| 日記 | 日記主簡介 |
|||||||||
2003 年 7 月 6 日 星期日 【晴】 眼淚都係流左兩滴咁大把就冇喇 可能預左差, 都feel到幾咁, 估唔到可以估得咁掂 屋企人都冇咩點大罵, 好彩.... 其他朋友同學都唔係考得咁好, 身邊唔多覺有人掂 大家都係有支槍拎去打劫咁, 一大個"F"棟企左0係度 唉.......唔好理, 時運高, 睇唔到, 照去唱K吧!!! 之後呢幾日就去左報其他野讀, 頂多咪遲d 畢業囉~ 自己成績差都冇計, 唯有接受把啦~ 果D 麻煩又八卦0既親戚就難搞D......... 係呀~ 我係升唔到呀~ 吹咩! 你理得我丫, 我鐘意呀~ 關係叉燒事呀!? 不過原來自己真係好屎, 成舊飯咁, interview好緊張呀~~~~ 唉.........好要拿拿林操好d, 唔係連呢d 野都冇得讀就死火喇!!!!!!! ps 希望可以同到茶做到同學, 再績前緣啦~~~ >>June 27, 2004 at 5:53:41 AM GMT+8 2003 年 7 月 1 日 星期二 【晴】 舊曆生日居然同AL放榜撞埋同一日?! 阿媽話果日要出去食餐飯慶祝... 唔係化~~ 咪玩啦! result 好先有心情食, 唔好.... 有咩好食?! 有咩好慶?! 唉........... 玩到咁大, 呢招點接呀???? >>June 30, 2004 at 12:15:00 PM GMT+8 2003 年 6 月 30 日 星期一 【晴】 超過四十萬人上街遊行, 反乜反物 搞到咁, 董健華就快d 走啦~ 仲0係度懶死咩!!!!!!!!! >>June 30, 2004 at 12:15:08 PM GMT+8 2003 年 6 月 28 日 星期六 【晴】 打麻雀嘈左成個下晏........ 我成日都唔知點解, 好眼訓, 冇精神 >>June 30, 2004 at 12:15:23 PM GMT+8 2003 年 6 月 26 日 星期四 【雨】 不過戲情交代唔晒, 個ending好似草草了事咁, 又剪走晒好多片, 拍左又唔播, 都唔知為乜 >>June 30, 2004 at 12:15:38 PM GMT+8 2003 年 6 月 25 日 星期三 【晴】 馬馬地好睇.......... 又睇左twins'concert 冇咩特別, 好似睇緊d 咩兒歌show咁........無聊!!!!! 今日就睇左eason果個, 幾好~ 聽左好多好歌 "千與千尋"都幾好睇啵~ >>June 30, 2004 at 12:15:50 PM GMT+8 2003 年 6 月 24 日 星期二 【晴】 連最基本0既野都冇呀!!!!! 咁0係度做乜先得格?! 乜差都冇!!!!! 乜都唔俾做!!!!! 我都冇晒娛樂啦~ 你仲黎煩我搞我把托咩?! 仆街!!!!!!!!!!! >>June 30, 2004 at 12:16:10 PM GMT+8 2003 年 6 月 23 日 星期一 【晴】 累人累物!!!!!! 鬼唔望你去廁所冇次紙 打開銀包冇銀紙 行多步路踩腳趾呀!!!!!!!!!!!!!!! >>June 30, 2004 at 12:16:26 PM GMT+8 2003 年 6 月 20 日 星期五 【雨】 慶祝0既方式都同之前果幾年冇咩大分別, 都係約幾個人出黎吹下水, 係佢屋企搞下燒野食or 打邊爐, 睇下碟咁 不過今年就有d 唔同, 皆因我冇咩點同佢約人 (心情唔多好, 自己都唔係好想去) 有d 人又要返工, so今次只有我同haliary兩個人同rain 姐 本應我地諗住去pizza hut食野, 一切從簡........... 