2004 年 3 月 27 日 星期六 【陰晴不定】

支力死啦~

一早起身去聖堂.尋日看Six Feet Under看到成點幾,都未訓飽.............

返到屋企,再訓.

起身,返工.

出糧了.

HEA.

HEA.

HEA.

HEA.

HEA.

一天就這樣完了.

(今天整篇都是用速成打的啊!!!!!!勁!!!!!!!!!!!!)

>>March 28, 2004 at 3:30:47 PM GMT+8

2004 年 3 月 26 日 星期五 【陰晴不定】

凍呀................

牙肉發炎了..........死啦.....梗係尋日d雞軟骨太熱氣喇.............

今日超勁驚的10點起了身.吃過早餐,online打了陣牌,輸死了....跟住再訓過.跟住吃lunch.

之後去了supermarket.再返屋企hea.再online一會.就去了聖堂.

看survivor.

today是看six feet under le.

平淡的一天.

>>March 27, 2004 at 4:12:29 PM GMT+8

2004 年 3 月 25 日 星期四 【雷雨】

又冇online了...WOW~

好憎呢d天氣.又雨又凍!!!!!!!!!!!!!!

今日一朝去了補習.所以一早去了跟爸爸食早餐,跟住搭車出發.

今日補一個鐘咋.唉.死啦,佢d test唔知點唔點tim...下個禮拜仲考試添...如果佢考得差就慘啦...起碼自己過意唔去呀.......

跟住返到屋企.同媽媽一起吃lunch.幸福~~~~

下午....都係冇溫書-_______-~溫書大計失敗了.........

之後出了我喜愛的地方--CWB.約了Mei啊.Mei能夠準時,真勁.(情況就如Cyrus能準時咁勁)好彩我都準時了.見到Mei,勁想打佢.因為話o左叫佢返屋企換衫架嘛,因我勁想去打機...........)

本來話去睇戲的.(在Mei眼中,佢只記得今日出黎就係去睇戲.)去到戲院,都冇野好看.難到去看the big fish?勁想去看幾齣戲,邊位好友得閒,好心陪我去看丫.....Mei陪唔到我看............就係:The passion of Christ, 挑情寶鑑(我成日講o左係情挑寶鑑),同女子12不設訪.3套都好似好好看啊........

所以,最後都冇去看起,就不斷在逛.都搵唔到靚的銀包.激死.

過了Time square 果邊,見到Avis!勁驚,不過冇嗌佢...有點後悔.........

拿了贈品.勁細支........

再行了陣time square,都冇咩野看ge....呢邊都係唔係好o岩我.不過就見到傳說中坐Mei隔黎的靚仔....可惜........我只望到佢女友....望唔到靚仔的樣~>因為Mei後未先話我知果個男仔是坐佢隔黎的........

忘記一提,在行Sogo時,Mei竟然指住一見衫話靚!!!!!!WOW~!!!(大家別忘記她就是那個在舊年農曆新年前話去買衫,行到支力,話"不如去許留山"果位.....)

離開time square,去返Sogo果邊.去了it,同金百利.我同Mei講,你見到你鍾意o既衫就"yeung"出黎睇啦.(因為Mei 在time square it 竟然做了一件令我震驚的事--就是"yeung"衫!!!!!WOW!!!!!!!!)結果我地又笑到爆肚.

記得我地好鍾意聽人地講野,跟住自己對答返.記得過返Sogo果條馬路時,我地一路都聽唔到人地講野,勁傷心...................

見到有人在金三角對開玩Rugby....

行晒所有mall,就去了和民吃.今日決定要脫離每次去CWB都係食紅螞蟻的宿命.去到是7點23分.果個reception話7點半先派飛.WOW.等到7點半.WOW~拿了籌,A61號(但係下個係叫30號....)

我與Mei決定在那裏等,因為一來出面落緊雨,二來所有mall我地都行晒喇.....所以我地就不斷講好多低B野.(~>盡情地"掘"我吧(plz use"灰姑娘"的melody唱.)(Mei,你記得呢句野點黎嗎?是因為那個在Sogo Panasonic舖試緊按摸椅的女人唔知點解"掘"出我地而出黎的......)

