| 日記 | 日記主簡介 |
|||||||||
2004 年 8 月 16 日 星期一 【晴】 禽日約左rain 姐去九龍灣德福走走......好無聊~~~ 之後走左去宜家度搞搞震 嘩~~~~超大呀!!! 有成幾層樓咁大, 個樓底仲好高 感覺就好似去左貨倉咁, 又大又寬敞!!! 我地仲走左去佢個coffee shop食野 果度有好多野食可以揀, 咩撻咩批咩cake咩三文治都有 熱狗餐有野飲九蚊....抵食!!! 叫左個朱古力cake, 好睇唔好食!!! 行多兩行,冇啦啦個死野玩"打大佬" 搞到我呆等了幾個字!!! 到左六點鬆d, hailiary出現喇~~~ 之前相約左話睇戲, 睇千機2 不過好多人都話唔好睇, 就諗住睇小Q or加菲 點知加菲未上, 小Q係only choice 最後決定唔睇, 再約過幾日去睇加菲 我地就轉場去左觀塘唱 K 好多人, 爆晒場!! 不過佢D 野食真係食唔過, 因為佢係放0係一個幾熱同幾焗0既地方 我地都唔敢食果D 冷盤, 費事乃野嘛!!! 返到屋企收到幾封信 有封寫住0係USA寄來, 等我仲意係陳雅儀寄返D 相俾我添 點知一拆開, 係生日卡一大張?! 唔係化~ 果日先同左佢地一齊慶祝, 唔會搞 D 咁0既野下話~~ 再睇清楚個回郵地址....cyrus lee?!! 好明顯係個男仔名黎, 陳雅儀係kenix chan嘛~ come from USA!? 邊鬼個呀!!!! 再一開.........原來係好耐好耐好耐好耐好耐冇見0既肥遜會有來信!!! 真係估唔到啵!!!! 哈哈~~~~ 係呀!!! 佢好似真係叫cyrus..... >>August 17, 2004 at 3:21:01 AM GMT+8 2004 年 8 月 12 日 星期四 【酷熱】 今日選 miss HK, 我梗係有睇啦!!! 好野~~~我一直睇好0既六號徐子珊真係嬴左呀!!! 
哈哈~~~~~ >>August 13, 2004 at 4:30:26 PM GMT+8 2004 年 8 月 11 日 星期三 【酷熱】 今日係阿霞生日, 最終都有蛋糕食, 真好~ 大佬去買我俾錢~ 阿媽仲炆左冬茹, 0岩晒佢胃口喔!! >>August 13, 2004 at 4:24:03 PM GMT+8 2004 年 8 月 6 日 星期五 【酷熱】 荃灣!!! 果然係一個鬼死地方!!! 都話左唔駛咁早出門口架啦~ 早到左成個鐘呀!!! 行咩鬼街丫~ 都冇野好行, 直情係冇地方可以俾人行行 唉.....我連搵間老麥都搵得好苦..... 
之後要去佐敦拎電話卡 我頂!!! 都唔知係咪玩野~ 拎張咁0既野要去到咁遠, shit!!! 一出地鐵站真係頭痕, 都唔知行邊個方向~ 好彩俾我認到加士居道打後就係佐敦道咋 唔係就做梗"迷途小孤燕"!!! 成功拎左張卡就要去星光行拎禮品 行到柏麗俾我見到羅蘭呀~~ 見到佢就諗起龍婆個做型, 講起都有d 驚 好彩係日光日白ja~ 之後就行返去金馬倫道 諗住去simply bread 訂個生日蛋糕俾阿霞 佢d 麵包都賣得幾貴下, 大多都要九蚊個倒 不過佢d cake睇落都幾抵, 兩磅都係百二至百五倒 一來可以試下味道, 二來可以還返個人情 點知大佬話唔駛搞 呵~ 慳返!!! >>August 7, 2004 at 11:04:24 AM GMT+8 2004 年 8 月 6 日 星期五 【酷熱】 哎呀~~哎呀~~~好緊張呀!!!! 仲有三個鐘倒咋.......點算好呀??!!! 其實..........諗深一層, 我根本唔駛咁緊張ja 得唔得都只不過係一個 bonus, 唔駛睇得咁大既 又唔駛死人罰錢坐監 take it easily~~~ >>August 7, 2004 at 3:15:27 AM GMT+8 2004 年 8 月 4 日 星期三 【暴雨】 <<行雷閃電真係會出事>> 平日我係我少可入街會落街 不過為左某d 野, 就落左街買所需要0既野 返到黎 lift 口果陣, 冇啦啦有個"食蕉連皮"(security)氣衝衝咁由後座門口入左黎 佢一支箭+撞死牛咁又衝返出去正門 我見到佢咁仲以為佢做賊添, 之後就返左上樓 過左冇耐就聽到有"B Boo"車黎喇 睇返新聞先知原來有個十二歲男童0係我屋企樓下因為拾波而電死左 如果我冇0係七仔睇有咩新野玩抽0既話, 我諗好有可能見到晒成件事發生 不過呢d 野真係睇唔到好過見到 唉.....