| 日記 | 日記主簡介 |
|||||||||
2003 年 8 月 5 日 星期二 【雨】 中五放榜之如, jupas放結果喇~~~~ 估唔到以我咁0既成績, 都會有offer 雖然唔係d 咩好野, 不過都叫擁有過, 好過冇~ 中英數pass之嘛, 咁都有櫈仔坐喎~ 哼~ 真係估佢唔倒~ 不過我都唔會讀jupas offer 果個, 皆因我對呢個真係冇興趣, 丁點兒都冇 更加唔知佢係咩黎, 得個零!!! 既然兩邊都係AD, 咁我寧願俾貴d, 讀我自己鐘意0既野 無謂又白白0徒兩年嘛 嘿嘿..........而家佢俾我都唔讀 我覺得自己好型!!!!! ps 睇黎呢個頭都幾旺我, 真係"紅"運當頭喇~ 呵呵~~~~~~~~~~~~ >>June 27, 2004 at 5:52:51 AM GMT+8 2003 年 8 月 4 日 星期一 【晴】 一係就唔發市, 一發市就黎三單 以前果d 就係人揀我, 而家就我揀人喇~ 哈哈~~~~~~~~ 所以話有錢真係可以點都得架!!!!! ps 成日都話要揀就好煩, 不過有得揀總好過冇得揀啦~ >>June 30, 2004 at 12:07:08 PM GMT+8 2003 年 8 月 4 日 星期一 【陰】 有冇搞錯!? 咁唔駛諗啦~ 去恆生交學費吧~ >>June 30, 2004 at 12:06:52 PM GMT+8 2003 年 8 月 3 日 星期日 【晴】 佢地冇咩點鬧喎~ 話左一兩句就冇野喇~ 呵呵~~~~~~~ 今日一行三人走左去MK整頭 其實我都想染髮好耐, 不過一直都怕整完俾人鬧, 冇膽非常 哼~ 今時唔同往日喇~~~~~ 我唔理喇~ 受夠喇~ 係時候做d 野喇~ 一於蝦餃就蝦餃, 燒賣就燒賣, 死就死把啦~~~ 哇哈哈~~~~~~~~~ 果度d人癲癲地架, so 好0岩咀型, 去到果度好似去左自己屋企一樣 不過搞左好耐, 足足整左三四個鐘 結果..........可接受 價錢..........抵 服務態度.............好好笑 >>June 30, 2004 at 12:07:30 PM GMT+8 2003 年 8 月 2 日 星期六 【晴】 冇啦啦俾人鬧, 痴孖筋!!!! 咁屎把閉自己買過晒D 野囉~~ 唔好再問我點解同佢咁大仇口, 呢d 野自己參透下啦 果個仆街, 有佢就冇我!!! 唔駛做埋d 雞仔媒人, 早已經恨之入骨, 冇得返回頭 總之, 面 我就一定俾硬你, 佢?! NO WAY!!!!!!!!!! 叫佢收皮早抖啦~ 唔好以為送魚翅就大差晒啦, 人做乜你又做乜, 丁點兒新意都冇 人地送果D 雖然唔係D 咩貴野, 不過人家係用個心送出黎, 唔似你咁虛呀 仲有你唔好用埋D老土招啦 話咩要買我地D 米, 死X開啦~ 兩公斤點俾你呀???? 你大D呀? 邊差度大呀? 除左年紀之外, 我一D 都唔覺你仲有邊度大呀???? 要特Q登包袋俾你, 你慳D 啦~~~ 生意做少你一單都唔會冇發達, 呢個我話既!!! 你唔駛扮野啦, 你當同我冇野咩?? 唔好意思, 我一定 一定 一定兼好快 好快 好快 擺到明 兜口兜面 絕不加場 話俾你知-------我好唔妥你呀, 死鏟!!!! 你有你生活, 我有我快活!!!! --------------------------------------------------------------------------------------------------------------------------- 講完勞氣野, 講返D 開心野先~ 我今日又走左去賣書PHYSICS BEYOND 2000 我心目中個價係一百, 不過問左好多間都唔收咁高 about $40-$50 唔賣啦~ 實在相差太遠 有間叫我開價, $100, 淨係得個講字, 又唔肯還價 仲話本野冇CD , d 紙又黃又殘~ 哼~ 你都幾好笑架啵~ 有CD唔黃唔殘都唔叫舊書啦~ 買本新書去你度賣好冇?! 正一戇膠膠!! 