2004 年 4 月 16 日 星期五 【雨】

又係平凡日.

起身,看新聞.Arsenal贏5:0啊~好野~~~~~

lunch.

下午狂玩拆磚仔....

落到最大雨的時候偏係要去church....

今日見到靚仔啊....他也在望我呢....

Survivor...看到心都up埋...奸人當道.......

Six feet under真係超正.esp David果part.掂爆~

>>April 17, 2004 at 5:13:08 PM GMT+8

2004 年 4 月 15 日 星期四 【陰】

平凡日again.

一早洗頭,之後早了去吃早餐.結果,早了一班船....特登唔搭.買了姊妹.幾靚架封面.我已為吳彥祖而買了很多magazine....絕對要映低俾大家看有幾多本.......不過姊妹呢個封面真係幾好.差的?有如"Amy","Fasion and Beauty"果幾本囉.

返到去,好耐冇上過Psy堂喇.今日學到好多野!!!

跟住擺返d野入MELC.好勁啊今日,我霸定位啊一早~YEAH~

約了芷茵食飯.行了好耐都唔見果間芷茵話Cyrus話好食的那間"金鳳"係邊.係囉,係邊架?

後尾去了間唔知咩的野食.好大碟!可惜自己唔多肚餓.......唉.

發覺我真的很需要音樂.點算呀.....我好想有返個MD呀..........

跟住再在MELC坐.2/F冇電腦用!!!!yee........

上Sociology.好正啊~很喜歡上.很好玩!原來Noelle同學好多諗法同我一樣.又原來佢在點名紙中是在我之先!又原來我上一堂已講過呢句野,但我唔記得了............

After school.打了俾Cyrus.好掛住你啊....潛水人.......唔係,係沉水人..........

Back home.亞妹今日暈低了."陷"親下巴啊.唉,鬼咩,廿幾度仲著羊毛冷衫...........

亞妹有好多科唔合格!亞妹,你唔好學我咁呀..........加油呀...................Mei,你都係呀................

好野!我都話Iran會贏中國隊架啦.2:1.唉,得一個入球係ok的....

呢幾日我在想,我好想我生日那天叫好多好多人黎我生日會.但係,venue呢?我好想朋友之間又可以識到fd wor.人大o左就好難再識fd ga la...................

打了俾補習的小妹妹度.唉,下個禮拜先有工開....得返一日..............唉.唔通話唔做啊?

Yahoo的拆磚仔幾好玩bor................

Arsenal今晚要加油啊.(今日就轉了wallpaper : Arsenal成隊的合照...kakaka)龍格寶...快d好返啊.

好野,聽日唔駛返學.(今日仲同那位小妹妹的媽媽講,如果一個人係like返學的,成績都唔會差得去邊啦.相反,成日話想放假的,成績好極有限啦............~>完全講緊自己-_______-~)

不過,唔駛返學都係好野啊,right?

>>April 16, 2004 at 5:32:04 PM GMT+8

2004 年 4 月 14 日 星期三 【陰】

平凡日.

發覺自己真的長大了.當自己一個人的時候,我不會感到特別孤獨.有時候還有些Enjoy自己一個人的生活--不用看別人的臉色,自己做什麼也可以.

一早同老豆食早餐(星期四五指定動作),跟住返學.亞Pat,就是因為你...搞到我買了Milk.......唔係因為你尋日買了,我今日一定唔會買的!

Pat:你講得很o岩啊~吳彥祖在"大"片裏不斷講自己係基的...我覺得他像是在說服自己是基的多於要去說服別人.那有基的人常常話自己是基的?林一峰有成日講的嗎?(佢成日講只會令我好好好好傷心...............所以佢唔好成日提起.....plz....kaka)

見到好耐冇見的芷茵!!!!!!!差d唔認得佢喇....

一早上Eng.全靠班2月sem人遲返,我同了些新同學坐.太好了.同返果d人先正!at least,佢地會聽我講野.呀唔係,係佢地令我肯同佢地講野.

之後就問Richard about 篇personal statement.原來都冇咩要改..........

跟住上了MELC.第一次行到去,冇位wor.跟住開完locker再行去,咦,有位,掂晒!

