2003 年 2 月 6 日 星期四 【晴】

嘩!!!
睇返實習學校同ied的校歷......原來我成個四月返六日學咋??!!唔係呀o麻??!!!好似多o左半個暑假咁喎...
我要好好諗o下個假期點用先唔會浪費啦.....這段時間，應該係最忙的，要盡快搞掂o的功課同埋揀工的預備.......!!!!唔好浪費呀!!!!

>>February 7, 2003 at 9:10:54 AM GMT+8

2003 年 2 月 6 日 星期四 【晴】

傻o架傻o架傻o架!!!!!
昨晚又成晚發夢，話o左唔准再發這些傻夢o架啦，又發!!!仲越發越無聊添!!!!昨晚已經定下了目標，話放低就要放低!!!!!衰夢，唔洗諗住你成日出現，就可以打激我o既士氣呀!!唔洗諗住你成日出現我就唔會放得低呀!!!放馬過來....我唔驚你o架!!!除非上帝要我返轉頭，否則，我絕不會因為你而放棄我o既目標!!!!!!
今日訓到點幾鐘呀，本來校o左鐘十點半起身，點知個鐘由昨晚校鐘時開始就沒有行過...好似訓o左好耐都仲未夠鐘o既，睇o下幾點...???o下??仲係三點半o既!!原來個鐘停0左....咁就訓0左十個鐘啦.....仲諗住做0野0架添!!!要急起直追了!!!!
今日再聽好耐都唔敢再聽的一隻碟，係他給我錄的碟，是他很喜歡的歌手，碟入面有很多以前他成日唱給我聽的歌，有很多我唔准佢唱的歌......以前仲會聽這歌手的碟就會覺得是他在唱給我聽的.....現在聽起來個心好像有點東西的，但聽多兩次，搞掂!!!!李克勤的歌，唔再屬於他的，唔再關他事.....得唔得呢??!!!

忘記背後，努力面前的，向著標杆直跑....
我的標杆，就是放低他!!!!

肥肥，點解會變亞sa呀??食得耐唔代表食得多o架喎!!!!妳幾時考完試呀??妳考完試我會唔會已經實習緊啦????
毛毛，我都好錫你o架!!你跟熊熊走得去邊o丫，咪又係係間房度周圍走??!!!!等我考慮o下實習會唔會帶埋訓唔醒pooh pooh同埋傻羊返o黎同你玩啦!!!

>>February 7, 2003 at 6:29:27 AM GMT+8

2003 年 2 月 5 日 星期三 【晴】

好似好耐無係宿舍寫日記咁啦!!!其實都只係一個星期之o麻
今日好開心呀，約了ms chan chan食lunch，還約到文泉、小強、君君、家瑤、gragra、sally一齊，小強推o左班同學同我o地食o架!!幾俾面呀!!!真係好耐無見過文泉同小強咁啦，家瑤，sally同gragra都有一段時間無見過，好開心呀!!仲收到ms chan的利是，佢仲請埋我o地食飯添!!!真係多謝晒呀!!!!我o地由一點幾食到四點，好勁呀!!!
之後，同君君、sally行o左一陣葵芳，就回家了，因為我還要趕七點返到ied上堂呀!!!返屋企，收拾行裝，帶埋傻羊，就回宿舍了，回到ied遲o左少少呀!!

想起早兩天文泉說，他回來也不接受才算是放低了。今日唔知點解突然好想的起心肝，放低佢。是的，今天給自己的目標是，即使他回來，也不再接受了......已很久沒有為自己和他的關係，放低他的心祈禱了，今天，要再一次為這事祈禱!!!!我要努力!!!我以前說我是幸福小豬嘜，今天，小豬嘜已經變成彈塗魚了，未來，我知我會更幸福，因為，未來我會比這次更懂得去愛，也更清楚自己想要甚麼!!!!明天的幸福，因著昨天的幸福會變得更幸福!!!
不知怎的，好像越和他接觸，就越放得開，可能因為，我越發覺他不是我想要的了!!!
努力努力!!!!

暗戀妳的人，我估妳係靜欣....唔好玩啦!!!!呵呵...
Alec，傻羊咁可愛想唔錫佢都唔得啦!!!!我已經將佢帶o左返宿舍了....佢真係好傻呀!!!傻羊︰咩咩咩....點解哩度咁"狗"笑o既??!!!

