|
2003 年 9 月 1 日 星期一 【驟雨】
等睇好耐既各位，又有得睇喇～！
呢排發生太多事喇．．．．一時間都不知從何說起．．．．
講番上個禮拜丫，真係要多謝ｃａｒｍｅｎ呢個好幫手陪我一齊睇鋪呀～！等我唔駛咁悶，又同我招財喎，哈，我地多個人多把口，星期六既生意額爆登啦～妳簡直係隻好叻既招財貓呀～！
之後禮拜日就同班主任ｆａｒｅｗｅｌｌ啦，安慰既係勁唔團結既６ａ班都有差唔多半班人出席～成晚氣氛都唔錯喎，有說又笑又影下相，都幾好丫，話晒都相處左一年咯～！唉，ｍｉｓｓ Ｙｉｃｋ要星級調職，連好型既賴ｓｉｒ都走真係有ｄ唔開心咯～加上今年既班主任們又真係有點兒那個．．．．．
琴日係開學既第一日，番到去又係無野做，ｄ新生又無咩靚仔，番去恐怕就凈係爭位坐喇～而阿凱就成功爭做班長，ｃａｒｍｅｎ同我都唔差，做左班會正副主席呀，哈！放學之後就去左石硤尾同銘賢ｄ ｆｄ飲咩”開學茶”啦～～我一出現好明顯又係要俾人評頭品足一輪先有得坐，因為佢地個個都係白衣人，得我係藍衣人～～跟住又開始吹水，講ｄ野都好敏感下，哈哈，當然又要傾下中秋節去邊度玩啦，有ｄ話去郊野公園，有ｄ話搞ｃａｍｐ，有ｄ又話去行山，行鳳凰山賞月跟住睇日出喎，真係咪玩本小姐啦！佢地辦事我都放心，我做去果個就得ｌｕ～！
今日一起身就１號風球ｌｕ，不過咪又係要番學～～番到去又係無野好做，人地隔離班已經上緊中化堂咯，我地？我咪晌度同ｗａｎｄａ猜枚咯～～哈哈，連名古屋月餅枚都俾我地諗到，都無咩唔得架喇，牛肉粥枚就當然唔少得啦，仲有咩李小龍枚．．．．阿新班主任無話我地嘈不突只，仲走黎問我地玩咩笑到咁開心，又黎撩我地傾兩句，哈哈，於是我同ｗａｎｄａ咪繼續癲下咯～！３號風球下放學就同ｃａｒｍｅｎ+ｗａｎｄａ+阿賢+阿權落葵芳食飯啦，途中就好笑咯，我已經好耐無串人串得咁盡興ｌｕ，我諗阿權一定好後悔上車前咁對我啦．．．呵呵．．．有ｗａｎｄａ+ｃａｒｍｅｎ+我，佢邊有聲出丫？醫完肚，就行下睇ｃａｒｍｅｎ既裙同我既書包啦，不過我就睇唔ａｒｍ，一個Ｈｅｍ袋竟然買＄２９８，ａｎｇｎｅｓ ｂ仲係＄２７０，真係送俾我都唔要呀，佢開我＄６００或者都會買丫，２字頭，你真係叫佢唔好癲啦，搵阿水信佢係真咯～！最悶都怕係阿賢咯，女人行街睇３又嘻嘻哈哈，佢就只好夕夕無大示咁陪我地行咯～～～行行下搞到８號風球先捨得番屋企，我既書包又唯有再睇下先啦～！
特別鳴謝：老豆ｓｅｎｄ果個鋼琴機俾我玩呀，好玩呀，不過我玩首首歌都係得三十幾％咋．．．好，等我家下去練下先．．．
希望聽朝唔駛番學啦．．．．．．．．．不過機會都好微ｌｕ．．．．．．．
唔寫喇～～我都係唔想去訓晏覺先打下日記，訓完我今晚又訓唔到喇～！
～～～ｔｏ ｂｅ ｃｏｎｔｉｎｕｅｄ～～～
>>September 2, 2003 at 10:06:56 AM GMT+8
2003 年 8 月 25 日 星期一 【陰】
ｃａｒｍｅｎ生日快樂呀！
今日係阿松鼠大小姐生日嘛，點可以唔寫下日記呀？晌度祝妳１８歲要靚少少，高少少，同多花收少少啦～～嘻嘻，最緊要係妳生日願望會實現，又或者好似妳個仔咁話，要連生貴子呀～～呵呵呵～～
今日就當然要同阿壽星女食個ｌｕｎｃｈ啦，阿賢晌呢日又點敢唔到丫？咁我地就去左試果個阿壽星女話好難食既北海道帆立貝ｐｉｚｚａ咯，點知又出奇地唔錯喎～！然後ｄ人就約阿邊個飲野咯，阿賢亦要番屋企收拾細遠啦，而我？咪要去開鋪咯～～無幾耐，表妹又黎同我一齊看鋪呀～！呵呵，之後ｃａｒｍｅｎ仲黎同我地看埋一份，點看？先係佢又睇仲我鋪頭ｄ野先喇，之後我地竟然晌到”做枚”，爆白癡呀，哈哈，不過我地ｄ演技認真麻麻咯，完全無效呀～！於是ｃａｒｍｅｎ就誓要開到單為止．．．終於．．．佢得左呀，佢做成第一單生意喇～！佢咁得，於是聽日又話黎幫我手喎！其實媽媽係因為去淘大開檔，所以西九呢個大本營就得交俾我同表妹啦～！
