|
2003 年 7 月 21 日 星期一 【晴】
～～ＦＡＭＩＬＹ ＤＡＹ～～
今晨大清早就起床了，為什麼？是那張回鄉卡～！好在爸爸很早就去拿籌，一天只有７００個限額，我跟媽媽是３６５＆３６６呢，１０點多到了那兒，又看報紙，又打瞌睡，要等到１點半才輪到我們呢～！有時中資機構的辦事效率真的很驚訝，慢條斯理的，又只有好幾個ｃｏｕｎｔｅｒ做事，還要付＄２８０，一點也不便宜呀，不過反正能用上十年，就算哪～！
之後就去了做阿ｓｈｉｎｇ提了我很多遍要迅速行動的事～～～～報補習！我的英文補習計劃已經拖延了多時還未又的起心肝去做，不行了，聽說人家也到美利堅合眾國去了，一去是兩個月，快給人家迎頭趕上了，我在港又怎能不做點事呢～？聽日便是第一堂了，阿ｓｈｉｎｇ補習後說他講得也蠻快，那更好呢，好像化算一點嘛～！還有一個很吸引的地方～～～～那個甚麼送精英班呀～～額外再多送８－１０堂喎，這麼一回都送了成千元了，不是”抵過你”嗎？？可惜我今日忘記影印ＣＥ成績，唯有明天請早啦～～
然後就去了已很久未行過的又一城走走，主要都是為了爸爸的雀仔們啦，要買營養食品給他們喎，真矜貴咯～！食飽飽後才發現原來那兒也開了間ｃａｔａｌｏｇ，好自然就入去看看，而且我的米飯班主們又與我同在，又好自然要買點東西啦～～～就買了件Ｃｈａｍｐｉｏｎ Ｔｅｅ咯，仲要是ｏｎ ｓａｌｅ，平得很，加上那ｓａｌｅｓｍａｎ又挺可愛，又好傾又ｎｉｃｅ，怎能說服自己不買呢，係咪～？哈哈，我還發覺原來爸爸比我更愛行ｌｏｇ ｏｎ囉，我跟媽媽說走他也遲遲不願走呀！！
回家前就去買了張六合彩，爸爸話頭獎有４千幾萬嘛，就買一張碰碰運氣啦！祝我好運吧啦！如果我中了頭獎．．．．．我就可以．．．．．（下刪１５００件想做的事件）．．．啦～！
＠＠＠ ｔｏ ｂｅ ｃｏｎｔｉｎｕｅｄ ＠＠＠
>>July 22, 2003 at 10:27:25 AM GMT+8
2003 年 7 月 19 日 星期六 【晴】
～～開心日子一浪接一浪～～
有時真係唔知點解，你悶果時就實係唔會有人叫你去玩，你唔得閒果時就勁多人搵你去ｄ好好玩既地方，所以我今日簡直係ｆｕｌｌｙ ｂｏｏｋｅｄ呀～～去左邊～～？ 去片啦～～
首先，因為我叔叔唔得閒，幫女麻女麻打針既重任就落在我身上喇，由於唔打針就唔食得野既關係，我就要晨早去佢屋企幫佢打針喇，放假以來第一次早起身，８點幾就出門口啦，個人都仲未訓醒呀～！好彩，女麻女麻話我幫佢打完全唔痛嗟，唔係就慚愧咯，又或者佢係怕下次我唔打先咁讚我啦～～呵呵～～跟住就同佢兩女麻孫去飲早茶啦，好多人呀，唔怕啦，都好耐無同佢兩個去飲ｌｕ～～
之後就約返ｄ小學同學去尖沙嘴ｌｕｎｃｈ ｂｕｆｆｅｔ啦，咩巴西燒烤，ｏｋａｙ既，不過就真係好”肉”下咯，食得幾多呀，而且我ｄ同學仔仲細食過我．．．邊好意思勁食呀？嘻嘻．．．有好多個我都好耐無見咯，六年喇，不過有個下個禮拜就要走，去美國讀書喇喎～～有個細個讀書已經好叻既，問佢ＣＥ幾分啦，佢仲，漫不經心咁話：”７Ａ咯！”，我聽完不禁得個嘩字囉，人地９月就係ＨＫＵ既人喇，我就．．．人地華仁，我真係連學校名都唔敢大聲講呀～！食完之後我地就去左黃埔ｂｏｗｌｉｎｇ，唔知呢，我ｄ水準唔知去晒邊，次次得果幾分．．．唉，然後又去打機喇，果度ｄ機好平架，玩左一大陣啦，佢地就諗住去就黎要走果個屋企．．．打牌．．．好一個我多個月無做而又好想做既野呀．．．勁手痕呀，好想去架，因為果時已經大家都傾多左，ｃｌｏｓｅ返好多，又幾好玩，佢地仲話玩ｔｒｕｔｈ＆ｄａｒｅ添呀，可惜呀，我無得去，點解～？因為仲要趕下場．．．．
