|
2005 年 10 月 7 日 星期五 【晴】
～ 出發了 ～
今年的外遊運勁盛！
一個禮拜趕起６樣ａｓｓｉｇｎｍｅｎｔｓ，犀利！
做功課之餘竟可抽少少空去行街街，有ｔｓｔ ｓｏｇｏ＆ｍｋ！
寫日記的承諾在一輪趕功課的時光中蕩然無存 ＞＿＜
之前星馬之旅及ｏ’ｎｉｇｈｔ的相片也是到今朝才過到電腦去！
直至昨天對南京之行依然零心理準備！
出發前一晚還去睇戲，行街，食飯飯！
１１點才返家慢條斯理撿行裝，執行李的技術似乎越來越到家！
聽說南京最低得十多度，立即帶埋風褸去！
極期待一落機就見到的上海！
十萬個不知道到時情況如何，組員如何，傻呼呼這刻開始有一點點緊張！
記住朋友仔對我的擔心，也記住自己會小心～～
出門多了，爸爸媽媽沒有多餘的提醒！
今日下午，一個２２”喼，一個行李袋，一個人去機場．．．
七天後見～～
ｔｏ ｂｅ ｃｏｎｔｉｎｕｅｄ～
>>October 8, 2005 at 3:32:48 AM GMT+8
2005 年 9 月 21 日 星期三 【晴】
～ 出門 ～
北京遊記還有好幾天未寫好，
星馬之旅又絲毫未記下，
轉眼，一個消息，一封電郵，一個突然，要飛到上海和南京去了！
承諾自己要在出發前完成它它．．．
ｔｏ ｂｅ ｃｏｎｔｉｎｕｅｄ～
>>September 22, 2005 at 7:15:13 PM GMT+8
2005 年 8 月 22 日 星期一 【晴】
～ ｈａｉｒｃｕｔ ～
每天好乖起身睇電視，想不到愛上追舊電視劇！午飯食過爸爸買回來的米線，就換衫上班去，依然是趕返去，真的不明白為何我總遲出門口！今天的客人古怪，有的說衫太大，有的嫌衫不夠大，有的要在秋裝中找背心，卻有人在鏡前稍看就買下來．．．終於可以揀制服，揀＄４００呢！無驚無險，又到７點，美孚站見到接我的ｋａｒｅｎ，地鐵車廂中公然交換食物，過份！
之後就去佐敦剪頭髮．．．反正最近沒有甚麼值得高興的事，又被迫染黑頭髮，眼見自己頭上一絲絲的黑，心痛+不開心+情緒低落，剪剪頭髮令人有一洗頹勢之感！不揀髮型師，任人擺佈，被新仔當公仔一束束地吹乾，大概我一頭又多又厚又長的頭髮是個好練習對象，比ｋａｒｅｎ沒得吹為抵！好，新頭去旅行～！
豐富的晚餐，包括擔擔面，小籠包子，香噴噴的燉蛋白，芝麻湯圓，飽得很！各自歸家，阿世衝過來巴士站找我，為相見３分鐘，激進，於是互相展示新髮型，我就回家去了！車上收到突發的ｄｒａｍａ ｓｏｃ明天開會召集，一臉愕然，不去了！
２８／９就出發喇，說時遲那時快，恨明天去不到茶會，恨沒太多跟去北京不一樣的衣衫，恨識到拿督個仔．．．
擔心佩佩，恨探病時間要返工，縱近也不能去探望一下！
星馬之旅～～５ｄａｙｓ ｔｏ ｇｏ！
ｔｏ ｂｅ ｃｏｎｔｉｎｕｅｄ～
>>August 23, 2005 at 6:05:15 PM GMT+8
2005 年 8 月 16 日 星期二 【雨】
～ 返工 ～
ｉｎｔｅｒｖｉｅｗ後的兩天，收到電話上班去，效率奇高，知道請人到面試到通知到返工，不足六天！
１３／８～～第一天，煞是緊張，同事們挺好的，肯慢慢一步步教我，但不斷的ｈｅｌｌｏ跟ｂｙｅｂｙｅ令我的聲線沙啞！不知有那些貨品，不知它們放在哪兒，不知有何尺碼，不知有沒有新，於是不斷的”請等等，我問問”，企不慣的關係，幾個鐘後，我的腿都軟了，幸好店長放我半個鐘，就衝到ｋｆｃ坐坐，怎料撞到媽咪跟ｋ媽，下午茶後又返去企了！７點準時放工，接我放工的人加上個ｋａｒｅｎ，嘻，擦意粉屋，飽餐一頓！再研究旅行資料就各自回家了！
１４／８～～第二天，抖足精神，今天好多了，開始記得貨品放在哪部份，可惜不習慣分位企，常常出錯！同事說不知有沒有貨的話可以問她，問她的時候她又說問她也不知，吓？無奈！常有客人不知怎樣襯衫，特意問我意見，暗自滿足！