呢幾日都要睇鋪呀，連買個新書包番學都唔得，不過晌西九都好既，好過去琴日晌淘大果邊無冷氣，熱爆＞ˍ＜ 之後夜ｄ做咩？個場無咩人行咪做功課咯，做咩功課？表妹ｄ功課咯！世界變喇，又唔見我果時有人幫我做下．．唉！聽日仲唔到ｃａｒｍｅｎ幫佢做ａｃｃｏｕｎｔ？臨收鋪，表妹就話想執下間鋪，執完咪約埋爸爸一齊食飯咯～～～
今日寫到呢度啦，我都要抖足精神，聽日要搵番今日果ｄ嘛，唔係又唔夠數喇～！大家要留下言呀～！
ｔｏ ｂｅ ｃｏｎｔｉｎｕｅｄ～！
>>August 26, 2003 at 6:18:44 PM GMT+8
2003 年 8 月 17 日 星期日 【晴】
！！！～係時候覆下大家既留言喇～！！！
ＫＥＶＩＮ～～～ ＵＳＡ ｉｓ ａ ｇｈｏｓｔ？唔好嚇我啦，唔會掛！學都未開，你咁快就有思鄉病喇？叫你ｄ新朋友仔帶你周圍去下嘛～！你唔係話要轉校既咩？或者新環境會無咁ｌｏｎｅｌｙ呢！掛住香港咪得閒返黎搵下我地咯！
ＷＡＮＤＡ～～～ 今年中六ｄ男仔？仲話似陳鍵鋒喎！唔好話似陳鍵鋒啦，連林峰同停瘋都無呀，睇怕好似胡楓既就有幾個～！真係無眼睇咯～！要記”ＵＡ亞洲聯合財務慢鏡重溫”簡直毫無難度呀，妳唔係唔知我同妳都鍾意記埋ｄ唔等駛又笑爆既對白，廣告咁，諗返都好笑，咩”小涼伴”喎，哈哈！係呀，我都好期待同妳去沙灘架，如果可以既話唔好唔去啦，齊人玩得開心ｄ嘛～！
賢賢～～～ 阿省港澳羽毛球王，講咩丫，咪又係會俾我地姨媽姑姐兵團ｃｏｍ死～！你知啦，ｄ人一時就賴唔夠訓，一時又賴累，最終咪不敵我地～唉！講起真係好耐無打過波波ｌｕ，不過呢排大家都咁忙，遲ｄ先再打過咯～！
叫咪凱～～～ 我都估唔到會撞到妳地呀，最衰撞唔ａｒｍ位啦～！我地又點止同一間學校呀？仲係隔離位兼”叫咪行動執行小組”黎架嘛，當然有緣到痺啦！我？就當然游得好．．．．．屎啦！仲瘀左添呀～唉～一言難盡，遲ｄ話妳知～！
阿Ｌｉ～～～ 半夜三更先寫完，又半夜三更黎留言既妳一定係第一個啦，夜鬼地位，誰能代替喎～？呵呵，傻啦，傾電話唔理我都唔緊要，最緊要你要係為左個靚仔先准咁，唔係靚仔既就～哼！我都好掛住你架，不過聽妳好似成日都好忙，咁妳就咪鬼咁夜煲粥啦！希望果日妳會趕到黎啦～！
敏敏～～～ 要破到傻大豬既紀錄？我諗．．．實在係太太太難喇～！唔駛驚，只係呢期ｄ ｆｕｎｃｔｉｏｎ太多喇，一時間都寫唔切咯！妳呀，咪識話人唔識話自己呀，妳都要寫多ｄ呀！點呀？１８歲喇妳，有咩感想呀？我果時呀？唔知點解，其實我一直都覺得１７歲係最靚既歲數，１８令人有太多感慨ｌｕ，令人覺得要長大，成熟喇，雖然我１８左好幾個月都仲係咁低能，嘻嘻！妳都唔駛咁”感張”既，諗下１８就可以名正言順同我地入馬會，賭場喇嘛，係咪？
煒賤～～～ 我ｄ日記好長咩？比起你果ｄ都算係既，其實我只係成日懶虫積埋幾日一次過寫先咁多架姐～唉日記變周記添呀！係咪真係好睇架？咁就要多ｄ黎捧場啦，多ｄ留下言啦～！ｓｔａｙ ｉｎ ｔｏｕｃｈ呀要～！
>>August 18, 2003 at 9:27:37 AM GMT+8
2003 年 8 月 15 日 星期五 【雨】
唔好意思，太耐無寫日記ｌｕ～！
呢排做過太多野喇，一時間都無法盡錄添～！
今個禮拜一返左兩日廣州呀～！