下場咪就係嘉嘉既ｆａｒｅｗｅｌｌ打邊爐咯～！
咩咁多人去美利堅合眾國架～？連嘉嘉都係去果度～！
好啦，好辛苦，好擾攘先安置晒２４人既坐位，搞完一輪終於係男一檯女一檯，一邊就係全男加兩女，我地果檯就全女加兩男囉，無計啦，唔得拆散ｄ兩口子們嘛～！跟住就恐怖咯，好似去左非洲一樣，唔好諗住我檯多女仔好ｄ，原來一樣咁癲，有野黎就一定拿拿林倒晒落去個煲度，然後唔理熟未就拎上黎食，真係呀，搞到我同我隔離既蔡子亮食完頭盤就要收手，我就係咁落單叫野食，佢就勁出去一渣渣拎野飲番黎，到佢地差唔多啦，我地先出手，不過．．．．出手既同時，由於隔離檯既爭食競爭漸漸白熱化，搞到阿林嘉豪小朋友要”對”碗過我叫我夾野比佢食．．．好．．．夾比佢既後果係我件靚靚白色３糟糕，後面ｏｒａｎｇｅ晒，唉～！不過都唔理喇，食飽先算！食得差唔多，阿葉朗陶先生又發神經走黎”吱”我，嘉豪又勁推我個頭，點食呀？蔡生又食埋晒ｄ鱔片，我唔係唔食，但係果ｄ熟後真係好核突呀，ｄ手毛都ｅｒｅｃｔ晒，佢見到咁仲唔食多兩件俾我睇咩，夾住塊鱔片晌我面前漾黎漾去，結果咪又係我件靚靚白色３糟糕囉，今次仲係正面個肚ｂｏ位，佢仲好衰咁話負責任添！！唉，算啦，見佢照顧左我成晚，又幫我打阿陶陶就算啦～！臨尾仲殃及池魚，晌佢地爭位既同時，阿陶生百幾磅既體重以一只凳腳壓落我第二只腳指上，痛苦到極點～！＞ˍ＜哼，我就係成晚咁俾佢地３個圍住黎蝦喇，我講ｄ咩做ｄ咩都話我低ｂ細路女，家下我好細路女咩？？
跟住個個食飽都唔想走，又勁影相喎，好開心呀，但家姐就無啦啦搞喊嘉嘉，睇見佢地喊，我個心都唔舒服，我諗我真係唔會捨得離開香港，唔會捨得我ｄ朋友仔，似乎越識得多人就越唔捨得，以前可能諗得太瀟灑喇！！
哈哈．．．成晚都玩得好開心呀，笑到無輪，又有人”鍊”骨，又有人拎野我食，仲有呀，基於阿陶少同嘉豪實在太威爆既關係，我就決定貶佢地為我既奴隸獸同我既寵物狗仔呀～～呵呵呵呵
又搞到成點先返屋企添．．．．但佢地就繼續去阿峰度過夜咯．．．．
ＣＡＲＭＥＮ～～～ 好啦，見妳開心返同我傾計就知無咩喇，咁咪好囉，我都真係唔想妳再同佢有咩唔開心啦，過去既就算啦，得閒諗下去邊度ｆｉｎｇ＄＄好過啦，（ｐａｔｒｉｃ ｃｏｘ做緊半價呀），但我又唔ｍｉｎｄ妳再送３３俾我既，呵呵～～
阿Ｌｉ～～～ 係呀，真係玩得好開心呀，可能一大班人落水玩特別癲同ｈｉｇｈ啦，其實俾人ｄｕｍ落水都幾好玩既，唔駛自己行同游咁辛勞嘛～！妳都真係要快ｄ去下呀，大熱天時去下沙灘應節嘛，有機會我地搵日一齊去丫，真係好好玩架，好冇呀？
老豆～～～ 你又點會無得咁玩呢～？你唔去玩咋～？你唔搵我又邊有得玩呢～？可能你去左搵我ｄ媽媽們去ｈａｐｐｙ啦，哈哈
阿賢少～～～ 我同銘賢ｄ ｆｒｉｅｎｄ去嘛，咁點帶埋你去喎？何況你咁多節目，邊得閒ｓｈｏｗ我呀？全世界最靚既紫色呀，希望佢襯你啦！係呀，佢地從不話我．．．咩既，仲估我唔夠．．．咩添，不過淨係話我低ｂ咯～～
～～Ｅｘｃｉｔｉｎｇ Ｍｏｍｅｎｔｓ ｔｏ ｂｅ ｃｏｎｔｉｎｕｅｄ～～
>>July 21, 2003 at 3:31:45 PM GMT+8
2003 年 7 月 17 日 星期四 【晴】
今日去左沙灘玩呀～～～勁勁勁好玩呀～～～
