2004 年 3 月 17 日 星期三 【陰晴不定】

最鬼憎春天.熱又唔係熱,凍又唔係凍.想點呀....

今朝上英文堂.都叫識多幾個friend.幾開心.原來真係有人以為星期二要返學,真係返o左黎......."

皇馬竟然輸波.

發覺讀過文學的人寫出黎d文真係唔同d.好勁囉.d中文vocab...WOW~

中間3堂吉了去搵亞妹.Man與陳同學問我約了邊個,我就話:咪咁八啦........有點曖昧咁樣.....kaka~今日,我亞妹就做了我男友啊~

去到尖咀Super sandwiches,還早,才12點15分.亞妹應該差不多放了吧.

12:38分,亞妹到了.原來而家冇SMCC人黎呢度食架喇....成間野得亞妹係SMCC人.

好開心的午餐!不過只食了30分鐘><~

跟住去了無印.我又傻o左.買了成$72野......................

再去了商務(又去?!),買了一本想買很久的書--叱吒樂壇封面故事.Good book.$58.

周國賢,都幾靚仔wor.廿字頭就有個16歲大的女...........................唉.咁早結婚做咩呀..........

跟住返去SPACE.去到自閉溫書地方,才放下戰利品s,陳同學一野彈出黎(真係一野彈出黎!)話佢同Man坐在另一面.嚇死我.但我還是想靜靜的看看新買的書.

學習與男仔相處中.很難啊.學習除去對陳同學的偏見.正所謂歧視不存在,世界更可愛啊.努力.

搭船時,真的很大風.同朝早差咁遠架..........................

跟住上Felix.d Matrix實在太煩了.好辛苦先明今日教咩.......死了...............................

返屋企.I love you boyz首歌真係好好聽.I love you boyz上了Milk啊~勁搞笑~~~!!!諗起尋日聽了Edison首"香港地"featuring 冇牙婆,超得!

士多啤梨蘋果橙呢首歌真係幾得.Fiona把聲唔係好得咁......................(big contrast...........)

十份好today is last day lu~(又幸咁o岩聽了-______-)

大家多d去我的散文page留言啊~

見到朱仔寫文寫得咁勁,真想學習一下d讀過文學的人.記得果陣一睇芷茵d文,睇到嘩嘩聲~!

原來我同黃伊汶個細佬一班MB架!
~>忽發奇想:伊汶=二汶=伊人=EMAN?(大家知咩啦~笑死.)

發覺今日俾Cyrus激死.

~>佢考緊試仲聽我電話:我話o左我遲d打俾佢,佢都唔收線.-_________-(緊係咁搞到你做唔晒啦..)
~>我差唔多上堂佢先打返電話黎.
~>落堂後未踏出SPACE已打俾佢,點知唔聽我電話.
~>終於聽到佢打黎喇,但係佢個Sony Erisson好掂囉,窒晒.at last都係傾唔到.
~>夜晚我個電話響了5次(about/at least)來電是Cyrus.以為呢個死仔打黎做咩,點知喂極都冇人聽,以為又係收得唔好啦,點知.....第二次打黎又係咁....3rd time都係咁....................跟住差唔多都激起我把火了(徙晒我d分鐘!!!!!!!!!!!!!!!!!!!!!!!!!!!!!)就打俾佢(竟然醒唔起該用屋企電話打俾佢),叫佢記得lock返個電話.都唔知點解佢仲笑得出.............
Cyrus~你果個micro wave轉盆整返落去未?(好想你亞媽知道啊~^O^~黑心的我~)

黑色眼睛............周國賢真的不差啊................(首歌係目黑是o岩.........)

今日篇日記d時敘亂晒..........................多多包涵啊~!

>>March 18, 2004 at 4:55:50 PM GMT+8

2004 年 3 月 16 日 星期二 【炎熱】

今日返1點,幾好.

交了QA.冇咩丫.豁了出去了.

跟住上Philo.又要寫essay...想死咁.........仲要3個禮拜後交囉.....點寫呀...................

放學.去了尖咀商務.本來想買埋果本鄭梓靈.at last都係冇買到.no $啊....

見到素黑本書!但係都係唔寫得買.........

聽到I love u boyz的歌!好好聽,好搞笑!

好平凡的一天.

返到屋企又同到朱仔傾計.好滿足.

寫了"生日禮物"一篇野.得閒去看吧.