後尾發覺真的很累,Mei又話肚餓+口渴(後尾先知佢冇食lunch!),就落了去買雜誌同買野飲打發時間.之後再去了Franc Franc.....果個垃圾桶唔知點解閂極都閂唔到...好彩Mei一野就閂到.之後....即刻走人!!!!!!KAKA~

再等了好耐好耐...........Mei已開始拿我的電話玩蘋果棋了.記得有一局是Mei以36粒贏了,又聽到Mei不斷話:Aiya,又擺錯喇.ka....

等了很久很久..........................終如入得了!那時已過了8點半-_________-.遲d和民o係黃埔都會開wor,唔知又要唔要等咁耐呢?

入到去...竟然要坐bar檯.是但啦,那時已支力到爆.望到個餐牌就咩都想試.就叫了一口牛肉,牛油帶子,雞軟骨,海老飯.

再等野食時,我們再研究本Cosmogirl.成本差唔多都背到了.野食好好食啊!

跟住食到帶子時,覺得唔夠飽tim,再叫了荵爆雞肉.又係超好味!

跟住再叫了雪糕and雪葩.Yummy.

埋單$200又找.Mei,你又差我更多錢了.

返到屋企都做緊新聞.........

支力到爆.so didn't online yor.........

好開心!

>>March 27, 2004 at 10:00:20 AM GMT+8

2004 年 3 月 24 日 星期三 【雷雨】

今日at last都係溫唔到書.........................

講返尋晚.場波成4點度先開始,我就係度諗,死la,點dum呢d時間.......

寫完日記,我就睇晒所有friend d 日記,都唔知做咩,就去o左sina打牌.

前日晏晝玩就勁慘,狂俾人食清一式,么九.......點知,尋晚又好唔同wor,狂食清一式....跟住最後仲要自摸十三么......................................結果玩到............."結果唔玩啦,熄機.

都係兩點多.仲有個幾鐘...就開了電視看.都冇咩睇.....撳o左去東風看.陶子show wor.就看看.叫o左張宇黎,後尾冇野講竟然在討論condom.唔怪得咁夜播啦.......不過好勁wor,台灣有condom專門店啊.....

睇完都3點多.好野,就快開場了.

成場波真係好緊張啊,龍格堡真係超型仔又好波~!WOW~~~~~~~~蘇金寶又係超勁~!可惜係1:1丫.Arsenal輸第一波真係好唔抵呀.不過唔緊要,下場Arsenal主場.加油加油加油.

皇馬真係超渣.............d後衛都唔知做咩......發夢的......

睇完場波都5:45.都唔係好眼訓,但係都去o左訓.

一點先起身.跟住同老豆去食野.

食完野返黎,再訓.其實都唔係好眼訓,不過唔想溫書,就訓了.

記得大約四點吧,老豆自己訓完同我講,喂,你唔好訓咁多呀,夜晚訓唔到呀......kaka....少同我擔心啊~我好少訓唔著的~kaka~

叫妹妹幫我買了Cream.吳彥祖做封面啊.WOW~

夜晚....是平淡的.

蓮姐唔好咁廢話要美國恭喜佢同亞扁啦..............仲要話係聽日前wor.簡直係要脅.

好討厭落雨!

>>March 25, 2004 at 4:01:30 PM GMT+8

2004 年 3 月 23 日 星期二 【陰晴不定】

幾浪費feel唷today...

一早起身洗頭,同老豆食早餐.今日竟驚啊,才坐落,野食就自己送上黎.勁驚.First time 唷.老豆因為同茶餐廳d人熟je....WOW~!

跟住返Space傾Sociology project.途中買了Milk.早知上期唔買啦,今期封面好靚呀....而家咁落去...我相信我會係香港第一個因為買Milk而窮死的人..........

特登搭遲一班船.就係知度班人會遲到.

9:56上船.(早一班是在9:36) 10:00收到Man的電話.等我以為佢去到,仲喇喇聲行快d返去.點知去到English Corner,得Noelle一個人.....妖.......(我在慶幸自己明智地搭遲一班船.....)

10:30度,6個人返得5個.仲差邊個?就係陳同學囉.唉.約10點,佢差唔多10:45先到囉.唉.

成個discussion都係在互相挖苦.Esp梗係我啦....又係度講下陳同學同我-________-~發覺真係架,一見親佢地一定會講呢個topic架wor.除了無奈還是無奈囉..............

好辛苦今次discussion終於work到個outline出黎喇.勁.

12點.完了.YEAH.去拎返學生証同HKU Library Card.WOO~又多返幾張card了.

