2004 年 2 月 7 日 星期六 【乍雨乍晴】

超級凍!!!隻手就黎硬晒唔識打字架喇!

兩日冇寫日記...大家係咪好掛住我,想知下我呢兩日發生o左d咩事呢?(鬼有人掛你啊,見到人氣升得咁慢就知啦..........)

記返d呢個星期未記的東西先!

這個星期返學,算係咁喇.都叫習慣到Space的上學方式,識到d朋友啦!(都係2月sem的人)已好開心了.

4號果日放學去了琴行拎2nd attempt grade 8的分紙.原來一早已寄來了,搞錯呀~冇人話我知...今次好過上一次.111分.好開心!不過都係有一首歌肥了....係B2呀.唉.點會咁架.
d細分係: A1:25, B2:19, C3:24, Scales:15,Sight reading:15,Aural:13.
冇諗到A1會25分呀.我覺得Rondeux彈得唔好....C3有24分簡直係嚇死人!上一次係19分ga ma...彈到差到死都有24....最唔抵係B2...點會肥架...上次最好的歌黎架....上次有24分啊........Aural做得咁好都唔俾高d分.........

4號:上Philosophy堂簡直悶到嘔咁....個lecturer話突登教得悶d等我地drop o左佢wor.成班咪係度講:compulsory架wor....冇得drop呀.................唉...........好痛苦.......訓著咁..............

呢幾天一有時間就想下Part 3應該點寫,(各位朋友,我沒有偷懶啊....)望著以前的片段....好陌生咁.我突然在想,他現在還好嗎?有少少想打俾佢,問一句:你還好嗎?但係諗落,如果佢係電話裏面講埋d令我動搖o既野...好危險架wor...咪喇都係......

好!講到6號,星期五.上Psy堂呆o左咁...因為個個未買書,個先生又開始講書...完全呆了.....盡量去聽....跟住講話睇下星座準唔準.就俾了一大堆形容詞出黎,叫我地睇下邊一堆最best decribe/least decribe我地個性格.唔準ge....個Lecturer將巨蟹座講成:Big Crab....人馬:man horse,雙魚"double fish.....唔好講埋d唔好笑o既笑話啦.

跟住下五上Sociology.好開心!終於係一個女老師教我喇!!!幾靚果種~WOW~~~同到d2月sem入黎的同學傾到計!好開心!!!跟住有個話:既然大家friday d 堂差唔多,不如以後friday都一齊食囉!太開心了!!!跟住有個同學遲了入來的+本來坐後面的都在break後搬過黎同我坐!!太開心了.

跟住放學,收到Mei的電話.唉.又係果d話"我會遲到"的電話.唉......what can I say?又話死都要洗頭,好啦.夠了.俾到你6:30過到黎黃埔.(本來約了5:40在Wanchai MTR的,但5點她還在家...)再附加了一句:每遲五分鐘就罰20蚊!!!夠膽再遲到?!

你估我最後收了幾多錢?!係$180!!!佢遲了45分鐘.或許我已預了佢會遲到,我叫我亞妹去接她去聖堂(我要彈聖心彌撒).唉....是否我的罰款唔夠多?下次要罰多d?各位朋友們,下次約我遲到的話,都係罰錢好了.講真,我真係咁市僧嗎?其實唔係囉.但次次都要我等成15分鐘(仲要係at least果種)咁算點wor.......唔叫你請食返已好好啦.......Mei,你仲爭我$280!!!

夜晚去看Miriam開年大典演唱會.UMUM...比我想中差囉.唉,徙了$380.......我覺得佢唔駛搞咁多咩對白...係唱就唱啦....仲有,個台設計得奇差.有一個升降台就好似地盆果d咁,有舊野fing黎fing 去咁.服裝都係好差.隻唔知幾多寸的高跟鞋totally not suitable for her.激死.影了好多相.氣分我覺得麻囉.冇咩人fing熒光棒ge.......唉............

跟住講7號.成兩點先起身.(因為之前果晚成3點先訓,再加上因為返學,勁唔夠訓)跟住食野.之後諗住寫part 3,點知亞媽用緊電腦.......跟住......................都唔知做咩好....(現代年青人是否都是這樣子?)

夜晚打邊爐!!!Queer Eyes for the straight guy實在大好看了!超like Carson~!太可愛了!下星期有Surviour 8!!太好了!!(不過下星期係情人節啊.......唉.......)

好凍~!!!

