2004 年 8 月 10 日 星期二 【溫暖】

恭喜關同芷茵啊.入到U喇......

反之,自己唔知做咩咁.返Space再冇咩意義呀.............唔想讀落去...................

講返今日啦.亞妹又話一早叫我起身去買米.十一點幾醒o左,佢仲係圖書館借緊書.激氣.

亞媽又洗衫!!!天.......令到d衫上天台先發現個天好鬼陰.晾了一半的衫又拎返屋企.

亞妹回來,d衫就佢晾.我就煮野食.

嘩..個天行晒雷咁,不如唔好去swim囉.

茄汁洋荵三文魚車輪粉.再加維他奶一盒.LUNCH! YUMMY~

個天又好返d wor,就換衫出去.

搵泳帽搵了很久............

出發!

十世冇行過入九龍公園了.完全陌生.呢度好似除了細個6~7歲黎果之後都好次冇咩再黎過喇.

第一次去九龍公園Swim呢.個更衣室幾得.激鬼氣.有兩個女仔(會是男仔嗎?)係要我隔黎果兩個locker.係咁整住我同我亞妹.好鬼煩.

好多人游啊!好彩仍游到.差唔多兩年冇落水喇.

冇靚仔ge....

游水真係幾煩.一潛落水就會見到好多唔想見o既野.例如:

1.有個男仔成隻腳冇腳毛,係淨係腳跟果度好勁.嘔.................
2.情侶們攬晒咁.我成日懷疑佢地會係果度搞出事.咁攬法.................再望我都出事啦.................
3.好多游水勁的人,身材仍然肥胖.點算...越游越肥嘛?!
4.d男仔全是樣衰的.樣靚d都有個女係隔黎.
5.個池好多烏糟野......但我飲了很多池水.....................

50米的一個塘,我起碼要停4次先游完.亞妹超勁啦,轉塘轉塘再轉塘..............

學返自由式.隻收曲黎曲去都唔得ge................

游游下手痺-__________-

游到4點多.WOW.好支力.

WOW.泳池的Bathroom好得.個花灑.....Oooooooo...好正.所以沖了勁耐-_____-~

再去整電話.唉.唔記得帶張單.....不過果個人話而家trade in部機都係加600蚊就可以有7600喇.....

行了去Haagen Daz.Woo...好好味.....不過$37一杯呢........

托米.買了新生日bear啊.

又一day.

>>August 11, 2004 at 3:56:53 PM GMT+8

2004 年 8 月 9 日 星期一 【晴】

夜,總令我有點down.

一早,收到Pat的電話.啊.入到了.啊.要起身出Diamond Hill..........................

好慢的梳洗.未訓醒啊.

歐化真係好鬼遠.又曬wor.仲要黎架無冷氣巴.駛唔駛咁呀?

去到,遲了5分鐘.Pat已在門口等.這裏....曾是我和明明一起看無間二的地方.......一切也沒變......

看了Cat Woman.麻麻啦.對Holle Berry有點失望囉.其他Side Cast就完全no problem wor. Benjamin Bratt--越看越有味的男人.已把他的相放在我的Xanga了...hohohoho........Holle Berry個胸時大時細ge.....Lambert Wilson有點Wenger feel...覺得呢種佬好鬼吸引.50歲,有晒社會閱歷,點晒.閃晒咁.最鬼愛佢.點知佢係戲裏面唔知點咁就訓低,瓜o左.激起.Sharon Stone好令人失望囉.個胸細晒就唔好著露胸衫啊.好令人失望架.最Surprise就係Six Feet Under裏面做亞媽果個Frances Conrey都有出現在Cat Woman!又係果d你睇唔出佢咁勁的人.不過佢好勁wor,咁老仍咁靚.WOW.又唔同氣質wor.Sharon Stone後面有個手下好似HK人...(但係後尾個字幕快到睇唔到佢果名...)

齣戲真係廢廢地ge.因為咬住果個point冇咩說服力.最鬼憎個ending.明明話男女主角冰釋前嫌架啦,但係女主角中要話:你係一個好男仔黎架,我地冇可能的.因為我都係想追求自由..."咩jek....有仔都唔要......仲要係靚仔,你愛佢佢愛你果隻都唔要.......唉.除o左呢度,條感情線寫得幾好ga.....簡簡單單,唔駛第3者,唔駛死人............可以一看ge.

跟住同亞Pat去仙XX食野.入去時得2個人在吃.d服務態度差度丫.冇野好講.跟住最後發覺佢好似計錯o左數...應該只係食了$70........

再一起去黃大仙返工.不過係佢行左我行右..........

又教琴!

個呆下呆下的學生話唔學了.......唔好咁hurt我啦.....咁俾心機教你,又難得你d拍子數o岩晒.......我下個月點呀...........

真係冇野講囉.

