2003 年 7 月 6 日 星期日 【晴】

超級眼訓....想死-_-

2:51 PM - add eprops - add comments - email it


幹甚麼呢？已經好多日都訓得好差啦，晚晚都係訓到一半扎醒，以為自己唔知醒起身，看看鐘，原來自己只是睡了兩小時...之後，腦中就只有做不完的功課，作品的主題是甚麼，構圖是甚麼......別人善慕我在睡覺的時候可以找到作品主題，可以想到自己想做些甚麼....不能否認的，有時是好的，因為我不用花下很多很多的心思，但在這個完全不夠訓的時間，圖畫不段在腦中閃過，其實也很討厭的，而且仲要係只是記掛住，但想不出新的主題，那是很痛苦的呢...睡的時間是不少呢，不過，兩三小時醒一次，實在很累呢...我想我真係太緊張啦，我好眼訓呀.........

前陣子有點驚訝的收到一個同學仔同男朋友分手的消息，不過，一會兒後，他們又好像復合了。這排很多離離合合的故事，離完又合....不禁的會想，我會有同樣的經歷嗎？不過，念頭一出，馬上要自己收起來了，唔會啦唔會啦，告訴過自己甚麼？已經一年了，要慢慢的叫醒自己啦，唔好再發夢，唔好再多想，否則我不能在限定時間之內康復的了。

彈塗魚，妳記得點解要叫自己做彈塗魚嗎？妳忘記了嗎？今天，妳要喝下忘情水，做一條忘情的彈塗魚，做一條重生的彈塗魚呀，知道o麻....傻瓜!!!

做o野啦...眼訓

這排，食完飯個胃總係唔舒服的...不過，厭食又唔出現喎，以前都只係厭食之o麻，咪當減肥o羅，偏偏最肥的時候厭食又唔出現...反而攪到無覺訓，胃又唔舒服...>.<



>>August 5, 2003 at 3:14:36 AM GMT+8

2003 年 7 月 5 日 星期六 【晴】

今日一日就洗o左千五蚊啦....因為？因為肥仔腸o羅....mum...都未見過人做醫生做得妳咁窮o架，一身債之餘連食飯都無錢啦...雖然我都唔係好夠洗，但鬼叫妳係肥仔腸咩，我又點忍心妳一個捱窮o丫，無計啦，為o左妳，同妳一齊捱又點話o丫.....

各路朋友仔，雖然我都好想去玩，但請預備o的平o的o既活動呀!!!見住銀行的數字一日一日的減少，真的開始擔心未來一年的經濟情況了，雖然戶口得返幾十蚊都試過，最後都一樣捱得過，但....真的開始擔心了，如果九月找不到工，咁..我會點呢？肥仔腸，我九月無晒錢時，妳係咪會接應返我o架？....少少驚添.....

今晚好開心可以係靈育時間同立怡傾計呀，聽到佢昨晚終於都訓到覺真係好開心呀，不過，仍是有點擔心妳的紅色夢呢，希望不是有甚麼問題吧，和立怡說說下，又說到我的感情問題，其實，都好似好耐無咩點同人講了，不是無晒事，只係事隔咁耐，我還說這些東西，不免有點令人煩厭，所以，還是不說好了....說著，有點要提提自己，別忘了前兩天給自己的目標，不要再走失了，這目標也定o左好多次了，我相信，我總有康復的一天.....我總有放得低的一日.....給自己一點信心吧!!!

越來越覺得，長情並不是一件好事，只是一件令自己痛苦的事....唉..........

今晚的jackie舞，勁跟唔到啦.....好深呀...不過今個星期勁忙，必定無時間練，算了吧!!


>>July 24, 2003 at 9:27:44 AM GMT+8

2003 年 7 月 4 日 星期五 【晴】

跳完舞回來了，hee...雖然新學的step未跟得上，雖然最鍾意的收縮位已經無得跳，不過，仍然好開心，可能因為對上一日跳舞已經係上星期日了，成個星期都係坐係房溫書同係電腦室/圖書館做功課，我就o黎悶得發癲的了，今日可以見到dog power，又可以跳舞，真係好開心呀!!!!昨天都已經好想好想好想好想去跳然仔舞o架啦，因為然仔舞係我最鍾意o既一隻，不過，無奈傾功課都傾到十點幾，無得去啦..>.<好彩昨晚傾完功課有糖水食，好過無啦!!!