一日咁就過去了.

>>March 17, 2004 at 3:29:19 PM GMT+8

2004 年 3 月 15 日 星期一 【炎熱】

好一個放假day!

今日都訓到成11點...鬼咩...今日要返工呀...唔係我一定訓耐d............

下午返工...超悶..............................

放工返屋企~online先...朱仔有online呀~好野~

再寫了篇散文--靚仔2.好多wordings同上一篇差唔多.今次卻惹來路人的暗寸.唔緊要啦.或許我真的幾寸.唔係個個受得吧.寫得出黎就預o左.

諗諗下...我好快20歲喇...係時候諗下要咩生日禮物喇.係2004年3月16日之前生日的,點解我唔送禮物俾你地係因為我真係唔知買咩俾你地好.我有問過你地架,但係你地又話是但wor...咪唔送囉.唔可以怪我啊...........

聽日返1300!太好了!又可以夜d訓了^v^~

>>March 16, 2004 at 3:28:10 PM GMT+8

2004 年 3 月 14 日 星期日 【陰】

又係8點半.星期一每每就係起身果下最痛苦........

用了新電話聽收音機...聽到曼聯又輸波...唔係嘛...冇了里奧就變了這樣?d後防都唔知做緊咩咁...

返到去,o岩o岩8點半.超眼訓.Felix入到黎時我已差d訓著.今日同勁人Joe坐.First time yor~唉~今堂又計Matrix...如Felix講..煩到嘔.

跟住Psy..超好笑.一個星期裏最開心的一定係呢堂.

跟住返屋企.

好耐未食過媽媽整的Lunch!好好味!!!!!!!!!!!!!!!!

跟住返工.咁就一個禮拜啦.已放低了俾人偷野呢單咁令人傷感o既事啦,但係就因為返工,再提起....唉.

都係冇咩野做.中間3點幾度次次都係要經過一段超眼訓時期.捱過後又會勁精神wor...超驚~

跟住同"Aiya"男友--Cyrus傾電話.Cyrus,我地大家都係需要一些空間去冷靜下.............你在AL努力吧.......我知道,我們會捱得下去的.我們的"感情"是經得起考驗的.........笑死......................>V<~

QA終於print o左出黎了!!!太好了!!!!!多謝亞妹同老豆!!!!!!!!!!!!!!!!太愛你們了~~~~~~~~~~~~~(都唔知邊個做project law...自己參與最少.........)

好野~ 聽日唔駛返學 !!!!

>>March 15, 2004 at 4:17:19 PM GMT+8

2004 年 3 月 13 日 星期六 【陰】

Annie,生日快樂啊.你又老了.

一早起身去聖堂.鬼咩,尋晚收到今日當值的司琴Pamana電話,話今日唔得wor,問我得唔得,唔通話唔得咩......結果尋晚因為搞QA搞到成兩點訓,今朝7點又要起身....

一起身...激死~亞媽頂住個廁所...等了勁耐.......

去完聖堂,落茶座食野.聖堂茶座的野真係超好味.........

跟住又係時候出去搵真銀喇.俾果d咁o既三角形數矩形數正方形數煩死.我計呢d都唔係好掂...仲要教人...大鑊...下星期教速率!!!我最唔掂的一課...唔係喇...問定亞媽...叫亞媽教返我先.......

完了補習,就行去地鐵站.寄了信給Joel與Venus.原來地鐵站都唔係好遠,at least比我想像中近.打極俾Cyrus都冇人聽.激死.諗住睇下會唔會撞到佢ga ma.......

等了一回見到芷茵了.我們便一起去旺角.今日我地約了Annie同埋期待以久的一個人............

Annie,你又遲到................

傳說中的Ryan樣子比我想像中更平凡(before我已盡量去想像一些很平凡的面孔...點知比那些還要平凡)用來做男友已夠了.都叫做有d gentleman風度啦.最正就係諗到去邊度食,唔駛我諗.我在想,第時搵男友都要這樣.最記得d男仔成日話就女仔,結果成晚都諗唔到食咩...................

去到食野果度,野食就好普通喇.唔講得上好.但我就記得我地3個女仔不斷笑死,都唔知笑埋d咩.我淨係記得我發現原來Annie係一個好記仇的人.唉.我竟然有一個這樣的朋友.............

