|
2004 年 12 月 19 日 星期日 【晴】
～ 讀 ～
大概真的很久沒寫日記了，幸好還未被刪除～！
這陣子除了讀書，還是讀書，考試嘛！不過現在不再是為公開試而勞累，感覺好多了，以前的考試範圍，總覺是沒有讀完的一天，現在才覺得陣正在學習，懂了不少以前一知半解的，又實用得多～！
話說回來，摩登英文跟ｂｕｓｉｎｅｓｓ ｃｏｍｍ.都考過了，一團糟！還有３科，要考到月尾呢，橫跨聖誕節，過份！近乎天天也跟小惡霸ｄｏｇｇｉｅ一起溫，才發現ｐｏｌｙ的圖書館有很多好地方，好大又幾有讀書氣氛，跟牠溫書又好像開大食會一般，又肥了吧！真不明白為何牠讀書總是比我快得多，哼！再過幾天就要考ＩＴ，這刻也未想溫，看到那些ｐｐｔ就不願多看一眼，又無書，怎麼辦？不過那天跟Ｅｒｉｃ傾計，他打從心底般叫我比心機溫好這科，又覺得不可以辜負他～～我不是不想考好些，但我真的對ＩＴ無甚興趣嘛！可恨的還有那玩人的翡翠台，夜晚竟重播”列火雄心２”，方中信嘛，怎能不看？
希望快些考完，ｓｅｍ ｂｒｅａｋ就可以勁彈琴，打壁球，學整蛋糕，行街街，聯誼，唱ｋ．．．．媽咪還打算去旅行呢～！期待中．．．溫書去．．．．．ｔｏ ｂｅ ｃｏｎｔｉｎｕｅｄ．．．．．．
蘇蘇～～～ 嘩，天未光你就黎敝版，真係不勝感激！竟然記得我曉彈琴，果然好記性，可惜現在恐怕武功盡失ｌｕ～你計好ｄ ｐｕｒｅ未呀？～下次又同你去碌下ｌａｎｅ丫，好嘛？橫豎好似好耐無見你ｌｕ！我覺得黃埔好碌過荃灣，又近，你話呢～？
敏敏～～～ 你都係好記性嗟，果時琴ｍｉｓｓ話我：考到就好彩，考唔到就應該！結果我拎ｍｅｒｉｔ番黎添啦，佢都無話可說！我終於都無番畢業禮呀，你有嗎？唔知我仲有冇得拎番果一百蚊獎呢，哈哈！我咪就係因為果日要ｐｒｓｅｎｔ番唔到，不過今次無著ｓｕｉｔ呀，我地扮空姐ｐｒｅｓｅｎｔ國泰，費事買啦，我有幾可著喎．．．
小惡霸～～ 你咪懶勁啦，你ｄ ｘａｎｇａ仲短過隻手指尾，學咩人打速成喎！喂呀，耐無彈琴，有ｄ手痕！放心，對我黎講，你彈琴時的吸引指數又何只１粒星，係滿天星呀～不過如果左右手協調到會ｃｈａｒｍ好多囉！
嘻嘻～～～ 我諗我個肚腩都真係好快可以媲美聖誕老人，哈！無呀，呢排淨係忙坐晌度諗緊你會送幾多份靚靚聖誕禮物ｓ比我囉，唔知你係咪諗緊同呢樣野呢？我諗都係喇，可？
>>December 20, 2004 at 10:38:57 AM GMT+8
2004 年 12 月 2 日 星期四 【晴】
～ 玩 ～
幸好我們組下個禮拜才是ｂｕｉｓｎｅｓｓ ｐｒｅｓｅｎｔａｔｉｏｎ，今天可以先觀摩其他組！好多組都好ｐｒｏ呀，又著ｓｕｉｔ，阿佩，阿雯，ｃａｒｏｌ都著呀，仲跟他們影相相～！唉，我們丁點兒都未傾過，下個禮拜就慘喇．．．
