|
2004 年 1 月 11 日 星期日 【陰】
是時候為這個荒廢了好一個月的版版添些生氣吧～！
這個月以來發生了太多事情，太多想也想不到的事情，心中實在有太多事想說了，一時間也不知先說哪些，也就是我總提不起勁寫日記的原因吧～！
回憶一下上個假期吧～～ 這個假期很是充實，是玩得充實呢～！
先有阿世生日，原先沒想過要跟他晚上慶祝，不過那晚他打來叫著要跟他食飯，於是本來正在行街的阿權和我便去了～！起初也沒兩樣，都是在談天說笑，但夜一點，好一個”日落西山下”的遊戲，弄得我們哭笑不得，阿世的哥哥還拿了一湯碗的辣油給我們作懲罰之用，輸了便要飲一湯匙，之後我們又ｄｉｓｃｏｖｅｒ終極無間版．．．玩到其食店都打烊，伙計都走了，我們還再玩呢～！真的玩到不願走，可惜再遲點回家的話明晚就不能玩得夜一點了，所以他倆都嚷著趕我走呢～就這樣我們熱辣辣地離開，肚子也熱騰騰的翻滾！
之後跟阿權，阿Ｄａｎ，阿世去ｃｈｒｉｓｔｍａｓ ｐａｒｔｙ ，去之前大談打扮，不過ｐａｒｔｙ似乎比想像中有些距離，跟以前去ＤＢＳ的ｂａｌｌ有點差距～！雖然未出發比出發後來得興奮，我們也自得其樂丫～！
平安夜去了阿權家姐家度過 ，十萬個想不到嘉琪可以去，還可以跟我們過夜呢，哈哈，妳知嘛，我在大埔的超市見到妳的一刻，可真嚇一跳，由妳哭訴打給我說妳不能去，聽到妳媽媽所說，到我ｓｅｎｄ ｓｍｓ給妳，見到你我真的由心笑出來呀，哼！妳成功啦～！這次真的見識到阿蘇的攪笑本色，哈，又玩得又抵得諗～但是我想下次去之前先要簽下一份“通頂玩樂協議書”才好，不能像這般人人也倒頭大睡呢～！但那懲罰性的乾食兩片麵包+９個魚蛋我就沒齒難忘了～！
聖誕節我就向北移，去了深圳呢～！ 已經好久沒有上去玩玩了，真的很正，甚麼也是一元八塊，行行超級市場也是超級享受，滿手飲飲食食竟花不上多少，很滿足呢～！又去買毛毛公仔啦，很可愛呀，食過好多有特色的，似乎又胖了點ｌｕ～！
之後幾天做甚麼～？ 除了玩，再想不到其他的了，去了我好一陣子沒去的銅鑼灣，一口氣看過所有的名店，Ｇｕｃｃｉ，Ｂｕｒｂｅｒｒｙ，ＣＤ，Ｐｒａｄａ，Ｌｏｅｗｅ等等，第一次見識＄４３,８００一個的全黑手袋，看中了多得無法盡錄的東西，卻是頭一次真的兩手空空的回家，大概要讚揚一下自己的忍耐力和他的禁制令啊～！這幾天真的很開心，很幸福呢～！我又得到了新的手提電話，哈，幸好可以換去其藍色外殼，漂亮很多呀～！可惜電話新了不過一日就給殘酷的玩．．．灰．．．
對了，到除夕了，還是那麼貪玩的我怎能安在家中呢～？ Ａｌｂｅｒｔ打來說不再去ＴＳＴ跟人家迫著倒數，轉陣地到大浪灣去～～西貢還要再遠些，爸爸媽媽連聲反對，好在再問之下才知是去石澳旁的大浪灣，他們翻查地圖始發現香港原來有３個大浪灣的～～好彩，化解了這次留在家中倒數２００４的危機～！去到那兒，先是不知道為何早些下車要付上多些車費，下車又是陰森恐怖的路，好在早去些的他們拿了一盞油燈來照明，我們才能怕著鬼般的經過沙灘去到ｂｂｑ區呢～！到了１２時，全部ｂｂｑ區內的人都起來，由於沒有法定時鐘，唯有依照Ｔａｉｔａｎ當天早上跟香港早晨ｓｅｔ的錶啦，哈哈～！接著就搬到沙灘去，一班人圍住盞油燈玩遊戲啦，跳舞，最後連最不想玩的凱西都要加入戰團，先有家聲輸掉要到人家堆中叫人點歌然後即席演繹，之後，縱使他們都為我緊張打氣，我還是給隔鄰的匯基校草玩殘，我輸了，懲罰是～～～去人家堆中變身做美少女戰事，救命呀～！結果玩到兩三點，便ｃａｌｌ Ｖａｎ仔回家去了～大家都累得很呢～回程時Ｃａｒｅｙ就要像師奶一樣，分派剩下來的食物，就這樣在很潮的銅鑼灣分芝士腸，真諷刺～哈！