跟住四圍閒逛.越來越發覺旺角真係唔係好o岩我行.衫一件都睇唔上眼.完全諗唔到兩年前我還在那裏買去ball的衫......................

跟住返屋企.勁眼訓.5點幾俾老豆鬧了一大輪--我返屋企瑣了門,老豆入唔到屋企...........唉.狀態奇差................

起身之後做了d QA.

食飯.

冇野看,睇埋Charlie Chaplin Modern Times下半集.好好笑!好好睇!

看了鄧萃雯的戲.劇情又俾我估到晒喇..................唉.我都估到單野同果個做律師的有關架喇...不過好勁囉...講鄧萃雯係Lesbian...唔係wor.....係bisexual wor...............唉..........佢唔係淪落到咁呀........

QA終於做完.....死咁滯.............

跌了眼鏡落地!!!!!!!!狀態奇差really..............早點訓吧.聽日又要見Felix了.

>>March 14, 2004 at 4:58:57 PM GMT+8

2004 年 3 月 12 日 星期五 【炎熱】

尋晚唔夠2點就訓了,今日訓到成點先起身.......

吃過午飯,回家時,竟發現....信箱有Joel的回信!!好開心!是封很長的信呢~

回家後立刻回信.跟住做QA.

都係唔係好識用Excel...好彩有亞妹教.........

跟住食夜晚飯.又有得看Survivor了!!!知道後兩集Colby走了!!SHOCK~!!!!!

Then繼續做QA.......

SATC今集普通jek~

很想看亞Sir來自樂人谷啊~~~~~~~~~~~~~~

>>March 13, 2004 at 5:42:12 PM GMT+8

2004 年 3 月 11 日 星期四 【晴】

日記人氣變五位數了!好開心!多謝大家捧場啊~得閒多d留言.你的留言就是對我的認同.

今日仍逃不過星期五不開心的宿命.幸好,朱仔--一個我識了四年,近五年的net friend,平衡返少少我的心情,如果唔係...今晚我會喊得更厲害..........

尋娩都食兩點先訓,今朝6點45就起身,洗頭.還有點"宿屙"肚子裏還有著很多氣...

約了亞草8點.搭船時見到很多學生,sport team那種...嘩,睇黎今日有大件事wor.

對,今日是有大件事--我會去看我的net friend,朱仔比賽.

都不是太好胃口去吃早餐,始終還有點"宿屙"...跟住已見到夠鐘,朱仔比賽了,就和亞草行過去灣仔運動場.

都幾驚,唔係好敢行入去.呢種膽怯的心情沒了很久...我一直在想...不如走囉...咁多學生....我入去好似怪怪的.......

我還是入去了.字幕版上就打著朱仔的名字.好準時啊.我不停在看著第3線...都不見朱仔的蹤影...識了咁耐,見過去多佢o既相,都係未見過佢個真人...唔知佢係點架呢?

跟住要on your mark了.終於見到朱仔了.但還是不大清楚.槍聲一響,嘩,個個都勁快!!!!朱仔都好快!!!超快!!!!但係都係得第二.......我真的很緊張!!!!!!

跑完了.朱仔再喘氣.我想落去跟他相認.到了跑到旁,他還在喘氣啊...大鑊...我該叫他嗎?我還是叫了.我介紹了自己後,他伸了隻右手給我,握手!我從未試過第一次跟net friend見面是握手的.我感覺我的臉發熱.....................

很快走了...回到Space,跟草談了一會,那時候我才發覺原來我和亞草看很多事的觀點也是一樣的,多好.以前一直都唔覺呢~

上Psy堂.今日亞Sir問我問題呢~他記得我!!好野!!他記得我!!!!!!!!!!不過我隔黎d人.....唉.......勁人Joe用他的lap top玩game,Clarins用電話打機,Man在釣魚.陳同學.....冇返啊!!!!

跟住食晏.妖...原來勁人Joe同Joyce都有約,得返5個人............唉,早知我又走啊.............

同佢地食飯真係勁冇隱.Man成日問:喂,陳同學冇返啊,有冇掛住人呢?又會話(this he said in Psy lesson)專心d上堂啦,唔好諗其他野!妖!!!!!!1

跟住周圍行.悶爆.

我說了一個謊.不可原諒的謊.一個令我傷心的謊.但我那時只可說謊.

很痛苦.

跟住上Sociology.很喜歡個Miss啊.原來已week 6!今日已有第一個presentation.....好彩我果個係o係week12.....但係都係咩都未做過.