放學當然是娛樂～～這陣子發現ｐｏｌｙ有免費琴房，於是跟ｋａｒｅｎ不分晝夜地彈，差不多兩年沒練琴了，生疏不少，真的好想學番琴！！而且我一定要彈到”小城大事”為止，哈！今日還瘋狂地彈了兩個鐘，只彈完第一版咋～～之後跟ｋａｒｅｎ和她朋友去黃埔ｂｏｗｌｉｎｇ，第一次見到她那傳說中於演藝讀鋼琴的朋友！想起來，真的很久沒碌過，突然狀態大勇，有１０４分呀，勁好彩，哈哈！
之後就跟他們到演藝，為什麼？為聽她朋友彈琴給我們聽囉！真的很勁呀，我們摸了幾個鐘的譜，人家竟然一下子就彈了出來，儼如練ａｕｒａｌ一般，同一份譜也彈得比我們好聽多～！彈了很多歌呢，還有我最心愛，最喜歡的歌～ｆｏｒｒｂｉｄｅｎ ｌｏｖｅ呀～正！好喜歡看人家彈琴，要知道識彈琴的人超ｃｈａｒｍｉｎｇ，吸引力有１０萬個星～！
跟他們分手後就跑到銅鑼灣去ｊｏｉｎ媽咪，阿姨跟表妹，當然離不開ｓｈｏｐｐｉｎｇ啦，好開心，買３３又買到耳環！玩到１２點多，是時候回家了～～明天還要回銘賢呢～～兩年幾乜回去了．．．．
蘇蘇～～ 放心，即使你得罪天下人，你還是不會得罪我的，不只是因為我不拘小節，是因為無奈的你可以寸我些甚麼而不被反擊呢～？你還是先學好主旨句吧，呵呵呵
敏敏～～我想我未必番喇，果日我要上堂＆ｐｒｅｓｅｎｔ嘛，不過我仲未拎ｃｅｒｔ呀，你拎左未？
ｔｏ ｂｅ ｃｏｎｔｉｎｕｅｄ
>>December 3, 2004 at 7:15:21 PM GMT+8
2004 年 11 月 26 日 星期五 【陰】
～ 忙 ～
好彩昨天不用上學去，可以準時的返ＰＳＲ，誰知我那組得４個人返，又是一輪照肺！最後還要我上台講那勁爛的ｓｅｌｌｉｎｇ ｉｄｅａ～～ｈｅｌｐ！！見到很多ＮＴＣ的同學仔，下次一定要跟他們ｔｅａ ｔｅａ．．．．
話說Ｃａｒｅｙ約今晚去打邊爐，為了令我出街出得更化算，我就找學完ｆｌｕｔｅ的小ｋｋ跟我行行街，行銅鑼灣呀！哈，小ｋｋ帶了我走訪銅鑼灣暗處，我才發覺我似乎不曾行過銅鑼灣呢～～又買了新３３，但還未買到靚ｊａｃｋｅｔ！之後還上了教協買東西，平很多的，買得超開心呀！可惜只行得幾個鐘，還未買到我想買的，下次要再行過呀～！
之後我便姍姍來遲的去ｊｏｉｎ他們打邊爐，真好，不知多久沒打了，現在正是時候～！其實是為了呢呢生日的，卻又是我們聚舊ｇａｔｈｅｒｉｎｇ的好藉口！不知為甚麼，我跟超ｗｉｎｇ食極都食唔飽？好開心呀，十多人自然笑位不絕啦！我們還約好一起去旅行呢，等他們完成ＡＬ大業，就一齊去玩呀，可能是台灣，聽起都興奮，該不是吹水吧，大家要ｓａｖｅ＄＄＄喇！劉瑩有ｐｉｋｅｐｉｋｅ包，我都要搵人包先得～呵呵！飯我我都好想跟ｐｉｋｅｐｉｋｅ，Ｃａｒｅｙ去食糖水架，可惜媽媽要我回家去．．．真掃興！
估下～～ 哈，不過你都要返學架嘛，點陪到我呢～！加上我間屋咁”整齊”，點敢比你睇喎！咁係咪個賊入黎再走埋你先話過我聽呀？咁好有用ｂｏ～！我呢排少左好多去旺角呀，又少個機會撞到你喇～！
小ｋｋ～～ 好笑野當然要公諸於世黎，我係唔會吝嗇的！而且咁你先會更記得嘛！
蘇蘇～～ 哈哈，估你唔到你都幾幽默架喎～！我都好慶幸有個咁好既爸爸，而且有時佢講野真係好好笑～！起碼佢唔會凈係識打，佢講既野真係幾啱，佢會教我點做一個聰明既女仔！