這個充滿娛樂性的假期，令我有很多感慨～！ 聽過不少死訊，有的是明星，有的是我的親人，聽到這些消息，心不禁寒起來，人大了，識了更多人，無奈他們只會一個又一個離開，越大就越要面對更多生老病死，很灰～！似乎甚麼計劃也好像是徒然，一旦失去生命，甚麼計劃都只是一堆無意義空話～！開始體會“生命無價”，“活著就是精彩”．．．突然覺得自己真的很幸運，我有健康健全的身體，我有爸爸媽媽家人錫我，我有身邊數不盡的朋友仔關心我，我有知心知己的義不容辭照顧我，重要的是我還活著，應該知足了吧～！真的，我要多謝我所有的朋友仔， 多謝他們讓我和陪我成長，即使好久不見，即使連打電話也提不起勁，即使相識不久，即使有過幼稚無謂的爭拗，只要一見面，還是有數不盡的話題，還是有一見如故之感～！平時嘻嘻哈哈的，但一有困難，一個電話，依舊會衝過來幫幫忙，我想我生命中真的不可少了朋友這一環了～！
是次日記很長，希望大家看畢後還有精神給我留個言吧～！
～ｔｏ ｂｅ ｃｏｎｔｉｎｕｅｄ～
>>January 11, 2004 at 4:36:50 PM GMT+8
2003 年 12 月 12 日 星期五 【晴】
！～媽咪生日快樂～！
琴日係媽咪生日，咁我既一日假期當然留番俾佢啦～！我地慢條斯理咁出門口，果時都怕已經係晏奏ｌｕ，第１站咪係去睇戲咯～～本身諗住睇”真的戀愛了”架，不過去到見”無間道３”上左，又無理由唔睇下新野啦，於是食完野就去睇喇～！其實睇呢套唔多唔少都係因為ｄ ａｓｓ陣容，我地又無睇第２集，第１集講真又無用心睇既，不過都知個故事講咩，唔知係咪因為咁呢，我地離場之時，帶住一肚子的問號呀～！成套戲都係一片片片段式，閃下呢段，又閃下果段，時空交錯，都幾亂下，有ｄ我到家下都咪諗得明，睇左又明佢講咩既朋友麻煩同我解下話丫～！但係睇番我既前偶像～ＬＥＯＮ真係殘左好多ｌｕ，之不過佢著起西裝，都仲係好型，同佢一齊著西裝既劉德華就唔夠佢靚仔喇～呵呵～！我還是想看”真的戀愛了”～！
之後就諗住同媽咪去”雙星茶座”歎下，點知新世紀果間無半價喎，所以咪去Ｄｅｌｉｆｒａｎｃｅ度ｔｅａ一ｔｅａ算咯～！原來佢ｄ ｔｅａ ｓｅｔ真係好抵食架，我又當然要食番件ｃａｋｅ啦！跟住就去ｓｈｏｐｐｉｎｇ，可惜凈係佢買到野，我？咩都無囉＞ˍ＜ ｊｏｉｎ埋表妹，行多一陣，我地就許食飯飯ｌｕ，食呢餐差ｄ笑死我添呀～！Ｒｅｇｕｌａｒ ｍｅｅｔｉｎｇ之後當然又係行夜街街啦！
今日係補習天后既第二堂，問佢上個禮拜默成點，唉，同佢串果ｄ深字佢就識晒，竟然串錯個Ｈｏｗ，串左Ｈｏｍ喎，激死喇～！不過我諗佢怕我惡掛，下個禮拜要默既佢都串定７７８８俾我，晌我無叫佢串定既情況下都算係咁啦！聖誕節加多佢兩堂，哈哈哈，咁我想要果ｄ野就不遠已～！
是期精選～～～”雙星茶座”
ｔｏ ｂｅ ｃｏｎｔｉｎｕｅｄ
>>December 14, 2003 at 8:05:55 AM GMT+8
2003 年 11 月 30 日 星期日 【晴】
笑 料 之 Ｄａｙ～～
