| 日記 | 日記主簡介 |
|||||||||
2004 年 1 月 13 日 星期二 【晴】 點解會淨係得我, 楊燕同阿may三個女仔燒野食架?! 乜唔係jeoy佢地都去咩?! 唉...... 真係...... 咁0既組合燒野食真係好騎呢 我都唔知點解我要黎 楊燕囉~ 要人就佢星期二 就晒佢啦~ 騎虎難下啦~ 唔去都唔得啦~ 我唔係陪佢, 我都唔會去 因為真係好惡頂呀~~ >>June 30, 2004 at 10:58:59 AM GMT+8 2004 年 1 月 12 日 星期一 【晴】 話就話0係西貢燒野食ja 大佬呀~ 西貢咁大你燒晒咩~ 又講唔到究竟0係邊一duck燒 叫人點黎呀?? 各自各入去咪仲好 何必要兜個圈約埋入喎~ 最抵死王爺話冇車返出黎 要call 的士出返黎 鬼有咁多閒錢咩~~ 真係俾佢激死><" 問佢地邊個做搞手啦~ 居然一個推一個 哎呀~~~~ 孖田又確定唔到0係邊度燒 吹脹......... 不過點知俾我地嘈多兩嘈 居然俾我地嘈有機改去赤柱喎~ 雖然係港島果邊 不過坐車返真係方便好多喔~ >>June 27, 2004 at 5:49:02 AM GMT+8 2004 年 1 月 11 日 星期日 【乍雨乍晴】 冇錯! 係葵芳! 因咩事要去到山卡啦咁遠整頭呢?? 冇他0既~ rain姐識人, 做生不如做熟喎~ 是但啦~ 橫掂我都冇咩心水 try try囉~ 嘩~~~~ 好多人整頭呀 足足整左成四粒鐘呀-_-" 整到我好眼訓.... 一個紅毛飛今日誕生!!!! 嗯........ 我要紅運當頭^o^ ----------------------------------------------------------------------------------------------------------------------- 0係去葵芳之前 我返左polyu整野同拎mgt project 估唔到我地咁做都有B 喎 唔知呢個係咪 total 果個呢 不過對於我黎講都算出乎意料 希望mgt pass就好喇!!!! >>June 30, 2004 at 10:59:08 AM GMT+8 2004 年 1 月 10 日 星期六 【晴】 夕陽之歌 斜陽無限 無奈只一息間燦爛 隨雲霞漸散 逝去的光彩不復還 遲遲年月 難耐這一生的變幻 如浮雲聚散 纏結這滄桑的倦顏 漫長路 驟覺光陰退減 歡欣總短暫未再返 哪個看透我夢想是平淡 曾遇上幾多風雨翻 編織我交錯夢幻 曾遇你真心的臂彎 伴我走過患難 奔波中 心灰意淡 路上紛擾波折再一彎 一天想到歸去但已晚 啊 天生孤單的我心暗淡 路上風霜哭笑再一彎 一天想 想到歸去但已晚 >>June 30, 2004 at 10:59:17 AM GMT+8 2004 年 1 月 9 日 星期五 【晴】 今日佢居然同我講左佢咁多以前0既事 真係好少可架~~ 原來大家都唔係好鍾意自己所謂親戚0既親戚 一年都見唔到一次 咁有咩野可以值得鍾意?! 知唔知最辛苦就係冇野講搵野講 大佬! 搵野講呀!!! 有咩話題先至得架~~ 根本就唔同背景, 唔同世界 不如殺左我好過啦~ >>June 30, 2004 at 10:59:27 AM GMT+8 2004 年 1 月 4 日 星期日 【晴】 聽返rain 姐講 果日一齊count down果三男三女 其中一個男仔係某公司0既model 唔怪得之我覺得佢好面善啦~ 諗左成晚都講唔出佢似邊個藝人黎形容 淨係覺得佢好有星味 原來佢真係做呢行~ ---------------------------------------------------------------------------------------------------------------------------- 阿may又話約唱K 點知佢居然入左院 起初話照條腸, 之後再call佢, 已經留緊院 又係因為個胃有事 今次唱K又泡湯lu 上次約好左而cancel就因為楊燕 佢冇啦啦又痾又嘔 痾到七個一皮~ 唉..... 都唔知點解你地個個都咁屎 咁易就KO入院 你地自己小心d, 早日康復啦~ >>June 30, 2004 at 10:59:45 AM GMT+8 2003 年 12 月 31 日 星期三 【晴】 好乖咁0係屋企溫pura 所以今年, 打死都出街感受下d 氣氛啦~~ 不過....... 我點都估唔到會咁樣過 0係friend搭friend之下居然同六個完成唔識0既人count down 真係好怪...... 之後我地一齊玩"七級珠" 我都唔知乜架科 不過一玩之下, 居然俾我以一級珠都冇贏左 呵~ 天才~~ 淨係睇佢地俾人傳染都幾好笑 >>June 30, 2004 at 11:00:10 AM GMT+8 2003 年 12 月 30 日 星期二 【晴】 希望來年繼續有運行 做乜都順頭順路 生意長做長有, 賺夠幾個開!!! ---------------------------------------------------------------------------------------------------------------------------- 03年...........係一個喪差0既年頭 死得特別多人, 最唔開心0既係哥哥同阿梅相繼離開 在此回顧下自己呢年搞過d 乜 一至二月 趕車, 返學, 放學, 補習, 溫書, 計數, 度期, 糟錢, 咀咒 不斷重覆, 重覆, 重覆...... 三至四月 溫書, 考試, 溫書, 考試, 繼續溫書, 繼續考試 無聊過無聊, 頹廢過頹廢!!!! 五至六月 被SARS所累, 冇 得 去 旅 行!!!!!!! 在家中自閉, 打機, 訓覺, 出街亂洗錢 七至八月 放榜, jupus有offer, 唔讀!! 四圍報名, 俾錢, interview........ 九至十月 踏入大專生涯, 返完學就好似冇返過一樣 繼續玩玩玩玩玩玩玩............... 十一至十二月 開始知死, 溫書, 趕assignment同project, 繼而考試 最後一齊都平穩過度 >>June 30, 2004 at 11:00:54 AM GMT+8 2003 年 12 月 29 日 星期一 【晴】 03年又死多個藝人 唔係楊燕話我知 我都唔知梅艷芳零晨兩點幾死左 估唔到佢過唔到04年 差兩日都捱唔倒 時辰到就係到, 多0的0的都冇 唉............... >>June 30, 2004 at 11:03:02 AM GMT+8 2003 年 12 月 28 日 星期日 【晴】 喪貴!!! 都唔知點解會有果盤0既出現 仲有三兜nuts 都唔知係咪痴鬼左痴~ 得果四個人唱, 駛唔駛俾咁多野呀??? 八五折左之後每人都要$125 癲!!!!!!!!! 安慰自己.......冇唱咁耐, 一劑過俾佢 >>June 30, 2004 at 11:04:10 AM GMT+8
|
人氣: 43499 Design & Scripting by ShowHappy.Net |
Hey ~~~
<br>take