2003 年 1 月 10 日 星期五 【晴】

第一次青年牧區回來了!!!看著小組，真的是感到一點壓力，也仍未適應到。不過，或許真的是要接受新的小組，也要努力投入當中。有時，我也真的太執迷過去的東西了，是時候要讓過去的過去，面對現在的東西了。小組，和愛情一樣!過去了，就讓過去的成為美好，是一段美好的回憶，只響往過去就不懂珍惜現在所擁有的了!!!現在的，用心地去投入，或許比之前的還好呢!!要努力，投入小組，讓小組建立更好的關係，發揮互相支持，互相守望的功用，努力同組長合作，讓組員感到小組的溫暖，要做個好組長!!!!為神去服待這班組員!!!

努力!!努力!!!


感情也一樣!!不要再回看舊事，要看，就看未來吧!!沉醉於過往，往事永不能離我而去!!

>>January 11, 2003 at 5:34:51 PM GMT+8

2003 年 1 月 10 日 星期五 【晴】

今天起來，為了將作品的照片放到藝刊裡，所以替我在家的作品拍照了，之後立即將相片拿到我家附近的晒相店沖晒.....一切都是我原定計劃，怎知道...有預料之外的感覺出現了!!走著走著，走到晒相店附近...差點忘記了這邊的環境了，原來這條只在我家附近的街，我已差不多半年多沒走了，再走這裡...我想起實在太多故事，想起太多片段了!!這間晒相店是他帶我去的，我們的拍照，全都是在這裡沖晒的，這附近的街，差不多是我們每星期都行的地方，麥當勞、肯德基...這些片段在我離開那兩條街後仍在我腦中不停播放著!心中，突然又出現那首歌...『曾在那天，被妳深深吸引....容讓我，將一生交給妳，好嗎？...容讓妳我不分開，一起走窄路，永遠都一起，我的心屬妳』回想起這首歌，心入面，原來還懂心痛，雖沒以前那樣的心痛，但原來我還懂為他而痛!!!這感覺叫我想起最近很喜歡的一首歌..."笑中有?是的，想起仍是痛的!!又想起以前撒著嬌要他唱歌給我聽，那首歌，是唱得最多的!想起晚上拿著電話撒著嬌要他講故事，講那些小豬的故事...很多都忘記了，只記得每次要他說，他總可以即時的為我編織故事，在故事中談情說愛，甜言蜜語，有說得我發脾氣的，有說得我感動得哭的，有說得我捧腹大笑的!想著想著...就像電視劇般，走到馬路前等過馬路，燈轉了又轉，我仍站原地!!幸好不是想到不懂等低，馬路也看不見。

昨晚，又要人陪我陪到睡著了....為甚麼我總喜歡別人陪我陪到睡著呢??為甚麼我總喜別人"暗"我睡呢??是因為我不想在睡前想起那些不想想起的片段??是因為我怕寂寞??是因為習慣了??是因為甚麼??

>>January 11, 2003 at 5:31:41 PM GMT+8

2003 年 1 月 8 日 星期三 【晴】

YEAH~~~~~~
『人生階梯』展出了!!!!雖然它得不到冠亞季(都冇諗過會得)，但可以展出已經好好了，不知它還可否在藝刊中登出呢??!!BB，我都話你叻叻O架啦!!!
今日D.O.G.-Power的訪問也登出了，有差不多一頁啊，給D.O.G.-Power一個很大的宣傳，D.O.G.-Power多些人認識，我們做福音工作時也會有一點幫助呢!!!
晚上約了賢仔做訪問，已經拖了很久了，今天終於都做到了，謝謝卓華和我一起做啊，否則，我一定好緊張呢!!!還可以和她食飯，傾了一會。真好啊~~~賢仔的確很好人，很好傾，有時也很搞笑啊!今晚知多了賢仔很多東西(大家要留意宣傳組的電子報吧!!不過也不是全部也登出的!!)。他還請我和卓華飲o野添呀!!回到家，襯記得立刻寫了，好累呀!!!寫到兩點半呢!!!累到現在連日記也唔想寫.....

部DC終於都搞掂了，可以用了!!!明天要用它來影我的作品....好緊張呀!!!!

Eva，是的，很久沒有見過妳的留言了!!!好開心呀!!!個訪問稿我搞掂了.....好累!!!!!!!!!!!!

>>January 9, 2003 at 6:58:34 PM GMT+8

2003 年 1 月 7 日 星期二 【晴】

好凍呀好凍呀，到底幾時才回暖的呀???

