2004 年 2 月 16 日 星期一 【炎熱】

今日好充實!

尋日返工前做mask--上次俾人屈錢時送的試用裝!點知皮膚敏感!!!!我買果隻又冇事wor!點解架...好痕呀搞到.....點算呢?我該用d咩護膚品then?皮膚很差now~但又唔咁亂搽/用其他野住.所以都係齋用洗面膏咋....冇法><~

今日又係8點半堂..唉....

一早醒了,我在想,鬧鐘響o左未呢?好似響o左喇wor...又好似未響........跟住又係度諗,如果鬧鐘響o左我冇理由唔起身架....跟住鬧鐘就響了.也許香港人就是這樣,異常的精神緊張......

今日突登搭遲一班船.好慢咁行去碼頭.時間o岩o岩好啊~入到班房仲要係得我一個人-________-....下幾次都搭呢班船喇!

8點半,又係Felix.今日佢話有個final o既點名紙,又係度點名.好鬼緊張.成日驚會miss o左自己個名.又驚我自己咁諗時就嗌我個名,唔知舉邊隻手好.......

今堂QA(I)超悶!!教返點畫bar chart,pie chart,histogram....悶死........

好辛苦先捱完QA(I)~>少有的話要捱Felix的堂ka~跟住上Richard.又係一樣,好痛苦,又眼訓.返到屋企食完野就訓先得!!!不個見到亞Nick啊.好開心了.

用果本書都唔知用黎做咩囉......廢廢地.

跟住又話要玩果d眾裏尋他的遊戲...即係寫一個about自己的adjective,再寫自己鐘意做咩同埋你覺得d咩係最重要落張紙度,再俾人估咁.廢到.....抽到我的是陳柏文...oh...唔係靚仔....(最衰亞Nick同我坐同一面~>左右交換:即在classroon左面的人同在classroon右邊的人change...唉...)最緊要係我抽到果個係我完全唔會注意到的人,叫Alan.見到佢個樣就想............咩...囉.佢寫的東西係:funny,reading books,all people health(healthy呀?)唉,我一d都唔覺佢係funny囉.......最搞笑係坐我後面個女仔抽到的那張個adjective寫住的係"Good".......寫得好!!!!!

好痛苦又捱到落堂,返得屋企.在locker見到Nick!!!^v^~跟住佢幫我閂locker!(我條key俾佢拎過的!!yeah~)好開心!亞媽打俾我話亞國搵我.再打俾亞國,就話叫我下午返工....唔係嘛...我d訓覺時間呀....亞媽話叫我放工訓囉,但係之後我又要去妹妹的學校聽野...唉...

今日返工都冇野做ge,就係去買d膠箱,但係又唔駛我拎架wor,跟住都唔知去黎做咩....行到支力到死,又眼訓wor.....

返到屋企,開了陣腦,又出去.亞妹學校搞個遊學團,有info聽,個個唔得閒去,就結果係我去了.去學校點都唔可以著得太casual,結果著了件恤衫+冷衫+牛仔褲+尖頭鞋.6:30開始.

我驚Austin Road會塞車,所以5點55左右我就出門口了.去到小巴站冇小巴,等我又驚會唔會等好耐(我試過等了大半個鐘小巴...)點知3分鐘後又有車,沿途一路暢順........(my god........)跟住去到SMCC果頭都係6點過少少-___________________-結果我去到新港先落車...再行返轉頭..............

行到park lane,突然覺得隻腳跟好痛.冇理由丫,明明貼晒膠布架啦....(後尾先知係因為塊膠布俾對鞋界爛o左-____________-)行到山林到都行到死o左咁...跟住眼前一亮:是倫永亮呀!!!WOW~真人黎架!!!想問佢get簽名tim...但果時隻腳又痛,仲要人有三急,再加埋就夠鐘......都係冇get......

以為會在SMCC見到好多舊先生,點知都係得Mr. Oliver一個,仲要佢唔認得我....Bonnie Leung個負離子頭完全唔得囉...幾廿年黎佢d image都唔係好得咁.Meaco Kwok成個良家婦女咁-___-...個talk都係sell野咁,計落都唔係好抵,成2萬蚊玩兩個禮拜.........呢d野...都係留返俾果d有錢人玩啦...去澳洲ja ma...實有機o既妹!!

聽完都支力死,跟住仲要拐下拐下咁行去巴士站......做女人真係好痛苦....

