2003 年 5 月 31 日 星期六 【晴】

上個禮拜五．．．．晌ｃａｒｍｅｎ同阿賢ｇｅ不斷”去啦，好玩架，去啦”之下，就去左我第一次ｇｅ釣墨魚喇～～～～

因為阿邊個邊個囉，唉，搞到好鬼樣衰咁遲大到呀！！去到二話不說當然勁ｓａｙ　ｓｏｒｒｙ啦～～真係瘀到爆炸，十幾人等我地兩個．．．．．落到船出開無幾遠就開始釣ｌｕ，搞黎夠去，郁黎郁去，睇住人地一條又一條咁上釣，我就等好耐都無．．．我勁叫超唔開心之際，就有喇～～～哈哈，終於有喇，我的第一條呀．．．．

可惜可惜，呢個數目到落船ｇｅ一刻都係ｋｅｅｐ　ｃｏｎｓｔａｎｔ囉～～！唉，無奈又無奈咁睇住其他人係咁不停釣到，有個呀，仲要釣成盆添呀！成績彪炳下呀，成船人釣左成百條，跟住咪即刻落蒜茸炒黎食囉，香到震呀．．．．超有風味．．．之後仲玩非洲話事啤喎，不過無乜訓晏覺ｇｅ我真係太”支力”喇，無乜心情玩癲，我地咪又去勁影相囉！！玩到成十二點先返歸呢．．．．

之後琴日我媽媽當然唔會放過我啦，９點就炒我起身去打羽毛球，唉，我表妹起初話唔黎架嘛～～～點知原來佢早一晚變節，仲叫埋阿賢黎添，我．．．．唉呢個表姐都唔知仲有咩地位咯，乜都唔駛理我啦而家，我咩都唔知ｇｅ，都唔知邊個係表姐ｌｕ～～～～食完野就去陪人買數碼相機，唉，我都想要番部呀，再等下啦唯有．．．．跟住又叫埋ｃａｒｍｅｎ出黎行街街啦，不過我真係太”支力”喇（又係果句），行一陣就返左屋企訓陣，皆因夜晚要去飲嘛，頭ｄｕｐ　ｄｕｐ就唔好啦．．．．

哈哈，一個唔覺意俾威哥偷睇到我呢個版版添．．．．算啦，不過你黎得一次，就無得唔再黎架喇，要成日黎睇下，留下言架～～！！！

係呢，我諗我有＄＄＄一定要去買衫啦，唔理貴唔貴ｌｕ，唔係我ｄ＄＄＄有會唔知駛晒去邊架喇，起碼買件衫我都諗得番ｆｉｎｇ左去邊啦，唔駛成日都唔知自己ｄ＄＄＄點解咁快駛晒咯！都係有ｄ實際野好ｄ　ｇｅ～～！！！

今日又去打喇．．．．
唉．．．好似無乜點抖過．．．．書又無乜點溫過．．．．渾渾噩噩的我．．．．
＞．．．ｔｏ　ｂｅ　ｃｏｎｔｉｎｕｅｄ．．．＜




>>June 2, 2003 at 1:20:09 PM GMT+8

2003 年 5 月 23 日 星期五 【晴】

今朝一晨早就起身ｌｕ．．．．因為要去打羽毛球囉，同ｄ姨媽姑姐啦，仲有ｃａｒｍｅｎ添呀，可惡ｇｅ係，原來保安道果個場係無拍借架．．．勁乞ｅ囉！！！

跟住超超超趕咁食完野就仆上去畢架山ｌｕ，做咩，哈哈，做ｍｏｄｅｌ囉～～～～其實係超ｗｉｎｇ要做功課，做個廣告喎，於是就總動員班行馬幫佢影相囉！角色就有阿Ｓａｍ做影花人，我同阿陶扮情侶影緊相，劉塋就做影緊我地果個，仲有話要有籃球隊得獎呢，呢ｄ位就當然係Ｔａｉｔａｎ，子亮，阿峰，家聲，浩文同最唔似ｇｅ　Ａｌｂｅｒｔ做啦，但係佢地ｄ擺ｐｏｓｅ速度真係打靶啦，唉，等佢地等到我地個個都出晒汗，事關每個鏡頭只會加人而唔會減架．．．．最嘆都係最後一個攝影師嘉嘉同凈係影獨照ｇｅ肥Ｋａｎ喇～！！