其實真係好耐無去沙灘玩咯，今日同返以前ｄ朋友仔去石澳，回想上次同佢地都係去石澳，但已經係我兩年前既生日ｌｕ～～～諗返都仲係好新鮮呢！
其實今次除左去玩之外，仲係幫嘉嘉ｆａｒｅｗｅｌｌ，因為佢２２號就去美國讀書喇，於是我同阿陶就奉命去揀禮物，所以就要遲ｄ先去～～～～我地先去ＬＣＸ揀左好耐終於揀到個Ｐａｔｒｉｃ Ｃｏｘ袋 （個袋都幾抵架，家下做緊５０％ ｏｆｆ呀，連ｗｅｓｔｗｏｏｄ都係呀） 之後就搭船船去灣仔再朝石澳進發，雖然遲去俾人話，不過係咁先可以同陶陶坐低傾下計嗟！！
去到既時候，佢地已經個個濕晒身晌到打緊排球ｌｕ，跟住又玩下例牌既數字球同閃避球啦，玩到ｈｉｇｈ ｈｉｇｈ地既時候，就俾人發現我個身仲係好．．．．乾．．．．唔駛講，都知下場就係．．．．俾人ｄｕｍ落水啦～！唉，須知點爭鬥都無用架喇，唯有乖乖就範啦，不過ｄ水真係好好好冷呀～～又好好咸呀～～我想唔好咁濕啦，點知．．．唉，俾佢地見到又實係唔放過我，一個唔該就俾佢地抱起ｄｕｍ去深水位置，然後知我唔識游水，又抱我返去又再ｄｕｍ過，唉．．．我諗下次去之前要增肥先喇，唔駛俾人當玩具嘛！！！日落果時真係好靚呀，我地個方位係就係睇唔見個咸蛋黃，不過成個天都紅雲一片，連ｄ光都係紅色，真係好靚呀，我地咪即刻停晒所有活動，黎個影相會咯～～！
濕晒既我咪唯有去買條褲沖身換囉，竟然有人帶洗頭水添呀，我同凱西咪順便洗埋囉，不過個頭就沖極都唔淨，皆因就沖淨既時候就會有ｄ衰人埋黎倒ｄ洗頭水落黎！就係咁十幾條咸魚執埋ｄ野就去ＢＢＱ喇，呵呵，今次唔駛我點燒都有得食，我仲晌家聲度學識點將麵包同棉花糖齊齊燒添呀，原來咁樣食超好味架！
走果時仲激呀，哈哈，我地一路數人都係１５個啦，諗住包架ｖａｎ仔去地鐵啦，點知上晒架車先發現ａｒｍ ａｒｍ夠位，原來一路係１６個都唔知！ 同場加映：忘命飛巴 ，我地上車又唱歌又勁影相啦，個司機見我地咁ｈｉｇｈ，連車ｄ燈都識晒，黑嗎嗎咁飛車，我就碌黎碌去，根本無機會俾我坐好，好彩左右都有男人扶住嗟，唔係就慘咯！不過嘉嘉同ｃａｒｅｙ坐車頭就驚到死囉，我地晌後面就ｈｉｇｈ到死咁尖叫囉！我咁大個女都係第一次黑嗎嗎搭黑嗎嗎既車架咋，超ｈｉｇｈ呀～！
之後又嘈到地鐵去，佢地就繼續強行去阿峰屋企過夜繼續癲，我地就踏上歸途ｌｕ～～唔知點解次次同親佢地去玩，就實係唔夠時間既．．．嘻嘻
好期待下次再去沙灘玩呀 ^_^
Ｔｏ ｂＥ ｃｏＮｔＩｎｕＥｄ
>>July 19, 2003 at 9:25:38 AM GMT+8
2003 年 7 月 12 日 星期六 【晴】
呢兩日累死喇～～
話說琴日就同ｃａｒｍｅｎ去銅鑼灣行街街啦～～我都已經成個幾月無去果頭浦下咯，都係時候去睇下而家ｄ潮流人，不過．．．．行左成日，走訪好幾個場，都見唔到靚仔多少既出現，好失望囉～～！講返我地個行程，咪又係果ｄ好日唔行，一行就行到腳痛果種囉！先去呢個Ｓｅｉｂｕ度睇Ｗｅｓｔｗｏｏｄ養養眼先，之後我地又見到ｄ靚靚袋呀，不過為免買錯野，首站當然忍忍手先啦，最終去銅鑼灣地帶，金百利，ｓｏｇｏ玩一輪之後，又走去勁拎ｓａｍｐｌｅ既同時，ｃａｒｍｅｎ搞極都決定唔到打唔打耳窿之際，就折返首站～～～買袋袋呀～～～但我就揀好好好耐啦，我睇中兩個百幾蚊既，但點都揀唔到，兩個唔同用途，決定唔到，睇睇下又鍾意左另一個Ｐｌａｙｂｏｙ既，唉，左搞右照鏡，唉唉唉．．．結果，咪大出血囉！！雖然唔係我最貴既一個，但如果論大小恐怕就實係佢最貴咯～～！無計啦，千金難買心頭好，鬼叫我真係鍾意咩？（所以今日咪即刻用咯～～～呵呵呵）夜晚就去飲啦，途中收到個電話，仲要講左十幾二十分鐘先入正題添，笑到我媽媽都問我咩事呀，失禮死咯！！