我就在MELC坐了兩堂多.一d都唔覺悶.不斷再聽Freeplay.好好聽.聽了咁多次都覺得好好聽.不過好眼訓............覺得自己好勁啊.自己一個人可以捱到咁耐......

2點.肚餓.在MELC又見到芷茵!!!驚!!!一係唔見,一見就....去了Starbucks.食了久違的Blueberry cheese cake+Cappacino.有冇搞錯...杯Cappacino原全"坤水".食完d泡,得返半杯.........................唉.......很掛念陽光男孩...................

食完Back Space.點解會見到果班2月sem人架.....狂bear住我.........."

搭lift時,望著鏡裏的自己....很肥.....突然覺得自己很樣衰...........是沒自信嗎?

返到MELC.繼續"靜坐".精神多了.見到亞關.突殷覺得亞關靚了.(Pat:其實尋日見到你我都覺得你靚o左~>真心都爆的說話.)

跟住上Felix.大鑊.識了Ingrid就不斷同佢講野唔上堂.Felix話下年唔教.唔係嘛?講笑吧?Plz tell me that it's only a joke............

放學.問亞關拎返個QA file.去了CWB整眼鏡.BACK HOME.

訓.(long time no afternoon sleep)

食飯."血"劇悶爆了.看來大結局將會係--全部人死晒,明朝滅亡;劇終.掂晒.

看了千禧BB檔案.很好看!估唔到教BB都有這樣的學問!!!!!!!!!

再看了薔薇之戀.太好看了!看極不厭.點解果兩個男主角可以咁靚仔架...........................

一邊看一邊想,男生會否是跟我們女生一樣沒有安全感?叫我們做朱扒,會否是因為想著以為打擊著我們的自信心,我們便會死心塌地的愛著他們?而我們女生又要不斷的話..."你是最棒的"來滿他門的大男人主義(sexist)?

我總是個多野諗的女子.愛情哲學家?!

>>April 15, 2004 at 5:41:17 PM GMT+8

2004 年 4 月 13 日 星期二 【暴雨】

下著綿綿的細雨,我只感到無限的唏噓.當我越說話,我的腦袋就會想著梗多的東西.事後的反思就更多了.

尋晚兩點先訓,今早7點半起了身.隻腳仲未好返,所以今日點都要排到街症!

去到,好彩...我有得睇...不過企o左成個鐘囉....鬼咩First come First served嘛.......呢個就係example of non-price competition la.........

拎完籌,食完麥記早餐,行家維村返去睇下街症到我未,我見返亞妹以前細個間幼稚園.我感到既熟悉,又陌生.我很久沒有踏足過那裏.突然,我在想,亞妹咁快已13歲了...............

今日看的是女醫生呢...有點cool....

嘩!落重藥!

online了一會,返學了.

遲了出門口,搭了104返學.

在lift見到關.唉,仲諗住有機同佢傾兩句tim.

Felix堂.我在嘗試找回當我第一天見到Felix的感覺....為什麼.........何時我對他的感覺不同了?

Philo堂.講Freewill.黃Sir在說,如果我們有機會再揀去做一件事多一次,我們會否做返一樣的決定呢?其實會唔會都係一樣呢?我們是否冇freewill?我突然在想,如果俾返到3年前,我的選擇又會否是一樣?

4:55放學!YEAH~趕趕趕趕趕!!!約了Pat呢!

在QA堂見到人買Fasion and beauty.其實呢本野唔o岩我.但係....Daniel Wu做Cover wor........

約5:15見,5:08就見到了.Aio Aio~Pat~點解我會同你用埋同一款電話架?!

看了"大佬愛美麗"差爆.俾面馮德倫,俾夠40分.

呢齣戲可謂"奸唔夠奸,咸唔夠咸,江湖唔夠江湖,粗口唔夠粗口(諗下羅家英講英文粗口??),動作唔夠動作(又學Matrix),深情唔夠深情(諗下元彪做深情戲...),基唔夠基,暴力唔夠暴力.唉.如果我早一點知道是英皇拍的話,我一定唔睇.Pat...我地搵日再看女子十二不設防吧.....

睇戲時,坐前面的人...很像他......結果,一路看,一邊很怕.因為那個人的鄰座有個女子.我不明白我為何怕.......仲有!佢遮晒我!我睇唔到個screen!!!!

