2003 年 8 月 3 日 星期日 【晴】

一個鐘醒一次，叫唔叫有訓過？

今日心情唔多好.........好悶，但咩都唔想做..........

上到網啦，不過個printer玩o野，無墨喎>.<


>>August 5, 2003 at 3:35:42 AM GMT+8

2003 年 8 月 3 日 星期日 【晴】

昨晚上唔到網呀，激死我啦，本來諗住回來寫求職信，但都寫唔到啦>.<

昨天的崇拜....其實有點唔開心，這一排都因為一個姊妹感到唔開心......其實，件事完全唔關我事的，我亦唔知我o既看法o岩定係錯，所以，雖然好想講，但都無講出口.....點解？一個一直比我覺得好順服神，好屬靈，在主內成長好好的姊妹，當我第一日知道佢同一個未信的人拍拖時，那種的失望......我直頭問....點解會咁o架？唔好俾理由我話我知咁樣會令個男仔易o的信，我唔信這一套!!!已經好多人係這方面令我失望啦，以前都唔係咁多o架，但當一個出現時，因為見到佢o地有好結果，或者因為見到佢o地無咩o野，咁就照做？有版睇？這個女仔，之前唔接受另一個男仔，其中一個原因係佢未信，點解只係半年裡面可以變得咁緊要？由堅定的信念改變了，係咪因為某o的人令佢覺得原來係可以？.....失望了一次，還要知道佢為o左拍拖，講o左好多大話....去旅行但同屋企人講大話，我唔知仲講o左o的咩大話呀，但點解佢身邊o既人仲可以同佢講，唔緊要啦，神一定會原諒......係咩，神一定會原諒咩？如果那個人唔係真心悔改，神真係一定會原諒咩？如果係真心悔改，咁點解自己係度話自己唔o岩，但仍然要去？一次又一次了，只係個多月的時間，因為這個不信的人而放棄o左神咁多次，真係o岩咩？但係身邊o既人點解仲可以同佢講，叫佢男朋友欣賞o下她為佢的犧牲/改變？真係藉得欣賞嗎？這是一個好見證嗎？我心痛.......點解一個咁好o既姊妹，會變成咁？係我自己o既偏見嗎？可以有人話我知，到底想法錯誤o既係咪我？如果我係o岩o既，神可唔可以叫個女仔身邊o既基督徒收o下佢o地把聲，唔好再鼓勵佢咁做？失望......失望.........再一次失望....

可以留言話我知嗎？再講多次留言方法

username︰cherryfriend

password︰cherryfriend


>>August 5, 2003 at 3:35:12 AM GMT+8

2003 年 8 月 1 日 星期五 【晴】

累死了........累得要命.....今日由兩點半排到十一點，真係破晒紀錄啦....真係好累呀!!!!!!!夜晚仲要係亞基舞的we do what we want.....真係累到跳唔起，身體好累，個腦都好累，記唔入step啦...........不過，jackie舞終於都排晒啦，係第一part排完的呀，好開心呀...yeah~~yeah~~~仲執埋添啦，呵呵呵

馮生早前對我說的，今日終於兌現了，他說這個無業的階段，頭一兩個月，甚至三個月可能會好開心的，但到人人都找到工自己仍在待業的時候，就會慢慢對自己的信心下降，心理上絕不好受。想不到，我不到一個月，只是兩個星期不夠的時間，我已經有這個感覺了，雖然全班也只有一個同學找到工，但.....我開始因為無業感到壓力，感到不快，我唔想做蛀米大蟲，唔想做好吃懶做的人，知道自己o既前景，已經覺得自己好無用啦，我真係好唔想到九月都找唔到工呀.........而家o既我，唔係學生，但又無工作，這個身份...這個感覺，真係好難受......我唔識得講呀，總知，就係好唔想咁樣.......之前都唔介意做散工的(即係代課呀，part time的補習呀咁樣)，但而家我介意呀，我覺得找唔到一份stable的工，好無安全感.....總之，我一定要有工作，唔可以加入失業大軍呀!!!!!!~>O<~


>>August 5, 2003 at 3:34:37 AM GMT+8

2003 年 7 月 31 日 星期四 【晴】


今日係第一次用月票去游水呀，要記低佢，唔可以游少過十次，唔係就抵唔返個月票o架啦!!!!!!!!

終於決定唔電髮lu，今日去到salon門口，最後都無入到去，五百蚊對我o黎講太多啦，係我半份身家啦!!!!!!!唔電啦，或者找間平o的o既o黎電啦!!!