今日仲好呀，去左食ｃｈｅｅｓｅｃａｋｅ呀，不過真係好好好飽，但又好好好好味呀～！！為左要ｂｒｅａｋ＆ｂｕｒｎ個ｃａｋｅ，就實係去行街街啦，呢站係旺角姐，但就買晒我呢期諗住買既野ｌｕ，有鞋喇，我最鍾意既果種香味既ｂｏｄｙ ｇｅｌ啦，仲做埋收甲大師～～～呵呵，表妹叫我幫佢油晒ｄ指甲喎，點知油完一輪先發現原來果支好似唔係ｔｅｓｔｅｒ黎既，嘩，好彩無人見到姐．．．唔係俾人鬧就瘀死咯．．．然後就同媽媽去睇下果個新既新之城睇下d鋪位啦，都ｏｋａｙ既，都幾貴租，所以我地今晚就召開特別會議黎商討喇，不過呢ｄ發大黎搞既野當然要慎重考慮，諗諗都可能俾人租晒ｌｕ～～～！！！
到呢一刻我一件衫都未買過，ｄ＄＄＄已經用得七七八八喇～～唔知點好咯～～
．．．．ｔｏ ｂｅ ｃｏｎｔｉｎｕｅｄ．．．．
>>July 19, 2003 at 9:17:45 AM GMT+8
2003 年 7 月 5 日 星期六 【晴】
今日做左樣想做好耐既野～！
唉．．．呢次考得咁差勁，真係死得啦～！話就話我今次真係無咩全力以赴，但都唔係差成咁掛，超唔開心囉．．．．
而超唔開心可以做既野，其中一樣當然係剪頭髮！！！唔知呢，我有時會覺得剪頭髮會係一種幾好既發洩方法，又唔痛，但係就好似剪左ｄ唔開心既野走一樣．．．．．剪剪剪．．．．剪完會覺得好ｆｒｅｓｈ，又重新面對過．．．．
ｔｏ ｂｅ ｃｏｎｔｉｎｕｅｄ～～
>>July 6, 2003 at 9:40:15 AM GMT+8
2003 年 6 月 30 日 星期一 【晴】
今天是非常特別的一天
今天是７．１遊行的大日子，媽媽大早前已叫我一起去了～！這種那麼有意義的活動當然少不了我的份兒啦，就這樣我們一家人就去了遊行．．．．
走到地鐵，我挺驚訝，超過六成人皆是”黑衣人”，我也是其中一份子呢～！到了金鐘轉車，嘩．．．．半個車站都滿是人，我們心知這樣等根本來不及，於是選了另一條路線．．．．先轉到上環再轉車，我們就成功避開在中環和金鐘的人，早點到了灣仔，甫出閘就聽到叫我們先就回頭路到維園的呼籲，因為人數是在維園統計的，所以我們要攀山涉水，又走後巷，好不容易才走過人龍看到維園，我已經累了，可是又因為實在太多人，整個銅鑼灣真的可以說是擠得水洩不通，熱到飛起呀～！！竟然花上近兩個鐘時間才行一個街口，還有那個黃毓民在搞氣氛，牽動情緒，我們當然決不放棄啦，唯有忍住，忍住，忍不住還要再忍．．．．最後把整條軒尼詩道都封了，我們才真正走得上那遊行線路呢～！結果要近四個鐘才回到我們起步的那個地鐵站呀．．．．．足足行了六個鐘呢，累得不能再累了，腳也好像不是我似的．．．．．恐怕瘦了好幾磅吧．．．．＞Ｏ＜
哈哈，一邊行一邊高呼口號，可以說是我的第一次，真係，因為對上一次我去遊行是為了八九年六四事件，恐怕我只有四歲而已，那種感覺恨特別，除了好玩，也好像盡了一個香港人應盡的責任～！！雖然無能的政府可能依然通過２３條，但我覺得結果已經不重要，重要的是有五十萬（雖然依今天的人龍來說起碼有過百萬人，有線新聞說的）的香港人不再沉默了，純純的大學生亦然，都走到街頭表態去，看到人人汗流浹背，甚至扶老攜幼也依然很有耐性，依然秩序井然，也許，香港人真是個可愛得很的民族，出事了，就會自然團結起來跑到街上宣洩不憤，能夠親身感受，真的很感動呀～！！！還有呢，今次出奇地有幾成人是青年人和大學生呢，真好～～～都是香港未來的主人翁嘛，試問怎能躲在家中不理時事的呀～？？
