2003 年 5 月 2 日 星期五 【雨】

哈哈，果然好開心咁回來....真係要謝謝yuki同進進呀....係幫yuki慶祝生日，但我真係覺得好開心呀....同進進玩到癲o左呀...呵呵呵呵^0^......雖然我日記唔多記事，不過，真係好想記低今日搞笑的東西.....我都記唔晒...盡量啦....
(1) 放好多壽司係yuki面前，睇o下佢幾時可以唔覺唔覺咁食晒...(這個yuki唔知的，係我同進進的鬼計....哈哈...進進提議的...)不過都係比包糖yuki搞笑o的...哈哈...下次啦...
(2) 進進叫我估五月生日的一個人，提示係︰一個重要且靚仔的人....呵呵...鬼估到咩，我同yuki都話這個提示...真係好難令人估到......迷底係進進.....
(3) 進進同YUKI拿住我TP無聊時影了一張亞超的相係度傻笑，YUKI勁叫進進影返張，遮住晒成個面，一定好靚仔....之後講到自從肺炎之後，個個戴晒口罩，IED多了好多靚仔....哈哈，全街的人都靚晒
(4) 討論搞笑的中小學生戴口罩的百態
(5)進進話︰yuki唔鍾意靚仔.....我話︰又係喎..... (哈哈...yuki打人呀!!!呵呵) 飯後行街街
成餐飯笑到唔洗點食.....無停過咁笑o左兩個鐘，不過唔記得咁多啦....
(6) 我同進進玩"利"(舌頭)....(有幾隻按佢會伸/射利的公仔)...好肉酸呀........我同進進係度鬥"lam"對方...個感覺真係好好好內酸呀......咪埋o黎呀......哈哈....我o地由手開始玩到上塊面、耳仔同條頸....我o地都比那隻外表好可愛但有條好內酸的利o既"可愛" 小白兔"lam"o左好多o下呀.....e.....真係好核突呀........諗起都核突...佢o地星期二實有排玩呀...最衰我要實習去唔到啦....
(7) 玩了一輪伸利公仔，進進話走啦走啦，我同yuki又跟住走…老闆娘叫返住我o地︰未俾錢呀…..哈哈…..yuki偷o野呀…未俾錢就走…..笑死啦!!!
(8) 話o左俾進進知我改了info個名叫圓碌碌.....佢成晚係到笑我圓碌碌，仲加o左好多個好內酸o既名，哼..我係唔會講o既...heehee........
(9) 和進進"雨中漫步"...兩個老師竟然好低B咁係條街度玩遮....傻瓜...呵呵呵呵^0^......

最後，進進仲送埋我返屋企添....謝謝你!!!!又"重要"，又"靚仔"的進進....呵呵呵呵....^0^
笑唔停的一個晚上........

再一次祝yuki越來越靚，開開心心....今日生日過得開心嗎???我就好開心啦.....^____________^


>>May 3, 2003 at 6:05:18 PM GMT+8

2003 年 5 月 2 日 星期五 【雨】

這兩天都log in了日記，開了新一頁，但之後....甚麼也寫不出.....是不是這兩天太悶，沒甚麼可以寫??不是的，我的日記，由頭至尾根本只得很少是寫事的，沒事做，也不代表我沒東西寫，我的日記....由第一篇開始，最初的目的，都是想紀錄我的心情，我所想的....這兩天，想很多，煩很多，每日都有著很多的感受...但我...寫不出，是因為這些都不能寫在這裡!!!!
今天，突然又想起.....想起那令人生氣，失望的事、人....她們...令我失望....那時，真的很想續個續個的去問，為甚麼妳要這樣？這樣，妳對得住我嗎??搞成這樣，妳開心了嗎?每一個，我都好想她親口的告訴我...有沒有...是不是............我控制不住自己像沒發生過般待她們，"扮"沒事，已經是我的極限了.....難怪她們都怕了我....是因為我真的禁不住自己的嬲，戲份太差，所以讓她們看見了....還是她們自己心有鬼，自覺慚愧，所以怕我??事隔這麼久，我還有點生氣............她...我也不太嬲了，為甚麼她們倒令我生氣....是因為她們是我身邊的人，是我信任的人，所以我生氣嗎?...唉..................說真的，我仍不懂和她們相處.....繼續做戲，繼續扮無事吧.....何時，我才可以真真正正的原諒她們??其實也沒事發生過，因為...我好肯定，她們根本沒有影響力，但就是....原諒不了她們曾有的想法.......想起，心更煩....
這兩天，心情煩得要命.....
今天是yuki的生日，在這裡說聲生日快樂吧!!!!祝妳新一年和Cliff開開心心，找到教藉...(這個我都好想呀=) )要出街了，和yuki慶祝生日...唔知出完街會唔會開心o的呢??!!