>>February 8, 2004 at 5:26:36 AM GMT+8

2004 年 2 月 4 日 星期三 【暴雨】

My God~搞咩的?今日又唔記得帶野........

今日返10點,所以跟老豆去吃早餐.因為太趕...唔記得帶$去book fair!!!!my god~不過好開心,多謝爸爸~(好在有佢~)仲有呀~平時不等人的爸爸,今天在大閘等我!!!好難得!

今日天地堂.....好慘.冇fd陪.第一堂英文都叫ok.同到人傾計.不過做fd就.......

跟住見個個返屋企又唔理我...我咪返屋企囉......

看了薔薇之戀!Ella做得實在太好了~

跟住返去見Felix~!原來Felix得呢一堂呢~!跟住佢話突登返黎見我啊~(咪鬼傻啦你~人地話係突登返黎見你"們"啊............)

聽日見唔到Felix啊~一片灰暗了................但係聽日去看Miriam演唱會!WOW~

>>February 5, 2004 at 3:48:18 PM GMT+8

2004 年 2 月 3 日 星期二 【暴雨】

凍!!!!

今日起身都好似訓得唔係好夠咁!

大鑊~今日又係出o左門口先發覺唔記得帶野.今日比前兩天嚴重得多!我唔記得帶銀包!MY GOD!!!要即刻返屋企拎!激死喇!搞咩架?日日都唔記得帶野.............搞到今日冇可能搭船,勁急步趕去隧道口搭104!!趕死了~!!!

好彩都準時返到SPACE~lucky~

Yeah~今日第一堂又係見到Felix~^v^~不過....佢今日著o左紅色格仔恤衫.....好似檯布咁><~不過都係好得~d數有少少唔明咁........

跟住上Philo.......想死咁.......勁眼訓............完全唔知講咩!仲有話要係唔考的.咁你講黎做咩啊........救命...........好彩5點就放...唔係2:30pm到5:20pm都幾想死....................

開始明白亞草所講的五十步一個怪物.轉堂時,唔駛3步都會見到幾個怪物-____________-~

仲未識到friend......><~點會咁架~好痛苦啊~~~~加油吧!(waht else can I say r....><)

聽日又有Felix堂了.tomolo天地堂啊...點算............................

>>February 4, 2004 at 3:49:34 PM GMT+8

2004 年 2 月 3 日 星期二 【暴雨】

MY GOD~今日唔記帶遮啊~~~~又好似尋日咁,落o左街先記起!!!今日記得帶MD了,卻唔記得帶遮!激死!!!

今日早o左出門口.個天係完全未光囉.....返夜校咁.......

終於趕到7:16班船喇!今日我同亞草都早o左5分鐘出門口呢~大家都係好早到~

一早返到SPACE,好眼訓啊~

YEAH~第一堂是Felix~YEAH YEAH YEAH YEAH YEAH~太喜歡佢了!唔知點解,從尋日第一眼見到佢,就已喜歡他了.很舒服的感覺~WOW~~~~~~~~~一見鍾情了.太好了!聽日第一堂上的又係Felix~哈哈~開心死了~

跟住第二堂上Eng.去錯班房囉我.....好彩走得快.唔係淤爆.教Eng的人叫Richard.成日Um um聲咁.棚牙依起晒咁-___________-.聽得出係英國英文囉,但係好重鄉音.

原來成班Eng就係2月個term入黎果d同埋重讀英文的.WOW~都幾多人要retake wor......成堂聽Richard叫住幾個名叫到我都覺得煩.班上竟然有個叫Jim,有個叫Jimmy...Richard成日都分唔到邊個係Jim,邊個係Jimmy......不斷叫呢兩個名.仲有!班上有個叫Terry,有個叫Carey,有個叫Kerry.3個名聽落是一樣的-_____________-~點會咁架.....結果,Richard又係不斷係度叫佢地答問題.....好煩呀你!

好野,之後落堂了.都唔知Felix講真定講假,MB(Math for business)佢淨係教我果班.唔係嘛?點算啊?星期四的天地堂咪即係........唔制啊.......

交了add drop的form.再apply locker.嘩!好驚啊!即刻有key的!!

以前成日好想好似d人咁,有好大抽鎖匙,一拎起d聲好好聽咁.而家唔係好恨..........好重呀!!!!!

落雨啊~唔記得帶遮啊~Yee.......

在吉之島買野時收到Dicky的電話!太Surprise了!!!見到佢病到咁都驚.....Pray for him~好開心啊.

