2003 年 1 月 30 日 星期四 【晴】

年廿九了，昨晚太夜訓了，四點返到屋企，沖完涼，都差不多五點才訓，所以，一訓就訓到第二日的兩點....呵呵，真離譜呀!!!之後，係屋企執o左陣o野，過了新屋，本來是想過來寫日記同執o野o架，但在屋企樓下撞到肥肥，肥肥去食飯呀，我又要去>.<...........HEEHEE...^O^執唔到o野添，搞到肥肥無裙著啦!!!
晚上，返屋企食團年飯，嘩~~~~又係好多食送啦!!!!!
有點肚痛....又約了小組行年宵....最後，還是去了，我們去了行花壚，好迫人呀，排隊入去都排o左一個鐘啦，入到去，好似無咩特別咁，可能因為昨晚行完維園，有咩都睇晒啦，第一次一年行兩個唔同o既年宵，有得比較才發現，嘩，差咁遠o架??!!今晚，沒有昨晚那麼開心了，可能同小組組員的溝通仍然都未係好得，所以，無咩o野講......行呀行呀....都冇咩心機睇咁，又可能累啦，我都唔知喎.....最後，我o地行到差不多兩點，乾濕貨都行晒了，食埋糖水，三點返到屋企...今晚，都買o左少少o野呀，買o左一隻手造o野羊o羊o羊同馬騮仔，羊o羊o羊俾肥肥o架，佢羊年o麻.....馬騮仔就梗係我o架啦!!!......雖然今晚唔係行o左好耐，但好累呀~~~.......hee.......我仲買o左o的o野送俾人，唔知整唔整得切呢!!!!
今晚，可能無咩講o野，諗返以前既o野多o左.......都仲未係好得，不過，都ok o既，未係好得都無好唔開心，都ok開心啦，無咩特別咁，總比上年好的了....今年，有咁多次行咁多次，如果有多一日，就可以同君君同gragra行埋個荃灣年宵啦!!!!
下年，都要好好好開心咁行.....唔知下年會同邊個去呢??!!!行年宵，諗起今年的情人節快到了，四處都是預備情人節的宣傳，上年的情人節，過得好好好唔開心，今年，情人節對我來說，沒有義意了，都幾好o丫，唔洗再為誰去準備些甚麼，也不會有任何期望，沒期望就沒失望，都算好了!!!!!!!!下年啦....唔知下年會點呢??!!!我之前仲同君君講，妳估我今年情人節拍返拖未o丫拿??哈哈....今年，君君同我一齊過!!!!

無咩特別的一個除夕....明天，新年了，新年新開始，新一年更快樂!!!!!!!!!!!

yuki，神的愛包括好多好多喎，我想，神的話不變，是神的信實吧，是祂自己說的，天地將要癈去，我的話卻長存....