好彩聽日返1點...不過都唔可以咁晏起身...唉.....................聽日get 新眼鏡啊!!!又上Philo堂了~好開心呀~不過第一堂仍是Felix...-_________________-...

>>February 17, 2004 at 3:57:29 PM GMT+8

2004 年 2 月 15 日 星期日 【微冷】

一寫日記又要諗返起今日發生果d咩.....咩都唔記得晒咁............仲有個問題就係次次我係呢個時候log in,就一定log幾廿次都log唔入.本來諗到寫乜都唔記得晒啦.....

情人節過去,又要返學.好彩尋日要早起去聖堂,所以今日起身返學上8點半堂都冇咩野.又係搭早o左班船,結果唔知做咩.去到common room又冇報紙睇.au下au下咁....就拎了本簿仔出黎諗下點寫part 4啦....都唔知點寫好喇.我對佢o既記憶最深果d就係part 1~3.part 4果度好多野都唔記得添....

尋日諗住後未log in 返寫d野,又log唔到,今日記返先.觀音大使又借錢俾人喇.我成日係度諗,點解佢有咁多錢ge?今日MB(Math for Business)教compound interest,我在想,觀音點同人計息架呢?我屋企就係望到觀音廟,尋晚8點幾已有人排隊,10點幾果條街就封晒了.wow..........好多人.睇報紙話原來at that time已有3000人在那裏!!!!!!

講返今日先.今日一入到MB個班房,勁人Joe就問我係咪同佢一組.我同佢講,我都好想呀.仲問我係唔係Clarissa.....唉.........我同佢講,你當我係啦~佢咁快就諗present d野喇!!好勁呀!!果然係勁人Joe!!

跟住上Psy堂.今日都算勁day囉...上堂lecture都係教biological Psychology,所以都係死記things,唔知點問的.跟住就話選班長.由於大家都成廿歲啦,都淡薄名利,冇人會舉手做volunteer的.我自己心裏當然係好想做的,但係都係冇舉手.結果,Frank Sir就睇今日係16號黎決定.真係做戲都冇咁橋呀,16號就係我..............我心裏面有著萬分的喜悅,但就唔知同邊分享咁........

跟住繼續聽Frank Sir講野.講及Pleacbo呢樣野,我上堂不嬲都au下au下咁架啦,今日俾隔黎個陳柏文寸死.佢問我明唔明Pleacbo,我話唔明呀,佢就同我講,唔明你又up頭?我都唔知點答.........習慣了...

放學返屋企,再上班.今日去燒聖枝.俾果d煙正到標晒眼水,好似拜山咁..............跟住都冇咩野做...空閒得很.

放工.My god....呢個月已經食o左唔知幾多次燒肉喇.....老豆剪了頭髮啊~靚仔了.

看了段報導:新加坡有電視節目教造人....唉,Birth rate低都唔駛搞d咁o既野啊.....仲要d人淨係大背脊睇........點睇呀........好難影架wor........唉.

又在想,點解我次次做subject leader呀果d野都唔係投票出來的?F2 RE subject leader是抽簽的,F4,5是因為冇人肯做,而且我果班得4個人讀Music......F6 Katso副主席是點指兵兵出來的....今次就撞o岩16號..............點解.........................一點也不好受..................我是否次次都要咁樣先會"中標"?

再在想...而家d教育......打架呢d野成日都有架啦,果時聖心都唔少.唉.跟住d先生又差wor.唔係點會咁多人請補習先生,咁多好似我呢d好等錢洗的人好易咁搵到份補習工?

我好贊成cut大學經費.我好贊成應該按科收費,仲有,唔係HK resident就要俾貴好多的學費!!!

柚子綠茶是咁多隻綠茶最好味的!

>>February 16, 2004 at 4:01:13 PM GMT+8

2004 年 2 月 14 日 星期六 【炎熱】

超級溫暖day!

芷茵!當我爭你同你呀媽即我亞婆一餐!!你為我帶來一份工作!!!多謝你呀!!!

一早起床,超眼訓,但係都係要起身,去聖堂.又到了第3個星期日.又是我彈彌撒了.

返到屋企都係好眼訓,所以與周公再續前緣.......

整個下午在不停的打Part 3....希望大家鍾意啦.Part3是很難寫的一part...因為好多野都唔記得,結果要作,咁作又要通上文下理wor...搞o左好耐!Part 4都唔知點寫好.......