今晚知到了我要關心的人是誰了，咪就係你/妳o羅!!唔知邊個抽o左我呢？係同我好熟o既，定係唔熟o既呢？係咪你，係咪你...定係你？？？哈哈，又有得玩，好開心呀!!!

跳完舞，返屋企，習慣地台頭望星，不過，原來屋企樓下同ied的星空真係差好遠o架，係ied巴士站行返ied，會見到數都數唔晒的星星，隱約還可以看見星星輕微不同的顏色，黑潻潻的天，滿佈了星星，但屋企樓下，我連一粒都見唔到呀....過埋今個星期，我就再睇唔到ied的星星啦，我會好掛住佢o地o架!!!市區，實在太光了....以後，我又要等到去camp等機會先可以再睇到夜空滿佈一閃一閃的星星群啦....有些東西，是相機也照不到的，最明顯的就是天空，那個時候的天空，相機都很難拍得低它的美麗，天空的顏色轉變，只能留在腦海，不能拍下，星星也是一樣，ied的星星群，只能留在腦海，是拍不下的.....

離開學校的環境，令我感到舒暢，但離開學校的景，實在令我極之捨不得!!!!!


好鬼悶呀....

一週了，又再整理一o下個工作表先....

1500字藝術領域的五個經歷、九種能力配合香港未來發展的例子....11/7

600字綜合藝術科反思(佔30%o架，上次成個劇都係50%咋)....8/7

3D art上色+倒模(好驚倒唔切呀...)+埋尾+作品集....11/7

phy實驗+網頁+報告...12/7

2D art的四幅畫...18/7

仲有一星期就退宿啦，要離開我這個豪宅渡假營景的宿舍了....我無唔捨得o的人，但唔捨得個宿舍....=(



唔知點解突然有點唔開心，係因為見到唔想見到o既人，又要扮作歡喜嗎？討厭戴著這面具做人!還是又對未來有點沮喪？幾天也沒有工了，其實也有一個星期無寫信了，同學都紛紛去interview，到今天，還未有in過的已經越來越少了，我就是其中一個了...當全班同學都in過了，只剩下我一個時，我會怎樣？能叫我不擔心嗎？.......

功課，做不完，也趕不起...今天想去倒模，強哥卻沒時間....怎辦，一切也失了預算，無諗過要等咁耐先乾的，而家點算好？....煩，還有好多好多的功課，我真係唔想做了...

心情唔好，咁點算好？



>>July 24, 2003 at 9:26:43 AM GMT+8

2003 年 7 月 2 日 星期三 【晴】

考完試lu考完試lu，今日可能係我讀書生涯的最後一次考試，ok啦，少少唔識/唔知o岩唔o岩梗有o架啦，我都容許自己有這些錯，出來見到o的同學都唔識，我就更加定，甚至有少少可以拿A的希望，唔知得唔得呢？開始明白，點解有o的人可以咁早GPA，就係可能因為佢o地o既科係考試多，講真，係這裡，考試的科一定比做功課的科易拿分，因為一定會放水...功課，反而難....唔抵o既係，我係ied得好少考試，而最多考試的就是上年的第二個sem，正正係我最無心機讀書，情緒最唔穩定的時間，就算幾易拿分，我都唔會有能力拿高分，只是整年的成綪就被幾科的考試拉低晒了...知道那期我發生咩事的人就會明白的了....算吧，一切也是安排了的.....今日的考試，都尚算滿意啦，不過，唔知個分數會唔會出人意外的低呢？！

考完試，就係一連串的功課啦，溫這科的考試用了我很多的時間，比我做一份功課的時間多呢，所以，今日開始，就係好多好多的功課堆埋o黎啦....好在，今晚要睇的資料同明天要做的功課都係我有興趣的，希望睇o左o既o野，見工真係用得返啦...唔知有無工見呀，今日見到我同房星期一都去interview了，我的電話仍未響過，不禁有點灰，不過同上帝講過，我要有信心，相信祂的預備，所以，唔可以灰的!!!!加油呀!!唔准擔心，唔准為明天憂慮!!!

