2004 年 2 月 25 日 星期三 【炎熱】

陳同學...我就黎俾你激死喇!

今日上Richard堂,又叫我喇!死啦...佢開始認得我tim.....

好辛苦咁過o左Eng堂,越黎越發覺我同果班咁o既女仔唔係好夾...今日名牌女王Joyce帶的袋是...LV!!!!!唉........要曬命到幾時啊?!

問了芷茵同關拎了ref. letter,就諗住搭地鐵去沙田,諗住去感受下關同芷茵日日返學有幾辛苦.行著果條"嘟"橋,諗諗下,不如行去睇cd,Sammi隻新牒好似今日出wor.行了去...未開...-______-(梗係啦,12點過d ja...)白行一趟!算.跟住發覺成12點多了,驚搭地鐵唔係好夠時間去沙田,就坐了182去.15元多..超貴..........不過條路真係咁遠丫嘛......

完全感到香港同九龍的分別,更感到九龍同新界的分別!!第一次係明X樓側邊睇到"乙明村"三個字.感受良多.由於去到都係大約12點半度,所以我落遲一個站,去到沙角先落,慢慢的行返去.

點知落了車後,先知真係要行得好慢先得......見到沙角果間眼鏡舖沒了,好多野好似轉變了.行到去,都係12:40,仲有成10分鐘.Ms Lai 約我45分在學校門口等,點知原來佢都係要打o左鐘先出得黎...結果企o左成10分鐘.......-_________-~無奈...........

Ms Lai好似靚o左wor.我不斷同佢講,梗係因為我地走o左啦~我覺得Ms Lai紮辮係好靚的.講真,人越大,好似越少人紮辮,就算係,好多時紮到成個村姑咁.

去了久違的劉萬利,吃了久違的牛扒+薯條.(俾果個寫野o既人激死,話冇薯菜.我咪話你加條菜俾我囉...佢就話,如果我得就好啦!冇野講...........)扒還是一般,但感覺搭夠.我最喜歡還是劉萬利的茄汁.永遠是凍的!最好味!!!!!!!!!!!!!!!!!!!!!!!!!!

其實一個鐘真係唔係好夠.講o左都唔係好多野.又或者因為Ms Lai要改果d ref letter啦....

不過好認同Ms Lai講,或去自己就是有點驕傲,就是恃著自己有點小聰明吧,所以考試總是失敗.一被人說中弱點,總是不知怎樣說下去....

好快又夠鐘.講真,都未講到戲肉就話散,有點down...跟住行去新城市.行過城門河,好似臭了咁多ge....記得F7果陣冇咁臭的.......行行下見到一個好熟的面孔!是Nynphen!!!完全好緣份Feel!!Chit chat了一會又預祝了佢廿歲生日.(亞關,你都係呀~啊~又提你了~)原來佢又係搵Ms Lai!!!早講丫嘛.......

跟住分別了之後,到了新城市.見時間還早,諗住去Starbucks坐下架,唔飲coffee囉最多.點知去到,陽光男孩不在!!!>
跟住去了HMV,看看Sammi隻碟有未.點解都係冇ge?不過就見到有幾隻牒係想買的.

跟住搭火車出紅磡.對面果對情侶好煩呀....見到果個女的d手甲勁長......

返到灣仔.去了集成買cd.買了兩隻cd:Edison同獨立女王.Sammi隻cd聽日先有!><~本來仲想買埋拜金小姐同S.H.E添.....但係......$$$$$$........雖則係果度買已already好鬼平了.......

返到Space,俾返d野人,就在common room諗下QA project點做.跟住勁人Joe同Man入了黎chit chat下.勁人Joe好似唔係好開心呢.原來佢做顧問公司o既.睇佢都好似做到死咁.唉.見到佢都覺得佢好辛苦.跟住去上堂,聽到好多勁人Joe的野...就係我好用心聽佢講野時,果個陳同學就行到好埋咁HIHI我....喂ya....妖....跟住又問我去邊wor.我話返了沙田囉.做咩呀?探先生呀.佢又會見你o既?我約o左佢丫嘛.男架?女架!!完全破壞我聽野o既MOOD~真係好鬼想打佢.仲要果個笑笑口個樣呀!!!!!!