記得尋日返工時同亞國傾開計,講到基督教同天主教的分別.美國就是一個基督教國家.看60 minutes 這個節目時就報道話大部份的美國基督徒都會投Bush一票--就是因為Bush也是基督徒...my god....咁都得?唔係有能者居之?!我們言談之間雖然發覺天主教同基督教有很多分別,也看到基督教有時有d教徒會比較激進,但我非相同意亞國談到的一點:縱使天主教和基督教有很多不同的地方,但是我們之間有著更多更多相同的地方,為可我們仲要著眼在那少少的不同呢?講得很好啊!!!

最憎星期日夜晚架喇!冇電視節目好看!!!!!!

聽日又返8點半了....God.........................

>>February 15, 2004 at 3:12:08 PM GMT+8

2004 年 2 月 13 日 星期五 【炎熱】

今天又是個暖day!

一早起身,已是12點,還是很累呢!!!但要返工,冇法.叫了亞妹落去買麥記.

外買麥記始終冇咁好食.

返工.冇咩.今日好暖啊,所以就著了短袖衫出去.好悶.又唔知做咩wor.

好快又放工.返了屋企,打了篇散文.又好快到食飯時間.星期六的時間總是過得特別快.

期間收到芷茵的電話,為我帶來一份工作.多謝你.

Survivior又有得睇喇!好野.

Shakespear in love好好看!!

唔記得講,尋晚收到他的icq msg,祝我情人節快樂wor.我在想,不如add返佢啦.就add了.跟住佢問我有冇街去,我話冇,佢又答:明白!他還是一樣.我仍然討厭他.結果,我再delete了他.很戲劇性啊......

我真的冇野.(講了好多次啦你....)

>>February 14, 2004 at 3:55:20 PM GMT+8

2004 年 2 月 12 日 星期四 【炎熱】

暖day.暖的黑色星期五.

一早上Psy!Wow~越黎越喜歡上Psy堂.今日果堂其實好Bio,但係已冇上次咁悶!果個Sir都講得好好!

跟住就同2月sem人去唱k.其實講真,都唔係同佢地好熟,不過是但啦,唔係點識到fd,係咪?!

一行7人:我,Joyce,Clarissa,Clarins,Sean Man,Lym,Nick.成班都係AA人,係我唔係.(AA--Arts Appreciation)唉,冇野好講.都唔知點講囉,溝通唔到....越黎越認同Miss Sociology講,香港學生都是逆來順受的.識到唯一唔係2月sem人Nick.幾開朗呀個人.唔,係可以考慮的啊.

都唔知搞咩架,係都要去咁遠,去加州紅唔得啊,要去Neway.....差唔多ja ma d歌.......唉,冇野講啦,大隊話事.

去到,一坐埋位就話係嗌野食.呢樣我真係第一次見囉.我次次去唱k都係個個爭住點歌多........."

傻架,Joyce唔駛10分鐘食晒碟飯.....

好悶囉佢地揀d歌.有人五音不全囉.在我的朋有圈子裏都有三音不全的人ge,不過今次係五音囉....唉....點o左twins果首嗌到就黎死果首歌,結果得我一個唱.............no thing say la...........Sean Man的聲係磁性啊!!(記得Joyce話:咁你有冇俾佢吸到啊?我:......................~>完全click唔到at that time....)

跟住返學校.好唔得囉佢地,唔cut歌ge......................唉...........跟住話方力申靚仔囉.....唔係嘛??你幾歲呀????唉...........跟住仲話佢個胸好大.........o god..............唔通而家女仔揀男友都要"波大",要睇cup數?(唔好意思,有點粗俗...")唉.........................................所以話,溝通唔到.

跟住返學校.7個人個個都係上Sociology.

唉,搞錯呀...點解可以Sociology,Psychology,Philosophy都係要教Hypothesis,Theory果d野架....聽唔止3次喇已經...........help...............

Miss Sociology真係好得呀~又係like Starbucks的.上堂佢一定飲的.講野都唔係好悶je!!!

上堂時,望到Joyce個袋.嘩!Vivienne Westwood,再望,絲襪,都係Vivienne Westwood!!!仲有Chanel介指!!!!!名牌王啊!!!!!

最鬼衰就係要Sociology要分group,大家因為勁人Joe而爭入佢果group.唉.結果抽籤....Yeeeeeeee(知結果啦.....咪就係........咩囉..........)