睇完戲好飽!(因為買了好多野入去食)去了打機.打機又是一個傷心地.....篤篤機,賽車.........我再想起了他.............

下著雨...在燈光下,很像落雪.兆分唏噓(萬分絕對仍容不了我的感覺....)

去了紅ant度吃.又去喇.......But I really can't find a better place for chatting...........

果個waiter認得我呢.....其實佢真係幾得架...........................

但偏偏.......點解係果個好似韋家輝的人不斷纏住晒?我想叫果個waiter幫我落單的啊.................妖!

和Pat談了很多.太多了--多得大多時間只是我一個講.與Pat的關係就如我同Cyrus的一樣--一刻定情.我跟Pat一向不太friend.就是這一個月,WOW.或許,我跟她有著差不多的經歷....冇學生証的生活,愛上一個人,嘗試去忘記一個人...........這些這些......不是在這個階段的人是不會明白的........

我實在太多野講了.而且,我實在急於想話俾亞Pat聽,結果好多野講得太快佢catch唔到.(好難改呀)亞Pat,相信你今日絕對看到一個非常不同的我.一定是與你早前看到的我是不同的!

埋單..好彩...找錢時是果個waiter來的~~~~

一路跟Pat談,我在想,其實,去找一個女人作伴侶會否好些?省卻不少麻煩!有意無意間話叫亞Pat做我男友啦,其實,這一句都帶有少少試探,想看看Pat的反應.我在想,有一天我會否像20 30 40中的李心潔咁,一野咀埋亞Pat度?講真,咀唔單止同性的人,有時我會在想,如果在街上碰見一個合眼緣的人,一下咀了他會怎樣呢?女人像會明返女人諗咩,其實這又會否比男人可靠?

我和Pat談得太多了.

剩下自己一個的時候,不斷想東想西.

我仍有點不甘心去放棄他.

一邊的我叫我不要理他,一邊又相反........

Annie send了個website,俾我看看我對他的是愛還是喜歡.

26條問題,問完就知自己愛佢還是喜歡佢?

愛一個人,就決定在這26條問題上嗎?

看完新聞,撳了去東風,咦,有薔薇之戀wor.........定了在看.媽媽明明話叫我早d訓唔好睇,又話我已買了小說,不用再看喇...點知...佢同我一樣,一齊睇到完為止.堇同葵實在太靚了........

眼已很支力,但我的心.....................仍是.........................................

>>April 14, 2004 at 5:42:06 PM GMT+8

2004 年 4 月 12 日 星期一 【酷熱】

今日完全冇停過.

一早未到七點十分,老豆已叫醒我,驚死我唔記得起身.....

尋晚淨係print個essay出黎都print o左好多次...成點幾先搞完....死了咁.今朝眼訓爆囉.

一早上Felix堂.派了assignment 2.好悶呀QA堂.

English堂也是很悶....P

hilo tutorial.今日講Personal identity.講了成個鐘,梁Sir二世,鄭Sir話,其實呢,而家都冇一個好好o既theory去証明我地o既存在...........-________________-咁即係點啊?

好趕!!1:30要返工!放學已12:45了!趕船.在船上吃了朱仔包.

好彩有巴士when I arrived at TST pier.

好多野做啊今日~

放工勁肚餓,買了麥記.跟住再去了買鮮奶同報紙.成個師奶咁.

再on了一陣line.跟住同亞妹出去看"音樂點線面".

打了俾亞關.亞關,你終於明我的感受喇............你開始明白"冰"incident喇...........

個concert好唔pro囉.仲有,好街坊feel......

返到黎,亞媽唔知做咩鬼黑面.冇野講啦,又勁爆黑面話要拎返個agnes b袋.咩wor...我講過話今日同人撞袋ja ma.....................佢又唔知做咩鬼.唉~明白我的人在哪?

好火!

>>April 13, 2004 at 4:33:38 PM GMT+8

2004 年 4 月 11 日 星期日 【酷熱】

好熱!

我又變節了.

今日難得一早屋企d人全部出晒去,11點先起身.好耐都冇咁樣喇!

一起身懶洋洋的,咩都冇做,上網打下牌咁.

