|
2003 年 5 月 10 日 星期六 【晴】
今天是教會的母親節主日，我因為趕不及報名，所以去不到了，但也未必是一件壞事。今天，我跟了在實習學校識的lab. tech. 張小組返她的教會，是在油麻地YMCA的生命樂福音堂，是一間好細好細的教會，今天，應該都只有二十多三十人，真的好細，很久很久沒試過(其實係印像中未試過)崇拜的敬拜只有司他沒有司琴的了，可能因為教會細，有琴都唔夠司琴吧...還領了個出奇地小人的聖餐，我都唔知有幾多，只知道好快好快....，其實一切也很不習慣，又是這樣了，去到別的教會，就會特別的掛念自己的教會，掛念每星期熟識的面孔，唔知點解，好掛住鍾生呀.......不過，細教會有細教會的好，我最欣賞係當中崇拜完了的分享、代禱和祈禱時間，教會細，竟容許會友在崇拜後自由的公開分享、另外，他們在程序表的代禱事項，竟然差不多是每個會友的代禱事項，大至結婚，小至??的找工找包括在內，很親切呢，最後的散會祈禱，就好似團契咁，兩三個人，以小組形式分享加代禱，感覺---好warm呢...，那邊的傳道人是鍾生的同學仔呢....還聽了外藉牧師的講道，哈...真係無咩機會聽到用英文的講道呀...很高興今天可以去到別的教會，參觀參觀!!!
-------------------------------------------------------------
崇拜之後，我就返了ied了，嘩，三個月沒有回來了(中途返過一次，不過留了不夠半小時)，一齊都感到好陌生，好似剛入宿咁，竟然唔記得三樓轉lift，洗手間的密碼連那個是一那個是五都忘記了...大頭蝦....約了牛女返去幫間房大清洗，一比九十九(其實只是大約一些漂白水加大約一筒水)...我們速度極快呢，個半小時就攪掂了，我o地一路抹，一路傾偈︳好開心呢.....洗埋衫，時間剛剛好，六點了....幹甚麼???又撘返車出來廢祝母親節o羅...
--------------------------------------------------------------
準時七點半返到屋企，今天的巴士好快呢...yeah!!今晚，我們全家人去了食韓燒，今次是我第二次食呢，第一次是前年的生日(係唔係呢，唔記得添!!!)好少可以咁樣一家人出街食飯，最難得o既係，亞爸亞媽今晚竟然無吵過交喎...哈..難得難得....就係咁，我o地好開心咁食o左兩個鐘，我又講o左實習時遇到的趣事...不過....成日比人話我肥同蠢......咩喎>.<.........食o左兩個鐘...趕唔切返返ied了，本來諗住食完飯返返去o既，點知唔得啦....唯有明早一早撘車返去啦..唉，八點半堂呀!!!!
-------------------------------------------------------------
小龜，我都好想係小組繼續努力，但....每一次返去之前都咁諗，但返完之後又後悔.....但我都會盡力o既...睇o下捱到幾耐啦....
>>May 17, 2003 at 1:59:17 AM GMT+8
2003 年 5 月 9 日 星期五 【晴】
好眼訓了，不過，今日真係好想記低.....
小組因為肺炎的關係停了幾個星期，上星期我又沒有出席，時間是一個問題，但完全無興趣，完全提唔起勁是更大的問題....今天，正常小組，我想，我都該回去了....但.....返到去，返了，代表些甚麼？每一都是這樣的，約了四點半，總是待到五點多才開始，今天約五點了，結果又待到五點半有多才開始...這情況上年也有，不過，上年等的時間，我們其實都是在分享，但現在....是吹水，是等.....吹水和分享是兩回事呀!!!等都不是最重要的問題......內容卻是最重要的問題....有些東西，我想，不該在這裡說，但...我真的完全投入不到小組入面的敬拜、查經、連分享也做不到完全坦誠的分享....之前也同鍾生說過了，鍾生說看看中七的組員回來了有沒有好轉，到時才再決定，是的，今天小屎、亞mik都回來了，很高興可以在小組中見到他們，我也喜歡他們， 但我仍是不能投入於小組中.....我知，小組，我也有責任，我不是想用消費心態去返小組，我看見小組的不足，我該出手，盡我的能力，去改善未足夠的地方....但我真的做不到......我有需要轉組嗎？我真的要這樣做嗎???但我無組可轉....三組之中，本來蟲仔的一組是最適合我的，無奈...我到了他們的組，對他、對我、對所有組員都不是一件好事，都不能有健康的小組生活、還有姑姑的一組，ok的，但.....那組的年幾都太細了，九月開始，我已經工作了，但她們才剛入大學，...還有一個我不知能否相處的肢體...我知我該學習去愛，但，能否做到，我不知道....又是一非常難適應的小組....那麼，我該自己抽身，不回小組嗎??唉...我是個無家可歸的人.....鍾生，你能幫我嗎???轉了小組，那yuki一個留在組可以嗎???.......苦.....我真的忍受不到在小組的時間了......