今晚要睇的資料︰

教育改革中藝術領域的新課程和舊美術科的科的課程綱要...


>>July 3, 2003 at 8:53:33 AM GMT+8

2003 年 7 月 1 日 星期二 【晴】

今早五點多醒來，看看天，很美呢，藍藍的天，在山和藍色的天中間，有一層橙色的天空，我想，太陽快要出來了...拿起相機，拍下那美麗的景色...之後就想，在ied看日出，除了上年做功課做到日出外，也沒有真真正正的在ied看過，而且，今年可以在自己房的窗看日出，應該也再沒有機會了，所以，便留在窗前等太陽的出來。

起初也滿有盼望的等，很美呢，等等吧，太陽快出的了，當時間一分一秒的過去，已經等了半小時了，我還應該等嗎？開始懷疑自己是否不應等下去，懷疑這方向其實是看不到日出的，已經很多次放棄留在窗前，又躲回床去，但又捨不得，還是起來了，就這樣掙扎了好幾次，又想到有點像自己的生活，最後，不再等了，返回床上，對上帝說，上帝，如果你讓我看見的，就在日出時叫我起來吧，結果，睡了五分鐘，望望天，太陽出來了，剛好看見日出，如果我沒有睡那五分鐘，我便可以看見太陽從小至大的出來了!!!不過，我總叫看見日出了!!!

在等日出的時候，發了很多白日夢...

你想和我一同看日出，分享我在等待日出的心情嗎？

請看我的相簿︰http://community.webshots.com/user/cstam_cherry


>>July 3, 2003 at 8:53:10 AM GMT+8

2003 年 6 月 30 日 星期一 【晴】

今日成日都放假，不過自從study week同exam week開始，日日都可以叫係放假o架啦....唔同o既只係宿舍冷清清的，本來，更是溫書的好機會，好日子，不過，成日都心不在焉，係溫o左一日，但係就無咩心機，溫唔入腦，搞咩呀？我唔想自己咁樣呀!!!!有無人幫到我呀!!!

今日本來已經預備了黑衫黑褲，準備出街的話就穿這套衫，點知成日都無出過宿舍門口，連電梯口也沒有，直至到晚上十點幾，才在沒有預備下去了7-11(不過學校無人，行過去時都無咩見到人)，因為無預備過會出去，所以都無著套黑衫.....

心不在焉....點算好？

星期四考了，明天又要開會，無咩時間溫啦....

我知時間緊迫，但就係唔想溫......

好想快o的放假呀...不過假期開始，就唔知放到幾時啦...


>>July 3, 2003 at 8:52:25 AM GMT+8

2003 年 6 月 30 日 星期一 【晴】

終於都聽到了，昨晚搞了成晚，原來我已經dl了個real player，但dl錯了個簡筆字版real player...今早再開機，用那個簡筆字版的real player，終於都聽到了...

點解每次你送歌俾我聽，我都唔明？似明又唔明....到底，你只係覺得首歌好好聽想send俾我聽聽，定係你想用首歌講o的咩俾我聽？如果你真係想用首歌俾o的message俾我，可唔可以....如果親口唱的是你，我諗我會好感動....

還是別多想，免得再一次失望....


>>July 3, 2003 at 8:51:43 AM GMT+8

2003 年 6 月 29 日 星期日 【晴】

好唔開心呀....好唔開心呀...真係好唔開心呀.....

無鬼用o既魚，竟然一個錯手，將今晚team聚影o既相，拍o既短片，錄o既音都洗晒，係全部洗晒呀，只係兩秒o既時間，唔覺意按錯o左個制，唔就洗晒啦...真係好唔開心呀....o的相都仲有Alec部機影的，但係，三段短片都係係我部機度o架....分別有格格"台"椅子、Alec半祼跑和格格挑戰柔道手的爆笑短片，仲有錄音....好精彩同好有價值的回憶....只係幾秒，咁就俾我化為烏有....好心up呀.......