ｗａｎｄａ～～ 你都知你成日唔黎咩？咁你識做啦！係呀，我好多同學都有睇ＡＩ，但我無睇過呀，等我睇吓先！我有睇少少ＥＴ，幾時睇都係咁好睇，幾感人！吃喝玩樂？都係等你譯完篇野先啦，哈～！譯好未呢？
李老闆～～ 話晒都做過吓ｄｒａｍａ嘛，我高師奶拋得個身出黎做醜角，奸角，點可以唔傳神ｄ呀？何況你呢ｄ”３號台落單呀”都好夠真實呀！大家都係好戲之人啦！ （好開心你原來都有睇我個板板呀老闆，多ｄ留言喇～！）
敏敏～～ 近排ｄ功課，ｔｅｓｔ＆ｅｘａｍ蜂擁而上，忙爆～！最慘既係ｅｘａｍ橫跨聖誕節＞＿＜灰爆！！不過唔寫日記都係因為個懶字，我會寫多ｄ架喇！你又點呢？忙嘛？
ｔｏ ｂｅ ｃｏｎｔｉｎｕｅｄ
>>November 28, 2004 at 8:08:49 AM GMT+8
2004 年 11 月 12 日 星期五 【陰】
～ 生不入官門～但係入ｅｄ ～
今日好想行街呀，於是出去旺角，突然想起掛住阿佩的靚靚電話繩，就衝去買了！在那兒還睇中了件外套，不錯，不過要再想想，因為是厚料的！之後去了新的朗豪坊，想行行ｓｅｉｂｕ，誰知擠得水洩不通，那些ｃｏｕｎｔｅｒ又很逼的，完全不能好好的看看東西，不過好處是．．．可以在那些化妝專櫃試這試那，因為人多嘛，根本沒人有空理我們～！最後，逗留不過１５分鐘就走了（如果通道可以闊些的話，有氣派得多）
之後爸爸話阿ｓｉｒ打電話叫我們去打指模，這不是我第一次去警署吧，上次是到那兒參觀，但今次心情完全不同呢，還是第一次入口供房，牆上還寫：可獲提供免費之充足食物，哈哈，真周到！誰知一家３口，我是沒有得打的一個，我也想不明．．．．不過不看不知，打手指模不單止是姆指，是５指單獨印+４指合實印+全隻手掌印+手掌邊，我爸爸還笑說：駛唔駛打埋隻腳架？
其實到現在我還是很擔心，還是不太敢自己回家的，可以說我膽少，但我真是怕的！幸好爸爸已經弄了不少措施，有鐵絲網圍水喉，有大燈照亮，又弄了窗簾！
爸有天跟我說：點呀？唔駛驚啦．．．早放學自己番黎都唔怕啦！
我：係既，有窗簾都好好多！
爸：我整咁多野唔係為個賎，我係為左我個女架咋！
那刻我好感動呀，估不到我爸會這樣說．．．
其實事件過了一段時間，我已經不像以前般慌了，但我還是很擔心，放學還是不會衝回無人的家裡去睡！
ｐ．ｓ．昨天去了剪頭髮，好開心，雖然像無剪過一樣，但不打緊，因為每次不愉快我都會去剪頭髮，因為可以把不開心剪走，剪落地！
估下～～～我又怎會估不到你是誰呢！好開心呀你留言給我！你高估我了，我只是一直扮好叻叻的一個咋！我都不想不食的，忘了食罷了，嘻！
小ｋｋ～～～一看到你的留言我就立即寫喇，我邊懶呀？我又怎會忙串你呢？不過是舉手之勞嗟～
”隻錶個銀幕太大唔好睇”
”銀幕？”
”丫唔係，係螢幕”
”螢幕＞？”
”咁係乜呀？”
”係錶面呀，哈哈哈．．．”
ｔｏ ｂｅ ｃｏｍｔｉｎｕｅｄ～