跟住黎o左個o靚仔話要上一堂咁wor.芷茵媽媽講極我都唔明.個o靚仔又係度催"上得未上得未",點知原來佢得4歲!!!!!!!!!下年低班!!!新低呀..........點知佢上得25分鐘又話悶就了.想點?成堂你都冇聽我講野呀........................

教完支力到死.本來唔係咁架.

打了俾Winnie,O.....

Cyrus,有offer仲加4個choice tim.5個choice任佢揀.

去buy swimming suit.聽日下水了.hoho...........

返到屋企都6:40.支力爆.

au下au下囉.

好野.Michelle鐵定12月返黎.yeah~~~~~~~~我要去亞Joel樓下BBQ~~~~~~~~~

聽日下水了...望著自己.........肥爆.

>>August 10, 2004 at 5:02:31 PM GMT+8

2004 年 8 月 8 日 星期日 【酷熱】

亞簡生日快樂!

今日又係悶day.

一早起身.發覺個電話鬧鐘冇響,唔多對路,冇校震機架....點知...發現唔響!!!校了勁大聲都唔會響!!點會咁架................

又開會.

唔見亞草.Game Creation Team得我一丁人.像我呢d唔做野的人,開會就只係用黎話俾人聽我係一個faithful member je.冇了.Percy同Jay都唔係度.........

廢主席Victoria又將上次的matter在今日又頭講多次.上次咪pass o左話性教育,今次你又話無聊.玩野呀係咪.............

Percy返黎,掂晒.Jay之接班人.Jay可能唔去O camp呀....唔好啦.....................

開完會都一點.今次唔搭船啦,搭好鬼o既巴士.點知都係遲到--為了去買熊仔餅.hoho.我的lunch黎架.

連續2星期食熊仔餅做lunch-_______-...

都係悶下悶下啦.

竟然俾我諗到條好橋--美其名是培育新人,實質就是開始外判工作.司琴工作找主日學畢業的o靚仔!Yeah!冇法,冇人幫手真係唔多掂wor.人地都話我有heart呀!Yeah~

原來晚會d飛係俾人keep起je....Pat!你仍可去啊!我預你架喇.

食了3小包熊仔餅.真係幾好味.

冇咩野做.就寫低返尋日Community/Charity Shield Man Utd VS Arsenal場波自己欣賞的球員.第一個梗係Jose Reyes啦!!hohohoho.......Cygan(絲巾)也很好~~~~~~~~~~

跟住又無聊到睇下自己默到幾多個英超的球隊名出黎.......失敗,只up到9個............(背書又唔見我咁叻wor)

媽媽來了聖堂.hoho.帶來妹妹吃淨一半的魚乾--Cathy的手信.味道有點怪怪的.所以吃了一些...就連熊仔餅叫媽媽拎返屋企.hoho

au au下又到8點放工.

大唐雙龍傳..越睇越無聊.

子華套野好笑囉.但係唔係好好笑.

Yeah.亞妹係度唔駛洗碗!!!!!!!!!!!!!!!!!!!!

好熱好熱.........................

>>August 9, 2004 at 5:38:25 PM GMT+8

2004 年 8 月 7 日 星期六 【晴】

Arsenal好野!贏了曼聯!YEAH~~~~~~~~~

今日一早起身.激死.個鬧鐘...我聽唔到ge?short o左?我用電話校都係咁........好彩有自動重響...唔係就大鑊囉.

去到聖堂,入到祭衣房.嘩.幾驚呀.余神父wor.看來呢台彌撒又係悶多囉...........

好眼訓呀.........

7:40,咦?區神父!!!!!God!!點解係區神父架?好野~!唔悶了.

以為媽媽唔黎tim.原來佢坐了o係後面!媽媽我愛你~~~~~~~~

跟住去了新開果間幸福茶餐廳.

叫了個餐:腸仔蛋吉列豬扒加多士同杯熱奶茶.$19.成個大家樂餐咁.不過大家樂餐會有多d野囉.又學埋大家樂咁擺pat茄汁焗豆wor.唉...

茶冇茶味.勁唔勁!!!

一切塊豬扒就切落舊骨度.搞咩-________-~成塊豬扒差唔多15~6cm長,就得一個五蚊銀咁大pat的沙律醬.邊夠架.

跟住發覺唔夠醬,亞媽拎了支千島醬啦.佢jit又冇事wor.我一用,jit激都jit唔到.亞媽幫我jit啦.哈...一用力....................成支野個蓋飛o左出黎.飛o左一大pat醬落個碟度...................好彩都唔係飛o左好多醬落個身度jek..........對面果對老母女望到眼都定埋........-________-~

跟住買報紙.

BACK HOME.