１５／８～～第三天，兩天特訓過去，調到靜舖，舖中只有兩個人，而且同事有一個半鐘食飯時間，簡單點說，我可以當個半鐘的店長！亦因此她教我不少東西，查機，入倉，其實自己一腳踢，感覺蠻好的！而且舖頭較細，客人不多，最多三數個，不難應付！傾談間才知這個拍擋比我還要少一歲呢，都幾好傾！ｋａｒｅｎ專程來接我，就一同趕往灣仔學法文，法文的同學仔越來越少，更好，有了更多機會多講幾句～
１６／８～～第四天，換了拍擋，就是那個說我可以問她的那個，本以為今天糟糕，怎料原來她也不是個難相處的人，還叫我試試換ｄｉｓｐｌａｙ，又教我其他東西，嘻，又幫我買了一件衫衫，沒想到是半價！！跟爸媽食飯後就回家去～
１７／８～～第五天，一點返ｐｏｌｙ開會，傾傾ｏｎｉｇｈｔ之事，唉，不合心意又不便多講，中途離席上班去，遲到，幸好沒大問題～～開始可以毫不猶豫地講出同款有甚麼顏色，尺碼，甚或放在哪兒，專業很多吧！臨近７點，驚喜，小ｋｋ接我放工，開心，還買了東西給我吃呢！可以不慌不忙食飽才去學法文，今晚，我班剩下５個學生，輪流朗讀，被評似新聞報導員！
ｔｏ ｂｅ ｃｏｎｔｉｎｕｅｄ～
＊～～http://www.xanga.com/home.aspx?user=nicolechichi～～＊
>>August 19, 2005 at 8:19:40 PM GMT+8
2005 年 8 月 11 日 星期四 【溫暖】
～ 充實 ～
跟阿佩ｋａｒｅｎ先到尖沙咀買褲，明天要著返工呢，多得她們相陪，很快就買到了，食午飯後，三個人傾著笑著返ｐｏｌｙ，突覺路程不遠．．．
開會，見見社工，社工竟然得知我和ｋａｒｅｎ被遺棄於北京明十三陵，同樣認為這是無稽之談！還好有人知道當天旅遊車不等齊人，我倆苦行３公里的事跡．．．
之後又跟ｅｎｇ ｓｏｃ開會，進展緩慢！突然天一黑，雷聲震耳，一號風球，跟何凱閩和超ｗｉｎｇ的飯局取消？結果，我還是去了旺角找超ｗｉｎｇ，一見面依舊你一句我一句，跟她的朋友仔一齊食飯之後，無懼風雨，開始ｓｈｏｐｐｉｎｇ，好開心呀，實在很久沒跟她兩個人行行街，跟她，是不用假裝，不用猜疑的一對好好朋友！對，女性朋友不用多，知己難求，了解的三兩個就夠～！返到屋企樓下，繼續企在麥記門外傾～～～～
ｔｏ ｂｅ ｃｏｎｔｉｎｕｅｄ～
＊～～http://www.xanga.com/home.aspx?user=nicolechichi～～＊
>>August 19, 2005 at 8:18:29 PM GMT+8
2005 年 8 月 8 日 星期一 【晴】
～ ｉｎｔｅｒｖｉｅｗ ～
下午跟阿雯，兩個太悶的人，圍威喂走去找ｐａｒｔ－ｔｉｍｅ，甫去到填表，求職者一個接一個，原來人人皆是ｓｅｃｏｎｄ ｉｎ了，我們交了表就在等！見到有一班人湧出來，心想：一定是ｇｒｏｕｐ ｉｎ吧！這個ｇｒｏｕｐ ｉｎ並沒帶來大太壓力，大概因為可有可無，在坐９人，加一個ｉｎｔｅｒｖｉｅｗｅｒ，開始逐個問，似乎我跟阿雯最老，大部份都是中五的，而且他們答題技巧笨拙，有時笑話連篇，節錄如下：
１）你點解唔做上一份工呀？
因為佢扣我人工，扣１０％，話係暑期工保障金！ （未聽過，究竟係保障邊個？）
２）你之前做保險ｔｅｌｅ ｓａｌｅｓ架，點解唔做呢？
因為我唔鍾意做保險 （咁都算係理由？）
但係你都做左３個月喎
係，不過要追數，太大壓力咪唔做囉！
（邊有工唔大壓力架？大壓力就唔做，係你都唔好咁豬咁答丫，何況個個都知做舖一樣要追數）
３）你晌邊到得知我地公司請人？
便利！
但我地無登便利好耐喇喎
ｏｈ，唔好意思，我記錯左呀，係勞工處！ （咁都會記錯？）
４）你點解唔做ｐｃｃｗ呢？
我唔鍾意佢ｄ返工時間，返一放十，返得晏又放得晏
但晌我地公司做全職可能要放凌晨一，兩點架喎，你有冇問題架？
無問題！ （你頭先至話放十點都嫌晏架喎）
真係無問題？
下？做ｓａｌｅｓ都預左架啦．．． （咁算唔算係寸個發問者呢？）