晏晝of cos!訓!!!訓到死死的!好嚴重.可想而知幾sleepy........跟住俾亞關個電話嘈醒了.我還以為係鬧鐘....係度諗....咦?點解撳極都響o既?-__________________-~爭d cut o左佢線!Lucky~

晚上都係準備下locker d野.聽日返去佈置下~!

聽日有連堂Philosophy啊.....會唔會好悶架?

FELIX~聽日又可以見到你了~Yeah~

>>February 3, 2004 at 4:27:05 PM GMT+8

2004 年 2 月 1 日 星期日 【乍暖還寒】

今日開學日啊!算係咁啦!

今朝訓訓下,轉下身咁,突然鬧鐘響....搞錯呀...仲想訓多陣.........

隔硬起身了.尋晚2點先訓到...........

跟住7點鐘出門口,趕搭7:16班船.好遠啊條路.

唔記帶MD機.....My god...............

走了船!!!MY GOD......我去到未開架.......行到去個閘閂o左.......有冇搞錯呀.....未到16分呀........

結果我打俾亞草話我要遲d.........好無奈.下班船係20分鐘後.就在寫下part 3.

約了亞草吃早餐!亞草食得好快啊~

第一堂是Maths for Business.教的人是Felix啊.佢令我諗起Sammi的經理人郭啟華啊.好得咁.佢一行入黎我已喜歡上他了.好得!不過.......d數好似F4,5讀過............................有點悶...加上有點sleepy....


唔記得帶file裝notes添!!

跟住去了common room....激死.13:00先再有堂.......又寫了點part 3...........

跟住去吃飯.add drop實在太煩了!!

Psy果個人又幾好玩wor~英明神武,英俊瀟洒?唔係嘛...40歲人就咪鬼搞埋d咁o既野啦.....

見到有個亞嬸咁o既"同學",成隻鞋都爛晒咁....見到晒隻襪-_________________-

又見到d男仔....著衫太過outdated都算啦........仲要露襪....................白襪果隻tim wor...嘔.....

跟住去了所謂的orientation.介紹完自己再講下d廢野,3點多就話走得.早響丫.....我要返工架....唉.

跟住再搞了d add drop d 野...點解我d堂調黎調去都調唔到架....

跟住返屋企...碼頭距離屋企實在太遠喇.....

再返工.好支力啊.......................................

要早訓返了.

聽日第一堂又可以見到Felix了!YEAH~!

>>February 2, 2004 at 3:41:02 PM GMT+8

2004 年 1 月 31 日 星期六 【微雨】

今日咩都冇點做......

尋晚訓得好差.一早8:45收到熊生打電話黎話佢個女唔舒服,叫我替佢彈主日學彌撒.唔通話,你去搵第二個啦咁咩........就喇喇淋起身......

亞媽果然講得冇錯,新禮堂超凍....仲有,好耐冇掂過真的鋼琴了......

果d工作人員打開o左個鋼琴蓋,完全睇唔到神父...勁犀利囉,total係靠自己feel黎跟囉......

頌恩110,隔硬彈的.......

跟住再去了彌撒.好支力啊回到家.再訓.跟住去食野.

成個晏晝就係度整電腦.唉.好煩啊,中了毒.好彩有Micky哥,搞點晒!而家icq仲可以send到file添!真係多謝你啊Micky~

聽日返學了!!

無線d劇越黎越差.............

聽日返學會點呢???

>>February 1, 2004 at 3:09:51 PM GMT+8

2004 年 1 月 30 日 星期五 【炎熱】

寫這篇日記時,已二月了.

今日下午寫了點Part3...都唔知點寫.......個腦咩都諗唔到.........

之後去飲.著到好大個咁....d衫ja wor,個樣依舊係12歲咁............."

去到開檯打牌,第一次打啊,上網就打得多~好緊張......好彩都唔差.......贏$10度啦~唔差啊~

之後埋位,坐到最後果張檯,完全聽唔到人地講咩囉.........淨係見到佢地嘴囉...(冷吻?!)跟住食野...乳豬變片皮豬,冇咩好食.翅都唔算係翅咁.....

跟住又玩埋d所謂變態野.....都唔變態的,我只可以彈兩果字出來:無聊!好悶囉!以為會除下衫咁....(at least wor~)唉....冇d創意...............

跟住都係不斷食野.舅婆件衫好靚.

跟住鬆人.記得最後係要同人地握手講拜拜,點知Mei同果d攝影師講bye law...."你冇野啊Mei?

好悶!