琴日原本諗住去買鞋啦，不過又懶虫唔想郁，結果都係無去到囉～！哈哈．．．塞翁失馬，焉知非福呢～？扭開電視，一眼就見到張國榮，已經搵緊搖控轉台之際，眼前突然出現～～方中信～～當然打死都唔轉台啦～！套戲叫咩”鎗王”，講張國榮由幫人改鎗到愛上殺人，而爆型既方中信就當然係做警察捉佢啦，嘩！佢拎鎗個ｌｏｏｋ真係．．．型到唔知用咩黎形容呀～佢又大隻，又ｍａｎ，ｄ眼神又掂，把聲更加唔駛講，唉呀，實在係魅力非凡．．．．．（點解佢會要莫可欣架～？＞ˍ＜）
今日又開始上學既一星期喇～～好彩呢個禮拜凈係要番３日姐，唔係又會悶死架喇，加埋今ｗｅｅｋ仲有ｓｐｏｒｔｓ ｄａｙ添喎，下個ｗｅｅｋ又因為個ｓｐｅｅｃｈ ｄａｙ又係番果幾日，真係頹廢，似乎而家已經有ｄ ｈｏｌｉｄａｙ ｍｏｏｄ ｌｕ～！
今朝晨早已經俾阿龍小姐既有邊讀邊笑到我同ｗａｎｄａ肚痛，真係好”然”好笑囉～～ｓｔａｔ堂？咪又係同阿凱晌度吹水囉，又好煩唔知ｓｐｏｒｔｓ ｄａｙ轉咩，無人同我地跨欄，比賽都開唔成唯有轉態啦～於是我就走去跳高＋跳遠＋２００米～阿凱就黎埋陪我跳遠喇～！之後ｌｕｎｃｈ就去左我好想去又好耐無去既飲茶，雖然都係唔齊人，不過玩得仲癲呀，又知道原來我地個個都好識諗縮數，諗食咩先會抵ｄ，唔駛比人搶晒其他野食，嘉琪既偉論就係唔好食鳳爪先，因為通常需時較長，會蝕左食唔到其他野，咁佢都諗到仲要講埋出黎咁坦白，真係要寫個”服”字比佢～！今日食唔晒果ｄ野呢期要猜，猜輸果個要食埋佢，哈哈．．．好險呀，次次都有我份猜決賽，不過又輸唔到我喎～！阿ｓｏ輸兩次，ｗａｎｄａ輸一次，而壓軸大獎～～燒賣ｗｉｔｈ甜醬包抄～～就由阿權得到喇～！呵呵呵．．．下次Ｊａｃｋｐｏｔ應該係～飲口急汁呀～唔知花落誰家呢～？
ｌｕｎｃｈ番黎就去練校歌啦，ｗａｎｄａ晌我隔離勁笑，我呢個大笑姑婆又點忍得住呀？唯有企過ｄ ｃａｒｍｅｎ果邊，不過都係笑到死，但仍然唔係好知笑咩．．．．放學咪又係得一味～練英詩囉～唉，聽日就比賽喇，鬼婆一路而黎既多讚少彈令我好驚，都唔知出邊係咩程度既，今日影埋ｖｉｄｅｏ仲更見自己ｄ白痴動作，都係做一次，算喇～～希望唔好出醜啦～！
～Ｔｏ ｂｅ ｃｏｎｔｉｎｕｅｄ～
>>December 1, 2003 at 11:26:13 AM GMT+8
2003 年 11 月 27 日 星期四 【晴】
等到頸都長埋既朋友們～～唔好意思呀～～有野睇喇（終於）～～
呢排或者真係太忙喇，有時連訓既時間都唔夠，更何況係上網同寫日記～？最慘既係連自己忙咩都唔多清楚，日日都係番學，做功課，食飯，訓覺，跟住又係番學．．．．唉，日日如是真係好悶喇～！
今日ＰＥ堂去ｂｏｗｌｉｎｇ，超唔開心呀，我ｄ水準移晒民咯，或者係已經無打成年啦，打得超核突呀，真係慘不忍睹，第一球得１分，加埋第二球再多個第三球先得果５分．．．．好想砍頭埋牆．．．．幾經辛苦先破單位數字～！好彩都打到一次全中，都不至於刁架～！之後唔計分果局咪打得好囉～真係激氣呀～！下次唔要咁乞兒呀！！！
下個禮拜就係英文朗誦比賽喇，唔知會係點呢～？可惜我又唔可以同佢地一齊柴娃娃去，又要照樣上埋朝早果ｄ堂，仲要係同正我個宿敵鬥過，點解？點解次次都係佢架？唔通次次都要有佢同我分？天意弄人！
ｔｏ ｂｅ ｃｏｎｔｉｎｕｅｄ
>>November 28, 2003 at 4:00:52 PM GMT+8