>>February 1, 2003 at 1:02:57 PM GMT+8

2003 年 1 月 29 日 星期三 【晴】

終於都放假啦!!!!一連十天的假期呀!!!!可以返屋企啦!!
晚上回家食飯後就去了行年宵了，本來係我同卓華做搞手o既，點知卓華最後唔舒服，去唔到啦!!打晒俾全隊人，最後，只得Alec、軒軒、叔叔去，還有小朋友呀，我們十點多才到達維園，好熱鬧呀!!!不過都唔算好多人，年宵有好多好多羊O羊O羊公仔，好得意呀，念念不忘傻羊，唔止蠢呀，直頭係傻啦~~~見到隻好大隻o既黃峰吹氣波波，本來好想買俾個傻君o架啦，佢見到實大叫o即，不過佢太大隻啦，拿住行又好唔方便，又唔知點俾佢，最後，都係無買度，算啦，不嬲都唔贊成佢鍾意隻衰黃峰o架啦!!!!唔買俾佢!!!!還有好得意o既聲控電子"Alec"叫Alec就會走埋o黎o架啦!!不過有隻大o既玩，唔洗買隻細o架啦..呵呵..."ALEC~~~"......行到十一點多，E花join埋我o地一齊行啦，哈哈，E花，連續六日見啦~~~^O^.....有E花係度，成個氣氛都熱鬧晒啦，不過E花一o黎，軒軒就走o左啦，byebye都講唔到聲啊!!!沿途，我o地不停撞到o的識o既檔主，都係第一年去行年宵撞到咁多檔主咋，可能今年多人行掛。我o地去到一檔好多黃巴士o野買o既檔，同花花一齊拿起一隻公仔，一齊講，這隻o岩晒妳呀!!!!原來，大家都拿住同一隻，上面寫住"生日啦，唔好再扮細啦!"呵呵......行完乾貨，連濕貨都行埋，花花話想買水仙o麻，哈哈....我o地行到桃花檔前面，我同花花講，行桃花運好啦，千祈唔好桃花劫呀!!!!heehee....大家咁話啦，我o地仲見到有兩棵好大棵的桃花呀，可以將成個花花放入去呀!!.........oh!!!!!走o左入去，想唔桃花劫都唔得啦，快o的走啦~~~~最後，我o地行到兩點幾先行完，花花已經好好好累了....我今晚一共買o左一隻羊仔俾媽媽，兩個麥兜揮春，其中一個俾肥肥，兩個十字架箭咀，一個俾花花，希望佢快o的找到自己O既方向，仲有一個唔洗錢的耶穌傳VCD俾yuki，一個U子，一樽大大樽的柚子蜜(夠飲成個實習lu..唔驚喉嚨痛啦!).....heehee.....今年俾上年買多o左好多o野呀，好開心，好好好開心!!!!!行完之後我o地仲去o左許留山食糖水，食o左個好好味的燕窩布丁，好抵o架，仲聽o左小朋友為dog power作的新歌，好正呀~~~小朋友，越來越欣賞你添~~~~俾心機.....(作多o的歌俾我o地呀!!呵呵^o^).....返到屋企，已經四點幾了...真係好夜啦......

其實，一早就問了有沒有人行年宵，咁想行，都只係想克服多個場景o即，四年來，都是和他一齊行，四年前，一班團友仔一齊行，即使不是只和他行，沒買些甚麼(那時細個，無錢買o野o麻)，他送了一支唔太好食的朱古力花花俾我，我開心o左幾日啦，還記得豬仔包，都係年宵買的，一隻豬仔包，玩O左成年都都玩緊....上一年，買了些東西給媽媽，之後就沒有買東西了，和他吵個大o架，有甚麼心情買呢，上年，行了兩個年宵，兩個都令我唔開心，一次，是和他去的，哭了場大的，那時也不知自己做錯些甚麼，最後，明白了，哭得更利害......現在，想起還有點嬲，還有點生氣!!!!!!!之後，和屋企人行年宵，看見肥肥，肥肥行得很開心呀，想起之前一天和他行，心就更酸了，我還記得那天我沒說甚麼，只說我累了，其實，是我的心酸了，我的心痛了.....不過，那時沒人知道，也不想話俾人知我唔開心因為佢，唔想有人怪佢...將唔開心，收埋晒了...........所以，今年要爭取行年宵的機會，我要行得開心過上一年，沒有了他，今年不要眼淚了，我要開開心心的去，開開心心的回家!!!!我要忘記上年唔開心的經歷，其實，這才是我今年最想行年宵的原因呢，知道咁夜返屋企實會俾媽媽話，會要佢擔心o架啦，但我真係好想好想，抹走上年唔開心的經歷，結果，做到了，謝謝Alec，花花，軒軒，叔叔，小朋友為我完成心願，俾o左一個好開心的年宵經歷我!!!!仲要唔該晒小朋友呀，咁夜仲送我返屋企，你返到屋企就好夜啦!!!Thx~~~~