今日好黑仔呀.......>.<唔講啦，唔想再提!!!!!!!!!!!!!訓覺~~~


>>August 5, 2003 at 3:34:18 AM GMT+8

2003 年 7 月 30 日 星期三 【晴】

今日係中一班補習的最後一日了，話咁快就四堂啦，不過，同實習班學生比，和他們的感情始終差好遠，可能因為唔係真係佢o地miss啦...不過，有幾個學生好想同佢o地繼續補習，唔係為o左貪份工，而係我覺得私人補習對佢真係有用，佢o地係差o左o的信心、同埋讀書的自發性，本身並不是蠢的，但一班人數太多了，要有個人係身邊督住佢，教住佢先可以學得識，我見佢這幾堂對數學的興趣大o左好多o架啦....好想可以幫到佢，不過，完全唔知佢家底，佢能唔能夠負擔起補習費呢？我的經濟也不好，又好難話義工咁幫佢喎...........

放工之後，同o左sally、龜、君去唱k，好耐無唱k啦，之前都仲好想去o架，但今日去到，唱o左一陣，我已經覺得悶啦，最後仲訓著o左添，唱k，十首有九首半都係情歌，現在的我，好似邊一類型o既情歌都唔係好o岩feel，沒有暗戀、沒有失戀、連愛和恨的人都無lu....唱k都變得悶....其實，生了大半個星期的氣，我的恨，我的怒都開始平息了，當怨恨過去了，對他的感覺.....好似又有返少少....唔想呀唔想呀唔想呀...我唔想再咁樣，唔想再糾纏係一個人裡面，我想有新的開始，新開始唔係有新的一段情，只係我想自己可以拋低過去，重新開始咋............................

今日check返個account，完來我都差不多山窮水盡啦，勉強可以應付埋今個月，不過，不星期我會開始去找工，親自去間學校到交信，要買衫同整埋個頭呀.......裝埋身，今個月都唔知夠唔夠呀................捱得過今個月，就算真係找到工，咁九月都無錢返工啦..........唉.......又要再一次為經濟擔心啦....唔准擔心，唔洗擔心，因為......不要為明天憂慮o麻....希望得啦......

找工找工，一定要找到工!!!!


>>August 5, 2003 at 3:33:29 AM GMT+8

2003 年 7 月 29 日 星期二 【晴】

今日的計劃又實行唔到啦，朝早本來係去整頭的，點知遲o左起身，食埋o野都十一點啦，三個鐘未必攪得掂，所以無去到電髮lu....之後去了書展，去到灣仔，先發覺自己張贈原來係早上的，傻o架...>.<，結果，咪要自己買飛入場lor....

本來諗住去書展我都唔會點買書，因為之前幾年去，我都只係買o左o的精品，好似無買過書，所以只帶了三佰元入場，諗住一定夠啦，點知，今年精品無咩點買，但書就買o左五本半(因為有一本係同卓樺share o羅)三佰蚊，只係剛剛好咋，我諗如果唔係無現金，我會買得更多，好在唔係帶o左好多錢入場o即....

終於都買了幾米的書了，睇了無限次，今次終於真係買o左lu，因為真係好好好抵呀!!!!我買了向左走、向右走(這本勁抵，$20咋，因為係簡體版)，買o左布瓜的世界(這本想要好耐啦，都只係$32咋，都係簡體版..)最後仲有月亮忘記了(這本無晒簡體版啦，但又係我最想要的一本，所以這本最貴呀....$48呀)我全部都係買o左最細本咋，因為真係好貴呀，無錢啦....細本都唔捨得買啦....之後，仲買了本靈修書，我的一本剛剛用晒，還有一本半屬靈書....heehee.....精品今年只係買o左一件俾自己咋...有俾妳、俾你同俾妳的禮物.....呵呵呵呵......希望你o地會鍾意啦，唔鍾意都要話鍾意呀.....知無？？！

回家快睇了一次月亮忘記了，明天再慢慢睇多一次...yeah~~~

明天的活動，補習，之後約了君、龜、sally去唱k，唱完之後....游水!!!


>>August 5, 2003 at 3:32:56 AM GMT+8

2003 年 7 月 28 日 星期一 【晴】

今日原定的活動都改動了，本來游水、桑拿的，之後變了書展，但去到現場才發現買不到即日飛，結果，變了行街街同食tea，臨去綵排時，竟然碰見一個ied的同學仔(其實我連佢個名都未知，只係認得....不過，佢就出名o即，佢又會認得我o既？！)佢係街度做緊市場調查呀.....哈哈，一份兩分鐘的調查，我o地做o架十幾分鐘呀，勁呀，其實係度講緊找工的情況...mum....又一個有教學理想的人因為市道而轉職了......