這次遊行之後，我能說我真的見過”大場面”吧～～！呵呵～～～
到老時也能告訴我的孫孫今天的壯觀情形呢．．．．
香港人，真值得驕傲～～！！！
不要ｔｏ ｂｅ ｃｏｎｔｉｎｕｅｄ了，我也不想香港人要再這樣上街，因為這正正代表一個無能的政府．．．．．
>>July 2, 2003 at 11:25:01 AM GMT+8
2003 年 6 月 26 日 星期四 【晴】
今日認真忘不了～～～！
這天原是天大的日子，因為今天正正是最後一日考試，考的是中化ｏｒａｌ，慢條斯理的我預備了近４０分鐘來回校，天曉得等了２０分鐘才有巴士，焦急的我最終也未有乘的士，結果？．．．那當然是遲到吧！甫到校，已看到旁人煞有介事的望晌我，我衝進課室，那冷漠的中史ｓｉｒ似乎毫不理會我，我茫然了一會才見阿賢指向我的坐位，我便立即坐下，翻閱那試題，個人短講的題目只有四個字～～～生日禮物～～～在氣喘下，阿ｓｉｒ便說只剩下１分鐘準備時間，我心震了一下，然後就以９秒９的速度想呀想，再在紙上寫上：意義，表達心意這六字，時間就夠了！我的，天要進試場，這刻我才知”一步一驚心”的意味呢！周遭的人關就再不停的說：唉，人家有１０分鐘，你就只有１分鐘．．．呵呵呵！不用多說，說得最大聲的要數阿權吧，唉，落井下石是其強項也．．．．不過我當時出乎意料之外冷靜，只知到自己沒時間想別的東西，只在想著”生日禮物”．．．．．
我拖慢腳步走到Ｍｉｓｓ董面前，她問我準備好沒有，我硬著頭皮說了個謊話：準備好！！我只好將那些”物輕情義重””小往大來”都搬出來了～～～就連我自己也不曉得自己在說些什麼．．．．想到什麼就說出來，完全”無添加”呢～！！唉．．．．Ｍｉｓｓ只望了我兩眼罷了，或者是我太差勁吧．．．．這次一定死定吧～～！
到了小組討論就好得多，有連成一線．．．贊成公立醫院急症室收費的我，阿賢跟阿Ｃｈｅｌ，還有反對的嘉琪跟臨時變節的ｗａｎｄａ呀～～～哈哈，這個討論真是過癮呢，我跟ｗａｎｄａ還不停地爭著說話，生怕過了那點就沒話說的．．．．．加上ｗａｎｄａ一句”呢位同學未免太過偏激喇”再加一個笑嘴，引得我們都無法正經地討論了，我又只好用我的長髮掩人耳目的暗笑咯～～～哈哈哈！雖然我們組的討論時間無里頭的被加多５分鐘，可能未嘗不是件好事呢，否則我們一定不夠說明那麼多吧～～～還好在可以幫我的個人短講拉拉分呢～！！
考過了後便跟阿賢到葵芳走走看看．．．（ｃａｒｍｅｎ何時才可不用上工來陪陪我呀？）可惜的是我本來已打算買下的ｌｅ ｃｏｑ ｓｐｏｒｔｉｆ衫衫，我記得是＄３ｘｘ嘛，誰知今天再看竟是＄６００呀，唉．．．只好放下這念頭了．．．唉．．．＞ˍ＜好彩那兒沒有我看中的顏色，否則我一定放不下呢．．．．
好了，現在看到書也想嘔的我每天都在想去那兒消磨時間．．．．又想這又想那．．．．對了，文心雕龍ｄａ呀，我們何時到Ｋ房放歌呀？？？我期待中．．．．
是時候會周公了～～～
～～ｔｏ ｂｅ ｃｏｎｔｉｎｕｅｄ～～
>>July 19, 2003 at 9:20:30 AM GMT+8
2003 年 6 月 24 日 星期二 【晴】
