| 日記 | 日記主簡介 |
|||||||||
2004 年 3 月 28 日 星期日 【陰】 都唔知想點咁～ 今日日文堂諗住有卷派 點知道ｓａｎｄｙ佢未改起 哎呀～～～（失望） 佢仲透露話我地果班ｄ成績唔係好理想 有人十分都冇 不過就有人五十分拎四十六～ 嘩～ 真係好勁呀！！ 冇啦啦阿恩提起話阿玫講佢聽 我地班有個好乞人憎０既人 佢話係關於倒我 下？！！ 唔係化～ 講緊邊個呀？？ 一問之下原來係講緊阿邊個邊個 佢地聽完我講果件事之後都覺得佢好怪 不過就唔知有咁多野發生左囉～ =================================================================================== VANESSA今次真係好駝衰家!!! 上CCT果時個坐法係咁既 VANESSA, 阿MAY, 楊燕, 我 忽然阿SIR冇啦啦大嗌:" VANESSA........隔離果個.........再隔離果個...........成行都係!!! 唔好咁嘈!!!" 真係撞鬼你咯~ 我根本一句野都冇講過 冇啦啦俾人話埋一份!!! 阿MAY同楊燕都話一個係講一個係聽啦~ (即係主謀同幫凶) 咁我乜都冇做過都俾人話喎!! 家陣又唔係得我地自己幾個嘈 坐前面果D家陣好死靜呀?! 佢地自己本身仲嘈啦~ 其實最嘈果個係你自己阿SIR 本人咋 頂~ 咁仲等咩呀?? 一於嘈死佢啦~ 不過我點都冇阿MAY同楊燕咁火爆 我都係問嘈左兩野就收檔 (嘈兩野都=人地嘈十野啦) 佢地居然可以由LECTURE ROOM入面嘈到出門口 由門口到LIFT口, 入LIFT 到出LIFT 出LIFT到七仔, 七仔到食緊雪糕 食完雪糕到行去火車站 都係0係嘈鬧緊, plan緊tutorial 點樣表達不滿 真係痴鬼左線!!! 不過講到最衰都係VANESSA累事 都唔知係咪禽日同阿SIR有ARGUE 搞到今日咁玩野!! 咩世界?! 我好無辜呀!!!!!! ================================================================================== 上左火車坐低左 隔離有個黑人坐左0係度 中間仲有一個位吉左 坐坐下坐到好鬼迫 原來有個阿無坐左落黎 佢好似好驚個黑人咁 坐到有咁埋得咁埋楊燕果邊 然得坐上楊燕大脾咁滯 楊燕一迫之下又迫埋我呢邊過黎 搞到我同佢都迫埋左一舊 我一邊係佢, 一邊係玻璃 我 感 到 萬 般 無奈 !!! 好地地明明有四個位咁多 仲咩坐到三個人位兩個位咁樣呀??? 我忍唔住大聲問左句:" 唔係咁樣坐到返大埔呀嘛???" 之後都忍唔坐狂笑^O^ 好彩果個怕死0既阿無旺角就起身落左車咋 唔係我諗我地就係咁迫住迫住咁返大埔 都唔知做咁鬼野 點解發生左咁多無辜事0係我身上!! >>June 30, 2004 at 10:40:54 AM GMT+8 2004 年 3 月 26 日 星期五 【晴】 出左考試時間表喇~ 考到 17 號就考完 嘻嘻~ >>June 27, 2004 at 5:47:55 AM GMT+8 2004 年 3 月 25 日 星期四 【暴雨】 居然走晒今日所有堂!! 冇錯!! 係 所 有 !! 咁.......我做咩會準時起身?? 準時返到poly?? 連我自己都唔知道 我淨係知今日好怪好怪好怪...... ---------------------------------------------------------------------------------------------------------------------------- 唔知大家有冇試過好想好想好想殺人一個人 我係經常性都會想!! 真係好想!!!! 不過同佢唔可以武鬥 要 智 取 !! 所以我一定要冷靜....... 同佢黎個生死鬥!! >>June 30, 2004 at 10:41:05 AM GMT+8 2004 年 3 月 23 日 星期二 【晴】 今日真係有運行咁呀~ 晨早打電話俾楊燕食唔食老麥 你知啦~ 好難得佢賣得咁鬼死平架嘛 十蚊有得食喎^^" 之後我就趕頭趕命衝左去新達果間老麥 去到火車站果時 見到有奸世企左0係度 我怕我拎住入閘會俾佢ge咭 所以等到楊燕黎左就放左兩個餐入去個袋返 嗯~~~~~好成功咁避開左大家0既耳目 0係車上面都幾"呢"hai 搞果杯凍奶茶先最考技術 冇枱冇櫈之餘,架車又鬼死咁遙 不過最後都可以0係火車上面完成指定動作啵~ 呵呵~~~~ 返到黎打俾vanessa 佢又係度塞緊車 又溫唔到阿may, 未知佢0既去向 搞到今日cct得我同楊燕自閉 阿sir一見到佢兩個冇返 就走過問"你地d friend呢??" 