跟住同關傾計.行過修頓球場.見到Kai Bo........唔係嘛?咁橋?!唔好玩啦.........

跟住同亞妹兜了黃埔一陣.

去拜苦路.又見到Kai Bo......呢個點都係真架啦..............................

跟住食飯.看了Charlie Chaplin的Modern Times.$15隻vcd.好抵呀.好好笑,也好有血有肉.

我好討厭SAD FRIDAY!!我要改變.........點解我識唔到靚仔架..................................................

>>March 12, 2004 at 5:16:32 PM GMT+8

2004 年 3 月 10 日 星期三 【炎熱】

超暖day!超充實day!超...................day!今天的日記有排打囉~

一早起身跟老豆食早餐.Thurs and Fri早上的特色.好飽!今天的狀態還是不大好,還有少少"宿暈"(這是因為我看"亞Sir黎自樂人谷"在Roadshow 的promo時,講及"宿醉"點解--就是I drunk yesterday.~>所以有"宿暈"一詞...)沒有MD跟我一起上路,一點也不好受,往碼頭的路仲好像特別遠,行極都行唔完.....

返到去又上Richard.其實我真的很喜歡英文.(註意:我是喜歡英文,不是喜歡Richard.都唔知點解之前勁人Joe話我like Richard囉...我只愛一個人...就是..........FELIX~~~~~~~~~~)我很喜歡上英文堂!很舒服,做下Past paper,聽下書,抄下notes我也會覺得很開心,但時偏偏隔黎果d人d vocab比我更差,又唔識串字(我d vocab已好差架啦...)搞到我好似好勁咁(根本一d都唔係).其實我好想active d去答問題,但又好多障礙.......唉..................

上完Eng堂就即刻標走,見到果班人真係見多陣都會唔開心.我好希望我快d識到多d fd....(Um....例如細面Don少丫.......)約了Venus在尖嘴等.去到都係12點,佢12點半先落堂.我就去了商務.我見到好多好書呀~姚安娜有本書好次幾正,但係$80,勁貴!仲要好薄的!唔抵啊~跟住見到木子美的書又好想買......(已傻了.......之前為了CD發了顛,而家是書.....)跟住再睇到我很喜歡的女作家鄭梓靈的書.近幾本我已看了,所以買回一些她的舊書.買了"活在過去,愛在過去".我看了她寫的序之後就決定要買這本書.這本書就是關於過去的.買這本書,我就是希望能找一些新靈感去寫Part 4吧.....而家真係一點也寫不出.....(我知道很多朋友等緊的......)我最喜歡鄭梓靈所說:也許,我們一生最清醒的時候,就是沒有情人的時候吧.很對啊.就是因為這句,我更加肯定我非買這本書不可.我現在就是這樣的心情了.

買了書後,就去了隔鄰的Mc Donald,買了杯大鮮橙汁,就坐在一旁看.她的書,我覺得比張小嫺的好看多了.又平過她的.才$40.又厚呢.真的很抵看.大家不妨買一本看看(賣廣告啊.........)看了近1/5,Venus就打來,到了.

Venus仍是一個很美的人.真的,她很美.高高的,瘦瘦的,及肩髮.皮膚又白,來自小康之家.有男友,好 不幸福.(她就是小說中的雅麗~>一個很貼切的名字)她始終都係行得好快.追不上.但是,這就是她.又是個金牛座的女仔.

我們去了"麻員彰房"~>Citysuper下一層的日本餐廳.氣氛不錯,但.....又係只食氣氛囉.........野食完全唔得.唉.咁就$50.唉.兩個鐘的錢啊.咁就冇了.

跟住都行了一陣.就散了.我就回去Space.原來我一直都入錯了Cyrus的電話...唔怪得啦.............不過....好彩最後都打到^^~

會到Space,諗住去溫書位坐,繼續看我的鄭梓靈.但係冇位........唔係......有位.....但係...係坐陳同學隔黎.......我知我真的對他有偏見.我不想的.....但係偏偏又.................

上堂前已看了3/5的書了.好好看!

Felix剪了髮!上堂前佢又問我.喂!你日日都見到我,唔厭架?我話:哼!你估我好想見到你架?唉......女人果然是口是心非的動物........