2003 年 11 月 8 日 星期六 【晴】
～十萬個強勁爆超開心～
頭先行完山番到屋企，悶悶地咪開部腦睇下點整囉，點知～～～驚嚇驚訝驚慌驚險驚惶驚愕驚恐驚懼驚駭驚奇驚嘆驚心動魄驚慌失措驚天動地驚嘆不已驚惶失色驚為天人的驚喜～～～我開部腦，佢照舊叫我ｐｒｅｓｓ ａｎｙ ｋｅｙ ｔｏ ｃｏｎｔｉｎｕｅ啦，我今日好好心情，好有耐性咁等佢，等佢ｃｏｎｔｉｎｕｅ，結果～？我等到喇，我成功喇，佢ｃｏｎｔｉｎｕｅ呀～！！！我真係開心到唔知講咩好呀～！我成兩個月無玩電腦喇，噤番個封晒塵既ｋｅｙｂｏａｒｄ，有ｄ不知所措添，先發覺我既打字速度已經慢好多ｌｕ，生手ｌｕ～！事實證明，溫柔對待佢先會有正面反應既～～～哈哈～～～之前又鬧佢，又拳打腳踢佢，又成日同佢做ｂｏｄｙｃｈｅｃｋ，真係對佢唔住～！我唔敢架喇，希望佢真係好番，而唔係回光反照啦，哎呀．．．．我睬，大吉利是．．．．
一上到網，我簡直打從心底笑出黎呀～！第一個同我ｉｃｑ既就係凱凱喇，佢叫我要快ｄ去寫番篇日記先，不過我既開心當然要同人地分晌架喇．．．．於是我就勁去人地ｄ版版到留言喇～呵呵呵．．．．已經封塵兼雜物堆積如山既電腦區重生ｌｕ～～！跟住收到ｗａｎｄａ既電話，當然我又極速話佢知我重生既消息，哈哈，佢同我一樣咁開心呀，之後我地又ｓｅｎｄ歌又ｓｅｎｄ相，笑到碌地加喉嚨痛呀，真係好喇＞o＜
～～望就望以後唔ｐｒｅｓｓ ａｎｙ ｋｅｙ都可以ｃｏｎｔｉｎｕｅ到啦～～
>>November 9, 2003 at 2:23:58 PM GMT+8
2003 年 10 月 20 日 星期一 【晴】
～又是可惡的一天～
有甚麼可惡？唉，今天我又是要送車尾，又是要遲到，特別的是我今天不上學去，因為本小姐已經身負兩次遲到記錄，不容再有第三次吧～！可惜又沒有人跟我一樣遲到，我只有一個人到北葵去，真的可怕，自修室內一個人也沒有，我好像”包場”似的，驚嚇指數直達１０個星呀！！！溫了一會，實在抵不住呼呼的冷氣，快給涷壞了，只好到圖書館走走，哈哈，真是大鄉里，才突然醒覺這兒能上網，哈哈，已經１０萬年沒有上網的我如何能按奈得住呀～？盡情上一次吧～！
這陣子發生的事實在太多了，一時間都不知怎麼辦，巴不得找個隱蔽角落藏起來～！開始明白為何古人總愛歸隱，不問世事，因為這樣至少可以將煩惱都交到別人手中，自己樂得清靜～！雖然如此，這樣未免太不負責任吧，這刻又突然想做回一個小孩，想怎樣做就怎樣做，瀟灑得很，反正大人都是會原諒其錯嘛～！人大了，顧忌多了，心事重了，不能再瀟灑了～！不過來到今時今日，時間讓我將人和事都看清楚很多，原來一切都是因為一個字，一個”笨”字～！我實在太蠢吧，自以為有幾分小聰明，就跟人只說個信字，情字，唉，呆得蠢呀～！也許這些經歷正是人生可貴的地方，無論如何，我都會珍惜．．．．．．決不會讓”後悔”二字飄在腦海中．．．．．
沒電腦的日子是枯燥？是乏味？起初還真的不習慣，好像有太多時間不知花到那裡去才好，漸漸發覺沒了電腦，沒有了Ｏｈ－Ｏ的聲音，原來一切可以寧靜很多，時間亦好像多了一樣～～哈哈～～不過多出來的時間除了給我胡思亂想的空間外，恐怕全都給我用電話去～！早兩天又去訂了新電視，很好看的，唉，怕又多樣電ｘ圍繞我ｌｕ～！確是”科技以人為本”呢～！