下午食完墨丸河,做essay.爸爸就看香港波.Happy Valley贏了.(但係我買晨曦的,雖然我知愉園會贏)

做做下條essay,越做越唔對路.仲有呀,陳同學同另外一個Philo班同學都做另一條.望落,咦,真係易做d咁wor....於是,變節了.其實我都覺得自己幾掂架.....半個鐘度就寫了400字喇!

跟住要過CWB食飯,因為亞麻生日+大伯從Canada返港.我老豆超憎我大伯的,所以都唔係好開心咁.成餐飯佢都冇咩野講,CM--close mouth.呀,唔係,我地一家四口都CM.唉,講咩丫...佢地班人不斷在曬命....我地d窮人可以講得d咩丫....

一餐飯根本吃不下那麼多的送,仲要係次次一樣架wor.食都食到厭.次次都剩送,結果,次次都打包.次次都係我地拎.如果唔係,實倒晒囉d野食.成隻金華火腿唔要咁囉.唉.有錢人食野就係咁架喇?成四千蚊食一餐...又唔係特別好食.

姑姐們在曬佢地去完日本d相.well...佢地都冇諗過要show俾我睇.如果唔係我聽錯了話以為佢俾我看,佢都唔會俾我睇...很現實.去日本又買了agnes b俾我亞媽.仲要係而家最興果隻囉.大佬,唔係話我亞媽,但係你要睇襯唔襯先得架........太trendy la........買俾我又得枝筆....仲要係好多年前興果種一撳上面果朵花就開果種......想知叫我show俾你睇...你唔好買好過.真係勁想丙佢地幾下.好憎呢d有錢人!!!!

吃完飯,我同老豆講,我要吸返d人氣呀!食飯食到死o左,又鬼咁飽wor--佢地驚死我食唔飽咁.行落京華果頭,唔~真係唔同d~!

返到屋企,繼續寫essay.寫到成12點.o岩o岩1000字.WOW~個printer搞極都唔得,又唔記得set margin...打了起碼10次.(Mei~多謝你幫我搞Margin)好煩.

我又add返明明.好.睇我下我d定力點.我越來越唔明自己.

聽日返8點半啊.而家仲唔訓,死梗.(第一堂仲要係Felix wor,唉)

又返學了><

>>April 12, 2004 at 5:04:10 PM GMT+8

2004 年 4 月 10 日 星期六 【晴】

好熱呀今日....

尋日漏了講兩見搞笑事...

話說尋日放工,同亞媽去買送,行過賣豆腐的,佢就話,呀!不如整豆腐蒸豆腐啦!!!!(媽...豆腐蒸豆腐不就是蒸豆腐嗎?有豆腐炒豆腐,豆腐炆豆腐的啊?)

跟住尋日6點半新聞,話說周潔儀諗住交俾馮堅成講體育,點知講了"方東昇交...(發覺自己錯了)呀...交..交俾你講體育丫.呢個都未算最搞笑.最搞笑係...當馮堅成講完體育後,他說"體育報導完喇"周潔儀就講:"唔該晒你呀馮堅成".....賠罪啊?笑死了........跟住我一見到佢地講完再會後,熄晒燈都見到佢地狂笑....................-_________________-~

講返今日先.一早起身,去聖堂.溫暖的陽光透入聖堂.對!我所追求的星期天就是這樣的了!!!

Kai Bo不在.......靚仔不在.....

搞笑野又在那班abz身上見到.今日話說兩個abz執完祭台,諗住同神父一起坐返啦.點知,神父彎低身,兩個abz就以為佢坐,就坐低了.點知...原來神父只係企係彎低身拎經書........結果又坐又企..笑死...(我已盡量描寫架喇...............)

Lunch with parents.今日亞妹去了行山.又變了3人行.好野.我又可以霸住爸媽了.

做了整個晏晝essay.寫了500字左右啦...一半咋......明天要努力啊!!!!!(其實寫了500字,我都係覺得我係吹水多過咩........)

Dinner.

係bor.大家有冇覺得近牌的日記好長?日日好似過得好充實咁!(WOW!!!)

果套無線電影,以為會好好睇添...俾我想像中差囉...秦沛又係扮絕症人囉....創世紀係咁,絕世好爸係咁,流金歲月都係咁......唉.不過馬德鐘同陳慧珊個做型唔錯,好過沖上雲宵多多聲.