跟住返屋企,唔想返屋企住,叫了亞妹落黎,去了吉之島.有個Sales話送咩Mask俾我,我咪行埋去囉...跟住就俾我試呢樣試果樣咁.........坐o左係果度成本粒鐘...............俾人屈了$324....買了樽mask.開頭係咁諗ge,不過,果隻mask係真係幾好,我而家係諗:THIS IS INVESTMENT!!!!!投資在自己身上!話明要變靚嘛in 2004!!!!!我唔會俾呢幾百蚊白花!!!!!!!!!!!!!!!!!!!!!!!!!!!!

之後去了esprit,去salon果邊拎了張7折card-只限在黃埔店and黃埔resident用.

跟住返屋企.uptil now,都係好想買波鞋,買背囊!!!!!後者已有目標.爭咩呢?咪就係.......最緊要果樣囉.

尋日唔記得講,我收到Michelle的post card喇.多謝你啊!!!!!!!!!!!!!!

已是Valentine's day喇.Annie,Amy,你地就好啦,有節目.....聽日1300~1700我返工啊............"不過咁年我好勁,冇feel!!!!!!!!!!!!!!!!!!!!!!!!!!!!WOW~~~~~Let's celebrate!!!!!

黑色星期五都唔係好黑啦!!!!

>>February 13, 2004 at 4:42:01 PM GMT+8

2004 年 2 月 11 日 星期三 【炎熱】

今日前半是開心,後半是down.

今日天地堂,唉...............一早上eng,還是那樣的悶,Richard講了4堂,同第一堂o既野都好次係一樣.....

跟住返屋企.好眼訓,又唔敢訓..........唉.跟住又返學.

上Felix堂,唔知點解,突down................

好開心,聽日同新朋友唱K!!!!!太開心了!!!

add oil~!

>>February 12, 2004 at 3:23:12 PM GMT+8

2004 年 2 月 10 日 星期二 【炎熱】

好暖~~~!!

今日返一點~好野~可以訓多d.好滿足地起身.跟住食野返學.

今日上Felix,又黎喇,佢又著果件好似檯布果件恤衫喇.......QA其實好易ja wor......點解d人做Ex1第3條click極都click唔到?跟住坐我隔黎果個肥仔同我講,嘩,你好叻啊!(唔係呀.........really no....)唉.......無奈.......................

跟住上Philo!今日冇咁悶了!黃清華講野好好笑.......不過,Philo都係d好鬼玄o既野.......

4點50分就走得了!佢話wor,應該就上到5點的,但係扣返中間果10分鐘break,就4點50分放喇!Yeah~不過佢話淨係果d時間就會係tutorial補返..-_____________-

唔記得講!!!今日去上Philo之前,在走廊見到芷茵,跟住再撞到關,再見到亞草.我就說:WOW~!聖心四寶!!(好無聊............")

放學就去了MTR等Mei!我們又見面了!!!買了Milk~影得林嘉欣幾靚啊~

跟住去看花好月圓.成場都唔係好多人,唔夠30人囉.搞到都唔敢咁大聲講野...............麻囉套戲.又或者係我唔識得欣賞啦.....我覺得千華除o左個髮型靚之外,都冇咩靚了....(梗係啦,個頭髮係幫Sammi整頭髮的Billy Set的)冇咩感動位,呆下呆下就睇完了.成場我不斷食野囉.好無聊的一齣戲.大家錢多得滯就去睇啦.

因為睇戲時食得太多野了,我們還很飽,便四周逛逛.行過A look,入去看.睇極個個眼鏡都唔係好o岩子己o既......................唉.跟住就同Mei講話我好想去無印,點知佢又係!!!我們立刻大叫!!!成街d人也望著我們!!我實在感到WOW~~~~~~~~~!!!!!!就好似大家心有靈犀一樣!!!

跟住先去了樓上眼鏡舖看看.揀了很久,at last都買了.下星期有得拎.唔駛300蚊.ok la~

到了無印.激死喇!冇A4 size的單行紙買!我記得以前買過的,但係果d Sales話冇!!期望能在無印買到好多野的,結果都只是買到一本價值5蚊的單行簿........唉.....

跟住去了紅蜢蟻吃!我實在太喜歡那裏了!我叫了個蟹肉茄子炒意粉.我好肯定是跟上一次吃蟹柳意粉是totally different的.差太遠了!我叫Mei影下了.遲d等她send了俾我,再send下俾你地睇啦.