>>May 17, 2003 at 2:10:24 AM GMT+8
2003 年 5 月 9 日 星期五 【晴】
昨天竟不經不覺的過去了，或許昨天太忙碌了，太多事情發生，我竟不經不覺的過去....是好的開始???證明了甚麼？是的，昨天是第十一個月....距離我給自己的時間，又過去一個月了，餘下的日子會有甚麼轉變嗎，環境的轉變，事情的轉變，身份的轉變，心情的轉變.....這日子裡，會怎樣？會否數到一半，我就停下來不再數嗎???或者，這組數字未數完，新的一組開始了，這組就不會再數了....前兩天，還和yuki說起十一個月前的我，在宿舍大哭，哭到整個人都發抖了，一聲不發，只是縮了在床上，一不發聲，一發聲就告訴她，我走了....那時已經是晚上十一時多了....把她嚇死了....就咁樣我就震著哭著的離開了宿舍，她既不知我的去向，又不知我發生了甚麼事，只是看見桌上的相片都收起了，猜想我和他出了甚麼事....sorry呢，把你嚇倒了，還一消失就消失了幾天才回來!!!....昨晚，還輕輕的和他icq了幾句，..哈，竟不自覺的過去了呢........不知今個月的兩個重要日子，我還可以不自覺的過去嗎???那時會否又是忙得要命，之後忘記了日子呢??!!....想起昨天和他icq的其中幾句....再想，其實被人追的時間，好幸福.....有人會因為你一句不經意的說話做出一些你意外的事，或許你的不經意，他會為你做出費盡心思的，或會做出很多很多的...當然，那個人是你也喜歡的話，那會來得很甜蜜....坦白說，若不計開始拍拖後的日子，他並不是最令我感動的人....可惜，令我感動的卻不是我所喜歡的......
Kira,好難得有人留言呀，因為這裡只供member留言....>.<，我怎找也找不到可以在那裡寫你同我講的方法呀!!!我好掛住妳呀.....星期四晚見...^.^!!!
>>May 17, 2003 at 2:03:22 AM GMT+8
2003 年 5 月 8 日 星期四 【晴】
因為之前個日記死o左，所以要換過個啦 ....要用返以前o個個唔係唔得，要俾錢o羅.....正在考慮會否俾錢用返以前o個個....這段時間，用著這個先啦，這個日記好多o野都好好，最唔好係留言，我都仲未識用晒個日記呀...好似唔係member留唔到言的....唔制呀!!!!
今日係最後一日的實習了，終於都完啦，走時，捨不得，不過就鬆了口氣，做學生始終好過做老師，做老師，係學校就要負起好大的負任，好大壓力，有自己俾自己的壓力、老師俾自己的壓力，還有學生俾的壓力 ......