呢次就係同媽媽，阿Ｅ＆表妹一齊去架，而我亦好幾年無去過ｌｕ，去唔成韓國，返去玩下都唔錯丫～！呢次先真正體會到大陸同香港既距離真係幾遠，ｄ野好平，不過ｄ人既素質就真係有待．．．．但係ｄ野食就確係ｙｕｍｍｙ～！我地試過夜嗎嗎去酒樓食好好味既海鮮粥做宵夜，仲有無敵好味級既甜品，有鮮奶燉烏雞，薑撞奶，雙皮奶等等，食到唔停得口呀～！我同表妹簡直瘋狂咁食，飽到生得咁滯呀！之後又周圍去睇下ｄ首飾，睇到連我地想買下鞋呀３呀既機會都無，叫媽媽們住多晚又唔得喎，好想玩多陣嘛～！整個旅程簡直係”皺紋添加團”因為成程都笑料百出，好ｈｉｇｈ，連酒樓ｄ ｗａｉｔｒｅｓｓ唔知我地講緊咩都笑埋一份呀！
禮拜三晚踏出我人生既第一步～！
事原阿權想阿賢教佢游水，又怕阿彭教練悶悶，就想叫埋我同ｃａｒｍｅｎ去啦，而好聰明既ｃａｒｍｅｎ亦唔係第一日知我係好怕同男人去游，但佢就竟然唔多支持我咯，夾埋阿權兩個以高超既招牌殺手繭～～以退為進～～堅持大半個鐘後既我最尾都係唔好意思，咪同佢地去咯～！
禮拜四一早就要起身咯～！
去邊？青衣游泳池咯！點知先發現無帶３，咪唯有就咁落水咯～（其實我係怕俾佢地ｄ男人見到我ｄ手手腳腳肥嗟）！好彩果日落大雨能見度低嗟．．．唔係就慘．．．有排講啦俾人！果個池深過長沙灣果個好多架，可能係咁個人易浮ｄ都游得好ｄ啦！之後晌更衣室竟然撞到ｗａｎｄａ同阿凱喎，同一個池都睇唔到，過份～！食完野就一齊送ｃａｒｍｅｎ去補習，然後我地就去左銅鑼灣行街街啦～！
今日又去玩咯～不過做左遲到大王～唔怕，識我咁耐既佢地，點會話我喎～！嘻嘻．．．
今日補完習，就同好耐無一齊去唱過ｋ既超ｗｉｎｇ同補祝生日既陶陶去ｋ咯～！哈哈，超開心，一入房就扮簽名會咁影相，之後就一定要唱我地首飲歌”姊妹”啦～！失敗，我同超ｗｉｎｇ竟然唱到亂晒龍，當年參賽時候邊個唱邊句都竟然唱錯，不知所謂，一年多無唱就搞成咁，姊妹默契唔見晒，於是咪重唱到得為止咯，唔係咩呀～？不過間房真係好大下，仲好彩有３支咪咋，唔係實俾阿陶搶住黎唱啦，最慘佢連女仔歌都超殺嘛～！之後同超ｗｉｎｇ行左陣，去探下ｋａｇｏ班，就ｊｏｉｎ埋表妹行街街ｌｕ～～點知阿陶補完習又打黎話悶要搵野玩，我都唔得閒理佢，等佢地去打機咯，我就同表妹一齊行街算喇～！夜晚仲去食咩活魚刺身，條魚生ｒｒ晌面前口郁郁，都咪話唔殘忍！
寫住咁多先～！留言遲ｄ覆～！
～ｔｏ ｂｅ ｃｏｎｔｉｎｕｅｄ～
>>August 16, 2003 at 7:00:56 PM GMT+8
2003 年 8 月 7 日 星期四 【晴】
又係要晨早起身～！
今日要返去學校幫手收生，６點就起身ｌｕ，跟住就展開我同阿凱既”叫咪行動”，我地企晌出面，一眼望過去，再仔細睇真，都係一個比較樣好少少既都無～唉！跟住就收到ｃａｎｄｙ個電話話有學校收佢，我聽到真係好開心架，仲開心過我自己當年添（或者我當年收我都非吾願啦）哈哈，咁我同欣欣就唔駛擔心ｌｕ～！不過就幫唔到ｋａｇｏ，今年ｄ人真係好勁下，文科仲要無得快個理科，好少見嘛～！唉，今日ｄ人都唔知去邊，做野我地個個要一手一腳，又亂，仲要做ｋｉｌｌｅｒ話俾人地聽話唔會收，叫人走呀～勁殘酷～！最尾收生完又要入ｄａｔａ，阿ｓｉｒ又要俾最多野果份我打，唔係話打快定慢既問題，要轉返做文科既科目先開始打，ｄ項目又煩，好在跟住呢年既ｆｏｒｍ６既人既樣都可以俾我過晒目嗟～結果咪得返我同阿權最後先走得咯～慘！