看了一陣報紙.超.果個22歲話最年輕候選人,俾選委會話佢支票戶口冇錢,彈票,冇得玩立法會.跟住佢就話"我鬼知佢咁快過數咩...所以未入囉..."跟住又話制度僵化....最後咪又係俾胡國興寸話佢冇睇清楚守則話最好用本票or現金.唉.你冇錢就冇錢啦,咪映衰我地後生仔wor......咪喇.Pat...我地下屆搵六七八個人出黎,整條鑽石名單玩下!!!!!!!!

看完報紙,訓覺.夢見Jay呢.........hohohohoho..................

訓訓下亞媽又話出街.唉.好耐冇同過佢講野喇.不過..唔通話唔俾佢出咩?

點知佢出去又唔記得帶銀包wor.勁撳鐘....Yee.....發緊好夢啊..........................

跟住又要打俾爸問Lunch去邊.又麥記.爸係要我開電視.話馬力生Cancer wor............

中國班球迷好無聊啊.唔滿意賽果咪鬧你班球員渣囉.鬧人地冇用架......好鬼無聊.唉...擺明你地似平日返工受氣多,一野藉呢場比賽抒發晒出黎je.......阿里漢又係ge,做咩唔上台領獎丫......輸o左咪輸o左囉,做咩連鬼佬都要咁冇sportmanship?

川口能活真係好鬼型啊~~hoho~

又麥記.勁多人.不過今次食少了野.梗係啦.走之前先屙完一次.梗係今朝d野啦...........

BACK HOME.上網一陣.親愛的妹妹回來了.又冇太大feel..........."

玩games...無聊中.......................

吃飯.今日有扇貝!!!!!!!!!3個女人一齊洗的!

Carson真係好鬼型啊................勁like佢~

開波開波.好鬼緊張!

睇返Man Utd對Arsenal先係足球嘛.咁先睇到團隊合作精神!淨係睇d組織都正爆喇.

Reyes今場進步好多!又靚仔o左!成日單眼做乜鬼.........我已俾你電暈了-________________-

又勁鍾意"絲巾"--Cygan!!(查實譯名係施根....)拍住Sol Campell就掂晒囉.

Pennant個名又同Peanut好鬼似.....

Arsenal d defense始終都係好d.

Alan Smith都幾好.不過...仲係未同d Man Utd人夾得好jek.不過有波入算係咁啦.

竟然張科拿當了碧咸..............唔係.......但係遠望科拿真係幾似Beckham架.不過就係瘦d囉.

3:1.Yeah~~Arsenal要加油啊!!!!!!!

睇完波都12點.再睇埋呂秉權講新聞都12:30.再洗碗(唔睇波的人已一早訓了...亞妹更之前在我房睇睇下書睡著...)洗完都1點.仲要bath.

啊.又星期一了.又work喇.

>>August 8, 2004 at 6:25:25 PM GMT+8

2004 年 8 月 6 日 星期五 【晴】

吳建豪生日快樂!Mei生日快樂!!!

今日斷斷續續睡到一點多,諗住打俾爸爸約佢食lunch,跟住再訓多陣.點知.....望到廚房...GOD!媽媽又洗衫!!唔係嘛...已連續4日不斷晾衫了................

即係冇得訓啦......

一路晾衫一路看太陽計劃.楊千華唱Live真係唔多掂wor...是因為緊張還是真的咁渣?

房祖名!!!!嘔.................唱邊走邊唱.......有點難受...............如果我只聽到佢把聲...都ok...掛........

終於晾完!又要落街.

好曬啊!不過我好喜愛這種天氣.不算太熱.今過夏天都不算太熱啊.有點風.我愛夏天啊!!!!!!!!!

好飽!與爸不斷在談912選舉問題.有咩理有我果區得4席,但係就有7張名單13個人去爭先得架?

跟住去百佳買野.老豆!有咩理由你又去超市但唔幫手拎野先得架!!!男人!!!!!!知唔知d野好重架?!

跟住去OK買報紙.同老豆偷睇了忽周話俞琤暴瘦真相.Cher..以為係生Cancer/有絕症添...原來係話佢日日食龍蝦同鮑魚...................減肥wor.........好彩冇買jek.唔係就dum心口囉.

買了姊妹.盧巧音做封面啊.除了Sammi,我最喜愛就是佢了~!

買埋翠肉瓜同通菜.搞掂!

BACK HOME!咦,信箱封野咁熟ge?GOD!!!!原來係我之前寄俾亞Pat的書展飛!彈回來了!!原來我寫漏了佢住的那座大廈.........-______-~已唔係第一次寫漏地址的了.....................GOD..........

擺好晒d野後,就摺埋d衫.看了一陣戀上你的床.(已看了十幾次了)很喜歡那個故事啊........但係...會有後遺症--發癲了!!!!!!!!!!

跟住執房.一路都的唔起心肝執.成地都係垃圾.又執了一大袋垃圾出黎.執返好早派fing晒出黎的Sammi CD.終於見返張檯了!好耐冇見過這樣的書檯!不過房裏仍有好多垃圾.esp果d升學野.雞肋啊.....dum唔dum呢?