今日，忙足一日呀，一早返去食完早餐，差唔多無停過，o的學生，唔到最後一日都唔交功課，落去追完又追，始終都係追唔齊，救命呀，放學先叫做追得七七八八，搞到放學先改埋o的簿....最討厭就係追功課啦..>.<，除了收功課，要寫咭(我的都寫晒啦，今天返去只係寫那些夾份送的，早知都係我寫就昨晚寫啦...>.<...要交低返所有東西，要送咭、派餅、同埋同o的學生、原任老師同工友們影相)...今日第一張送的咭....lab. tech....那個XX的lab. tech.送完就走了，沒影相，也沒有拿西餅上去...本來都想拿的，卻害怕尷尬，如果俾人打回頭，仲衰過無拿...所以送完咭就走了...之後，第二張係我好鍾意的lab. tech. ..heehee..雖然佢唔係直接負責我個lab.的，亦唔係真正幫我o個個，但我有咩問題都好鍾意找佢 ，因為佢好nice、又好helpful，好好人o架!!!我去拿西餅俾佢、送咭同埋同佢影相，佢張咭，係真心想送的，就算不是傳統要送，我都會送，因為真係好多謝佢呀!!!我仲係pra. room和她傾o左差不多一個鐘偈...好開心呀!!!好nice好nice.....其餘的兩個原任老師我都真係好想送，因為佢o地真係教識我好多o野，亦好幫我!所以，佢o地三個張咭，我係特別俾心機寫的，仲畫晒公仔...真係好想講聲多謝!!(..樓上lab. tech.我都好俾心機寫....因為....好難寫....)....本來想寫埋俾兩個一齊實習的同學的...因為佢o地起初真係好照顧我o架，對我好好，好有風度，幫o左我唔少，不過，一來今日無時間寫...而且...唉，唔講啦....如果實習沒有延長，可能佢兩個係我心目中永遠都係咁好....最可惜的，係佢o地最後唔可以俾到我一個好好好好的印象....或者可以咁講，開始時的印象，好好多倍....放學的時候，同原任老師ms chan影了相，又同兩位IT TECH.影了相，好開心呀!!!
除此以外，今日仲收了兩個學生的信，有幾個學生上來找我影相，見到佢兩個就想笑，一早上來，問這問那，問埋o的無聊問題，都知佢o地係有o的o野o架啦，不過又唔敢開聲，最後放學再上一次，終於都開聲啦，原來係想同我影相....哈，傻瓜!!!同我影相之o麻，洗咩怕醜喎....^0^...之後，收到兩個學生的信、一個學生送的禮物，係一隻好大好大隻的bear bear呀!!!!!我仲估係鎖匙扣咁大的公仔...原來，嘩!!!咁大隻，嚇死我啦!!!放學之前，又收到另一個學生的杯...其實，禮物係咁唔緊要，係佢o地送o既，咩我都咁開心!!!終於都明白點解o的亞爸亞媽咁鍾意收o的仔仔女女畫的畫...又醜樣，又唔知畫咩....但收到時，又非常開心...哈哈..。記得上年睇住其他同學都收到學生的禮物，即使是一筒糖，都會好開心，可惜，我連一張紙都無呀，上年班學生係好錫我，佢o地對我都好熱情，但到我走時，都只係得兩三個學生來找我影相咋....令我質疑佢o地係唔係真係咁錫我....不過，再見返佢o地時，佢o地仍然都係好熱情的...難明!!今年，學生表現得無上年的咁熱情，但走的時候，卻又給我很多的反應....其實，我都好唔捨得佢o地o架!!!!不過，始終都係要走o丫...隻bear bear我會帶埋返宿舍的!!!對住佢，我會更俾心機找工的!!!hee...好開心!!!
我還會有機會見到你O地嗎??
>>May 17, 2003 at 2:24:30 AM GMT+8
2003 年 5 月 6 日 星期二 【晴】
嘩!!!今日個日記搞咩呢，咁易入到o既，之前兩日入十幾次都error，入到又save唔到save到又出唔到....襯佢今日咁work，reply埋o的留言先!!!!
yuki，妳果然好好蝦呀!!!!連生日都俾我o地蝦!!!唔怪得亞joe咁鍾意搞妳啦....呵呵....^0^....那晚真係好開心呀，謝謝妳呀!!!
進進，死o架!!!!信唔信我delete你個留言o丫o拿......哼.....哼哼哼哼哼哼哼.............哈...我係永遠都唔會記得邊個五月尾生日o既......睇怕我要有排找邊個係又重要又靚仔啦...唔係你o下o麻???ar??!!...sorry!!!!..哈哈哈哈哈哈哈..........^0^....你又搞到我笑到唔停口啦.....heehehehehehee.....
>>May 7, 2003 at 1:53:01 AM GMT+8
2003 年 5 月 6 日 星期二 【晴】
昨天兩個日記都hang晒...激死我啦，仲要係打完先hang，搞到要打多次.....>.<
這是昨晚本來想打的日記....