勁人Joe之後問我幾歲,我話o左啦.跟住佢話佢都唔係大我好多je.佢好似真係好唔開心咁.我感到佢好感慨.再感到佢呼出的每一啖煙都好感慨.佢話見到果d大生意都唔想做了.我話了,喂,你老喇...你已看盡人間煙火...跟住佢話,睬~你就老!!Felix係呢個時候又聽到我講野,話:hey~我都唔係老你好多啊!(Felix....你咪學埋d人搭嗲好唔好?!)跟住我咪同Felix講,問佢係咪好似譚校長咁囉.佢話唔係啊,佢27歲........-___________________-.........嘔.........................

今日早了5分鐘放.

幫亞妹買完野,上了一陣網,search sociology d野...毫無頭緒.........

曼聯果然輸了.哈.今年曼聯唔洗玩落去了.兵工廠贏晒啊~~~~~~~~~~Henry加油~~~~~~~~~~~!!!

>>February 26, 2004 at 4:22:44 PM GMT+8

2004 年 2 月 24 日 星期二 【炎熱】

就黎俾果個2月sem陳同學激死啦!!!

今日QA,好平淡.我諗到我個QA assignment點做喇!諗緊d問題中.搞掂個Questionaair就send俾大家做啦!大家一定要做呀!

還是超愛Felix!!今期Milk就有Felix.....the cat o既文章!!!仲有Felix the cat的tee!等我去買先~跟住再在上Felix堂時穿!kakakaka~入data 呢d好簡單啊.都係MB難好多.聽日又上了.

跟住上Philo,就係我俾人激死的時候了!我真係唔知點答果個人問d問題!由於勁人Joe係食煙的,佢係佢行開之後就講話:喂,點解d人食完煙,個身就有好大"浸"味o既?小學都知啦.....吸煙的害處啊~唉.跟住黃Sir在做例子,陳同學又問:奇洛理圍斯係邊個呀?講真,佢係咩樣我唔係好知,但係我知佢係artist law...冇野好講丫...你叫我點答jek.....睇黎應該整個"陳語錄".................

勁人Joe果然係勁人Joe,真係識好多人.佢話有陳小春concert飛呀,仲話佢唔得閒去睇tim..但講咩呀...鬼叫上次去Miriam用了咁多錢咩...又未出糧...而且又叫了補習果度集埋3月先出.......不過記得我同佢講話我好想去睇達明一派個concert,佢話,要飛問我拎丫!好開心!佢話,當然你要俾錢啦!我話冇所謂!佢仲問我駛唔駛要簽名tim(of cos係artist的簽名,唔係勁人Joe的簽名-______-),我話唔駛喇,我睇佢地d音樂的(應該係聽音樂呀..講錯o左.....)簽名for me冇用丫~記得果陣拎個亞簡個簽名...冇咩feel囉.....i like合照more~如果同到陳小春合照就好lu~~~~勁人Joe果然係勁人!!!

Philo堂break完後已冇咩心機,話晒已4點15分了.每堂差唔多係5點前放,大家都冇咩mood啦.結果不斷send SMS俾芷茵.落堂後去了搵佢.好少咁同佢單對單的傾計.feel good.

跟住等了很久很久...我都唔知點解想同芷茵一起走...明明唔同路...........跟住再等埋亞關.好鬼耐呀!!!在等時,芷茵拎住我本Milk,發現佢,Cyrus,草同埋佢地d fd上了鏡!!!不過勁細粒........."