三點幾先同大家SAY GOODBYE，所以，我已經連續見了E花七日啦~~~
明天晚上，和小組組員行呀~~~~

>>February 1, 2003 at 11:39:42 AM GMT+8

2003 年 1 月 28 日 星期二 【晴】

很累很累....昨晚兩點多睡，今早六點多就要起床了!!!...還喝了兩杯奶茶來提神，藥力過去後，累得要命!!!!但真的很想記下今天的事!!!
今天天水圍出隊，但深刻，難忘的並不多，但要記下的，是我發現我今次的出隊很不是狀態，是我的心不是狀態，就好像是例行公事的去出隊，卻沒有了那種熱誠，可能是最近太累的關係，我連練習的時間也不能集中，只是知道自己很累，之前幾次的出隊知道自己不夠練習的部份會在家中經常練習，最少，十分著緊排練的時間，但今次，明知自己不夠熟的了，明知自己要多一點的練習，卻沒有時間，也沒有這個心去練.......不能這樣的!!要是這樣，不出還好呢，上帝也不願我們做馬大，要我們做馬利亞吧，我想，我該有些時間讓自己休息一o下了，雖然開學一個月還未夠，但我的心已經很累了，肉體也累了，是因為經常開夜車，但最大的原因是最近令我要煩要想的事實在太多了，使我的心都疲倦了!!!返埋明天學就放假了，要給自己一點時間，好好休息，但願這段時間，不單是肉體上可以休息，心靈上也可以有點休息，煩累的事暫遠我而去。下一次出隊要加油呀~~~^.^
今天已經是連續第五天見到E花了!!!YEAH~~~~
昨天忘記了添!!!在此記低，希望可以提醒自己吧!!!
昨天對小蟲說︰『妳估我今個實習可唔可以同一個學生傳到一次福音O丫O拿???』小蟲說，一定可以!!!我也相信是，但背後雖要的，是信心的祈禱，用祈禱成就這件事，我相信，當我去求，當我願意，人和機會就會出現在我面前的了!!!

魚，唔睇妳E-MAIL我仲以為你係小朋友添!!知道啦!!不過，妳在這裡的名唔係叫魚O架喎!!叫肥肥O架O麻!!!!唔認呀??!!!!

E花，鍾意就梗係一生一世o架啦，呵呵~~~~因為妳吸引力太大o麻，連我這些絕對不會對人示愛的人也忍不住了!!!^.^
我已不相信這世上有專一的人了，怎專一的人也會變的，變的時候，就不會再專一了，專一這個字，對我來說，只能套用在相愛的時候，他，這幾年裡，也算是專一的了，只是到不愛的時候，一切都成過去了!!!!所以，因為他，令我明白到當一個人說一句話時是那樣的真心，那句說話仍有變的一日，只有上帝所說的話，一千一萬一億年，甚麼永遠也不會變的!!!!我.....康復得七七八八/八八九九的了，大家都不用擔心我呀!!!

外星人，第一次肯用真名在這裡留言喎，沒有人當面的對我說是我迫你走的，只是......在他們的說話中，我有這樣的感覺，或許，是我自己多心吧!!!!不過，就是因為我不知有沒有人這樣想，所以很想發洩出我的感受，不過，E花也說得對，清者自清，無論有沒有人這樣想也不要緊，我沒有就是了!!!其實，或者我要多謝你，也多謝"她"，要不，我也不會和E花有這麼奇妙的結識，也可能不會有好像現在般的好關係。更看不見我和她的關係中的奇妙神蹟!!!

累死了!!!!兩點半了，幸好明天中午才有堂......返埋聽日放假了!!!!!!!!!!充電...充電......