終於都為我的作品『人生階梯』裝飾好了，昨天辛辛苦苦的由旺角將乾花帶去team train又帶回宿舍，為了買花連飯也沒時間食，還很肉痛的買了幾十元花。今天，終於都替它裝飾好了，雖然為了那幾朵花真的很貴，不過，它真的比之前漂亮多了。還記得有段時間很不想看見它，甚至有點討厭它，雖然它是我到現時為止最滿意的陶藝作品，但每次看見它都只會流淚只會心痛，卻又捨不得將它賣給學校，最後也給我留了在陳小姐那裡，看也沒看過它。只因，它是當日我用作展望和他的未來的一件作品，是我表達他在我生命中的重要的一件作品，早說過我差不多每一件作品都是抒發自己的感受，怎料它做好了不久，這件作品的盼望，所寄托的感情就離我而去了。直到現在，已經沒有不想看見它的感覺了，但它的意義已經不再存在了，唯一的價值只是它紀念著一個伴我成長的人，紀念著我這一段感情!!!!不知它可不可以順利展出呢??不知它會否在比賽中脫脫穎而出呢??!保安哥哥話你好多人躦好多人話你好得意o架!!!你仍是我的乖BB呀，雖然媽媽有一段時間唔想見到你，但我知你會明白我的。BB，我唔會唔要你o架，因為你始終係為我紀念了一些東西，而且，每一個BB都係我的感受，我的感覺，我又怎捨得唔要你o地，點捨得買o左你o丫!!!(我每件作品都會當它們是我的仔仔女女，特別是陶藝作品，因為它由無到有需要我格外小心的照顧，長時間的製作才可以完成，就好像生了它們出來一樣啊!!!)

今天再上拉杯班啊，拉了一隻杯......猜猜是送給誰的吧!!!我會為妳精心設計一隻杯的，就像人生階梯一樣，既有深厚義意，又有實用價值!!!希望我做到吧!!!(甚麼也未想的，只是拉了個杯型!)

終於都開了求職信的頭了，希望明天可以完成它吧!!!
明天要完成求職信，要為杯杯收底(上面也說過陶藝作品要更加的小心，明天忘記了，它便葬身乾燥的天氣的了.....要計著時間，設計，拉抔，收底，裝飾，素燒，上釉，釉燒之後才完成，它所需的時間真的不短啊!!!到現時為止，只有他收過我親手造的杯吧!)，要和賢仔做訪問，要報水墨畫班，要上堂...............

>>January 8, 2003 at 6:10:28 PM GMT+8

2003 年 1 月 6 日 星期一 【晴】

今日好尷尬呀!!昨天yuki、grace她們問我去不去今天的party，我本以為是開學大家一齊玩o下食o下o野，又咁耐冇見佢o地，所以就決定去了。點知今日去到，原來佢o地係同carol開的生日party.......結果，在大部份人都唔記得我生日，原先又唔係為我慶祝的party上為我慶祝埋，搞到我又尷尬，carol又尷尬，大家都尷尬，去到就好似癡人o地個party，迫人同我做生日咁......都幾無引啊!!!早知係咁就唔去啦!!!!佢o地又無啦啦為個唔知會出現的人做生日(得幾個人知我去，大部份人都唔知)...........
之後，出去team train了，好似好耐冇見大家咁啦，不過，其實farewell annie那天見過，之後又出過來......呵!!!今天的team train也沒有跳舞呢，是感恩分享會。那天感恩的事，寫了在日記，雖然還記得為甚麼事感恩，但那感覺已經比當日減弱多了!!不過，聽到大家的感恩事，實在很好呢!!
很久沒有跳舞了!!!!

明天又是八點半.....上一堂咋!!!

>>January 7, 2003 at 5:45:32 PM GMT+8

2003 年 1 月 5 日 星期日 【晴】

好凍呀好凍呀!!!凍到傻o左啦!!!!

昨晚兩點才睡，不過仍是睡不著，放假時習慣了三四點睡o麻，不過睡之前看到日曆上的經文...好正呀!!"在你面前有滿足的喜樂，在你右手中有永遠的福樂。詩篇16:11"真係好正呀!!係生日的日子看見這段經文，就好似上帝換個另一句說話同我講生日快樂咁!!好正呀!!!之後仲再次係宿舍靈修，假期回家後生活很沒紀律，連靈修也疏懶了，回到宿舍，又可以再有地方有空間在固定的時間地方靈修，真好啊!!!好掛住這樣的靈修生活呢!!!仲見到日曆前陳sir同heidy送的小天使，加加埋埋有成八隻o架，突然又覺得有好多天使在我身邊，應該開心的啊!!!!

