| 日記 | 日記主簡介 |
|||||||||
2008 年 11 月 7 日 星期五 【晴】 今日係阿萍婚姻擺酒0既大日子 我同楊燕一早就到左, 仲約左珠珠同猛男攻打四方城 口口聲聲話唔識打0既猛男贏大錢!!!! 贏左珠珠足足二百幾蚊 好彩~ 我都有斬獲, 贏左六十幾蚊(車錢), 哈哈~~~~ 同枱仲有guard cell , 彭玲, 蘇柏倫....... 估唔到阿狗佢居然唔黎, 確實.....有d....... 至於個婚宴.......唔想多講, 我只可以俾70分~ >>November 22, 2008 at 2:12:57 PM GMT+8 2008 年 10 月 30 日 星期四 【晴】 唉.......paper 1......差一題pass....... 唔爽!!! >>November 22, 2008 at 2:00:37 PM GMT+8 2008 年 10 月 24 日 星期五 【晴】 今日去左九龍灣國際展覽中心考paper 1 嘩~~~~ 個hall 超靚!!! 又大又冇柱阻住, 如果0係度搞function真係冇得頂!!! 唔知點解, 一路做卷都冇猶豫, 一野就揀到答案, 做得好順暢, 一定要pass呀)))) 考考下, 有個考官黎左我斜前面果位鬼婆度嘰呢咕嚕 原來佢話佢犯規, 0係張准考證上面寫野俾人捉到, 要disqualify 個鬼婆即時聲淚具下, 最後收卷果時仲嘈緊, 嘈去去主考官, 我都冇睇落去, 收卷鬆人 考完返屋企, 去左馬會買六合彩, 今期有二千幾萬 哈哈~ 不過最後我只中左3個字, 有廿蚊拾返~ >>October 26, 2008 at 6:07:24 AM GMT+8 2008 年 10 月 23 日 星期四 【晴】 sick leave: 原因===>氣管炎未好!!! 開唔到聲, 條氣好唔順, 講句野都嘔, 冇晒氣 醫生今次仲俾 類 固 醇 我吸0.0" 哮喘藥黎架喎.......仲要連續吸兩個星期......唔通我真係咁嚴重...... 醫生話我條氣管發炎, 好似敏感, 呢排唔好講咁多野, 盡量俾d 氣管抖下 下?! 我做direct bank, 唔講野0既機會同俾叉燒包哽死0既機會係近乎零, 係玩我咩....醫生=.= 當我打返去同阿姐請假果陣, 阿姐佢好厲害呀!!! 佢居然估到我唔返, 仲叫我拎假紙!! 原來佢平時真係有留意我地做細, 無論果日朝早駛唔駛開會, 我都8.30前一定返到見到人 果日我8.30仲未見人, 佢就知我會咁上下時間打返黎請假, 佢真係好叻呀>0< 琴日出左result 喇~ 我成功做到六柱保單, 有五百蚊獎金 估唔到我九月又請3日病假, 又放3日輪休, 真係返工0既日子真係唔多 咁都俾我做到單, 我都修我自己吹脹~ 有3張單仲係0係病之前之後做架 我真係有做到野, 希望阿姐唔好怪我成日放假唔見人就好了~ >>October 26, 2008 at 6:39:36 AM GMT+8 2008 年 10 月 15 日 星期三 【晴】 我再一次病倒, 今次咳到嘔, 睇左醫生..........係氣管炎!!!! 唉.......點解好似返左呢份工之後, 我係咁病, 係咁病......... 唔通我壓力真係咁大?! 連個醫生一check個record都同我講 "林小姐, 你呢排都係咁病, 九十月搵左我一共3次, 係咪之前返學都冇病咁密呢?" "係呀...醫生....我以前返學一年都冇病一次, 我都唔知點解e+會搞成咁....." 真係病到好辛苦, 講唔到野....把聲冇左, 冇聲冇氣.... 又咳到嘔, 標晒眼水, 又咳唔停...... 今個月又請病假........如果可以揀, 我寧願返工都唔想病 d 西醫食到我個人好散, 救 命 呀 !!!!!!!!! ps 約左阿萍食飯, 順便拎帖, 真係恭喜晒呀!!!! >>October 17, 2008 at 10:17:38 AM GMT+8 2008 年 10 月 9 日 星期四 【晴】 吼)))))))))))))))paper8 pass........paper7差一條陣亡左 我頂!!!! 俾我pass俾一take過都唔得~ 天呀!! 點解你要對我咁殘忍!!! why me!!?? 本來今日約左5D班人出來聚下, 但係我開完會實在太"支力" 所以最後放左飛機, SO SORRY!!!!! >>October 17, 2008 at 9:56:25 AM GMT+8 2008 年 10 月 7 日 星期二 【晴】 今日入入下分, 副經走黎同我講.... "yannes, 你過左試用期喇~" "下?! 