>>January 29, 2003 at 6:38:32 PM GMT+8

2003 年 1 月 27 日 星期一 【晴】

後記︰
嘩!!!!今天起來，隻腳比昨天還痛呢，昨天的是腳軟、腳痺、腳震的痛，今天的是肌肉的痛，一起來已經很痛了，行樓梯時更不在話下啦....今晚還有team train的時間，幸好今天是舞佳音re-u，跳舞的時間不多，否則，一定捱不下去!!!
事實上，今天真的累得要命，昨晚三點多睡，今早七點多起來，由早上八點半一直上堂至五點半，一下課就要出去team train了，累得想死呀!!!team train之後還有dog power團年飯，本來我也忘記了今晚團年飯的，還告訴牛女今晚會返宿舍，來到運動場才記起今晚一起食飯，一起食飯的機會真的很難得呢，當然不能不出席吧!!!今晚的團年飯(Alec也趕到了)，實在食得很開心，笑到收唔到，還俾格格傳染，估唔到連"作動"都可以傳染o既!!今晚我們去了幸福樓食自助火鍋，去到時已差不多十一點了，所以很多食物都沒有了，不過，一齊食飯已經很高興了!!有格格的"作動"、E花不停大叫甜品甜品，部長失蹤了，部長在toilet弄甜品..E花的高難度"拋菜"...都令今晚的晚餐生色不少.....我們食到收場了，我也差不多一點才回到家呢，還弄醒君君要她陪我講電話..哈哈，唔好意思呀!!!!
今晚，好好好開心呀!!!^.^


始於遲了一天記，日記簡短很多了!!!!

>>January 29, 2003 at 6:07:56 PM GMT+8

2003 年 1 月 26 日 星期日 【晴】

後記︰黑仔日!!!!
今日係去實習學校見校長的大日子，點知，今日實在太黑了，搞到這個咁重要O既日子竟然遲到...唉!!!灰!!!
預早了很多時間起床，因為，今天不能遲!!!!比預算中早出了門口，不過，落到樓下，e..(一黑)唔見o左電話o既!!!!一定係留了在家啦，今日不能沒電話，好，回家拿應該還趕得及的。回到家..e...沒有的??原來我已經把它放了在我的袋了，它在袋的底部份啊!!!要快點了，要不就遲的了!!!出門口，穿著這對兩吋高高跟鞋，急步的走去地鐵站...嘩!!好痛呀!!....還要因為我這一身suit的打扮用的卻是學生票給check票了...結果，送車尾香港線的車十分鐘才有一班的呀!!!(二黑)...死啦!!!有點趕啦!!上了車，太心急了，竟然唔記得中間有個九龍站，落了車才發現未到香港站(三黑)...唉，又要再等十分鐘車，實遲了，到了香港站，又是那對兩吋高高跟鞋，穿著它還有一套suit由香港站跑去中環站，那條路，實在......我對腳開始痛了!!!到了中環，打電話給兩個同學，叫他們不要等我了，因為我實遲到的了!!!....終於到了銅鑼灣了.....本來諗住有人同我一齊行去學校，唔怕唔識路，但現在要一個人行了......又穿著這對高跟鞋左跑右跑，到底行那邊才對呀??打俾那兩個同學，他們建議我坐的士，是的，太亂了，為何我忙了可以坐的士呀，行最少要二十分鐘o架!!...飛撲到的士站，死啦...太夠鐘了......還有十分鐘，應該可以的!!!!點知......大球場那邊竟然爆水渠，塞車呀~~~~(四黑)...我去度時，已經遲了十分鐘啦........真係勁唔好意思，因為o的同學話三個一齊遲好過一個人遲，所以等埋我，搞度佢o地都遲埋，仲要俾個亞sir串.....唉....唔好意思呀!!真係好好好好好過意唔去o架啦!!我已經早o左出門口o架啦，只係無諗過一個朝早會有咁多黑事發生o即!見完亞sir，兩個同學要到兩點多才見科老師，而我就在lunch前見(其中一個)，見完lunch已經開始了....他們又等埋我了....好唔好意思呀!!!!對唔住呀，一朝早，今日已經第三次等我了!!!!由學校行到最近食飯的地方，又行了我十至十五分鐘，好遠呀!!!!我們一齊出去食飯，坐低o左我才醒起，我今朝太趕忘了提款呢，還撘了的士，唔夠錢食飯呀!!!(五黑)....要問他們借錢了，再一次好好好唔好意思，我今天才認識他們咋...第一次見面，搞到咁...唔好意思呀!!!!!......返到學校，我要等到放學才見到第二科的老師，他們在放學前已經見完了，當然我叫他們不要等我吧，我一個人留在學校等，老師遲了下來，我差不多四點才等到她呢，之後，見完都五點多了，本來還以為今天最遲都只係留到三點多...唉，又遲了，唔識路，但仍要著住那對高跟鞋飛去地鐵站.....我對腳呀.................我還要到尖沙咀換返條裙先(之前一日買了條裙，竟然俾錯碼我喎...今天不換，要等到新年後它再開鋪的了，到時就換不回的了!)...到了尖沙咀，飛到鋪頭再發返到地鐵站...由旺角地鐵站走到旺角的家拿回我的東西，再走到大角咀的家換衫和拿東西.....我對腳呀，一邊行，我已經一邊叫救命啦，痛死我啦，邊有人著住高跟鞋跑o架!!!!痛死啦，我的腳已不再是我的腳了....一直到大角咀屋企，我才換返波鞋....不過已經差不多七點了....我應該七點到BU練出隊的呀!!!用最快的速度執晒要拿的，用最快的速度到BU，去度時已經七點半了，由地鐵站行去BU的路上，對腳不停的震呀.....排舞時，我的腳，簡直痛得不能跳下去了，完全沒有力可以支持自己做那些動作....坐了在地上站不起來了!!!!不過，休息一會後，還勉強可以很累地排舞........
練習完返到宿舍...已經十一點半了，我還未食晚餐呢......今晚還要畫畫，最後，三點多，頂不住了...完不了份功課啦....但，都要訓了，明天，八點半一直上堂上到五點半，之後立即要出去TEAM TRAIN了......我能通頂呀!!!