～～今日考完試喇～～
仲有中文ｏｒａｌ，不過似乎都無咩得溫，反正今次考成咁樣，唉，都不如豁出去吧喇～～！
今日考文學．．．．拎到份卷都心知不妙咯．．．．一看之下，唉，我無溫３課佢同我膽死出２課，真係唔好去死？？我又衰到真係睇都無睇過喎，邊有得吹水姐？？我咁有體育精神，咪維持一貫作風，吹到無晒水先囉．．．．結果我都係早走呀，因為我寫得ｇｅ已經寫晒ｌｕ，無答ｇｅ就真係唔識，無得怨喇～～～～成題無做，我睇合格就微ｄ喇，不過算啦，今次考試我好似都無咩點俾過心機，可能因為之前我已經溫緊掛，都考ｇｅ時候已經無晒ｄ ｐｏｗｅｒ咯～！以前邊有話未溫晒書就去訓架～？係都訓唔到啦．．．．但係依家就．．．．算數ｌｕ，唔考都考完，玩完先算咯～！！
哈哈，第一站係～～～～～～奧運站
點解～？事關我今日考完已經急不及待去睇～～～”千機變”
又第一時間去試Ｄｅｌｉｆｒａｎｃｅ ｇｅ香芒雞肉三文治呀，不過ｏｋａｙ咋，唔係特別好食，但都唔錯ｇｅ．．．．下次同ｃａｒｍｅｎ去試下先．！
之後就去睇”千機變”啦～～～邊個話市道唔好架？？咪又係人數爆燈，真係好多人都好得閒下！！雖然我唔係話鍾意Ｔｗｉｎｓ或者Ｅｄｉｓｏｎ（然而我唔反對佢係幾靚仔ｇｅ，嘻嘻），不過見難得好似好大製作，我咪去睇下，去八下囉～！哈哈，估唔到套戲唔只係買ｃａｓｔｓ，ｄ武打場面仲好好好睇添呀，ｄ衫衫又正，仲竟然有勁多笑位，笑死我喇～！！我諗近年已經好少呢ｄ重頭製作ｌｕ，因為．．．佢實在整爛好多野嘛～～～又估唔到原來果兩個”靚”妹都幾打得，又幾睇得下架喎，而且阿Ｇｉｌｌ仲超靚添呀～！！！劇情就無咩架喇，係賣打咯，又有好多鬼佬二打六，勁西片ｆｅｅｌ呀！哈哈，終於有得去睇ｌｕ！
其實套野都算幾好睇架．．．幾十蚊都抵睇ｇｅ．．．大家未去睇ｇｅ話，呢個都係個唔錯ｇｅ選擇黎架～！
之後咪又係返去看鋪囉，又睇ｍａｇａｚｉｎｅ，又同媽媽吹水～～～
返到屋企咩都無做對眼已經ｄｕｐ晒落黎，而先ａｒｍ ａｒｍ訓醒第一覺咋，呵呵，係時候喇，係時候第二覺啦
ＺＺＺＺｚｚｚｚＺＺＺＺｚｚｚｚＺＺＺＺ
＠＠～ｔｏ ｂｅ ｃｏｎｔｉｎｕｅｄ～＠＠
>>June 25, 2003 at 6:53:02 PM GMT+8
2003 年 6 月 9 日 星期一 【雨】
～～～ＬＡＤＩＥＳ ＡＮＤ ＧＥＮＴＬＥＭＥＮ～～～
我要晌呢度向大家正式宣佈．．．．．．．
我已經脫胎換骨．．．．．
我已經脫離左５６Ｋ ｇｅ年代喇．．．．
我係新一代寬頻人喇～～～！！！
嘻嘻哈哈．．．．嘩哈哈哈．．．．
真係笑不攏嘴呀～～！！ 〕
以後大家可以勁ｓｅｎｄ野俾我ｌｕ！
ｔｏ ｂｅ ｃｏｎｔｉｎｕｅｄ
>>June 11, 2003 at 5:31:48 PM GMT+8
2003 年 6 月 2 日 星期一 【晴】
今日最令人心力交悴～～～～～
今朝呀，好好好好好好好好好好男女男口牙～～～～～
我我我我我又遲到喇～～～～～～
我諗住仲有４個字嘛，咪上車囉，點知到下個站，見到ｃａｒｍｅｎ佢竟然唔上，去打的喎，我都心知不妙喇．．．．．唉．．．．無奈．．．．我頂呀．．．．．
仲有ＰＥ堂囉．．．．．今日又同老馮打羽毛球囉．．．．．佢成日話要打殘我，上一堂同佢打完我已經手腳筋都痛到阿媽都唔認得架啦，今堂佢一做完熱身就已經勁搵我，叫”梁逸之呢，佢去左邊呀？？我要同佢打羽毛球！！”～～！上次仲話有ｗａｎｄａ，今日佢又無返喎，咪唯有我同ｃａｒｍｅｎ阿凱共同對抗佢囉，最終我地三個都筋疲力竭，唉．．．．有如軍訓一般～～～成日晌到：”前面，後面，走快ｄ啦”咁，我走到隻屐咁呀都追唔到個波波呀慘～！！