有點後悔說了給同學聽，因為晚上，心入面突然出現一句經文︰"伸冤在我，我必報應"...其實，我根本不用訴苦，因為上帝必會替我伸冤....不過，本來還有一點點的嬲，一點點的恨，但這句經文安慰了我....而家無o野了.....
不過昨天勁黑仔呀，早上俾人激完，晚上食完飯返屋企，竟然係路上見到一隻大大大蟑螂...好大隻呀，有平日的兩倍咁大呀....好恐怖呀....我係天穚企了差不多五分鐘都唔敢走過去，行兩步退三步，真係好恐怖呀......驚到差o的喊出o黎啦......最後，一口氣的跑過了，跑到落了天穚，去到隧道先停下來....好驚呀....那一刻，好無助，都唔知點算好，好想好想突然有個識的人在天穚出現救救我(當然，我想起他吧....不過驚完之後先想起佢都怕大蟑螂....=p)，最後當然係無啦.....
幾經辛苦返到屋企，魂魄都未齊，坐係梳化仲驚緊時.....又有一隻唔知係咩o既昆蟲出現，今次仲飛了在我身上....嚇死我啦....嚇到我即刻大叫兼走開.....好在屋企亞哥係度搞掂o左佢，唔係我仲有排驚呀.......嚇死我啦.....小蟲呀，唔好再叫妳o的friend來找我啦，我好驚佢o地呀.....唔洗客氣啦.........>.<....
驚驚........
>>May 7, 2003 at 1:38:16 AM GMT+8
2003 年 5 月 5 日 星期一 【陰】
上完堂回來了...氣也消了一點點，但真的好好好好好嬲呀!!!!
妳說太遲了，妳預備不了...ok，我自己空堂去買材料，我自己去準備，物資我自己預備，需用的各種實驗儀器我自己執好，不用麻煩妳了...這樣也不可以??
我知，是我遲o麻，不能在兩日前通知，係我唔o岩係我錯....妳唔幫我預備，我無說話好講，妳也只是做的份內事，執正來做...是的，妳沒有義務要格外的待我好，也沒有義務要好nice咁對我...但我想你也無權阻止我在pra. room預備我的課堂，pre. lab.是我的身為教師的責任，難道在教員室pre. lab.???以阻著妳為藉口，太牽強了吧!!!我不能在兩天前請妳替我預備實驗材料，那我不用妳幫手，我自己預備，妳能說甚麼嗎????...妳不能干涉!!!!怎能以我搞亂妳的東西為藉口？即使是無眼的人，只有耳朵，也聽出妳是全心留難了!!!!實驗室的東西，是學校的....pra. room也是學校的，別把它當作是妳私人房間，私人物品!!!......我只是要一樽酒精，是隨手拿到的，甚麼也不用預備，妳竟說我太遲通知妳????難道一樽酒精也要兩天前通知妳???過份!!!!我想說，即使是堂上我臨時要用酒精，這在實驗室隨手可得的東西，也理應可以拿到...何況我在一堂之前說我要一樽酒精!!!!根本就是全心留難我....!!!!!雖說妳不是教師，但在學校工作，可否仍留有少少的原則---"以學生為本"，妳不是在留難我呀，妳是在留難學生，可否顧及學生的利益??做實驗，最大的得益是學生呀.....妳為難我，妳存心要我一堂失敗，最終受害的，是學生呀!!!!
真的從未遇上一個這樣unhelpful、unfriendly......在兩間學校實習，大大話話都有幾百人...妳是最XX的....憶及上年的學校，連亞姐也相處融洽，有講有笑....上年的簡生，可以在空堂和他在pra. room飲茶說笑.....和他一起研究實驗......
我知我都要負上責任，但妳......可惡!!!!!!最後的thank you咭，我真的不想送....
算!!!!為了ied...我忍妳!!!
我在我的日記發洩，我想妳不能干涉了吧....可惡!!!
>>May 6, 2003 at 4:44:06 AM GMT+8
2003 年 5 月 5 日 星期一 【陰】
嬲!!!">好嬲呀!!!
>>May 6, 2003 at 2:42:34 AM GMT+8
2003 年 5 月 4 日 星期日 【雨】
傻瓜瓜的一天....