>>February 6, 2003 at 4:11:56 PM GMT+8

2003 年 2 月 4 日 星期二 【晴】

看到了靜欣的日記，她已經不是第一個說看完我的網頁哭的人了。
看完她的日記，叫我不禁的再回看自己所寫的網頁，她看到哭的，不用猜，我也知是那一部份，再看我和他的故事，估不到，連我自己也眼濕濕了.....回想起和他的四年，仍是捨不得，我們經歷過的，是的，是沒人可奪去的，但那情已不再了，想起他為我做過的傻事，想起我為他做過的一切，很多，也沒有記錄在網頁內，但仍深深的記在我的記憶裡，跟著已寫低了的，加入自己腦中的，無限個可惜在心頭，我真的很想問一句，如果，我不是他的第一個，他會捨得放棄嗎??
回想起舊事，我仍想哭，但哭甚麼??我已不知道了，一切也成了事實，是改變不了的事實，我和他，他和她...一切已成定局了，我還哭甚麼?我不是已接受一切了嗎??是的，我已接受了，我已再過我自己的生活了，但那代表我不再為此流淚嗎??那代表我不再為他傷心嗎?????不!!!!!!但我到底在哭甚麼??連我自己也找不著原因.....算了吧!哭過了.....本來還在掙扎今晚去不去.....現在決定...去了，不想一個人留在家...也想去做一些有意義的東西，這個大專生的身份，很快會成為過去了，一個大專生，該多去關心我們的社會...總比留在家想著舊事好!!!!!!.....這些事，出來工作後恐怕沒有機會了!!

>>February 5, 2003 at 7:37:23 AM GMT+8

2003 年 2 月 4 日 星期二 【晴】

傻o架傻o架...........幾個月沒有夢見他了，幹甚麼他又在我的夢出現呀??還要是不可能發生的...醒了自己也覺可笑.....難度我真的未放得低??!!昨晚文泉說......我似是未放得低呢....我給自己兩年的時間，難度真的要兩年??我也不知.....可以早一點嗎??.........唔准再發這些傻夢了!!!!!

今天，由屋企走過來，很溫暖的天氣啊!!!不刺眼的陽光，台頭看看天...想起暑假的日子...想起暑假我甚麼地方也不想去，只是喜歡留在家，躺在梳化上從窗口處望著天上的藍天白雲，今天，走到這條路上，再望向天，突然想起那令人舒服的藍天與白雲........自那時開始我愛上了藍天白雲，閒來沒事時，我也喜歡看這天空和白藍，那給人一種佷平靜很舒服的感覺，連我的畫，也除著我這愛好，添加了藍天白雲。愛看這天空，也愛畫這天空........媽媽說，當然是沒有雲的天空最美吧，我卻認為，白雲令這天空添上了精彩.....

>>February 5, 2003 at 6:52:32 AM GMT+8

2003 年 2 月 3 日 星期一 【晴】

今晚team train遲到呀!!!!入o左dog power咁耐，第一次遲到呀!!仲一遲遲o左十五分鐘添!!! =..( 都係自己出門口太慢了!!!!!>.<搞到去到上氣唔接下氣，唱詩時間都未安靜返...個心去到都仲係趕呀趕呀趕咁....唔制呀!!!下次唔准遲呀!!!
今晚得好少人咋，應該二十人唔夠，可能新年好多人都唔得閒呀，好似好多人都好耐無見過啦，小蟲都好耐無team train啦，如果唔係係教會都見到佢，實掛死我o即!!!
今晚仍舊有賢仔教跳舞，第二堂的hip hop....呵呵....好難呀!!!!!雖然話之前都已經學o左十堂jazz，但都覺得好難，始終都係兩樣o野o麻!!!跟唔到跟唔到...不過，習慣o左了，雖然都仲係會因為跟唔到，手腳協調唔到而有少少唔開心，但..ok啦!!!經過上次訪問後，賢仔記得我個名了，完o左team train仲走過o黎問我跟唔跟到....哈哈，唔知會唔會灰親佢呢??我答佢..哈哈，跟唔到呀，不過都慣lu.....賢仔，我會努力o架啦，最多係屋企自己練多o的啦!!!

昨晚好開心呀，收到兩份新年禮物...自年初一收到媽媽的新年禮物，今天收到了兩份，第一份是E花的利是...入面係一張月歷o黎o架....之後仲有Alec的"傻羊"好好好好好好好好開心呀!!!!傻羊個樣好傻呀~~~年宵o個時我睇o左佢好多次，由年廿八的年宵睇到年廿九的年宵都仲有睇佢，不過，最後都係無買度，因為覺得如果係自己買o既，隻羊仔就無意思啦，佢會係我一隻唔多珍惜的公仔，買完...放係屋企.....繼續放繼續放....都話過公仔唔會自己買，之前已經自己買o左好多隻了....所以最後都係無買度......估唔到Alec會自己行年宵時買俾我喎!!好開心呀!!因為係別人送的，羊仔就有意思了，這是Alec送的!!!^o^ 謝謝Alec.....傻羊已經俾我為佢塑造o左一些性格了...我玩o左一晚呀，訓覺時都仲玩緊....呵呵!!!同埋屋企那兩隻羊...羊羊得意....三羊啟泰....連媽媽都同我一齊癲...heehee....我會帶埋佢返宿舍陪我o架啦!!!.......除o左收禮物，件禮物都送o左俾花花啦!!!紫色o既扭扭頸巾...花花話會帶埋佢去短宣o架!!!好o野...俾Eric話我大細超...heehee....花花係我禱伴o麻!!!!條頸巾本來聖誕就想織o架啦，但聖誕節實在太忙啦，又買唔到冷，所以無織到......都唔係凍到好多日lu!!!