睇清楚D 啦~ 本野D 紙at least 冇你塊面咁黃 亦冇你個樣咁殘, 你壓價都做得 pro d 啦~ 搵埋d 咁既藉口, 挑~ 係~ 我認我本野冇CD, 黎買親舊書果D 都約左有D 野係冇架啦~ 你咁講即係玩野ja 唔0岩咀型, 閃~ 最後俾我搵到間肯收$80兼冇拮頭拮勢 講多兩講我屈多五蚊~ 掂!!!!! >>June 30, 2004 at 12:07:40 PM GMT+8 2003 年 7 月 31 日 星期四 【晴】 再唔駛心慌慌 可以讀返書 做一個大專生 yeah~~~ --------------------------------------------------------------------------------------------------------------------------- 唔經唔覺, 已經一週年喇~~~ >>June 30, 2004 at 12:08:00 PM GMT+8 2003 年 7 月 29 日 星期二 【晴】 之後走左去食鐵板餐 正!!!! >>June 30, 2004 at 12:08:16 PM GMT+8 2003 年 7 月 26 日 星期六 【晴】 拎左d 書去賣, 成績都算不俗 禽日為止賣左五本書, 包括有中五chem書+同創新天地 中七兩本pure maths+ bio 解剖書 合共$272 大元正!!!!! 最估唔到0既係果本同創新天地, 留左佢都有三年都冇改版 一心去賣俾舊書店, 入到去見到有兩個女仔又係睇緊呢本書諗住買 於是我就..................... 我地係附近交易, $40成交!!!!!! 佢多慳$20, 我多賺$30, 幾好~~~~ 0係人地個場搞事又搶人生意, 都唔知會唔會俾人丙 好彩冇俾人見到~ 之後又去另一間睇睇, 佢本想以$15收本chem 書, 不過我還價$18 嘈左陣佢讓步, $17成交!!! 哈哈~ 咁又屈多兩蚊喎 呢本書其實都唔係我, 係repeat中五果年人地俾我for 夜校上堂 so呢ｄ錢係淨賺 至於果本ｂｉｏ就更加唔係我啦 本應一心諗住讀ｂｉｏ,所以問人拎晒有關bio 0既書籍 家陣就益晒我拎去賣啦~ 以一口價廿皮KO! 走到去昌運, 有間以超高價收書 本身買返黎0既pure maths書係$192+$214再九折 佢收$92+$102, 咁咪即係一本價收兩本書 不過計落都有so, 話晒我都用過年半, 計落約$180兩本用半年倒--->抵賣 最後以$195成交!!!!!! ps 如果大家仲有其他門路, 話俾我知啦~~~ >>June 30, 2004 at 12:08:32 PM GMT+8 2003 年 7 月 23 日 星期三 【陰】 一路執個心就有d "up up"地 睇返咁多年黎所做果d野, 原來我計過好多數, 仲做左好多唔同科0既exercises 不過最終都係考得唔好, 我都冇得怨 依家讀其他野, 以前0既野就等如零, 跟本係兩碼子0既事 當我見到陳sir d notes就有種對唔住佢0既感覺 唉.......當初如果唔係佢俾我上去interview, 我都唔會有機讀預科 佢當時仲好好人, 大家明知 bio果邊收晒人, 佢都個機會我去試, 等我死左條心 佢仲話我讀maths實會收我, 叫我唔駛咁慌 果時我諗我得個D, 你唔係玩我掛? 依家就proof左我讀maths係有多d好路數, 真係要多謝佢 佢唔似得果個什麼副校咁, 踩到d 讀夜校出身一文不值 超~ 最終我咪又入左黎讀 我睇到廢柴果d physics notes就嬲, 真係廢到爆炸,真係冇人能及 拿拿聲丟都丟唔設, 佢d notes 梅都唔梅, 又黃鬼晒, 見到都作嘔, 妖!!!!! 執左幾日, 今日終於搞掂晒喇 心情就好似人地出獄咁爽 yeah~~~ 原來打風執野好舒適架!!! >>June 30, 2004 at 12:09:16 PM GMT+8 2003 年 7 月 22 日 星期二 【雨】 伊布都黎喇 大家冇啦啦有日假, so good~ >>June 30, 2004 at 12:09:34 PM GMT+8
|
人氣: 43499 Design & Scripting by ShowHappy.Net |
Hey ~~~
<br>take