跟住終於見到亞關出黎喇(關:我又寫你喇~好開心吧?!^^)就係因為想多同呢班fd一起,我就選擇了一條最遠又頗貴的路--搭地鐵返屋企.係灣仔天橋仲爭d踩"嘟".....唔怪得勁臭啦....................嘔.....

在MTR講了好多關於以前學校的事.講真,呢個topic我真係講好耐都講唔完.因為我越黎越發覺我果5年係過得最唔開心ge.不過同呢d唔多了解事情的人講又好好feel wor~

跟住返到屋企,online了一回,去了聖堂.今日是四旬期開始,聖灰禮儀.受齋呢today.聽到神父話我地要做克己,佢話for example,平日講好多野的就講少d野...我就諗...死啦...點算....我咪要講少好多野law?不過我已決定唔飲starbucks 40日!都算係克己啊?

Friday剪唔到髮tim...有點失望..........................好想看20 30 40!!!

聽日返沙田同Ms Lai食Lunch!激死我!勁人Joe佢地班人去唱K!!陳同學都去呀!唔制呀~未聽過勁人Joe唱.....妖........又會揀聽日都有架.........................

又上Richard!!!唔制呀~~~~~~~~不過有Felix搭夠^v^~(main point is that ~kaka~)

>>February 25, 2004 at 3:59:26 PM GMT+8

2004 年 2 月 23 日 星期一 【微冷】

暖返少少喇今day!

又係8點半.不過今日好好多wor,冇咁眼訓,精精神神的上學去!

又是Felix.今日一開始又係未講書住,又講下校園暴力,對住我講話我可能聽過呀!是對著我說kaka~

今日教入data落calculator...F5已學過了-______-~

跟住派了assignment 1...死啦...點做呀.....喂~做過QA assignment的人啊~教下我!!毫無頭緒囉....跟住話睇下幾時交,係行埋黎睇我本schedule啊!!!!!!!!!!!!!!!!!!!!!!!(不過佢看了我schedule裏寫交相~>睇o左做交租-____________-~)Oh Felix.............!教埋我點做得唔得啊?(最好做埋俾我tim...不過做了俾我又交返俾佢?!呀~~~~~~唔理了!)3個禮拜後交!做咩好呢?!唔識呀~~~

跟住上Richard!又係喇.........Richard仍然係度話我地成日講廣東話.超.你都傻ge,廣東話我地母語黎ga ma,唔講講咩jek.都唔知點同你講呀!不過今日Richard叫我答問題!!!!!!!!!係叫我個名呀!!!!!!!!!!!!WOW~!終於叫我!!!!!不過都預o左佢叫我.事關果條問題佢係做緊that exercise已問我,佢見我答self-esteem點解呢條問題答得咁好,就叫了我答.唉..self-esteem我點會唔識丫.....果陣就係因為入唔到U,俾人話我個self-esteem好低...勁俾人踩.........唉................

跟住上Philo Tutorial,如後來關所說,果個Sir真係好鬼似梁Sir!!!(不過佢冇介紹自己,所以唔知佢叫咩名....)之後圍了個大圈,亞Sir話佢冇位坐,結果佢張佢張凳搬到個圈中間...搞到好似d artist開演唱會咁開4面台-__________-...有15分鐘度佢係不斷係度轉張凳........."無奈........."因為黃清華未教show隔肋底(蘇格拉底)的學說,結果成堂之後都係教返d points...好煩.我係度諗,如果個個都好似蘇人咁諗野,個腦一定爆硬.......

跟住同班2月sem同學去Pacific Coffee度傾Sociology.都唔知點解又去果度.去Starbucks唔得咩,d野食好多了.(不過細好多........)今日見到名牌王Joyce戴背囊啦,以為都係普通最多500蚊的bag,點知佢放低時一看--是PRADA!!!!PRADA!!!!唔駛呀????????