５）你係想申請做ｓａｌｅｓ呀吓嘛？
係呀！
但係你呢到剔左申請做店長喎！！
唔好意思，我剔錯左呀 （咁都有得寫錯？真係好想笑．．．）
６）你以前都又做過同類行業，又無做既？
係，我之前係做店長囉，係兩店之長，不過ｄ同事個個年紀大過我，唔ｇｕｒ我，係呀，唔ｇｕｒ囉，咪唔做囉，我都可以隨時返去做架，不過我唔返之嘛！ （兩店之長黎見做ｓａｌｅｓ？仲有同以前同事相處唔到都唔好話比人聽丫，鬼請你！同埋果個場合講唔ｇｕｒ兩字，真係好難入耳！
７）ｅ．．．你做緊地產，咁點做到呢份工呢？
地產果邊我打算唔做架喇，依家都係找定後路嗟！ （嘩，人地公司係你後路？！）
８）不如你地試下介紹你地身上既衫丫．．． （聚人試完，剩低一個女仔，佢話～）
下？嘻，我好緊張呀 （多謝你既坦白，但最終佢都係無試，醒呀！）
９）你點解會想黎我地公司做野呢？
ｕｍ．．．我都係黎碰運氣
咁你又想做ｓａｌｅｓ？
我都係黎碰運氣架咋 （你都唔係有心做，有時講下大話都要啦，點請你呀？）
難以想像原來有人這樣面試的，難以想像他們已是第二次面試，是求職者水平差了很多？怪不得總有人怨找不到工作，諒解他們年紀尚小，但心想我中五的時候也不會這樣答問題．．．
ｔｏ ｂｅ ｃｏｎｔｉｎｕｅｄ～
＊～～http://www.xanga.com/home.aspx?user=nicolechichi～～＊
>>August 11, 2005 at 12:15:22 PM GMT+8
2005 年 8 月 7 日 星期日 【晴】
～ ｄｒａｍａ ｓｏｃ ～
今日沒有平常的運動日，下午返ｐｏｌｙ開會，氣氛不錯，還打算來個運動聚會！再去ＳＵ房搞搞震，看過一大疊財務表格，３個大人物簽名後，ｄｒａｍａ ｓｏｃ就正式成立～！
早走，陪ｋａｒｅｎ到西環ｉｎｔｅｒｖｉｅｗ，食飯後又是法文堂！開始可以嘗試多說幾句，有時我不是不想主動些，但以法文表達自己實在有難度，單問我周末做過些甚麼，已經考起我～！
ｔｏ ｂｅ ｃｏｎｔｉｎｕｅｄ～
＊～～http://www.xanga.com/home.aspx?user=nicolechichi～～＊
>>August 11, 2005 at 11:29:48 AM GMT+8
2005 年 8 月 6 日 星期六 【清涼】
～ 屯門 ～
今早去了屯門拜祖先，爺爺，其實只是在山上的精舍立的一個位，今年已是第二年來了，始知太公的名字原來是”元想”，心覺是個很美的名字，沒有格外傷悲，因為爺爺給我的五年回憶，也許當時年紀小，只記得一些小片段，但都已刻在心上！天氣太熱了，加上香火，令人透不過氣！滴著汗食過齋菜，煎炸腐竹，好好味！等不到的士，幸好遇上祭祖的好人司機，接我們到市中心去，不然要烈日當空下山去！
跟三叔，如風，媽咪再那兒行了一回，又陪如風去玩具部，看那些我怎看也不會喜歡的超人！炎熱的天氣，一杯雪糕最好不過！
打給何凱閩，他邀我到他家作客，好，反正距離深井不遠！還是第一次到那兒，景色怡人，海風披面，住確不錯，心想自己的家要是近海的話那多好啊～！多月不見，一傾就是幾個鐘，再嗒返杯，為近日沉悶的我帶來一個意外的節目！
ｔｏ ｂｅ ｃｏｎｔｉｎｕｅｄ～
＊～～http://www.xanga.com/home.aspx?user=nicolechichi～～＊
>>August 11, 2005 at 11:20:13 AM GMT+8
2005 年 8 月 3 日 星期三 【晴】
～ ｐａｓｓｐｏｒｔ ～
打算月尾去旅行，才發現ＢＮＯ不到半年就到期，千萬個不想拿特區護照，不過又平又多國不用簽證，最後還是要拿它！本想一點多去油麻地搞，誰知十二點多收到ｋｋ的電話說中環派籌已派到兩點！即刻叫他先幫我拿籌，但已是三點籌，真恐怖，就這樣開始港九遊～～先隧巴去西環拿他手上的籌，再小巴落中環，等了大半小時，終於三點多搞好，好彩廿六號就可以拿了，那完全不影響計劃中的行程呀！ｊｏｉｎ返剛教完小朋友的ｋｋ，又隧巴返ｐｏｌｙ！舟車勞頓，好累＞＿＜