好啦，終於影完啦，大家都急不及代要去沖涼，之後真係好戲劇性咯～～～～原來卷菲林無卷入去囉，即係點？？咪就係要重新影過囉．．．唉．．．今次影得好快呀，唔駛幾個字就影完ｌｕ～～～但就明顯個個都無第一果次咁好表現啦！之後又係一輪大戰，搞咩？咪就係噴水囉，係用口噴果種添呀，好明顯我就唔會加入佢地ｇｅ戰團咯～～～先係勁噴Ａｌｂｅｒｔ，跟住係劉瑩呀，超ｗｉｎｇ咁，兩支水都噴晒，Ｔａｉｔａｎ仲癲，去入水再黎過．．．真係爛玩到嘔，連ｄ可樂忌簾都通通不能幸免添呀，個個濕鬼晒呀，哈哈～！

之後去食野等曬相啦．．．．哈哈．．．超ｗｉｎｇ就當然好緊張啦，唔得又要再影過．．．好彩姐，去拎相果陣我地未睇個老闆已經話ｄ相影得好靚，即刻鬆一口氣啦～～～不過ｄ相又真係影得好唔錯呀．．．．又幾ｓｈａｒｐ呢．．．．

佢地個個都叫我今日唔好去補習，叫我上去佢地度玩．．．．但我又想沖個涼換件衫，唔去又好似好ｗａｓｔｅ＄＄＄，所以最終都係去左，夜ｄ先上去阿Ｓａｍ度食飯囉．．．．好好好好好彩有去度補習咋～～～唔係就走寶ｌｕ～～～點解？？哈哈，想知先問我啦．．．哈哈，不過真係超估唔到，今堂一定係我有史以來上得最有心機ｇｅ一堂啦～！如果以後堂堂都係咁，你話幾好呢．．．嘻嘻～！好期待下次補習呀．．．．唔知會唔會．．．．呢？？？

可惜今日果堂好似過得寧舍快咁，跟住我等埋超ｉｎｇ就上阿Ｓａｍ屋企咯，事關劉瑩，ｐｉｋｅｐｉｋｅ，子亮同肥Ｋｅｎ都去嘛，仲唔上去玩餐飽咩～～～不過佢地又要睇Ｍａｔｒｉｘ，我唯有同超ｗｉｎｇ，劉瑩，子亮佢地走入房逼埋一齊傾計啦～～！哈哈，原來．．．．唉，我同劉瑩都係去”ｌｅｔ’ｓ　ｂａｒ”算咯～～～

玩到１２點幾，又係做我地ｇｅ例行公事～～～去松記食糖水囉！！今次仲係超ｗｉｎｇ請客添呀．．．．今日真係玩得好開心呀！！！

ＺＺＺｚｚｚ．Ｔｏ　ｂｅ　Ｃｏｎｔｉｎｕｅｄ．ｚｚｚＺＺＺ

>>May 25, 2003 at 10:22:23 AM GMT+8

2003 年 5 月 22 日 星期四 【陰】

呢幾日ｇｅ文學堂．．．．似乎已經變左我地ｇｅ大食會ｌｕ～～～
因為要頂到兩點幾先有得食ｌｕｎｃｈ真係唔多頂到嘛，於是我同阿凱一小息就落去買定好多野食．．．．好明顯咁食法，方ｓｉｒ無理由唔知，不過佢又無出聲，我地咪繼續食得興起囉，每次佢拎轉面寫野，我地就會好忙，唔係忙抄喎，而係忙住食，ｗａｎｄａ仲搞笑啦，食媽咪麵仲要ｏｈ下，連話我地食得好大聲ｇｅ伍志成先生咪又係嘴郁郁～～～～無計啦，文學真係悶得不能再悶喇，食下野起碼唔會訓住先啦．．．．．

放學就仲開心呀，哈哈，因為約左以前５Ｄ班人去飲茶嘛～～～～同同走之後我地都無見過ｌｕ～～～～今次當然全部都係５Ｄｇｅ中樓底柱．．．．有ｐｉｋｅｐｉｋｅ啦，阿陶啦，好耐無吹過水ｇｅ頭男威哥，主席，婷婷，蔡穎姿，考完ＣＥ好得閒ｇｅ家豪仔，同咪蘇乞ｅ添呀，咁ｇｅ組合，諗都諗到一定係笑爆架喇．．．．最好笑佢地話家下校佢地ａｐｐｌｉｅｄ　ｍａｔｈｓ個阿ｓｉｒ，測驗已經出得超難架啦，於是有次就話：”呢條都幾難下，我寫ｄ　ｈｉｎｔｓ俾大家！”，跟住佢地個個就跟住做啦，半個鐘後，阿ｓｉｒ又話：”呢個ｈｉｎｔｓ做唔到ｇｅ！”咁就抹掉佢，結果就實係唔合格啦，因為個阿ｓｉｒ係一分ｓｔｅｐ分都唔會俾ｇｅ人黎ｇｅ～～！唉，ｈｉｎｔｓ都錯，咁就唔好叫ｈｉｎｔｓ啦！！係啦，ｓｕｍｍｅｒ又可以搞下ｃａｍｐ啦，又可以去癲過ｌｕ，不過今次實要去間唔好離沙灘咁遠ｇｅ屋啦，唔好好似上次咁行餐死ｇｅ～！