>>November 13, 2004 at 4:29:01 PM GMT+8
2004 年 10 月 31 日 星期日 【晴】
～ 開心ｓｈｏｐｐｉｎｇ ～
今日ＩＴ ｔｅｓｔ，不消提，估不到Ｅｒｉｃ出了一條絕世好橋，出４份不同的卷，笨蛋的我還以為可以出貓呢！ａｎｙｗａｙ都要多謝Ｋａｒｅｎ幫我做晒ｄ２進制．．．
放學就開心喇，先是看到Ｍａｎｚ真命天子的真身，哈！之後就跟Ｋａｒｅｎ去尖沙咀行街街喇，ｄｉｓｃｏｕｎｔ ａｎｄ ｌｏｇｏ ｓｅａｒｃｈｉｎｇ，可惜我倆都看不到一樣可以吸引著我們視線的東西，去了元祿食ｔｅａ，對！又是食，因為好像好吸引的，其實返Ｐｏｌｙ之後食多了很多，但想想，每天只食ｂｒｕｎｃｈ已矣，一餐過！食著ｓｕｓｈｉ，又跟Ｋａｒｅｎ不停地傾計，好開心，天花龍鳳講一餐，又講吓以前讀書時光靠小聰明的懶事，做社長的辛酸史，以前令人激氣的朋友仔，她男朋友的趣事．．．．嘩，傾了４個多鐘頭呀！！之後又再行行ｄｕｔｙ ｆｒｅｅ就齊齊回家去了！
好好開心有個傻人陪住我呀！下次去買衫衫ｌｕ～～～！！
呢期成日睇Ｋｅｒｒｙ＆Ｂｕｓｈ既ｄｅｂａｔｅ，覺得好好睇呀！
好想快ｄ知邊個係下任總統，但係．．．．就無得再睇佢地激烈既辯論喇！＞＿＜
蘇蘇～～努力ｄ溫書啦，知嘛！呢排都唔敢打比你喇，可能你唔發覺啦，費時虛耗你寶貴的讀書光陰，１１月喇ｂａｂｙ！
（我邊方面都唔係天才，係既話依家就唔會．．．）
～ｔｏ ｂｅ ｃｏｎｔｉｎｕｅｄ～
>>November 2, 2004 at 4:35:11 PM GMT+8
2004 年 10 月 26 日 星期二 【晴】
～ 失敗 ～
今日英文ｔｅｓｔ，唔熟又做唔晒，失敗！
今日普通話個人短講超不流利，失敗！
可能真係太耐無對住全人類講野，加上準備嚴重不足，表現差勁．．．寧可叫我用英文講，至少順暢得多！
又一次教訓我不要只靠天才，到這個程度，小聰明已經不敷應用了～！
不過有ｄ同學仔既講稿確實好好笑．．．估佢地唔到！
ｔｏ ｂｅ ｃｏｎｔｉｎｕｅｄ～～
>>October 27, 2004 at 4:53:15 PM GMT+8
2004 年 10 月 15 日 星期五 【晴】
～ 屋企被爆竊 ～
昨晚返屋企時發現屋企被人爆竊，呆得很，心情沉重且複雜，難以形容，實在好驚！唔開心唔開心唔開心．．．咩ｍｏｏｄ都無晒喇！
當中片段，容後再談．．．．
敏敏： 呢排都係忙ｐｒｏｊｅｃｔ囉，同埋發現ｐｏｌｙ中的好去處同好野食！星期一就ｄｅａｄｌｉｎｅ，依家做得１／４，都唔知做唔做得切～！
>>October 16, 2004 at 3:26:45 PM GMT+8
2004 年 10 月 6 日 星期三 【陰】
～ 支力 火暴 日 ～