好累呀，就返屋企恰陣先，點解？因為約左人一齊睇波．．．去阿ｓａｍ屋企睇呀．．．一大班人一齊睇有ｍｏｏｄ好多架嘛～！哈哈，Ｔａｉｔａｎ又好大聲哎，有時ｄ旁白又勁好笑，咩”ＵＡ亞洲聯合財務慢鏡重溫”喎，爆笑呀～！我同凱西就追住ｂｅｃｋｈａｍ黎睇，等到頸都長先等到個罰球，點知，不知所謂～！
之後又當然招牌動作～～去食糖水啦～～計落，我今日好似凈係食左件蛋撻同呢碗糖水咋～！好啦，要同阿陶講句生日快樂先～！唔係我唔想同你慶祝架，係你去左澳門玩咋，算啦，有心情就同你補祝啦～！
ＷＡＮＤＡ～～～ 駛唔駛咁串我呀阿勁人，個網成日都ｐｏｓｔ唔到嘛，咪有少少人為錯誤咯，家下無啦！點呀你？依家得閒好多啦應該，有咩搞作呀？
ＣＡＲＭＥＮ～～～ 我係咪買果條鍊呀～？唉，我都唔知買唔買好，我要買既野實在大多，我諗陣先喇～！你唔好癲啦，你同我唔駛講呢ｄ野架，唔要對不起亦唔要咩報答，我只係陪下你去香港遊，無咩架，我唔好意思就真啦，唔係我把口有多少說服力，你就唔駛咁亂啦～！不過你應承我一定唔可以再向後望，知嘛？凈係准記住我地既大計架咋～！
ＫＥＶＩＮ～～～ 哈哈，係呀我又去ｓｈｏｐｐｉｎｇ喇，呢個係我既生命嘛～！可惜果日無收穫啦～！你做咩咁慘無得用＄＄呀？唔怕啦，果邊都唔會成日要追款貪新鮮嘛，ｗｉｎｄｏｗ ｓｈｏｐｐｉｎｇ咯～！
咖啡．可樂～～～ 你都知你好耐無黎喇咩？都費事成日叫你黎留言啦，計落你已經幾個月無黎留個字ｌｕ～識做啦～！放心啦,我知架喇，我會加油，我唔會咁衰女既～！不過你都要加油呀～！
～Ｔｏ ｂＥ ｃＯｎｔＩｎｕＥｄ～
>>August 8, 2003 at 6:26:54 PM GMT+8
2003 年 8 月 5 日 星期二 【晴】
又到放榜的日子了～！
今日大清早就起床了，因為要回銘賢做所謂的輔導工作，約欣欣一起回去，很少遲到的她竟然遲到，原來是為了ｃｈｅｃｋ成績，不幸的她又是同一個ｇｒａｄｅ，於是她就不斷跟我訴苦！返到銘賢，見返很多舊朋友，當然又是一輪吹水吧，之後我們這些輔導員簡直不用做，不過眼見很多人拿到成績單之後喊，我都好心痛，想當年我都喊左ｎ次，但就不敢像他們的大喊，見到這樣我們也只有嘆句”愛莫能助”～唉～！之後就跟凱西一起去搵學校，她不能返銘賢讀就好像失去鬥志似的！似乎今年的人考得比上年要好得很，上年收１５分的現在也要１８－１９分收才收，甚至不派表給外校生呢！在石硤尾走了好幾間，一班人就到好像是我們集中地的匯基等，哈哈，難得輕鬆，於是我跟欣欣，肥ｋｅｎ，阿ｓａｍ又在談談那裡買ｓｔｕｓｓｙ抵，那裡會買假ｐｏｒｔｅｒ等等啦～！
之後就跟欣欣食ｌｕｎｃｈ，又在談談我們這幾個月的事，可惜我又要看鋪，唯有邊傾邊去，還是傾不完，她就跟我一起看鋪好了，哈哈，真的開心，因為我們都做了蠢人呀～！補習之後才有時間ｃｈｅｃｋ我ｃｅ中文考成怎樣，唉，甭提了～！考完的那刻真的覺得考得不錯，起碼比上年要好，該有Ｃ吧，結果？很嬲，嬲自己也開始懷疑自己的能力，開始覺得我應付不了Ａ－ｌｅｖｅｌ，有ｄ想重讀中六，真的，我真的不想入不到Ｕ，我真的懶得不能再懶了，是時候好好的想想，不可再憑運氣吧～！
明天還要做些緊要得不能再緊要的事，先寫到這兒，
ｔｏ ｂｅ ｃｏｎｔｉｎｕｅｄ
>>August 6, 2003 at 3:38:52 PM GMT+8
2003 年 8 月 1 日 星期五 【晴】
今日玩盡ｓｈｏｐｐｉｎｇ激ｆｕｎ點～！
交代下之前幾日先啦～～～呢幾日主要都係看下鋪啦，因為媽咪晌西九地下”開壇”，我就當然要做二打六幫下手啦～！不過都其實賣野都幾好玩架，因為個個客都唔同，好有挑戰性，於是我同表妹就勁叫”埋黎睇埋黎揀喂，韓國之旅善款大募集呀”，哈哈，笑死咯～！