好似傾左一陣咋嘛，望望個錶，４點幾喇喎，真係開心ｇｅ時間過得特別快，又係時候講拜拜！散ｂａｎｄ之後，我就同阿陶行下街街啦，仲有終於都去左做我地講話做好耐，但又無做到ｇｅ野呀～～！！超開心呀～～～可惜啦，我又要去補習．．．．．唔係就可以行耐ｄ啦．．．．不過聽日又見ｌｕ～～～

．．．．．ｔｏ　ｂｅ　ｃｏｎｔｉｕｅｄ．．．．．


>>May 25, 2003 at 10:21:37 AM GMT+8

2003 年 5 月 13 日 星期二 【晴】

今日好彩呀，趕到班車喎！仲好優閒添呀，不過松鼠就慘ｄ，又要跑先上到咯～～～！

今日又無乜心機上堂，最有心機應該係文學堂啦，我課課文終於可以遍佈鉛筆字喇，寫到密密麻麻添呀，哈哈．．．．果五首詩我仲用晒阿凱凱ｄ　ｍａｒｋｅｒ黎ｈｉｇｈｌｉｇｈｔ佢，五首都唔同色架，超靚囉我覺得～～～！咁樣，溫起上黎都會醒神好多架嘛，書都係ｃｏｌｏｒｆｕｌ　ｄ好～～！

之後要去頂補習，３點先去，搞到我返屋企又趕，唔返有唔知去邊度ｈｅａ，松鼠２：１５就補課，我咪唯有行黎行去打發時間囉，又石籬行到落金花，再晌惠康ｈｅａ左好耐，連ｄ價錢都差唔多背到出黎喇，跟住先上巴士，再斯斯然行去補習社～～～～唉，點解我會咁百無聊賴架？？？簡直係無聊得得不能再無聊ｌｕ，唔通下個禮拜又要咁？？都唔知點算．．．．．

頭先去同ｄ小朋友補習喎，真係勁搞笑囉～～～～同佢地對英文，咁就一句一句解佢地聽啦，我問佢地”ｐｅａｒ點解呀？”竟然有個答”芒梨”，超搞野囉！唉，佢係想講芒果ｇｅ，但又聽到人地個個答梨，咪即刻轉口風囉．．．．．跟住又問下佢地ｄ字，又叫佢地一齊讀下ｄ句子，都唔知點解搞出咁多笑料ｇｅ，ｄ細老笑到鬼死咁大聲，有個笑到跌落地，有個就笑到口罩都濕埋，哈哈．．．．

～～．．都係時候攤抖下先．．～～
ＺＺＺＺＺｚｚｚｚ　Ｔｏ　ｂＥ　ｃｏＮｔＩｎｕＥｄ　ｚｚｚｚＺＺＺＺＺ

>>May 14, 2003 at 9:47:33 AM GMT+8

2003 年 5 月 12 日 星期一 【晴】

今日爆無奈呀．．．．．．
點解？？？因為我架校車囉，阿３５Ａ　ｖｏｌｖｏ個司機真係強啦，１０個醒佢有１１個呀！都明知果班車擺明就係上葵ｇｅ校巴黎架啦，竟然唔停學校門口個站喎，威到爆呀，成架野要衝到落左半個金山先係下一個站，搞到人地同松鼠要氣來氣喘，攀山涉水先番到去囉．．．．．唉，不過又唔怪得晒個司機ｇｅ，我地咁多人都大安指意，無人去按鐘”丁”佢停車．．．．不過呢次知後實唔會再有ｄ咁ｇｅ事啦～～～！