沒常常上來這裡有一個月了，多謝你們還不忙來這兒看看，留留言～！真是”患難見真情”，給我知道誰最有心，即使知我不能寫又不知留言我會否看到，都來留言給我，都會掛住我，抵錫～！＞３＜
～等著你呀，有心人們～
ｔＯ ｂｅ ＣｏｎＴＩｎｕｅＤ ｗｈｅＮＥｖＥｒ ＬａＴＥｒ
>>October 21, 2003 at 3:58:23 AM GMT+8
2003 年 10 月 15 日 星期三 【晴】
～Ｄｉｓｇｕｓｔｉｎｇ～Ａｎｎｏｙｉｎｇ～ｎａｓｔｙ～
Ｗｈａｔ’ｓ ｇｏｉｎｇ ｏｎ？
Ｍｙ ｃｏｍｐｕｔｅｒ ｓｔａｙｓ ａｔ ｓａｆｅ ｍｏｄｅ ｔｈａｔ Ｉ ｃａｎ’ｔ ｕｓｅ ｉｔ ｔｏ ｄｏ ａｎｙｔｈｉｎｇ～！
Ｉ’ｍ ｌａｔｅ ｔｏｄａｙ ｆｏｒ ｓｃｈｏｏｌ ａｎｄ ｔｈｉｓ ｉｓ ｍｙ ｓｅｃｏｎｄ ｔｉｍｅ ａｌｒｅｄａｙ～！
Ｅｖｅｒｙｔｉｎｇ ｓｅｅｍｓ ｒｕｎｎｉｎｇ ｔｏｕｇｈ～！
ＭＹ ＧＯＤＮＥＳＳ．．．．．
>>October 16, 2003 at 12:57:23 AM GMT+8
2003 年 9 月 26 日 星期五 【晴】
～～又好耐無寫日記ｌｕ～～
呢排已經實行緊一個計劃，每日既自修室之旅呀～！所以呢排都好少ｏｎｌｉｎｅ，一返到屋企就好似虛脫一樣就去訓ｌｕ，仲邊有時間ｏｎｌｉｎｅ，打日記喎？
上個星期六同阿陶去左浸大開放日，我地都睇好多科，咩都聽下問下嘛～！果度有我最鍾意既ＰＲ＆Ａｄｖ，見到果度讀ｃｏｍｍｕｎｉｃａｔｉｏｎ既好好玩，又好團結，真係好想出年就係佢地既一份子呀～！之後又陪阿陶去睇佢心儀既ＰＥ系，果個人講到好好玩，我都好有興趣聽埋一份，再跟ｔｒｉｐ去睇果個運動場，我同阿陶就即刻諗到～～”將來住ｈａｌｌ，日日落去跑兩個圈，沖個涼跟住去上堂，又可以日日一齊食飯咯”＝＞嘩～你話幾爽呀～？今次睇完之後，令我要入Ｕ既欲望更甚，我真係要好好好努力先得喇，學鬼婆話齋～～到時放榜拎住張成績單喊就無謂咯～！
好開心呀，原來嘉琪（ｂｉｇ ｂｉｒｄ）同我一齊補習架，哈哈，仲有阿凱（ｒｏｓｉｔａ）同阿平（ｏｓｃａｒ）添，咁我就唔駛一個去補ｌｕ～！
琴日要上游水堂，連學左ｄ咩我都講唔到就話要落堂，於是我地咪繼續游囉，ｃａｒｍｅｎ（ｚｏｅ）就好無奈唔落得水，得晌埋邊睇，ｗａｎｄａ（ｐｒａｉｒｉｅ’ｓ ｄａｗｎ）好拼命游呀，而同我一樣唔多識游既阿凱就傾下計咋～！好悶既同時，阿賢（ｂｅｒｔ）就黎喇，佢真係游得好死快呀，跟住就俾佢試下做教練喇，於是阿凱同我就勁叫教練前教練後學游水啦～！可惜阿凱同我晌好無耐之下，十幾年後先發覺我地ｄ手腳係唔協調，原來我地有身體殘障架，唉！最後我都係未能通過２５米測試，唯有下次再上”彭教練的第四堂”不過都唔差，教練都叫做俾兩個印仔我，唔知有無得換張貼紙呢？後日既水運會，希望阿教練好似我本ｓｃｈｅｄｕｌｅ度咁拎到隻盃啦～！咁就可以拎住隻盃，一大棚人去唱”失戀好煩”啦！呵呵．．．好期待星期一又去ｋ房癲過呀，ｗａｎｄａ呀，你咪唔癲呀～！呢期仲有唱歌好得又俾我地嚇親既阿ｓｏ添呀～～哈哈～～
ｔｏ ｂｅ ｃｏｎｔｉｎｕｅｄ～～ｉｆ ｆｒｅｅ～～
>>September 27, 2003 at 11:12:20 AM GMT+8
2003 年 9 月 10 日 星期三 【晴】
～～中秋節快快樂樂呀～～