>>May 3, 2003 at 9:27:04 AM GMT+8

2003 年 4 月 30 日 星期三 【晴】

偶意間看到一個同學的網上相簿，很多很多的相片....有ied的相片，有其他的相片，很精彩的生活...反觀自己....我的生活為甚麼會那些枯燥的？放假.....放了整整一個月了，這一個月我在做甚麼？天天也在家喊著悶吧....去玩？去過一兩天啦...做o野??又沒多做喎.....看到同學的生活，真的感到自己的很苦悶.....我每天在做甚麼？活在自己的世界裡，想這些....想那些.....就像沒有了真實生活一樣....我每天到底在做甚麼？開電腦......看看大家的OD...icq...似是有意義的...因為我渴望與更多人接觸，了解更多人，可以同更多人溝通....看別人的OD，icq傾談，都好像叫我更能關心身邊的人....不過，真實是怎樣？是的，某程度上，我online，我見到別人有需要時，我可以伸出雙手，特別是那些我格外關心的.....沒有機會見面時關心，沒有機會電話問候.....我只得透過icq....我的同學問我為何這麼喜歡icq...要講o野，為甚麼不約出來，為甚麼不用電話??不是更直接了當嗎??是的....但因為某些人你是不會和他講電話，不會約他見面的.........在網上，我去關心人...去鼓勵人...但我自己呢???原來我仍是枯燥的....怎樣才能過很更精彩???在學校生活了兩年了，住宿舍，本應令人與人的關係更親近，不過，在學校我實在找不到一兩個好朋友，知心人.....大家都一堆堆的，但我總是埋不了堆......有人說過，我這些想法好細路仔，人在群體中，根本不需要埋堆的.....埋堆是很小朋友的行為呢....或許是，但...我根本就是細路仔，我沒有一刻不承認我是帶著細路仔的性格呀......早說過，我這幾年根本沒有長大......看見別人，反觀自己，百般滋味在心頭........
看見他..........我不能做甚麼.....只是，心裡，不禁的仍是怨.....為甚麼她不好好待他????屈屈的心情.....幸好已經晚了，我帶著明天又是新一天的信念，早早去睡吧.....

>>May 1, 2003 at 4:34:27 PM GMT+8

2003 年 4 月 30 日 星期三 【晴】

好鬼悶呀.......咁就放o左一日啦.....今朝起身，又頭痛又胃痛.....>.<激死!!!
諗通了，俾人鬧...唔緊要!!!!只係係天上多了點財寶吧!!!!!為義受逼迫的人有福呢!!!佢一個鬧我唔緊要，因為有更多的學生睇到我寫o既o野，而且佢鬧即係佢都睇到啦!!!hee..hee...
本來今日係同小屎小人她們去BBQ同入ied的(佢o地話要探我宿舍喎...)，無去度，成日就係屋企add o下學生的icq、e-mail，搞掂dog power的newsletter同埋改埋淨返的工作紙....同了個學生icq，好開心呀...呵呵....又有學生讚我靚....哈哈哈....咁多謝呀!!!!!!我都知你o地花言巧語o架啦....雖然唔係事實，不過都好開心喎....咁識"乙水"女仔，第時實追到好多女仔啦...哈哈.......
明天返學又DAY OFF...仲唔有排悶......唉......