好支力.但都成5點多6點了.唔容許我訓一陣.就online了(唉.唔係可以做得d咩丫?)

見到Pat呢~Pat是魔鬼教練!!

我要拍返一齣"瘦身姊妹"!有咩理由亞妹咁瘦先得架.....同我差唔多高.....80磅都冇呀........BMI得十二點幾........

7點多就offline.今日整咸蛋節瓜瘦肉湯(又一拿手之作!)跟住再切定d翠肉瓜俾媽媽整.

爸爸回來了.兩父女在看波.......中日大戰!(大咩戰丫....預o左日本贏架啦......)

11號Suzuki好鬼型仔啊~~鈴木隆行!!!!!!!

媽媽問咩衫係日本隊呀?我話駛咩睇咩色衫丫.....靚仔d果隊就係日本隊喇!!!!!!!

3:1~!Yeah~~~~~~~都話日本贏架啦.不過中國d歡樂小姐--果d負責拎獎牌果d呢...好核突wor....成塊面好油,又勁大個眼袋....................

又洗碗了><好彩係同媽一起洗jek.

金毛犬邊個要啊........2個月大,打晒針,有埋晶片的.唉...見到Micky咁樣真係慘.............大家可以幫下就幫啦.........

10點多上網,諗住可以早d訓啦...點知.......Jay打黎(YEAH!)話要知天才表現d野wor......又要打野俾佢.跟住再不斷俾Icq msg纏擾.結果呢篇日記由12點寫到而家都未寫完...................

聽日要早起啊...搞咩.......聽日個司琴又病了!!!!!!!!我唔制呀!!!!!我dum地呀(好似Cathy咁dum法)!!!!!!點解我又唔會病的????????聽日我係想去11點彌撒啊!!有區神父嘛...........唔制呀~~~~~~~

828堂慶晚會邊個想去啊?

要訓了.聽日要7點起身呀....................激氣.

>>August 7, 2004 at 5:02:08 PM GMT+8

2004 年 8 月 5 日 星期四 【乍寒還暖】

出糧了!

今日11點多起床.嘩,出面行晒雷閃晒電咁.....搞咩.........

突然想吃粢飯!

咩話...媽今日竟然又洗衫....唔係嘛........

冇時間晾衫...................唔理喇,求其了.

出發!

THX GOD!買完粢飯就有車!但因為太狼狽,成個人差d趴o左係度.好彩...撞到隻手臂jek.....唔驚唔驚..大把肥膏擋住!!!

好味的粢飯!$8就換來了這陣的快樂.不過條油炸鬼有點難咬.......結果成條油炸鬼吞落去..........差d哽死-______-~

尋日net fd Micky話我知佢俾個女仔玩.仲要係豬扒過我好多的女仔玩.唉.有隻狗等人要..2個月大的金毛犬.唉.邊個想養狗啊?好心啦............呼籲下~~唉.做得朋友ge,可以的就幫啦....偏偏我屋企又唔俾養丫.......邊個得話下我知丫

敏敏今日唔記得o左佢要補堂-_____-~白等了一個鐘..........

Effie今日著了水鞋!唔駛呀?

嘉皓今日就唔記得帶一本琴書...搞到多o左時間出黎.鬼咩,又練唔熟.點搞你新野呀.

出糧啊!!!

原來係55分帳............不過都唔係大家諗落咁好搵的.......唉.唔得啊!我要錢!!!!!!!!!!!!!!

沒有下雨了.望著晴朗的天空,心情也會好一些.

想起了Jay添.........真的有點喜歡他....奈何自己又唔想太主動..............呢d野.........都係男仔主動好d ge.............

BACK HOME.看了陣報紙.

爸近日愛上了吃啤梨.就買了一堆回來.叫我放落雪櫃.(點知原來都是爛的.....唉...男人......佢話貪平wor............)

睇埋之前看了一半的同居密友.越看就越唔知佢想講咩.不過發覺無論是楊千華定Sammi,配落梁朝偉度都係怪怪的..........

跟住去聖堂.今晚聖心彌撒啊.

好多人來呀!起碼廿幾卅十人!好開心呀!

BACK HOME AGAIN.叮返熱d送先.

媽成八點半先返.........-_____________-叮熱d野都凍晒了.............

吃了那些啤梨.唉.老豆又唔食!!!搞到我地兩母女又肚屙了.亞媽話掉晒去呀.貪平的後果.仲有.靠男人的後果.男人還是做女人的ATM好了.唔好玩其他野.

快d再到月頭!(想快d出糧啊.........hoho......)