今日開學第一天，好眼訓呀!!!!八點半堂，昨晚又訓唔著!!!........今日最大得著的，唔係上堂的時候，而係落堂後去了找陳小姐，佢講o左好多o野俾我o地聽，簡直係上o左一堂好寶貴o既一堂呀，塞錢入我o地袋呀!!朋友仔，祝我找工成功啦!!!不過，身邊的同學仔將會好快變了競爭對手了，這是事實來的。我也知道，好多同學都已經唔聲唔聲做o左好多o野......都係o既，要做些特別的東西先可以突出自己，令校長留下印象......大家的找工策略，又係唔可以公開晒o既.........。
今日，好開心呀!!!上次展覽的作品，又給選了到市區分校展多三個星期，另一份作品又放了到另一個展覽中展出.....好開心呀!!!其實都只係想resume多些東西寫o即!!
夜晚又好凍好凍咁上了超級市場(超級市場係學校上面，行上去條路好好好凍呀，仲要落雨呀!!)之後仲同班同學仔一齊食飯，仲睇埋電視劇!!嘩....一晚咁多啦，日日係咁唔洗做o野啦!!
真的要開始為找工作準備了!!!加油呀!!我真係想大家都找到工呀，但.....都唔到我希望啦.......

>>January 6, 2003 at 5:25:06 PM GMT+8

2003 年 1 月 4 日 星期六 【晴】

同小朋友和Alec傾了一會，好多了!!!謝謝你們呀!!少有online的Alec在適當的時候online了，真合時，是上帝安排的小天使嗎???

明天開課了，這個假期要玩的玩夠了，癲夠了也盡興了，要休息也休息夠了。這兩個多星期，有玩的日子，也有整天在家休息的日子，就像充了電一樣，明天開學，要努力了!!

充夠電就要努力衝衝衝了!!!!

>>January 5, 2003 at 5:15:29 PM GMT+8

2003 年 1 月 4 日 星期六 【晴】

今天.......我生日呀!!!
收到了小朋友親手為我造的生日禮物.......好感動啊，真的很少有人為我做禮物的
收到heidy的禮物，是小天使呀，我喜歡牠們呀!!還有一盒唇膏......還有一將很o岩心水的書簽，很合意的祝福
收到了志祥"親手癡"的膠花
收到了Qly的雅比斯的禱告
收到了哥哥同爸爸合送的DC，這個最貴啊!!!!!!
收到了教會的教會筆
收到了karen的電話message，佢叫我今日記得開心點呀....
收到了叔叔的冷手套
收到了無限聲的祝福...........
晚上，叔叔還送我返宿舍.....因為太多行李了(係唔係因為這個原因呢??).....還陪我食了晚飯，生日總不算要自己一個食飯吧!!!

叔叔問，今天開心嗎??想了想......開心掛.....開心o既，沒甚麼特別....食飯時，都ok o既...都可以說說笑笑咁......返到宿舍.......今天快過了，但....還欠了些東西咁o既!!!是甚麼????生日快樂??不是!!!禮物??不是!!有人陪??不是!!!!食飯??不是!!!慶祝??不是!!!....是甚麼?????...........想了想，開了icq，看見他......對!!!是他，欠的是他.......我今年的生日願望是否失敗了呢??這個願望，不知要多少年才成真呢???君君告訴我....她...許了六年了.......我要多少年??........................今年生日....並不開心，收多少句生日快樂，也是枉然的，突然，覺得生日要過得快樂原來不是必然的!!
一個人，真的很累.....傷口，要別人來醫治嗎???小朋友說，他造成的傷口，別人醫不好的..........
痛....一個痛的生日....我會珍惜未來快樂的生日...不過唔知要等多少年呢.......