今日係中秋節嘛．．．唔駛問我當然又去玩啦．．．
今日返學個人好累呀，放學仲要文學ｔｅｓｔ，又唔識啦，唉～～～之後放學ｃａｒｍｅｎ問左我好多野，我真係唔知點答，亦都唔想答，我唔想知，或者咁多個月黎我已經習慣左佢．．．我唔想繼續係咁但又好自私唔想有咩變化，我諗我唔會架，真係唔會架～！其他野我都唔想理喇，我真係好累呀，你知唔知，明唔明呀～？我都唔知點解我果日好似有ｄ失控，大庭廣眾喊我都知好肉酸，總之我訓醒就無野架喇～！之後咪趕返屋企要恰番兩個鐘先，唔係夜晚邊頂得順呀～？
夜晚番去同女麻女麻食團圓飯啦．．．之後就去尖沙嘴ｊｏｉｎ埋去完掃課既超ｗｉｎｇ，原來佢係專登俾兩眼我睇下佢男朋友架，話晒拍左年幾都未俾我見下，仲話姊妹添～！跟住就去銅鑼灣ｊｏｉｎ埋成村人去維園囉～！不過我地去到果時都已經ｃｌｏｓｅ ｌｕ，咁我地咪影相相跟住就去宵夜啦～食完就去ｓｍａｌｌ ｂ屋企喇，識佢咁耐先知佢原來住灝景灣架喎，果度又真係幾靚靚既～！
晌呢個東沖線幾列車度，我地成班人執到個可樂樽，於是就開始癲啦，點癲？咪拎支螢光棒條拋落去囉，成車人都望住我地，不過我地一於好少理，繼續玩到青衣啦～爆好玩呀！好笑既係，佢阿哥晌ｓｉｎｇａｐｏｒｅ返黎仲帶左一個法國人，一個比利時人晌屋企住，哈哈．．．佢地咪勁晌度互相教粗口囉．．．笑爆呀～～我地又打下牌，又同大頭西一齊同隻好大既ｐｏｏｈ ｐｏｏｈ影相，嘻，可惜媽媽都係唔俾我過夜，於是玩到５點就同凱西返屋企ｌｕ，返黎咪大覺訓囉，訓到家下先起身呀～！
返黎途中，聽凱西講左一大堆野，我又講一大堆，講到都唔願分手，哈～！
不過咁”早”就要爸爸去地鐵站接我，都有ｄ唔知點．．．．
好喇．．．今日我的爸爸媽媽都到大陸去了，剩下我獨個兒找東西吃吧～～！
ｔｏ ｂｅ ｃｏｎｔｉｎｕｅｄ
>>September 12, 2003 at 4:25:40 PM GMT+8
2003 年 9 月 5 日 星期五 【雷雨】
下雨天～～總是令人心情不好～！
今天很失敗，也許是被天氣弄得整個人都心情不好，但又不知道為了甚麼會這樣，朝早還要趕兩場補習，整個人彷彿靈魂出竅一樣，不欲發一言．．．．
朝早補畢ｅｃｏｎ，就見到Ｋｅｖｉｎ Ｋｏ真人了，這次應該是我第二次見到他了，不過今次才有跟他談上數句罷，一如印象中的他，個子一樣是挺高，但真人比上鏡要瘦得多，我和ｃａｒｍｅｎ是最後離開的，就給他拉著談了一會，問我們明不明白，大抵我們根本未追得上課程，連上堂時也在做夢一樣，又怎能說明白呢～？或者應如他說的，下次再見到他一定要把全部都給問清楚，真人教授該不同罷～！
之後就ｊｏｉｎ等了我們很久的阿賢去食東西，阿賢還有機會在食店ｓｈｏｗ ｏｆｆ他那剛剛出爐的身分證，那些阿嬸們對他．．．．的新身分證很有興趣呢，ｃａｒｍｅｎ今早去影的其實也不差，比起我那張，好上十萬倍都不只呢～！食飽飽，就行到尖沙嘴去ｓｈｏｐｐｉｎｇ啦，不知為什麼，ｃｏｌｕｍｂｉａ沒有減價，是因為在尖沙嘴所以不減？？哈，好在我的袋袋已沒有得買了，那就放心不怕撞袋撞到七彩ｌｕ，我真的怕怕ｃｏｌｕｍｂｉａ又好像那ｌａｏｓｍｉｄｄｌｅ一樣那麼多人用，隨街可見那麼ｃｈｅａｐ呀～！可取的是ｃｏｌｕｍｂｉａ不減價時也比ｌａｏｓｍｉｄｄｌｅ貴上好幾倍，不會那麼多人買嗟～！買到這個袋，都要多謝ｃａｒｍｅｎ那天拖我入ｃｏｌｕｍｂｉａ看看，否則我一定不會想到那兒也有側咩袋呢～～又可比阿賢早一步買下這品牌讓他恨恨也好，呵呵～！