>>August 6, 2004 at 4:29:56 PM GMT+8

2004 年 8 月 4 日 星期三 【陰】

Pat...我唔係笑Cathy啊.我只係覺得Cathy唔似咁o既人呀~

其實我成日提起大家講過d好笑points,都係想大家笑下je.唔係挖苦啊~~大家記得呢d好笑位不是很好嗎?

Pat,我同你一樣啊,尋晚訓得好差,醒了好多次.

好辛苦訓了,但係..........就俾"我係民建聯主席曾鈺成,我連同鍾港武......"嘈醒了.搞咩啊........10:30咋...咁辛苦先訓著.......難得今日可以訓晏d...............

屋企冇晒公仔麵!唔制呀~又係生麵皇.

大鑊,洗唔切碗tim~唔理喇.放工做吧.

都冇咩野做咁啦.好快過.

放工.買了電池俾DC.

BACK HOME.5:15了!!God....冇時間了.

洗完碗.再收衫,再摺衫.

大鑊...5:30了..........

換衫,幫DC換電.

出門口已5:40了.死啦,實遲到了.

細Flor打黎.話駛唔駛做d野wor.o下....

跟住大Flor又打黎.又問:Hey,我地駛唔駛做d野呀?

o下...做咩兩個都問我????

結果我都係答:唔駛啦o下嘛?!

小巴有cockroach!!!!!

廣東道點解可以咁塞架?!!!

跑去地鐵站.死啦.又遲到了.今日我約了Camme等人6:00在尖咀地鐵恆生等啊.

又來到呢派成日黎的尖咀.

個個都到齊了tim.....除了Joanne囉.好彩.......如果唔係就核突囉.

買了Milk.Yeah~是達明一派啊!!!!!!!!

到齊人.去邊到食永遠都好煩惱的.

由尖咀地鐵站A出口出發.Exploring TST's Restaurant!

第一站:海防道Spaghetti House.(上次細Flor慶祝生日的地方)

第二站:亞士厘道.Ashley Road.多謝尋日Cathy帶我黎啊.

第三站:HMV斜對面的 Spaghetti House.

第四站: SUSHI TEI 壽司亭.

最後就去了壽司亭.

都Ok架.

望著餐牌地拎壽司.

不斷吃三文魚壽司.

好似吃了4碟+一碟8蚊的魷魚壽司.48蚊.都係咁啦.

再吃有魚魚威化包住的紅豆雪糕.Yummy~

埋單$61.4都OK啦.唉.等極都冇三文魚壽司.................

不斷見到d壽司在轉動.......

搞到有點眼訓.

吃完,搞俾錢d野都搞了好耐.唉.唔評論喇.

跟住閃了.唔去"飲野".

6人行變3人行.

行了海運,店舖都關門.結果........

又講了"越描越黑"的故事給她們知.我真的很喜歡Cathy~很可愛啊~~~~~~~~~

搭車了.我見到我乘的車是最快開出的.

BACK HOME.

看新聞.又有個細路執波電死.....唉................

聽日又返工了.

>>August 5, 2004 at 4:53:07 PM GMT+8

2004 年 8 月 3 日 星期二 【綿綿細雨】

又一個身心疲累的long day.

我又講大話了.又係度自欺欺人.

一早9:30起身.搞到10:00,落街買送.

買了$20" liu lang"骨.再去買電池.

再去買鮮奶同報紙.

再去買洗面膏同T&U mask.

Back Home.放晒d野腌埋肉,收了尋日晾的衫.再晾今天媽媽洗的衫.

再接衫.已接近十二點.

熱爆囉.想點................成身汗.一定要bath下.

Bath完...死...12:15......未執野出街........

12:25先出門口.But the point is.....我約了Cathy12:25在巴士總站等--for我的步速起碼要8分鐘的路程.

半跑半行的去到.死了咁.

12:45已去到約定的地方--星光行麥記.

1時正,Pat來了.

1時12分,Angel來了.齊人!行得!向著亞士厘道進發!

啊....完來就係呢度.........

去了間超嘈的Cafe吃午飯.完全有點"千揀萬揀,揀正個爛燈盞"的感覺.同Pat講野變了要張我說"杜麗莎,我愛你!"的大聲呢-_________-~!

吃了咖哩吉列豬扒飯.有點辣.......

後尾講好多咸濕野.笑到爆嘴.個個女人都是咸濕的~~~~~~~~~~~hohohoho~~~~~~~~~

好鬼凍呀d冷氣.....閃了~

行了LCX...原來Cathy怕"越描越黑"啊......笑到爆嘴!!!!!!!!見到Cathy笑到"dum"地未???????

跟住不斷笑爆......

最後在星光行Starbucks Settledown.

我有一刻在想,幸好Venus沒來.因為我們四個單身女子在說悄悄話啊........................

原來我地4個都好八......................講好多是非八掛野.........hohoho~~~~~~


跟住又係我演講的時間!我講野的時間實在太多了!!!!大家像對我很有期望似的-_______-~"說故事伯伯"啊?(童話故事成日有呢d角色出現的-_______-)

多謝Pat唔去Swim都黎聽我講野!