又見到細面Don少啊!!!!!!再見到那個好似張智成的人!!!(Cyrus竟將張智成同張如城撈亂.............")WOW~呢兩個人仲要係Friend啊~望到佢地,上堂也為之一振!(再加埋Felix...WOW~~~~~~~~~)

落堂,又標了出去,一望電話,Cyrus有個SMS俾我,跟住勁驚,見到個電話閃的.原來亞妹搵我.佢話H.E堂整了野食,點知聽到話我唔返屋企食.我知佢錫我啊,所以我無論點都叫佢留一件俾我!!!!!!!!!!有著這樣的妹,何其幸福!!!!

叮叮勁逼...連果個好似舊式超市果個入閘(那個是閘嗎?)都入唔到,頂住.........不過好彩好快到.約了Cyrus.我們看了20 30 40.很好看.皇室戲院好處就係:戲院頂頭d燈就好似一顆顆星星.........

我在戲裏最認同的一段一定是劉若英那段.我原全感覺到她的寂寞.....我也試過有著同樣的感覺.......任賢齊勁搞笑!對他完全改觀!!都有80分架!仲有好多笑位~不過套戲o岩o岩上,廢事講晒d劇情出黎啦.............

跟住我地就去搵野食.度度都勁多人,是否代表度度都好好食?在Sogo果頭兜了一圈又一圈,結果,還是逃不過那個宿命,又去了紅螞蟻--一個我上個禮拜五先去完的地方.

坐正門口位!我肯定上一次好搞笑果個waiter認得我......餐牌唔同了!唔霉的!!!!!!!!

肚子仍然不大舒服.看來是因為下午的橙汁(那時卻偏偏想不起是因為這而肚痛).勉勉強強的吃了一半的麵.其實很好吃的啊.......跟住再吃了甜品.由於我有著吃飯會四圍望的習慣,一那時一望後面,見到一個很熟的面孔--很像茜利妹.跟住後面果個.....咪住......係.............林一峰呀!!!!!!!!!!!!!是林一峰!!!!!!!!!!!!!!!!!!!已不是第一次見他真人,所以一定很有印像!!!我肯定那一下他也是望著我的.......四目交投......WOW..........我很愛你啊林一峰.....點解你係gay丫................................(諗起Queer eyes for the Straight Guy那FAB5...也是Gay的.......心都傷透了.........點解gay guys usually are great guys?)

同Cyrus講了很多野,成餐飯都食o左成兩個鐘.兩個人都有點語無倫次--尤其是我把死玲講成死井(仲要係若無其事,覺得冇野咁)開始傻傻地......................但係好開心!!!!!!!!!!!!!!!!!!!!!!!!!!下四我們再來吧!

返到屋企即刻標入廁所........肚子終於舒服返d喇.再吃了亞妹整給我的食物(佢話我唔食會打我啊)跟住又看了新聞,聽到馬德里有火車爆炸誤以為新德里有火車爆炸........(一個係西班牙,一個係印度..........)今天真是傻了.

WOW~今天日記很長啊.

聽日又係Friday......hope is not sad.

>>March 11, 2004 at 5:39:13 PM GMT+8

2004 年 3 月 9 日 星期二 【炎熱】

今日好好太陽啊~

心情總叫平伏了點.總算這個世界仲有人理我,呢件事發生o左都係得一個人黎留言.....................唉...........

今日返學,嘩,一入到班房已勁多人,激死,要坐到勁前,望唔到Felix的樣子.妖...........間班房勁焗啊,搞到暈暈地tim~就好似亞草話果隻暈~個靈魂好似飛o左出黎咁...我個軀殼就好似仲聽緊書,但係個靈魂就唔知飄o左去邊.......

跟住上Philo.講完Decrates了.WOW.好辛苦先明少少佢講o既野.黃清華仲話會有Mid term essay要交添!仲話要係week 10交(today已week 6)

等到成4點05分,終於break.最搞笑黃清華話見到我地都就黎死咁....kaka...你知就好囉....跟住個頭仍有點暈....冇法,都出去行下,順道搵下芷茵.見到芷茵,個樣有唔同o左咁!(靚了~)跟住發現,原來佢都識細面Don少!!!!!!勁搞笑!!!!!!