去到尖沙嘴又怎能不去大會指定要去的ＬＣＸ呢～？不過ｗｅｓｔｗｏｏｄ竟然一樣新貨又沒有，飾匱還給ｐａｃｔｒｉｋ ｃｏｘ霸了，唉，行了好一大會，就見到大堂有ｆｕｎｃｔｉｏｎ，還見到甚麼？見到森美囉～！呵呵呵，他真人比上鏡要美得多呀，不過就沒有如我想像中高，也見到跟他一起做ｍｃ的謝茜加呀，原來她真人是挺高挑也挺漂亮架～！個ｆｕｎｃｔｉｏｎ？簡直笑爆肚呀，哈哈，森美說的也很很好笑呀～！
走累了，肚ｏｒ了，就到ｍｃ ｃａｆｅ坐了一會，應該是一大會，因為食完又吹了一輪水嘛～！之後ｃａｒｍｅｎ就去沙田，我有我們返鋪頭ｌｕ．．．
我知我今天不出聲的樣子嚇怕了ｃａｒｍｅｎ跟阿賢了，一定是我平時吱吱喳喳的，現在不說話很驚嚇吧！其實我也不知道怎麼會這樣，就是不想多說一句話，不過我不發一言總比亂發脾氣來得好吧，對嗎～？免得繼續見到他們擔心的樣子，我也只好多說幾句，做做那個吱吱喳喳的之之．．．．．．．
謹在此特別鳴謝ｗａｎｄａ幫我把這板板唔弄得那麼漂亮，沒有妳我總是不能吧這兒搞好，謝謝妳讓這兒一直美下去～～～
～～ｔｏ ｂｅ ｃｏｎｔｉｎｕｅｄ～～
>>September 8, 2003 at 1:27:32 AM GMT+8
|
![]()
～ 我愛和平．一個平靜的家 ～
|
廣告 |
|
|
讀者留言 |
| 路人留言
|
 睇嚟你有d開心野喎
>>May 12, 2006 at 6:16:13 PM GMT+8
嘩...妳生日咁多禮物既??
<
>>May 7, 2006 at 8:56:25 PM GMT+8
生生生生生生生生生生
<br>日
>>April 29, 2006 at 12:15:44 PM GMT+8
生日快樂!!!
<br>那晚好像
>>April 28, 2006 at 4:56:52 PM GMT+8
我回來了,哈哈~~
>>April 20, 2006 at 12:19:16 AM GMT+8
好慘啊你，第一次去 Disney
>>April 1, 2006 at 3:40:59 AM GMT+8
yeah~我地可以一齊努力hum
>>March 11, 2006 at 3:11:12 PM GMT+8
就泥夏天啦~要操下先得
>>March 8, 2006 at 6:13:28 PM GMT+8
和牛擦身而過的感覺真是 WOND
>>March 8, 2006 at 10:00:25 AM GMT+8
甚麼免為其難！！？
<br>我是
>>March 5, 2006 at 4:25:13 PM GMT+8
唉，你就好啦，有情人節禮物！仲有
>>February 17, 2006 at 5:30:24 PM GMT+8
請問你買的ｕＺａｐ美帶子好用嗎，
>>February 16, 2006 at 4:08:52 AM GMT+8
我食左一日，番到屋企發現我多左個
>>February 3, 2006 at 5:26:58 PM GMT+8
天氣凍,個人都懶d。
<br>好
>>January 28, 2006 at 9:21:51 PM GMT+8
我都係咁話~~超火!!!