7點!夠鐘!!!要去開會...........

但先要解決........鬼叫飲了杯Mocha Valencia..............

今日Jay架了眼鏡.好唔同.見到佢個樣都有點殘.啊.........

Percy未來,我們就在chit chat下.今日得3個人開會咋.

原來Jay也是大蟹座.......Percy是天羯座(完全好似佢d性格!咸咸濕濕的~)啊!原來我們3個都是同一類人!

點解Jay會是大蟹座.........................天意啊?

今日整個會都好down.Esp Jay.佢好想放棄唔搞O camp.

我明佢講咩架.大家要交$399去個Camp,又唔係會頒個英勇勛章俾你,做咩咁落heart去搞?再加埋上頭負責人的態度簡直不知所謂.我們的Moral......低到極點.唉.搞到我都down埋tim......

跟住Percy問我有冇男友.我話冇.又問,有冇拍拖.唔知點解,我不想被他們看到我是未拍過拖.我只說分了半年囉.因為有第三者.我又諗起了梁望峰在"在自由之丘上的春樹"的向陽般.講大話真的很辛苦.點解我講唔出我未拍過拖呢?講了會死嗎?但我就是說不出.好像在這年頭,還未拍過拖都好像有點不正常吧?

結果自己真的down了.

因為之前與Pat,Angel同Cathy講關於明明的事.(事隔半年,大家仍有興趣問的...搞咩...)我又想了很多.沒有一絲的掛念.但又有很複雜的感覺.我真的不再喜歡他呀!!!!!!!!!!但做咩jek................唔知點的感覺.

話自己拍了兩年拖.Percy嚇了一跳......"唯有話:咁...你同得佢開始都想天長地久架啦.............唉...咁o既野我都講得出口的.......(又諗起我自己在icq會講過:保持曖昧的關係,就是因為我們不想一下子一無所有-_____-)

Down下Down下就開完會.今次我有野打啊!

行到出去...落雨.....跟住Jay話行返入去解決.Percy要落妝所以搞了好耐.Jay以為我地走o左就走了-_______-...唉...不過佢打俾我啊....hoho.........佢叫我們趁細雨就好走喇.......

拖著疲乏的身軀(嘩...文雅的我!)來到小巴站.竟然要我等!!!!仲要不斷滴水!!!!好彩格黎有個猛男je.不過...果陣個人支力度唔想諗呢d野................(可想而知真係幾支力......)

猛男!再見!我坐了大家等了15分鐘的小巴的最後一個位.hoho~拜拜~~~大家互望了一下.我肯定,那一下他是望著我的.我記得那個眼神.hohohohohohoho.......

BACK HOME.見到久違的妹妹.啊!你好嗎?

佢聽日又去Camp了.

很想同佢好好的談一談.

等佢返黎先啦.

但願大家不Down--這刻的願望.

>>August 4, 2004 at 5:15:25 PM GMT+8

2004 年 8 月 2 日 星期一 【酷熱】

好熱好熱!!!!!成件衫都濕晒喇!!!!!!

突然諗起,點解d 止汗劑淨係噴"格肋底"呢?有全身用的嗎?

好忙啊今天.

10"30起身,WOW,好多野做!早知早d起身啦.......

要晾衫.晾完都11點多了.跟住要去交管理費,再幫媽入數.好鬼晏了,就唔返屋企食lunch,去了大家樂.食黑椒薄牛扒飯+凍檸茶.$29!超貴呀.

坐落格黎個亞婆同亞伯好好奇咁望住我碟飯.個亞婆仲問我:係咪豬肉黎架?我話:唔係啊!牛肉來的!-________-

大啖大啖的吃.今次又肥梗喇.仲要咁大啖食,實胃痛都得喇.冇法,趕時間啊!!!

標去搭巴士.次次都係我最趕的時候冇車.

去到都12:50.好趕忙的找了幾本琴譜俾個新學生.芷茵!你終於還書了!不過你要d Philo Notes...我未搵wor.....................下個禮拜我找俾你!Weekend有多d時間去搵.................

aiyo...原來個個學琴都幾怕醜......點算.....得我一個齋笑...傻婆咁.........

教完一個.死...遲了5分鐘!下個呆到爆的學生的媽媽俾個黑面我.Oh god................佢話因為佢趕住上書法班wor......喂喂喂.....我都好趕啊.......1:00一個學生,1:30一個學生,2:00又暑期班啊.....

又係捉拍子捉成堂.冇法.不斷幫佢拍拍子都係唔明.叫佢放慢又慢唔到.半個鐘就咁完,都未聽另一首.跟住芷茵媽媽就來敲門.Aiyo..........這一定是人生中最快的半個鐘!!!!!!!!!!