返到紅磡再去拎ATM card.而家都幾驚去果間HSBC,因為會撞到Helena.今日見到佢,佢換o左制服tim呀.就係做果d講歡迎,拜拜果d.感到...我地之間個Gap...好大...有點自卑tim........

跟住返到屋企.又睇到亞扁上電視.好煩啊~

再同亞爸亞媽去食麥記.(老豆suggest 的)不過叫錯o左方法,搞到食貴o左(唔敢話俾亞爸聽呀)2個餐+一個包...我見孖芝餐貴d而豬柳蛋平d,諗住按比例,孖芝包應該貴d.點知...原來豬柳但一個是貴d的!!!!!!MY GOD~(即係我叫了一個孖芝餐+一個豬柳蛋餐+一個豬柳蛋.......)坐返埋位另一打擊:我見到原來只要加8蚊就有孖芝!!!!!!!!!點解我醒唔起呢....................

跟住發生了一場勁SWEET的事情.事源媽媽想飲多杯水,我話我出去拎特太多野喇,果個亞嬸認得我架,好似唔係幾好咁,我就叫亞媽不如佢拎啦.跟住亞媽叫老豆拎.老豆怕麻煩,唔去.之後媽媽就說你(爸爸)咁多年都冇為我做一件事呀........氣氛鬧得很不愉快.跟住我見咁就諗住我去拎啦,媽媽話唔好,反正就走了.跟住最後......戲肉!!!!!!!!!就係爸爸死死氣的去拎一杯水返黎!!!!!!!!!!!!!!!!!!!!!!!!!!!!!!!真的!!!!!!!很震撼!!!!!!!!!我見到媽媽都眼泛淚光呀..........................SWEET呢~~~

跟住一家人返屋企,媽媽返工,老豆訓覺,我又跟住訓.

5點幾醒醒地,知道亞妹返o左屋企.之後諗住再訓啦,點知電話響wor.都唔知邊個黎.原來係........論壇朋友alexso!!!!!!又一震撼事!!!!!!!!講真丫,而家自己有d幾friend的朋友都好日唔來電呀,收到他的電話...WOW.佢話拎起個電話見到我個名wor........whatever la.....好感動!!!!!!!!!!!!!!!!!!!

跟住訓唔返.上網打下牌咁.....輸死..............叫緊大四喜都可以俾人食o左舖混一色law......nothing say........

吃飯.今日"血"劇終於講到林峰係汪亞姐個仔喇........等到嘔咁........................

跟住看清宮祕檔.超好睇!

今晚有亞仙奴對車路士啊.勁想睇!!!3:45am開場啊.等待中.........反正聽日唔駛返學!kaka~皇馬果場反而唔係好想睇.

聽日要溫書!(HOPE SO.........)

>>March 24, 2004 at 4:42:57 PM GMT+8

2004 年 3 月 22 日 星期一 【陰晴不定】

今日......幾好!

一早上8點半.一早Felix入黎就望住我(成個班房得3個人),咁我見到佢望住我,我就微笑囉.跟住我咪話:見到你咪開心囉(再加一個作嘔的動作........)

跟住Felix問我尋日d MB深唔深.我話好d喇.跟住佢就話教我用一個易d的方法去計Matrix.但係我都係唔係好明.跟住開始有人入黎上堂,見到Felix講果d數都覺得怪.Felix之後就回復正常講QA了.在剎那間...我想到.....我和他眼裏都是只得對方...............................WOW~

落堂竟然見到十世冇見過的關!!!!!!!!好掛住你啊~聽日Food and the Body test你要加油!

跟住上英文.Richard狂叫我.......下個禮拜要Present喇.叫我出去的機會都幾大....唔可以偷懶喇.....

跟住去拎返身份証.同了幾個新friend一起行.見到芷茵tim.不過冇Hi度.

拎身份証都幾煩.以前就咁拎就得啦,而家又要整個兩隻手o既指紋....懶high tech...........

跟住再去拎八達通.搞o左好耐.突然有得"嘟"返,好唔慣tim.

下午吃千層麵.多謝媽媽.

返工了.有點似工廠妹~>做d packing的工作.不過幾好玩.

再做了d MB.仲差一條.

死啦.下個禮拜有Psy test,又要交MB Assignment.再下個禮拜要交Philo Assignment<~完全唔識寫囉.大鑊.

跟住同亞妹去買薯片.好耐冇食過了.不過...食完覺得之後會肥.....