布布，妳太緊張啦!!!試O下祈禱啦!!!我以前考試時成日唱MY PEACE O架!!上帝會賜出人意外的平安，開考前祈禱會無咁驚O架!!!!不過，我係出名唔識處理壓力的，我都唔知點可以幫到妳呀!!..我會考同AL都因為太大壓力搞到食唔到O野，會考時半年食唔到O野呀......之後一有o的咩有壓力我就食唔到o野，所以....我都唔識處理呀....只可以叫你放鬆o的啦!!!!支持你呀!!

Alec,謝謝你呀!!!我諗通o左啦!!我無事啦!!^^
Eric，heehee...你睇到相簿呀???不過那堂打爛了好多o野呀.....>.<.....好彩那天個lab. tech.無返o即...不過之後那堂都係打爛o野.....都唔明o既.....我無事啦!!放心!!!

>>May 1, 2003 at 11:21:15 AM GMT+8

2003 年 4 月 29 日 星期二 【雨】

激死啦!!昨天就頭痛了一天，搞到連教案都未寫完就頂唔住要訓啦......由朝早痛到夜晚.....今日就胃痛...食完飯就開始痛...唔制呀!!!昨天想寫日記又等極都入唔到來!!!!
寫返昨天先!!!
昨天其實成日都唔係咁開心......不過亞超同亞姜都睇唔出，可能因為佢o地太忙了，一個掛住訓覺，一個掛住上網，我又無出聲只係坐係自己個位度，一直到食飯時間.....亞超同亞姜見我唔係好出聲，以為佢o地激嬲o左我...哈哈..其實少少啦...因為佢o地都無o左當初對我的風度，係度串我>.<...不過，主要原因都唔係佢o地，我只係唔想出聲o即.....不過佢o地知道我唔開心之後又設法逗我笑....攪笑...仲記得亞超係度逗我講咩事個樣...好似逗細路女咁...講o左少少俾佢知，不過...佢唔會明o架啦，我同佢係兩個世界o既人，佢只會覺得我鑽牛角尖，想得太多o即!!!不過，都好多謝佢!!!最少，知我唔開心就無再拿我來玩啦.....昨天不用team train，但...我好掛住dog power呀....>.<
到今日啦.....唉!!唔順利的一天.....昨天在家以為隻教學光碟在學校的file裡，但今天是第一堂呀，遲了一分鍾到月台，等了十五分鐘才有下一班車，返到學校，只剩下十五分鐘就要上堂啦，諗住都仲會睇得切隻碟，點知....又發現唔係學校喎...死啦，無o左隻碟，落唔到去o架喎......唉，無計啦，都夠鐘上堂了....點知，今日連預備好的都差不多做唔切，因為班學生o羅.....收張工作紙收o左鬼咁耐...個個都話唔見o左....咩喎，唔見o左就唔洗做呀??追o左咁耐都未肯交!!!放假前收o架啦，回來又提一次，都仲係唔交......無得原諒呀!!!星期五仲交唔到就知死!!!...哼.....
返到屋企，竟然俾個學生係ICQ鬧我...好HURT呀!!!佢竟然話我 "搞錯...咪教壞學生啦，甚麼耶穌愛你...我地係佛教o架....." ....>.<...激氣!!!
本來明天約了小屎小人她們去BBQ的....不過，因為落雨....又改期了.....>.<
今晚好胃痛呀....但我係唔會食藥O架=P...HEEHEE..

陳sir，哈，我返去補習都唔會帶埋雞翼o架啦..???!!!

>>May 1, 2003 at 1:57:48 AM GMT+8

2003 年 4 月 28 日 星期一 【晴】

大家寫得咁開心，我又寫o下先!!
把整封E-mail複製，貼在一封你要寄出的新郵件上!
將所有的答案改成你自己的，然後寄給你認識的人，包括將這封信寄給你的人。
這個理論要說的是，你將了解你的朋友許多不為人知的種......

現在幾點：
2003年4月29日上午9:05

你的全名：
譚翠珊

你現在正在聽誰的歌：
冇聽....風扇聲同隔離個人的鼻鼾聲算唔???(唔好亂諗o野呀....>.<)

你在哪裡讀書(工作)：
香港教育學院....畢業啦!!