上次話去昆明的敏敏又上堂wor.原來因為佢亞哥個回鄉証過期(想起亞Pat tim.)好多人都有呢個case發生wor...我果個.....上次去完深圳就冇用,有排都唔到期.....(最記得張相核突到死....都唔知幾想張野快d到期...奈何仲有排呢.......)

敏敏用的琴鬼咁細聲,5歲半的Effie又坐唔定,跟住25歲的Ming...搞到我成日顧唔到呀.....esp Ming呀...唔想令佢覺得徙錢ma......................但係Effie又成日行過黎..............話:我彈完喇!點jek......拉住我隻手又唔通唔過去聽下佢彈咩啊.........................

Yeah!上完!點知原來之前的呆妹妹個亞媽同芷茵媽媽話我爭佢5分鐘!下次要加返!啊.....邊到俾5分鐘你啊..........................

上完就打俾Pat.Pat啊!我已記得你屋企電話.Friend的屋企電話最記得的是Venus同Winnie的,因為兩個差唔多架.Camme的我都記得,好易記.

Pat~!我們又笑死了!我肯定搭緊11號巴士時,d人一定怒啤我..-_______-~全場一定望著我這樣白痴地笑吧?

我們講了很久啊..........差唔多行到我下一站目的地--HSBC先"依依不捨"地收線(hoho~)

又見到Helena.佢電了個新發型.希望佢見唔到我啦..........都話最怕去呢間HSBC架啦......但鬼叫要入數..............

多謝媽媽比機會我撳機!原來我冇撳ATM大約10個月喇!WOW!!!!(但媽媽後來教我,原來我係渣打已可以拎錢走人了,根本唔駛去HSBC.....唔早講-__________-)

去了百佳,再去華潤,Back Home!成身濕晒.成身汗味.....!嘔.......................

跟住開了電腦,Scan下佢先!看看有沒有毒!Scan緊時就看報紙.大班同俞琤時件越描越黑.我唔相信係俞琤錯晒.佢係董事je,但係唔代表係佢話晒事啊.大班都有錯掛?點解d人淨係鬧俞琤呢?如果大班黎選我果區,我都未必選佢.好驚囉我覺得.撐佢同選佢做議員係兩碼子的事來啊!

Scan完,打俾Venus,啊.睡了.

再打俾Cathy.咁o岩我看著她的日記.笑爆嘴.點都諗唔到我認識的Cathy是這樣的.這是會考7A人會講的話嗎?

Yeah~!Yahoo game Bounce Out我破了自己的記錄!俾之前個分多了6萬多分!是因為同Cathy傾電話,連玩game都勁d嗎?

媽早了返.Yeah!唔駛諗煮飯.

大唐雙龍傳個綰綰姑娘件衫真係好鬼靚~

看了二欄對中國的球賽(係Iran對中國)激氣!點解Iran輸!!!!!!!!!!!!!!!!!!!!!!!!!!!!!!唔制呀~~~~~~~~~~~~~~~~~~

黃子華個劇真的幾好.不過都係蔡少芬唔多掂囉~~~

夜晚好多人打俾我...............Jay啦,Pat啦,妹啦.究竟聽日我會唔會見到亞妹呢?

聽日會見到久違的Angel!!!!!Looking Forward to it!

>>August 3, 2004 at 5:28:39 PM GMT+8

2004 年 8 月 1 日 星期日 【晴】

Camme生日快樂!看!我記得的!

恐佈的8月又來了.8月...好多人生日啊.....Camme啦,Janny啦,Mei啦,草啦, Kai Bo啦,Anna啦.........仲有!又俾我知多個8月7號生日的人了!!!搞咩-_____-~8月7日宜生仔嗎?好彩唔駛買禮物呢...........唔係........死囉...o岩o岩出糧又破產...唔好啦.........

一早又返去開會!唉..又冇得訓晏d啊......一早爸在屋企附近的Smartone與美心酒樓的地方等我.遲到了遲到了....................爸今日跟我回學校交學費!佢碌卡wor.......

今日的天氣簡直靚爆.望過去中環,WOW.真想用相機拍下.我真的很喜歡中環啊~

返到學校.見到Percy.又係交學費.個Counter d人以為我老豆係另外要佢地service的人.Oh....看不出我們是父女嗎?

原來Space交學費唔俾用Visa卡的!喇喇喇...原來Visa卡並唔係一卡通行啊..........起碼我而家可以拗:Visa唔可以去Space交學費!原來Percy都係咁話!結果,爸用了EPS.....

跟住去買早餐!樓下的士多啤梨香蕉冇咁好味了.........好似稀o左咁ge?仲有..唔凍呀.....................

約10:30開會.11點都唔多齊人.喂,趕時間ga ma.

死Jay!做咩搵今日先黎病!你要黎Present架!!!!你竟然揀今日先黎病!!玩野係咪呀?真係唔好靠男人....靠多下都死................