跟住行了一回,都成10點半了.我們已忘了聽日仲要返學.好像還有很多事未談.(都是因為我不斷講野,搞到好似成晚都未入到正題--安慰不開心的Mei.唉........失敗的我.....)

返到屋企,成個人散晒咁.想log-in diary都成日log-in唔到!!妖!!!!!!!!!!

好多人都好擔心我會因為這個禮拜六的節日而down,我想話,我很好啊!當然,我都好想見下佢,睇下佢近派點囉.冇咩咁.問我想唔想拍拖?當然想!但我已沒恨得那麼緊要了!我不會為拍拖而拍拖了.這樣去獻出我的"第一次"(第一次拍拖呀~咪亂諗~!![咩丫....你唔講咪亂諗人地咪唔會亂諗囉煩~>v<~])也沒意義啊.我會努力.我知道,生命中的那個他...總會出現的.我真的冇野啊!!!!V^v^V~

聽日天地堂啊~GOD~~~~~~~~~~~~~~

>>February 11, 2004 at 4:26:46 PM GMT+8

2004 年 2 月 9 日 星期一 【炎熱】

好野!暖了!

尋日唔記得講,亞草,你講得好o岩,我覺得好似我呢d成日早到的人,唔明點解早到係冇獎的.我唔明,點解次次都係我等人....好少係人等我囉............唉........

講返今日先!今日因為吸收了尋日o既教訓,再早了一個字出門口.今日人為有學校運動日,多d人搭去灣仔.我完全採取人郁我郁的方法,廢事好似尋日咁-___________-~好彩,冇事.....聽日返1點,死啦,都唔知d班次點.......唉~超驚~

就係因為咁,勁早返到Space..............."

今日又返8點半,冇尋日咁眼訓lu~好好多!今日又係第一個堂係Felix...遲到呀!5分鐘!!!!!終於教完一課了.支力........都係呆下呆下咁過了.......

跟住英文堂.蝦,究竟點解Richard點都唔叫我答問題架呢?點解?係叫勻晒成班都唔叫我果款wor...

坐我隔黎的同學Joyce竟然可以一隻手就啪到手指!!!好勁!!!!!!!!!

跟住返得屋企lu~YEAH~

今日終於見到洪敦熹喇~過o左咁耐先見到!實在太開心了!Yeah~

跟住好開心啊~有個fd話一齊行去碼頭啊!YEAH~

WOW~!今日的陽光真係好舒服,一d都唔曬!好正!!好想去海灘呢~

返屋企行過紅灣半島果頭,我在想,其實佢係居屋好呀,拉近d個income gap呀....成個黃埔都係高收入人士,賣d野都唔顧下我地呢d窮等人家......唉...........

返到屋企,看了一陣報紙,看了S.H.E的Ella主演的"薔薇之戀"好好睇呀!太喜歡做堇一覺的黃志瑋!!超靚仔啊~WOW~~~~~~~~做芙蓉的那個女人都好靚!!!真的!成身都好靚!!怎麼可以這樣靚!!!!!怎麼可以這樣靚!!!!!聽日返一點,冇得睇><~

跟住同爸媽去食晏!好幸福啊~好開心~SUPER WARM呀真係~^v^~

跟住整個晏晝訓覺.記得我跟媽媽說,咁好陽光,最好就係訓覺喇.Warm d嘛.跟住俾媽媽窒:你呀,你好天又話訓,落雨你都話訓架啦,咁有咩天氣時你會唔訓架?我:..................................................(nth say)

又係打邊爐!warm上加warm!!

嘩~倪震原來係衛斯理個仔?!MY GOD~點解我唔知架..............幾好仔咁wor~^v^~

好開心啊~聽日返一點之餘,又可以見到Mei了~YEAH~

好開心啊今日~!

>>February 10, 2004 at 4:12:03 PM GMT+8

2004 年 2 月 8 日 星期日 【颳風】

今日一早好凍!8度呀大佬!仲要返8點半~Short o既!!!

今日比上個禮拜仲倒霉.....霉都唔知點講........

紅磡碼頭因為有一邊的碼頭整緊,無論去中環定去灣仔都係用埋同一個碼頭.今日就出事了.