圖書館傾ｄｒａｍａ ｓｏｃ的事項，本只想跟ｋｋ做宣傳的小角色，怎知一輪你推我讓，當了財政，要知我連自己的財政也搞得不怎麼好呢，對著數字我就是頭暈！一傾就是七點多，返深水埔跟爸爸食米線，今晚飽看電視，可恨妙手仁心跟ｄｅｓｐｅｒａｔｅ ｈｏｕｓｅｗｉｆｅ撞了半個鐘！
ｔｏ ｂｅ ｃｏｎｔｉｎｕｅｄ～
＊～～http://www.xanga.com/home.aspx?user=nicolechichi～～＊
>>August 5, 2005 at 5:56:08 AM GMT+8
2005 年 7 月 31 日 星期日 【晴】
～ 運動日 ～
今日又是我們的運動日！
跟阿佩，雯，ｋａｒｅｎ返ｐｏｌｙ打波，壁球，羽毛球，汗流浹背～很開心，覺得自己好健康！
佩佩要加油，養足精神，一齊玩先開心嘛！估不到我們有的是恆心，保持這個約會！
下次打排波，個個都不懂，不知會怎樣呢？
運動過後，是食！再到圖書館看那未完的”向左走．向右走”，然後，又是食！
打給同同，昨天找不到他，不知他病好了沒有，電話接通，他竟剛從澳門回來，唉．．．嘥氣！
趕乘隧巴到灣仔，車上趕功課，疲累地上法文堂，阿ｓｉｒ話法國人不喜歡說話慢條斯理！
要不是他說短句，再加表情，大概我不會懂得給反應，只能皺眉頭～！
今晚教食物，還好，以前學過，不至懵懵吓！
深宵電話到３點，救命，我捱不住了！
電車女～～ 還沒有想到，你有好提議嘛～？
ｔｏ ｂｅ ｃｏｎｔｉｎｕｅｄ～
＊～～http://www.xanga.com/home.aspx?user=nicolechichi～～＊
>>August 2, 2005 at 7:45:00 AM GMT+8
|
![]()
～ 我愛和平．一個平靜的家 ～
|
廣告 |
|
|
讀者留言 |
| 路人留言
|
 睇嚟你有d開心野喎
>>May 12, 2006 at 6:16:13 PM GMT+8
嘩...妳生日咁多禮物既??
<
>>May 7, 2006 at 8:56:25 PM GMT+8
生生生生生生生生生生
<br>日
>>April 29, 2006 at 12:15:44 PM GMT+8
生日快樂!!!
<br>那晚好像
>>April 28, 2006 at 4:56:52 PM GMT+8
我回來了,哈哈~~
>>April 20, 2006 at 12:19:16 AM GMT+8
好慘啊你，第一次去 Disney
>>April 1, 2006 at 3:40:59 AM GMT+8
yeah~我地可以一齊努力hum
>>March 11, 2006 at 3:11:12 PM GMT+8
就泥夏天啦~要操下先得
>>March 8, 2006 at 6:13:28 PM GMT+8
和牛擦身而過的感覺真是 WOND
>>March 8, 2006 at 10:00:25 AM GMT+8
甚麼免為其難！！？
<br>我是
>>March 5, 2006 at 4:25:13 PM GMT+8
唉，你就好啦，有情人節禮物！仲有
>>February 17, 2006 at 5:30:24 PM GMT+8
請問你買的ｕＺａｐ美帶子好用嗎，
>>February 16, 2006 at 4:08:52 AM GMT+8
我食左一日，番到屋企發現我多左個
>>February 3, 2006 at 5:26:58 PM GMT+8
天氣凍,個人都懶d。
<br>好
>>January 28, 2006 at 9:21:51 PM GMT+8
我都係咁話~~超火!!!