ｌｕｎｃｈ去邊？？哈哈．．．同琴日一樣啦．．．去左松鼠屋企食呀，佢煮俾我食囉～～～～又一邊叫我減肥，一邊拎晒ｄ零食呀，汽水呀黎”招呼”我囉．．．．俾佢激死啦，明知我受不住誘惑架嘛．．．．．

好啦．．．．講到呢度先
～～ｔｏ　ｂｅ　ｃｏｎｔｉｎｕｅｄ～～～

>>May 13, 2003 at 11:02:42 AM GMT+8

2003 年 5 月 5 日 星期一 【陰】

今日真係開心火暴火乍口牙!!!
終於都考完中文喇，可以話係放低心頭大石，唔駛再諗嘛！

話說呀，我已經閉關自修左３日喇．３日連街都無出過呀，雖然連我自己都唔知自己溫咩～～～～連人地撩我去Ｓｔｒａｗｂｅｒｒｙ　Ｆｏｒｅｖｅｒ我都無去到，你話係咪犧牲好大先？？講真就無咩俾心機溫架喇，睇電視同傾電話都已經佔我大部份時間ｌｕ，所以凈係自己ｔｉｐ左幾課溫完就算，而且有ｄ上年先背到熟到爛又邊有咁快唔記得晒丫，不過最終我都係溫得果十課都唔知有冇，溫到成４：００ａｍ咪去訓囉．．．．．無計啦，我就係果ｄ唔到最尾果分鐘都唔會做完ｄ野ｇｅ人嘛．．．．今朝諗住：“唉，呢少少時間都溫唔到ｄ咩架啦，ｄ書又重，個袋又細．．．．”就係咁我連一本書都無拎去試場，去到相當之威爆啦，最異相係我～～～～人地個個就拎住ｄ書呀，Ｎｏｔｅｓ呀晌度出神，我就得閒到唔知望邊度好，唉，好似我好唔ａｒｍ咁添～
不過上到去就知自己個位係最最最尾果個，真係唔多好意頭囉，唉，個ｎｕｍｂｅｒ＋１或者－１都晌頭頭，個勢都好ｄ，正所謂輸人都唔好輸陣嘛！！
算啦，今年條作文真係唔難，都幾好作，唔知係唔係家下作慣１２００字ｇｅ文，作返６００字好似有ｄ唔知點，好多時間咁，咪拖慢黎寫囉，鑒生塞ｄ四字詞入去囉．．．．

哈哈．．．．好開心呀，收到同同晌好遠好遠ｇｅ地方寄來ｇｅ生日卡呀，一打開，嚇我一跳囉，估唔到一張生日卡可以寫咁多字，密密麻麻，哈哈．．．．好啦，本小姐家下考完中文，等我回返封勁野俾你啦！！係呀，你黎我度又唔留言，唔開心咯　＞ˍ＜

好啦，都係時候去下街街ｌｕ～～～
同邊個？？咪同果個今晚無飯食ｇｅ松鼠去食飯飯囉，順便行下街街啦當然．．．．．
～～～ｔｏ　ｂｅ　ｃｏｎｔｉｎｕｅｄ～～～

>>May 6, 2003 at 8:06:31 AM GMT+8

2003 年 5 月 1 日 星期四 【陰】

敏敏呀，４月２９號對我黎講咁重要喎，我又點會唔寫呢，只係呢幾日懶懶閒唔寫咋嘛，等我而家補返啦～～～～！

首先要多謝返所有打過俾我，同我講生日快樂ｇｅ人，咁多人打俾我真係有Ｄ感動添．．．有Ｄ為左唔煩我１２：００正ｇｅ時間就早ｄ或者遲ｄ打黎．．．認真唔好意思啦！

不知道為什麼，對今年的生日少了一份期待，多了一份感慨，生日的一晚我竟然有些睡不著，很緊張，當然結果我也踏入了第１８個年頭～～～一個令人又愛又恨的年頭，一個令人不得不承認自己已長大的年頭！（有如白先勇的）“寂寞的十七歲”已離我而去，驀然回首，似乎什麼也未做過吧，渾渾噩噩就過了十七年，還可以有多少個十七年給我虛耗？？