今日紅色暴雨警號呀...學生唔洗返學，不過老師洗唔洗呢??實習老師又洗唔洗呢??我唔知喎...同學問了學校，老師要返的...所以，我們都返了(係因為我話要返，所以佢o地唔想漏低我一個...)結果，返到去....點解得咁少老師o既??副校長??o下...T-SHIRT牛仔褲??原來老師都唔洗返o架..我o地更加唔洗啦...結果，返去食完早餐就走人了...留了半小時...仲俾亞姜同亞超勁話我o羅....sorry呀，累你o地返晒o黎..對唔住呀...=( 我都"si" o左廿幾蚊車費同早餐錢啦...返到屋企，繼續訓...起身都一點了...傻瓜!!!
講返昨天，昨天早上返崇拜，一唱詩，眼淚就流下來了...第一句就哭，我在想，其實，或者我的眼淚忍了好耐，喊唔出，返到好，有個機會俾我就喊出來了...加上，通常見到最信任的人是最易喊的...唱詩時見到天父o麻，去到天父度，就算天父咩都唔講，一見到佢就喊o左先啦...還在聽道時畫了新作品的草圖(不是唔專心呀..只係我想做些更實質的東西去記住昨天的講道，時刻提醒自己...件作品，是圍繞篇道的呀!!)之後，看見他...仍沒有勇氣和他打個招呼...連多望一眼也未做到...和小蟲講完正經事就行開了(另一方面因為我實在好多o野要做，好趕...)....
之後去了dog power的casting，我去了幫手接待那班中學生，不過，因為成日出去接人，都無咩邊個有講過o野...不過唔知點解又好興奮咁，見到班隊員，high o左，好掛住佢o地呀!!!!見到佢o地，又暫時放低o左煩惱...放低o左我煩的事.....casting之後，到我o地見排舞老師啦....好緊張呀，好似我o地interview咁...雖然今天的排舞老師都係舊隊員(jackey同亞基---亞基我係第一次見o架咋)...好緊張呀...學了...唔知幾多個八..因為..佢一時三拍一時又四拍咁數o既...?????不過...首歌好得意呀，我好鍾意，好似跳緊芭蕾舞咁...o的step都好似..哈哈...真係好得意...^_______^我鍾意...好想快o的可以排舞呀...不過，我又知開始排舞時係我好好好忙的時候...到時先算啦...我要好多時間練先記到o的step o架!!>.<
跳完舞，同隊員say goodbye後，一個人，我又再想到我煩惱的事....唉....自覺說了些不該說的...我少少都唔想介入他們之間...不論我心入面最想的到底是甚麼(其實連我自己都唔知自己想點...)煩，就是煩...唔想咁樣...直到今朝，終於看見他info的兩個字母出現返了，理應我是不開心的，但竟然，我看到舒了一口氣，也頓時輕鬆了...真的不明白我自己..哈...或者，我心入面最想的，不是擁有...就正如當日我提出..的原因..或許....我不想介入比想擁有多...我...絕不想成為自己最恨的一類人.....
>>May 5, 2003 at 3:56:41 PM GMT+8
2003 年 5 月 3 日 星期六 【雨】
好累了...雙眼差不多掙不開了....
昨晚說到四點，說了很多，也聽到了很多...我處於半信半疑之間....又站在左右為難的地方....我不知可以說甚麼..只是....
關機後，我仍不能安睡，睡前想著那談過的說話，醒來第一件想起的，仍是說過的說話...昨晚，的確激動了一點，也說了點不該說的..今朝一起來，想起了，心就煩起來了....我想哭，我真的好想哭....除了昨晚滴了幾滴眼淚之後，我就哭不出來了.....心入面，很煩..很困惑.....我不知...我連自己想怎樣也不知..不過，崇拜後，想通很多了...也放下了一點....不過...心情....仍有點煩....我願聽上帝的聲音...
好眼訓...寫不下去了...也不知可以怎樣寫...就讓問題....留在我的心算吧!!!
上帝，我等你!!
>>May 5, 2003 at 3:34:27 PM GMT+8
|
這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!!