好啦，講下我今日去咩激ｆｕｎ點先～！
今朝補完習，就同ｃａｒｍｅｎ實行我地出血之旅～～～ｇｏ ｆｏｒ Ｐａｔｒｉｃｋ Ｃｏｘ＆Ｗｅｓｔｗｏｏｄ～！第一站唔駛我講都知係～～尖沙嘴啦～～第一時間就去睇啦，點知～～唉，Ｐａｔｒｉｃｋ ｃｏｘ已經做完半價咯，睇住明明唔駛用咁既價就買到既無理由用正價買架，所以我地都無買到～！我睇到有個好ａｒｍ媽媽返工架，個大細同個款都ｏｋａｙ，不過無半價要成二千蚊，我諗諗先啦～我又睇到條鍊啦，不過都係諗諗再諗諗先啦～！想買個ｗｅｓｔｗｏｏｄ袋仔既，因為半價既吸引力真係太勁，又可以襯我個銀包嘛，不過算啦，諗落又唔係真係好鍾意嗟，咪又忍手咯～！另一邊廂，ｃａｒｍｅｎ為買銀包而苦惱不堪，因為我地有見到ｗｅｓｔｗｏｏｄ有個款好抵買（到話架啦，半價魅力沒法擋），但其實佢又鍾意Ｐａｔｒｉｃｋ ｃｏｚ多ｄ喎，明知佢唔買ｐａｔｒｉｃｋ一定後悔啦，或者因為同ｐｃ狗一樣，又係簡稱ｐｃ啦～！佢諗好耐好耐，都唔知買邊個好，有問佢ｄ ｆｄ，又問阿賢，結果我就話不如去旺角等埋阿權，等佢又俾ｄ意見，佢自己又有多ｄ時間諗下～！去到旺角，阿權又同我拗出邊個出口，結果？當然又係有ｄ人瘀左啦！睇完一輪，ｔｈｅ ｗｉｎｎｅｒ好明顯ｉｓ～ｐｃ啦！哈哈，恭喜呀，終於得到妳既心頭好啦！唔怕啦ｃａｒｍｅｎ，你有＄＄嘛，有既又唔至在，無都唔爭在啦，呵呵呵！家下妳最威爆啦，有新野用！而我？行半日，得３個字．．．得個桔！
之後就同阿權去睇電話啦，揀完一輪又諗完一輪，計好數咪去出電話咯！佢個乞ｅ六百幾蚊電話費都膽死，肉痛到佢牙痛咁聲～！不過算佢乖啦，都送個電話俾佢媽咪！仲一齊去左買六合彩添，未足１８既ｃａｒｍｅｎ？哈哈，咪乘虛而入囉～～我地一人買一條，又諗中左就去ｌｃｘ掃貨．．．呵呵，但我就中得果個半字，無奈，不過都開心架，因為我買我既生日日期竟然全中呀～！超開心架喇！！跟住就各散東西，要返屋企睇碧咸呀～！點可以ｍｉｓｓ架？不過佢就真係有點兒那個咯，唉～！
哈哈，打到呢度，表妹話我唔同佢去喎，哈哈，我怕我同你去完，你會好似ｃａｒｍｅｍ一樣，抽唔到身，成日心思思想去，俾佢吸晒ｄ＄＄＄囉～！今日一心諗住去大ｓｈｏｐｐｉｎｇ竟然做空手道高手，都可算係奇蹟咯～！
ｔｏ ｂｅ ｃｏｎｔｉｎｕｅｄ
>>August 5, 2003 at 9:44:38 AM GMT+8
2003 年 7 月 28 日 星期一 【晴】
今日都係去鋪頭行下咁啦，事關媽媽們聽日晌鋪頭樓下開檔嘛～！跟住又幫表妹紋身呀，好靚架，唉，聽日又要早起啦，不過算，有表妹黎陪我，我地又可以玩下，癲下就真啦～！係呀，ｃａｒｍｅｎ呀，由於個長線行程要從長計議，阿權已經諗左個短線行程喇，哈哈，有得玩ｌｕ，你唔怕悶啦～聽日話你知啦～！
ＫＥＶＩＮ～～～ 我又點會介意你既ｌｏｎｇ ｍｅｓｓａｇｅ呢～？多謝你就真啦，係呀，雖然你晌果邊，不過你成日黎咪知我多ｄ囉，起碼你知我做咩嘛，我都會好期待你既日記版版架，我‘地一定可以ｋｅｅｐ到既～～唔好咁話我啦，我諗我只係比較多野講嗟～你呀，要留多ｄ言俾我先好呀～！！
戀上你的風２號仔～～～ 你中意左我的風～？我又何嘗唔係中意左你的風呢～？記住，風繼續吹，不忍別離～！
老豆～～～ 其實都係媽媽話同埋我阿姨，表妹去韓國玩下嘛，有人俾＄又有得玩，我當然奉陪啦～不過都唔知成唔成行架～！哈哈，同我玩喎，實開心啦，話晒玩呢家野我最在行架啦～呵呵～我又邊有唔理你呢～？都不知幾想同你去玩啦，但你又咁多野做，好心唔好做啦，假期都要人交功課，你叫佢咪癲啦～！係呀，多謝你果晚同我講既比喻呀，我明架，真架，唔好咁擔心我同阿陶啦，我地識諗架喇～！不過你得閒就逼下我啦，我要人逼架～！我地幾時去玩呀？我等你呀～