楊燕又好抵死咁問返阿sir"其實你知唔知佢叫乜名??" 真係估唔到, 阿sir好甜思思咁答我地~ "vanessa丫嘛~" 噢!!!!!!!!!!!! 好一段宿世恩緣!!!!! eat c do 聽見阿may0既真名 好似好surprise咁, 鬼死咁開心 好囉~~~ 佢兩個埋街食井水 搵到咁0既住家 真係安樂晒咯~~ 哇哈哈!!! 之後上英文堂超爽 齋聽listening only 好easy come, easy go 咁過 SO GOOD!!! >>June 30, 2004 at 10:41:17 AM GMT+8 2004 年 3 月 21 日 星期日 【炎熱】 又話greeting 好重要 溫到滾瓜爛熟居然得果五分 等我仲溫左成兩日 今日仲四點起身溫多次 真係0徙....... CCT都唔知做乜! 成日都係溫左等於冇溫咁 答左等於冇答 一個"死"字形容晒! >>June 30, 2004 at 10:41:28 AM GMT+8 2004 年 3 月 16 日 星期二 【晴】 就係0係四樓女厠門口 有個會閃0既物體0係我面前出現 就係一個 十 蚊 餅 !!!!! 真係好開心~ 未試過0係街執到錢架~ 平時都係聽人講就講得多 果時我諗有冇咁多錢執呀?? 點解我未試過!!?? 今次終於到我喇~ 嘿嘿~~~~ >>June 30, 2004 at 10:42:05 AM GMT+8 2004 年 3 月 15 日 星期一 【晴】 有冇都通知下啦~ 唉.....我真係好唔鐘意"等"呢種感覺 仲要係等結果果d 真係好乞人憎!! ---------------------------------------------------------------------------------------------------------------------------- 佢地話六月去泰國旅行 之前 rain姐都話我一考完試同我去 不過果時大佬又話一齊去日本 家陣我都唔知去唔去得成 其實去邊....真係冇咩所謂 d 錢係唔係都係咁駛架啦~ 我最至在0既係行開下ja --------------------------------------------------------------------------------------------------------------------------- 不過依家最重要0既係去寄左個申請表先~ 上次拎左form填好晒又唔肯去寄 相又唔肯去影過打, 支票又唔自己開 都唔知自己想點!!!! 去旅行計劃dump得太耐喇~ 搞到冇晒個mood~ >>June 30, 2004 at 10:42:21 AM GMT+8 2004 年 3 月 14 日 星期日 【晴】 簡直係大凶呀！！！！ 今朝我個手機如常六點半響機 我醒左按熄左佢之後就起身 見到個沖涼房有人 就一個飛身跳返上張床 諗住訓多一陣間 點知．．．就係咁 我就一睡不起 直到有人ｆａｘ黎 個ｆａｘ機係咁嘈我先醒 果時已經九點四喇～～ ｏｈ ｓｈｉｔ！ 之後我趕頭趕命咁返去上三粒鐘０既日文堂 果架死人ｋ巴又蟻冷咁要成四個字先到火車站 我頂！！！！ 返到去已經十點八喇～ 蝕左百幾銀呀！！！ 之後ｌｕｎｃｈ果陣 都唔知行咩衰運 排果行冇得咇通仔 搞到我要俾ｃａｓｈ 討厭！！！ >>June 30, 2004 at 10:42:38 AM GMT+8 2004 年 3 月 13 日 星期六 【晴】 黑起臉就落大雨 仍懵然全不知 嬲得我大鬧大叫 也沒有半句入耳 先生你受硬受軟 何解全無通知 多麼好修養 望著我撞牆 扮沒有在場 你說我一向 易動怒你所以 沒太緊張 講得相當對 但在我立場 若動氣自然想 男友顯得緊張 何以我的嬲爆爆 未見得有效 情緒那麼嬲爆爆 但無人陪我鬧 烈日下落力發炮 你亦在靜靜睡午覺 如何做是好 請多多指教 我叫你上校 >>June 30, 2004 at 10:42:58 AM GMT+8 2004 年 3 月 11 日 星期四 【晴】 經過四個鐘頭0既奮鬥 我做起左要星期一交0既assignment 就係做左好耐0既profolio 嗯....... 真係好開心!!!! 聽日係時候溫日文 因為黎緊個test真係好大鑊!! >>June 30, 2004 at 10:43:17 AM GMT+8
|
人氣: 43499 Design & Scripting by ShowHappy.Net |
Hey ~~~
<br>take