你最後吃的一樣東西是什麼：
麵包...一邊食一邊睇大家這個所謂的"e-mail"...因為都唔係係e-mail度睇o既

現在天氣如何：
好晒呀.....熱..熱...熱

戴隱形眼鏡嗎：
上年這個時間開始戴..
上一次生日蛋糕上蠟燭的數目：
我都唔記得有無蠟燭喎.......對上一次插o左幾支蠟燭俾人就記得....係一整個蛋糕咁多..好一個噴火蛋糕

你通常吹熄這些蠟燭的日期：
1月3,4,5,6都會喎....以前通常係5號o羅..而家都唔係年年有人同我慶祝......

你們家養過什麼：
雞仔(幾星期就死o左啦)、金魚(好記得漢堡包同魚柳包)、雀仔(小黃、小綠、小藍、小白...細個時幾無創意??!!)、貓仔(佢自己來的，不過爸唔鍾意佢，佢只可以住廚房，最後一次佢係隔離屋喝坑渠水，點知有通渠水，就咁死o左...佢好鍾意食我整o既白汁o架!!!>.<)...仲有無數毛公仔，熊熊妹妹、亞bear、乾乾、扒地熊、訓覺pooh、好多好多隻豬、傻羊、訓唔醒.....嘩!!數天光都未數完喎.....不過，佢o地每一隻都有唔同專長同性格o架!!!

星座：
山羊座....無咩特別

兄弟姊妹跟他們的年紀：
大九年的哥哥同大兩年(二十個月咋)的姊姊

眼珠顏色：
深啡！好耐之前做實驗睇過

有幾耳洞：
左右各一

你有刺青嗎：
冇...都唔鍾意有!!

你喜歡你目前的生活嗎:
一般啦....悶o左少少，但唔洗成日喊......

出生地:
香港

喝過酒嗎：
細個成日飲啤酒，識o左上一個男朋友之後因為唔俾佢飲，自己都覺得唔好飲，所以無飲，但上學期因為個同學唔開心，所以陪佢飲酒傾計....一支diamond black就暈暈地啦....@0@

曾經出過車禍嗎:
成日都差少少，因為我由細到大都唔睇車過馬路的...=P..嚇死媽媽呀...好彩大命仲係度

去過哪些國家:
中國....無啦...最遠O個次都係BB仔時去了北京咋....好想去法國呀!!!

覺得自己花心嗎:
絕對專一得出奇，專一得可怕，有時都想自己唔好咁專一.......

暗戀過幾個人：
好感有好多，仲好易有添，但好感唔代表暗戀....真真正正到而家我覺得係暗戀的得兩個，中一時的一隻動物(無聯絡好耐LU.....)，上一個男朋友.....大家都暗戀O左對方一段時間先一齊...但未到出聲那刻，大家都只係以為自己單戀對方喎....=P

會因為害羞而不敢跟人告白嗎：
唔關害唔害羞事，我係唔會向人告白的!!!

喜歡沙拉醬:
討厭，見到都唔開胃........不過竟然曾經整好多沙律醬的沙律俾人食.....>.>

不敢吃的東西：
昆蟲....

最喜歡吃什麼東西：
多啦...糖、糖水同一團團的食物(湯圓、上海年糕同餃子---只係餃子皮咋喎...)

最喜歡喝什麼:
果汁...唔太好汔水，但都會飲的

最喜歡的顏色：
橙黃色、黃色........不過，好多人以為我鍾意白色.....都OK o既..可能係習慣吧!!!

最喜歡的數字：
23.....最討厭9...唔好問點解!!知o既人心水清就會知!!!

最喜歡的電影：
....mum....龍貓、小鞋子(有意思而且係同佢睇o既第一套電視)......唔記得啦，我好少睇戲o既...