廣告 |
|
|
讀者留言 |
| 路人留言
|
 仲有我記得來呀…
<br>雖然遲
>>January 28, 2011 at 5:19:52 PM GMT+8
仲有我~~
>>December 17, 2010 at 1:27:55 AM GMT+8
看到妳的日記, 我也感受到一篇出
>>March 16, 2010 at 2:09:20 AM GMT+8
很久沒有看你的blog了, 因為
>>March 11, 2010 at 8:33:30 AM GMT+8
好野 ~ 到你la ~
<br>
>>March 3, 2010 at 12:34:20 AM GMT+8
B姐,對象當然係我啦,佢成日話我
>>February 17, 2010 at 1:35:13 AM GMT+8
「敬拜由新郎領，司琴由新娘做，訓
>>February 15, 2010 at 3:27:48 PM GMT+8
wa~ 你好靚喎~ 兩條裙都好靚
>>February 12, 2010 at 11:15:28 AM GMT+8
魚哥哥仍會講"半夜三更，捨得訓未
>>February 11, 2010 at 12:29:06 PM GMT+8
半夜三更，捨得訓未呀？？！
<b
>>February 10, 2010 at 9:34:18 AM GMT+8
做咩唔開心呀.. 有咩打電話俾我
>>February 5, 2010 at 3:03:42 AM GMT+8
今天突然想起妳的日記, 到來看看
>>January 20, 2010 at 6:45:28 AM GMT+8
加油阿!cherry!
<br>
>>September 13, 2009 at 2:54:51 PM GMT+8
共勉之喔，雖然我都覺得很累!!!
>>September 10, 2009 at 2:45:34 PM GMT+8
暉暉︰有錢，並不代表受高等教育，
>>August 9, 2009 at 1:10:48 PM GMT+8
我以為你哋個D高級
>>August 8, 2009 at 12:14:35 AM GMT+8
哈哈，通常醉了的人都說自己沒有醉
>>August 4, 2009 at 5:08:49 PM GMT+8
暉暉︰想不到，後來更喜出望外啊~
>>August 3, 2009 at 3:57:06 AM GMT+8
哈哈，沙灘日...真係好"喜出望
>>July 30, 2009 at 3:12:48 PM GMT+8
咁幾時有得食呀~~~
>>July 13, 2009 at 3:55:07 PM GMT+8
我地都好耐無食過你整既湯圓喇~~
>>July 12, 2009 at 10:46:17 AM GMT+8
哈哈，又俾我找番你條日記link
>>July 12, 2009 at 12:51:15 AM GMT+8
請問彈彈湯圓是什麼東東??
>>July 11, 2009 at 6:15:30 PM GMT+8
我個名都串錯，唔開心0羅!!
<
>>June 19, 2009 at 12:02:46 PM GMT+8
嘩!~
<br>轉會都收到咁多禮
>>June 16, 2009 at 3:50:01 AM GMT+8
妳要保重身體哦~~
<br>宜家
>>June 10, 2009 at 3:46:31 PM GMT+8
其實我自己有時也會消一消失呢!所
>>May 30, 2009 at 4:45:11 PM GMT+8
咁Mark姐話你cool嘛，咁你
>>May 27, 2009 at 3:35:38 PM GMT+8
Yeah~ Cherry,歡迎你
>>May 21, 2009 at 2:36:24 PM GMT+8
翠翠好叻丫! 妳真低調啊! 也不
>>April 5, 2009 at 11:51:42 AM GMT+8
翠翠好叻女丫!!!!!!!!!拿
>>April 4, 2009 at 2:27:57 AM GMT+8
叫魚嫂嫂,蛋嫂嫂又或者笨蛋嫂嫂都
>>April 2, 2009 at 6:12:22 AM GMT+8
take care翠翠！！！
<
>>March 23, 2009 at 4:30:49 PM GMT+8
保重丫! 快d好返星期四回5同我
>>March 22, 2009 at 2:40:33 PM GMT+8
I miss Mei too~~
>>February 26, 2009 at 11:36:03 AM GMT+8
這陣子,我也常常想起她,十分十分
>>February 21, 2009 at 11:21:38 AM GMT+8
甚麼？難以置信！！
<br>可以
>>December 10, 2008 at 9:42:41 AM GMT+8
酸薇薇, 雖然我唔認識妳.. 知
>>December 10, 2008 at 3:48:09 AM GMT+8
哇哇哇！！！！我好喜歡那兩幅外星
>>November 9, 2008 at 5:31:15 AM GMT+8
我都好享受考試週每日都有半天假丫
>>November 5, 2008 at 2:17:41 PM GMT+8
to:pp
<br>係喎~差點唔
>>November 2, 2008 at 5:31:04 AM GMT+8
對上一次應該沒有10年吧!去Li
>>October 27, 2008 at 2:23:33 PM GMT+8
Cherry,唔好放棄!!!因為
>>September 23, 2008 at 11:17:29 AM GMT+8
翠翠,妳真是一個好老師喔!