>>January 19, 2006 at 1:02:03 AM GMT+8
點解貓仔六年級仲簡小學？哈哈~
>>January 13, 2006 at 6:20:01 PM GMT+8
喂,估唔估倒我係邊個？
<br>
>>January 12, 2006 at 6:35:56 AM GMT+8
整甜品咁開心？我有無得食先？
>>January 11, 2006 at 6:07:27 PM GMT+8
相逢恨"快"呀!!才一個多小時就
>>January 7, 2006 at 2:35:03 PM GMT+8
你好懶呀!!!咁得閒又無野做都唔
>>January 5, 2006 at 4:56:28 PM GMT+8
新年快樂呀~!!祝你身體健康啦~
>>January 2, 2006 at 1:45:06 AM GMT+8
唔好呀~咁你咪要厭惡埋我?!幾時
>>December 30, 2005 at 11:55:23 PM GMT+8
你就好啦,考完試有得放假.我xm
>>December 19, 2005 at 11:57:25 PM GMT+8
阿之.冇見好耐了,唔知你d生活點
>>December 18, 2005 at 1:14:38 AM GMT+8
做咩唔開心呀之之~
>>December 15, 2005 at 9:16:44 PM GMT+8
O my GOD!
>>December 15, 2005 at 8:32:39 PM GMT+8
我都去澳門呀~~~
<br>到時
>>December 14, 2005 at 3:48:48 PM GMT+8
你都幾孝義架喎~~~~
>>December 13, 2005 at 5:57:32 PM GMT+8
Please take care
>>November 28, 2005 at 2:41:36 PM GMT+8
我細個都試過整親膝頭哥,真係痛到
>>November 28, 2005 at 5:54:53 AM GMT+8
無所謂啦~~~
<br>下次再約
>>November 27, 2005 at 5:51:48 AM GMT+8
都唔知點解屋企留唔到言比你,
<
>>November 26, 2005 at 11:59:29 AM GMT+8
嘩...個test ok 準wo
>>November 14, 2005 at 4:39:47 PM GMT+8
<br>童年時逢開窗
<br>
>>November 4, 2005 at 5:32:15 PM GMT+8
最近都唔知仲咩，多功課到我都就死
>>November 1, 2005 at 4:14:03 PM GMT+8
這樣的日記才像樣的,
<br>挺
>>October 21, 2005 at 1:39:27 PM GMT+8
遊玩時 開心一點 不必掛念我..
>>October 4, 2005 at 12:20:27 PM GMT+8
leung1G!!!!!!!!!
>>August 26, 2005 at 8:38:40 PM GMT+8
見你呢度咁靜...黎探下你啦..
>>August 13, 2005 at 4:32:01 PM GMT+8
點呀,決定食咩呀??又唔寫日記~
>>August 1, 2005 at 5:46:14 AM GMT+8
看開點吧...事情已發生了...
>>July 15, 2005 at 6:24:24 PM GMT+8
哈哈,終於比我等到喇~~~~th
>>July 6, 2005 at 4:57:02 PM GMT+8
幾早起身～～～～～～
<br>哈
>>June 26, 2005 at 2:33:59 AM GMT+8
我中意玩旋轉泡泡球多d~去悲晶玩
>>June 23, 2005 at 4:08:02 AM GMT+8
癮形日記~~~~
<br>哈哈~
>>June 20, 2005 at 7:43:58 PM GMT+8
每次我們暢所欲言地談心後，感覺總
>>June 16, 2005 at 7:06:29 PM GMT+8
有個司奶話：突然好想由佢曬黑，頂
>>June 16, 2005 at 3:37:04 AM GMT+8
我地係咪去lu xin之前唔會再
>>June 14, 2005 at 3:36:02 PM GMT+8
唔寫日記既?咁快去左悲晶?!?!
>>June 14, 2005 at 9:55:27 AM GMT+8
做咩咁感慨呢?其實踩單車咪踩單車
>>June 9, 2005 at 3:48:45 AM GMT+8
|
|
是時候為這個荒廢了好一個月的版版添些生氣吧～！
笑 料 之 Ｄａｙ～～
～十萬個強勁爆超開心～
～又是可惡的一天～
～Ｄｉｓｇｕｓｔｉｎｇ～Ａｎｎｏｙｉｎｇ～ｎａｓｔｙ～
～～中秋節快快樂樂呀～～