喜歡看哪一種電影類型：
有內容，有意思的...唔鍾意無聊的笑片

最喜歡的卡通人物或品牌：
曾經係所有的豬，差點兒也收集晒成個pork chop family了....而家鍾意麥兜、扒地熊....同埋一o的蠢樣o既o野

最懷念的日子：
98年5月19日，98年5月23日，2000年12月23日

最傷心的經驗：
最愛的人離開我......痛得不忍再看

最喜歡星期幾：
以前是星期五(因為可以出宿舍見到佢....)而家無咩特別....應該較鍾意星期二.....但嚴格來說，見到我鍾意的人那天就鍾意...(我的舊團友們同dog power...間唔中會好掛住屋企人)

喜歡春夏秋冬哪一季節：
秋天，因為最憎濕"立立"，又唔鍾意著好多衫

喜歡的花：
我諗係鍾意o既人送o既花，又或者係...E花...呵呵.....>3<

喜歡或是最怕遇到的話題:
喜歡︰上帝的聲音，心靈的對話
最怕︰好無聊的吹水，又懶搞笑...笑完又無意思!!!仲有就係係我面對講三級o野!!!討厭!!

喜歡的運動：
羽毛球、游水、跳舞(唔係dog power又未必會鍾意喎....)...鍾意睇"人"打排球....

比過哪些比賽有得獎：
小學時故事演講比賽(比o左咁多次，都唔記得第幾lu..只記得無試過第一)、60米、100米同四乘一百男女混合接力賽、中六時English speech day the best female speaker同埋champion、係ied的畫畫比賽...仲有無呢??唔記得啦!!!

喜歡的冰淇淋種類：
1st芒果....2nd香芋...

最怕什麼東西：
老鼠......咸濕的人!!!無恥的人

最喜歡的電視台：
無線....習慣了，媽媽喜歡.....

如果有來世：
都無o既!!!

討厭做的事：
....食唔o野時比人迫/自己迫自己食o野.....同埋心入面唔願意做的事

討厭別人做什麼 ：
我只知我最討厭第三者..
討厭人做的........多手...

擅長的事：
了解自己想了解的人...簡真係心靈相通，X光機看穿人內心啦...不過只限我最著緊的一兩個人....

上次上醫院是什麼時候:
陪媽媽去醫院洗腸....

臥室的地毯是什麼顏色：
綠色(屋企的)...彩色(宿舍的)

以後想做什麼職業:
教書教書教書教書教書教書教書教書教書教書教書教書教書教書教書教書......好有heart的老師!!

你們家有多少層/你們家住幾樓：
11/10....13/2......42/6....咁多屋企...你講邊間呀??

你們家是公寓.社區.大廈.別墅哪一種：
大廈....大廈...同出租的房仔...(仲要同人分....兩個人一間，$9200一年，包水電煤氣，有別墅/渡假村的景，同豪宅別墅share同一個境!!)

你覺得碟仙怎麼樣：
可怕....唔好搞我...我不嬲都勁怕鬼

你覺得自己十年後會在哪裡：
結o左婚，有一個仔/女，好錫我的老公，好幸福的家庭，係一個好好的老師.....又發夢了!!!!夢想成日都唔同事實o架啦.....我諗係...一個人，成日無無聊聊咁繼續發夢o羅.

寄這封E-mail給你的上一個人是誰：
係karen、eva、winnie個日記度同alec個網頁度睇到

無聊的時候你大多做些什麼：
icq，寫日記、講電話、睇電視.....畫畫(這個少o的)..這個月做齊.....

最喜歡聽什麼類型的歌:
詩歌

你住得距離最遠的一個朋友是：
地理差呀....荷蘭遠o的定加拿大遠o的呀????荷蘭已經失去聯絡了，但我仍然好想佢返香港時找返我呀!!!加拿大....咪由細玩到大的兩隻羊o羅.......出世就一齊玩啦!!!青梅捉馬呀!!!=p

世界上最惱人的事：
絕對係愛情!!!!叫人痛卻又渴望得到

全世界最好的事：
上帝的愛......

目前有男(女)友嗎：
無呀!!!老公有一個...上帝o羅...

覺得同性戀如何呢：
無奈...

