| 日記 | 日記主簡介 |
|||||||||
2004 年 1 月 24 日 星期六 【乍雨乍晴】 哈哈～～～～ 我又羸錢喇！！！！ 今日阿婆阿姨黎左將軍澳 我地又開四方城喇～～ 我狂食自摸三番 有好多個四十八呀 嘿嘿～～～～ 最後食多個自摸爆棚 收齊有九十六架！！！ 之後大家都唔弱 都有食返下ｄ兩三番 打左唔夠四圈 我又”冇本生利”咁嬴左＄１５９ 嗯～～～ 有ｄ麻雀數幫補真係好０勒～ >>June 30, 2004 at 10:54:04 AM GMT+8 2004 年 1 月 23 日 星期五 【乍雨乍晴】 初五要開學喇．．．． 咁凍要晨早起身．．．．． 哀哉！！ 見仲有兩日就要返學 我就執埋ｄ野返大埔老家 原來執下執下 我都有好多野０係呢度 咁多野點帶走呀？？ >>June 27, 2004 at 5:48:47 AM GMT+8 2004 年 1 月 22 日 星期四 【乍雨乍晴】 食完開年飯之後就起程去香港仔搏殺 皆因香港仔果邊ｄ人都唔係正常人 到今時今日我仲收到十蚊呀）））））））） 所以要早去到 要０係四方城拎返我少左０既野－－－＞錢！ 哈哈～～ 我一落場就係咁自摸三番 ｙｅａｈ！！！收齊有成四十八架！！ 一路都係”冇本生利” 之後佢地見到我係唔係都嗌開牌食 就要打大牌，仲要玩全寵 哼～ 我 冇 所 謂 啵～ 好可惜～ ０係大牌搏大牌之下．．．． 我萬歲左兩次 最後我都有少少斬獲 ＄７８呀））） ａｔ ｌｅａｓｔ賺返ｄ車錢啦～ >>June 30, 2004 at 10:54:14 AM GMT+8 2004 年 1 月 21 日 星期三 【晴】 "恭喜發財" 訓到十一點到先起身 之後就沖個靓涼 係咁二打扮下就出門口拜年 今日收到兩個口訊 估唔到其中一個會係阿萍 佢同我say"新年快樂" 當我覆佢果陣, 佢仲夠膽死提"生日禮物" 哼~ 都擲過年啦~ 不如當係2004年果份好過~ 又話我送0既話 死都死過黎我屋企拎 超~ 咪又係得把口 唔駛拜年都唔出黎睇戲 都唔知你做乜?? 而我呢~ 每年都係指定動作去九龍城同林家親戚拜年 食大鑊齋.......(今年又大鑊左喇) 之後去左銅鑼灣行個大運 繼而返左調景嶺 預告聽日行程 先去九龍城食開年飯 再到香港仔再食開年飯 點解年年都係咁過架?! 唔得!!!! 我出年一定要沖出香港!!! >>June 30, 2004 at 10:55:42 AM GMT+8 2004 年 1 月 20 日 星期二 【晴】 流程表如下: 調景嶺-->尖沙咀-->紅磡-->深水埗-->旺角-->大埔 晨早就起左身 去左整果個咩基金 唉..... 原來都唔駛咁急搞 不過一場出左黎就去整啦 頂~~ 點解要自己交form架?! 仲要交去長沙灣政府合署 妖~~~~~~ ------------------------------------------------------------------------------------------------------------------------- 返到屋企 check 下個webCT 呵呵~~~~~ 唔駛俾SUNNIA教喎 太好喇～～～ 一億個ＬＵＣＫＹ！！！ 得知呢個消息 我足足笑左成個字 因為真係好開心 大佬～ 唔駛佢教啵～ 回想起上個ＳＥＭ，都唔知教左Ｄ乜 堂堂都唔知佢做乜 ０徒晒Ｄ時間同學費莓～ 今暈擺脫左佢喇 ＹＥＡＨ！！ 我同阿ＭＡＹ都好好彩唔駛再受佢 不過．．．．楊燕就中晒招 難逃一劫 慘））））））））） 調班把啦～～ －－－－－－－－－－－－－－－－－－－－－－－－－－－－－－－－－－－－－－－－ 一句講晒．．．．．”心想事成”就夠晒 希望今個猴年順風順水就好喇～ >>June 30, 2004 at 10:56:23 AM GMT+8 2004 年 1 月 19 日 星期一 【晴】 今日去左同楊燕, 阿may去左唱K 果個"金茹牛肉飯"好好食呀))) 之後就走左去睇"鬼馬狂想曲" 開頭都好好笑, 最好笑0既係劉青雲 佢真係好好笑 好閞心呀~ 終於買左個斜咩袋喇~~ 好野!!! 