實習時間出了
全中一班別1B1C1D..平均一星期九堂，兩班美術一班科學，中間有兩星期的清明節假和兩日佛教假期，所以實習總共只有四循環週.......實習的機會少了，我學生建立關係的機會也少了.....是好是壞??!!
實習學校的老師們都著得很formal，o即是說，不能不formal了....

累......痛........

>>January 28, 2003 at 6:31:17 PM GMT+8

2003 年 1 月 25 日 星期六 【晴】

今日的崇拜，他回來了，...他一早就對我說了，請我有點心理準備。也好的，總比回到去突然看見他坐著好。高興的，是今天看見他，心情甚麼也沒有，一切都平常心去面對，沒激動，也沒有難過，只是還有不想坐到他附近的感覺，間中在腦中閃出以前和他一起崇拜的短暫片段。結果，今天一句說話也沒有和他說過，連正面的望一眼也沒有，可能今天也很繁忙吧，一回去教會，崇拜剛開始，總叫不用遲到吧，崇拜完了，第一時間去了找Mr. Tam，問他有關找工的問題，傾完後，連他的影綜也不見了!!!!今天還沒有考驗自己是否已康復的機會!!不過，心入面真的甚麼也沒有!之後，小盼問我，他再回來，我會怎樣，會不會不開心??會不會不想他出現??當然不會吧，他在這裡成長了十年了，我怎有資格叫他不回來呢，只要他不是和她一同出現在這裡，我希望的也只是這樣。再一次強調，不是我令他不返的呀，我從沒有迫他離開，一點也沒有，反而有問過他不再回來會捨不得教會嗎???他，這三個月來沒有回來，不是我迫他的呀，可否不要將責任推在我身上??與我無關的，只是他自己不想回來......不要總將我看作罪人，將他看作是犧牲，將他的不回來看作是我叫他不要回來可以嗎??我不知小盼問我的背後原因是甚麼，不過無論怎樣，我只想大家不要對我有任何誤會可以嗎???!!!!
同小盼，yuki，heidy好快的行完旺角，heidy還陪我撘車去了尖沙咀繼續找明天attachment的衫，不過，時間有限，最後還是找不到，尚欠一件外套呢，不過，已經遲到了，一定要過poly開會了!!!!!!真的謝謝heidy呀，我知妳有來看的!!!!我們由三點半一直開到八點多差不多九點。談了很多舞佳音可以改善的地方，真的很希望下年舞佳音可以做得好一點呢，今年，自己實在經驗太少了，很多東西都有心無力，不知從何入手，不知怎樣去做，甚至不知要做，所以，今年實在覺得自己有很大的欠缺，如果下年有機會的，我會希望再做一次，做得更好的!!!
天父的安排總是足夠的，當我開完會正惆悵明天的外套還沒有買到，九點多了，已沒多時間再去選了，這時E花就說借她的suit給我，真好了!!!!!!!!!!!結果我就去了她的家，還分了她一半的飯食送添!!!!試穿著，很合身呢，比我在鋪頭試還合身，真係好好呀!!!我們食完飯還坐低傾計，我將我之前的一個愛情故事的結局都告訴她了還有教會發生的趣事趣人等，我們這樣，就傾到十二點了，本來還想再傾的，因為我們還未祈禱呢，但因為太夜了，如果我有帶眼鏡，我也可能會留在她家繼續傾，但要回家的話太夜了，我還要回大角咀的屋企，那條路都很靜呢，再夜就沒有小巴回去的了，所以還是走了。回到旺角，12:20am了，小巴已經沒有了，沒法子吧，行回家啦，心想...這條路行回家，半小時也未回到呢，而且路上都很靜，還有很多夜總會...disco.....唯有一邊講電話，一邊行吧!!!不過，發現了原來新天橋開了，真好!!!!!!!!!本來由火車站到旺角中心要三個多字才到，但有了這新天橋，五分鐘就到了，最後，我行了二十分鐘就平安回家了!!都話上帝有預備o架啦!!!!!!!!!!!!
E花，我們幾時有機會傾通宵呢!!!今晚要各自祈禱了!!!!!!!!有妳這個禱伴真好!!!不過，我又覺得今天我們傾計，祈禱，並不是因為我們是禱伴的關係，因為上次我打給妳時根本沒想過因為妳是我的禱伴所以打給妳，只是因為心入面浮起妳，很想找妳。今天，也不是因為禱伴的關係所以和妳談這一切，不過，甚麼也不要緊吧!!只願我們的關係因為這個禱伴的身份可以變得更親近!!!!今天聽不到妳禱告的聲音添!!!! =( 為妳正考慮的前路祈禱呀!!!!!!願妳快點有明確的旨意!!