跟住芷茵同我一齊去上Philo.好開心!佢戴了我最喜愛的Pocky百力滋!!!太開心了~好快食晒了~今日教mind and the body.WOW~有點深~不過Philo第2堂是最好上的,因為好多人都走晒,靜好多~第一堂就勁嘈,好辛苦先聽到亞Sir講野架.我同芷茵好耐冇咁笑過喇(正如亞關說,她常都好似靈魂出竅咁...kaka~)原來佢識好多Philo班同學架!好多都係佢普通話班的同學!不過我同佢都係勁唔like佢地~haha~笑死~

好快落堂喇.第2堂Philo一聽過得好快.我成日同自己講,只要挨到第1堂,第2堂就會好快過架啦~今日又係一個例子~

跟住同芷茵一起搭船.跟朋友一起真的很好.令我沒有那麼不開心.只要和她們相處,至少我不會隨便胡思亂想吧~所以今日都好開心架!

希望快d買返個MD...沒有音樂真的很辛苦...終如明白咩叫"No Music No Life"喇..........

返到屋企,老豆話買o左好好味的魚旦,要我去買生菜.都係樓下je.我成日同自己講,我要執好間房.等我d朋友有機去我屋企坐坐.結果.....................大家知道啦......................

返到屋企,記得芷人同我講話我好耐冇咩散文啦,諗住寫返篇.跟住打到一半,唔知搞咩咁跳返出主頁.激死...跟住已冇mood打喇...朋友們...等多陣吧...呢派真的發生太多事了.........

夜晚睇返尋日報紙的專欄,看到Pacino Wan評衫,實在太有同感了!評的,就是楊千樺o係concert d衫.我最認同他所說的:香港歌手多年來舉行演唱會,往往很注重歌衫,便會揀一些誇張的衫,以滿足觀眾.其實很多外國歌手都唔會著到咁隆重,多數以簡單樸素為住,就算真係要隆重同誇張,都唔會件件都係咁,呢種表演方式已經好落伍,不過,香港觀眾已經習慣o左,要歌手著到咁先會覺得抵睇,所以,有時都唔怪得晒d歌手.

好o岩呀!其實呢d野當然唔乖得d歌手啦,但係就要話幫歌手買衫果d人囉.我一早已話,果d衫好核突架啦,都唔明果d人點解仲話好靚架,咁都講得出口.簡簡單單已好好啦,唔好貼錢買難受嘛........

看來我該去學下評衫.....做Nel Nel後人..............

>>March 10, 2004 at 4:09:55 PM GMT+8

2004 年 3 月 8 日 星期一 【微冷】

各位朋友,你地可以打返我手提喇.我今日去買了新電話.

今日又一早上8點半.我真係冇咩心機上Felix堂.今日Felix一入黎就向住我話,喂,你都幾慘架wor.我係度諗,唔通佢又知尋晚發生了咩事?點知原來佢話,你都幾慘架wor,俾我教果兩科,兩日都要有早堂......唉,Felix,我真係冇咩心機聽你開玩笑啊.

今日QA ok 啦d野.但係自己的心情仲未好係恢復到.那種不安的感覺纏擾著......

上Richard的堂好辛苦才挨過了.見到關.真係好想攬住佢喊.俾人偷野看似小事,但對我的打擊真的很大.所偷的東西對我來說都是很重要的.錢是我很辛苦賺回來的.電話是我自己好辛苦去買的.銀包是我自己揀了很久買的,裏面還有我與表妹的合照.....Net MD是老豆買的,買了這個md 後,我發個誓唔可以俾佢在跌落地..........手機的電話繩是亞妹穿俾我的.....很多很多........我真的很想哭!卻沒有人幫到我.....所有東西卻要自己去面對.記得剛發現沒了這些東西時,我不斷叫自己要冷靜,我已大個了,不准哭!!!但是打給爸爸時還是哭了..............

在上Philo tutorial時,已悶到嘔.我真的不想去聽點解會有邪惡的事...etc的東西.什麼也聽不入.只想快d完.

落堂即刻走了.要去申請過id card.

搞o左一大輪,盛惠$395.唉.

跟住去問Octopus果d野.又話要等消息.唉.

跟住返了屋企.打俾老豆去整個電話sim card d野.Orange店買唔到1100,結果出了旺角.行o左好耐都搵唔到.結果用$800買了2300.感覺很難受.一點也不開心.

現在還是不能平伏心情.激down.

爭我錢的唔該快d還.我而家真的冇錢呀.

>>March 9, 2004 at 3:38:36 PM GMT+8