之後，就是綵排了，今晚，好想跳得好好，係休息時間，都要自己諗返下一隻歌的故事內容，希望自己跳得更投入同埋跳得出個mood，不過......仍然係甩...>.<點解跳極都甩o架？那些死穴，就開始甩到而家啦，一定要克服佢.......我跳的三隻舞入面，有兩隻都成日企前面，但原因當然唔係我跳得好啦，只係因為跟高度企，其實，以我的舞技，要企前面都好大壓力呀，因為無得跟之餘，每個位都要記得好清楚，如果唔係後面o既人就會度唔到位啦，除o左清楚，仲要早埋位.....哇哇哇...大家都知我記性差o架啦~>.<~而且，一甩就好覺眼啦.....又影響o左全隊表現.....mum..............上帝呀，你話在信的人凡事都能，咁你就俾我有信心，可以跳得好，記性大增啦，好唔好？仲要唔好甩，記得o的step之餘仲要跳出個mood，好唔好？我好貪心呀，不過係你話凡事都能o既!!!!

今晚出奇地早完，因為book場只book到十點，所以好早完，

話說調頸嶺的原名是吊頸嶺(這句係出自立怡的)，我o地八女兩男共九人，一齊係調頸嶺站轉車，在調頸嶺站上車，車門關上後，電腦聲帶響起，電子顯示板也亮起了....調頸嶺站的燈位在閃呀閃，聲帶在說，下一站調景嶺...................點解....點解我o地會係調景嶺站撘去調景嶺站o既？難度.....時空轉移了？難道我們轉車時行了去吭口？.......好驚呀......但車門已關上，而且已在行走了....之後，每一個站，就少了一個隊員....................到底，佢o地去晒邊？？？

其實，只是一場爆笑的搞錯，地鐵的聲帶我電子板出錯，仲搞度個職員要係咪度講，這個是油塘站，請乘客上回車箱....哈哈，我o地當然係係車箱到爆笑啦....好嘈呀.....哈哈，點解八女兩男會係九人？因為我o地數錯數o羅....仲有，每個站都有人落車，佢o地就梗係返晒屋企啦....哈哈...笑到肚痛!!!

明天的活動，早上去整頭，中午去書展，夜晚返屋企食飯，食完飯好唔好游個靚水先回家做o野呢？明天可以用個游水月証啦...哈哈，落去游返半個鐘，焗埋個桑拿，沖埋涼先返屋企都好喎....呵呵.....回家，就要開始預備我的艱苦找工的東西啦.....點解會咁難o架>.<...但係見到有人有成效，辛苦都無計啦.....過埋下星期，我諗大家會見到我黑晒o架啦....

要找到工呀!!!!!!!!!!!!!無論是人工，是理想，是自己的經濟同屋企的經濟，我都要找到工呀!!!

現在還在考慮會不會去應徵那正生書院(那是一間福音戒毒學校...)好有意義，不過好大挑戰，我唔知自己捱唔捱得住呀，因為一星期要留宿四晚o架，而且，對住的，唔單止係一份教職，仲係一班有毒引的人，身體的疲倦之餘還有心靈的疲倦....請為我代禱呢....


>>August 5, 2003 at 3:32:19 AM GMT+8

2003 年 7 月 27 日 星期日 【晴】

今日，係放暑假咁多日來最充實的一天(不過其實我都只係放o左幾日假o即)，皆因我的減肥大計正式開始，而且，昨晚的失眠終於都有少許好轉了，雖然仍睡得不好，幾小時醒一次，不過可以睡了五六小時才醒，之後仲可以訓得返，已經好好啦，結果今日可以訓到差不多十小時，雖然仍未可以補回之前一星期的失眠，但已經好好啦。起來後，本來是約了馮生食lunch的，但馮生太忙了，食不到飯，改了中午四點上zone和他傾計，食完飯還有些時間剩，實行了我的減肥大計，落了會所游水，一個人游水其實也有好處的，不用等來等去，約來約去，又唔洗之前預定，攪掂我的東西就落樓下，因為唔洗約朋友，所以可以好"哩far"都可以，只係，游的時候有點悶，所以只游了半小時就上水了，之後去了焗桑拿，第一次焗桑拿，好舒服呀，我仲以為會好熱好辛苦，但完來游完水焗係咁正o架喎，正到想係入面訓覺呀!!!!!爽呀!!!!!!!!!沖完涼，已經差不多四點了。