話說回來，今年ｇｅ生日確有ｄ特別，事關已經有好幾年無試過生日要返學ｌｕ，雖然去唔得邊度玩，但原來晌學校慶祝ｇｅ生日一樣可以好精彩～～～～呢日好似平常一樣返學啦，不過生日都無得走雞，晨早就要ｏｎ　ｄｕｔｙ呀，不過好開心呀，你地個個一返黎見到我都同我講生日快樂嘛，第一個係邊個？哈哈．．．應該係阿Ｌｉ呀！而松鼠就大袋細袋咁返黎，入住ｄ咩？咪就係佢同阿賢之前果日行爛對鞋，行渾成個荃灣咁滯先揀到俾本小姐ｇｅ生日禮物囉！唉．．．我都知揀禮物俾本小姐確實係件難事黎架喇，不過你地用咁多心機揀，我又點會唔鍾意呢？
嘻嘻，阿凱就為我專登換過對鞋，皆因我成日都叫佢唔好無啦啦除鞋，因為咁樣我係會好驚架，所以佢就換過對除完要用手先著得返ｇｅ鞋喇，話好麻煩，順下我一日意唔除喎！真係多謝你啦，但如果平時都唔除就最好ｌｕ～～～訓唔著ｇｅ我上堂實眼訓到死，傻下傻下ｇｅ時候Ｗａｎｄａ突然一個大信封擺晌我張檯度，大大聲咁同我講生日快樂，嚇一跳添，咁大個信封入面有張“邪流丸“ｇｅ　ｈａｎｄ－ｍａｄｅ生日卡，仲有好好好得意ｇｅ　ＥＬＭ＠呀！估唔到今年竟然都有生日卡收喎，好有心思，勁感動呀～～～哈．．．仲有講生日快樂好似講上癮ｇｅ嘉琪妹妹勁大聲咁同我講添呢！

之後最重要ｇｅ時段當然係ｌｕｎｃｈｔｉｍｅ啦！係我晌上葵ｇｅ生日會呀．．．．哈哈，我地叫左ｐｉｚｚａ返黎食，咪晌後花園仔度搵位囉，點知越睇勢色越唔對，個天烏雲密佈喎，醒目ｇｅ我地就即刻搵ｃｏｖｅｒ過ｄ位啦，霸到張檯無耐就見到兩個身水身汗，氣來氣喘ｇｅ男人拎住個蛋糕回來喇，咪就係阿權同阿賢囉～～！食食下ｐｉｚｚａ，個天又忽然落住滂沱大雨，係預言我黎緊呢一年都會咁黑仔，成日好似個天咁喊丫？定係貴人招風雨呢？？食到大家都好飽下，之但係見到個主角生日蛋糕～～～ｓｔｒａｗｂｅｒｒｙ脆脆，就好似唔記得左！由於太大風喇，唱生日歌同許願都要以極頻速度，以防支蠟燭熄嘛～～跟住就慘喇．．．個蛋糕！因為佢實在太唔生性喇，又肥喎，ｄ餡ｂｅｅｐ晒出黎，左一舊右一舊，仲做埋花面貓添呀，最終由阿廚師先生手起刀落兼鬧埋個蛋糕先成功將其分為十件，雖然死狀恐怖ｄ，但都不失為一個好味ｇｅ蛋糕！不得不提係～～～～我ｄ生日禮物呀，全部都係靚靚ｅｌｍ＠黎架～～～～好細心ｇｅ松鼠幫我揀ｇｅ一塊ｍｉｒｒｏｒ啦，一個帝王親自揀ｇｅ　ｃｕｓｈｉｏｎ，難得你揀到ｄ咁靚ｇｅ野ｂｏ！仲有個話要我用親都記得你地呢班朋友仔ｇｅ杯杯啦，但我到家下都唔捨得用ｂｏ！

放學就去ｐｏｒｋ　ｃｈｏｐ　ｓｈｏｐ度拎禮物啦，點知得舊公仔，好無奈．．．．算啦，好過無！急急腳仆返屋企換衫，為咩咁急？因為要去買我第一張ｇｅ六合彩嘛，爸爸同我一齊去買架，入邊係點我都係睇一次見咋，入面有咩？？咪有．．．勁多麻甩人囉，真係唔明ｄ香港人，排隊搭巴士又唔見咁有次序喎，排隊賭就咁有耐性，認真耐人尋味！可惜可惜，開頭開得唔多好呀！買３張竟然中得果兩個字，真係無奈又無奈囉！！夜晚就同屋企人食飯慶祝囉．．．不過由於間鋪ｇｅ關係，所以都唔去得遠食咯～！
呢個１８歲ｇｅ生日過得好充實呀，好開心呀，真係有好多感動位添呀～～～～原來有好多野越係簡單就反而越易滿足，係真架！！多謝你地陪我丫～～～