～～Ｅｘｃｉｔｉｎｇ Ｍｏｍｅｎｔｓ ｔｏ ｂｅ ｃｏｎｔｉｎｕｅｄ～～
>>July 28, 2003 at 5:53:18 PM GMT+8
2003 年 7 月 26 日 星期六 【晴】
～嘻嘻，我又去玩喇～
今早９點多就起來了～～因為要去做陶瓷呀，試試”人鬼情未了”嘛，其實我早就很想試試玩陶瓷架啦～～當我１０點多準備好出門口之時，才醒覺１２點開始，自己預定多了一小時，於是就跟媽媽去嘆份久違了的麥記早餐，又或者是我已很久沒吃早餐吧～～！
１２點去到新浦崗的那所學校，乘６ｄ往那兒，經的是渡過我５年中學生活的石硤尾，走的是我以前每個上學天回校的路，很震撼，那裡熟識得很，每條街頭巷尾都有著我們的哈哈笑聲，遠眺銘賢，自然想起一大堆回憶，無數精彩的笑位，有些人是不能忘懷的，有些句子可為刻骨銘心，現在我還是可以整句背出來呢，可惜物是人非了～～～沿路看到花虛球場，想起昔日ＰＥ堂的情景，還有看學界籃球比賽呢～～想起這些，很多很多都湧上心頭來，好像是昨天的事，那時每天都在天真的笑嘻嘻．．．．．跟住是走在我以前到九龍灣跟公公食飯，跟表哥玩耍的路，又是很久沒來過了，不過今天，公公已經不在，而我亦已經３年沒跟我表哥見一面了＞ˍ＜！
好喇，到了那兒，ｊｏｉｎ了嘉琪，姬姬和阿ｄａｎ就一起上去了～那陶瓷房很大呢，等了一會，終於開始，先是阿ｓｉｒ講關於做陶瓷的事項，甚麼白泥紅泥，要燒多少千度等等，不是沒興趣，只是可以邊做邊學會更好吧～！阿ｓｉｒ當然明白啦，一會他就開始ｄｅｍｏ給我們看，看他磋圓按扁，腳不停踏腳板，拉高拉低，加個小孔，就成了個花瓶，看他這麼輕鬆，我們便急不給待要開始，不出半分鐘，已經感受到其難處了，真的很難，做好了底盤，開始真正造型，先要放得穩，腳不停的踏，手又要定，顧上造型又要顧慮下盆有否不穩～！好不容易造了少少型，”冬拗”一下子就倒下來，又重新開始～～於是我第一件作品要阿ｓｉｒ幫助才能成型，他三幾下手勢就弄得又圓又平均，有了一個，我就更放膽做第二個了～！我跟嘉琪都是要阿ｓｉｒ幫才有第一件，於是我們心有不甘，要做一個真正是自己做的～～哈哈，第二個嘛．當然熟手很多，起碼不會手忙腳亂呢，不過對自己的要求亦相對高了，還從姬姬身上學曉甚麼叫”見好就收”，哈哈，她總在可以完成的時候多手力秦完美，結果？當然是倒下來了～！哈哈，於是我緊嘉琪就很小心翼翼地做～！我們又在那裡雕花刻名呀，可惜我做不到平均，也不平衡的小花瓶，哈哈，但都不及阿ｄａｎ的爺爺爸爸孫孫的組合，笑死我們喇，小得可憐的東西，實用性可以說是零，唯一確實是方便攜帶的．．．．呵呵呵，最後還要由我跟嘉琪，姬姬３個在家碗也不多洗一只的人洗機，唉，我唯有做丫環般拿水倒水啦～～不過真的很好玩呀，真架，我想玩這些真的會上癮，超好玩呀～！
之後就知道原來我大跌眼鏡咯～知道世上有多一個衰人呀～！天下烏鴉一樣黑，難道個個男人都衰格～？回到鋪頭，見到表妹，當然即刻商量我們到韓國的大計，ｙｅａｈ，可以去玩滑水天梯跟溫泉喇～！又可以做我最愛的ｓｈｏｐｐｉｎｇ，呵呵^_^