>>January 19, 2006 at 1:02:03 AM GMT+8
點解貓仔六年級仲簡小學？哈哈~
>>January 13, 2006 at 6:20:01 PM GMT+8
喂,估唔估倒我係邊個？
<br>
>>January 12, 2006 at 6:35:56 AM GMT+8
整甜品咁開心？我有無得食先？
>>January 11, 2006 at 6:07:27 PM GMT+8
相逢恨"快"呀!!才一個多小時就
>>January 7, 2006 at 2:35:03 PM GMT+8
你好懶呀!!!咁得閒又無野做都唔
>>January 5, 2006 at 4:56:28 PM GMT+8
新年快樂呀~!!祝你身體健康啦~
>>January 2, 2006 at 1:45:06 AM GMT+8
唔好呀~咁你咪要厭惡埋我?!幾時
>>December 30, 2005 at 11:55:23 PM GMT+8
你就好啦,考完試有得放假.我xm
>>December 19, 2005 at 11:57:25 PM GMT+8
阿之.冇見好耐了,唔知你d生活點
>>December 18, 2005 at 1:14:38 AM GMT+8
做咩唔開心呀之之~
>>December 15, 2005 at 9:16:44 PM GMT+8
O my GOD!
>>December 15, 2005 at 8:32:39 PM GMT+8
我都去澳門呀~~~
<br>到時
>>December 14, 2005 at 3:48:48 PM GMT+8
你都幾孝義架喎~~~~
>>December 13, 2005 at 5:57:32 PM GMT+8
Please take care
>>November 28, 2005 at 2:41:36 PM GMT+8
我細個都試過整親膝頭哥,真係痛到
>>November 28, 2005 at 5:54:53 AM GMT+8
無所謂啦~~~
<br>下次再約
>>November 27, 2005 at 5:51:48 AM GMT+8
都唔知點解屋企留唔到言比你,
<
>>November 26, 2005 at 11:59:29 AM GMT+8
嘩...個test ok 準wo
>>November 14, 2005 at 4:39:47 PM GMT+8
<br>童年時逢開窗
<br>
>>November 4, 2005 at 5:32:15 PM GMT+8
最近都唔知仲咩，多功課到我都就死
>>November 1, 2005 at 4:14:03 PM GMT+8
這樣的日記才像樣的,
<br>挺
>>October 21, 2005 at 1:39:27 PM GMT+8
遊玩時 開心一點 不必掛念我..
>>October 4, 2005 at 12:20:27 PM GMT+8
leung1G!!!!!!!!!
>>August 26, 2005 at 8:38:40 PM GMT+8
見你呢度咁靜...黎探下你啦..
>>August 13, 2005 at 4:32:01 PM GMT+8
點呀,決定食咩呀??又唔寫日記~
>>August 1, 2005 at 5:46:14 AM GMT+8
看開點吧...事情已發生了...
>>July 15, 2005 at 6:24:24 PM GMT+8
哈哈,終於比我等到喇~~~~th
>>July 6, 2005 at 4:57:02 PM GMT+8
幾早起身～～～～～～
<br>哈
>>June 26, 2005 at 2:33:59 AM GMT+8
我中意玩旋轉泡泡球多d~去悲晶玩
>>June 23, 2005 at 4:08:02 AM GMT+8
癮形日記~~~~
<br>哈哈~
>>June 20, 2005 at 7:43:58 PM GMT+8
每次我們暢所欲言地談心後，感覺總
>>June 16, 2005 at 7:06:29 PM GMT+8
有個司奶話：突然好想由佢曬黑，頂
>>June 16, 2005 at 3:37:04 AM GMT+8
我地係咪去lu xin之前唔會再
>>June 14, 2005 at 3:36:02 PM GMT+8
唔寫日記既?咁快去左悲晶?!?!
>>June 14, 2005 at 9:55:27 AM GMT+8
做咩咁感慨呢?其實踩單車咪踩單車
>>June 9, 2005 at 3:48:45 AM GMT+8
|
|
～ 出發了 ～
～ 出門 ～
～ ｈａｉｒｃｕｔ ～
～ ｉｎｔｅｒｖｉｅｗ ～