對於沒把握的事情態度如何：
我成日都無o架啦，找人幫o羅.....所以咪依賴o羅

如果有人誤會你，你會：
好唔開心......好想同佢講返個事實

如果有人誤會你，又不聽你的解釋，你會：
激氣!!!!之後同我的朋友講餐飽!!!

有想過要怎麼對付你討厭的人嗎：
有，想過好多次，好多個版本......走去佢面前，刮佢兩巴，恨恨的罵她無恥、賤格!!!!之後即刻走，等佢無得罵又無得還手!!!!嬲.....諗起都嬲!!!!.....不過無做過.......

你認為你的另一半幫你付錢是理所當然的嗎：
不.....以前都成日AA o架啦，佢都知我硬頸唔肯洗佢o的錢....

若你的另一半硬要幫你出看電影的費用時：
好嗲咁講多謝啦!!!

通常幾點上床睡覺：
睇o下咩日子o架咋喎.....長假中就四五點、實習中就十二點一點、返學日子就三四點

你猜誰會最先回這封信：
沒有人回

最不可能回覆：
點知喎....唔來我日記的人o羅...不過實在有咩人來我日記我都唔知喎.....

現在心裡最想見的人是誰：
想見但怕見.....所以都無....可能係訓唔醒，因為我好眼訓....好想抱住佢訓

想要幾歲結婚？
以前計過係28-29 o羅....而家，拖都未拍，鬼知咩!!!三十歲前啦!!

今天心情好嗎：
不好!!!煩!!!

有想過要自殺嗎：
成日都有o架啦!!!小一小二小三小四.....中一中二中三..中四...大一.....hey...唔記得啦!!!

最希望誰回信：
無咩特別喎

現在幾點了：
2003年4月29日10:16am

我等候你的回覆

好長呀......


>>April 29, 2003 at 2:15:31 AM GMT+8

2003 年 4 月 28 日 星期一 【晴】

昨晚和君君傾完電話才睡...本來只想說一會就睡的了，但我們因為一些做法，一些心態各執一詞，我真讚歎君對人的善良，為人的著想，對人的愛心.....這些我一直以來都知道的，但因為昨晚的事，我更覺這一點，這叫我這個稱為基督徒的羞愧，實在自愧不如....得著基督的愛的我，本應比一般人更懂得去愛，更能愛自己的仇敵，這些，我都知呀....但....實在很難做到....要我體貼人的心意，要我從別人的感受作出發點，要我對人有愛...對著我愛的人，我喜歡的人....不難；對著陌生人，不是一件易事，卻是可以做到的；....對著她....好好好好好難.......要我不恨，本身也花上很大的功夫了，但要我愛她...我想，某程度上是可以的，但絕對是大是大非我才做到....一些介乎黑白、或許可以給我藉口不去做的，是任何的藉口，我也很難做到......我明白，我絕對明白君所講的道理，我也絕對認同，而且心覺偉大，但.....或許我短期內也做不到這偉大.....妳的說話，的確令我反醒，今早一起來，仍是想著妳的說話.....妳所說的，對我不是完全起不到作用，只是...我需要時間，需要空間.......謝謝妳的提醒！！！

>>April 29, 2003 at 12:21:20 AM GMT+8

2003 年 4 月 27 日 星期日 【晴】

我的英國夢....幻滅了...發了兩天夢，越諗越想去，最後，放學就去了拿資料......夢就此完了...原先我的前路終於都有少少的亮光，點知，閒了兩天，它就熄滅了!!....原因???價錢是一個問題...花上十幾萬讀new U係唔係有點浪費?而且，不能肯定一定是一年，但這個也是其次...最重要的..是我趕不及考英文試...我最遲要六月考試才趕得上，但放低了兩年的英文，怎能用一個月時間溫返？而且，這可能需要比我之前更好，才夠6.5分....個試要千三元呀...不是幾百蚊，不能試o左先呀...而且，要七月前搞掂所有東西，實在有點趕，趕的不是要預備資料，而是不夠時間我想清楚讀那間U，是否真的去，過去會遇到的問題等......連旅行也未去過的我，若要去留學，得要好長的時間準備和決定...明年，一定去不到的了，而且九月開學....除非我七月就知自己會不會找到工吧..我始終都是工作第一位o麻...那些都只是找不到工的後路.....所以，下一個學年，一定去不到了......不過，這個夢會放在我的心中，或許，再下一年我會去的....今年，先考了個英文試才算吧!!!所以，一定要讀返好英文啦!!!.....
沒有了這點光...又要更積極的找工了，但每一個人，總給我們一個好灰的答案...."真係好難找"..."有點兒奇蹟"....已經唔係唔好彩找唔到工....係好好彩的話找到工...唉................