瑪花果個咩電視特輯ok wor~有少少sex and the city feel wor.幾得.(不過今日係為了馮德倫同吳彥祖看的,所以就更好看了)

財經透視又有芝see姑Bi!!!幫佢賣廣告啊?!

Mei,你要加油,唔好死呀~你一定要努力讀書啊.

近日有個想法,我每次搵一個朋友去講一個issue.好女仔的看法咁.講咩topic?諗緊.大家點睇?俾下意見吧.

>>April 11, 2004 at 4:34:11 PM GMT+8

2004 年 4 月 9 日 星期五 【晴】

各位復活節快樂!

好好天啊今日!

一早起身,同老豆食早餐.兩父女又講波啦~不斷講返尋日好彩Arsenal贏波咋............

跟住返工!

今日都冇咩野做,不過都幾多電話.都係問今晚禮儀幾點囉.

各善會都好忙~見到好多Abz呢~

食完lunch,行返去聖堂,見到Kai Bo....的背脊....><~跟住上樓啦,點知爭d仆死.....唉,心不在馬啊...(這是爸爸說的,一直沿用至今--因為"焉"字與"馬"字相似)跟住再見到個好靚的o靚仔abz....好彩佢見唔到我後先果野jek......................

好快到3點.Back home,冇野做ge,訓了陣.

因為夜晚去禮儀,所以好早食飯.

8點先開始,7點半就出門口了.嘩!好多人!

今日帶了相機啊!我要乘機映低Kai Bo,靚仔的o靚仔同聲仔!!!

當人領洗時,好多人都會拎相機映相,我都唔執輸,不過係向住祭台映.唉,天主都覺得我唔應該映呀...我一映聲仔咋,就俾佢支蠟燭遮住o左佢個樣,delete.再映啦,前面果個BB有意冇意飛o左個頭出黎,結果映到一pat野........>
好開心!今日變自拍王!!!未試過玩自拍唔會cut咁一邊人架!!映3張3張都掂晒呀!!!!!!!!!

終於開始了少少essay la...三百o度啦...at least寫多五百幾呀...................

Six Feet Under超好看!!

搞錯呀...Man Utd贏波.............

看了S.H.E電視特輯啊!超好睇!!!!!!!!!!!!!!

>>April 10, 2004 at 6:12:50 PM GMT+8

2004 年 4 月 8 日 星期四 【微雨】

太好了!Arsenal贏了Liverpool4:2!!!太好了!!幾驚佢地因為黑色4月而輸波.......Henry好掂啊~~~~~

好唔開心!看到CBS Survivor的網址,我最愛的Lex走了!!!又係果個Rob!!!!黑人憎的Rob!!!!下個俾"fau"的就係你喇!!!

今日一早起身了,因為要去聖堂彈9點的拜苦路.好緊張啊~未彈過.幸好都冇咩事............不過當d abz行近我,有點緊張.....(如果是Kai Bo的話.....肯定彈到錯晒tim...Hee........)

跟住上班.但先買做餐.(咦,咁順口ge...kaka)今日要守齋啊,故只能食齋包....齋包已好淡,仲要飲水...仲淡.....

好忙好多野做啊!!第一日返工覺得時間是咁快過的!

Jo與國去食Lunch,諗住我可以偷雞聽下歌啦...點知d賓賓又行黎行去,又多電話聽...我講了今日下午的苦難禮儀在3點都唔知幾多次了.

好快Jo同國又返黎.Yee......

好開心呀!熊生特登早d返黎,佢話就係俾我早d落去參加彌撒!!!!!!!多謝你呀!!!

好多人呀今日~

我實在太喜歡我聖堂的abz了.很掂啊~~~~~~見到Kai Bo,聲仔,仲有好耐冇見的積水!!WOW~等我諗下仲有邊個先.....洗家煒兄弟,新黎的小abz,梁芊祐,大鼻子,一個如果佢大幾年我會愛爆佢abz,Kai Bo細佬,積水二世(個樣超爆似積水的,但係是細路版),莫子豪,90度鞠躬,紅色Nike......應該冇漏掛?(太多我唔識的abz,所以很多都是花名,方便記)

今日的福音我們要像讀劇本似的,為的是令我們感受耶穌受難時的痛苦.跟有一個讀經員讀得太投入,大家讀完之後要行返出黎鞠躬,但他還在讀經台上...仲要"mei"埋眼唱"願光榮..."結果,大家坐晒低,佢先"驚覺"大家已坐晒低,得返佢一個...就無奈地行返落去坐....無奈...........