跟住不斷discuss.其他人已在我上tutorial時食o左野,所以我唔理啦,叫了Cappacino同blueberry cheese cake.一樣的東西,但係就唔同feel啦.Cappacino還可以喇,但係..cheese cake...細件得滯,仲有點解會有舊白朱古力架?!d cheese係好有cheese味(starbucks就冇咁勁)但係我都係鍾意starbucks果d有一粒粒blueberry o既cheese cake好d,better than using blueberry jam(嘩,突然咁英泯呀..)

真係俾果個陳厚倫激死啦,問埋咁多唔知點答的問題.今日就問o左幾條,quote出黎俾大家看:

1.話說我買完cake,佢問我幾錢,我話$45啦.佢就問:點解會咁貴ge?喂?我鬼知呀.平就去茶餐廳啦...真係唔知點答佢.....

2名牌王Joyce飲野飲淨1/4樽,佢就問,點解飲唔晒ge?你問我都冇用架..........

3.問完關拎calculator,正諗住返屋企,又見到佢.佢問我,溫書呀?aiya,睇到我執晒野咁就知我閃緊啦......nth say law........

Sociology個topic係:Is social inequality inevitable?Discuss.其實都幾多野講.又要搵料...Friday再傾過!好煩.都唔知點present....too much points...........每人5分鐘都唔知夠唔夠講........

死啦...個個都話要溫書ge....得我咁懶.....BIG CONTRAST.................><~

跟住返屋企前去了映貼紙想.鬼咩,咩都話要相,邊都搵咁多相俾佢地?所以咪去映一張算.由於先前在巴士睡著了,個樣有d"牛牛"地........."但係我總覺得我而家個面咁包加埋個新眼鏡係有d似林嘉欣的...當然佢靚d啦.......張野映到成個傻婆咁.......鬼咩...又要Friday前交wor,唔係我就剪完頭髮先映啦!

跟住返屋企,打了陣牌,訓..............................................

我要努力啊!個個都努力我又唔努力................................

聽日又有Felix,又有Philosophy!!!好開心!星期三仲要係實早放day!Yeah~

>>February 24, 2004 at 3:48:00 PM GMT+8

2004 年 2 月 22 日 星期日 【寒冷】

超大風呀今日~!!!

自從日日搭船返學,先知道原來海上要颳起白頭浪是要很大的風才行!今日就係了!勁大風!搞到透唔到氣tim呀~可想而知幾大風!

今日本來諗住早d起身洗頭,結果...反而老豆起了身,以為我唔知醒...我同佢講:我好眼訓呀...放學先洗喇....

好眼訓呀~一到星期一就係咁了><~

一上Felix堂,仲係釣緊魚咁...Felix一見到我咁鬼眼訓個樣,就同我講:好眼訓呀?唔好咁啦!精神d!!!好Sweet呢~^v^~呢句野一路在我腦海泛起......Felix,你對我太好了~我好愛你啊~~~~~~~~~~唔知係咪今日凍o左呢,今日Felix著果件衫搞到突....點.......想起d 2月sem同學話上星期五也出現了這情況....(喂...你幾時變得咁咸濕架......)但係Felix仍然是很好啊~

跟住上Psy堂.仍然很睏...標晒眼水咁.但係今日又要上堂教書的,上次講d sensation &perception都未教完...唉.但係Frank Sir教得好好,好好笑!所以時間都好快過去了.

跟住梗係返屋企啦,點知亞媽話冇lunch開,就叫了亞妹去吉之島一起吃lunch(12點就吃了).見到鬼怪(DJ~>鄭啟泰)啊~超高呀佢~

食了個超勁大拉麵...不過好難食.同亞妹講了,一定要記住呢個拉麵,以後唔盡再叫黎食!

跟住返屋企執野返工.

又係超眼訓.今日要執d經書.因為星期三就係Ash Wednesday,即係四旬期的開始,要守齋呀...所以就要換經書喇.執到short o左咁.不過可以上祭台玩都好正!