夜晚同了Mei傾電話.超耐冇傾喇.次次打俾佢,佢家姐(我表姐)都話佢沖緊涼....發覺佢一日沖十次囉.......跟住再唔係就訓了..........佢係屋企就係沖涼同埋訓覺-__________________-.............

好開心.講電話講到口乾.都幾驚聽日出唔到聲........只有對住Mei,我才可以說出更多再我心底的話......骨子裏的我絕不是你們現在見到的我!!!!kakaka~

聽日放假了.但係仍要返SPACE......唔制..................................><~~~~~~~~~~~~~~傾project...........

>>March 23, 2004 at 4:47:29 PM GMT+8

2004 年 3 月 21 日 星期日 【陰晴不定】

好大風呀~都話唔like春天架啦...................

今日返8點半.ok 啦.已冇咩心機上.

原來我個short term memory係可以記到10個數字!WOW~外星人.............................(正常人係7個+/-2個數字).......

返到屋企.有媽媽的炒飯!超好味!!!!!!!!!!!!!!!!!!!!!!!!!!!



個頭超痛....死啦.......爆了啊.....................跟住亞關打黎.好耐冇聽過佢把聲喇...........有點陌生咁.......

返工.個頭仍痛.

跟住放工.

看了CSI.....好恐怖....

今日一家人在閒聊,爸爸講了:"你"(媽媽)是我老婆嘛,梗係唔同佢地(me and sister)啦.勁爆笑.爸爸從沒這樣說過啊~kakakaka~~~~~~~~~~~~~~~

聽日又8點半.死得喇........個頭好痛啊~~~~點解會咁架................................

>>March 22, 2004 at 3:46:56 PM GMT+8

2004 年 3 月 20 日 星期六 【陰晴不定】

一個月,咁又差唔多完喇.今日咁就21號.

今日一早起身去聖堂.眼訓到.................

跟住去聖堂樓下食早餐.超好味~!推介~~~~

之後去了買報紙.返到屋企,睇埋報紙先.30幾萬張廢票.......真係好多.wow.究竟係咪真係做票呢?

then訓..........

then 同老豆去食野.跟住返屋企,教下亞妹d數.就黎激死我.好彩我唔係話paid to teach her.如個唔係...死了.

跟住頂唔順,再訓.

星期日電視永完都冇野睇.看了Pearl果個講美國10大天災.果套野完全有問題囉.每一節都同你review返佢地之前講過的天災,驚死你唔記得,而家我都可以背得出囉.......(考試又唔見我可以咁好記性wor.....)

跟住再睇o左d果齣無線電影.笑死我.....一d都唔好睇.渣到.............爆窗果下諗起Titanic.......香港渣版cast away...............

聽日又上8點半!快d到星期三就好了!

>>March 21, 2004 at 4:01:31 PM GMT+8

2004 年 3 月 19 日 星期五 【陰晴不定】

星期六,竟然冇online過!幾個月黎首次!沒法,太關心台灣.

亞扁得了.如我所料.見到連戰想喊咁.唉.真慘.呢d感覺就似考試50分及格,自己拎49分咁,點都要搵老師改錯果一分去拗返及格!

我冇話幫邊個.不過,亞扁受傷真係好多疑點啊.

~>坐佢前面果個訓緊覺架?冇理由成粒子彈飛埋黎都唔知wor.
~>呂秀蓮望到自己受傷,點解第一野就拎手袋?唔係話俾隔黎個人聽?佢仲話聽到一下槍聲wor.咁勁?全場人都聽唔到,只你聽到?
~?有人看到凶徒個樣.咁點解果陣咁多人唔一齊話追?袖手旁觀?
~>咁多人.冇理由冇人看到有個人拎住枝槍啊.仲有啊.果個人好似話係有拎住枝支持旗架wor.咁多隻手啊?
~>亞扁做錄音講話,隻手撳住個肚啊.個傷口邊有咁快好呢?咁撳個傷口會爆架wor.仲有囉,撳落去唔痛架?"hi"下都痛啦.......
~>知道綠營贏了,蓮姐同傳媒講,如果佢係連戰,佢都想打人!你真係撩交打呀............
~>個司機話佢決定錯誤,去奇美醫院.咁隔黎果個助手呢?又訓覺?佢都可以help去決定架.冇理由佢諗唔起其他醫院wor.咁o既情況就好似董建華係伊院門口暈o左,但點都要去廣華醫院救咁.