跟住發覺十字架點解冇o左個座ge?結果就係肥仔與靚仔扶住,我地就向他鞠躬.後尾轉為大鼻子與Kai Bo扶著.(但我Miss了這個歷史性時刻><)

吃聖體沒聖血,怪怪的.

Back Home.上了陣網.死啦,Philo Essay完全冇頭緒囉....星期二交喇...但係要多謝Pat!!!多謝你send俾我的website!!!!!!!!!!呢幾日突然同Pat好friend le.....

又看"血"劇.我太喜歡皇甫英了!!!!!!!!!!!!!!!!!!!皇甫英皇甫英皇甫英!!!!!!!!!!!!!!!!!!

看電視,嘩,果個扮張學友的華D真係超似呀.........

菁:我睇唔到TVB8呀...><~其實亞關介紹S.H.E給我時,我也不太知道她們的東西啊.直至有一次,我撳去東風看,看到她們的concert,真的很棒!!!同香港的冇得比!!!!!!跟住開始留意她們.....再睇薔薇之戀,爆發埋tim.......(不過睇"薔"劇是令我愛上了果兩個男主角--鄭元暢跟黃志瑋.太靚仔了!!!!!!!)我超爆喜歡Ella啊~

聽日又係返工day.我要努力啊!努力抓錢!!!!要買波鞋啊!!!!!!!!

>>April 9, 2004 at 4:52:02 PM GMT+8

2004 年 4 月 7 日 星期三 【陰】

唉.又係要log in幾次先得...呢個日記真有問題啊....心情樣已唔係好得架啦...咁多個天氣揀,係冇大霧/煙霞架wor......

映相day.有音樂day.愛亞關day.

星期四,例牌天地堂.一早跟爸爸去茶餐廳食早餐.個肥仔waiter見到我講soccer講得好起勁,好似好shock咁.....係啊~我真係好like soccer.龍格堡真係好得啊~8號仔~~~~~~

返學了.今日帶了discman返學.或者有人會問,既然我有discman,點解又話呢排過住d冇音樂的生活?問題就係...我冇耳筒呀..........俾人偷了的MD就有著我最新買的earphones....因為自己唔愛惜東西的關係,我屋企d earphones好多都得返一邊聲.唉,買了一個新的竟然又......今日終於受唔住喇...拎了電腦用的那個earphones....(超薯版earphones,15蚊就買到)狂聽freeplay隻碟.林一峰+pancakes+ketchup真係好掂.全碟都冇咩話要飛歌.....好難架~不過我較like pancakes的歌~呢隻碟林一峰d歌...相比之下...有點.......

唔知點解今日興起,所以就拎了未還俾爸爸的DC狂映風景.Victoria Harbour真係好窄呀......

終如唔駛過d入lift/室內熄radio的日子了(入了室內會sa sa聲的,收唔到架><)好開心.都唔係好慣.

交了SU o camp helper form.

Richard堂.爸爸打了3次俾我.死啦,佢一定是講AC米籣對拉科魯尼亞果場波的結果喇....yee好想聽啊....

好悶呀英文堂.又係要聽歌學英文...仲要聽U2...我都唔like U2 ge...俾四頭披我聽嘛(小丸子叫法啊),好聽好多啊.

落堂了.打返俾爸爸.佢話俾我知,AC輸4:0呀!!唔係嘛?皇馬輸成咁就話佢自己不嬲d defence有問題je...AC d defence咁掂都咁?上次佢贏4:1架wor........well...偏偏世事就係咁..........意大利總統府一定要下半旗致哀囉....仲要全國開工之前默哀一分鐘...........唉.唔駛睇落去囉...............

同學Lim同靚女女朋友Rita過海拍拖wor.........(same ferry with me)WOW~~~

繼續聽freeplay.真係好正.

返到黎.online,check mail.點解冇佢的mail ge....我緊他嗎?

同Pat傾了好多野!太好了Pat!!!完來我地咁多野都係諗埋一樣的!!!!太好了!!!!