2月sem同學Sean Man話聽日要睇晒Sociology d suggested reading呀...所以係Jo同國走了之後,就拎出黎看.但係...盡睇都係睇得少半...好辛苦啊...成渣英文之餘又要勁細粒囉d字...唔想睇....跟住就掉埋一邊,拎了姊妹同Amy magazine出黎睇.唔理lu~俾人話就話啦!!!(俾Joel疼慣晒...Joel...我好掛住你啊~你係度就好了~做project時我就唔駛咁喇..........)

都唔明點解本姊妹勁甩頁....不過今次素黑寫得好好,超正!內容值得一看!

努力研究邊隻cream好用...寫低了幾隻牌子的cream了,但係都幾貴.塊面而家先叫好返d...搞到而家都要好小心揀護膚品><~好慘呀~我d皮膚T字位係油性,兩邊面就好乾!!好難買><~

放工了~!!!趕返屋企洗頭!跟住出了街吃飯.今日媽媽不在家...掛念呢...冇見過佢咁滯呀今日><~

食完飯,媽媽回來了!好開心!即刻攬返下媽媽.很是溫暖!

哈~原來大家都係鍾意西裝友啊~寫了果篇散文,得到咁多人回應--仲要係平日唔留言的都來留言!看來我們應該搞個團,係辦工時間去中環"及"西裝友啊~諗起都覺得正~kaka~

聽日都幾忙~又要上Philo tutorial,又要傾project!!!係bor,Sociology project present day就係o係芷茵生日果日啊!!!

不過幾忙都好,聽日第一堂都係Felix堂.聽日扮眼訓先...唔知佢會唔會再tum下我呢?hahahahahaha~

>>February 23, 2004 at 4:02:33 PM GMT+8

2004 年 2 月 21 日 星期六 【炎熱】

終於log in到啦~log in o左十幾次都唔得........

今日好鬼忙!支力死喇~~~

一早七點起身,去聖堂彈8點彌撒

9點見唔駛幫手,返屋企,on了line一會,都係好眼訓,訓返.

點靚鐘起身,執野,之後食飯.亞妹今日派成績表.全班尾幾,但係就全級就ok啦.二百幾人排百四度~好過我果陣啦!

食完飯就趕去返工!見到果個女仔幾瘦呀~就諗起我果陣6年班時已開始暴肥-_________-~

見到佢做d數自己都好鬼頭痛...咩定價,成本,原價,售價.......完全搞亂晒!個point係我搞亂唔係問題,但係連果個女仔都搞亂晒,因為咁搞到人地肥佬就大鑊啦........

果家人鬼咁客氣~係要我食tart.(凍了-_-~)又要送我去搭車,好唔慣~不過都好開心ge~見到佢地一家人都好幸福咁~WOW~

跟住返屋企.又online一會,就換衫去食飯.好耐冇返過沙田了.今日係我2004年第一次見Annie,菁,都唔認得咁滯~

行了一會就返去meet其他人.Cyrus出奇地準時(絕對要underline出奇地準時law...)跟住亞樑無端端係我後面彈出黎...勁驚....

今日食飯7個人:我,Cyrus,草,Annie,芷茵,菁同亞樑.食飯時間度度都好鬼多人.後尾去了果間..umum又唔記得叫咩的地方吃.銀絲卷點解咁細條架?我食開果d大一倍的-_______-~食物只可算是acceptable...仲要每人70蚊tim...

食飯中不斷同菁and Cyrus講野--因為今日有7個人啊,講野就好煩了.唉.

好快就食完,都係九點多.跟住大家又冇咩地方去,就閃了.就係咁,返了屋企.

都冇咩feel.大家咁就話廿歲.真係唔係好似!!!!!

聽日又返8點半了><~

>>February 22, 2004 at 4:07:15 PM GMT+8

2004 年 2 月 20 日 星期五 【炎熱】

今日開心返了.果然我是個情緒化的人!