我如常7點7出門口.行到去,見到d班次,咦?唔同o左o既?就驚lak.跟住諗住唔理啦.見就黎有船就行定去個碼頭度啦,跟住等極都冇.跟住8點,有船.越黎越多人行埋黎.我心諗,好唔對路wor,去灣仔好少咁多人架....不過唔知喇......跟住開閘,我行埋去問個水手,喂,呢隻船去邊架?佢話,唔知wor.跟住佢問岸上那位水手,跟住佢話,去灣仔.咁我就信啦.

坐落越黎越覺唔對路.條航線同平日的唔同!!跟住在見到佢駛過了灣仔碼頭....好大鑊啊.......我望住個錶,8點2.即係大約8點3會去到中環.超驚.之前我已一路祈禱,希望我坐o岩船...點知.....

我真係去了中環.MY GOD~一落船喇喇聲猋去的士站.幾驚話繁忙時間搭唔到,又驚塞車...好彩都冇事.7分鐘度去到學校果頭.THX GOD!果個的士司機仲要找錢找得勁慢!激死我!

跟住一野上3樓去locker囉notes,好趕!再猋去2樓...lucky,冇遲到....

My GOD!!!唔記得帶鉛芯筆呀~!!!!!!!!!!!!!!!!!!!!!!!!!!!!

MB真係少了好多人讀我果班...成堂超級眼訓...狂釣魚.跟住見到Felix寫錯了個數字,話返俾佢聽,佢話:乜原來得一個人留心聽書.....咁o岩je.............

跟住上Psy堂.因為調了堂,d 2月sem入黎讀果d都唔係同一班.所以都有d驚......好彩,後尾見到陳柏文入黎!佢過黎同我坐啊!!好開心架喇!因為佢當我係Fd嘛!

Psy堂果個成日話自己英明神武,英俊瀟洒Sir成日要人問問題.其實佢真係好好人啊.好得.佢話要選班長啊...雖則無聊,其實我幾受.我真係好想做啊...佢講得好o岩,有d人的確係成世未做過班長又好想做啊.......但係自己始終過唔到自己果關.....我就係好想人地Norminate我,我好想成為眾望所歸果個人.我唔想被人看成好cheap咁.....即使大家唔係咁諗,我都過唔到自己果關.............

Psy堂好好玩的.不過好多terms......

落堂在3樓俾了本Milk俾亞草,跟住在locker度見到同我一樣係2月sem人但係AA的Shirley.大家都有chit chat下.已好開心了!起碼感覺到大家是fd唷!!^v^~

跟住去了TST~(on purpose的,唔係搭錯船了)去了商務睇下有冇Psy書.老豆又話冇,蝦~又俾我搵到.仲平過學校代理果間差唔多$10!!!全店85折!好抵啊~buy a lot of books!!(賣廣告..........)

跟住同媽媽食lunch...再返工!好眼訓.超眼訓.......

好彩之後亞Jo有俾野我做,如果唔係,而家我冇可能仲打到日記...............

出糧day!Annie,Yan,點解我話想遲d去cut hair,因為我想配o左new glasses先,但係你地都想快d去cut就冇所謂啦.(cos uptil now 我仲未諗到change咩款好,但係唔轉唔得.塊鏡片花到不得了!!)再諗住配埋con先.但日日支力都咁都再冇力行囉.................更莫講去配con了...........

聽日又返8點半喇.....又係Felix......開始有d滯......................"

>>February 9, 2004 at 4:05:06 PM GMT+8

2004 年 2 月 7 日 星期六 【乍雨乍晴】

點解可以咁凍架.................

今日一早都唔願起身.但係去聖堂啊,冇法啦.見到Kai Bo,見到聲仔!還是那樣型!WOW~

好冷~返到屋企狂飲暖水~

晏晝吃了好多野.

再補寫返未寫的日記.在hkflash o既日記加了篇散文.

而家成日個感覺覺得有d怪.我唔知有d咩feel囉.而家諗返那寫滿腦子是他的日子,感到是那麼陌生,我好似唔識佢咁.我越諗越唔記得.我成日有係icq search下佢,睇下佢有冇online.但係,我又唔係掛住佢wor........都唔知自己諗咩..............

頭髮越黎越長~!芷茵,Annie,快度定幾時去剪.

超凍......聽日仲話要8度..........痴線架............仲要返8點半.....God..................

>>February 8, 2004 at 4:12:41 PM GMT+8