今日食飯得3個.亞妹返學做RBL.爸爸話食麥記wor.(唉.尋日先食完......)好多人wor.今次我叻返啦,識叫返喇.結果比上次平了$3.5(about la).好野.

再不斷討論AC輸波...SHOCKED............................

亞關話有野俾我,要早d返去啊.......

返到屋企,有Venus的來信!太好了!立刻回.大鑊.3點5分了.死死死.....話o左3點半要返到....

買了milk...(你還有心情買?~>後尾有點後悔.........低價出讓...邊個要今期Milk.....問我拎....)我了畢生最快的速度行了去碼頭:不用15分鐘.唉,點知...冇船ge....我以為20分會有船架....死啦...實俾關鬧....

搭船中再聽freeplay.真係好好聽啊.值得買架!!!!!!!!

見到黃伊汶細佬食煙....Yee...都食得唔靚ge個樣.我都係like翻版Juno食果個樣,靚d架!(不過唔食仲靚仔....)

趕死咁返到SPACE.見到Nick wor.實係去接Clarissa啦.上完locker,打了俾關(關:我而家先知果條係叫電腦巷!我通常係叫:213後面好多電腦果度.-_____-)見到Clarins,再見到Nick同Clarissa一起...wow.趕到去電腦巷,終於見到關了.好想攬住佢啊.但礙於我實在趕死咁返黎(船拍岸時因為前一班船未開而遲了拍岸,搞到再遲了),成身都係汗,所以廢事喇.亞關俾了封野同舊優之良品野食俾我,我就趕住去上MB喇.

本來唔眼訓的,但係坐隔黎的Ingrid不斷話佢好眼訓,搞到我都好眼訓.....

Felix派返Assignment 1.佢從睇了我QA.話我QA衰了.(關~你錯了,Felix是認得我個名的,因我個名無論中或英都是太突出了.........><)我咪同佢講囉,我打漏o左野ja ma,不如做返過correction俾你丫?MB assignment 1拎了100分.唉.預o左啦.唔算太難ma...........

成堂Felix就做返d answer俾我地睇.(忘了講,Emme細佬坐我前面啊~Yee....)唉...Felix啊...我地咪有answer key law...駛咩做返一次jek...照抄咩...............

跟住再做一條Linear Programming.做了一半,Felix就話呢條當係假期功課wor.你唔係呀嘛...我做到一半你先黎咁講?你一早講丫嘛................咁大家可以早d放啊~(那時已5點15分了....)Yee....搞咩呀................

飛咁走了.去到碼頭,開了亞關給我的信.看完,我想太喊,亞關,我愛你啊~~~~~~~~~~~再開了亞關俾我的食物.激死,一開有水飛出黎ge?差d整到成身都係-________________-~仲要係開完唔知應該點食wor..."滑劣劣"的..............(關,唔該你俾多舊我,你教下我食............)咩食物來的?是叫做:芒果蒟蒻.

BACK home.再映了好多concept相.終有一天,大家會看到這些相的.(廢話...)

去聖堂.今日是主的晚餐禮儀.見返果個好似陳錦鴻的神父!!!!!

好肚餓啊...聖堂d冷氣凍死人喇....................

Kai Bo冇黎啊...又冇靚仔望..........唔...唔係..歌詠團新黎了一個.................

返到屋企都9點15分了.看了TV看,Lyon對Porto的那場波.唉.我support Lyon啊(話晒都弱隊~).不過,都係Porto贏.如果唔係就4強全都爆冷.........講開又講,Lyon我成人都會讀成"拉昂"(中文譯是叫里昂)但in fact仍該是讀"Lee-on"kakakaka~結果...讀讀下我會讀成Lion....(因Y同I同音的嘛....)

看60minutes.好好看.USA的國家安全顧問叫賴"嘟"啊....cos話說她的surname是"Rice"....kakakaka...
跟住老豆話,應該有個人係叫Field with Rice的.......kakakaka......

Andy Rooney講野真係好掂!!!

看了d d睇送食飯.God....嘉賓就係陳錦鴻呀!!!!!!!!!!!夾定的?!

不想再睇到AC輸波的重播啊!!!!

死啦~Henry受傷了...點算...真係黑色4月?唔好呀.....................

聽日好野有得返工!!!!!!!!!!!!

關,我愛你啊.

>>April 8, 2004 at 5:21:48 PM GMT+8