好野!!! --------------------------------------------------------------------------------------------------------------------- 今日仲收到一個好驚嚇0既電話 就係珠珠打黎呀~~ 佢話俾我聽果個咩"持續進修基金"要0係呢幾日搞好 唔係開左學就冇得搞 下?! 唔係化~ 咁大鑊?! 年初一,二,三係咁放, 咁咪得返聽日可以搞?? 仆街喇~~~~~~~ >>June 30, 2004 at 10:56:50 AM GMT+8 2004 年 1 月 17 日 星期六 【乍寒還暖】 其實我真係冇心串佢!! 事情0既經過係...... 當十八個人一圍枱食飯果時 二舅父冇啦啦聊我傾計 佢問我過年咁得閒, 不如去佢屋企好唔好 咁我就好快咁答佢"唔好" 之後兩個阿姨就話我做咩咁樣答 "人地問係去唔去, 就梗係問去啦~" 跟住我又好快咁答佢地 "咁我真係唔想去丫嘛, 我都係誠實ja, 冇你地咁虛偽" 唉........ 我都係講真話ja 大佬~ 天水圍呀!!! 點入呀??? 入左去都唔知出唔出到返出黎 我都係表現自己, 講真心話ja 就算話左去, 到時唔見人, 咪仲衰仔!! 事後阿媽話我做咩咁唔好老脾咁講 天呀~~~~~~~我真係講真話架咋 根本成件事我都冇諗過串佢 唉....... 唔通我真係串得濟?! 冇心講句野都搞成咁?? 可能真係講果個冇心, 聽果個有意啦~ 咁多年黎, 舅父佢地都冇請過大家去佢地屋企 冇啦啦有咁0既提議, 真係打左個突 咁好死都唔知係咪有d 野 我都唔想小人之心度君子之福 不過識左佢咁多年, 佢地都唔似d 咁0既人 所以.....多一事不如少一事 之後餐飯食得好快 八點半都未到, 就食完楊州炒飯 食埋個美點雙輝就走得 跟住個侍應黎收野 唔知佢做咩鬼野 收完野講句"大家慢慢食" 我又好快咁講 "都食完啦~ 你依家先叫我地慢慢食?!" 噢~~~~~~ 佢即刻面都紅埋~ 其實我都係同個哥哥仔玩下ja 唔駛咁認真喎 我諗我都係要檢討下自己 唔出聲好過出聲 >>June 30, 2004 at 10:57:23 AM GMT+8 2004 年 1 月 16 日 星期五 【乍雨乍晴】 就係係econ累死 QM A唔到 仆街啦~ >>June 30, 2004 at 10:57:40 AM GMT+8 2004 年 1 月 15 日 星期四 【晴】 我居然可以0係十個鐘之內織好左條頸巾!!! 哇哈哈~~~~ 之前0係poly買左一大舊冷 諗住織好左可以聖誕果時戴 可惜......... 係就係織好左, 不過我織得太闊喇 又唔夠冷再織長d , 仲要配唔返隻冷 唉........ 搞到唔長唔短咁, 都唔知點算 要拆左佢再黎過咩? 我又唔捨得喎><" 直到今日 我好狠心兼決絕要拆左 再 織 過 !!! 我由十二點幾開始著手 係咁織, 係咁織..... 希望可以織好戴住去拜年 一路睇電視, 一路織織織 到左十點....... 完成左!! yeah~~~~~~ 萬歲! 萬歲!! 新年有新頸巾戴!!! >>June 30, 2004 at 10:58:03 AM GMT+8 2004 年 1 月 14 日 星期三 【晴】 佢就好多收穫呀~ 而我.......係"冇", 得個"零" 呢幾日我都好擔心 驚會收到電話要我retake 邊科邊拜 大佬~ 一個唔該$4350呀~~ so 冇咩心情去駛錢 好貴呀!!!!!!! 仆街!! >>June 30, 2004 at 10:58:38 AM GMT+8
|
人氣: 43500 Design & Scripting by ShowHappy.Net |
Hey ~~~
<br>take