經歷昨夜睡不著，今天的結局是累極了，仲要番早，折磨！而且那冷氣冷得要命，凍死，真不敢想像冬天時會冷得怎麼樣子？希望到時怕冷的Ｋａｒｅｎ不會發紫啦！哈，不過學了很多，例如”冰淇淋”竟然是從英文譯過來的，我現在才知呢！早餐派聚會後，大概份量太大，ｇｒａｍｍａｒ堂時我睡著了，不打緊，反正留心聽也未必聽得明白，還是睡飽再算！Ｅｒｉｃ ｓｉｒ好得意又好人，今日學ｐｏｗｅｒｐｏｉｎｔ先知原來不是很難的，還有許多特別ｆｕｎｃｔｉｏｎ是我前所未知的，好新鮮呀～！
艱苦過後又是放學的時間，放學嘛，不再睏了！去了７仔ｈｅａ之後，Ｍａｎｚ要去做ｆａｃｉａｌ，阿佩，Ｃｈｅｒｒｙ跟我就去圖書館查上映時間，那之後我便去新世紀換戲飛！無無聊聊到旺角行行街，一個人行街，很快便行完，累得雙腳發軟，就回家去．．．．．為何睡極也不夠似的？？
明日約了Ｋａｒｅｎ打ｔｅｎｎｉｓ，勁緊張呀，很久沒打了！（＄１０／ｈｒ，抵打吧？）
又有得睇方中信喇，不寫了，哈！雖然這電視劇分明是抄２４，但不緊要，最緊要好睇嘛，對白又精，而且節奏快令人睇得入神呢～！
ｔｏ ｂｅ ｃｏｎｔｉｎｕｅｄ
>>October 7, 2004 at 1:33:28 PM GMT+8
2004 年 10 月 1 日 星期五 【陰】
～ Ｓｈｏｐｐｉｎｇ記 ～
今日早了些起床去行街街，為的是希望避過黃金周自由行的人群！去了又一城，又是挺多人的，先去看波鞋，但看不中，好不容易看中一對卻又無ｓｉｚｅ，哈,中途還見到狄龍呢，他幾高架～！去看３３，嘩，我跟爸爸媽咪都買了很多件，爸爸買得最多呢！之後打算去ｔｏｍｍｙ買那件之前看中的外套啦，誰知．．．．一件也不見，一問之下，原來這間沒有那條ｌｉｎｅ，於是就轉到ｔｓｔ去買，誰知．．．．走過３間都沒有！！真的沒想到人們搶購冬裝情切，我應該一早買下來便算，不應想著”反正季初，再看看別的才決定”，又一次買不到我想買的東西，為何上天總是這樣作弄我呢？
很不開心～很不開心～很不開心！
ｐ．ｓ．不過高興的是～～下個星期我就可以日日都見到方中信喇，捧！
這幾天的天氣最適宜到戶外去，哈，明天應該會去南丫島走走，很久沒去那兒了～！
ｔｏ ｂｅ ｃｏｎｔｉｎｕｅｄ
>>October 2, 2004 at 4:03:11 PM GMT+8
2004 年 9 月 28 日 星期二 【晴】
～激氣！！！早幾天想寫日記，但總是開不到～
今年過了個特別的中秋節呀～！
一，中秋當日我ｄａｙ ｏｆｆ呀～！
二，今年爸爸特意訂了個盆菜回來，哈，第一次食盆菜咋！雖然挺油膩，但勝在多花款嘛！回到女麻女麻家，一家人食飯，份外開心．．．
三，約中秋的節目～～Ｓｐｉｋｅ竟然說是秘密！（大概他們那時還末想到要去那裡）
四，直到齊人的那刻，我仍全然不知，問Ｃａｒｅｙ她又說不知，誰曉得她是個影后，還是其中一個策劃人呢，最後我們到了銅鑼灣的一所ｂａｎｄ房裡去！那兒的氣氛很好，有茶座也有獨立ｂａｎｄ房，說真的，我還是第一次到ｂａｎｄ房去～！去到那兒少不了唱ｋ，還有ｓｍａｌｌ ｂ，Ｅｒｉｃ，家聲，Ｔａｉｔａｎ的ｌｉｖｅ ｂａｎｄ ｓｈｏｗ．．．其實我不是覺得悶，只是沒有吱吱喳喳罷了！之後又去了宵夜，見到ｋｅｌｌｙ跟ｃａｒｅｙ的大食症，哈哈！尾站是維園，辛苦找到一個好位置坐下來，ｓｍａｌｌ ｂ教了我們玩個很好玩，很得意的遊戲，Ａｌｂｅｒｔ有幾舖輸得很無奈呢，跟著傾了一會兒真心話，又依依不捨的回家去．．．