之後又要去幫人補習，支力到死呀～～～ｃａｒｍｅｎ呀，我今日正眼望個傳說中ｇｅ靚仔阿ｓｉｒ幾次喇，佢呀？．．．簡直可以用也母黎形容囉．．．．．靚仔爆啦．．．．成鬼日無啦啦大聲叫，嚇壞我啦～～～
今日ｃａｎｄｙ考ｏｒａｌ喎，幾驚佢唔識去呀，補完習打俾佢睇佢考成點啦，佢就勁話唔掂，想死咁，咪即刻返屋企沖涼跟住同佢去食飯囉，半年黎ｇｅ第一餐飯就去左ｇｕｒ扒啦，最衰佢又要去幫佢阿哥手啦，要做到１１，１２點添，阿陶又話１０點幾先出到黎，搞到我都唔知點好，所以我最終決定返屋企先，叫佢今晚放工先黎搵我去”松記”囉，唔旨呀，唉陣間先算咯～！！！
哈哈，原來我同ｃａｎｄｙ係同一日晌同一個ｃｅｎｔｅｒ令新身分證呀～～～！哈，超開心呀，估唔到咁ａｒｍ呀～！！你呀，唔好咁擔心啦，唔考都考完咯，做好你個ｌｉｂａｒｉａｎ吧啦，諗多都無謂啦，到８月你仙諗都未遲啦，到時有我，有欣欣，又阿陶，駛咩驚呀？？＞１４咪去阿陶到，＜１４咪黎我度囉．．．．唔駛驚架，知冇？？？
好啦，我等下食糖水先啦．．．．．
不過又有ｄ眼訓添．．．．．
ｔｏ ｂｅ ｃｏｎｔｉｎｕｅｄ．．．．．
>>June 3, 2003 at 2:47:41 PM GMT+8
|
![]()
～ 我愛和平．一個平靜的家 ～
|
廣告 |
|
|
讀者留言 |
| 路人留言
|
 睇嚟你有d開心野喎
>>May 12, 2006 at 6:16:13 PM GMT+8
嘩...妳生日咁多禮物既??
<
>>May 7, 2006 at 8:56:25 PM GMT+8
生生生生生生生生生生
<br>日
>>April 29, 2006 at 12:15:44 PM GMT+8
生日快樂!!!
<br>那晚好像
>>April 28, 2006 at 4:56:52 PM GMT+8
我回來了,哈哈~~
>>April 20, 2006 at 12:19:16 AM GMT+8
好慘啊你，第一次去 Disney
>>April 1, 2006 at 3:40:59 AM GMT+8
yeah~我地可以一齊努力hum
>>March 11, 2006 at 3:11:12 PM GMT+8
就泥夏天啦~要操下先得
>>March 8, 2006 at 6:13:28 PM GMT+8
和牛擦身而過的感覺真是 WOND
>>March 8, 2006 at 10:00:25 AM GMT+8
甚麼免為其難！！？
<br>我是
>>March 5, 2006 at 4:25:13 PM GMT+8
唉，你就好啦，有情人節禮物！仲有
>>February 17, 2006 at 5:30:24 PM GMT+8
請問你買的ｕＺａｐ美帶子好用嗎，
>>February 16, 2006 at 4:08:52 AM GMT+8
我食左一日，番到屋企發現我多左個
>>February 3, 2006 at 5:26:58 PM GMT+8
天氣凍,個人都懶d。
<br>好
>>January 28, 2006 at 9:21:51 PM GMT+8
我都係咁話~~超火!!!