放學回家，今晚自己煮飯仔，數一數，原來我兩個月無煮過飯啦...還弄了久久沒弄過的香蒜雞翼，仲有無沙律漿的沙律....咁耐無煮飯，又幾好玩喎，咁就玩O左一晚啦...算啦!!!

同牛女傾完，又玩完煮飯仔，心情好返點了....唉...面對現實.........

>>April 28, 2003 at 3:51:40 PM GMT+8

2003 年 4 月 27 日 星期日 【晴】

這幾天在想出外升學的事.....事由是joe叔叔的一個資料，他說，我的情況，在香港實在好難找到工的，去英國讀一年我就可以拿個degree了....聽了之後，這幾天也在想，海外升學的可能性...越想，我就越想去，老實說，連我自己也覺得自己是隻井底蛙，在香港，連正規的大學課程也未嘗過，好彩找到工作的，還可以part-time完成degree，但part-time...我一向質疑這可行性，可以學到有幾多，返工之後返大埔上堂....已經累透了，還有精神上堂嗎??加上，在教院的學習成效...這兩年，的確有眼可見，這是香港普遍大專/大學的問題.....常聽說外國的教育制度比香港好得多，真的很想去看看，去經歷一o下.......part-time形式，要讀三年呢，加起來，也要八萬元.....不幸找不到工作，連part-time degree都讀不到....那我可以做甚麼??我得讀完degree才可以再入職了...有想過去art center讀個art的degree，不過，那個也要二十萬三年....三年呀，二十萬呀......現在，多條路看....過英國讀一年，拿一個更好看的degree回來，提升自己的英文水評，開闊自己的眼界，學習更獨立的生活(我是個倚賴的人，是時候讓自己長大，變得更獨立了!!)...但今天，在網上看了些資料，看見價錢....已經有點嚇怕了，學費加宿費.....十一萬多呢......還有生活費呀....不過，算起來還比art center平，而且，一年就讀完了....但十多萬，在屋企這個環境，真的有點敗家....唔知點好呀..不過，真的很想過去讀，這是我眼見最有前途的路了...屋企的最大後盾會支持我嗎??
還是去看更多資料，看看入學的準則，看看有甚麼手續，看看入學資格，其他費用等，拿夠資料再回家和屋企人商量商量......

>>April 28, 2003 at 1:07:56 AM GMT+8

2003 年 4 月 25 日 星期五 【晴】

剛看了一套有關老師學生的電影，很老套的穚段，一班壞學生因著一班有愛心的老師，改過自身，努力發奮.....其實真的好老套，不過，我竟然好感動，可能因為越來越近去當一位教師，越來越貼近一位教師的心......真係好想好好去愛錫每一個學生，不過，有時對住佢O地又唔知講咩好.....而家，好多老師都唔係真係為了當一位老師所以做老師，只是因為這職業人工高，穩定，假期又多.......真的沒很多是有HEART的...在這些人面對，反而感到壓力.........亞超的一句，o下，你真係咁鍾意教書呀??我都猶豫了一會才答....係呀!!!....不過，我知自己做緊咩o野，下次，我會毫不猶豫的答......無錯!!!....
大家見工時，每一個都會講到大家好有心好偉大咁....不過假o既，但又偏偏這些人就找到工...激氣!!!!..........
要做一個有心的老師!!!!

>>April 26, 2003 at 6:57:44 AM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107109

Design & Scripting by ShowHappy.Net