古古呀，你唔駛躂我全名掛？嚇親人架嘛，不過多謝你呀，我地快ｄ又見面就好喇．．．．老豆呀，你邊度衰呢，唔好癲啦，呢ｄ野在心中啦，但就唔准再唔記得囉．．．＞ˍ＜

～ｔｏ　ｂｅ　ｃｏｎｔｉｎｕｅｄ～


>>May 3, 2003 at 8:30:26 AM GMT+8

2003 年 4 月 26 日 星期六 【晴】

今日突然間有癮想寫下日記，或許已經太耐無寫喇～～～～

琴起身就去左葵芳拜我公公同婆婆，估唔到清明過左咁耐都仲有咁多人去拜ｇｅ，果度好熱呀，所以企一陣，燒晒ｄ衣紙就走喇！跟住？無呀，有我阿姨睇鋪嘛，我當然拉住我媽咪去行街街買野啦！Ｔｅａ完行左一陣就睇到個．．．．哈哈．．．勁ｐｉｎｋ　ｇｅ　Ｐｕｍａ袋仔喎，好靚下架！之前又未見過呢個款，加上連我媽咪都勁叫我要，點解佢咁好？？無計啦，我上一次買唔到果個我睇中好耐ｇｅ袋，後來仲斷埋市添，我咪晌屋企成日哎哎聲，佢就話我猶豫不決實無，於是今次咪叫我買囉，費事我又後悔又牙痛咁聲嘛！！哈哈，佢話要當係生日禮物喎，是但啦，有新款野用咪算囉，我好易ｔｕｍ　ｇｅ姐～～～～

最好笑係番到黎我即刻ｓｈｏｗ俾我阿姨睇啦，佢就話：”下？呢個咪係你表妹琴晚晌ｍａｇａｚｉｎｅ見到勁叫我買果個囉！”哈．．．我仲唔即刻打俾佢ｓｈｏｗ下咩，佢好嬲呀，因為好恨嘛．．．嘻嘻，我將佢想要果ｄ野都買晒返黎喇～～～～

琴晚又食左個大餐．．．屋企人同我慶祝嘛．．．唔知係唔係因為我今年１８歲喇，（佢地話嫁得喇喎），所以特別隆重呢？搞左好多野呀，哈哈，勁開心ｇｅ　ｆａｍｉｌｙ，突然間覺得原來係咁ｗａｒｍ架！！！我食到好飽飽呀．．．．

唉，好快就１８歲喇，成年喇，又可以拎新ｇｅ身分證～～～舊果張太過嚇人ｌｕ！！又可以買六合彩，馬場就去過好多次喇，不過真係跑馬日就未入過喇，又可以入ｃａｓｉｎｏ添！唉．．．．但係，我真係唔想大呀，唔知呀，或者係童心未泯掛～～～～人越大就越唔想大，因為越大就越要諗多ｄ野ｇｅ，要顧好多方，到最尾即使最可憐果個係自己都無計！我唔要大個呀，俾我留番晌１７歲得唔得呀？？唉．．．阿陶都講得ａｒｍ　ｇｅ，時間太過不由自主，完全控制唔到，唯有控制下自己ｇｅ心智囉！不過你呀，唔好唔大ｂｏ，唔係咪無人照顧我，無人由得我傻囉，可？最多，大少少咯！　童言無忌～～？好遠好遠．．．．細個果陣就望快ｄ做大人，大左就想回到過去玩童真，唉，真係矛盾！無論會點，個生日始終會黎到ｇｅ，但係，我都要我ｇｅ童真，繼續我ｇｅ開心！

ｃａｒｍｅｎ，阿賢，你地唔駛話我懶唔寫日記喇，你地同我不相百眾姐～～～特別阿賢啦，夠３年都唔寫下咯，難道凈係我有關於閣下ｇｅ野要寫，閣下就無咩？何況我邊有唔寫喎？有ｄ你又係你叫我地唔好寫ｇｅ，真係臣又你貝又你～～！我寫都無用啦，ｄ人好日都無少少ｆｅｅｄ　ｂａｃｋ，邊有心情寫閣下呢？檢討下喇你．．．ｗａｎｄａ導演呀，果句”拱手點頭，都係朋友”就黎要收我地版權費架喇，但係又得講呢句先可以維持８個鐘咋！

哈，老豆呀，ｓｏｒｒｙ呀，好似好耐都無去你度講下野添．．．．唉．．．．＞ˍ＜
我果日呀，撞到同同上網呀，勁開心啦，佢話好多靚女ｂｏ，仲話會寄張生日卡返黎俾我添呀～～～，唔知幾時收到呢？快ｄ就好喇！家下同佢隔成條太平洋，收到張卡已經好興奮ｌｕ～！