真係慘呀!! 冇啦啦踢波都死人架!!! >>August 5, 2004 at 4:07:51 PM GMT+8 2004 年 7 月 30 日 星期五 【酷熱】 好野!!! sammi 演唱會有得去睇喇~ 0係睇 concert 之前, 就去左睇"煎釀三寶" 去左以前成日去０既－－－豪華 豪華依家把閉喇！進步到出電腦飛呀，好先進喔！！ 仲多左人去睇添呀～唔係以前咁，小貓三四隻冇人去睇 不過齣戲就．．．簡直係垃圾!!!! 不知所謂!!!! 劇情完全唔知佢想講緊乜 好似就咁剪埋ｄ片就咁播就算，ｄ笑位仲好格硬 好悶，悶到我打左Ｎ咁多個”喊路”，有人仲未睇晒悶得滯走鬼埋 唉．．．真係０徙左劉青雲呀！！！ 好彩有換票證，唔係仲蝕 之後去左行街，行到咁上下就差不多夠鐘 八點未到我地就入左場，一心諗住佢就八點三準時開場 點知成八點九Ｄ人先入場，搞到咁遲先開始得 座無虛席，全場爆滿！！！ 表演嘉賓有林一鋒, 杜麗莎, 何韻詩, 都幾好睇, 冇咩冷場!! 唱果d 歌都係舊歌為主, 連"世界之最"都冇唱到 跳舞就冇以前果d 跳得咁勁, 輕輕帶過就算 d 衫都幾好睇, 不俗!! 不過中途個升降台冇啦啦壞左, 唔上唔落, 搞到miss左一個佈景 最好笑就係同現場觀眾玩果part, 有名錶同超大隻hello kitty 送 呢Ｄ就係坐四百蚊０既福利！！ >>August 1, 2004 at 3:25:34 AM GMT+8 2004 年 7 月 26 日 星期一 【晴】 成個禮拜冇寫日記添~ 皆因我最近沉迷左玩天堂2 原先係幫我大佬玩下, 點知果個遊戲人物個造型好過癮 行果陣睇住佢個背影, 睇住佢走到成舊蕃薯咁, 好鬼死跳俏~~ d 怪獸都好抵死~ 冇啦啦會追住人黎打 仲一路追一路鬼叫, 喊打喊殺咁, 真係好好笑!! 好野~ 仲有四日倒就可以見sammi 喇~~~ 真捧喔!!! 
>>July 27, 2004 at 11:14:09 AM GMT+8 2004 年 7 月 19 日 星期一 【晴】 真係好!!! 忍咁耐終於到左今日!!! 呢個世界得佢仲咁死蠢架喇~ 當我地全家係阿十呀?? 買唔到, 買唔到....買唔到個屁!! 你喊又點?? 我唔會因為你喊而感到內疚架啵~ 丁點兒也沒有!!! 你繼續囉~ 繼續做你0既戲, 只不過得一個觀眾睇你台戲 anyway, 單打戰~~ 大獲全勝!!! re: 雲妮莎, 又0係我個場亂講野?! 想找死?? >>July 23, 2004 at 5:01:19 AM GMT+8 2004 年 7 月 18 日 星期日 【酷熱】 朋友們同我慶祝生日, 去左唱K buffet 有cake同champagne送, 真好~ 不過就唔多覺果間野有好多野食 個廁所最唔掂~~ 真係爆污糟!! 不過算啦, 呢d 都唔係重點 最唔好就係check 左我三次身份證 都唔知搞乜?! reception都睇左兩次啦~ 埋單又要睇, 都唔知有咩咁好睇!!! 好煩囉~~ 估唔到個cake都幾好食 係朱古力, 真係好朱古力, 內內外外都係朱古力 我真係好唔鐘意佢播果隻生日歌, 好難頂~~ 濟濟都係咁真係好樣衰......低調 d 好.....都唔知有咩為!!! 佢果隻真係好難聽, 個mv仲........唉.......真係講出黎都唔好意思~~ 果時真係想打鬼爆個電視機佢!!! >>July 19, 2004 at 4:35:41 PM GMT+8
|
人氣: 43499 Design & Scripting by ShowHappy.Net |
Hey ~~~
<br>take