<b
>>September 20, 2008 at 4:15:32 PM GMT+8
take care 碎碎
<br
>>September 8, 2008 at 3:25:23 PM GMT+8
我和妳一樣打敗仗哩! 一同保重丫
>>September 7, 2008 at 2:23:21 PM GMT+8
Te amo.
>>September 2, 2008 at 6:09:38 PM GMT+8
你當年那一班真的有好多經典人
<
>>August 26, 2008 at 10:27:22 AM GMT+8
哇~~~~~~~~~~原來你和碧
>>August 21, 2008 at 3:42:37 PM GMT+8
好耐無用房電腦..好耐無上來留言
>>August 20, 2008 at 5:26:11 PM GMT+8
|
|
人氣: 107091
Design & Scripting by ShowHappy.Net
|
今天是教會的母親節主日，我因為趕不及報名，所以去不到了，但也未必是一件壞事。今天，我跟了在實習學校識的lab. tech. 張小組返她的教會，是在油麻地YMCA的生命樂福音堂，是一間好細好細的教會，今天，應該都只有二十多三十人，真的好細，很久很久沒試過(其實係印像中未試過)崇拜的敬拜只有司他沒有司琴的了，可能因為教會細，有琴都唔夠司琴吧...還領了個出奇地小人的聖餐，我都唔知有幾多，只知道好快好快....，其實一切也很不習慣，又是這樣了，去到別的教會，就會特別的掛念自己的教會，掛念每星期熟識的面孔，唔知點解，好掛住鍾生呀.......不過，細教會有細教會的好，我最欣賞係當中崇拜完了的分享、代禱和祈禱時間，教會細，竟容許會友在崇拜後自由的公開分享、另外，他們在程序表的代禱事項，竟然差不多是每個會友的代禱事項，大至結婚，小至??的找工找包括在內，很親切呢，最後的散會祈禱，就好似團契咁，兩三個人，以小組形式分享加代禱，感覺---好warm呢...，那邊的傳道人是鍾生的同學仔呢....還聽了外藉牧師的講道，哈...真係無咩機會聽到用英文的講道呀...很高興今天可以去到別的教會，參觀參觀!!!
好眼訓了，不過，今日真係好想記低.....
昨天竟不經不覺的過去了，或許昨天太忙碌了，太多事情發生，我竟不經不覺的過去....是好的開始???證明了甚麼？是的，昨天是第十一個月....距離我給自己的時間，又過去一個月了，餘下的日子會有甚麼轉變嗎，環境的轉變，事情的轉變，身份的轉變，心情的轉變.....這日子裡，會怎樣？會否數到一半，我就停下來不再數嗎???或者，這組數字未數完，新的一組開始了，這組就不會再數了....前兩天，還和yuki說起十一個月前的我，在宿舍大哭，哭到整個人都發抖了，一聲不發，只是縮了在床上，一不發聲，一發聲就告訴她，我走了....那時已經是晚上十一時多了....把她嚇死了....就咁樣我就震著哭著的離開了宿舍，她既不知我的去向，又不知我發生了甚麼事，只是看見桌上的相片都收起了，猜想我和他出了甚麼事....sorry呢，把你嚇倒了，還一消失就消失了幾天才回來!!!....昨晚，還輕輕的和他icq了幾句，..哈，竟不自覺的過去了呢........不知今個月的兩個重要日子，我還可以不自覺的過去嗎???那時會否又是忙得要命，之後忘記了日子呢??!!....想起昨天和他icq的其中幾句....再想，其實被人追的時間，好幸福.....有人會因為你一句不經意的說話做出一些你意外的事，或許你的不經意，他會為你做出費盡心思的，或會做出很多很多的...當然，那個人是你也喜歡的話，那會來得很甜蜜....坦白說，若不計開始拍拖後的日子，他並不是最令我感動的人....可惜，令我感動的卻不是我所喜歡的......
傻瓜瓜的一天....