讓我．．．在此迎接我ＸＸ的十八歲吧．．．．．．
！！～～Ｔｏ　Ｂｅ　Ｃｏｎｔｉｎｕｅｄ～～！！


>>April 28, 2003 at 12:30:40 PM GMT+8

2003 年 4 月 18 日 星期五 【晴】

首先，要晌度同ｃａｎｄａｙ同ｗａｎｄａ講聲ｈＡｐｐＹ　ｂＩＲｔｈｄＡｙ呀．．．．雖然佢地兩個唔識，但就同一日成年咯～～～恭喜恭喜，希望你地越大越好，越大越靚啦！！！

由於ｃａｎｄｙ今年要考ｃｅｒｔ，唯有慶少一年啦，等佢唔好玩都散晒！今晚就同左ｗａｎｄａ去食日本野慶祝喇，哈哈，最尾仲整個蛋糕黎，好大聲咁唱生日歌，又好大聲咁笑，好彩有間房姐，唔係就真係嚇親街坊ｌｕ～～～～連玩阿凱送俾佢果個六歲以上玩具都照咁大聲，不過就玩得一鋪咋～～～～又影埋ｄ傻下傻下ｇｅ相啦．．．．．哈哈，笑爆囉！！！係呀，ＤａＤａ你鍾意份禮物就好喇，不過你都開左啦，唔駛唔捨得用ｇｅ，唔用都會走晒架嘛．．．．

之後佢地個個都走，得返松鼠同阿賢，就去左食好ｙｕｍｍｉ　ｇｅ松記糖水喇．．．．然後？？大家心照啦，晌呢度唔講啦．．．．

呢幾日都留返晌屋企度做下功課啦，本小姐咁多年都未試過返學前一個禮拜開始做功課架，次次都係之前一日先做，下下都挑燈夜讀ｇｅ，今次，哂係大個喇掛，又或者係因為無咩世藝啦～～！

～～ｔｏ　ｂｅ　ｃｏｎｔｉｎｕｅｄ～～

>>April 19, 2003 at 6:38:52 PM GMT+8

2003 年 4 月 11 日 星期五 【晴】

"拗"左咁多日虫虫喇喎，睇怕都係時候出下街街啦～～～
話說琴日係我ｇｅ舊曆生日啦，一心諗住同我媽媽，阿姨仲有阿表妹去食下ｔｅａ　ｂｕｆｆｅｔ架嘛，不過多數酒店都ｃｕｔ晒，無得食呀！！！最尾就去左新世紀，以前咪有間ｈｅｌｌｏ　ｋｉｔｔｙ　ｃａｆｅ，執左變成家下呢間，ｄ野都幾特色，ｄ甜品又幾得下，我同我表妹見到都開心死ｌｕ～～～哈哈．．．．ｄ位又超正，裝修都唔錯．．．．要去多次喇～～～

之後我媽媽同我表妹個媽媽就當然返去睇鋪啦，而我同表妹就去促進人地ｇｅ鋪頭繁榮，去行旺角囉，行左好多地方呀，周圍睇下啦，當然唔執輸買番幾件衫啦，兩個又行到癲癲地，行到連時間都唔知，食飯先趕返去囉～～～就一齊同埋我屋企人食飯喇！！！之後仲正呀，去埋松記食糖水添呀．．．．果度ｄ名又搞笑，有款叫”任你溝”，我同我表妹就笑死啦，哈哈，呢款ｄ男仔實鍾意食啦．．．．不過始終都係以前果間好食ｄ，下次唔去呢間ｌｕ～～～～

由於撬起左我表妹條行街癮，於是佢就勁叫我去行啦，又咁ａｒｍ我地都想買ｃｏｎｖｅｒｓｅ對ｂｏｏｔ嘛！ｗａｎｄａ又話荃灣有，而我表妹又無去行過荃灣，就順理成章去啦～～～～阿賢家下又同表妹好熟咁，順理成章又叫佢去啦，費事又話要晌屋企”拗”虫虫，ｃａｒｍｅｎ幫人補完習又順理成章ｊｏｉｎ埋我地啦，跟住就去左食ｃａｒｍｅｎ話超好食ｇｅ米線，嘩！！見到果條人龍就已經嚇親我同表妹啦，但ｃａｒｍｅｎ又勁話要食，咁咪留下來睇下係咪真係咁好食囉．．．．．好快就有位喇，點知原來要入後巷ｇｅ，真係威爆啦！！！不過碗野又係幾好食ｇｅ，算你啦～～～～食飽飽之後就開始ｓｈｏｐｐｉｎｇ啦，好多野賣呀，有好多野睇，仲竟然有衫係１０蚊雞一件，打底ｇｅ仲係＄４．５件添呀，嘩，真係平到震呀，不過我地最終咩都無買到，除左食ｇｅ野～～～～佢地又夾糖，我地又食雪糕，超好味呀．．．．．．．