>>January 26, 2003 at 5:52:30 PM GMT+8

2003 年 1 月 24 日 星期五 【晴】

差o的漏o左添!!
今日係牛棚書院聽完研討會，離開時正惆悵可以去那裡撘車，可以撘甚麼車，接著，往旺角的小巴就立該在面前出現了，我連行也不用就返到旺角了，返到小組，都係剛剛開始呀!!!yeah~yeah~~哈利路亞~~~~

>>January 25, 2003 at 5:41:03 PM GMT+8

2003 年 1 月 24 日 星期五 【晴】

今天一早去了牛棚書院聽研討會，是有關平安夜文化中心的那件事，牛棚書院，給我最大的印象並不是今天的研討會，其實，今天聽的，聽完也不覺得有很大的分別，可能是我無心機聽掛...最深刻的反而是牛棚書院的院舍，很特別，很有風味，聽說以前真的是牛棚來的，後來改建成今日的牛棚書院，還有很特別的展覽。
今天見了Eva大半天，好開心呢，好喜歡和她一起，但又無咩特別原因的，我諗，如果她是男仔，我一定會認為自己喜歡她的...呵呵....^.^Eva Eva....接受我好嗎??!!!heehee....^________^
之後回了小組啊，今天只有四個人，組員們去了那呀??為甚麼一下子不見了??上星期還有差不多十人的啊....
今天仍是很眼訓....唔寫啦，畫畫去了!!!

>>January 25, 2003 at 3:53:00 PM GMT+8

2003 年 1 月 23 日 星期四 【晴】

終於都做完了，眼訓得要命呀!!!!.....2:30仲要上堂....
24/1 2:00pm

>>January 24, 2003 at 6:02:50 AM GMT+8

2003 年 1 月 23 日 星期四 【晴】

頂唔順啦!!做到五點了....未做完，不過訓陣先啦.....累!!!!


估唔到這份功課要做咁耐啊..>.<

>>January 24, 2003 at 6:01:53 AM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107087

Design & Scripting by ShowHappy.Net