我好討厭自己講太多說話.很討厭.因為當我是這樣做時,我是不想告訴別人,我很悶.結果,同檯果個唔識的人又話我:喂,你好多野講wor.

人地話我個樣頂"龍"15歲.講咩都好啦.呢d野我由三四年班開始聽起,好悶.由頭到尾d人都係話我唔似咁大.

講真,你估我想架.亞媽生成的啊.好煩啊.我都唔明點解亞媽講咁多次都唔悶.

Really tired.好炆.好想鬧人.最憎就係聽埋呢d大人野.成日都拋我出黎講.好煩呀!!!!!!!!

>>January 31, 2004 at 4:59:41 PM GMT+8

2004 年 1 月 29 日 星期四 【炎熱】

1月好快就完了!

今日下午食粥,好難得啊,亞妹請!!果然經過了新年,係闊佬o左wor~妹,KEEP IT ON!!!你家姐好窮啊~

跟住下午就改了點點Part 2,改返自己個名.寫了故事的序.跟住就出去了.

今日同了"Cammy",大小Flor,Winnie吃飯.海防道Speghetti House,我永遠也會記得在哪的了.

小Flor帶埋傳說中的地鐵哥哥,唔係,係地鐵男友Chris黎.WOW~佢隻眼好大啊~!明明小Flor之前話唔開心ga ma,搞到今日成班fd唔敢去唱K,驚觸景傷情.唉,點知見到小Flor個樣....你地耍花槍ja ma?咪搞埋我地都擔心埋你啦.......原來只是小事...唉.

Winnie還是個非常有原則的人.7點多就閃.剩下5人.

Chris(佢叫我地唔好咁見外架-_____________-)就全場做Photographer,表現,UMUM~算ok 啦.戲功都唔差.

其實因為晏晝食得好飽,都唔係好想食野...但係d人又不斷俾野我食...................

食蛋糕時見到主角兩人熱吻(係bor...有冷吻的嗎?),就令我想起國同Jo結婚時兩個嘴的情形,亦勾起我很多回憶....................

Chris都算係咁,咁大條數都係佢找.不過......冇所謂啦,人地有事業基礎啊,擺明屈得就屈架喇!!!第時你地兩個真係拉埋天窗最多人情咪大份d!!!

跟住散了.兩口子去尋浪漫去.其餘3個無聊地兜.......講著無聊的野...........

之後大Flor又話要走.剩下我與"Cammy".在老麥齋坐講了15分鐘,得出結論係:我都係唔適合同金牛座的人拍拖.我真係不多認同他們的愛情觀..............

回家了,真有點down............................

感受良多,而這些感覺,無法講出來.感到好感慨囉............................dunno how to say................

這次我真的沒有jeolous,為何會這樣....................我真的沒有jeolous啊..........................

其實我成日話想見下有冇靚仔,只係想話會唔會見到d合眼緣的對像je..........擴闊社交圈子啊~

仍down中.啊!多麼大起大落的我!

亞妹今日唔記得熄火啊...搞到到而家屋企都係成"jum"火農味!!!XXXXXX!!!!!!

聽日去飲!!唔知有冇靚仔呢???kakakakakakaka~~~~~

>>January 30, 2004 at 5:23:56 PM GMT+8

2004 年 1 月 28 日 星期三 【炎熱】

暖返好多啦.

今日返工都冇咩做.

記得今日亞Joel問我下個月14號得唔得閒,我話:暫時冇人約!佢先驚覺果日係咩日子...唉.nvm la......
開工day呀果日.唉.

成晚係到打part2.好支力啊.part 3就要諗下點喇.可能有派先出......................

係囉.大家去睇part2 la!支力了,要訓了~

>>January 29, 2004 at 6:18:53 PM GMT+8

2004 年 1 月 27 日 星期二 【颳風】

今日成點先起身,跟住食Mc Donald....(又係....)

跟住成個下午在睇返以前的日記.好多野唔記得晒...老了......

好多我跟他的東西都忘了般,esp在認識了他的第一年中.我找了好多資料啊...(平日又唔見咁勤力...)

就開學喇,都唔知到時仲有冇時間寫tim....擔心啊.......................

今日自己再看一下那個Part1,改了少少.有好多野好似好口語咁................

再宣傳下:http://www.hkflash.com/diary/diary.asp?id=bigsesame今天寫了一篇新的散文~kaka~

打了好多字啊呢幾日~

努力~!

>>January 28, 2004 at 3:51:28 PM GMT+8