晚上回來，和文泉講了個幾鐘電話，本來約食飯的，講講o下，又講了我們的感情生活...我??空白一片o羅...不過都講o左少少這幾個月的生活...不過，又收到了你的壞消息，不過見你沒甚麼，那就好了...只是這樣短的時間，真的平服了就好了!!!!!對呀!!下次記得找個信o左o架啦!!!

花花，heehee....你鍾意就好啦!!!妳是我織俾女仔的第一條半頸巾...之前織了半條(半條家姐織的呀!)俾媽媽，今次織俾妳呀^o^......為妳代禱呀，等你返o黎同我分享o丫!!!

君君，妳o個條家瑤話織o架o麻，妳織得咁叻，不如妳織條俾我先啦!!!
咁我都祝妳快o的找到個妳又鍾意佢，佢又鍾意妳，仲可以係埋一齊o既人啦!!!

今晚，好開心...........咩咩咩~~~(傻羊在叫了!!)

>>February 5, 2003 at 6:32:57 AM GMT+8

2003 年 2 月 3 日 星期一 【晴】

yeah~~~終於都搞掂份禮物了!!!唔知佢收到會唔會飛撲埋o黎錫我一啖呢??!!!呵呵........我係唔會話俾你o地知送俾邊個..........住o既.........送o左先啦!!費事佢睇到!!!!!


今晚有team train啦!!好似等o左好耐咁!!!!好o野，今晚又見到花花!!!!四日冇見啦!!!

>>February 4, 2003 at 9:34:57 AM GMT+8

2003 年 2 月 2 日 星期日 【晴】

今日唔知發生咩事....好掛住以前添..............唔準傻!!!!!!!!!!
今天沒有去街，只留了在家，上上網，開始了少少教案...不過一隻字都未寫過呀，只係睇睇本教科書，諗o下可以點教，可以有咩活動.....
好悶呀!!!!!今日係赤口，都唔記得去找人找交嗌添...........上年好應節o架，仲喊o左一日添!!!!

好悶呀~~~~

晚上，份禮物九九十十啦.......加油加油......


陳sir，新年快樂呀!!!!都祝你快o的找到個愛自己o既人啦!!!可唔可以改o左佢做自己愛o既人呀????

>>February 4, 2003 at 9:28:01 AM GMT+8

2003 年 2 月 1 日 星期六 【晴】

年初二，照常返教會....今天一早醒來想起....mum...他今天不會回來了，照習慣，他今天要入元朗媽媽的屋企拜年，應該不會回來了，想起後，反問自己，為甚麼還記著他的事呢??!!!算吧.......今天的崇拜，很少人呢，如我所料，他沒有回來了....不過，崇拜完了，joe叔叔竟問我︰『ET呢??』不是O麻，分手差不多八個月了，難道你不知我們已經分了手??自上一次在我們分手大約半年後，QLY問我，為甚麼ET不回來時，我已感到奇怪，差不多半年了，看不見我們已再沒有一起回教會，沒有一起吃早餐嗎???看不見我們連說話都沒有談過嗎??今天，再多兩個月了，還有人這樣的問，到底，教會入面還有多少人不知我們已經分手了??唉.........每一次他們這樣問，就好像在提醒我，我們以前是有多要好，我們這個"打風都吹唔甩"的形象有多深...........最後，我也只是淡淡的對JOE叔叔說，我們分手多時了!!!!!
午飯之後，我們去了LOWELL家拜年，三組一起到LOWELL家，其餘的兩組也不是剛過去的少青組，而我們自己的一組出席的組員，也只有我一個是末代少青的團友.....，他們，好像很久沒有接觸的人，卻反叫我感到舒服.......和他們已經不太熟了，但.........沒所謂吧!!!!
回家開年後，出了去和小朋友，抓抓同埋亞康傾計，我們由九點傾到十二點，很久也沒有和抓抓傾計了，她........變了很多了，由學生變了現在的投資顧問，由一個簡單的中學生變了大有目標的職業女性.......不知甚麼原因，好想更多接觸她.........

E花，我都好想避呀.........見到o的情人節廣告，個心都有少少唔舒服....
小屎，我都好掛住妳呀，好耐冇見妳啦，這兩個星期仲冇得開小組呀>.<
君君，我今年情人節dayoff呀，不過晚上要上堂，上到九點半呀~~~~無所謂啦，這個節日，對我來說，變得沒意義了~~
winnie，新年快樂.....希望妳今年真的可以快快樂樂啦!!

>>February 3, 2003 at 8:43:44 AM GMT+8

2003 年 1 月 31 日 星期五 【晴】

年初一...........悶................無聊...................
咁就一日

>>February 3, 2003 at 8:20:41 AM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107106

Design & Scripting by ShowHappy.Net