今日成點先起身,跟住同爸吃lunch,就出發去見工.今日超暖,著晒夏天衫lu~

陳太幾nice,果然同我想像中唔差好遠,是個好媽媽啊~同佢傾了成半個鐘,好得!看來我同d長輩好夾的,有佢地聽下我d好廢的偉論!WOW~(好廢的偉論:就係d講得好好聽的東西,細嚼之後就會發覺我冇講過野)^v^~看來佢對我的印象不錯.聽日上工!努力啊!

今日再寫了篇散文--西裝.

星期六日半來是休息日,而家都唔得了.Sociology又話要做present,Man話星期二要睇晒d sugested reading......記得有個同學問我:喂,你平日用幾多時間溫書架?我話:我唔溫書架wor......死啦!點算...要溫架咩.....唔係好想wor.....o岩o岩開學冇耐ja wor........

聽日又要早起!!Michelle~我買了你要的東西了~未包好~等住收野喇~我遲d會寄返張帳單俾你(this is the most important^v^)

聽日同舊同學吃飯!happy~

>>February 21, 2004 at 3:57:41 PM GMT+8

2004 年 2 月 20 日 星期五 【炎熱】

睇返d舊mail,見到Joel好耐之前send俾我的mail...幾廿條問題,自問自答...又好想玩下.....

現在幾點：睇鐘先知wor

你的全名: 關你咩事啊

你現在正在聽誰的歌:冇bor

你在哪裡讀書(工作): HKU SPACE

你最後吃的一樣東西是什麼：唔記得

現在天氣如何: 暖

戴隱形眼鏡嗎：就配

上一次生日蛋糕上蠟燭的數目：呢d野...唔緊ge....

你通常吹熄這些蠟燭的日期：唔知wor,吹極都唔熄囉d蠟燭...

你們家養過什麼：金魚,蝸牛,菜蟲

星座：大蟹座

兄弟姊妹跟他們的年紀：13...妹

眼珠顏色: 唔知wor,我睇唔到我自己隻眼珠的

有幾耳洞：有幾?有幾個呀?2個囉.耳仔梗係有窿架啦,唔係聽唔到野囉.

你有刺青嗎：我有刺紅

你喜歡你目前的生活嗎：唔喜歡

喝過酒嗎：有,so what?!

暗戀過幾個人：好多.Kai Bo,聲仔,靚輔祭,3個同班同學........幾個net friend.......十靚個掛.

會因為害羞而不敢跟人告白嗎：唔會wor.

不敢吃的東西：好多

最喜歡吃什麼東西：仲多

最喜歡喝什麼：Starbucks coffee,凍檸茶

最喜歡的顏色:唔知wor.藍綠啦

最喜歡的數字：7,17

最喜歡的電影 :夏日麼麼茶

喜歡看哪一種電影類型：Sammi做的港產愛情片

最喜歡的卡通人物或品牌：名牌.

最懷念的日子：冇.bygones are bygones

最傷心的經驗：入唔到U再俾人奚落

最喜歡星期幾：Friday/Sunday

最喜歡春夏秋冬哪一季節：夏

喜歡的花：鬱金香

喜歡的運動：最憎做運動的

比過哪些比賽有得獎：我未得過獎.

喜歡的冰淇淋種類：唔like食雪糕的

最怕什麼東西：悶

如果有來世：唔知wor.未到來世

討厭做的事：家務

討厭別人做什麼：諗野慢,行路快

擅長的事：不斷講野

臥室的地毯是什麼顏色：冇地毯的

以後想做什麼職業：唔知wor.Sales/DJ.............