之後，睇到Alec的相簿，個心好過少少啦，因為佢都好專業咁用相片留低晒o的回憶....而且，過o左一陣，開始接受到自己的不小心.....

今晚的遊戲，好開心，不過，我知有人會好唔開心....我唔知可以講咩，希望，講o左出o黎對事情有利而無害啦...祝福你們!!

當問及我時，sophia問我，那個他會玩樂器的嗎，哈...好搞笑的問題，但我知佢係度諗緊係唔係小朋友...哈哈，唔係小朋友呀，佢同我係同一類人，大家都咁傻，所以係無可能o架!!^v^...今晚條問題，其實有o的我都唔知個答案，但係，自然反應讓我答了無...係一直不斷同自己講o既答案，但係...係咩呢，其實無人會知，只有上帝先會知.....

down down地的魚...唉...


>>July 3, 2003 at 8:51:06 AM GMT+8

2003 年 6 月 29 日 星期日 【晴】

謝謝chanchan sir，那些詞語，己經係這個星期俾我搞掂o左好多啦，不過，每個topic都有新o野，要我搞一大論，睇o左好耐先搞得掂....如果佢全部都寫埋個英文係隔離，我會睇得快好多...我今個星期四考啦!!!

昨天同肥肥去了cu影相，好天到叫救命呀....由cu的本部開始....行行行行行....都唔知轉o左幾多個地方，只係知到最後係荷花池影埋最後一個境，已經唔洗撘車返去火車站lu...好累呀...之後就係jackie舞了，大家一見到我，就問嘩，你今日去o左邊呀？gohey問我，係咪企係大馬路晒o左幾個鐘呀...我共係去了cu一日遊，晒了幾個鐘咋....變了紅卜卜的彈塗魚了....最搞笑係有頭髮遮住o既地方就白，無o既就紅.....好在今日已經退返好多咋.....今晚jackie舞，終於都可以駁返之前o個o的啦，可以成段咁跳，不過新學的step，真係幾難走喎，我仲未走得到位呀.......


>>July 3, 2003 at 8:49:54 AM GMT+8

2003 年 6 月 27 日 星期五 【晴】

工作忙碌....其實算唔算忙呢，只是整天坐了在房，電子呀...電荷呀...電壓呀....咩呀，咩波動性質又粒子性質呀？？光電效應.....海森堡測不準原理？？可以話俾我聽英文o即係咩呀.....做數做數....成日睇錯題目.....搞亂o的動能同動量...玩死啦.........

整天坐著，暴食又開始了，今天，又是不停的吃...又再肥o左啦.............

昨晚聽了個故事....有點生氣...生誰的氣？我不知....或者是上帝...我問上帝，為甚麼這世界用情不專的人，到最後總會有好結果，無論表面上有多不對，有多錯，卻被上帝祝福???專一的，長情的，看來沒一個有好結果....生氣!!!!!但上帝又告訴我，要將自己最緊要的、最寶貴的獻上...是嗎？上帝，就是你知道他曾經係我最重要的，所以你就要我獻上嗎，就好似亞伯拉罕獻以撒咁？不過，我無亞伯拉罕咁好彩？？係咪？

上帝，點解，點解你總愛祝福那些第三者關係，總愛祝福那些不聽你勸告，要與不信的人一起的人？可以有一個唔係咁樣o既例子，俾我睇到現今愛情並唔係咁唔可信，唔係咁灰，可以嗎？一對、兩對、三對...都係咁.......點解你偏偏要我睇到這些愛情被你祝福.....點解偏偏係咁樣，用情專一的，全部都無好結果..........

愛情，我開始唔信....我開始討厭......

那故事，唔知好過知....聽到時，我還可以笑笑口...反過來，其實我的心..........

在學校的面具，我越戴越好了.......

最討厭戴面具的我，每天，也戴著面具做人......

我哭，我笑，我開心，我唔開心......你分到咩？你分唔到o架!!!


>>July 3, 2003 at 8:49:18 AM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107098

Design & Scripting by ShowHappy.Net