>>January 5, 2003 at 5:09:31 PM GMT+8

2003 年 1 月 3 日 星期五 【晴】

今日係新一年新小組的第一次開組，我們還join了嘉華組一齊來個join組，嘉華組....咪就係佢o個組o羅，今日，都總算是帶著輕鬆的心情開組，只不過，都總係有少許的擔心，始終每次見到佢我都係預料唔到自己的情緒和反應，今天還要負責帶遊戲呢。不過，返到去.......hee...原來佢唔返喎，一身鬆晒!!!!我都知總係要面對o架啦，不過，拖得就拖住先啦，等自己更ready先見佢啦!!!不過，第一次的小組，真的為我帶來一點點壓力，真的不太習慣現在的小組，現在的組員，我知是要時間適應的，但我......對小組又真的沒甚麼期待的感覺。還記得上年的小組，有一個星期停了後，會好掛住小組，每一次都會好期待開組的時間，好期待同組員分享祈禱的感覺，但老實說，現在真的沒有，連分享的動力也沒有呢，希望這只是適應階段吧!!!!新小組.......很大的壓力呢!!不過，組長也真好呀，竟然記得我生日啊，我這些勁年頭生日的人，組長多會忘記的，因為實在未ready做組長我的生日就過了，但我記得，我的組長(每年也不同人的)每年也都會記得，o即使今天那麼大的變動，新組長也記得呢!!!收到生日咭時，的確有點驚訝!!!謝謝組長啊~~~~
之後，回了家食飯，今天，全家也回家食飯了，媽咪話要幫我做生日呀，有好好味的食送---炸乳鴿、炒牛肉、西蘭花........食完飯仲有蛋糕呀!!!好似都好多年沒有人買生日蛋糕給我了，對上一次、印象中係第二年拍拖時他送給我的蛋糕，今年，沒想過有生日蛋糕的，我還記得之前在美心也試過呆呆的望住個芒果蛋糕，之後諗，自己買俾自己係咪有點傻呢??今晚，媽媽為我預備了蛋糕的確有點感動!!!雖然她最後買的都是她自己喜歡的蛋糕，不過，都總算有生日蛋糕收吧!!!唉!!!!不過，媽媽唔食得蛋糕o架，佢當然唔會乖乖咁唔食啦，咪又係要食......
今日突然好諗得通呀!!突然想遠o的，又諗返分手前半年，其實只要睇遠o的，嫁個咁樣對我o既人，都冇幸福啦，所以突然放低o左好多，個人都輕鬆o左好多!!!

嘩!!唔可以唔提呀!!!前幾天講的沒有計算在內
11:58pm 家瑤第一個係icq同我講生日快樂
12:00(最準一個呀)君君打電話來同我講生日快樂(家瑤和君君都祝我今年找到個我鍾意佢佢又鍾意我的男朋友喎.....真夾啊!!!)
12:03 karen icq send來的生日快樂
12:03 舞佳音choir 的mandy icq send來的生日快樂
12:03 yimwing icq sned來的生日快樂
12:09.........驚訝的一個.........他電話短訊sned過來的 happy birthday.....這個簡直嚇得我呆了數秒...他還記得我生日還準時在十二點send過來嗎??
12:10 abbie icq send來的生日快樂

勁呀!!五分鐘內五句生日快樂，十二分鐘內七句呀!!!真係勁開心呀!!!!
多謝每一個!!!!!多謝多謝!!!!

還有還有，第八個+第九個 12:22 佩儀同willium一齊打來的生日快樂
第十個，多肥肥....同一間屋都咁遲o既??!!
十一，小屎
謝謝!!

不停edit添!!
仲有12:30的Alec
第十三個冰冰的icq 生日咭!!!
yeah~~~~~
我的小天使滿天飛啦!!

>>January 4, 2003 at 4:37:30 PM GMT+8

2003 年 1 月 2 日 星期四 【晴】

今日成日都好angry呀!!唔開心!!由今朝早開始唔開心，之後諗住整o下自己個網頁等自己開心o下，點知連個電腦都蝦我，都唔知點解upload極佢都話我錯password.....我明明無錯o架o麻........結果，咁就發o左一個中午的脾氣了..............辛苦了給我發脾氣的你啦!!!!sorry呀，拿了你來給我發脾氣!!!!仲要俾幫我upload埋，點解你login到我login唔到o架!!
食完晚飯回來繼續試，終於都upload到啦!!!隔o左一個中午，心情都好返了，仲update埋個網頁，心情，總算平伏返了......今天本來編排o左好多o野俾自己做o架，最後因為心情唔好唔想做，結果就做o左冇預計會做的網頁.....唉!!我封求職信幾時先寫好呀~~~

我update o左個網頁啦!!有我2002年上學期的作品，有興趣去睇o下啦!!仲加入埋好友結連添呀!!想結連o既就講個網址俾我聽啦!!!!
........................................話唔洗人理又真係冇人理o既!!!.....................

>>January 3, 2003 at 5:39:05 PM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107085

Design & Scripting by ShowHappy.Net