上到zone找馮生，馮生第一件事仍是問著我找工的情況，給了很多途徑，很多意見我，我看見他的著緊......唉!!!!我實在捨不得這位非常著緊我的傳道人呀...，問完我找工的東西，少不免是問對上一次的感情傷口好返了沒有，當然，他是其中一個令我康復的關鍵人物，相信，也是知得最多的一個，想不到一年了，他還記掛著我這件事，馮生.....好多謝你呀!!!!!如果是幾天前，我還不知怎樣回答他，可能仍是答他....好得七七八八啦，不過，今天我已經可以告訴他，我康復了，沒事了，是真的，不是因為不想他擔心，而是我真的康復了。連等的心也沒有了，還不康復？

和馮生傾了個多小時，行了一陣街，就和daisy食飯，之後就去排舞啦，今日終於都買o左護膝啦，個膝蓋終於都唔洗瘀啦!!!仲可以同daisy傾o左陣計，好開心呀，今次應該係第一次同daisy食飯咋(唔計大圍食那種)...yeah~~~

今日，我真係覺得自己好返晒o架啦，因為我今日完全無晒唔開心...(有閃過的一刻感觸，不過無唔開心)，我諗，這個時間，找多些東西給自己做，就不會多想了，不多想，經過一段時間，自然就可以康復了。好，我每天要做的其中一件事，就係要為明天計劃活動。

明天早上，補習，放工食飯，食完飯去游水加桑拿，返屋企休息片刻(同埋寫求職信)，之後去排舞....咁就一日啦!!!哈哈!!


>>August 5, 2003 at 3:31:37 AM GMT+8

2003 年 7 月 26 日 星期六 【晴】

昨晚哭了數小時，雙眼都腫了，很難看，但我的眼就是這樣易腫，回到教會，總是低著頭，不想任何人看見那腫腫的雙眼，不過，馮生總是這樣細心的，他第一眼就看見了，問我為甚麼這樣憔悴，我只是告訴他胃痛吧，是的，胃痛是真的，不過，哭腫了雙眼才是主因，馮生問完，我也急忙的低下頭.....馮生走了，教會裡，還有人會一眼就看出我的心事嗎？崇拜正式開始，當音樂響起，我的眼淚就開始湧出來了，禁也禁不住。哭並不是因為歌詞的感動，因為我連歌詞也未看清，只是，當我回到上帝那裡，那份安全感就叫我立即哭出來了，只有上帝，最清楚整件事，最清楚我的傷痕，哭哭哭，有的是歌詞的感動，但更多是因為我知道我回了上帝那裡，可以放聲地哭。

上帝呀，感謝你，縱然你知道孩子有何等大的錯，你都去原諒，你都去洗淨。你的管教嚴厲，卻又帶著恩慈。你看見我的傷痛，你醫治我的傷口，你明白我，清楚我，時刻與我同在，即使我不可愛，也不值得愛，當最感受到不被這世界去愛我時，上帝你就對我說你愛我，是何等的愛。上帝，對不起，曾承諾過今生今世最愛的都只會是你，不會再被任何人，任何事成為我心中的最愛......卻又再一次失信於你，但上帝你對我的愛仍然沒變，上帝，感謝你!!!願我真的不再被世界吸引，最愛的永遠是你。

哭了幾小時，被上帝醫治了，今天，我已經好多了，中午還有少少的不快，晚上排舞時，我已經變回平日的我了，和花花說說笑笑，和小蟲玩這玩那，發癲，大笑。不過，當所有人離開了，剩下我一人時，傷痛總難免還有一點點。始終我要時間再一次康復，關心我的朋友們，想我快點康復，多點約我去街時，出外散散心，有朋友陪，我一定可以康復得快一點的。我不要每年暑假都這樣浪費了，不要每個暑假都愁著臉過。今次，我只給自己一個星期，不能因為傷痛影響AP。我會好快好返的!!!!!!!!因為上帝必醫治。

感謝上帝叫我可以早日清醒，我終於都可以下定決心放手了，不是這次，不知我還要等多久。感謝主，求主繼續醫治。

對他的恨...少了，但想起，火仍在。


>>August 5, 2003 at 3:30:52 AM GMT+8

2003 年 7 月 25 日 星期五 【晴】

我恨你!!!!!!!我恨你!!!!!!!!!!

係你將最好的形象破壞.......係你一手造成的!!!!!!!!

我恨你............................................


>>August 5, 2003 at 3:30:00 AM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107084

Design & Scripting by ShowHappy.Net