然後夜晚約了５Ｄ一班人去食巴西燒烤，我就早點跟蔡日銘（ｐｉｋｅｐｉｋｅ）去行行Ｍｕｊｉ啦，再ｊｏｉｎ陶陶就去了～！我們３個坐到２４人中靜些的一檯，不過沒相干，反正沒了我們，其他人也吵不到些甚麼～！最後我們也是逼埋一檯高談大笑，哈哈，說甚麼都說一餐，也笑一大餐，我跟ｐｉｋｅｐｉｋｅ那些串人招式層出不窮嘛，串得ｓｏ ｈｉｍ，林花花，阿陶，河馬都應接不暇，笑位不在話下啦～！或者他們就是拿我和ｐｉｋｅｐｉｋｅ沒辦法吧，呵呵～！林花花就好啦，又有得做救生員咯，今年還是在沙灘，晒得一身古銅色，很ｓｐｏｒｔｙ＆ｓｍａｒｔ，很靚女／仔呢～！我傾電話他們就歧視我，我用ｈａｎｄ ｆｒｅｅ講他們就在我面前扮特工來串我，他們傾電話就走到遠處去，過份～！我今晚食得很很很飽呢，現在怕且有了５個月吧～～～食完又影合照啦～～～之後就行海邊，好像百萬行一般，走到老遠的文化中心坐了一會，聊聊天，鬧著要去ｃａｍｐ，去踏單車等等，就回家了，回到家中已２點幾，又給媽媽鬧了幾句，好彩有阿陶陪返來，否則媽媽一定多鬧幾句啦～～！
Ｋｅｖｉｎ呀，這個時候，你一定在食飛機餐吧～！哈哈，放心啦，我地一定可以ｋｅｅｐ ｃｌｏｓｅ ｃｏｎｔａｃｔ既～！
太夜啦，要訓喇，留言聽日再覆～～ｏｋａｙ？
ＺＺＺＺＺｚｚｚｚｘｘｘｘ
ｔｏ ｂｅ ｃｏｎｔｉｎｕｅｄ
>>July 27, 2003 at 8:20:32 PM GMT+8
2003 年 7 月 23 日 星期三 【晴】
～～打風喇，打大風ｌｕ～～
下午確實很大風大雨呀，吹得我搖搖擺擺的，
今日除了去補習之外，就甚麼都未有做了～！
一眼看過去，補習班好像沒有一個是型仔，更不用說靚仔了吧～！
算，反正我今天濕身的樣子也狼狽得很～！
好，覆下朋友仔既留言先～～
ＣＡＲＭＥＮ～～～ 做咩呀？點解我地ｄ計劃會俾人ｂａｎｄ晒呀？邊個咁大膽呀？我當然知你好想去街街啦，我又點會唔理你呢？我咪話我地可以去．．．啦，仲有．．．啦等等～～要一大班去玩返次嘛，我知架喇～！我今日補第一堂喇，先覺得我ｄ英文真係唔多得，唉，唔係唔話你知抵呀，不過英文ＣＥ要Ｃ以上先有嘛～！哪，我試下好唔好先叫你去，咪唔駛你徙＄＄＄囉～！好同情你姑姐呀，不過真係愛莫能助啦，我件雞雞呀都染左呀，咪唯有洗多兩次咋～～～＞ˍ＜
老豆～～～ 我知喇，我唔會唔記得溫書既，係懶ｄｄｄ嗟，你得閒逼下我咯～！你有睇中３咩？係點架？做咩唔買呀？你大個仔喇，唔駛我地話好你先買架喇嘛．．．又或者得閒同你去睇啦，我ｄ眼光你唔會唔唔信掛～！順便講下你果ｄ”悶蛋超人”嘛～！呵呵，送俾你？諗諗先啦，其實我都鍾意左ｄ野喎，不如你送過我啦，老豆～！
阿Ｌｉ～～～ 呵呵呵，妳駛咩羡慕我呢？你都可以去玩餐飽架嘛！哈哈，冇話你聽咩？我個口已經大左幾個碼啦，點算呀？睇黎呢次要搵整容醫生先得咯～！真係架，唔係ｔｕｍ你架，真係想一大班人去玩下架，咁你咪唔駛隔住條屯門公路羡慕我囉～～
靚靚表妹～～～ 做咩咁無聊呀？？我邊有唔理你喎，邊個係”ｄｏｇ ｄｏｇ”呀？記唔記得我仲要幫你做”油甲大師”架嘛，係咪？唔好嬲啦，最多．．．．．我送一個”乜都得”俾你啦～！俾你話晒事咯，一次咁多架咋！呵呵，唔怕啦，你悶就搵我啦，我又點會唔陪你呢～？
寫到呢到先，
ｔｏ ｂｅ ｃｏｎｔｉｎｕｅｄ
>>July 23, 2003 at 5:32:58 PM GMT+8
|
![]()
～ 我愛和平．一個平靜的家 ～
|
廣告 |
|
|
讀者留言 |
| 路人留言
|
 睇嚟你有d開心野喎
>>May 12, 2006 at 6:16:13 PM GMT+8
嘩...妳生日咁多禮物既??
<
>>May 7, 2006 at 8:56:25 PM GMT+8
生生生生生生生生生生
<br>日
>>April 29, 2006 at 12:15:44 PM GMT+8
生日快樂!!!