你們家有多少層/你們家住幾樓：好多層/14

你們家是公寓.社區.大廈.別墅哪一種：3rd one

你覺得碟仙怎麼樣：好搞笑,碟都有仙

你覺得自己十年後會在哪裡：地球

無聊的時候你大多做些什麼：訓覺

你住得距離最遠的一個朋友是：Anna in Seatle

世界上最惱人的事：唔鬼知.我最嬲而家仲未拍過拖

全世界最好的事：唔知.我覺得最好的就是我拍到拖

目前有男(女)友嗎：兩樣都有

覺得同性戀如何呢：2個同性搞埋一齊囉

對於沒把握的事情態度如何：唔好握then

如果有人誤會你，你會：喊

如果有人誤會你，又不聽你的解釋：喊得勁d囉

有想過要怎麼對付你討厭的人嗎：俾佢投河自盡算

你認為你的另一半幫你付錢是理所當然的嗎：係.因為以後我都係要靠佢養.唔爭在.

若你的另一半硬要幫你出看電影的費用時：唔睇戲了

通常幾點上床睡覺：日日唔同

現在心裡最想見的人是誰：Nick

想要幾歲結婚：25

今天心情好嗎：唔好

有想過要自殺嗎：唔止諗過,仲試過

現在幾點了：唔識睇鐘架?又問



好無聊...............

>>February 20, 2004 at 5:13:57 PM GMT+8

2004 年 2 月 19 日 星期四 【炎熱】

今日奇down.或許,開心得太多了吧.

上Sociology,Miss講開話我地平日都在做戲咁,究竟我地平日同人接觸時有幾多percent係真,幾多percent係假呢?就係呢句,我諗了很久.

我開始發覺自己是over 80%係架的(當我對著朋友們時)因為,我會盡量迎合她們的topics去講野.我可以好肯定咁講,如果唔係我有寫日記,仲要寫到咁內心feel,大家一定會話我係個好開朗的女仔,成日笑,好大聲講野咁.冇人會知我係咁諗,冇人會知道我唔like d咩.我呢個人的確好假.

我再諗,咁我係屋企有幾真?因為我張d脾氣都擺晒係屋企.今日down到咁,又係洗碗day,成個煲跌落地,打爛o左個水仙盆囉...冇野好講.心不在焉.

我感覺到自己唔知為咩down,總之再放學那一剎那,就係好down.一直到現在.

或許是因為新"他"Nick--他實在太似他了...............唔想再喜歡佢.

我真的是好假的人.我笑,因為我假,因為我是在應酬著你們.除了家和好朋友,我不知還可再那裏真了.

>>February 20, 2004 at 3:39:02 PM GMT+8

2004 年 2 月 18 日 星期三 【炎熱】

實在太熱了!!!

今日一朝早o左醒,再訓返...奇怪事出現了............我......發了個惡夢!!!比睇完鬼片會發果d惡夢惡十萬倍!!!!!!!!!!

我夢到我大了肚,孩子是他的(唔駛問邊個他啦),跟住我決定生下來,個肚好大.
跟住突然陣痛,在自己床上諗住生啦,跟住屙了d血,生唔出,走了出街行.(都唔知點解仲有心情行街)姑媽同我講,佢以前都係咁架.跟住醒了.一分鐘後,鬧鐘響了.

我即刻彈出房,話俾亞媽聽:我發惡夢呀!!!!!!!!!!!!!!!!!

我開始係度諗,點解會發呢個夢呢?我開始諗到就係咁:因為尋晚食了好多野,跟住個肚腩好大,所以就會大肚.跟住點解會有陣痛...睇黎上天都係報夢話我知........我AV了.....................

返學.今日終於著到我想著的短袖衫了.呢套衫我襯了at least 3日了.上Richard的英文堂.唔記得做功課...不過冇所謂啦,Richard從來唔叫我答問題.唔驚的.同果幾個fd都傾得好開心.見到Nick!!!是Nick啊!!!!!!!!!!!!!!!!今日佢換了眼鏡!!!!!!!!!!!!!之前果副同我的差唔多,不過是黑色幼邊半架的,現在那個同我差唔多的!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!唔通佢又係尋日換的?!!!!!!內心的感覺..........WOW!!!