好多野講唔通啊.仲有.咁快出黎呈清做咩?此地無銀300兩啊?

唔講大選.講返我先.

一早去補習.

跟住返屋企食lunch.

同媽媽去超市掃貨.返屋企已五點.

去聖堂.

返到屋企.

Survivor好緊張!

Sex and the city下個禮拜冇得做喇!做Six feet under!點解!!!!!!!!

寫完!

>>March 21, 2004 at 5:49:47 AM GMT+8

2004 年 3 月 18 日 星期四 【陰晴不定】

又係Friday.算唔算Sad呢......?

今日一早上Psy.都係聽到d聽唔到d.好眼訓.

食飯.又係我同陳同學一張檯......唉.逃不過這宿命.我們去了味千隔黎果間拉麵野食.8個人.只可4個4個一張坐.

今日的分佈是這樣的:

勁人Joe,Man,Joyce同Jimmy一張.(我覺得比較八X的Clarins同Clarissa都唔係度.好彩.)
另一張:我,陳同學.William同Jason~>呢兩個唔熟的.隔硬黎.William都話係一起上Eng丫......但Jason就.........

一坐埋去,諗住見到有個唔識的人坐我隔黎,咪問佢叫名囉,佢講o左佢叫Jason之後好似好不屑(or不願意?)同我講野咁.aiya.結果,William不斷同Jason講野,我就不斷望住個電視.(好彩有電視咋)

呢幾派,就是因為我班豬朋狗友們(or 牛朋貓友?!)不斷講及"冰"的問題,我不斷在想回我怎樣對陳同學.或許,我真的要對佢公平一點.我不斷叫自己不要這樣對他,calm down.....但他....依舊問低B野..............最記得佢問William個頭點Set出黎的.(仲要William的頭只係超普通那種--吹起d頭髮+兩野泥already搞掂~>about la...總之唔係花巧囉)返到Space時,陳同學同我講:喂,你覺唔覺得佢個髮型好前衛?! In呀嘛...前衛...........如果呢d係前衛,咁張學友個駁髮頭係咩呀..................

我真係覺得我進步了,不要care太多佢講的野.不過成餐lunch都幾難挨..........

亞草,亞關,芷茵你地係邊呀~~~~~~~~~~~~~~救我呀~~~~~~~~~~~~~~~~我覺得我地4個SPACE人點都應該date埋出黎食餐lunch law.....最衰今日亞關date off啦,(次次星期五諗起呢點就心傷)搞到又唔敢打俾佢.

芷茵,多謝你的問候.多謝你記得今日是星期五.多謝你那很長的一句:CONGRADULATIONS!

開會.Joyce宿醉了(She drunk yesterday.)結果她在Eng corner 訓著了.講了好多自己都唔知做緊咩o既Sociology.陳同學真係好似個3歲細路仔咁,坐唔定的.又坐凳又坐地下又跪係地下又玩凳......."

好多堂唔見的Maria同學(Sociology groupmates)終於出現.但係....我地已開完會了............不過都叫做係識多個friend丫.

Sociology堂.坐我前面的果行d人全部訓晒--Joe(不再勁了),Clarissa,Joyce,Clarins.今日聽Miss講Sex and Gender,Family.....越來越發覺做女人真係好辛苦的..............

落堂.即刻標走.

打俾Cyrus.

Cyrus你個電話擺明有問題啦.我個handfree 插得很好,個咪又對住個咀你都話聽唔到.........仲要俾埋F聽........"

回家了.上網見到Survivor新踢出局的是Ethan!!!My god....都叫係靚仔丫........都走埋....SHOCK!!!!!!!!!

拜苦路.見到靚仔啊.WOW~

亞扁俾人用槍射中.你估會唔會係佢叫人射佢丫喇?係台灣,呢d野唔係冇可能wor....(正如adidas講,impossible is nothing!)Madrid火車死一死人就令大選result180'轉變wor.好多人話國親聯盟贏的話,亞扁可能覺得係係時候做d野呢?唔係冇可能啊...............仲有呀,亞扁做咩會show佢個肚腩任俾人影架?仲有呀,錄影講話佢"um"住個肚ge.咁樣個傷口好易爆架wor........................

That's politics!

肚屙.是AV前肚屙候群?!如果照今日咁屙法,一個月之後你地會唔應得我...................><~!!

聽日又是上班day.唉.

>>March 19, 2004 at 5:24:51 PM GMT+8