<br>那晚好像
>>April 28, 2006 at 4:56:52 PM GMT+8
我回來了,哈哈~~
>>April 20, 2006 at 12:19:16 AM GMT+8
好慘啊你，第一次去 Disney
>>April 1, 2006 at 3:40:59 AM GMT+8
yeah~我地可以一齊努力hum
>>March 11, 2006 at 3:11:12 PM GMT+8
就泥夏天啦~要操下先得
>>March 8, 2006 at 6:13:28 PM GMT+8
和牛擦身而過的感覺真是 WOND
>>March 8, 2006 at 10:00:25 AM GMT+8
甚麼免為其難！！？
<br>我是
>>March 5, 2006 at 4:25:13 PM GMT+8
唉，你就好啦，有情人節禮物！仲有
>>February 17, 2006 at 5:30:24 PM GMT+8
請問你買的ｕＺａｐ美帶子好用嗎，
>>February 16, 2006 at 4:08:52 AM GMT+8
我食左一日，番到屋企發現我多左個
>>February 3, 2006 at 5:26:58 PM GMT+8
天氣凍,個人都懶d。
<br>好
>>January 28, 2006 at 9:21:51 PM GMT+8
我都係咁話~~超火!!!
>>January 19, 2006 at 1:02:03 AM GMT+8
點解貓仔六年級仲簡小學？哈哈~
>>January 13, 2006 at 6:20:01 PM GMT+8
喂,估唔估倒我係邊個？
<br>
>>January 12, 2006 at 6:35:56 AM GMT+8
整甜品咁開心？我有無得食先？
>>January 11, 2006 at 6:07:27 PM GMT+8
相逢恨"快"呀!!才一個多小時就
>>January 7, 2006 at 2:35:03 PM GMT+8
你好懶呀!!!咁得閒又無野做都唔
>>January 5, 2006 at 4:56:28 PM GMT+8
新年快樂呀~!!祝你身體健康啦~
>>January 2, 2006 at 1:45:06 AM GMT+8
唔好呀~咁你咪要厭惡埋我?!幾時
>>December 30, 2005 at 11:55:23 PM GMT+8
你就好啦,考完試有得放假.我xm
>>December 19, 2005 at 11:57:25 PM GMT+8
阿之.冇見好耐了,唔知你d生活點
>>December 18, 2005 at 1:14:38 AM GMT+8
做咩唔開心呀之之~
>>December 15, 2005 at 9:16:44 PM GMT+8
O my GOD!
>>December 15, 2005 at 8:32:39 PM GMT+8
我都去澳門呀~~~
<br>到時
>>December 14, 2005 at 3:48:48 PM GMT+8
你都幾孝義架喎~~~~
>>December 13, 2005 at 5:57:32 PM GMT+8
Please take care
>>November 28, 2005 at 2:41:36 PM GMT+8
我細個都試過整親膝頭哥,真係痛到
>>November 28, 2005 at 5:54:53 AM GMT+8
無所謂啦~~~
<br>下次再約
>>November 27, 2005 at 5:51:48 AM GMT+8
都唔知點解屋企留唔到言比你,
<
>>November 26, 2005 at 11:59:29 AM GMT+8
嘩...個test ok 準wo
>>November 14, 2005 at 4:39:47 PM GMT+8
<br>童年時逢開窗
<br>
>>November 4, 2005 at 5:32:15 PM GMT+8
最近都唔知仲咩，多功課到我都就死
>>November 1, 2005 at 4:14:03 PM GMT+8
這樣的日記才像樣的,
<br>挺
>>October 21, 2005 at 1:39:27 PM GMT+8
遊玩時 開心一點 不必掛念我..
>>October 4, 2005 at 12:20:27 PM GMT+8
leung1G!!!!!!!!!
>>August 26, 2005 at 8:38:40 PM GMT+8
見你呢度咁靜...黎探下你啦..
>>August 13, 2005 at 4:32:01 PM GMT+8
點呀,決定食咩呀??又唔寫日記~
>>August 1, 2005 at 5:46:14 AM GMT+8
看開點吧...事情已發生了...
>>July 15, 2005 at 6:24:24 PM GMT+8
哈哈,終於比我等到喇~~~~th
>>July 6, 2005 at 4:57:02 PM GMT+8
幾早起身～～～～～～
<br>哈
>>June 26, 2005 at 2:33:59 AM GMT+8
我中意玩旋轉泡泡球多d~去悲晶玩
>>June 23, 2005 at 4:08:02 AM GMT+8
癮形日記~~~~
<br>哈哈~
>>June 20, 2005 at 7:43:58 PM GMT+8
每次我們暢所欲言地談心後，感覺總
>>June 16, 2005 at 7:06:29 PM GMT+8
有個司奶話：突然好想由佢曬黑，頂
>>June 16, 2005 at 3:37:04 AM GMT+8
我地係咪去lu xin之前唔會再
>>June 14, 2005 at 3:36:02 PM GMT+8
唔寫日記既?咁快去左悲晶?!?!
>>June 14, 2005 at 9:55:27 AM GMT+8
做咩咁感慨呢?其實踩單車咪踩單車
>>June 9, 2005 at 3:48:45 AM GMT+8
|
|
等睇好耐既各位，又有得睇喇～！
ｃａｒｍｅｎ生日快樂呀！
！！！～係時候覆下大家既留言喇～！！！
又係要晨早起身～！
又到放榜的日子了～！