我完全唔多掂.好彩有Percy咋(再一次証明我是係Group Work中我係好似做好多野,其實就係做最少野的人...........但最緊要係......冇人覺我做最少野..........)

Percy好勁啊.....我都係幫口兩句咁啦(點都要講下野ge......扮下都好嘛....)

點解要俾果個Consultant做MC wor....老女人!!!!!!!!!!!!!!!!好鬼唔鍾意佢有隻牙黑o左的!!!仲有佢對幼到抽筋的眉!!!

好悶呀............

搞o左好耐終於開完.見到Percy咁多野搞,咪看看囉...看看下...死死死...1點喇!!遲到了...............

好多人返Space交學費呢...........

My God..點解8A行條路線咁塞車........

1:50先返到聖堂.遲了20分鐘呀.猛咁Sorry啦梗係.

跟住都係無無聊聊hea下啦.

亞國今日竟然叫我教佢張d data放落部MP3度.真係好笑啦...問正一個冇MP3的人.........

原來係因為d英文.因為亞國看不明d英文......

好彩....都幫到佢!!!!!!

今日好多英文人呢...有個賓賓黎申請領洗紙呀,Fr. Ray又打黎.....滿口英文!!!

好肚餓!又冇食Lunch喇!!鬼叫係Space食了好多旺旺.....食唔落飯.........好彩買了熊仔餅!!!

亞Jo好耐都唔走.成6點啦...肚餓到爆.

唔理喇....好快食晒!好好味啊...................

看畢少爺占的交換日記3.覺得看佢寫字好過聽佢講野.打一篇我很深刻的出來啦:

[2004年2月20日

好始發覺好多人都希望將自己present俾其他人知道, 大家用唔同的o既方法做呢件事,有o的人外表行為同真人一樣,係咁就係咁,而另外一o狄人就決定將真心o既至几變日記放上網俾所有人睇,然後俾人知道究竟自己自己係一個乜o野人.

日記,本來就係一樣自己收埋收埋手作仔o既o野,等如收埋一份最真o既自己,用文字湊大本日記.自己收埋o既世界,所有o野都係自己o既,慢慢發展之後,日記放上網,根本就唔應該叫做日記,同日妓本身o既意義有矛盾,因為人人都睇到,點叫做日記呢?但係呢樣o野本身照字面解釋又o岩數,日日都記低一o的o野,於是加多兩粒字o向日記前面會合理d,叫做公開日記.

睇網上面朋友公開o既日記,有時都會有種震憾o既感覺,成日同佢嘻嘻哈哈,寫出o黎佢o既感覺係寂寞,孤單,明明大時大節開party,寫出o黎係人人開心佢落寞,我懷疑每個人都有一個叫唔開心o既魔鏡收埋係心入裏面,得你一個o既時候佢就乘機走出o黎攪你.

我相信十八歲過後每個人都有能力可以將呢隻魔鬼擊退,雖然佢仍然永遠有機會出現.雖然沉醉唔開心比開心更有mood,更空泛,但係,話俾你知你聽日就死呢?你都有唔開過每一日o既理由呢!]

都幾鬼中架..咪話.............

我又係度諗....咁...我做咩寫日記-________-~係囉...點解呢.............

我覺得打字快過寫字囉.仲有呀,冇咁支力嘛.但係少爺占咁講:

[2004年2月10日

...睇番新一代o既小朋友,見工可以戴住headphone,見面粒聲唔出,對眼唔敢望人,o向ICQ度可以傾到天花龍鳳,打中文枝快過講野.試諗諗呢個錯誤表達方法,其實係有問題,要發表一o的o野,第一步係個腦諗o左,然後第二步去到個口度胱出黎,攪掂!而家變成要發表一句o野,第一步係個腦諗o左,第二步用手指打輸入法,變成文字,再SENSOR得唔得然後按ENTER,起碼多o左一個步驟,點可以寫快過講野o者,但係就係ICQ打字快過講野.

聲音已死,用電腦溝通打枝係大勢所趨, Matrix o既虛擬世界填係會出現.]

WOW.真係睇唔出佢會講d咁o既野.佩服!!!!!!

今日寫了兩封信,一封回返Venus,一封俾Joel.寫到手軟.-________-~仲要寫寫下會唔知寫到去邊...

好忙好忙....死咁死咁...................聽日又有新學生!!!!!!!!!!!!!!!!!!!!!!!芷茵媽媽謝謝你~~~~~~~~~~~~~~~(發覺原來芷茵同佢媽媽都幾似架~)

Another Long Day!

各位等Jupus的人加油~!

10號好多電話要打呢~hoho~~~

加油啊!

(近日的日記都好鬼長.................hahaha.......發癲了........)

>>August 2, 2004 at 4:32:11 PM GMT+8