跟住落堂,去了Common room,期待芷茵昨天跟我說的suprise lunch.點知原來係同Cyrus食晏.Cyrus還是十年如一日的遲到.仲要係果種(永遠係果種)你打到去佢先帶著惺忪睡"聲"話:下...我而家o岩o岩起身.跟住你起碼要等埋佢洗下頭沖下涼先出到黎.今日仲勁,話電話冇電,要用叉機叉一陣先出到黎....做得好!!!搞到我同芷茵在common room呆下呆下.......

本來約12點,變了1:30先開始去搵野食.去了桃源吃.沿途Cyrus仍舊俾我窒到一句都講唔到.笑死.但Cyrus又好似好enjoy俾人咁窒.........

跟住返到學校.同Cyrus在common room坐.見到了Nick!Chit Chat了一會...感到好幸福唷~^v^~再看了U+少爺占的訪問X次.之後關帶Cyrus四圍行,我因為行動不便沒去,就同d2月sem人chit chat.好開心呀,同到勁人Joe傾下計.成日覺得佢好鬼cool咁,今日看來,都唔係ya!

跟住去上Felix堂.My god....拎錯了QA (I)的Notes!!!god.......唔知點解,係咪因為同d同學fd了,人今天真的開朗了.同Felix講我去拎notes,佢都認得我是佢教唷!!(你夠膽唔認得?日日見wor!)拎完notes,見到佢仲未開始講書,好開心,等埋我哩...............

而家教緊d math係F4 d math+ econ,好煩,就係我最弱的AP,GP......唔想計呀~~~~~~~~~~~~~~~

跟住返屋企.去買返50F計數機.都係呢個好用d~

聽日又上Psy了.好野.又有Sociology!

打了俾Ms Lai,約了下四吃飯.但係佢suggest飲茶wor....唔好啦.....想食劉萬利呀...........好掛住果個好似石修的伙計啊~~~~~~~~~~~~~~~~~~~~~~~~~~

好野,又Friday了.不過時間真係過得好快!

>>February 19, 2004 at 3:22:41 PM GMT+8

2004 年 2 月 17 日 星期二 【炎熱】

好熱呀~~~~

今日返一點.好野.最喜歡就係wed了!

Felix堂...還是這樣啦(開始厭倦-_____-~)

跟住又上Philo堂了.隔黎果個女仔不斷拎我d notes抄...aiya....我自己都唔知抄咩...咪鬼抄我啦.....記得清華Sir講及點解神要整到呢個世界有罪惡...係bor......話晒神係全知全能的啊......好煩.不過幾好ge.

跟住又見到Mei了.今日又去CWB.拎眼鏡+拎Amy Club贈品.好耐冇搭過叮叮了.沿途食o左好多野.Mei,下次你自己食好喇,唔好拉埋我................

跟住在SaSa門口見到舊同學Bern,以為會chit chat下,點知.....

跟住去拎眼鏡.有點鬆....聽日去fix一fix佢先!不過都係望唔慣個樣!

跟住去了行IT,之後見到Catherine,Bern同Jess.得Jess同我傾下咁.點解...大家會變得這樣的疏離?!

之後我同Mei講,喂,既然你爭我咁多錢,不如你一次俾500蚊我,跟住我請返你食野扣返啦,好似八達通咁.跟住我地話係囉,得閒嘟下!最緊要係嘟果下係兩個一齊"嘟"!!!成街人係度望住我地....但係,真的,Mei,我同你真的好夾!

跟住又係去紅螞蟻吃~好好味!又吃梳乎里!!!

再去了starbucks,吃了例牌東西--Cappacino+blueberry cheese cake.食完超飽,不過好好食!!!!

跟住閃了.好開心啊!

聽日天地堂,可以同芷茵吃飯!YEAH~

Mei,我愛你.

>>February 18, 2004 at 3:53:35 PM GMT+8