跟住就去愉景新城度睇人地條ｓｅｅ　ｔｈｒｏｕｇｈ泳褲，笑料就從此起喇～～～～話說一入到去阿賢就睇泳褲啦，而其餘ｇｅ三位女士當然幫眼睇．．．．．泳褲以外ｇｅ野啦，又睇泳衣又睇鏡，拖鞋呀．．．．最終我都有幫下眼架，跟住就當然走晒去睇女仔野啦，點解？？？哈哈．．．鬼咩，阿賢少同個女ｓａｌｅｓ咁好傾，唔搞佢啦！果個ｓａｌｅｓ又好笑，阿帝王點都唔去試，我就忍唔住講左句”你唔試下點知ａｒｍ唔ａｒｍ姐，條褲有得睇幾多寸架？”，誰不知個個都未笑，企晌我地後邊ｇｅ　ｓａｌｅｓ已經哈哈聲笑左出黎～～～～仲趁我地行開左同阿帝王講話我地得意添呀！阿花心帝王揀黎揀去，最終咪又係揀返果條，唉，算你啦，果條晌果度黎講都可以話係最好架喇．．．．．由於佢唔試，個ｓａｌｅｓ就拎把尺黎踱下啦．．．ｓｈｏｒｔ賢就話：”係啦，幫我圍住黎踱下！”，阿ｓａｌｅｓ姐姐就好認真答：”Ｏｒ，唔駛架，踱完一邊幾寸跟住ｘ２就得架喇！”哈哈，好尷尬囉，真係唔知點俾反應好囉，唯有以笑置之．．．．（唉，我係咁大個女都未見過人買泳裝死都唔試身架，真係大開眼界，不過就百思不得其解囉～！）

全日ｃａｒｍｅｎ都無咩癲到，以下落黎就當然到佢啦～～～佢同阿帝王就同我一齊返鋪頭，因為ｃａｒｍｅｎ都想睇下首飾，而阿帝王又準備左樣野話要親手俾我媽媽ｇｅ，就係咁松鼠晌我鋪頭度試黎試去，揀黎揀去，嘩，揀左四條頸鍊呀，唉，如果當你係客，當然想你買晒佢啦，但作為你朋友就當然唔想你亂ｆｉｎｇ＄＄＄，我仲應承你男朋友睇住你添架．．．．不過佢實在太鍾意喇，一條都唔捨得唔要，結果？大家都唔難諗到啦，咪就係買晒佢囉！！！阿帝王都唔執輸，買條民族手鍊，果條我都無諗過男仔都帶到架，隻色又幾襯佢喎．．．．哈哈晌鋪頭玩左一大輪（我阿媽仲被迫趕出門口），咪同埋媽媽一齊去食飯飯喇～～～～哈哈，超開心啦～！！

我當初仲擔心會悶親我表妹添，因為我地成日講埋晒ｄ我地先識笑ｇｅ野，點知佢話唔悶不突止，仲話好開心添呀．．．．哈哈，真係好啦！阿賢又撩佢去踩冰喎，搞到佢勁興奮呀，可能佢係同我去佢媽媽先批准掛，好啦，就禮拜二去啦～～～～

係呀，ｗａｎｄａ生日會開番個生日ｐａｒｔｙ呀，哈哈，晌屋企搞呢味野都係睇一次咋，仲會由阿權親自下廚添，唔知好唔好味呢？？～～～～又玩餐飽ｌｕ！！唉，點解我要月尾生日架？？等多兩三日咪好囉～～大家都無咁手緊嘛！而且今年咁ｇｅ形勢，日日都咁多人惹到，睇怕我生日都唔知駛唔駛返學咯．．．．．

～好喇，寫到呢度先啦～
ｔｏ 　ｂｅ　ｃｏｎｔｉｎｕｅｄ

>>April 13, 2003 at 1:13:08 PM GMT+8