冇理由, 我都未過半年, 點會過呢?" "我話你過就過啦~ send俾d文件上去, 一來一回差唔多啦~" "哦.........." "你唔好話俾華組知呀, 唔係佢一定迫你啡佬架~" "哦.........." 原來.......提早左我過試用期, 咁究竟係咪一件好事呢?! 我仲以為我會好似蕉皮五咁會俾人調走添~ 因為我上個月請左3日病假, 差不多有成個星期唔見左人 好在有單撐住咋~ 聽佢地講我做果d單都過晒, 有獎金分呀~ 哈哈!!! 唔知有冇人工加呢~ 好想知呀!!! 因為副經問左我好多野, 好似屋企有幾多人, 住邊, 之類之類 24號出糧就知喇!!!! >>October 17, 2008 at 10:16:43 AM GMT+8 2008 年 9 月 26 日 星期五 【晴】 考完喇~ 考完喇~ 不過..........原來唔似我想像中咁囉~ 以前考試, 只要肯做下past paper, 成績都唔會差得去邊 今次都有做呀, 仲做左2000多條MC, 不過考果D完來唔係果一會事~ 我都唔知考成點~ 因為個個答案我都冇十足把握 唉~ 一切隨緣......... 但係我真係好想PASS呀!!!! 天呀!!! 你幫埋我今次啦!!! 求求你))))))) >>September 28, 2008 at 10:39:21 AM GMT+8 2008 年 9 月 22 日 星期一 【晴】 8 號風球走左, 但係d 風仲好大囉~ 痴鬼線!!! 返到去阿姐就問仲有冇事, 我......還可以, 撐得住 我仍然要返到去13號窗身邊 開 戶口!! 不過.........我明顯爹地真係幫我好多, 可能佢睇得出我仲係康復中 我冇返果兩日, chloe就頂左兩日, 返到去佢就同我係咁"申", 做到有幾點點點辛苦 chloe話佢做錯左野, 俾爹地佢地吉左幾句....... 我知喇~ 係我唔0岩, 我唔返工累你頂13, 我知錯喇~ 唉............坐13有幾多鹹苦, 你估我唔知咩 不過我做左咁耐, 都冇俾佢地吉過, 可能我真係好少做錯野, 佢地冇咩機會吉我 哈哈~ 你地終於知道我0既重要喇~ 冇人坐13助陣, 我睇你地知驚咪~ 有時玩唔見人, 原來先知你自己係有幾重要!!! ps 今日做唔到單, 唯有等到下星期1 , 2 最復衝刺啦!! 加油!!! >>September 28, 2008 at 10:34:59 AM GMT+8 2008 年 9 月 21 日 星期日 【晴】 真係諗唔到醫生會俾我連放兩日病假...... "醫生, 救命呀...我吃晒你開d 藥架喇, 臨訓前我又痾到個人想暈, 條腸好痛, feel 到佢係咁郁, 真直係不正常, 0係兩個鐘足足痾左5次.........." "林小姐, 睇黎你仲未痾晒d 菌出黎, 你有冇聽我講戒口呀? 記住飲保礦力" "有呀.....醫生, 究竟我咩事, 會痾到咁, 我都未試過痾到個人咁虛......同埋, 我想要今0既病假紙..." "我睇你痾成咁, 我諗一日唔夠你痾, 我要你聽日都係屋企抖抖, 痾清晒先好架~" "下?! 醫生......唔係咁大鑊下話.....聽日都返唔到................." "你放心, 我會幫你, 聽日我會打俾你, 問下你痾成點" 雖然我講過我好想抖下, 但係玩到咁大就真係第一次 我咁大個人都未試過放假係0係屋企等屎痾.......... 原來"得閒得屎痾"<=========呢句野真係有事例架!!!! 真係痾到七個一皮, 完全冇冷場, 差不多攬住個廁所訓咁滯 老實講, 我真係唔係好想放, 因為我仲有一張單未開, 加上.....我呢個星期4, 5 都放假 (好早之前我request放呢兩日, 閉關溫書準備星期6去考paper7 & 8) 咁放假法, 唔知阿姐會唔會#%$*#$^(&^我 最慘0既係......天文台剛剛掛左8號, 如果聽日星期3都唔駛返, 咁.....我即係放左一大個星期假 估唔到醫生同個天都幫埋我, 唔通佢地都知我平時做野做到有幾辛苦??? 製造左一個可以好好溫書0既機會, paper 7 & 8====>no big deal !!! 成個星期唔見人......今次都算代表作咯~~ 真係 何 其 壯 觀 !!!! >>September 28, 2008 at 10:22:10 AM GMT+8
|
人氣: 43498 Design & Scripting by ShowHappy.Net |
Hey ~~~
<br>take