五，大概是因為我的爸媽在家煲”天國的階梯”的關係，我竟然可以玩到５點，勁吧？
六，回到家我還不須睡似的，跟爸媽一齊睇碟，想打日記可惜入不到，慘！
今個中秋你們有食月餅嘛？我食了很多呀，傳統的食得最多，聽到Ｙａｍｍｉ想試冰皮月餅，巴不得把屋企的拿給她食呢！不過一食得多，肚子又痛起來＞＿＜還有我今年才是首次聽說指著月亮會爛耳仔，奇談？真的嗎？對，我那個好姊妹，今年有異性無人性，中秋不見人．．．．家姐真的外嫁了！!
看過了天國的階梯，朋友們都說會哭起來，而我雖然沒把全套看完，但我想如果我一集接一集的看，我一定會哭吧．．．．
ｔｏ ｂｅ ｃｏｎｔｉｎｕｅｄ～～
>>October 2, 2004 at 3:34:51 PM GMT+8
|
![]()
～ 我愛和平．一個平靜的家 ～
|
廣告 |
|
|
讀者留言 |
| 路人留言
|
 睇嚟你有d開心野喎
>>May 12, 2006 at 6:16:13 PM GMT+8
嘩...妳生日咁多禮物既??
<
>>May 7, 2006 at 8:56:25 PM GMT+8
生生生生生生生生生生
<br>日
>>April 29, 2006 at 12:15:44 PM GMT+8
生日快樂!!!
<br>那晚好像
>>April 28, 2006 at 4:56:52 PM GMT+8
我回來了,哈哈~~
>>April 20, 2006 at 12:19:16 AM GMT+8
好慘啊你，第一次去 Disney
>>April 1, 2006 at 3:40:59 AM GMT+8
yeah~我地可以一齊努力hum
>>March 11, 2006 at 3:11:12 PM GMT+8
就泥夏天啦~要操下先得
>>March 8, 2006 at 6:13:28 PM GMT+8
和牛擦身而過的感覺真是 WOND
>>March 8, 2006 at 10:00:25 AM GMT+8
甚麼免為其難！！？
<br>我是
>>March 5, 2006 at 4:25:13 PM GMT+8
唉，你就好啦，有情人節禮物！仲有
>>February 17, 2006 at 5:30:24 PM GMT+8
請問你買的ｕＺａｐ美帶子好用嗎，
>>February 16, 2006 at 4:08:52 AM GMT+8
我食左一日，番到屋企發現我多左個
>>February 3, 2006 at 5:26:58 PM GMT+8
天氣凍,個人都懶d。
<br>好
>>January 28, 2006 at 9:21:51 PM GMT+8
我都係咁話~~超火!!!