>>January 19, 2006 at 1:02:03 AM GMT+8
點解貓仔六年級仲簡小學？哈哈~
>>January 13, 2006 at 6:20:01 PM GMT+8
喂,估唔估倒我係邊個？
<br>
>>January 12, 2006 at 6:35:56 AM GMT+8
整甜品咁開心？我有無得食先？
>>January 11, 2006 at 6:07:27 PM GMT+8
相逢恨"快"呀!!才一個多小時就
>>January 7, 2006 at 2:35:03 PM GMT+8
你好懶呀!!!咁得閒又無野做都唔
>>January 5, 2006 at 4:56:28 PM GMT+8
新年快樂呀~!!祝你身體健康啦~
>>January 2, 2006 at 1:45:06 AM GMT+8
唔好呀~咁你咪要厭惡埋我?!幾時
>>December 30, 2005 at 11:55:23 PM GMT+8
你就好啦,考完試有得放假.我xm
>>December 19, 2005 at 11:57:25 PM GMT+8
阿之.冇見好耐了,唔知你d生活點
>>December 18, 2005 at 1:14:38 AM GMT+8
做咩唔開心呀之之~
>>December 15, 2005 at 9:16:44 PM GMT+8
O my GOD!
>>December 15, 2005 at 8:32:39 PM GMT+8
我都去澳門呀~~~
<br>到時
>>December 14, 2005 at 3:48:48 PM GMT+8
你都幾孝義架喎~~~~
>>December 13, 2005 at 5:57:32 PM GMT+8
Please take care
>>November 28, 2005 at 2:41:36 PM GMT+8
我細個都試過整親膝頭哥,真係痛到
>>November 28, 2005 at 5:54:53 AM GMT+8
無所謂啦~~~
<br>下次再約
>>November 27, 2005 at 5:51:48 AM GMT+8
都唔知點解屋企留唔到言比你,
<
>>November 26, 2005 at 11:59:29 AM GMT+8
嘩...個test ok 準wo
>>November 14, 2005 at 4:39:47 PM GMT+8
<br>童年時逢開窗
<br>
>>November 4, 2005 at 5:32:15 PM GMT+8
最近都唔知仲咩，多功課到我都就死
>>November 1, 2005 at 4:14:03 PM GMT+8
這樣的日記才像樣的,
<br>挺
>>October 21, 2005 at 1:39:27 PM GMT+8
遊玩時 開心一點 不必掛念我..
>>October 4, 2005 at 12:20:27 PM GMT+8
leung1G!!!!!!!!!
>>August 26, 2005 at 8:38:40 PM GMT+8
見你呢度咁靜...黎探下你啦..
>>August 13, 2005 at 4:32:01 PM GMT+8
點呀,決定食咩呀??又唔寫日記~
>>August 1, 2005 at 5:46:14 AM GMT+8
看開點吧...事情已發生了...
>>July 15, 2005 at 6:24:24 PM GMT+8
哈哈,終於比我等到喇~~~~th
>>July 6, 2005 at 4:57:02 PM GMT+8
幾早起身～～～～～～
<br>哈
>>June 26, 2005 at 2:33:59 AM GMT+8
我中意玩旋轉泡泡球多d~去悲晶玩
>>June 23, 2005 at 4:08:02 AM GMT+8
癮形日記~~~~
<br>哈哈~
>>June 20, 2005 at 7:43:58 PM GMT+8
每次我們暢所欲言地談心後，感覺總
>>June 16, 2005 at 7:06:29 PM GMT+8
有個司奶話：突然好想由佢曬黑，頂
>>June 16, 2005 at 3:37:04 AM GMT+8
我地係咪去lu xin之前唔會再
>>June 14, 2005 at 3:36:02 PM GMT+8
唔寫日記既?咁快去左悲晶?!?!
>>June 14, 2005 at 9:55:27 AM GMT+8
做咩咁感慨呢?其實踩單車咪踩單車
>>June 9, 2005 at 3:48:45 AM GMT+8
|
|
～～ＦＡＭＩＬＹ ＤＡＹ～～
今日做左樣想做好耐既野～！
～～今日考完試喇～～
～～～ＬＡＤＩＥＳ ＡＮＤ ＧＥＮＴＬＥＭＥＮ～～～
今日最令人心力交悴～～～～～