點知見到面0既時候, rain姐就拖左我地走, 話要買d 野先喎~~~~ 原來係要買.......足足搞左成兩個幾鐘頭, 總供買左九件野, 價值$806, 抵唔抵值唔值就見人見智 不過都幾好睇架啵~ 肉痛都抵既~~~~ 之後就去左吉吉島掃貨,0係金龍船買左個tiramisu, 再打的歸家~ 妖~ 個tiramisu都唔食,得個貴字, 我寧願正正經經買個雜果cake食好過~~~ about九點倒, 我地就冒雨回家.......... 估唔到今年0既節目係會咁, 廿歲人先做d 咁0既事......老了~ >>June 30, 2004 at 12:17:08 PM GMT+8 2003 年 6 月 19 日 星期四 【晴】 足足悶左兩個鐘頭幾, 又鬼死咁凍, 睇左咁多次戲都未試過要去toilet兩大次!!!! 無他既, 劇情悶到一d 都唔緊湊, 都唔妨會miss左d 咩野, 五十蚊就咁就0徙左, 不值~ 之後諗住有得去唱k, 搞返起個mood, 點知........ 唉........冇野好講 一條友返到大埔, 去提款俾錢人 點知前面個女人拎card 唔拎錢就行左去喎~ 我就好下意識叫左句:"錢呀!" 佢就飛身埋黎拎返1k, 唔該多謝都冇聲, 唉.......做咩好人, 1k足足就夠我還債啦~ 不過咁樣拎人錢, 又賤格左d, 費事拎完冇命享 繼而冇冇謂謂咁返屋企, 返到黎屋企人又嘈緊, 救命呀!!!!!!!!!! 個mood當堂好似d 恆生指數咁再跌到落底........ 我都冇晒計, 日嘈夜嘈都慣晒, 嘈完都係咁, 冇分別....... 到左零晨四點十........... 由於我係訓門口位, 訓到矇矇矓矓果時, 聽到有人開鐵閘聲, 又有d 膠袋聲, 仲有人拍門, 又人開門 心諗以為隔離屋條粉皮又嘈生晒啦~ 不過過左一陣都冇人應佢, feel 到係有人拍緊我門口, 唔係化~~~~~ 我係發夢定撞鬼呀?! 果條友仔仲唔知搵d 咩"gill"個匙口, 嘩~ 越黎越唔妥啦!!!!! 搞到全家醒左, 阿爸見到自己個鐵閘都俾人開埋, 即使叫二佬報警 仲問佢:"你邊位呀?! 搵邊個先?!" 條友聽聲係一個唔妨後生0既男人, 傻傻地添啵~ 佢居然答:"搵家輝" 我頂~ 你搵張家輝定梁家輝呀?????? 老豆大喝一聲:"冇呢個人呀!!!!" 之後佢就走左........ 隔左冇耐, 又有人拍門, 阿爸問佢邊位又冇反應, 我又聽唔到d 咩對講機聲, 唔通又係果條友!? 問多兩問先話自己係警察, 阿爸就去開門!? 咪傻啦~ 佢話係就係呀? 我不禁講左句:"你話係就係, 有咩證據先?" 一開門先到兩個軍裝企左0係度, 超~ 咁你就早d 應你係阿sir 啦~ 見到門口有d 香口珠, 個匙口又有d 香口珠跡, proof左大家都唔係撞鬼, 係真有其事!!!!!!! 落晒口供都已經五點幾, 搞到冇得好訓.......... 離晒譜!!!!! 今晚你夠薑咪黎, 唔係你就死!!!!!!! 都唔知做咩, 成日都有d 無厘頭野發生, 唉.........運滯到死 PS. rain姐牛一快樂~ >>June 30, 2004 at 12:24:01 PM GMT+8
|
人氣: 43501 Design & Scripting by ShowHappy.Net |
Hey ~~~
<br>take