>>January 19, 2006 at 1:02:03 AM GMT+8
點解貓仔六年級仲簡小學？哈哈~
>>January 13, 2006 at 6:20:01 PM GMT+8
喂,估唔估倒我係邊個？
<br>
>>January 12, 2006 at 6:35:56 AM GMT+8
整甜品咁開心？我有無得食先？
>>January 11, 2006 at 6:07:27 PM GMT+8
相逢恨"快"呀!!才一個多小時就
>>January 7, 2006 at 2:35:03 PM GMT+8
你好懶呀!!!咁得閒又無野做都唔
>>January 5, 2006 at 4:56:28 PM GMT+8
新年快樂呀~!!祝你身體健康啦~
>>January 2, 2006 at 1:45:06 AM GMT+8
唔好呀~咁你咪要厭惡埋我?!幾時
>>December 30, 2005 at 11:55:23 PM GMT+8
你就好啦,考完試有得放假.我xm
>>December 19, 2005 at 11:57:25 PM GMT+8
阿之.冇見好耐了,唔知你d生活點
>>December 18, 2005 at 1:14:38 AM GMT+8
做咩唔開心呀之之~
>>December 15, 2005 at 9:16:44 PM GMT+8
O my GOD!
>>December 15, 2005 at 8:32:39 PM GMT+8
我都去澳門呀~~~
<br>到時
>>December 14, 2005 at 3:48:48 PM GMT+8
你都幾孝義架喎~~~~
>>December 13, 2005 at 5:57:32 PM GMT+8
Please take care
>>November 28, 2005 at 2:41:36 PM GMT+8
我細個都試過整親膝頭哥,真係痛到
>>November 28, 2005 at 5:54:53 AM GMT+8
無所謂啦~~~
<br>下次再約
>>November 27, 2005 at 5:51:48 AM GMT+8
都唔知點解屋企留唔到言比你,
<
>>November 26, 2005 at 11:59:29 AM GMT+8
嘩...個test ok 準wo
>>November 14, 2005 at 4:39:47 PM GMT+8
<br>童年時逢開窗
<br>
>>November 4, 2005 at 5:32:15 PM GMT+8
最近都唔知仲咩，多功課到我都就死
>>November 1, 2005 at 4:14:03 PM GMT+8
這樣的日記才像樣的,
<br>挺
>>October 21, 2005 at 1:39:27 PM GMT+8
遊玩時 開心一點 不必掛念我..
>>October 4, 2005 at 12:20:27 PM GMT+8
leung1G!!!!!!!!!
>>August 26, 2005 at 8:38:40 PM GMT+8
見你呢度咁靜...黎探下你啦..
>>August 13, 2005 at 4:32:01 PM GMT+8
點呀,決定食咩呀??又唔寫日記~
>>August 1, 2005 at 5:46:14 AM GMT+8
看開點吧...事情已發生了...
>>July 15, 2005 at 6:24:24 PM GMT+8
哈哈,終於比我等到喇~~~~th
>>July 6, 2005 at 4:57:02 PM GMT+8
幾早起身～～～～～～
<br>哈
>>June 26, 2005 at 2:33:59 AM GMT+8
我中意玩旋轉泡泡球多d~去悲晶玩
>>June 23, 2005 at 4:08:02 AM GMT+8
癮形日記~~~~
<br>哈哈~
>>June 20, 2005 at 7:43:58 PM GMT+8
每次我們暢所欲言地談心後，感覺總
>>June 16, 2005 at 7:06:29 PM GMT+8
有個司奶話：突然好想由佢曬黑，頂
>>June 16, 2005 at 3:37:04 AM GMT+8
我地係咪去lu xin之前唔會再
>>June 14, 2005 at 3:36:02 PM GMT+8
唔寫日記既?咁快去左悲晶?!?!
>>June 14, 2005 at 9:55:27 AM GMT+8
做咩咁感慨呢?其實踩單車咪踩單車
>>June 9, 2005 at 3:48:45 AM GMT+8
|
|
～ 讀 ～
～ 玩 ～
～ 忙 ～
～ 生不入官門～但係入ｅｄ ～
～ 屋企被爆竊 ～
～激氣！！！早幾天想寫日記，但總是開不到～