你永遠唔會知道你身邊既係人定係………..就係咁同一個”普通朋友”驚左一程, 但佢就要驚兩程喇!! 一個普通朋友都會送我回家, 但我老公就從來都未送過, 到離婚都無………唉, 可能我真係同你無緣份啦, 又可能係我對你既忍耐未必夠你其他個老婆, 你同佢地傾電話, 食飯, 約會我都從來無出一句聲, 連我口系度整野食, 你同你老婆ICQ我都忍你地………..不過亦可能係我對呢D野經已心淡lu, 我同人地食餐飯都唔得??? 你良心過意得去嘛?……..查實我原本係諗住用佢黎激下你架咋, 因為你身邊確實太多女人喇! 點知原來我地既愛係咁受唔住考驗架!!! 真係咁化學?? 我只知道你呢個決定令你從今日起就會少個人對你好, 唔會有人晌你肚”OR”既時候拎野你食, 唔會喇, 無喇無喇……..Blue House同Red House唔會係盟友喇~~~~~~只有一句”: 當愛已成往事!
愛既反面原來係…>>>>…酉昔…>>>>....火口口口木….>>>>…….

p.s. 差一日我地就可以做一年夫妻喇, 但都係過唔到呢個關口!
雖然我有唔捨得, 但見你咁決絕, 咁就算啦唯有!
TO BE CONTINUED>>...................

>>January 1, 2003 at 8:06:42 AM GMT+8

2002 年 12 月 29 日 星期日 【晴】

呢幾日見番好多人, 亦令我諗番好多以前ge野, 真係D有無限ge感慨, 雖然有D只不過係無見幾個月, 但係身邊有好多野已經變左, 時移勢亦, 個個似乎大個左, 查實我都唔係變左好多, 係你地耐冇搵我, 我無潛水呀………….
好哪, 等我交代一下呢幾日我去左邊啦………….

23/12 嘩, 呢日就勁喇, 本來要早D番點知又唔知醒, 匆匆忙忙番到去先睇稿, 就梗係背唔切啦, 咪又係臨場執生, 好彩我地四個司儀合作無間, 伍志成又整到稿好企利, 終於都無驚無險, 算幾順利, 現場氣氛都幾好, 最衰係笑位無人笑, 之前無諗住係笑位既就俾人笑添, 勁瘀囉………阿Carmen啦………呃我咁耐都唔話我聽…………真係勁surprise呀! 真真真係無諗過可以拎到獎架, 要同你地晌台下幫我打氣既講聲 “ THANKYOU”!!! 真係好意外, 勁意想不到!

24/12 嘩嘩, 呢日仲勁, 見番廿幾個friend, 真係abababab…….但係玩起上黎就完全同以前一樣咁癲, 又係晌麻雀台上懶醒, 也文也武, 好彩我都食番兩鋪爆棚, 鬼咩, 你地高手過招嘛, 攪到我同家姐好似陪襯既三陪女郎咁! 家姐呀, 唔講都唔知你咁大壓力架, 不經不覺我地已經行緊唔同既路, 過緊好唔同既生活, 你諗野愈來愈成熟, 但我就………唉…….無端端阿陶又做埋我阿哥…….睇怕我都係永遠都要做你地既女同妹啦!!! 阿陶呀, 你D fans真係慘喇, 人地打電話黎俾你俾我地玩, 搵日要去你學校食飯見下D fans先得! 呢晚玩得好開心呀!

25/12 訓醒已經無左大半聖誕, 成4.30 p.m.先起身, 看左陣舖又同兩個friend走左去麥記吹水, 咁又一日lu!

26/12 超正, 今日見番小學同學仔, 有個6年無見喇, 撞正佢晌澳洲番黎先又得見咋, 幾靚女架! 成班人晌Hourbar City勁影相, 見野就影, 真癲! 能夠keep到呢D友誼真係好難得, 我一定會好好珍惜架! 見你地咁勤奮, 我都要發奮喇, A-LEVEL都要拎番個A先可以讀我想既系架………

27/12 包包呀, 極速調Econ黎5.45補啦, 一個人補好悶架, 難得可以補同一科, 等你呀!
28/12 又係頹廢既一天……….門口都無出, 書都無望一頁……唉……..
29/12 走左去睇舖, 都無生意既, 唔通我唔旺市???
30/12 媽咪話今朝9點無水嘛, 咪晨早爬起身囉, 點知原來係媽咪睇錯左, 只係無咸水, 唉! 晨早俾佢玩死…………今晚又有得玩喇! 唔知老公屋企點既呢?


P.S. 掌心雷down左, 呢遍係我含辛茹苦用拼音打出黎架………….打左個幾鐘!
TO BE CONTINUED.........>0<..............

>>December 30, 2002 at 3:30:42 AM GMT+8